|
الا هي أم شو يعني لو زعلناها
السلام عليكم ورحمة الله وبركاته.. شحالكم عسآكم بآلف خير..! طبعـآ اكيد عرفتوو ليش انا هون وحق ليش.. الصراحه احترت وآيد عن الموضوع الي بتكلم عنه.. لكن تذكرت شي.. من فتره ابلتنا مال الدين يزاها الله خير.. كانت تتكلم ويانا عن الحيآء مع الام.. وطلبت من البنآت يقولون موآقف مع امهآتهم.. ومن بين هالبنآت بنت الصرآحه كلامها هزني بالقو.. لان عمري ماتوقعت ان في بنآت مع امهاتهم هيك.... اقرو الموقف واحكمو عليـه.! \ \ \ البنت : ابله انا من فتره يوم رديت البيت شفت الاب توب مالي مب موجود وعقب عرفت ان امايه شالتنه سرتلها وتميت اصارخ علييها واهزبها ليش تشله مب من حقها وعقب رحت ارقد وانا معصبه... يوم نشيت جفت رساله محطوطه حذالي ويوم فتحتها كانت من امايه.. الابله باستغرآب شديد.: انزين شو كآن فيهآ .! البنت وهي مبتسم بفخر: ماشي بس كاتبه ف الرساله انا اسفه يابنتي وسامحيني ماقصدت اضايقج بس انا اخاف عليج وعلى مصلحتج من جي شليت عنج الاب توب وانا اتمنى انج تعذريني وانا بغيب عن البيت يومين والاب توب موجود ف غرفتي وروحي خذيه واسفه مره ثآنيه.... وفي نهاية الرساله : امج الي تحبج وتخاف عليج .. ف هـآللحظه حسيت الصدمه مرسومه ع ويوه البنآت ويمكن الابله حالتها كانت اكثر منآ الابله باستغرآب : وحليلها امج شكلها طيبه وآيد.. قامت وحده من البنات وسألت البنت : انزين وانتي شو رديتي ع امج.! البنت بلا مبالاه : ولا شي رحت خذت الاب .. البنت 2باستنكآر: مااعتذرتي منهآ.! البنت وهي مستغربه: وليش اعتذر خليها احسن تستاهل \ \ \ الصرآحه الموقف كآن فضيع. .. يمكن مر عليه شهر بس للحين اتذكره.. ومأثر فيني..! لدرجه قمت احتقر البـنت والصراآحه ماحب اسولف وياها ولا احتك فيها ابد.. معقوله في نآس جي.!! انا امايه لو تحط ف خاطرها بس احس قلبي يتقطع .. حتى لو اجوفها متضايجه مب مني من حد ثآني .. احس النار ف قلبي.!! خبروني انتو.!! هل تعآملكم مع امهاتكم مثلي او مثل البنت وعادي ترآ كل شي استوآ موضه والا هي ام شو يعني.!! |
لا حول ولا قوة الا بالله ,, بنااات هالزمن ,, صج مب كلهم جذيه ,, لكن فيه منهم ,, اللي انعدمت الرحمة والمسؤوليه من قلوبهم ,, وصدقيني خطوووورة ,, كما تدين تدان ,, وهالموقف بيتكرر على هالبنت اذا صااارت ام ,, ولو بطريقة مختلفة ,, لكن ببتذكر هي شسوت مع امها ,, وبتذكر الموقف بحذافيره ,و يمكن هي نسته الحين ,, لكن بيجيها اللي يذكرها فيه غصب ,, أنا أزيدج خطوووره ,, من فترة عرضت على طالباتي في السادس الابتدائي ,, تخيلي ,, عرضت عليهم ايميل وصلني عن الأم ,, وفيه يتكلم الشيخ خالد الجبير والقطان ,, وهم يتكلمون يبجوون ,, ويقولون كلام ,, يخلي الواحد يندم على لحظه ماباس فيها رجل امه ويدها وراسها ,, تدرين شلوون كانت ردة فعلهم !!! اللي تضحك واللي تقول شدعوه وهي حاطه رجل على رجل ,, اللي تستهزئ ,, وانا ماسكه اعصااابي أقول ألحين بيتأثروون ,, يمكن الطووفه تأثرت وهم مايدروون عن هوا دارهم ,, حزنت والله على حالنا ,, قلت احنا المدرسات نطالبهم يحترمونا ,, وهم أمهاتهم مب معبرينهم ,, ماتدرين الخطأ وين ,, هل هو في الجيل نفسه ,, والا في الظرووف اللي حوالينا ,, والا في الأم نفسها ,,, بعض الأمهات هم ربوا عيالهم على عدم احترامهم ,, للأسف ,, الشديد ... اعذريني ,,و بس قصتج فتحت جرووح عندي ,, ليتها ترجع ,, ابوس مواطي رجلها ,,, |
....ياويل حالي ذي مجاهره بالمعصيه وعادي عندها... كان ذكرتيها "إن الجنة تحت أقدام الأمهات" |
مرحبآآآآ خطوووره
وانا اقرأ القصه توقّعتها بتقوووول:رحت اعتذر لها ..او تبكي او تندم بس "تبتسم بتفآآخر ><" " تاليتها بتكبر وتتزوج ويجونها بنآآت مثلها يوجعونهآآ زي ما آجعت امها "يمهل ولا يهمل سبحانه " يعطيش العآآفيه :) |
خطوورة اهلين حبيبتي .. بصراحة مصدووومه من البنت >> فيس استحقرها معقووول في هيك بنات ؟! .. يعني انا كمان توقعتها متل ما قالت سوسيتي .. بس تعامل امها بهالطريقة ومو مهتمة ابدا !!! لا حول ولا قوة إلا بالله .. الله يهدينا ويهدي الجميــع يارب .. يعطيكي ألف عافية حبيبتي .. |
خطورتي الحلوه
موضوع خطير اللي تكلمتي فيه سبحان الله الناس بهالوقت صارت تجاهر بالمعصية و لا همها و كيف لا كانت على " حلوه اللبن " ربنا بيوريها باجر بعيالها " فالجزاء من جنس العمل " عوافي يا قلبي |
_ خَــــوآططرْ ، : أتتْ عَلَــى الألمْ ، وَ خآلقِيْ ، ! ’، الآم ومآ آدرآآك مآالآمْ ، بحرُ العططآء اللذي لآ شآطئ لهْ ، مرفأ الآمــآن اللذي لآ شوشرةَ بِ جآنبهْ ، تلككْ المخلوقةةُ اللتِي لأتسسعُ الآبجديّةةُ ب آكملهآ لِ مديحهآ ، تلكك المخلوقةةُ العضيممةة اللتي لآ مثثيل لكونهآ ، ق1 تلكك اللتّي لآ نسستطييع مهمَآ فعلنآ آنّ نردّ لهَآ ولو اليسيرَ من ججميلهَآ اللذي لآينضبْ ، ! آفَ تقولُ لهَآ تلككَ التآفههْ > احسن تستآهل ، ؟؟ آعتذرْ ، : ولككنّهآ حقاً تآفههْ ، وحقيرهْ ، ! بدون شعورِ منّى تلمّككنِي غضب وقهرِْ عضضيمْ عندمَآ قرأتُ هذآ الموقف المخيفْ ، ! : ( وآحسستُ وَ خآلقِي بِ شفقةةِ تجآههَآ ، فَ حقاً سَ تدورُ الدَوآئرْ ، وسّ تتلقّى هيَ مثلَ هذهِ المعآملهْ وربّمَآ آشدّ ، ! فَ الجزآء من جنسِ العملْ ، " ’، وَ خَــآلقِيْ ، عندمَآ آحسُّ آنّ فيِ قلبِ وآلدتِي يسيرُ منْ عتبٍ حآنٍ كَ عينيهَآ ، آششعرُ بِ آنَ الدنيَآ قدْ آغلقتْ في وجهِيْ ، وتضيقُ عليّ الآرضُ بمَآ رحبتْ ، آقسسمُ آننّي آكرهُنِيْ ، ككيفَ ججعلتُ لِ تلككَ العضيمةةِ آنّ تحملَ في قلبِهَآ يسيرُ عتبْ ، ! آبككِي وَ آعتذِرْ ، وآلوم ذآتِي مرآراً لككيّ لآ آعودَ لمثلِ هذهِ التصرّفآتْ ، ’، ربّمَــآ منْ نوآحيَ آخرَىْ ، قدْ تككونْ وآلدةُ هذهِ الفتآة قد آخطأتْ ، ! فهيَ من حرصِهَآ وخوفهَآ على إبنتهَآ وتدليلهَآ الزآئد عن حدّهْ ، أنعكسَ عليهَآ ، فَ ككلّ شيء يزيدُ عنْ حدّه ، ينقلبُ إلى ضدّهْ ، " وكمَـآ رأيتْ في هذآ الموقفْ ، آنّ الآمْ قآلت آنّهـآ غآئبه عنِ البيتْ لِ يومَـآنْ ، وهُنَـآ شُد إنتبهآهِيْ ، فهيَ قد آخطأتْ ، كيفَ تغيبُ يومـَـآن عنِ بيتهَـآ وآبنأئُهَآ وحدهمْ في البيتْ ، ؟ يوجدْ آب ، ؟ لكن لآيكفِيْ ، يوجد خآدمهْ ؟ لآتكفيْ ، يوجد مربيّهْ ، ؟ آيضاً لآتكفيْ ، .. لآ آحــد مهمَـآ ككآنَ يحلُّ محلّ الآمْ ، ! لذّآ آعتقدَ آنّ آلآمْ من نآحيَة آخرَى آفسدتْ إبنتهَآ بِ التدليلْ لككيّ لى تشعرْ بِ أنّهآ مقصّره في توآجدهآ الدآئم معهآ ، ’، ومن نآحبةة ثآلثهْ آيضاً ، ربّمَـآ يكونُ لدى تلككَ الطآلبهْ شعورُ بِ النقصْ ، ! لذّآ فهيَ تغطّي ذلككَ الشعورْ بش التقويّ على وآلدتهَـآ ، وَ التفآخرُ بِ ذلككَ آيضاً لككيْ تلتفتْ الإنتبآهْ ، " خـوآططرْ ، والربّ ، موضوعككْ مؤثّرْ ، آجدتِي آختيَـآرهُ بِ تميّز كَ عآدتككْ يَ نقيّهْ ، : ) لذَآ آعتذر إن آططلتْ ، علَى الرغمِ منّ آنّي لمْ آنتهِي بعدْ ، ! ولككنْ لآ شيء يوآزي مككآنةة تلك العضيمَهْ ، () وَ آيضاً ششكراً لكِ علىَ آختيآرككْ لِ العنوآن المنآسبْ ، فَ لقد جذبَ الإنتبآهْ حقاً ، ق1 دمممممتِيْ ، |
لا حول ولا قهوه الا بالله الله المستعااان امبيه حده صدمه هذه ما عندها احترام ولا ادب شلون تسوي بالمها جذي مهما يكن هذه امها ولو ذبحتها مفروض ما تقول شيء ياربي لين الحين مصدوومه الصراحة مفروض تنبذ هذه البنت من الصف كله مو منج بس وتنحقر لين تحس على دمها .. هذه احسها وييها مغسوول مرق اصلي >>فيس متحمس يعني تجاهر بعقوقها لامها >>الله يهديها امانه هذا تصرف؟؟>_< ويحليلها امها تعتذر لها وهي ولا همها واخر شيء يعطيج الف الف الف عاااافية حبيبتي خطوووره وياليت تنصحونها وتقولون لها الجنه تحت اقدام الامهات وحاولوا فيها ((الدال على الخير كفاعله )) واتبعي قول الله تعالى :((وامروا بالمعروف وانهوا عن المنكر )) |
لاحول ولاقوة الا بالله
هالبنت لو عرفت معنى ام ماكان تصرفت بهالطريقة وللاسف السبب الاول والاخير كانت امها اللي خربتها بالدلال اللي احيانا يكون نقمة على الامهات اذا بالغوا فيه الله يهديها ياارب وتعرف خطئها قبل ماايجي الوقت اللي مايفيد الندم عوااافي امووول عالطرح الرااائع |
اعووووذ بالله ....كيف تسوي بامه كذا ,,,,الا الام مافييييه مثله بالدنيا ,,,يااااويله من عذاب الله
وصاادقه شجوونه هي اكيييد من الام الله يهديها اكيييد مدلعته حييييل ,,والدلييل رساله الاعتذااار الله يصلحها ويهديها ,,,ويبعده عن اخوااانا واخواتنا تسلميييين خطوووره على الموضوووع ,,,, |
الاحول ولا قوة إلا بالله
والدنيا دواره كما تدين تدان ..راح يجي اليوم اللي يصير فيها كذا منن بنتهااا الله يهديها ويهدي الجميع وربي يحفظ امي وجعل يومي قبل يومهااا يعطيك العافيه خطوررره |
| الساعة الآن 06:13 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية