منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   شفت الدريشه تعانق قطعة ستاره !!! (https://www.liilas.com/vb3/t161100.html)

بوح قلم 10-05-11 01:49 PM

شفت الدريشه تعانق قطعة ستاره !!!
 
خارج حدود الزمن و الوقت و اسواره
وقفت حاير مع الذكرى و طاريها

مرّيت صدفه على بابه على داره
زلة قدم يوم ساقتني خطاويها

سرحت بالفكر اناجي القلب و اسراره
قمت اتذكّر حبيبٍ لي سكن فيها

شفت الدريشه تعانق قطعة ستاره
بالحان حزنٍ على النسمات تشجيها

و اطلال بيته تسائلني عن اخباره
تقول لي حيل مشتاقه لماضيها

دخلت شفت الرسوم و باقي آثاره
حينه طرى الوشم منقوشٍ باياديها

لقيت علبة قديم العقد و سواره
تقول ياليتني معها مخاويها

نفضت عنها شحوب الوقت و غباره
و قبّلتها قبلةٍ بالحيل مغليها

و هلّت دموعي على الخدّين مدراره
تبكيه لو كان ناسيني و ناسيها

عقب رحل بي حنيني و طيفها زاره
رجعت تايه مع الذكرى و داعيها

و ادوج في كل يوم اقوم بزياره
و أمرّ داره و اصبّحها و امسّيها

أحب داره و سكّتها مع الحاره
و احب جيرانها و اللي يواليها

والوم من لامني في الدار و جداره
حيث ان قلبي عشق من كان راعيها

نور الليالي 10-05-11 02:31 PM

قصيدة مؤثرة ورائعة


يسلموووو بووووحه

●» خَوْاطِر ~ 10-05-11 03:18 PM

أحب داره و سكّتها مع الحاره
و احب جيرانها و اللي يواليها


رووعـــــــــــــه بووحتي..

صصح لسسآن الشآعر..

وعوآفي

وجه الصباح 10-05-11 04:44 PM

أحب داره و سكّتها مع الحاره
و احب جيرانها و اللي يواليها

والوم من لامني في الدار و جداره
حيث ان قلبي عشق من كان راعيها


هالقصيده تنفع تصير قصة مؤثرة
يسلم اختيارك يابوووحه
يعطيج العافيه وشكرااا
تحياااتي
وجه الصباح



بياض الصبح 11-05-11 03:55 PM

سرحت بالفكر اناجي القلب و اسراره
قمت اتذكّر حبيبٍ لي سكن فيها

الله روووووووعه بوحه

أهنيج على هلاختيار الرائع



عوافي يا قلبي .......


الساعة الآن 03:20 AM.

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية