|
المسيرة إلى أين؟؟
المسيرة .. إلى أين ؟؟ أشرقت شمس صباح الاربعاء الموافق 15/6 لعام 1432هـ حامله معها فرحه تخرج الصف السادس , في هذا اليوم اقامت المدرسه مراسيم التخرج لطالباتها والاستعدادت كانت جاريه على قدم وساق وقبل هذا اليوم بأسبوع. ودق جرس العاشرة صباحاً معلناً بدء حفل التخرج وبدأت الأناشيد والاهازيج الممتعه ثم أعلنت القائمه على الحفل بدأيه المسيرة فأنتظمت طالبات التخرج في أناقه تامه يرتدينا العباءة السوداء يزينها وشاح وردي وقد أسدلنا شعورهنا لتكتمل الفرحه بوضع قبعات التخرج فوقها , ممسكه كل واحدة منهن بورده زاهيه ,وبدأنا المسيرةفي فخر واعتزاز موحيات لناظر بظهور جيل بريئاً , يتوسطن بنات المتوسطه والثانويه ثم انتظمنا على المسرح في وقفتاً واحده قد دربنا عليها سابقاً ثم بدأ التكريم والشكر لطالبات خلال السنه وبدء توزيع الهدايا وباقات الورود ثم ختم بتكريم الطالبات لمديرة المدرسه ولمعلماتهن القديرات, وبعد ذلك أمسكت المديرة بالمايك وأعلنت أن بقيه اليوم هو يوم مفتوح لجميع المراحل لتكتمل فرحه المدرسه جميعاً. أنفض الحفل وكان أروع مايكون وذهب الكل الى مكتبه ولم يتبقى الا المعلمات المشرفات على نظام الساحه وبدء المرح على أصوله بمفهوم الطالبات ثم ذهب الهدوء والتأنق أدراج الرياح واختلط الحابل بالنابل في فوضويه مخجله, ففي آخر الساحه قامت معارك المياة المعتادة , في حين أن غيرنا يموت وهو في إنتظار قطره ماء عذبه فالبعض منا يتراشق بها دون أدنى اهتمام. وعلى المسرح قد أتت مجموعه ممن يعشقون الفن ويقدرونه أكثر من العلم الذي يجبرون عليه على حدهم قولهم , وقامت حفلات صاخبه تصاحبهاالاغانى بكلماتها المخجله , وقد توسط الساحه عصابه (الفي أي بي ) كما يسمون انفسهم من بنات المرحله المتوسطه بفرد عضلاتهن على بنات الابتدائي والسخريه منهن ومحاوله غيضهن لتبدء مضاربات غير متكافأة , كل هذا والمناوبات يحاولن أن يهدئو الوضع ولكن لاحياة لمن لاتنادي . وأنهي ذلك كله بدخول المديرة مع بعض الاداريات وأخذ المتمردات إلى الادارة للقيام بالاجراء الآزم معهن , وقضى اليوم الذي كُنا نرجو أن يكون مناسبه خاصه تذكرها الطالبات لاعوآم قادمه وتكون ختامها مسك فأنتهى اليوم بمسك من نوع آخر .. بقلم .. شعوووووووووووله الرجه .. |
شعوووله كلاامك صحيح هذه نهايه الحفلات المدرسيه اذا كانت نهايتها يوم مفتوح للجميع فهذه بالنسبه لي كااارثه حقا كاارثه لانه بالنهايه لن يكون يوم مفتوح للتسليه وانما لخروج الاشياء المكبوته لدى الطالبات نعم مكبوته ماذا تسمي المجموعه التي ذكرتيها بال { في اي بي } هذه المجموعه يبغالها دراسه خاصه لمرعفه سبب بلطجيتهم على الفئه الاصغر منهم شعووله يسلموووو على الموضوع اذا كملت كلامي ماراح اخلص يعطيك العافية |
اقتباس:
هلا وغلا ..لي لي :flowers2::flowers2: نورتي يابعدهم .. بالفعل بعض الطالبات تكون مكبوته فتكون المدرسه هي متنفسها الوحيد <<وتبدء المواهب بالظهور <<حدث بلا حرج :lol: الله يهديهم. وهذي الفئه (في اي بي )وغيرها من الفئات وماخفى كان أعظم تتم دراستها من قبل المرشدة الطلابيه لكن جميع الاساليب التربويه لم تجدي معهم نفعاً لانهم يريدون الترويح عن انفسهم وان يقومون بإظهار القوة والعنف لانهم يواجهون هذا الامر في منازلهم وان يعيشوا يومهم وان الجيل تغير وحنا بنات الجيل الجديد <تفكيرهم ومنطقهم الغريب ..!!!!! اسعدني مرووووووووووك ومشاركتك الرائعه دمتى.. يعطيك العافيه .. لاخلا ولاعدم .. شعوووووووووووووووله الرجه كانت هنا<وحشنى حيييييييييييل :lol: |
هلا شعوله وعوده حميدة اانا اشوف ان اليوم المفتوح يكون غالبا نتيجه كبت ويكون الساحه حاله فوضى عارمه جدا لكن بدل من ترك الامر هكذا كان لابد من تنظيم لهم برنامج بسيط يشمل اللعب اكثره واصعب شي اختلاط المراحل الثلاث معا لان عدم تكافؤ الوضع اتذكر حينما كنت في المرحله الثانويه بجوارنا مدرسه متوسطه كان يمنع الذهب لها خصوصا بعد الانصراف خشيه وقوع مالا يحمد عقباه من مشاكل اما الشله الفي اي بي تحتاج الى دراسه اما الاغاني تحدثي ولا حرج لان الاهل يسمعون قبل الطفل فكيف تمنعي الصغير ويرى الكبير يفعله دمت بخير شعوله |
يعطيج العافية شعووول .. صح هذا الي يصير خصوصا في الايام المفتوحة ولا في التخرج واذا كان في اجتماع حق اولياء الامور تلقين كل بنت تطلع قهرها ولا الاشياء الي كابتتها وما تسويها >>على شان ما تخالف بهذا اليووم وعن نفسي دايم اشوف بثنويتي هذا الشيء خصوصا الماي ويشترون من المقصف الماي ويبطونه من فوق ويرش على بعض >>استغرب منهم احسه حركات صبيان وين الانوثه .. وتلقين الي تجيب المانكير والصف كله يحطه >>كل صف تلقين له لون يعني بنهايه الدوام الغالب حاطين الا من رحم ربي>>>يعني انا >>فيس الخجوول .. يسلمووو على طرحج المميز .. |
اقتباس:
هلا وغلا بفجر الامال..:flowers2::flowers2: نورتي لبى روووووحك .. الله يسلمك ياغلاهم ..لكن هناك مثلا من واقعي مدرسه مجمع فيها جميع المراحل يعني يكون فيها معاناة خصوصا بين الطالبات وهذا يرجع لفارق السن بينهم فالكل يبي يثبت انه الاقوى ..:peace: اما الاغانى فهذا بحد ذاته مشكله اذا الاهل يسمعون فيجب لفت الانظار الى الاهل بدل ان يعاتب هؤلاء الاطفال ومعالجه هذا الامر لانه امر خطير<<اجل وشلون راح ينشاء عندنا جيل آخر والاهل هكذا وشلون راح ينشرون الاسلام والاهل هكذا وشلون يحررون القدس وهكذا هي نشأتهم ؟؟؟....!!!! فل يخافوا الله في هذة الامانه وهم مسؤولون عنها يوم القيامه .. سعدت جداً بمرووووووك العطر.. يعطيك العافيه .. لاخلا ولاعدم .. شعوووووووووووووووووله الرجه كانت هنا .. |
اقتباس:
هلا وغلا فيك فوز 94 نورتي ياغلالالالالالالالالالاهم ..:flowers2::flowers2: لبى روح الخجوووووووووووووله يالبى يالبى :flowers2: <<لالالامااقدر على الخجول فديتها<<تعلمى ياشعوووله <<اركدي عن الطفاقه.. الله يرحمنا برحمته قال انوثه الا من رحم الله فيهم <<المشكله بالماي الى يرشون فيه هذي نعمه غيرنا فاقدها ويدور عليها وحنا نشكر النعمه بطريقه اخرى ..!!! التشدد والتضييق تؤدي الى الكبت والكبت يؤدي الى الانفجار.. وبالتالي يؤدي الى عواقب وخيمه لايحمد عقبها <<فماذا نستفيد ؟؟<<علينا مسك العصا من المنتصف .لاافراط ولاتفريط .. ههههههههههههه اما المناكير زين جات عليها الله يصلحك وصلوا لروج والمرطبيمر على الفصل كله ويستخدمه <<شعوووووووووووله بتموت من القرف ..<<الله يحميهم من كل شر<<الخوف انه لاقدر الله ينتقل مرض لكن اهم شئ عندهم الكشخه والوناسه الله يصلحهم ان شاء الله ..<<شعارهم في الحياة فلها وربك يحلها .. اسعدتني مشاركتك ومناقشتك الرائعه .. دمتى بحفظ الرحمن .. يعطيك العافيه.. لاخلا ولاعدم .. شعووووووووووووووووووووله الرجه كانت هنا .. |
أه ياشعولة جيتي على الجرح أمس كانت حفلة تخرج ثالث ثانوي وزي ماقلتي بس بدون الموية لا وفي حاجة ماذكرتيها مرررة مهمة وأنا صراحة أستحي أعلق عليها بس لازم نلفت البقية لها إلي هي توديع المعجبات لبعض يعني المتخرجات لحبيباتهم ألي باقي بالمدرسة يمكن في مدارس مافيها هذا الشي بس الثنويات لاتخلو منها تدرين صار عندنا ذا الشي وانمسكوا البنات وصار فصل لهم واكيد بتروح عليهم الأختبارات وكل السنة راحت عليهم الله يحمينا يارب ماأدري وش الحل لمثل هذة الأشياء ..
|
شعووله والله شيء يقهر جد أنا بكره المجمعات التي تضم الثلاث مراحل معاً (إبتدائي ومتوسط وثانوي) خصوصاً لو كان بوقت الفطور الكل يختلط مع بعض وتصير مشاكل فما بالك باليوم المفتوح أنا أفضل يكون اليوم المفتوح ضمن ضوابط يعني يكون فيه مراقبات وكل مرحله تكون بمفردها >> والحمد لله كنا نلعب ونمرح بالأيام المفتوحه من دون مشاكل :) الله يعطيك العافية ودي |
اقتباس:
هلا وغلا فيك ..عاشقات روايات أنفاس.. نورتي يابعدهم..:flowers2::flowers2: عاد هذا الاعجاب حدث بلا حرج الله يعين لكن حنا عندنا في المدرسه طبعا الادارة يطول بعمرها ماعندها وقت اقطع عرق وسيح دم<<ياحبي لها المثل:lol: <<اركدي ياشعوووووله .. بمعنى انها حاطه اشد العقوبات لهالموضوع لكن الحمدلله مو منتشر بكثرة لانه وجد له رادع قوى ولم يكن هناك تساهل..لكن صدق القائل ..ولكل قاعده شواذ.. وصدق من قال ..إذا لم تستحى فصنع ماتشاء.والله يحمينا ويحمي بنات المسلمين وشبابهم من كل شر ..آمين اسعدتني جدا مناقشتك المتميزة للموضوع.. يعطيك العافيه .. لاخلا ولاعدم .. شعوووووووووووووووله الرجه كانت هنا. |
اقتباس:
هلا وغلا حفيده الالباني.. نورررررررتي الموووووووووضوع ..:flowers2::flowers2: يعافيك ربي ياغلاهم ..وصحيح هالمجمعات ماوراها غير عوار الرأس ..لكن اختلاطهم ببعض مو كل الاوقات فقط وقت الانصراف <هذا بالنسبه للمدرسه الى انا فيها .. لكن الى تحدثتي عنه هذا الى الواقع الى صاير والله يسر ونحصل حل لهالموضوع .. اي والله حفيده زمان نلعب ونستانس من دون مشاكل ولاهواش..حتى وان وجدت بقله بعكس هالحين .. اسعدتني جدا مناقشتك للموضوع.. يعطيك العافيه .. لاخلا ولاعدم .. شعوووووووووووووووله الرجه كانت هنا. |
دي دائما نهاية اليوم المفتوح
وأنا في الثالثة عشر من عمري تم تكريمي لحصولي علي درجات عالية في النتيجة وبعد التكريم لم يتم استكمال اليوم الدراسي وقضينا اليوم كله جري ولعب لحد ما وقعت وكسرت رجلي......... بس والله أنا أتذكر اللعبة أكثر من تذكري التكريم يسلمووووووووووا ع الموضوع يا قمر http://photos.azyya.com/store/up2/081214223006soOZ.gif |
اقتباس:
هلا فيك ياKatia.q نورتي الموضوع يابعدهم:flowers2::flowers2::flowers2: الاروع هو مروورك العطررر.. اسعدتني مشاركتك للموضوع ومثل ماقلتي مانسيتي اللعب اهم شئ:lol: يسلمك ربي يابعدهم.. يعطيك العافيه .. لاخلا ولاعدم .. شعوووووووووووووووووله الرجه كانت هنا .. |
| الساعة الآن 10:06 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية