|
حتى الضحكة صارت ماركة
بسم الله الرحمن الرحيم السلام عليكم ورحمة الله وبركاته في كل مجلس ومدرسة وجامعة يكثر الحديث عن (الماركات) وأصبح الموضوع يصل إلى (حالة هوس)وتباهي بأن الشنطة من الماركة الفلانية والبلوزة من ماركة أخرى والحذاء أعزكم الله من ماركة وكل شئ صار ماركة وأصبحنا نقيم الشخص على حسب مظهره وليس بعقله وطريقة تفكيره وياليت الأمر يقف إلى المبالغة بالشراء من الماركات لما الأصرار والأستعراض في الحديث عن ماترتديه من عدة ماركات وهناك من يكون ليس لهم القدرة المالية وبعضهم يستدين أو يضطر للتخلي عن أشياء أخرى لتوفير المال لمجاراة الغير رغم علمنا أن الناس لن يحبون الشخص من أجل الماركات أو المال بل لأخلاقه قال النبي صلى الله عليه وسلم: "بينما رجل يمشي في حلة تعجبه نفسه مُرجّل جُمّته إذ خسف الله به فهو يتجلجل إلى يوم القيامة" رواه البخاري وأصبح في نظرهم أن الماركة هي الكمال بل الأمر وصل بالهوس بالماركات إلى الألقاب في المنتديات مثل(Givenchy) و(ضحكتي ماركة) وأيضا الى الحلويات حلى الماركة وحلى قوتشي وشوكلت الماركات فالأمر أصبح إسراف وتبذير وتباهي وتفاخر قال رسول الله صلى الله عليه وسلم (لا تزولا قدما عبد يوم القيامة حتى يسأل عن أربع وذكر منها وعن ماله من أين اكتسبه وفيم أنفقه ) المطلوب الأعتدال والتواضع قال رسول الله عليه الصلاة والسلام (من ترك اللباس تواضعا لله وهو يقدر عليه دعاه الله يوم القيامة على رؤوس الخلائق حتى يخيره من أي حلل الإيمان شاء يلبسها) ودي لنقاء قلوبكم |
موووضووع جميييييل
صحيح الحين بالكليه بالذات ماتسمعين الا انا شريت من ماركة فلانه بالسعر فلاني وماتقولين لها الا شنطتك حلوه ولا نظارتك افتحت لك سيرة الماركااااااات لدرجة وحده من ربعنا مانسميها الا ماااااركه ههههه لان كل سوالفها عن الماركه يعطيييك العافييييه |
♪♪♪ حللللللللو موضوعك لحونة .. اكثر شي يعصب فيني وحدة معي بالجامعة .. تشتري اللبس والشنط وكل شي وماتهتم انه حلو .. همها انه ماركة على قولتها : ما انتجته ماركة عالمية الا لانه حلو !! انا برآيي حلو تشترين لك ماركة .. بس لو كان شي أعجبك وبـ سعر يناسبك .. مو لانه مجرد ماركة .. والله ياما في اشيااااء ما تسسسسسسسسوى سعرهاا .. عواافي لحووووووووووونة .. ♪♪♪ |
وعليكم السلام لحونه .. فعلا متل ماقلتي هالأيام الناس صارت كلها ماركات ^^.. وبتلاقيهم مابيعجبهم العجب ولا الصيام برجب للأسف .. وياما ماركات بشوفها وبستغرب كيف بيشتروها .. الله يهدينا ويهدي الجميــع يارب .. عوافي حبيبتي .. |
مرحبا لحونتي
فعلا كلام جميل تدرين انا بالفعل احتقر الناس اللي حديثهم فقط عن الماركات وشريت كذا وجبت من كذا ياربي الهدايه بس بس عشان اكون عادله مايمنع اننا نشتري ماركات لجودتها او لانها عاجبتنا بس مثل ماقال المثل مد رجولك على قد لحافك وياما ناس ماعمرهم شرو ماركه ويازين اناقتهم وذوقهم وياما ناس مثل ماقالت حنووووووو يشترون فقط عشان الختم على الشنطه والا اللبس ياسبحان الله دنيا العجائب صدق يسلم لحونتي طرح مميز بجد |
والله صادقه لحونه كرهت الماركات بسبه الفشخرة والتباهي فيهم واسراااااف شديد صراحه
يعطيك العافيه موضوع جميل عزيزتي |
الله يعطيج العافيه لحوووونه ،،،
المظاهر الكذااابه غزتنا ودخلت في كل مجال من مجالات حياتنا ،، ياليت الأمر اقتصر على الكبار ،،، كان التمسنا العذر لهم ولأنفسنا ايضاً ،،، لكن الأمر ( عمّ وطم ) وأصبح الأطفال ينافسون الكبار فيه ،،، وصرت أشوف الصغااار يعرفووون أسماء الماركات العالميه أكثر من الكبار ،،، أمر غريب فعلاً ،،، الله يعينا واياكم على هالحياة الغريبه العجيبه ،،، أصبحت حياة الناس مظاهر خدااااعه ،، اذا العزا اللي المفروض يكون واعظ صامت للناس ،، أصبح له مكياجه الخاص !!!! ماذا ننتظر بعد كل هذا ؟؟؟؟؟؟؟؟؟؟ عوااافي لحونه على الطرح المميز ... ماذا |
تسلمين لحونه على هالموضوع المثير
فعلا الماركات اصبحت تغزو كل شيء امس كنت طالعه للسوق واشوف سيارة كلها ملبسه بماركه يعني حتى الرجال صاروا اخس من الحريم على طاري ضحكتي ماركه اعرف وحدع مسجله بهالنيك وهي توها بسن مراهقه وصرنا مانسميها الا ضحكتي ماركه لين كرهت هالاسم وغيرته فعلا الحديث يطول لكن حبيت اشارك بشي شفته بعيوني ودي لقلمك |
يعطيج العافية لحونه ..
صج هذا الي تشوفينه وين ما تروحين ساعتج اي ماركه جنطتج كم شريتيها لا هذه الاصليه مو التقليد >>ومن هذه السوالف حتى بالمدارس والجامعات تلقينهم اغلب السوالف عن انها شرت من الماركه الفلانيه ولا الماركه اثانيه نزلت شيء يديد .. موضوع يستاهل الطرح .. |
لحووووووووووونه يسلم لي رقي هذا القلم مبدعه دائما وتبهريني
كلام بالصميم الله يرحمنا بس برحمته |
السلام عليكم ورحمة الله وبركاته مساؤك ورد يا غالية المشكلة ليست في أنها تشتري ماركة وترتديها بل أصبح الأمر يتعدى ذلك بكثير فبعضهن هداها الله تنظر لك إن لم تكوني من أصحاب الماركات على أنك أقل من مستواها ولا يليق بها مجالستك والتعامل معك بأريحية وكأن الماركة هي أسلوبك أو أخلاقك التي ستتعاملين بها معها ولو نظر بعضٌ ممن يخسرن الكثير على شراء الماركات والتي ربما أحياناً ترهق ميزانية الأسرة خصوصاً إذا كانت الزوجة لا تعمل إلى الدول الفقيرة التي تعيش على الكفاف وتعلم أن ربع المبلغ يزيد أو ينقص الذي تصرفه على شيء لا يستحق يُعيِّش أسرة فقيرة لمدة شهر لعلمت أن المظاهر لا تفيد أنا لا أنكر على من يهتم بشراء الماركات فهي حريات شخصية ولكن بحدود المعقول بحيث لا يطغى على كل ما عداه ولا يكون سبيلاً لاستنقاص الآخرين شكراً لك يا غالية على هذا الطرح القيم دمت بألف خير |
فعلا لحونه كلامك بالصميم للاسف بعض الناس همهم الوحيد ايش ماركة البس او بكم سعره
والدووق اخر همهم طيب شيء يقهر للاسف ولا هوسهم وشغلهم الشاغل هالشيء وصلت لدرجة انها تتسلف عشان تلبس من الماركه الفلانيه مرات يكون البس رخيص ومهوب ماركه بس قمه في الاناقه وا طرح رائع لحونه دمت بحب |
السلام عليكم موضوع حلو كثيــــــــــــر أختي ربنا يبارك لك هذي آفة في مجتمعنا ...... صحيح أنا ما سمعت حد من البنات في الكلية عندي يتكلموا عن الماركات بس سمعنا كثير عن فتيات همهم و شغلهم الشاغل هذي الأسياء يمكن البذخ هو سبب و التنافس أكبر سبب بين البنات بس أكثر نقطة قلتيها و عجبتني هي إنه بعضهم ما يكون عندهم النقود اللازمة فيروحوا يستلفوا و يبيعوا حاجات عشان يكونوا على الموضة و هذا سبب تخلف العالم العربي و العالمي أحيانا شكرا لك أختي على الموضوع الخطير |
اقتباس:
شاكرة لك مرورك ياالغلا ربي يعافيك أسعدك الرحمن ودي |
اقتباس:
الأحلى مرورك المشكلة مو بشراء الماركات المشكلة المبالغة بالشراء منها وماتلبس إلا ماركة حتى لو الشكل يجيب الهم ربي يعافيك أسعدك الرحمن ودي |
اقتباس:
مس نوني أسعدني تواجدك في متصفحي وفعلا فيه ماركات بعض تصاميمها غريبة عجيبة بس تلاقين ناس يشترون منها بحجة التميز عن الغير اللهم آمين ربي يعافيك أسعدك المولى ودي |
اقتباس:
الأجمل مرورك غلاي أنا ماأقول لانشتري ماركات اللي أقصده إن الموضوع صار حالة هوس ناس ماتلبس إلا ماركات وغيرها لا حتى لو كان الشكل يجيب الهم غير إنه يكون مايتناسب لا مع الدين ثم مع العادات والتقاليد غير الحديث اللي يكون مضمونه ملابسي من الماركة الفلانية والعلانية ومثل ماقلتي فيه ناس مايعرفون الماركات وقمة في الذوق والأناقة ومثل ماقالت حنو بعضهم يشتري عشان ختم الماركة وبس ربي يسلمك من كل شر أسعدك الرحمن ودي |
اقتباس:
أسعدني مرورك العذب ربي يعافيك أسعدك المولى في الدارين ودي |
اقتباس:
ربي يعافيك شاكرة لك مرورك وإضافتك القيمة أسعدك الرحمن ودي |
اقتباس:
سلمتي من كل شر ياالغلا موضوع الماركات مو مقتصر على النساء فقط بل يشمل النساء والرجال والمشكلة إذا كانت من أولويات اهتماتنا والله المستعان ربي يسعدك في الدارين ودي |
اقتباس:
ربي يعافيك أسعدني مرورك وإضافتك ربي يسعدك ياالغلا ودي |
اقتباس:
كلك ذوق سلمتي من كل شر ياالغلا أسعدك المولى ودي |
اقتباس:
كلامك في الصميم أصبحنا ننظر لملبس الشخص لا طريقة تفكيره وأخلاقه ونقيمهم على أساس المظهر وليس الجوهر أصبحت اهتمامتنا في القشور وليس في اللب غير الأسراف وتبذير الأموال على شئ غالبا لايستحق قيمته أبدا أسعدني تواجدك في متصفحي وإضافتك القيمة أسعدك المولى ودي |
اقتباس:
الأروع مرورك العذب صادقة والله غالبا يكون اللبس مو ماركة بس قمة في الذوق والأناقة والستر أسعدك الرحمن ودي |
اقتباس:
الأحلى مرورك ياالغلا وياليت البنات يتنافسون على شئ ذو قيمة للرقي بأخلاقنا وتفكيرنا وإنسانيتنا أسعدك الرحمن ودي |
يا زمان العجايب ^^ الماركات والحديث عنها << صراحة غثونا بـ هالماركات صح ما يمانع إنا نشتري منها لكن تكون بشروط وضمن ديننا الإسلامي الله يهدي الجميع يارب الله يعطيك العافية يالغلا ودي |
عوافي على الطرح بالفعل صار التقييم بما يشملك من قيمه ماترتدينه .. وماتمتلكينه من ماركات .. تفكير ضيق وافاق ضحله .. في عالم مملوء بالزيف و الخداع .. ولانطيل جدلا فهذا هو الواقع الملموس .. نتعايش فيه شئنا ام ابينا .. دمتي بود .. |
تسلمين لحونتي
الانسان لايقيم على لباسه ومن اي ماركه اهم شي بالشخص أخلاقه ودينه واتباع سنة النبي واحنا راح نسأل يوم القيامه عن مالنا وعن شبابنا ومشكوره على الطرح الرائع |
الله يعطيك العافيه على الطرح الرئع
يسلـــــــمو |
من جد هآلحكي صحيح لحوووونه . .
فعلآ في نآس تلبس ملآبس مو شيء آبد . .ع أساس إنها مووووضـــه ويطلع شيء بآيــخ . . با النسبه لي آهم شيء يكووون اللبس مرتب وحلووو سواء مآركه أو لآ . . تسلــ/ــــم آيـدك عيوووني . . |
اقتباس:
أسعدني مرورك العذب في متصفحي ربي يعافيك ودي |
اقتباس:
أسعدني تواجدك في متصفحي ربي يعافيك ويسعدك غلاي ودي |
اقتباس:
الأروع مرورك العذب ربي يسعدك ودي ووردي |
اقتباس:
الأروع مرورك العذب ربي يعافيك ودي ووردي |
اقتباس:
شاكرة لك مرورك العذب سلمتي من كل شر ياالغلا ودي ووردي |
والله معاك حق:55: سبحان الله الحديث اثر فيني بصراحه واتمنى ان الله يهدينا:friends: مشكوره |
مساء الخير ............موضوع جدا جميل وواقعي ونعيش احداثه مع الي حوالينا وين مانروح ...........وربي تشوفي الوحدة لبسها مبهدل وكأنها طالعة من معركة لاشكل ولا لون وتتبختر فيه قدام الخلايق بس لانه من الماركة العالمية
مو كل شي بالماركات ينشرى وينلبس للاسف هالشي عايشته كثير من الي حولي والي يجيب الضحك جد انو مرة وحدة ماتتري الا ماركات وكلامها كله عن الماركات لكن الي يشوفها يقول جايبة لبسها من الزبالة الله لايوريكم القماش كان متلعوز ومكرفس وحالته بالويل ومرقع من كل جهة وجاية فيه تتبختر بحفلة فيها عالم وناس وعاد عيون العالم طلعت برة ماتسوى عليها الفلوس الي حطتها بهالقطعة وخلت الناس تضحك عليها وتستهزء فيها وفي عقلها يوم تشتريه وماحد عبرها انها ماركة مشهورة في اشياء تستاهل انك تشتريها لانو جودتها لايعلى عليها مثل المكياجات والعطورات والكريمات وهالاشياء الي ماتنتهي موضتها بسرعة مثل الشنط والجزم الله يعزكم كل مابين فترة قصير طالعة لنا موضة شكل والبنات والحريم ابد رمي في هالفلوس على شي بترميه بأقرب وقت مهما كان سعره وماركته والله لو كل انسان يفكر بالنعمة الي عنده وحافظ عليها للزمن واعترف انو النعمة زواله كان حاسب نفسه ...........ماقلنا لاترفه عن نفسك وتتمتع بفلوسك بس بعقل بالشي الي يناسب المجتمع الي عايش فيه مو ملابس الوانها رايحة ومشققة ومبهدلة مثل عروض الازياء الي يعرضون ملابس عبارة عن ورق جرايد وصفايح معدنية وعلب فارغة وقالو فساتين وبلايز وماادري ايش من تصميم المصمم العالمي ومن الماركة العالمية بالله بالذمة هالاشياء فيها ذوق ؟؟؟؟؟؟؟؟؟؟ دنيا عجب وعقول اعجب سبحان الله |
اقتباس:
الله يهدي الجميع للحق أسعدك المولى ودي |
اقتباس:
أسعدني تواجدك في متصفحي وشاكرة لك إضافتك القيمة ربي يسعدك ياالغلا لقلبك الود والورد |
والله ماني عارفه وش ها السر بولع الناس با الماركات
مثل الي تشتري شنطه سعرها با الالاف وكلها شنطة يد والانسان طبعه ملول يحب التغيير في اشياء تفرض عليك انك لازم تاخذينها ماركه مثل عطورات او كريمات او ادوات كهربائيه لأن استعماله طويل الامد وحساس لكن لبس وجزم صراحه احسه خساره مالها خلف ولو اتفقت الاراء لبارت السلع |
اقتباس:
أسعدني مرورك العذب الله يسعدك في الدارين ودي |
| الساعة الآن 11:27 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية