لعيون أم الشهد وأم البنين.. الكبيبه الحايليه على اصولها بكل التفاصيل.
الكبيبه الحايليه على اصولها بكل التفاصيل والطريقه وطبعا بالصور مسائكم /صباحكم سعاده ورحمه من رب العالمين من زمان طلبوا مني أم الشهد وأم البنين طريقة الكبيبه الحايليه..وبما إني عجاااازه وماأحب ألفها..والفريزر عندي مافيه جاهز إضطريت إني أنقلها لكم بالتفاصيل.. حياكم..تفضلوا.. طريقة عمل الكبيبه الحايليه على اصولها والكبيبه (( هي ورق العنب الملفوف بس يلف مو اصابع يلف تقريبا مضلع الشكل )) اليكم الطريقه بالتفصيل يممممممممممممي بســـــــــــــم الله الرحمن الرحيـــــــــــــم ( ماشاء الله لا حول ولا قوة الا بالله ) 1- يقطع كلا من ( بطاطس2 متوسطه او 3 + بصله كبيره + 2 فلفل رومي + 2 فص ثوم + ليمونه ) يقطع حلقات ويصف اولا البطاطس ، انا هنا نسيته ، ثم البصل ثم الثوم والفلفل الرومي واخيرا الليمون ووكم قرن فلفل اخضر حار << على حسب الرغبه ثم بعد ذلك نأخذ ضلوع من الغنم وتقطع متوسط الحجم ونضعها وهذي الصوره http://www.f3f7.com/vb/imgcache/7010.imgcache.jpg 2- ثم نضع ملعقه وسط من كل من (( بهارات مشكله مطحونه + كركم مطحون + ملح خشن + ماجي ابيض )) شوي من الفلفل الاسود والاحمر المطحون <<<< على حسب الرغبه كمـــا في الصورة http://www.f3f7.com/vb/imgcache/7011.imgcache.jpg 3- نقطع 4 طماطم متوسطه الى قطع صغار ونضعها في زبديه ونصب عليها نص ماء مغلي ونغطيها ونخليها 10 دقايق ثم بعد ذلك تحركنيها بالملعقه او الشوكه الين يذوب الطماط مثل الصورة http://www.f3f7.com/vb/imgcache/7012.imgcache.jpg ثم نضع الطماط المذوبه بالماء على اللحم مثل كذا http://www.f3f7.com/vb/imgcache/7013.imgcache.jpg 4- ناخذ علبه من الكبيبه المثلجه ( طبعا حنا بالموسم حق ورق العنب نقعد نلف كبيبه اي ورق عنب بكميات كثيره ونفرزنها في علب بلاستيك بالفريزر وتقعد لنا للسنه كلها ) وهي ورق عنب محشي ملفوفه ومحشيه وحشوتها هي (( 1كوب رز مصري مغسول ومنقوع نص ساعه + نصف كوب رز عنبر مغسول ومنقوع نص ساعه + نصف كوب رز تمن نجفي مغسول ومنقوع بعد >>>> بعدين تحطينهم في زبديه وتحطين عليه هالخلطه بالخلاط الكاس (( 3 طماطم + بصله كبيره + مكعب ماجي + كركم+ ملح على حسب الرغبه + بهارات مطحونه )) تخلطينها بالخلاط مع نقطة مويا وبعدين تحطينها على الرز وبعدين تحطين عليه بصل اخضر مقطع صغير تقريبا حزمه وتحطين ملعقتين او 3 زيت الكشنه ناخذ علبه من الكبيبه ونطلعها من الفريزر قبل الطبخ على الاقل ب3 ساعات وبعدين نصفها بالقدر فوق اللحم مثل كذا http://www.f3f7.com/vb/imgcache/7014.imgcache.jpg ثم نضع فوقها صحن علشان ماتتفكك عند الطبخ http://www.f3f7.com/vb/imgcache/7015.imgcache.jpg 5- اللحين نبدا بالطبخ نضعها على النار ,,,وطبعا لازم عند طبخ الكبيبا النار تكون قصيره ,,, بعدين نضع عليها نص كوب ماء مغلي ونخليها تقريبا ربع ساعه << وهذا السر الي يخلي لونها فاتح اقصد الورق العنب .. 6- نبدا بتجهيز مرقة الطبخ للورق العنب ,, نذوب مكعبان ماجي تقريبا مع 6 اكواب ماء ونضع شوي ملح تتذوقينه المرقه على حسب رغبتك بدرجة الملوحه ونخليها الين تتطبخ وبعدين نطفي المرقه http://www.f3f7.com/vb/imgcache/7016.imgcache.jpg 7-ونبداء نشرب الكبيبه تقريبا كل ربع ساعه لمدة ساعه ونص وبعد الساعه والنص ماتشربينها تقصرين النار مره وتخلينها تتطبخ اقل شي 3 ساعات قبل ماتطفينها بربع ساعه تضيفين عليها كشنه بصل وعصير ليمونتين وملعقتين زيت زيتون ,, بعدين نطفيها ونخليها قبل الغرف ساعه الا ربع لأن افضل شي نقلبها وهي دافيه مو حاره وهذا شكلها بعد ماقلبناها وغرفناها http://www.f3f7.com/vb/imgcache/7017.imgcache.jpg وبالهنـــــــاء والعافيه </B></I> |
قموره شي فاخر وشغل روعه واكيييييد طعم اروع تستاهلين احلى شكر واحلى تقيييم ويسعدس ربي
|
قمووووورة ماشاء الله شكلها يشهي يمي يمي... يعطيج العافية |
أم رنوووووووو حبيبتي والله
بالعافيه..ومشكووووره على التقييم.. نووووور عوااافي ياقلبي أهم شي تعجبكم.. منووووورررررييييييين |
يعطيك الف عافية قموووووووورة شكلها حلوووووووووو كتير ... حرام عليك تشهينا ... عوااااااااااااااااافي عيوني بانتظار جديدك |
هههههههههههه...حسوسه جوعاااانه بهالليل ومالي خلق أسوي شي
وماطرى علي إلا الكبيبه<<<أصعب طبخه عندي.. منووووره وبالعافيه |
قمووره طريقتكم حلوة
ومره ثانيه بنشووفها من يدك يالكسووله هههه الله يعطيك الف عافيه ويحفظك ربي من كل شر بس صعبه شوي طريقتكم |
مشكوره القمري على الاكله يعني مافيه فرق عن ورق العنب الا انه على لحم تطبخ بس الرز النوع الثالث ماعرفته
|
مشكورة قموره على هالكبيبة الروعة
بصراحه دخت مره على الشرح والطريقة شكلها مسكت والشكل النهائي امممممم يهوس سؤال:متى موسم ورق العنب عندكم وهل انتم تطبخونه قبل ماتحشونه لاني انا ماتعمل الا مع الجاهز المعلب والرز النجفي وش قصته ووين يلقى اذا عندك صورة له ياليت اشوفها ازعجتك بسؤالتي يعطيك الف عافية على الطبق الفاخر ولاتحرمينا جديدك يالغلا |
قمووووووووره ،،، تسلم ايدج ،، ومجهوووود رووووووعه ،،، وطبق عالي الجوووووده ،،، بس انا عرفت الرز المصري بس ماعرفت رز عنبر ورز تمن نجفي !!!! فيس مستغرب ،،، عندكم مصطلحااااات غريبه ،،، هذي بضمها لقائمة ( المفطح ) اللي ماعرفته الا بعد جهد جهيد ،،، هههههههههه
فيس يناظر ام رنا ،، خخخخخخخخخخ الله يعطيج العافيه قموررررره ،،، وااااااايد عجبتني الكبيبه وطريقة اللف حلوه وغريبه ... |
الله يعطيك العافيه بس اش اللي ثلاث ساعات وساعه ونص ومدري كم ؟؟؟ تبين الصراحه يستحيل اتحمل شيء كذا |
ياهلا والله منوريييييين كلكم
جبتلكم صور التمن النجفي والعنبر<<<غريبه ماتعرفونها؟؟ http://www.mekshat.com/pix/upload04/...191989_222.jpg http://www.mekshat.com/pix/upload04/...67451_vfgf.jpg وورق العنب موسمه الحين ..وعندنا يبيعونه بكراتين ياخذونه من الشجر ويبيعونه طازج ونلفه وهو طازج بدون طبخ.. http://i34.servimg.com/u/f34/12/74/63/89/abb21410.jpg وعلى فكره فيه عندنا حريم يبيعون علب كبيبه مجمده ملفوفه وجاهزه<<<للعجازين اللي مثلي خخخخ |
قمووووووووووووووووووور يا احلى قمررررررررررررررررررررررررررررررر
ما شاء الله تبارك الرحمن <<<<<<<<< فيس يحصنك من عيونه يالبى قلبك يا قلبي وش هالحركات الخطييييييييييييييييرة السموحة يا عميري ما رديت الامتاخرة بس ان شاء الله حقي مرفوع <<<<<<<<<<<<<<< طرارة و متشرطة هههههههههههههههه لا تحرمينا من جديدك يا عيوني |
بنوووووووووووووووووو
ياهلاوالله أكييييييد حقك مرفوووووع <<<أخذتلك شوي كبيبه مع لحمة جنب لعيوووونك...خخخخخخ منوووووووره حبيبتي.. |
ما شاء الله القمري اكلة لذيذه وتشهي فنااانه ما شاء الله
دايم أتذوقها بالمناسبات وتعجبني روووعه اصلا ورق العنب لذيذ بكل احواله يله دامها لعيون اختي الحبيبه أم الشهد اشرطي عليها تسويها عند اهلي موب عند زوجها وعيالها عشان اذوقها المشكلة وعدتني أنا وبناتي بورق عنب هالعطلة ولا سوت شئ ههههههه يعطيك الف عافيه وجعلك يدك ما تمسها نار جوريه لروحك |
كووووووووووووووووووووووومه ياهلا والله بريحة أم الشهد
ولايهمك بقولها تسويها لبيت أهلها أول..<<<وترفع لأبو الشهد شوي منها...خخخخخخخخخ منووووووووره |
قمور الكبيبه لذيذه يوم رحت حايل رحت المهرجان مشار شفت امراه تبيع قريت كبيبه قلت ياخاله هذه شنو قالت هذه ورق عنب طيب كيف يلف مضلع هذه السوال سلمت يمينك على الطريقه |
قموره شكلها واو يمي يمي
يسلمو ياعسل بس كيف تلفوها بهالشكل دمت بحب |
القمري صلحته بس ماعرفت اللف لفيت طريقتي ورق العنب لاني مادري يبي له مهااااااااره او صفطي وبس
|
|
يسلموووووووووووو شكلها يشهي يمممممييممممم
|
يعطيكم العافيه كل اللي مروا هنا
وترىلفها سهل ماادري يمكن لاني متعوده بس افرد الورقه واحط الحشوه بالوسط وابدا اسكرها من جميع الجهات ام البنين تطبيقك رووووعه ماشاالله بالعافيه |
الساعة الآن 07:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية