|
/ سواليف جدتي
السلام عليكم ورحمة الله وبركاته حياك الله ومساكم الله بالخير / وصباحكم سعاده وماضي جميل وحاضر أجمل ومستقبل أسعد كان لي جده وكانت جلساتنا تحلى كثير بقصصها وحكاياتها اللي ماتنمل بس ما نجلس معها كثير صار وقتنا دراسه أو نت أو أو ويخلص اليوم ومن سنتين توفت الله يرحمها ويخلي لكم جداتكم . موضوعنا هنا بيكون تكريم للجدات اللي اتنسوا من احفادهم في خضم زحمة الحياة . كل وحده لها جده تجلس معها وتأخذ لنا حكايه من حكاياتها عن الماضي الجميل أو المتعب لها . وتنزلها لنا تفيدنا وتسعدنا وفي نفس الوقت تسعد جدتها وتحسسها بأهميتها وتنال دعوه حلوه من جدتها . الموضوع مفتوح للكل بدون دعوات والردود بعد هنا . ننتظر سوالف جداتكم الله يخليهم لكم ينوروا بيوتكم . اوركيد |
موضوع رووووعه اوركيد كنت اتمنى اجلس مع جدتي اسمع لحكاياتها بس مالحقت اسمع منهم شي القدر كان سابقني لهم سواء جدتي لابوي او لامي ثنتينهم ماتوا وانا صغيرة الله يرحمهم ويرزقهم الجنان وكل المسلمين بانتظار حكايات جدات خواتي العضوات لاني راح اعتبر نفسي سمعتها من جدتي |
اوركيد موضوع جميل كصاحبته
<<والله يابنات ياليت تعذروني جدتي أم أبوي و أم أمي مو موجودين عندي اذا قابلتهم أن شاء الله <<بسوي تحقيق شامل وأنزله لكم <<<فيس محقق::: |
موضوع رائع تسلم يمناك ع الطرح..
حاليا مايحظرني شي لي عوده ان شاء الله |
♪♪♪ روعة الموضوع .. جآ بـ وقته بما ان جدتي بيتها مدري وش فيه ونايمة عندنا هاليومين ^^ .. لي عودة بكرا لانها ناامت الحين ^^ .. عوااافي اوركيد .. ♪♪♪ |
السلام عليكم
مرحبا صبايا بصراحه رورو موضوع رهيب ياعندي خكايات جدتي خاصه ايام زمان على قولها ايام الستر والاحوه والجيران مثل الاهل وحبايب ومافيه حسد وياحبها تحكينا عن جدي ومغامراته بالمزرعه اللي كانت عنده وهو يرعى الغنم ويزرع الخضار ههههه صراحه سواليف الجدات تجنن راح احكيكم حكايه انتظروني وادعو لجدتي بالشفاء لانها ها الفتره مريضه |
.
. . الـجدات عبق مآضـي جميل ب البـيت.., لـهمـ اجوائهمـ الفـريده ب آركان البيت وخآصة ب الجناح المخصص لهمـ له رائحه خآصه ولـه وقع في النفـس محبب.., . . . آتـذكـر جدتـي لـ آبـوي الله يـطولنا بعمرها يآرب ويمتعها ب الطاعه .., تقـول كان الناس اول ب جوع وماكان الترف الـي حنا فيه الحين ولآ يتوفر عندنا ابسط شي في وسائل المعيشه... كنا نآخذ بقآيآ الاقـط [البقل..] ونحطه بمويه ونخـليه مثل الايدامـ لنا.. و الـرز نطحنها ب الـرحى ونعجنه بمويه ويصـير مثل الخبز... والـتمر عندنا كان مثل وجبه...مآيحصل لـ آكثرية الناس... [تنعمنا عقبها يا بنتي وتبطرنا....الثوب ماتلبـسونه مرتين...و...العيش ماتاكلونه الا بسلطات معه ومشروبات والا ماحد يجلس عليه...!..] سـوالف جدتـي عن مآضيهمـ المتعب ماتنمل...فيها تذكير دائم لنا..انا حنا بنعمه ...و....بألف خير... . . . الله يجزاك الجنه على الموضوع الممتع بحق.., . . . |
اوركيذ اهنئك غلى هيك مووووووضوع
