|
مساحة للشاعر عادل عوض الرشيدي + استضافتة قريبا على ليلاس
السلام عليكم ورحمه الله وبركآته صبآحڪْمـ / مسّـآئڪْمـ .. وَرٍدِ آلِجـــوَرٍيً عّطرٍ آلِلِه آيًآمڪْم آحبتِيً بڪْلِ خيًرٍ .. نحلِه تِجوَب أرٍڪْـــآن آلِخرٍيًف .. رٍحيًقـآً تِرٍتِشفـه لِـ تِجنيً لِنــآآ صآفيً عّسّلِهــآآ .. مُحب لِـ آلِڪْلِ .. عّطوَفـ وَدِوَدِ .. يودي آلِڪْثيًرٍ من آلِعّرٍفــآآآن لِهذآ آلِصرٍح آلِشــآمخ .. لِدِيًه الِڪْثيًرٍ لِڪْيً ينجزه هنا في صفحته الخاصه.. فأحــلِآمهـ وَطموَحه بهذآ آلِصرٍح عّآلِيًـه جدِآً .. حمآه آلِإلِــــه .. وَلِآحرٍم آلِخرٍيًف منه .. شَخَصّ تِمَيًـزْ بآلآبْدِآآآآعّْ وَآلآجْتِهـــآدِ شخص يًتِميًزْ بآلآحتِرٍآم وَآلِڪْفآءة آلِغيًرٍ متِنآهيًــہّ آعّذرٍنــﮱ لِعّدِم آيًجآدِيً آلِڪْلِمآتِ حيًث آن قلِمــﮱ يًقف عّآجزــآ عّن وَصف تِميًزڪّ وَآبدِآعّـڪّ ♥ هاذه الصفحه خاصه لشاعرنا عادل عوض الرشيدي انتظروه في صفحات منتدانا |
ابيات مكتوبه قصيدة أكبر بطل يا حزن جيتك وانا ادري ما تناديني جيتك وفيني هموم الكون بكملها كن المواجع كتب الله عناويني ومخطوط حامل مئاسيها يمثلها ما عاد أميز صديقي من عدويني عندي تساوت جميع الناس بعدلها واللي طعني بعد ما كان سكيني ربي حسيبه واذا يقدر يشكلها الدنيا هذي تدور ودورها حيني تذبح لنا اكبر بطل ببسط تعاملها يا حزن والله لو انك ما تواسيني اقبل وجودك عن اللي صعب نقبلها اشيل همي لو اني ابغربة اسنيني والناس عندي رضاها فوق مزعلها تدري حقيقة وش ابشع حاجتن فيني اني اجامل بشر محدن يجاملها ولا توب عنها واقول الله يجازيني الحسنة افضل من السيه وناقلها من ذاق مرها يعيش العسر والليني لو القرادة معه تمشط جدايلها هذي اسلومي قبل لا تلتحم عيني ماجات مرة لجل حاجة وابدلها والسلم عاده وانا ورثة سلاطيني وان قالها الله بعيش العمر كافلها يا حزن ردد معايا بينك وبيني اموت طيب وعمر النفس ما ذلها |
قصيدة دروع الجزيرة عندي كلام ابختصر فيه الابيات من صادق اشعوري وصافي ضميره في وضعنا الحالي تدور السياسات دورة زمن مصبوب شره وخيره واللي مع الاسلام مافيه شكات عايش بنور وكل دربٍ ينيره لو راح عمره وانكتب ضمن الاموات يكتب فخر محدٍ يباهي بغيره سنه وشيعه لو ربينا جماعات من بينا حب ومعزه وجيره هذي عوايدنا على مر الاوقات انطَفي النيران لوهي سعيره عند العقيده واتباع الوصايات مافيه مسلم منخلق دون غيره بعمان وكويت وقطر والامارات والمملكه بسم دروع الجزيره جميعنا جينا بوجه العصابات ننصر هل البحرين من كل ديره والحمد لله بالنصر والبطولات ماردنا من كان يحمل ذخيره الشرذمه تاخذ من الويل ويلات واللي يعادينا بنقطع زفيره لو المجوسي رافعٍ له شعارات وينشد مصير الزندقه بالمسيره نقول له هيهات يالنجس هيهات مكانكم معروف وسط الحضيره واللي جمعكم من بعيد المسافات بتجيبه الايام وان دق زيره نلعن ابو مثواه وان كرَه اثبات حتى تعرف الناس وشهو مصيره حنى العرب ياجاهلٍ بالفتوحات مافينا من كانت عيونه ضريره رح انشد الماضي بعد كل مافات تلقى الاجابه كل البيوت الاخيره ناطا على روس الافاعي سهالات ونفتك زحازيح الجيوش المغيره ولاقد غوانا من يبث الاشاعات قبل الاثير اللي معنصَر أثيره سنه وشيعه لو ربينا جماعات عند الشدايد كلبونا عشيره |
قصيدة دعم المعاق
الحق حق وكلمة الحق تنقال ومن لا يقول الحق ربي يجازيه والصوت واحد نجتمع فيه فالحال دعم المعاق اليوم مطلب ونبغيه نبغى يكون ابوسطنا رغم الاحوال وبين البشر ينجز وكلاً بما فيه منه اتعلم كيف تصبر هالابطال وكيف الطموح اكبر من النوم وراعيه صافح ونال المجد والعلم والمال والجود والأجناز والعز يكفيه هذه المعاق اللي يعاني ولا قال بصبر وصبري عند ربي حسانيه فاق الكثير وبدل الحال في حال واصل ورغم الظرف ماكف بيديه متوكلٍ بالله ولا عاش الاهمال من قور باسه ما تنامت مساعيه لابد نشوفه دايم ابكل مدخال مرفوع راي ومزدهر في معانيه ياالله نقول بصوت واحد وفالحال دعم المعاق اليوم مطلب ونبغيه |
قصيدة دكتورة أسنان
عزاه ياقلب(ن) تولع ولا هان والناس تبحربه وتنكر شهدها ياناس للعاشق معاذير هيمان وإلا الملامه ماعرفنا عددها مجنون ليلى ماتعذب على شان تحكيبه العالم وترفع عمدها عاش الوصل بعيان والبعد عميان وأهل الحسد مايلتفت في حسدها جاهد عناها والمجاهد بالأيمان وأسفر قصيدة لين شاخ أبعهدها واللي غلاها بين دمعه ووجدان كلن سمع بذكارها ماجحدها إلا يعيش الحب راضي وقنعان وإلا تمره ليلته مارقدها وانا ببوح السر مافيه كتمان وهذي حروفي وأسمعو مابعدها عشقتلي سمرة ودكتورة أسنان ومن دون لذكر وش معالم جسدها ماهي غزالن للعشاشيق فتان إلى تتلك يوم تومي أبيدها من زينها ماكن من حولها أنسان ياشيب عيني يوم تمشي وحدها الله عطاها الزين من كل الألوان حتى أرثعتبي في ملدها ومددها بنتن لها قيمه وهيبه وسلطان أجمل بلدها والحنايا بلدها فعلن جميلة وجه والرمش كسلان واللي بقى من زينها أمر وأدها أليا حكت مالله عطا غيرها ألسان وأليا أسكتت كن القلوب أتعبدها حتى السلام أن قالته طارت أذهان واللي يدور ردها ماوجدها معاد أبلغى مثلها أبكل الأوطان من شفتها ماشفت فتنه بعدها هذي ثلاث أسنين عاشق وولهان أطرد وراها لو ماغيري طردها عايش ولاكن باخر الموج غرقان غرق الغلا اللي بالفواد أعتمدها ومن لامني في حبها أنسان غلطان مذاق من حر الليال ونكدها ولا ذاق منها سلهمت حور الأعيان دكتورتن حطيت قلبي بيدها |
| الساعة الآن 06:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية