منتديات ليلاس - الحين لو تطلب الخفاق واللي احتوى

أضلاعي الاثْنا عَشَر / والقصّ / والتُرقوة
..................... متلاحمة في مَفاصلها وأشياءها

ماهو على شان نبضي .. والنِّفَس والهوا
................ إلاّ على شان قلْبك يسكن احشاءها !

حتى شرايينها مع أوْرِدتها سْوا
.................... تسْتفزِع الدمّ لا من الجفا ساءَها

والقلب : لا من عجز يلقى لجرحك دوا
........... يصيح بالرّوح لو تطلع من أعضاءها !

حدّيتها من صِغَر تتقنْ فنون الهوى
.............. وتحفظْ دروس المحبة من ألف باءها

والحين .. لو تطلب الخفّاق واللّي احتوى
.................. ما تَخْذِلِك لو يجيها منك ما جاءَها

لأنْ أعراشها من دون حُبّك خَوى
............... ولأن ما فيه غيرك يسكن احشاءها