جداتنا عبق للماضي ومراءه له استمتع جدا بحكاياتهم لي عوده بحكايا رائعه دمت بووود |
السلام عليكم
موضوع راااائع الله يعطيك العافيه رورو والله كنت اتمنى اني اشاركم بسوالف جداتي بس الله يرحمهم من كنت اصغيره نستنى سوالف جداة الصبايا الله يخليهم لهم ويطول بعمارهم بالطاعه يسلــــــــــــــمو اوركيد |
...ياحبي لهم الجدات الله يديمهم فوق رؤوسنا هم الخير والبركه والله احبهم يازينهم زيناه.... جدتي ام ابوي الله يرحمها ماتت قبل سنتين.... سوالفهاعن الاوليين كانت فيها وناسه وقلة كلافه والبساطه والروح الحلوه بينهم.....كانت تقول العرب الاولييين اذا دروا عن ناس عندهم بنات شدو جمبهم علشان يخدمونهم بناتهم يعني البنت تجلس تخدم بيت اهلها وبيت الجيران وكان اهلها ينبسطون اذاخدمتهم اما الان تقول الله المستعان الوحده اذا بغت ماء نادت الشغاله.... وكانت تقول نفرح اذا اجتمعنا على الوجبه الصغير والكبير .... والتمر كانت وجبه اساسيه اذا دروا الناس عند جيرانهم تمر اجتمعوا عندهم علشان ياكلونه لانهم مايوجد بكثره ذيك الايام...تقول مثل الحين ماتحبون التمر ....تقول( الله يرحمها)يوم كانت صغيره كان الملك عبد العزيز الله يغفر له زايرهم في ديرتهم وجالس على كرسيه وكان كل رب عايله يجي ومع اطفاله وحريمه علشان يسلمون عليه ويعطيهم الشرهات.... ....وكانت الزيرات في كل وقت وباب البيت مفتوح مو الحييييين لازم تلفون واوقات ..... ....ياحبي لس يايمه الله يرحمس يارب ويغفر لس........ طولت بالهذره عليكم بس اشتحنت على سوالف جداتي ومشكوررره على الموضوع الرائع ...... |
يعطيج العافية اوركيد على الموضووع المميز ..
الصراحة اذكر بعض من كلام يديتي لا تجمعنا دايم تقول لا كليتوا لا تسولفون وتهذرون اكلوا وانتوا ساكتين على شان ما تخصون بالاكل لان الحين اذا تجمعتي على الاكل كل السوالف تطلع وبدال ما تاكلين تتكلمين و تقول شفايده الادين كولوا فيهم ترى لها فايده ٌ>>لانه دايم تشوفنها ناكل بملاعق .. و سلامتكم .. ان شاء اله لا رحت لها اقولكم سوالفها :).. |
الله يسعدكم ذكرتوني بالماضي ايام جدتي تجي عندنا بالنسبه لنا ياحفادها نفتح معاها تحقيق عن الماضي كانت تصلي العشاء وتقول تجمعوا في الحوش وابسطوا البساط وجيبوا المتاكي وشبوا النار في الجزه (المنقل) وطفوا الانوار سبحان الله كنا نحس رجعنا لزمان ,,, كانت تحكي كيف المره تهتم في بيتها وعيالها وجيب الماء من البير وتطحن الحب على الرحى وتحلب الحلال مساكين حسيتهم عانوا كثير ومع ذالك مبسوطين وقنوعين الله يخليهم لنا ويطول في اعماره هم بركتنا والله
|
رورووو موضوعك رووعه ياقلبي .. يسلمو ايديكي حبيبتي .. ضمضم .. كحوووول .. قصص ستكن رووووعه وحلوووة .. استمتعت وانا عم اقرأهن .. يعطيكن الف عافيه .. فــــووز .. حلو كلامها لستك عم تخليكن .. ترجعو للعادات والتقاليد اللي تربت عليها .. ومتل كل ست بتحب تشوفها بأحفادها .. عشوووووقه .. فعلا كانت عيشتهن كتير بسيطة .. ومقتنعين فيها والاهم انو على طول .. وشو ماصابن بتلاقيهن عم يحمدو ربنا على النعمه .. االله يخليلكم ستاتكن كلكن ياااارب .. وان شاء الله ئلي رجعه مع قصة من قصص ستي ^^. دمتم بكل الود .. |
مساءكم ورد يا هلا بكل من شاركنا بالسواليف عن جدته وبانتظار الحكايات من افواههن اللي بتكتبونهن لنا الله يخليهن لكم ويسعدكم مثل ما اسعدتونا بريق الزمرد / لطوف / عزوزه / لي لي / كحيله / نوني / خورافيه ضمضم / فوز 94 / عذبة الاحساس / حنو / عشقي الجنوب اشكر مروركم وسوالفكم هنا وبانتظار البقيه |
رورو يسلمو على هالموضوع الرووووعه و الله يخلي لنا جداتنا يارب لانهم هم البركة و الله ============== جداتي الله يخليهم لي أحب ثنتين من بعد أمي و أبوي بس مرات جدتي أم أمي أحس أنها أغلى إنسانة بالكون كله غلاها ماله حل المواقف كثيرة و السوالف كل وحدة تقول الزود عندي بس بقول شيء عن جدتي أم أمي ..................................... جدتي من بعد تقريبا 30 سنه من توفى جدتي الله يرحمه يارب و لغاية اليوم لجاء جاريه ما تشوفين الأ العيون تلمع و الحاله حاله ما شفت مرة تحب رجالها مثلها و كل مرة تقول لنا من مواقفهم مع بعض و الله لو ترضى أني أكتبها قصة بتطلع رووعه ================= أما جدتي أم أبوي عاد أحلى شيء فيها كلامها مرات ما أفهم بعضها لإنها تقولها على طريقة الأوليين و أصلا ممكن يكون مصطلح أندثر مع زمان ... و ثاني شيء لما بتنادي أحد من عمامي أو عماتي تجيب اللسته كلها و بالأخير يطلع أم المطلوب فصرنا نعرفها اللحين من تبي من منو ما تبيه ... ================= و في بعد سالفة عن جداتي و امي معاهم <<< بس ياويلها اللي تنقد علي ترا أنا لغاية اليوم أقول (( ماما و بابا )) << شسوي تعوت من عمري فلما يكون في ناس أجناب عندنا و أبي أنادي امي أقولها " يمه " الاسم اللي انادي فيه جداتي فأمي مستحيل ترد علي معنهاهي اللي دايما تقولي ..... فرمة كانوا فيه عندنا ناس و جمعة حريم و جداتي موجودات و أنا أبي أمي و ساعه " يمه .. يمه .. يمه "" جداتي ردوا علي و أمي معطتني أكبر طااااااااااااااف ..................... ======================== يسلموووووووووووو رورو |
موضوع رااائع اوركيد
و اكيد حكايا جداتنا فريدة من نوعها ها الفكرة كانت ببالي من مدة و حبيت احط موضوع علن حكايا جداتنا بس سبقتيني ^^ المهم جدتي من ابي الله يرحمها ماتت من سنين ..اذكرها اكيد بس ما كانت تحكينا حكايات خاصة اما جدتي من امي الله يخليها ..على طول تحكي و تحب الي يسمعها لكن احيانا ما افهم حكياتها خخخخخ ذكرتوني هداك اليوم كانت تنصحني انا و اختي و تقل لنا " لما تتزوجو ان شاء الله ..لا تأكلي مع زوجك بطاولة واحدة ابدا لانه بعدين رخ يحسب عليكي وش اكلتي " انا اقلها يا جدتي يا حبيبتي الزمن غير و هلا مش عيب المراة تاكل مع زوجها بس عبث ..و كانني ما عم بحكي ابدا هههه و الله جدتي احيانا تضحكنا قصصها و حكياتها احاول اتذكر شي قصة من قصصها و ارجع احكيلكم عوااافي اوركيد |
رووورو... موضوع رآئع.. الله يحفظ لنآ يدآتنآ ويخلييييييهم لنآ..
الي اتذكره من سوآلف يدتي ام ماماتي.. الله يحفظهآ.. دومها تخبرنا عن سوآلفهم قبل..كيف كانو بنآت قبل. وكيف يتعاونون.. وان الفريج الوآحد جنهم اهل.. مب الحين محد يعرف الثآني.. وكيف كانو يجتمعون ع سفره وحده.. وسوآلف وآيد بس مايحضرني شي الحين.. عوآفي رورو ولي بآك.. |
وآآآآاو أوركيـــد موضووووووع رهيـــب أكيـــد دام سواليف جداتنــا يــازينهم الله يحفظهم و يخليهم لنـا يــارب سواليييييفهم توووحفة هههههه خصووصــا لما يكون من ضمن قصصهم مغامرات والدينــا هههههههه عــاد تعالو شووفو يطلعوو كل فضـايحهم ههههههههه و أنــا أعشق حكــاياتهم خصوووصــا أم أمي يــاربي تججن الله يطول عمرهـا و أم أبووي بعد الله يوطول عمرهـا و يخليها لنـا لي بــاك بسوالف حبيبـات قلبــي عوآآآآآآآفي يا أحلى بنووتــات |
صباحكم شهد هلا وغلا خطوره / لبنى / صبوحه / هيونه يا حلو سوالف الجدات وارائهم الحياويه ولهجتهم النادره الان بس الكل لي باك وما شفنا ولا سمعنا حكايه كامله ولا سوالف عن الماضي تفيدنا نبغى حكايا وسوالف جداتكم وانتم الباقين هاتوا اللي عندكم من جداتكم بانتظار الكل وياهلا بالجميع |
مساء الخير
موضوع مره حلو ولي فتره متابعه بس مارديت :welcome3: اوركيد بحكيلكم قصه سمعتها من لسان جدتي فديتها الله يطول بعمرها يارب تقول مساء الخير موضوع مره حلو ولي فتره متابعه بس مارديت :welcome3: اوركيد بحكيلكم قصه سمعتها من لسان جدتي فديتها الله يطول بعمرها يارب تقول جدكم توفى وانا تحملت المسئوليه كنت اتعب وعندي الولد يموت ولايقولو ابو فلان وام فلان ماعرفو يربو فمره خالي الله يرحمه كان ياخر الصلاه الله يغفره له يارب ومره رجع من المدرسه نام وماصحي على الصلاة فقمت عنده واصحيه ويالله صحي وهاوش ووصارخ فجدتي دعت عليه ان الله يشيل امانته فطلع مع خالي الكبير مزرعه جدي وطلع على سياره الحراثه اكيد تعرفوها وطلع عليها وهو يمشي طاح بالخطا وراسه صار تحت العجل وانقسم راسه على جسده وحاولو ينقذوه ماعرفو في هذا الوقت جدتي تعبت كانت حاسه وتستغفر الله بس فات الوقت بعد المغرب دخل خالي الثاني وهي شافته كان تقول وين فلان وين فلان حلفتك بالله تعلمني وهو يهديها ويقولها قولي لا اله الا الله وهي تصارخ شوي دخل خالي الكبير وهو شايل خالي الي توفى الله يرحمه جسمه على ظهره وراسه في ايده وهي صارخت وتعبت الخلاصه انها كل مره تقول لنا لاتدعون على عيالكم في لحظه غضب يمكن تكون وقت استجابه دعوة هي دعت وقت الاذان والاقامه اشوفكم على خير في حكايه دعواتكم لخالي ولجدتي الله يطول بعمرها |
مشكوره حنون على المشاركه و على القصه القيمه الله يرحم خالك ويطول بعمر جدتك مع عافيه وصحه ان شاء الله احنا نبغى هالحكم القيمه اللي اصدرت بعد تجارب ومعاناة معهم |
السلام عليكم
جيتكم بحكايتي عن جدتي تحكيها لنا دائما عن جدي تقول جدتي وانا صغيره تزوجت جدكم وعمري 12ووقتها تعتبر قربت تعنس تقول كانت امي ماكله هم اني بلغت وللحين ما تزوجت تقول ولا اعرف وش هو الزواج اصلا احسبه احط حنا على راسي ويديني اسويها مثل القبضه واظفر شعري ظفيرتين وادهن شفايفي بالديرم اذا تعرفونه تقول يوم حنتها كانت تلعب هي وعيال الحاره بالشارع ههههههههوانظربت بسبه نحشتها ولعبها بالشارع المهم تقول بدايه زواجها تعبت كثير لانها طفله اول شئ وثانيا شغل البت دائما يكون على حريم العيال هي وسلايفها تقول كل يوموحده عليها الطبخ ويكون بكميااات كبيرة حتى تكفي الرجال والحريم والاطفال والذبيحه هي بتسلخها وكل ها الكرف وهي حامل تشيل وتحط تقول صارت بينها وبين حماتها مشكله لانها تاخرت شهر عن الحمل شئ مضحك صراحه شهر صار تاخير الله يرحمنا برحمته اكملكم انه بعد كل ها التعب ما تنامين لين تطمنين انه اهل البت ما يحتاجون اي شئ سواء اكل وشرب او حتى مويه بعدين تروحين تنتظرين رجالك لين يرجع من دوامه او سهرته مع اهله اللي حدها للساعه تسع مساء حليلهم اجدادنا ولازم تكونين بابهى صوره وما تنامين قبل تغفى عينه وتصحين مع صلاه الصبح تشرفين على اكله وشربه وملابسه حتى يروح لشغله وتقول موب مثلكم رجالكم يكرفون ويرجعون ما يلقون الوجه البشوش ولا كلام سنع ولا ريحه زينه ولا استقبال ينسيه تعب اليوم ما غير مكشرات وتهاوشون لاتفه الاسباب والمصيبه انه يرجع يدور غداه وانتو نايمين هههه وقامت تهاوش ولا كملت حكايتها لي للحين هههههههههههههه انتظروني بحكايه ثانيه منها اعذروني نقلتها لكم مثل ما تتكلم فبتلقون بعض الحوسه بالحكي |
الله لايخلينا منهم يارب
استمتعت كثير بحكاويكم وحياتهم ايام الشقاء والتعب الله يجزاهم الجنه بسدح لكم حتوته للجدتي الله يحفظها دائما ترددها البنت عيب تصلع قدام رجلها يعني تقعد بدون ملفع وبرقع اذا ناقشنها تقول يوووووووه مات جدكم وهو ماشاف وجهي هههههههههههههههههههههههه نرد عليها نقول اكيد من القهر مات ياجده لا تقول استحن من الملائكه الا على كتوفكم مصلعات بدون ملافع والكم النص عندها عيب وحرام على الفطره اجل لوتشوف العالم الا تلبس قصير ايش بتسوي ولاتهاوش على الشعرتقول يامخلفات السنه الفرقه وين نفرق الشعرمن النص ياحبي لها جدتي |
توي اشوف الموضوع حلو اما قصص امهاتنا وجداتنا ففيها العجب
حنين قصة خالك مرعبه بس ليش يدخل عليه دعوة الوالدين مستجابه وهتونه اما جدتك انا اتعجب من الي يغطون وجيهمم اما الملائكه هذي فكرة الصوفيه اذكر كانت عندنا اداريه كانت تغطي شعره دايم بحجت الملائكه حرام تشوفه فيه اشياء كان يسونه مخالفه للعقيده جهل منهم |
لطوف / عذرا يا قلب / ام البنين يا هلا فيكم ومرحبا حلوه سوالف الجدات والجلسه وياهن وافكارهن الغريبه علينا انتظر من وعد بسالفه او حكايه على لسان جدته ولكنه لم يصلنا منه شيء كل الشكر لمن مر وشارك وابدع بسوالف جدته هنا |
_ يَ لبّـــى الججدّآتْ وَ سوآليفهنْ الممتعهْ ، ق1 ككلْ السسوآليفْ ششيّقهْ ، ربّي يسسلّم مجهودآتككمْ بنآتْ ، لِ الأسسفْ تمنّيت آلحق لو علَى جدّه وحدهْ ، بسْ جدي وجدّتِي من آمّي وو آبويْ ، ككلّهم متوفيّن وآنآ صغيره وبعضهم قبل مآ آولدْ ، بس ططبعاً قصص سسمعتهَـآ من آمّي تجنّنّ وَ حمآسيّهْ ، وو الآهمّ إنّهَـآ آروحهمْ قبلْ ، بِ ططيبتهَـآ وحنيّتهَـآ وو بسسآطتهَـآ ْ ، لي عودهُ بِ إذن اللهْ ، آورككيدْ ، : آككآليل اليآسمينْ لككِ يَ فآتنهء ، ق1 |
هههههههههههههههههه
والله يالجدات انهم تحف بالذات لا حطوا نقرهم من نقر حفيد معين جدتي الله يرحمها افتكر كانت اذا تهاوش اي احد منا انا واخواني تقول لابوي انا عندي لك حل واتحدى اذا تهاوشوا عيالك مره ثانيه اربط الاثنين الي يتهاوشون في حبل واربط في النص بينهم قطو واضربهم ضربه فيهم وضربه في القطو ههههههههههههههههههههههههههههههه ايامها كنت صغيره واستغرب ليش القطو ويوم سألتها قالت عشان اذا ضربه يرجع القطو عليكم ويمخشكم وبعدها تتوبون تتضاربون والله كانت عليها افكار الله يرحمها ويرحم جميع الجدات |
جود : خوخه اسعدني مروركم اتمنى الاقي قصص كامله منقوله عن جداتنا وكيف حياتهم ومعاناتهم والفرق بين الحاضر والماضي |
يـ صباح الخير موضوع رآئع وشيق >> متابعه له بصمت ومستمتعه فيه :) . . جيت هنا بطلب من اوركيد لحتى أحكي لكم قصحة جدي << الله يقومه بالسلامة يارب جدي رجل كبير قد تجاوز الـ 100 بـ عدة أعوام عاش حياة التعب لكن لم يكن يترك ذلك المسجد مسجد في أعلى إحدى الجبال هناك حيث يسكن كل ما دخل وقت الأذان ذهب وتوضأ ثم يؤذن للصلاة يأتي من يأتي ليصلي معه وفي بعض الأحيان يصلي بمفرده بحكم إنتقال الأهالي من ذلك المكان لـ أماكن أخرى فلم يتبقى إلا القليل بقي على حاله يؤذن ويقيم الصلاة ثم يصلي بحكم كبر سنه نسي من حوله متأخراً فلم يعد يعلم من هم أولاده ولا يعرفهم رغم كل هذا مازال قلبه متعلق بالصلاة قبل عدة أيام قدر الله له أن إنزلق على الأرض وإنكسر حوضه نقل إلى المستشفى لـ إجراء عملية له بعدما أجريت العملية له وتم إخراجه منها إذا به يصحو على أذان المغرب صحى من العملية وإذا به يؤذن وبعد إنتهاءه أخذ يقول الدعاء بعد الأذان ثم أقام الصلاة حاول مراراً وتكراراً أن يحمل نفسه ليذهب إلى المسجد لكن لا أمل في ذلك بعد الكسر سبحان الله قلبه معلق بالصلاة والمسجد فلم يثنيه ذلك الكسر عن الأذان وإقامة الصلاة نسأل الله له ولنا الخاتمة الحسنة .. |
السلااام عليكم
حياالله الجميع كلآ بأسمه .. بصرااحه لي فتره كل ماشفت العنواان اقول بدخل اشوف الفيلسووفه شو عندهاا >>ههههه ومن قريت الموضوع تذكرت حفل الجداات اللي يسوونه المداارس .. الله يذكرهم بالخيير يوم تذكرووهم .. من جد للجداات حق عليناا واحناا نركنه على جنب وكأنهاا بعد هالعمر انتهت صلاحيتهاا.. مع ان الحق لهاا أولا وأخيييرا ..هي تااج الراس ..وسيدة البيت ..وكبيره العائله .. بس للاسف كثيير في زمنناا اهملوهاا وركنوهاا على الرف .. الله يطول بعمر جدااتكم ويرحم جدااتي اللي ماعمري شفت وحده منهم .. ايييه الا نسييت جدتي من الرضااعه هههههه أم أمي .. كاانت شااعره وقويه وكريمه وجميله وكل شي فيهاا يجننن ..دمهاا خفيييف ..الله يرحمهاا .. بسأل أمي عن سوالفهاا واجي اسدحهاا عندكم هناا >>فيس يقلد يقالك له جده ..احم احم .. شااكره لمشرفاات القسم الدعوه الكريمه .. |
هاي صح مداخلتي متأخرة بس حبيت أسأل كحيلة جدتها وين كانت توقف لأن جدتي حاضره توزيع الشرهات خخخخ
|
موضوع رائع تسلم يديك
و بالحديث عن الجدات كانت تحكي لنا قصص بس الحين مو متذكرة شئ... بس في شئ تذكرته عن جدتي الله يرحمها .... كان عندنا غنم و ماعز و كانت لما تلد الماعز ما تخلينا نشوفها كانت تقلنا الغنم ما بيتحمل العين ... و انا صغيرة كنت مفكرة الغنم لها عين بتخوف لهيك ما بتخلينا نشوفها بس بعدين عرفت انها بتكون خايفة علي الغنم من الحسد .... الله يرحمك يا ستي و تكوني من أهل الجنة يا رب... تسلمي اوركيد عالموضوع الرائع بجد و تقبلي مروري المتواضع |
| الساعة الآن 02:25 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية