|
غاليه
السلام عليكم ورحمة الله وبركاته
مساكم الله بالخير حبايبي اشتقت لكم وعندي فكرة وان شاء الله تعجبكم وتحبونها واذا ما عجبتكم الشكوى لله :) الجزء الاول http://www.liilas.com/vb3/t159744.html الجزء الثاني http://www.liilas.com/vb3/t159744-8.html#post2717489 الجزء الثالث http://www.liilas.com/vb3/t159744-10.html#post2718059 الجزء الرابع http://www.liilas.com/vb3/t159744-12.html#post2724508 الجزء الخامس http://www.liilas.com/vb3/t159744-15.html الجزء السادس http://www.liilas.com/vb3/t159744-18.html الجزء السابع http://www.liilas.com/vb3/t159744-20.html الجزء الثامن http://www.liilas.com/vb3/t159744-22.html الجزء التاسع http://www.liilas.com/vb3/t159744-23.html الجزء العاشر http://www.liilas.com/vb3/t159744-24.html الجزء الحادي عشر http://www.liilas.com/vb3/t159744-25.html الجزء الثاني عشر http://www.liilas.com/vb3/t159744-26.html الجزء الثالث عشر http://www.liilas.com/vb3/t159744-27.html الجزء الرابع عشر http://www.liilas.com/vb3/t159744-28.html الجزء الخامس عشر http://www.liilas.com/vb3/t159744-29.html الجزء السادس عشر http://www.liilas.com/vb3/t159744-30.html الجزء السابع عشر http://www.liilas.com/vb3/t159744-31.html الجزء الثامن عشر http://www.liilas.com/vb3/t159744-31.html#post2869813 الجزء التاسع عشر http://www.liilas.com/vb3/t159744-33.html .. .. .. الجزء الاول تمشي وتطيح وتصيح بصووت تحاول ما يكون عالي يالله سترك يالله اني في ذراك عبد الله انت تشوف الي انا اشوف عبدالله .. تعالي سنعي القربة الي تخر والله اني اشوف زول يمشي ويتمايل والله ان به بلى اصبر اصبر خلني اتوكد منه راحت تمشي بسرعه بينها وبين الزول الي شافته عقم صغير تحاول ترقاه تشوف وش الي شافت بسم الله عليتس وش فيتس يمة طاحت سمعت كلمة يمة حست انها خلاص لقت غايتها جا عبدالله مسرع يشوف الي طاحت في يدين مرته عسى ماشر يا صيته وش ذا البنت حلقها جف انا داخله على الله ثم عليكم عبدالله .. زبنتي :::::: رفعه هاتي السحله وخلينا نغتبق مشاء الله عليتس يا رجحا تسنتس اميرة تومرين علينا رجحا .. وانا وش اسوي قاعدتن اجيب التمر رفعه .. وانا مانيب حالبتن الناقة احلبيها انتي البارح انا الي حالبتها رجحا .. امحق بنت عم شكلي بنادي ضيدان وذا ضيدان بنفسه جاكم رفعه .. مالت عليتس تخلينه يتفرح علينا ضيدان .. وش فيكن رجحا .. احلب لنا غبوق ضيدان : ياوالله التسواديات الحين عاجزات من حلب ناقة رفعه .. مهوب تسواده مير الحق حق ضيدان يقطع كلامهم الغير مهم في نظرة .. اسمعن بكرة تراني بروح للبلاد رجحا .. وش عندك ضيدان .. بروح ادور لي سيارة ابوي عطاني مصوته ناقة طيبة ببيعها وبشتري لي سيارة رفعه .. معطي خيرها مكفي شرها رجحا .. اقول يا ضيدان تسنك تبي تخلينا وتروح للبلاد رفعه .. ههههههه ذالتن عليه رجحا .. فرقت عيونتس الثنتين انا قصدي انه بيخلي الابل علينا ضيدانه وهو يشرب اخر قطرة في السحلة الي في يدة : يارب يسخر لنا الشايب ونبيع الابل تاليتنا في البلاد مانيب قاعد حارسها رفعه .. عجلوا خلونا نعود على اهلنا الليل بيجنا وحنا في محلنا :::::::::::::::::::::::::::::::::::::::::::::::::::::::::::: يمه تكفين يمه علميني وين راحت والله ياعلي مدري وين وجهتها علي .. انا خابر انتس الي خليتها تنحاش مير علميني وين راحت خل فهد يهدا الحين يتلغف ايدور الشر دواره علي .. طيب تهقين فلوة بخير ان شاء الله ربي يحماها علي .. قلبي يغلي اختي ومقدر ادافع عنها وش انسوي يمك اذا به واحد مثل فهد وابوك مواعده منهو صغير فلوة له :::::::::::::::::::::::::::::::::::::::::::::::::::::::::::: :::::::: جعلها ماتعود من راحت وانت ماذقت عيشة فهد .. تكفين يمة خليني النار الي في قلبي تشب وش تبي فيها الي مايبك وش تبي فيه فهد .. ليه غديت ضحكتن للجماعه كل من شافني نزل راسه وخشه وجه يبتسم جعلهم يضحكون من جنوبهم اهم شي يا ولدي صحتك المرة بدالها مرة لكن انت من لي غيرك والله لا زوجك وحدتن تسواها ::::::::::::::::::::::::::::::::::::::::::::::::::::::: رجحا .. يالله بجيكم اتسمر معكم على الضو في الليل والحين بروح ببلي للوايت تشرب رفعه .. ضيدان بسبقك لهلي ضيدان .. تعالي بس حولي بيني وبين البل وخلينا انتعاون على طعامها رفعه : بتطعمها توها ماكلتن لين طلع مع مناخيرها ضيدان قلعتس لونه يسمعتس ابوي تنظلين ابله وبعدين تعلمي بكرة بروح وخليتس ترعينها بلحالتس رفعه .. شوف ابوي مقبل علينا تسنه اسمعك السلام عليكم لا تعبت ضيدان .. وعليكم السلام لا ندمت عبدالله (ابو ضيدان ) .. ترا قدامكم ضيفه روحي يارفعه بسنع البل مع ضيدان ضيدان .. منهي ذا الضيفه عبدالله .. وحدتن زابنه علينا ضيدان .. وش قومها عبدالله .. بدني اعلمك بسالفتها :::::::::::::::::::::::::::::::::::::::::::::::::::::::: مسكم بالخير مسها بالرضى والعافيه رفعه .. وش لونكم طيبين طاب حالتس رفعه تعاين الضيفه بطرف عينها والضيفه الدموع ماخلتها تميز رفعه رفعه بصوت واطي لامها عسى ماشر صيته : ماشر ان شاء الله ركبي العشا لهلتس بيجي ضيدان بعد المغرب جويع رفعه .. بري حالي تسني بعد جايتن مثلة واكرف عند البل وهناه صيته : تسنتس تبيني اطبخ ابتسمت الضيفه وبان في فتحت برقعها وخلا ام ضيدان تبتسم بعد صيته .. بيض الله وجهتس يارفعه كانتس خليتي فلوه تبتسم |
على فكرة ترا بنزل كل جزء يوم خميس بسبب انشغالي وهذا الوقت الي اكون فاضيه فيه
|
لالالالالالالالالالالا مو مصدقه عيوني
غيوم الشوق من جديد ياهلا ومرحبا نوووووووووووووووورتي المكان اشتقنا لك بشرووووووووووو امنا الرؤم زارا برجعتك |
غيووووووووووووووووووووووووم ..هلابك مليييييييون ولايسدن يالغاليه ..
ألف الحمد لله على سلاااامتك ..وحشتيييييييييييييييييييييناا يالغلا مو مصدقه عيوني والله .. لي عوووده بعد قراءة الجزء ... |
ياهلااااااااااا ومرحبااااااااااا ياغيوم اسفرت وانورت
وزهرت عقب ما ادهرت,,..,,, بدايه موفقه اهنيتس عليها آم ريميه |
عليكم السلام
انا من محبين القصص ومتابعتها شكل القصه حلوه وشكل ابطالنا بنتقلون لديره وانا صراحه اعجبتني رفعه شكل دمها خفيف وشكل فلوه بتحب ضيدان الحمدالله انا مالحقنا علي الاوالين في تربيت الابل انا صراحه في نعمه هههههههههههههه |
السلام عليكم بدايه حلوة وعجبتني كثير
ان شاء الله اكون من المتابعين احب قصص الاولين ولهجتهم اللي تحسسني بشي رهيب وحلو ننتظرك بشوق |
مرحباااااااااااااااا
القصه رهيبه ياحلو لهجتنا ياشين التحضر :) الله يعين المتابعين ياغيوم يبيلهم مترجم ننتظر البارت بفارغ الصبر |
مــــــــــــــرآحب غيـــــــــــــــوم... منوره حبيبتي .. وعودآ حميدآ
وابد اي شي منج حلو وبيعجبنآ لا تحاتين : اتوقع فلووه لها دور كبير هـــــــــنآ .. ويمكن تجر بزبنتهآ مصايب لعبدالله واسرته .. فهـــــــــد.. امممممم.. ليش فلوه تنحآش منك؟؟؟ وش انت مسووي ؟؟ وشنو اللي يربطك بفلووه؟؟ اخوهآ ؟؟ ولد عمهآ ؟؟ زوجهآآآ ؟؟؟ رفعه.. رجحــــــآ.. حياتهم حلوه وبسيطه .. متؤكده بيصير تطورات بوجود فلوه ضيدآن .. اشوف عنده تطلعآت لتغير حياته .. ويمكن بعد تتغير آطباعه !!! : تدرين عاد غيوووم.. من فرحتى بروايتج دخلت وكتبت هآالرد المتواضع عشاانج والا انا لي فتره طوويله مااتابعت روايات غير بين الامس واليوم ومره ثانيه اقوولج الف حمد لله على سلامتج .. وعسااج ع القووه : |
الله يعطيج العافيه .... غيوووووم بدايه قويه ,,, والمميز في الروايه اللهجه ,,, رووووووعه ,,, منتظرينج بكل شوووووق .... |
لالالالالالالالالالالالالالالالالالالالالالالالالالالالالالا
اول خلوني استووووووووعب و عيوني تصدق اللي تشوووووفه لحظة لحظة غيووووووووووووووووووووووووووووووووووووووووم ياااااااااااااااااالبي قلبها العسسسسسسسسسسسسسسسسسسسل مرحبااااااااااااااااااااااااااااااااا مليوووووووووووووووووووووووووووووووووون و لا يسدوووووووووووووووووووووون و ان زااااااااااااااااااااااااااادن فلااااااااااااااااااااااااااااا بااااااااااااااااااااااااس وحشتيييييييييييييييييييييييييييييييييييييييييييييييييييييييي ييينيييييييييييييييييييييييييييييي مووووووووووووووووووووووووووووووووووووووووووووووووووووووووووو ووووووووووووووووووووووت يا قمر لي عودة بعد ما استوعب و اقراء البار و ارجع |
مراحب ااااااا يااااااا الغالية غيوم الشوقعودا محمودا والله الرواية بداية حلوة احب رواياتس ما تنسين اهلنا الاولين دايما يكون لهم في الذرى نصيب مرحبااااا
اكيد ان ام فلوة هي من ساعدت بنتها على الشرود من القبيلة بسبب فهد ممكن فهد مهوب رجال صالح او ما يحشم او سيء السمعه على شان كذا شردت فلوة ممكن دخولها على العبدالله يجلب لهم بعض الصعوبات ممكن يعرف عنها فهد عن طريق ضيدان اذ نزل للبلاد يشتري له سيارة او يعرف اي طرف يوصل لفهد الخبر ويصير لابو ضيدان مشاكل تؤدي الى وفاة ابوهم لان البنت زابنه ابوهم وينتقلون بعدها للبلاد ويبيعون الحلال الغالية مرحبااا بتس ننتظرتس يا الغلا |
لسلام عليكم
ياحياك الله غيوووووووووومه في بيتك ليلاس والله ورجعنا لزمان اول فيس عجيز اشتاقت للمنتدى ايام نوت القصه بدايه قويه جداااااااااااااااااا يارب تستمر بنفس القوه ضيدان شكله مو حاط عينه على بنت عمه اللي ترعى معهم الابل ويمكن تفتنه ام عيون فلوه اللي زابنه عند ابوه ليه هربت من ديرتها اتوقع فهد ولد عمها يبيها زوجه وهي ما تبيه لسوء عشرته يمكنه عصبيي والا فعوله شينه انتظر القادم بشوق غيومه |
اقتباس:
زارا مالها حس وين غاطسه فيه النور نوركم وحياك مرتن اخرى |
اقتباس:
الله يسلمك يارب حياتس الله يالغلا |
غيوم هنا ياهلا والله اسفرت وانورت واستهلت وامطرت
ان شاء الله راح اكون من اول المتابعين لي عوده بعد قراءة الجزء بدايه موفقه دمت بود |
اقتباس:
ارحبي |
اقتباس:
ياهلا والله ومرحبا تو ما نورت القصة يامرحبا با تشيز والله مدري حنا الي في نعمة ولا هم حنا طردي ورى الموضات والخرابيط وهم طردي ورى البل هع حياتس يالغلا |
اقتباس:
يالبى قلبتس ابشري يالغلا وان شاء الله تعجبتس اكثر واكثر حياتس الله |
اقتباس:
لبى قلبتس حياتس الله يالغلا القصة مقدر اعلق تابعوا وتشوفون وان شاء الله تعجبكم وتكتشفون عالم البدوان قديما ههه حياتس الله |
اقتباس:
ويعافيك رب العالمين الله يسعد ايامس يارب حياتس الله يالغلا |
اقتباس:
يالبى قلبس يالغلا حياتس الله وان شاء الله تكون القصة حلوة ولذيذة على القلب وسهلة الهظم حشى اكله هههههه انتظر تعليقك |
اقتباس:
هلابتس اكثر الله يحييتس ويارب تكون القصة لها نكهة خاصة عندكم وتحبونها ولو شوي توقعات تابعي وشوفي ا |
اقتباس:
له تحسسيني عجوز هههه هلابتس يالغلا ويامرحبا ويامسهلا القصة ان شاء الله تعجبكم وانا من زمان خاطري اصيغ قصة بدوية تخلي بناتنا وخواتنا ما ينسون وش كنا وش صرنا وتابعي وبتشوفين وش بيصير |
اقتباس:
يا مرحبا بكم جميعا والله اشتقت لكم مررررررررة |
السلاااام عليكم ..
هلا غيوووومه حيااتس الله يابنت العرب ..ارحبي >>القدوع يارفعه هههه فيس متأثر بالقصه .. الحمد لله على سلااامتس يالغلا ..وان شاءالله نشوف قصه من نوع اااخر وحيااه اخرى .. أمنا الرؤووم ماتغفل كل ماخذت فتره طلت عليناا ..الله يخليهاا لنا يارب وهي بخييير وان شاءالله بتتواجد معناا هناا .. نجي لقصتناا .. فلوه اتوقع بتكون بطلتناا ..واللي خلاهاا تهرب هو فهيداان الشر >>كرهته قبل اعرفه هههههه اتوقع انها مجبوره عليه وهي تكرهه مثلي ..ومالقت حل الا انها تنحااش بليله زواجهاا >>توقع ضيداان ..يمكن يكون بطل قصتناا ويمكن تجمعه قصه عشق مع فلوه ويمكن يكون احد ثااني غيره >>العلم عند حبيبتناا غيووومه .. .. رفعه ورجحاا احسهم فااكهه القصه .. واتوقع بيكونون صديقاات لفلوه .. بس احتماال يكون هنااك غيره من رجحاا اللي تحب ضيداان لفلوه خااصه لشافت ضيداان مهتم فيهاا ..>>رحمت هالفلوه تنحاش من فهيداان تلاقيهاا رجحاا هههههه غيوووووومه .. وحشتييييييناا والله ..ورجعتي ذكرياتناا لنوت وهيف ..>>سقى الله ذيك الاياااام .. بانتظااااااااار الجزء الثااني بكل الشوووووق ياغيوم الشووق .. |
فهد والواضح ان فلوه محيره له ليه ماتبيه هل هي ظالمه وولا مظلومه الله اعلم
ننتظر الاحداث ونشوف الله درك غيومه على هيك لهجه روعه دمت بود |
هلا بش كاتبتنا غيوم الشوق :55::55::55::55: ماكنت بقراها بس يوم شفت الاسم انجبرت لانش مبدعه قريت رواياتش الغريبه وبيتنا الطين وكلها ابداع واكيد غاليه لاتقل ابداع عنهم متشوقه لفكرتش الجديده وش السر ورا هروب فلوه وخصوصا ان فهد واضح انه يبيها ومن يومه صغير لها وهذي فيها قطع ارقاب الله يستر على عبدالله وصيته وعيالهم :71_asmilies-com::71_asmilies-com::71_asmilies-com: وفي انتظار البارتات الجايه عشان تتوضح الصوره :103gi: |
هلا ومليون غلا بالكاتبه المبدعه
الحمد لله الي ربي قدرني وقدرت ارد على روايه لك الله يعطيك الف عافيه وشكل الروايه رهيبه من اولها اكشن الله يستر من الباقي وعجبتني اللهجه كثير واستمري وحنا وياك على طول |
حيـــا الله غيــــــــــــــوم
عارفه ما يحتاج نقرأ البارت عشان نقيم روايتكـ يكفيها ان كاتبتها غيـــــــــوم الشــــوق اللهجة شوي صعبة وبعض الكلمات ما عرفتها بس ان شاء الله نتعلم ونستفيد منكـ الله يعطيكـ العافيهـ وبالتوفيقـ تقديريـ ووديـ لكـِ |
اقتباس:
الله يحفظها يارب والله مشتاقة لها ولكم بعد اما القصة ارجع وقول ان شاء الله تكتشفون كل شي بوقته وبتشوفون توقعاتكم صح او لا :) حياتس الله مره ثانية |
اقتباس:
حياتس الله |
اقتباس:
ان شاء الله تعجبك وفي انتظار تعليقاتك |
اقتباس:
حياك الله |
اقتباس:
الله يبقيتس اللهجة بتعرفونها صعبه لكن من اللهجات القديمة العريقة الي مانبيها تختفي وهذا من تراثنا ويعافيك يارب |
هلا وغلا والله انه نور ليلاس يالغاليه
غيوم جيتى بوقت الغيوم والامطار والخير عندنا الله يحييك والله ماصدقت يوم شفت القصه منوره اشتقنا لروائعك يالغاليه البدايه غموض واكيد بتكون حلوه مثل سابقاتها بنتظارك بكل شوق |
اقتباس:
ان شاء الله عاد الغيمة تمطر ولاتوقف :) حياتس الله وان شاء الله تعجبكم |
يامرحبااااااااااااامليون يالله انك تحييها نوووووووورتينا بوجودتس ياهلاومرحبا بديه حلوه وش حلوه الا تهبل وتجنن ومازينها الااسمي ههههههههههههه مع انه قديم لاوبدويه يالبيه يبيلتس حبت خشم يالله انك تسعدها كنتس داريه اني ادورمثل ذا القصص من زماااااااااااااان مابي اطول عليتس ننتضرجديتس:55:
|
مرحباااااااااااا اقول يالي موعجبتس لهجت الاولين ترهم طلق وجهتس وكلنا بدو معليتس منهم رويتس تهبل وماحلها الا رفعه احم وفلوه كملي وبعدين ترى هذي فيها احداث من الواقع يعني موخياليه اوحركات الجيل هذا اقول يالبى البدوجعلني فداهم كلهم اسمعي ياغيوم خلي ضيدان يشتري شاص هههههههه علشان تكمل والا هلي 2011 ههههههههه مني اعطيتس رقم وااااحد يالبى قلبتس :flowers2:
|
الجزء الثاني شقومتس ما جيتينا امس تسمرين معنا عند الضو والله يارفعه ما حطيت جنبي بعد العشا الا وانا راقدة منهد حيلي رفعه .. يا سم الله على عيونتس الثنتين رجحا .. وش سالفة المرة الي عندكم رفعه .. بسم الله وش دراس عنها رجحا .. ابوي علمني رفعه .. عمي غريبة عمي طايرتن بوهته مع البل تسيف له قام يسولف معتس رجحا .. خبلس يارفعه هاقتن ابوي يسولف معي ابوي يحذرني اسوي سواتها رفعه .. هههههههههههههههههه اني والله استغربت تدرين يا رجحا وش قصتها رجحا .. وش هي رفعه .. جاو بيملكونها على ولد عمها غصبن عليها وتقوم امها وتخليها تسري وتنحاش رجحا .. عزتي لعينها ما اخبل البدو الي مايبك وش ابي فيه رفعه تبي ترفع ضغط رجحا .. يمكن نزوجها لضيدان رجحا .. جعله سعيدن ومبارك هذا الساعة السفره رفعه .. فرقتس ماتبين اخوي رجحا .. انتس خابره ابيه ولا ما ابية مالي شور دام الشايب حي رفعه .. ماعليتس يوه الي شبت ضوتس دام ضيدان رجلس رجحا .. وضيدان اخوي قبل ليكون رجلي وجعل عيني ماتبكيه مالي في الدنيا غيرة هو الي ينصرني على جور الايام رفعه .. اممممممه جبتي لي العبرة قومي خلينا نرقى العرق واجر المنكوس رجحا .. عزتي لمن جريتي له المنكوس رفعه .. وش يدريس يا رجحا يسمعني واحدن ثمن يطير عقلة يقول هذي اهي ولا مهيب اياها يا ويل حالي ويلاه ثمن يطير بي رجحا .. يطير بتس عسى ما تطحين على رقبتس ثمن تنعفص وتجين تدورين الي يعدلها رفعه : فرقت عيونتس الثنتين كانتس حارمتني حتى اني اتخيل :::::::::::::::::::::::::::::::::::::::::::::::::::::::::::: :: يالله حي ضيدان ضيدان .. يامرحبا بسعد سعد .. شحالك شحال الي خلافك ضيدان بخير زان حالك شلونك انت سعد ..من الله بخير وش انتي جاي تدور ضيدان .. ابي ابيع لي ناقة وشتري لي سيارة وعود لهلي سعد .. ياضيدان بيروح عمرك وانت طردي ورى البل قدم لك على سوداني يرعى البل وتعال توظف ضيدان .. وانت وش تشتغل سعد .. والله يا خوك اشتري من ذا الاراضي وطقطق في الحديد وفي كل شغلة تعال معي انت رجالن حقاني ومن حضه الي بتخاشره ضيدان .. بستشير الشايب اذل يضيق علي ولا يجي في خاطرة سعد .. خلاص اذا صملت تراني دايم هناه تعال دونك وابشر :::::::::::::::::::::::::::::::::::::::::::::::::::::::::::: :::::::::: بروح ادور فلوه ام علي .. توكل على الله والله يقويك مع اني ابيك تصبر علي .. ماعاد به صبر ابي اشوف اعلومها واحوالها ولونتس خليتيها تعرس على فهد كان ابرك لها من ذا النحشه ام علي .. تحسبني مابيها تاخذ ولد عمها مير راسها يابس وقمت تدعي على نفسها ان كانها خذته ان تشعل في روحها علي .. حتى فهد ضايقن علي واشوفة جامعن ابله وعندها سوام يبي يبيعها ويروح للبلاد ام علي .. بتضيق علي وسمية تحسبني ودي ان فهد ما ياخذ فلوة ودام فهد بيروح للبلاد اذا لقيتها خله تعود علي .. والله ان كانها عودت لزوجها لفهد غصبن عليها ام علي .. تكفى ياولدي يتيمه تبي ربي يحافيك علي .. وهذا الي لاوي يدي :::::::::::::::::::::::::::::::::::::::::::::::::::::::::::: :::::::::: خلي عنتس ياخاله انا الي بكف الاغراض صيته .. ريحي عمرتس يابنتي وبتجي رفعه وبتساعدني فلوه .. الله يعين رفعه اذا جات انها تعبانه صيته .. من يسرح ببلكم يامتس فلوه .. اخوي علي صيته .. الله يخليه لكم يارب الا بنشدس يمه وان كانتس بتضيقين فسمحيلي فلوه .. كل شي منتس يمه زين صيته .. وش في ولد عمس يومتس عايفته فلوه بجزع .. مافيه شي مير النفس وماتهوى ولا فهد مابه اكرم منه ولا اسنف منه ورجالن مشكل احم احم السلام عليكم صيته .. يامرحبا والله ضيدان .. وشلونكم صيته .. طيبين طاب حالك تعال تقهو ضيدان وهو يقعد في مكان ما يكشف فلوه ابوي وينه صيته .. راح مع عمك يعس ضيدان .. ووينهم بعد بيشدون صيته .. ياولدي البل يسرن في الليل تسن ماصلح لهن وانت اشوفك ما شريت لك سيارة ضيدان شريت بس خليتها في البلاد صيته .. ليه ضيدان .. بعود عليها صيته .. يمك تقوم تروح وتجي مع ذا الخطوط ضيدان .. يالله بروح للبنات صيته .. قدهن بيجن ولا شاري لهن شي ضيدان وهو يبتسم .. اي بالله شاري لهن تبينهن يا كلني كان الوقت العصر والعروق بكل مكان صاير لونها غريب هي حمرا بس وقت العصر طالع غامق شوي بسبب ان بعض العروض تضل بعضها يكون لها ضل وفيه اعشاب بس مو كثيرة وصوت طيور شكلها ترجع لبيوتها كان معه عصاته وكيسه ماليانه قريض وحلاو وكيسه مليان حجر بطارية عشان اراديو كان يسرع بخطواته يحب رجحا لكن عارف انها تحبه مثل اخوها لكن ما يقدر يبين انه ميت عليها يدللها على انها اخت وبس وعارف انها قابلة فيه بسبب ابوها وده يرفض لكن قلبه عجز انه يقول لا رفعه كانت تجمع تالي البل عشان تروح مع مقدمها كانت راكبة الحدوج وهو الي يقود البل ويوضع عليه الزاد كان معها عصى وتصقع ركبه بالخفيف عشان يمشي ويجمع لها ابلهم الابل كانت كثيرة مرة وماتقدر عليها بلحالها ضيدان كان يساعدها دايم واليوم يالله يالله تقدر عليها تطالع رجحا الي سبقتها لكن تقدر تشوف طرف ابلها رفعه .. عسى رجحا ماتروح وتخليني وش بسوي لا يغدي شين من ذا البل كان منظر الابل يسلب القلب من مكانه فيها البيض العفر وفيها المجاهيم السود وفيها الحمر اقبل عليها يالله حي رجحا رجحا .. الله يبقيك بشر ياربك شريت لك سيارة ضيدان .. ابشرس ماتشوفيني ماحمل رجحا .. جعل ربي يغنيك بغناته عطني اياه خلني اشيله منك ضيدان .. تبين رفعه تلبلبني بعصاتها رجحا وهي تضحك .. الله يرحم حالها انطر عليها وتجيها ام الركب بمحلها ضيدان .. لا والله ما انطر عليها رجحا .. دامك تحبها عيانها بلحالها تطارد ذا البل ضيدان .. خلها تعود بروح للبلاد ومن الي بيساعدها رجحا .. تقوله جاد ضيدان .. أي والله تسان الشايب وافق مشيت ذا الاسبوع رجحا .. ومن تخلينا له يا ضيدان ضيدان عارف انها ماتقصد الي هو يتمنى .. ماعليكم ان شاء الله اذا زانت الامور خذيتكم معي كان ود رجحا تروح معه تبي تنحاش من قسوة ابوها |
وهـ بس .. <~~ لحقوا عليها بتموت مش مسدئا
وش أقوووول .. فديييييييييييييييييييييييييييييييييييتك وفديت عايلتك واحد واحد <~~ هالحين وش دخلهم اخخخخخ .. يسلموووو حبوبة .. القصه شكلها حلوووووه من بدايتها هذي القصص ولا بلااااااش احب القصص البدويه حي ذا العين ولا القصص الثانيه انحدينا نقراهم عقب قصة بين الامس واليوم (دحين ولا ياواد ) ياغيوم واصلي نحنا معاكي واصلي ويسلمووو كمان مرة من اليووم للسنة الجاية اخخخخ .. |
أهلين اختي
بصراحه البارت قصير قصير مالحقنا نفك خيط ولا نضم ابره وش دعوه عاد في العاده دايم البارتات الاولي تكون طويله شوي كمقدمه وفهم واستيعاب |
يالبى قلبك ذكرتيني بلهجة اهلي في الديرة كذا كلامهم حياتهم تقول جدتي كان كذا بسيطة وحلوة |
مشكورة غيوم الروية شكلها حماس :55::55::55::55::55::55::55::55::55:بس بعض الكلمات ماافهم المقصدمنهايعني احس اللهجة غريبة شوي :friends::friends::friends:
|
روايه بدايتها حلوه وروعه والاحلى منها راعيتها يالغلا نورتي المنتدى بوجودتس واعتبريني ان شالله من متابعينتس
يالبى رفعه حبيت كلامها وحتسيها >>>ذكرتني بوحده اعرفها يالله غيومه استودعس الله وبدايه موفقه ان شالله اختس ''دلوعتهم "" |
الجزء الثالث يمه تكفين لاتحديني على قصاي فهد يا ولدي البلاد تجيب لي ضيقة صدر فهد .. اسمعي يمه بشتري لتس مزرعه وبحط لتس فيها خيمة عشان ما يضيق صدرتس وبشتري لتس ذود وش تبين بعد ام فهد .. الله يسامحك تعرفني ما اداني شوفت المدن والمباني فهد .. انا يمه بشتغل وماعاد نيب رايح للبر مرة ثانية وتكفين يمه ارضي علي عشان ربي يوفقني ام فهد .. الله يوفقك يمه وخلاص حتى قسمي من الحلال الله عطاك اياه فهد .. قسمتس بشتري لتس به ذود وحطة في طرف المزرعه عشان ما يضيق صدرتس ام فهد .. الله يوسع خاطرك بذكره يارب والحين وش ناوي تشتغل فهد .. ازهليها يمه انا من زمان ما احب مطارد البل الحين بشتري وببيع بالاراضي والبيوت والله يوفقني يارب ترددت بغت تقول وبنت عمك بتخليها تروح لكنها تعرف فهد زين ما يحب يبين الي في خاطرة تدري انه يبي يشغل وقته عشان ما يفكر بفلوة وكيف انها راحت وخلت الناس تشمت فيه :::::::::::::::::::::::::::::::::::::::::::::::::::::::::::: ::::: كان بيت الشعر مفتوح وفي اخره النار مشبوبه وحولها دلال القهوة ( بيت الشعر معروف انه اسود ومن غزل الغنم يصنع ) عجلن علي بالسمن رفعه روحي لخالتي بالسمن وانا بقطع البصل رفعه .. يمه اصبري بنحط السمن على البصل ونجيبه مرتن وحده كانت صافيه تزين جمرية وهي قرص على الجمر وتمرده بالسمن والبصل فقط وطريقته يعجنون عجينه ويحطونه في تاوه على الفحم لين تنشف ثمن يدفنونها في الرماده وقبل لا يدفنونها يحطون جمر عليها من فوق عشان تنشف رفعه .. هاتس يمه صافيه .. روحي ودي لبوتس القهوة كانوا فارشين فرشة برى بعد المغرب باقي نور خفيف مابعد اظلم الوقت كان جالس ابوها وعمها وضيدان وكان في الوسط سطل صغير فيه الفناجيل وماء وقدوع في علبه حديد عشان ما يجيه التراب خذى ضيدان دلة القهوة منها وجلس يصب لهم قهوة وهي رجعت لمها عشان تجهز معها العشا عشان يتسمرون على الراديو كان يجي البادية على إذاعة الكويت السلام عليكم رفعه .. يامرحبا برجحا رجحا .. والبقا هذا عشاي حطوه مع عشاكم رفعه .. وش زينتي رجحا .. ابوي صايد ارانب يوم راح يعس وطبختها صيته .. جعل خيرة يكثر رفعه .. ياوك ودي بفخذها رجحا .. اصبري بعد الشيبان الي يبقا اكلي منه رفعه .. والله العظيم ان اخذ قبلهم نعنبو دارتس حنا من اصبحنا وحنا ورى البل وهم يتمشون ويسعسون ويصيدون صيته .. جعلتس امحق من حتسى ذا ابوتس وعمتس رفعه .. يمه وش انا قايله احذري تقوليني شين ما قلته فلوه .. هههههههههههه ما قصرتي ماخليتي فيهم شي صيته ..عجلو بالعشا خلهم يتعشون يبه ابو ضيدان .. سم سم الله عدوك يبه تعرف سعد ال .. ابو ضيدان .. أي بالله اعرفه وين جيته ضيدان .. يوم رحت ابيع الناقة عينته ابو رجحا .. وانت ليه تبيع الناقة ضيدان .. ابي اشتري لي سيارة ابو رجحا .. سيارتي وسيارة ابوك ما تسدك ضيدان وعارف طبع عمه الشديد الحين لو افاتح ابوي في المراح للبلاد وعمي موجود والله ان يخرب علي ابو ضيدان .. ماعلمتني وش بلا سعد ضيدان .. يبيني اشتغل معه في البلاد ابو ضيدان وعقد حاجبة .. وحنا من تخلينا له ضيدان .. النات موجودات وكانهن ما قدرن على البل جبت لكم راعي ابو رجحا .. وش انت تبي في البلاد ضيدان.. ياعم مانيب قاعد طول عمري هناه ابي اشتغل ابو ضيدان .. منتب معرس ضيدان .. الا بعرس كان عمي وافق اجعها قلبها معجبها ضيدان ابو رجحا .. رجحا مهيب رايحة للبلاد ضيدان .. بس المره مع رجلها ابو رجحا .. كلامن يجيك ويتعداك بنتي معي هناه في البر الي يبيها وبياخذها يقعد معي اما تبي تاخذها وتروح بها للبر مالك لوا ابو ضيدان .. يابو رجحا استهدي بالله وهذا ولدك ضيدان وهو عصب وداري بنفس الوقت ان رجحا ماتبي تاخذه الا عشان تفتك من جور ابوها .. ياعم رجحا لي من و أنا صغير ابو رجحا .. تبيها ارعس ولا تروح للبلاد ابو ضيدان .. ومراح للبلاد ومامعك مره ماله لزوم حم يا ولد كان الصراع محتد بينهم لكن يوم سمعوا صوت الرجال كلهم فزوا اقلط ودخلن الحريم للخيمة بسرعه السلام عليكم وعليكم السلام يالله حيه الله يبقيك ولله ثم والله ما تذبحون لي شين ذذا الليل لليل وهدا ابو ضيدان .. ها والله ان تذبح لك بكرة يا ضيدان احلب الناقة وهات التمر |
غيوم الشووق
أبداع ماشاءالله عليكي في أنتظارك بس واجد واجد واجد علينا من الخميس للخميس ترى الذاكره موو ذاك الزوود واسبوع عزا الله نسينا وش هوو مهببين الأبطال من قبل اسبوع عشان نفهم شوو بيصير عقب ادري و أكيد انك مشغولة وانشاءالله بما انك نويتي تفرحين قلوبنا و تونسينا بهالرواية الجميلة ادري انك بتقدرين تلاقين حل لهالتحدي ((تحدي النسياان)) وسلامتك يالغلا |
مرحبااااااااااااااااا مليااارااااااااااااات المليارااااااااااااات هلااااااااااا ومليااااااااااار غلاااااا بغيووووووووووووومه..
نوورتي يااعسل المنتدى . واشكر البنات اللي بلغوووني بالقصه هذي ..تووري والنووري الف شكر حبيبات قلبي .. وباذن الله بحااول اكون متوااجده هنا كل ماقدرت..للحين ماقريت اي جزء من الاجزاء اللي نزلت بس من اقراها بتلقين الرد موجود اذا الله احيانا.. غيوومه الف مبرووك هالبنوته الحلوووه وباذن الله تقدرين تاصلين فيها لبر الامان بدووووووون توقف.. همسه : غيوومه عاد انتي عارفه ذوقي بالابطال انا واثقه انتس حاجزه لي واحد على المواصفات اللي انتي خابرتها ومستحيل تخلين احد يتطاول على ابطالي .هع>>فيس مضبط اموره من قبل ينكتب حرف واحد بالقصه..هخهخه. |
اقتباس:
الله يسلم قلبك حياك الله ومشكووورة قلبوا وان شاء الله تعجبك القصة ونشوف تعليقاتك |
اقتباس:
حياك الله وعشان خاطر عيونك نزلت بارت بس ماقلتي رايك بالفكرة |
اقتباس:
لبى قلبك انتي مشكورة ياقلبي وحياك الله على مرورك الحلو |
اقتباس:
|
اقتباس:
حياتس الله ونورتي ياقمر |
اقتباس:
ابشري ولا يهمك كل ما شفت نفسي فاضيه كتبت ونزلت ولا يهمك ياقمر وحياك الله |
اقتباس:
وين الغيبات وعسى المانع خير اخبرتس مرابطه بليلاس في انتظار تعليقتس وانتي حددي على كيفتس كلهم ابطال من شايبهم لصغيرهم والله يقويني ويعيني ابطالهم كثير :) |
هلا والله ومليون غلا
الله يعيك العافيه غيومه على البارت ابداع نا شاء الله عليك ابو رجحا ذا وش يحس فيه ليه عسر كذا يارجال خل المره تعرس ويجيها صيب وتروح مع رجلها وشله انت تكبر ولا تني بظل كابت على روحها وفهد ما توقع نسى فلوه بس انه وده يروح عن روحه ضيدان الله يقويك على هالعم الي مخه مقفل وان شاء تاخذ رجحا وتروح بها وين ماتبي رفعه والله انها اطلق وحده تعجبني روحها المرحه والضيف اعتقد انه اخو فلوه جاي يدورها جزاك الله خير ونستناك |
هلا والله وغلا بغيووووووووووووومة
مرحببببببببببببببببببا بذمتي اشتقنا لش بقوووووووووووووة ولرواياتش الروعة بس انتبهت ان كل رواياتش لازم البطلة يا ضايعة يا طاقه من اهلها خخخخخخخخخخخخخ طبعا مع تغيير الاحداث والمواقف ننتظرش ع احر من الجمر والله يقويش ان ان شاءالله تقبلي ودي وحبي #دهـــ الـــ ع ـــود ـــن |
اقتباس:
حياك الله |
اقتباس:
الله يسعد قلبك قولي امين يالبى قلبك هههههههههههههههههه تصدقين توني انتبه بس ترا فلوه موب البطله :) خمني يا حلوه :) |
الجزء الرابع جاهم ضيدان مسرع .. عطونا فراش رفعه .. ابشر وكانن الحريم حاطين لهم فرشة برى الخيمة ومجتمعات فلوه ورجحا وام ضيدان الراديو عند البنات لكن ما يبن يشغلنه والضيف موجود جات رفعه وجلست عطيته بطانيتس يا فلوه خلاص ما عاد عندنا لتس بطانية صيته .. تقولينه صادقة ترا ما ينقال عليتس فلوه وهي تضحك .. ماعلي منتس كانتس عطيتيه البطانيه مرقادي اليوم بوزانتس كلمة بوزانتس تعني جوارتس .. غيوم :) رفعه .. لا بالله ما اداني احدن يرقد جنبي رجحا .. خلني اشوفتس لا عرستي ما قمتي تخمين الي جنبتس فلو رفعه .. شفتي يمه ويلها على العرس صيته .. تشر وتبشر رجحا وهي تضحك .. ليتني ما تكلمت قطعهم صوت ضيدان الي جاهم وجلس .. شكلكن تبن تسهرن من الي بيسرح مع البل بكرة رفعه .. والضيف هما ابوي عزمه للغدا ضيدان .. وياربتس تبيني اسرح انا رجحا .. عينوا خير انا الي بسرح بها التفت ضيدان عليها .. طيب البل مهيب واجد عليتس رجحا .. ازهلها يا ضيدان قم بواجب ضيفكم وخل رفعه تساعد عمتي تكلمت فلوه بحرج من ضيدان .. يا رفعه تراني بقوم بمحلتس وروحي مع رجحا رفعه .. بكيت عدوس يا فلوه تراني افرح ما جاني يوم جانا ضيف ابي ارتاح يوم من المسراح ضحكو كلهم صيته .. روحي مع خويتس يا رفعه فلوه عندي تسد محلتس صيته تلتفت لولدها .. شقومكم ارتفع صوتكم قبل يجيكم الضيف ضيدان .. انتي خابرتن عمي وابوي اذا ما عجبهم امر يالله تمسو على خير برقد رجحا .. وانا بعد بسري تمسو على خير التفت لها ضيدان .. تلاقين خير تبيني اوصلتس ابتسمت له رجحا .. مهوب من بعد البيت ضيدان .. ابي اقولتس كلمة :::::::::::::::::::::::::::::::::::::::::::::::::::::::::::: :::::: مشاء الله الله يبارك لك فيها يا ولدي والله يعينك من بيعاونك عليها فهد وهو يبتسم .. وش اسوي يمه بتس تبين تحطين لتس ذود (ذود هم الابل النياق النوق غيوم :) فهد .. ها يمه وين تبين تحطين البل عشان نزين لها حوش اني وسمية .. تبي تحوش على البل فهد .. ههههههههههههههه يمه لو اخليها بتاكل الزرع وسمية .. خلها تاكل جعله مهابيط العافية فهد .. ابشري لتس الي تبين وسمية .. وانت وش سويت فهد ابشرتس اموري متيسرة ان شاء الله والله يغنينا بغناه وسمية .. ماتبيني ادور لك مره فهد وتضايق .. وين تدورين لي يمه انتي تعرفين حد من هناه وسمية .. بدور لك من بناتنا من ربعنا فهد .. كلهن علي حرام والله ولا اخذ منهن احد قبل لا تحلفين تبيني اعرس زوجيني من بنات البلاد وسمية وتكدر خاطرها ولا تبي تضيق على فهد زود .. والله انها حظها الي بتاخذك والله مهوب عشانك ولدي ربي يحبها الي بتجي من نصيبك عزتي لحالي وين بلقى لك مره فهد وهو يضحك ... سيري على جيرانتس ويمكن تلقين لتس بنتن تعجبتس وسمية .. ليه تعجبني وانت ماتبيها تعجبك فهد وعلامات الحزن في عيونه .. اذا اعجبتس اعجبتني ضيدان .. اسمعي يا رجحا انا بروح للبلاد وطلبت من ابوي انتس تروحين معي وعترض عمي يبيتس في البر رجحا .. قبل لاتكمل يا ضيدان هذا ابوي ومقدر اخالف شوره ودامه قال لك الي قاله فـ انا امشي على قولة ضيدان انصدم .. طيب انا بروح للبلاد وحياتي بتبدا هناك رجحا .. مثل ماقلت لك يا ضيدان مقدر اخالف راي ابوي ضيدان في خاطره لونتس تغليني ولو شوي كان رحتي معي .. خلاص بصرتس يا رجحا ومشى وخلاها مشت رجحا لخميتهم وهي تمسح دموعها .. تدري يا ضيدان ان كل حياتي تمشي مهوب على كيفي وحكم القوي دايم يمشي على الضعيف اصبح الصبح وتو الشمس ما بعد طلعت بالكامل بس نور بسيط اصوات البل تتعالى رغاها ورفعه تاخذ لها من الفطور عشان تسرح بلبل مع رجحا البست برقعها وخذت أجلالها الطويل وحطته على راسها ومسكت عصاها .. يالله يمه انا بسرح تبين شي صيته .. الله يحفضتس مشت بعض البل باركه والي تشرب من الماء والي تاكل من العشب ركبت رفعه الحدوج الي كان منوخ ومشت وطبعا البل في طبعها اذا شافت الحدوج مشت وراها وكانت عصى رفعه تامر البل تقدمها والي تبطي ما تجي ترجع عليها رفعه بحدوجها وتقيمها وتناظر من بعيد رجحا مثلها تمشي ورى ابلها او تقدمها ومشت تتبعها وخلى المكان من البل وبدت الشمس ترتفع فوق وفلوه تساعد صيته في لم الأغراض وفي تزيين العشا صيته .. ضيدان يمك وش فيك تمشي وانت منتب طيب ضيدان .. خليها على ربي صيته .. علمني يمه وش بلاك ضيدان .. تراني بروح للبلاد العصر صيته .. وافق ابوك ضيدان .. مالتس لولا صيته .. ها وينك رايح وابوك مهوب موافق ضيدان .. ابوي يبيني أعرس وعمي يبي رجحا عنده هناه ها عرفتي وش بلاني صيته .. ما عليك اخذها والمره تتبع رجلها وين ما راح ضيدان .. تسنتس ما تعرفين عمي صيته .. الا عشاني اعرفه بيقعد ماسكن ذا الضعيفه لو امها حيه ما سوى بها ذا السواه ضيدان .. والله مدري يمه هذا شورتس صيته .. أي بالله .. والله يا عمي ان مكانا يشبع الحاشي عبدالله .. توني عاس يا دافع البلا دهر .. يمكنك رايح جنوب عبدالله .. والله يا ولدي اني احب الجنوب الشمال اغلبها غنم وانت عارف الغنم تحصد المكان الي اهي فيه .. شد صوبنا وابشر بلي يسرك ضيدان يضحك .. وش انت ياعلي تحد ابوي عليه علي .. ابيه يجي بوزانا ضيدان .. تسنك تبي ابوي يبعد علي .. خله يبعد الربيع قدامكم ضيدان .. بصرهم انا تسني بروح للبلاد عبدالله .. الظاهر ان الكلام البارح ما اقنعك في عادة البدو اذا جاهم ضيف ما ينشدونه في الايام الاولى وش يدور او وش يبي علي .. يا الوجيه الطيبه انا رجالن وراي ابلي واهلي وعجل وعشان كذا ودي انشدكم عن ذهيبة لنا ذهيبة .. يعني شي غالي فاقدينه عبدالله تحفز .. وش هي يا ولدي علي ..اختي يابو ضيدان عبدالله .. عندنا يا ولد الاجواد لكن مهيب متعديه محلها علي .. خلني اكلمها يا عمي الامور ماعاد بها على الي خابرتها والي طاقتن منه شد وراح للبلاد عبدالله .. قدها بنتي يا علي علي .. ياعم امها وراها تصب من عين في عين عبدالله يا صيته ياصيته كانت صيته ورى الذرى تسمع (الذرى الحاجز الي بينهم يفصل قسم الرجال عن قسم الحريم ) صيته من ورى الذرى .. سم يابو ضيدان عبدالله .. نادي فلوه دخلت فلوه عليهم وطاحت عينها على الي قاعد وبكت فز واقف يوم شاف اخته وقف بينهم عبدالله .. خلك محلك فلوه .. لا تكفى ياعمي هذا اخوي الوحيد عبدالله .. اشور شورتس تبين تروحين معه تبين تقعدين عندنا فلوه تناظر اخوها وتكلم علي .. فهد شد وراح للبلاد ماعاد يقدر يتعرضتس فلوه .. بروح معه ياعمي لمي عبدالله .. الله معتس يابوتس وترا خلاص لتس ابو ومتى ما احتجتيه بتلقينه فلوه .. جعل عمرك طويل ضيدان .. اصبروا لين يجي العصر وامشو ذا الحين قايله دخلت فلوه يعجبها ضيدان تحس فيه الرجل الي ودها تقضي معه حياتها بس كل ما تذكر انه يبي بنت عمه تحاول ما تمني نفسها رجحا كبي على قلتي ماء من الشمس (قلتي راسي ) .. غيوم :) رجحا .. دونتس القربه صبي انتي رفعه .. فرقتس كانتس ما تنفعين جعل اسقى لمن تلفت ولقيت كل الي حولي جدران ولا عاد شفت البل بعين رجحا ..هههههههههههههههه وش يدريس تاخذين لتس واحدن ثمن يخليتس ترعين ابله رفعه .. جعلني اخذ احضري ولا اطب البر حتى لو مسيرة :::::::::::::::::::::::::::::::::::::::::::::::::::::::::::: :::::::::: عمي انا موافقة اخذ رجحا حتى لونها في البر وانا في البلاد عبدالله .. وتروح ما معك مره للبلاد والفتن قدامك ارتاح مابه مراح ضيدان .. لا اله الا الله يبه تراني رجال مصلي وخايف من ربي يعني المره الي بتحماني ابو رجحا .. تبيها هناه ابشر لو من ذليل ملكتك عبدالله .. والله منتب صاحي خله ياخذ مرته معه ابو رجحا .. مالك لوا عندك رفعه تقوم ببلك وانا من يقوم ببلي عبدالله .. يالله اني في ذراك سوو الي تبون ضيدان .. خلاص بروح وامي تروح معي تجيب لرجحا الي تحتاج من البلاد عبدالله .. اجل انا الي بسرح بلبل عشان رفعه تقعد تشوف البيت |
السلااام عليكم
هلا غيوووووم ..صبااحك سكر زيااده .. ياحليل هالرفعه ضحكتني يوم قالت ابي حضري ههههههههههه الله يرزقهاا يارب .. بس رحمت رجحاا وش استفادت من هالعرس دام بيخليهاا بالبر ..اسم مرة وبس ؟؟ اتوقع انها ترفض هالزوااج .. ويمكن السنين تجمع فهد بضيداان بالبلاااد ..ومن زوود المحبه والعلاقه بينهم يخطب فهد رفعه وضيداان ياخذ فلوه ...بس مدري وشلون بتجمعهم غيوووم ؟؟؟ يمكن كل اللي بالبر يروحون للبلاد ومايبقى بالبر الا ابو رجحاا ..عسااه الشمس اللي تصك قلته >>راسه هههههه قاهرني هالشايب ماهمه الا نفسه والابل والا بنته مالهاا قيمه ...مالت عليه من ابو ..عسى هالبل تتوطى في بطنه ونرتااح منه ..>>فيس حااااقد عليه .. احساسي ان رجحاا بيكون لهاا حض اكبر من الباقين جزء صبرها على ابوهاا ..وضعفهاا .. غيووووووووم .. تسلمين يالغلا على هالابداااع ..بس ياليت من تحسين ان الكلمه جديده عليناا تترجمينهاا .. انا ماأعرف بعض الكلماات خااصه الجزء الاول فهيييت عندهن اقلبهن بدمجتي ألين فهمتهن من سيااق الكلااام .. بس القراء من دول متعدده وماهقيت انهم بيفهمون بعض المصطلحاات .. والا وش رايتس ؟؟؟ بانتظاارالجزء القاادم بكل شووووق ياغيوم الشوووق .. |
السلام عليكم
اخبارك غيوم اكيد راح يصير حدث مشوق في البارت الجاي امكن يتوفى ابو ضيدان وبيبعون ابلهم ويروحون للبلاد ويبقى عمه معه رجحا >>>الله يهديه بس شقومه عليها ننتظر بارتس الجاي بفارغ الصبر اختس دلوعنهم |
صبحك الله بالرضا والسرور
مبدعه ياغيوم وهذا شيء مو غريب عليك ضيدان ياعميري عليك يارب انك تجمع شمله مع رجحا وتهني وياها يبه ملك عليها بعدين اخذها بللبله ظلمه ما فيها ضو القمر واترك عمك بحسرتك ما يقدر يقولم كلمه لانك زوجها وفي حكمك وابو رجحا جعلك اللي ماني بقايله يا الاناني يا القاسي يا الظالم بس همك من يخدمك ويقوم بواجبك جعل يخدمونك جناني الارض ما تخاف الله بالبنت موقف حالها عشان نفسك جعلم الماحي رفعه يا حبي لك والله انك فلهه وتوسعين الصدر اجل تبين حضري ربك يرزقك بذاك الحضري المزيون واللي يموت على تراب رجولك ويبرد قلبك ويفكك من مراعاة اللذود فلوه الحمد لله اخيرا بتروحين لامك وتتمتعين بحنانها بس ليه ما تبين فهد مع انه شكله رجال والنعم منه بس القلب وما يهوى فهد الله يرزقك ببنت الحلال اللي تنسيك حب فلوه ةاللي خلفوها توقعاتي غيوم وقولي تم ضيدان ياخذ فلوه فهد ياخذ رفعه رجحا تاخذ علي وسلامتك |
قصة ..تروي ماضي عتيق .
كأنك مؤرخة .. ... طلب صغير.. بعض الكلمات لاتفهم .. لو بالأمكان .. وضع معناها بين قوسين .. كما تفعل الكاتبة الرائعة (أنفاس قطر ) دعواتي لك بالترفيق |
اقتباس:
وعليكم السلام والرحمه الله يسعد ايامك يارب ومشكووورة ياقلبي على المتابعه ابشري من عيوني اصلا كنت قبل اترجم وترجمت بعض الكلمات بس ان شاء الله في الاجزاء الجاية ومشكورة مره ثانية على المرور والمتابعه |
اقتباس:
مدري مراح اقول شي عن التوقعات خلكم تتفاجاون فيهم ومشكورة ياقلبي على المتابعه |
اقتباس:
هلااااااااااااا والله ومرحبا الله يسعد ايامك على المرور والمتابعه التوقعات مراح اتمتم ولا اقول شي تابعي وتشوفين :) وحياتس الله |
اقتباس:
ابشري من عيوني ولا يهمك |
كيف الحال اختيى غيوووووم الشوق
شكر خاص علي القصه شكلها بتطور وبتصير احداث جديده حلوه اتمني بس ان ابو رجحا تموت نياقه كلها عشان تستانس رجحا رحمتها علي لي هي فيه وبصراحه انا ماحب البر الا ايام معدوده ماحب اطول فيه يالبيه علي قول لي عندي اتمني ينزل كل يوم بارت صغير |
مرحبااااا اختي غيوم والله يعجبني كل اللي تكتبينه كله من سرد ذكريات امي للماضي وما غير اللي تبي ماء من قليان الشمس للراسها بصراحة تعجبني هالذكريات اللي تعيش الواحد في الماضي بصراحة رووووعة تسلمين
|
اقتباس:
العفوووو ياقلبي يالبى قلبك مشكووورة ياقلبي على التعليق وعلى المرور الحلوووو بحاول ان شاء الله انزل بارت اذا ضروفي سمحت |
اقتباس:
حياك الله |
حبايبي ترا الكلام بيخف وقعه يعني الاجزاء الجاية بتكون اللهجة اخف الحين هم بدوو قوة وشوي شوي بتشوفون
|
الجزء الخامس خيمة المعاريس فرشتوها صيته .. ازهلها فرشناها من ازين الفرش بعد واغراض رجحا قدها فيها عبدالله .. الله يوفقهم ترا الذبايح والعانيات في حوش ابو رجحا صيته .. حلالكم واحد نفداك عبدالله بروح اعزم الي حولنا وبعزم ربع فلوه صيته .. ياعبدالله احتس على اخوك خله يخلي الضعيفة تقعد ماعاد تسرح مع البل عبدالله .. حتسيت لين عجزت لونه بيفيد فاد في الصخر عسى ربي يلين قلبه عليها صيته .. امحق شايب اشهدن راسه يابس عبدالله .. اص ولا كلمة تحتسين في اخوي صيته .. اقول الحق :::::::::::::::::::::::::::::::::::::::::::::::::::::::::::: ::: وش فيك يافلوه من جيتي وانتي تهوجسين فلوه .. سلامتس يمه مافيني شي ام علي .. بتحضرين معنا عرس ضيدان والله يمه احس بتعب ومانيب رايحه معكم ام علي .. ابي اتعرف عليهم واشكرهم وعلي يبي يعطيهم عانيه فلوه .. عساكم على القوة :::::::::::::::::::::::::::::::::::::::::::::::::::::::::::: :::::: جعل الجدري يطحن تسبدس رجحا .. فرقت عيونتس الثنتين ماشين دعاتس رفعه .. هجل شايفتني غافية تروعيني ماخلتيني ارقد لي شوي رجحا .. أي مشاء الله عليتس اذا ضاعات البل محدن مهادتس (مهادتس ) يعني مهاوشتس .. غيوم :) رفعه .. بتنظلني وبتسدحني مابعد اعرست رجحا .. نعنبو غيرتس استحي رفعه .. ليه استحي العرس من الدين والدين مافيه حيا رجحا .. لا احد يسمعتس وياخذ من حتسيتس ويضيع رفعه .. حتسي زين ومافيه خلاف الجوو رووعه بداية شتاء هواء خفيف بارد والبل منتشرة تاكل من العشب واشكالها مختلفه صغار تلحق امهاتها وكبار وبيض وسود وحمر والارض حمراء رملية ومهيب مستوية فيها طعوس صغار وكبار والبنات كانوا جالسين على طعس صغير لان كان عندهم البنات الي يشرفون عيب معنى يشرفون يعني يجون في راس جبل او طعس :::::::::::::::::::::::::::::::::::::::::::::::::::::::::::: :::::::: والله يمه بصرتس اذا معجبتس اخطبيها والله ياولدي بنت عقل قبل الزين واهلها ناس اجواد وانت يافهد يبي لك صبر فهد .. اهم شي وحده تقوم فيتس يمه وما تزعجني انا رجال مشغول ما بيها تحدني وتردني ام فهد .. لا يا ولدي المره بعد لها حقوق ولازم تقوم في حقوقها فهد .. يمه الله يرضى عليتس اعرست عشان خاطر عيونتس فانا رجال حار ام فهد .. خلاص خلاص توكل على الله فهد .. ههههههههههه تسنتس ضقتي علي ام فهد وهي تتنهد .. ما ضقت بس ياولدي ابي مصلحتك فهد .. سوي الي تبين ام فهد .. ياولدي انا ما اشوفك الا اذا جيت بتمسي فهد .. ادور رزقي يمه يكفي يمه اني مبعد عن اشغالي عشانتس وعشان ذا المزرعه ام فهد .. خلاص بكلمهم بكرة واذا ردو علي الحريم روح لهم انت فهد .. ابشري :::::::::::::::::::::::::::::::::::::::::::::::::::::::::::: :::::: سعد استريح جايبك تحضر عرسي تقوم تشتغل معي سعد .. ليه وانا اشتغل معك بلاش مانيب مشتغل بلاش لازم تزوجني اختك ضحك ضيدان .. الساعه المباركه الي تناسبني فيها سعد .. تراني جاد يا ضيدان ماعندي مزح ضيدان .. شورها عند ابوها سعد .. اني خابر بس بوك مايعرفني ضيدان .. خلاص ابشر ولا يهمك خيمة المعاريس جاهزة وغراض العروس فيها رفعه .. يمه اشلا ان الرجاجيل هم الي يطبخون الذبايح ولا شان حظنا ام ضيدان .. ماعليتس ذا السانتس ما سكت رفعه .. بري حالي قومي الشين تحسدوني عاد على ذا السان جعل اسقى لعرست وماعاد جيتكم الا مسيرة ضيدان .. هههههه ابشري بعزتس رفعه .. تضحك والله اني اقولة صادتزه مسراح مع البل وحالتن الله اعلم بها ابي بيت مسكر علي وماهمني الا اتزين وتمشط مهوب مشاهد البل ضيدان .. خلاص هانت ابشرتس والله ان تلقين الي تبين ام ضيدان .. اشهدن مابه سحى يوه الي ماذبحتس الحيا رفعه .. الي يسكت ينوكل حقة عايني رجحا اجل عروس وذا الليل عرسها وسارحه بالبل ضيدان وهو معصب .. الله يهدي عمي مانبي نضيقه ولا ان شاء الله ان تغير امور كثيرة اصوات طلق النار واصوات غناء الحريم وريح العود ماليه المكان وبعد صلاة العشاء يزف ضيدان لمحبوبه قلبه دخل الخيمة كان نور بسيط من إضاءة سراج كانت بعباتها ملتفه بسواد دخل ما معه احد كانت ترجف اسمعيني يارجحا .. والله الي خلق حبك بقلبي انتس ماتنظامين وانتس بنت عمي قبل لا تكونين زوجتي والله الي خلق سبع في سماه ان اعوضتس عن كل ما شفتيه في ذا الدنيا سكتت تدعي خجل العروس لكن بقلبها انه بس ولد عمها وقلبها مابعد نبض له ابد |
بيتنا الطين
http://www.liilas.com/vb3/t111824.html الحلم الغامض http://www.liilas.com/vb3/t122432.html والغريبة بس مانزلتها في ليلاس بتلقينها بمنتديات ثانية وهي اول قصة اكتبها بالنت |
احدن قااالتس قبلي يااملحتس غيووومه .. روايتس ذي سبشل غيررر اللي قبل .. بس .. تكفااا تكفااا تكفااا تكفاا تكفاا تكفاا وترا تكفاا تهز بنت الرجااجيل .. طووولي الباارت .. تخيلي من قصره كنت اكل قطعة بيتزا وخلص الباارت قبل ما اخلص ذا القطيعه فهد يابعد حيي من بياااخذ .. ان شااء الله مايااخذ غير فلووه و يعطيهاا العين الحمراا رجحاا احمدي ربتس مقلووبه اللي خذتي ضيداان بيفكتس من مراح البل رفعه اربهاا ذا العوباا تاخذ واااحدن اقشرر >> نذااله بس اي يووم ينزل الباارت ?? |
اقتباس:
يسعدك ربي |
اقتباس:
لبى عيونتس يا قمر طيب وش رايك بدال ما اطول انزل كل يوم بارت |
السلام عليك ورحمة الله
البارت على الرغم من صغره الاانه حلو ما ادري ليه ما توقعت رجحا بياخذ ضيدان بس النصيب اله يوفقهم رفعا ياعميري بيطق فيها عرق اذا ما عرست يارب انك ترزقها بزوج الصالح فلوه خسرت ولد عمها اللي يحبها وخسرت ضيدان اللي تحبه الله يعطيك العافيه |
السلام عليكم..
غيووووووومه مالي شغل ابي فهد لي برووحي احسه يجنن يجنن وفلووه الدبيه ماتستااهله وع ماا احبها وما احب اسمها.. خلااااص هالبنت انا محاربتها وبسووي كل اللي اقدر عليه عشاان ماترجع له ويلقى سعاادته مع وحده تستاااهله فديت فهودي يستاااهل الزين وان الوحده تحفي عشاانه مو تنحااااش عنه>>فيس دخل جوووووو مره..هخهخهخهخه المهم غيووومه الجزئين الاخيرات للحين ما قريتهم توني خلصت الاجزاء الاولى وعلى طوووول من طاااحت عوينااتي على فهوود وانا قاايله ذس ماان فووور مي جااااااست فوووور مــــــــي >>فيس اللغات الخربانه..هع رفعه تهبببببببل ودمهااااااااااا عسل عسل عسل وعليه قررت انها هي اللي تتزوج فهد..الرجال مقهووور من هالفلوه جعل يلفونها ويفلونها ببساط ..ووهي ذالفه عند ضيدان وامه مالت عليها. المهم المهم فهودي يتزوج رفعه خلها تفك عن خااطره شووويه .. شوفي غيوومه بقوولتس شي العووود المهذري ابو رجحا مووووتيه وفكينا منه . عز الله انه انااااني ومعفن جلف اجل يخلي بنيته عنده عشان تخدمه ومايشوف مصلحتها.. طيب الحين اهل ضيدان بيروحون للمدينه وش تقعد البنيه تسووي بروحها مع عود مهذري مافكر انه ممكن يجيها احد ويعتدي عليها وهو شايب عاايب مايقدر يرد عنها.. ما ادري اذا قلتي شي بالاجزاء الجديده والا حصل تطورات بالجزئين الاخيرات بس مقهووره من هالشاايب .. يبي البنيه يفنى شبابها وهي ترعاه وترعى نيااقه هالمخيس.. اقووول صدق غيومه البنات متعلمات والا بعد انحرمن من التعليم >>فيس مقهورعلى بنات جلدته.. ام فلوه: يعني الحين من زين العلم مهرّبــــــــــــه بنتس عشان ماتزوج فهد ومنحشتها في هالبر وماتدرين وين هي راايحه..يعني الحين الخلا والبران ارحم في بنتس من فهد ياا العجوز الهذريه.>فيس شال الخيزرانه على هالعجوز.. والله مدري علي هذا هو اخو والا عمود خيمه لاعنده حميا ولاعنده مرجله مخلي اخته تطس بقريح وهو مايدري عنها ومشجع امه على فعلتها >>فيس ناقد عليه.. ضيدان: ارقد وامن وانا اختك رجحا بتاخذك وهي ماتشوف الدرب.. والله لو تزوجك ان ربي راضي عليها ..امممم شوف انتي تبيها وتمووت فيها وهي تحبك مثل اخوها بس شوف لما تتزوج بتنسى هي خراط الحريم هذا كله وبتصير تموووووووووت في دبادبيك وقل زارا ماقالت>>فيسي الواثق.. على فكرة سعد اللي اقنع ضيدان انه يجي عنده ويبيع البل اتوقع انه يتزوج رفعه اذا ماتزوجت فهوودي..>>فيس تشربكت خططه وتوقعاته..هع غيووومه تدرين من قريت ان ضيدان يشرب بالسحله.. وانااا ميته ضحك لدرجة اني شرقت((قولي بسم الله عليتس..)هخهخهخه تذكرت ايام هيف ونوت يوم تقولين بغيت اكتبها واستحيت..هههههه هه هذا انتي الحمد الله كتبتيها وراح الخجل الادبي..هخهخهخه.. يله غيوومه برد واقرأ الاجزاء الجديده وانتظري ردي باذن الله واذا قدرني ربي قبل الوقت.. وغيوووومه جعلتس ماتفقدين غالي يااقلبي ماتقصرين على السؤال.. |
السلام عليكم..
رد الجزئين 4 و5 .. غيووووووووووومه يااااااااااااااااحظي والله فزت بنجمتين وراء بعض وعطيتهم نفسي وهالشي من توقعي بزواج ضيدان من رجحا وزواج سعد من رفعه.. بس تعالي باااااااااااقي فهد ليش مازوجتيه رفووع والله انها بتوسع صدره وتخلي ايامه فوللي.. ضيدان ورجحا : كلووووولييييش الف الف الف مبروووووكزواجك من حبيبة القلب رجووح.. اقول ياااا ضيدان ارقد وامن قلت لك قبل وانا ما دري عن زواجكم انها بتصير تحبك والحين اقوول انها بتصير تبكي اللياالي وهي مناحره لهالعود المهذري تبي شووفتك .. يعني الحرمه بتصير تموت عليك مووووووت.. اممممم شوف اتوقع رجحا تهبل وجميله لكن عيشتها بالبر ورعيها للبل هالشي طمس معالمها يعني تلقاها الحين سويداء جاافه ياابسه من عيشه البر بس لو ترووح البلاد وتجرب دلع الهواانم بيتغير حالها والله انها ماترجع للبرلوو مسييييره.. الا صدق ليش ماتجيب لعمك هالمعفن صبي وتخليه يرعى بالبل .. مهوب حاجز هالضعيفه عنده ومخليها عبده له ولابله.. اتووقع انك يااا ضيدان فعلااا بتقلب الطالوله على راسك وتقول حرمتي وابيها عندي وانت ياعمي بنجيب لك صبي لحلالك ونفتك منك ومن قشرك علينا.. >>فيس يغششك الخطه..هع سعد : يه والله ما امداني اقوول انك بتاخذها والا صدق خطبتها.. فمن الحين اقوولك الف مبروك شكلك بعد يمكن تسري فيها بعد العرس من شفاحتن شفناها فيها الله لايبلانا.. >>فيس ناقد عليها..هع ام ضيدان: كفوووو الله مالها الا نسوانها صدق.. هالشايب شكل محد مربيه الا انتي.. >>فيس معجب. فلووه: ياخوفي يرجع فهد ويخطبتس.. وع مهوب حلوه ابد هالفكره.. الخووووووووووووف انتس تحطين ضيدان براستس وتبنين احلاااااااام كبيره عليه وتجين تهدمين حياته مع رجحا.. تدرين عاد ان هالشي لو صار يمكن رجحا تخاف على ضيدان ويستيقظ الحب في قلبها وتقاتل علشانه>>يااعيني والله رجعتي ياا الزوري للالفاظ القوويه الخبلا..هع يعني يمكن ماايوصل لخطبته لفلوه لكن يمكن تحس رجحا ان فلووه لها نظر بالرجال وهنا بتغير من وضعها معه عشان يكون لها بروحها ومايكون له عذر لو مال لغيرها سواء لفلووه اوغيرها..>>فيسي ابو التوقعات الاكشن.. فـــهـــــد: اقول ما ابي احبطك يا المزيوون بس عندي احسااااااااس انهم بيرفضونك وبترد لبنت عمك وبقصه شوويه تناسب رجعتكم لبعضكم.. ما ادري بس يمكن يمكن علي يمووووووووووت وهنااااااااعاد لابد يكون لها ولامها رجال يحميها فعشان كذاااا بيكون زواجها منك حتما ولااابد..بس والله مو بالعتها زووجه لك.. ياليت توافق هاللي امك خاطبتها .. تدري عاد ان فلوه بتكون منااسبه جدا لامك موو لك..عشان ترعى بالحلال..هخهخهخهخه غيووووووومه تسلم الايادي يااقلبي.. قصه مريحه جدااااا جدااااا.. مدري ليش دائمااا قصصتس احب هدوئها وابطالها وبطلاتها ولهجتها ..انتي عندي كاااتبه لها مكااانه عاليه وغاليه>>مو اسم القصه..هع بانتظاااار البارت الجاااي بكل شووق اذا الله احيانا ..فلا تتأخرين عليهاااا.. وعلى فكره غيومه لاتزعلين من قلة الردود كل المنتديات تشكي من هالركووووووود وخصووصاااا ان الاختبارات خلااص على الابواب الله لايحيها ليت من يصك الباب بوجها.. >>فيس كسوووووووووول |
يا هلاااااااااااا والله ومرحبا تو ما نور الدار ياختي والله اني افكر فيتس الحمدلله على السلامه والله من ناحية الردود فيه شوي بس المشاهدات واجد :) بس هم ما يدرون ان ردودهم مهمة وتخلي الواحد يتحمس يكتب القصة يا قلبي توها في بدايتها وبتشوفين وش بيصير بس والله لو اشوف تحمسات بالقصة لا حاول انزل كل يوم بارت مابي القصة تطول وتسمج ابيها نعيش واقعها واحداثها يوم بيوم ومشكووورة ياقلبي وياعيوني بس انتظري ترا الابطال توهم بالطريق خلي حجز الشيبان :) |
[COLOR="Blue"]عوودنـــــــــــــــــــااا مره اخرى بعد تفكير عميق بهذي الجمله..
اقتباس:
لان الوقت هذاا قليل جداا جداا تلقين احد ساكن بالبر والصحراء.. وعليه تفتق ذهني اللي ماخذ اجااازه من القصص عن فكره ان القصه تووهااا مابعد بدت فعلاااا وان بدايتها بتكووووون بعد مااايجي جييل جديد واهلهم هم ضيدان ورجحا وسعد ورفعه وفهد و وفلوووه.. يعني من هالجيل بيجي جيل ثاني وهو محوور القصه.. اتمنى انه يكون كلامي صحيح ويطلع تحليلي مبهر وخلااااااااب وفووووووووق الوصف واخذ نجوووووووووووم كثر نجوم السمااااء..>>فيسي الطماااع..هع [/ COLOR] على فكره غيوومه لو طلع كلامي صحيح بانا اووقف فووورا مصاادرة فهد لانه بيكون شااايب اذاا بدت الاحداث تزين وتشتب. وبختار واحد من الجيل القاادم بقووه للساحه القصصيه..عاد مايحتاج اقول ان البطل لي من الحين...هخهخهخه |
ياحلوووو التحليل لبى قلبتس خلاص بيجيتس عاد اشكال والوان
بنشوف وش بيعجبتس فيهم مابي اقول اكثر واحرق القصة ولتس خمس نجوم تدرين ليه لانتس الي قربتي بعد تشيز الي توقعت انهم ينتقلون بس ما قالت شي عن الابطال |
اقتباس:
ويلي ويلااه تقوولينه صاادقه غيوووم>>فيس مغمى عليه.. تف تف تف تف اعوذ علي بكلمات الله التامه بسم الله علي عقب هالغيااااااب اجيب لي تووقع مدمر.. انا ادوووووووووخ من فرحتي بنفسي..هع خلااص اجل غيوومه مثل ما اتفقنا البطل لي وبما انتس عاد تقولين اشكال والوان اتووقع اني بصادر اثنين او ثلاثه عاد بكيفي متوقعتهم وبيكونون حلالي كلهم اطب واتخير....هع تشيز شكرا لانتس خليتي لي شي اتووقعه..>>فيس يقول هاي لتشيز..هع |
السلام عليكم
انا تعجبني الروايه الي فيها روح البداوه والعادات والتقاليد وكل هذا لايخلو من روايتس غيومه واتمنى تصير قصتس قنبلة الموسم <<<حشا حرب مو قصه امكن يصير حدث يجبر ابو رجحا يطلق رجحا ويروح ضيدان من القهر يخطب فلوه فهد ياترى من بتاخذ وامك راح تخطبلك معقوله رفعه وانتي يارفعه اعقلي تكفين غيوم زوجيها حضري والا اقولس زوجيها سعد حرام البنيه بتموت تبي العرس |
مرحبا ياغيوم وبدايه موفقه <<<<<<<<<<<<<<<<<<<<<<<وهرجسسس من وين طلعتيه اىقرن واي عصر
والله انه تراثيات <<غيوم ممكن طلب ياريت توضحين التواريخ السنين حتي نربط با الاحداث الجايه وطوليي البارت شوييات والله يوفقس ويهنيس |
السلااام عليكم
هلا غيووم والله وصارت توقعاات واحدااث بغياابي ..والبركه بماماتي الزوري يالبي قلبهاا الحين بس احس ان عصر القصص رجع مثل أول ..وهـ ياناااس فديت ماماتي اللي تحبني وانا أحبهاا ..>>فيس يتغزل بماماته ههههههه وأخيييييييييييييييييراا نورتي مكانتس يالغلا ..>>فيس مشتاااااااق لماماته كثر الكوووون .. مشكوووووووره غيووم ماأحد رجّع ماماتي الا أنت ..>>أمووووووووووه وهذي بوسه لك غيوومه بمناسبه رجعه الماما .. نجي للقصه اللي مابعد بدت ..!! تدرين غيييوم ماقهرني الا هالرجحاا مالت ثم ماالت عليهاا ألحين هالمزيوون شاريتس وشااري حبتس تقولين انه مابعد نبض قلبتس له ؟؟ الشرهه مو عليتس ..على غيووم اللي تبي لتس السعااده والراحه والفكه من هالشاييب ..بس مادوااتس الا اللي يخليتس ترعين البل غصب عنتس وحساافه عليتس ضيداان ..تبي الجد يالشيخ روح واخطب فلوه احسها تناسبك اكثر ..واترك عنك عايفه النعمه ..>>فيس مقهووور منهاا سعد ورفعه ..مبروووك يامهناا جاك ماتمنى ..كللوليييييييييييييييييش فهد ..وفلوه .. شوفي غيوووم لو ماتزوج فهد من فلوه فأتوقع ان ولد فهد بيحب بنت فلوه ..اللي اسمها غاليه ...او العكس >>فيس يكتب القصه نيابه عن غيوومه بس بينط فهد ويرفض يقالك انه بينتقم من فلوه في عيالهاا .. غيووووووووم ياقلبي لاتشرهين عليناا والله خاطرنا نكتب بداال الرد عشره في كل جزء ..بس تجيناا حاله ركوود مالهاا حل .. ان شاءالله بتشوفين اللي يسرتس يالغلا .. بانتظاار القاادم بكل شوووووق .. |
لبى عيونكم مشكورين حبايبي على الرد |
الجزء السادس امحق عروس مالس إلا أسبوع وسارحة معي رجحا .. أي فرحانة عشانس بتعرسين وبتروحين للبلاد رفعه .. اسكتي يا رجحا قلبي يرجف مانيب مصدقة اني بفارق البر والله لوني منتس يا رجحا لاروح مع ضيدان وخلي البل للشايب رجحا .. يارفعه هذا ابوي لونه قاسي مستحيل اخليه رفعه .. بتقعدين طول عمرس عند ابله رجحا .. ضيدان بيجيب راعي لبلكم وابلنا بس انا بجلس مع ابوي وشوف طلباته رفعه .. وش رايس نزوجه كوده تهجد شياطينه رجحا .. ههههههههه جعلس الحمى ضحكتيني على ابوي رفعه .. والله اني اقولة صادزة بيلتهي عنتس رجحا .. ابوي حار ومعيي من العرس رفعه .. والله لوني مانيب ذالة على راسي تسان قلت له انا ذالة (خائفة ) غيوم رجحا .. قولي له بشوف وش بيسوي لتس رفعه .. طرجيبي اشوفه اذا هجت البل دعاه سابق رغا البل تبيني اكلمه والله ان تبطين رجحا ..ههههههههههههههههههه بصرتس انتي الي طلبتي رفعه .. ورجلس خبل رايح للبلاد ماله الا سبوع سكتت رجحا ماتبي تبين الفتور الي بينهم :::::::::::::::::::::::::::::::::::::::::::::::::::::::::::: ::::::::: هاه يافهد وش رايك في ساره فهد يلتفت على سارة الي جالسه جنب امه وتقهويها .. ونعم بها نزلت ساره راسها من الحيا فهد .. يالله بروح عندي شغل ام فهد .. لا تاخر يمه فهد .. ابشري تبون شي ام فهد .. سلامتك مشى فهد يبي يطلع وتبعته ساره في حيا تبي تودعه يحس بتانيب الضمير البنت تجتهد عشان ترضيه وهو قلبه مع وحده عجزت عن حبه وهو عجز عن نسيانها فهد .. روحي يا ساره لامي لا تخلينها بلحالها ساره بصوت واطي .. ان شاء الله كانت لابسه برقع وعيونها وساع سود ورموشها طوال وجلالها خفيف ومبين طول شعرها مزيونه بمعنى الكلمة لكن فهد حب فلوه معمي عيونه :::::::::::::::::::::::::::::::::::::::::::::::::::::::::::: ::::: (بعد اشهر ) رجحا ووجع ماتشوفين البعارين المقيدة فكي قيودها خليها تاكل مع باقي البل من الطعام رجحا .. ابشر ضيدان .. خليها انا بفكها ابو رجحا .. منتب دايم عندنا ضيدان .. رجحا حامل وماجبت الراعي الا ابي اريحها ابو رجحا .. فك القيد واشتغل وانت ساكت ضيدان يناظر رجحا الي خلته وراحت لخيمتها تمشي وهي تتنفس بسرعه عشانها جات مسرعه لبوها وما امداها تاخذ نفس دخل عليها ضيدان وهي منسدحه ضيدان .. تعالي معي يا رجحا رجحا .. مانيب مخليه ابوي ضيدان .. اسمعي شوري يا رجحا قدس في السادس ولو تجلسين هناه بتتعبين رجحا .. ماتعبت ياضيدان وانا اقولك اني مانيب رايحه ضيدان .. طيب هاين عليتس تخليني بلحالي رجحا .. الشرع محلل اربع اعرس وقف ضيدان .. شكلس يا رجحا عايفتني ولا وحده تقول لرجلها اعرس الا وحده تبغضة رجحا .. الا قول تحبه وتبي تسعده ضيدان .. ما ظنتي وطلع وخلاها :::::::::::::::::::::::::::::::::::::::::::::::::::::::::::: ::: رفعه .. وش مضيقك يا اخوي ضيدان .. عمي عاقب رجحا رفعه .. قومه خبلها لوني محلها جيت معك وخليته سعد .. تخلي ابوها ماعنده مره ولا احد يقوم به رفعه .. يوالله الي يحبون البل سعد .. ههههههههههههه ردي حظهم بتسدح ابلهم ضيدان .. يوه المتفرغين وتضحكون من قلب رفعه .. سعد الله اعلم من الي بينظلنا سعد .. اعرس وانا اخوك تقعد في البلاد بلحالك ضيدان .. انا مابي اضغط على ابوي وخليه يبيع البل وهو مايحب البلاد واذا جاها جاها وهو مستعجل رفعه .. طرجيبي بتضيع حياتهم في البران سعد وهو يبي يقهر رفعه .. بشتري لي ذود رفعه .. يا فجع رفعه والله لو تشتري لا طق ونحاش ضيدان وسعد .. هههههههههههههههههههههههههههههه سعد .. زين شكلتس انتي وكرشتس وانتي منحاشة رفعه .. يالله تحملت البر بلحالي وشلون وقد في بطني بزر ضيدان .. الله يجيبة سالم :::::::::::::::::::::::::::::::::::::::::::::::::::::::::::: ارتاحي يا ساره تشتغلين وانتي حامل ساره .. ابي ازين عشا فهد ام فهد .. يمكن يتاخر مثل البارح ويغدي العشا من حظ الغنم ساره وهي تخبي عيونها .. ماعليه ويمكن يجي وما يلقى عشا منهو الي ما يلقى عشا ام فهد .. يا مرحبا ابتسمت وبان بعيونها ناظرها فهد ونزل عيونه .. عندكم قهوه ام فهد .. عنها قدام عيونك راحت سارة تكمل عشاها ام فهد .. يمك كم لك من عيال عمك فهد .. يمه الحق لتس انتي الكبيرة وينهم ما جاوتس يسلمون ام فهد .. ودي نعيد عندهم فهد .. بشوف |
ثقتي بالقمر كاتبتنا عالية
و بأسلوبها ورقي طرحها هالبارتات تحميه و استعداد للي جاي لذى من قرأتي ومابعتي لها من قبل اخبركم انكم لا تقلقوو والجاي ارووع و اكيد مع اغنى وادسم البارتات يسلموو |
لاعااااااد هالمره ما امدااني اكمل بياااالة الشااهي وانا اقراا بس اللهجه لزيزه قداا قداا .. كسرررت خاطرري رجحاا .. لاتزوجين ضيدااان بغيرهاا وذا الشاايب الاشهب ابو رجحاا لو يفطس تساان يرتااح و يريح فهاااد اللي يحنن قلبه على سووير رحمتهاا >> اقطر رحناان اليووم رفووع من خذت !! الغااليه ياليت لو تكثرين الحوارات بين الابطاال بتطلع الروااايه طررر .. تسلم ديااتس |
غيووووووووووووووووووووووووووم ياوجه الله وش البارت هذا تغيركبير ف حياة الأبطال رررررروعة مرة تسلمين بس ماكنك حاسه ان البارت صغيـــــــــــــــــــــــــــــرحيل عاددبري لنابارت كبير بكبرحبنــــــــــــــــــــــــــــــــــــــــــــــــا لك انتي كريمة وحنا نستاهل خخخخ:flowers2::flowers2:واثقة مرة واموووووووووووووووووووووووووووووووون :welcome3::welcome3::welcome3::welcome3:
|
ارحبي ارررررررررحبي غيوم
هلا والله وغلا الله يعطيك العافيه على البارت بس مو كان الاحداث سريعه حيل يعني هو طلب مو امر ياليت يعني توضحين لنا اوضاع الابطال وحياتهم مع بعض احسك تعطينا الموجز الله يجزاك خير ابو رجحا جعلك الجدري وش تبي نت المره وقدها بطنها قدامها خاف الله فيها ورجحا تستاهلين اجل تعافينروحتك مع ضيدان عشان هالشايب لوانا من قدني طقيت منه ولا يشوف الا غبرتي ويالخبله في وحده تقول لزوجها الشرع محلل لك اربع شروعك بس فعلا ما تستاهلينضيدان ضيدان خلك رجال وتلها منة علباها معك ولا تشاورها ولا تاخذ بخاطرك من كلامها تراها سفبه وانا اختك غض النظر رفعه يالبى قلبك انا اشهد انك الشقرديه في الروايه الله يسعدك فهد استح على وجهك وقابل مرتك ابرك لك وش لك بالمقفين ترى ما عليهم حسوف ساره يا بعد عيني الوحده الي تاخذ واحد قلبه معلق مع غيرها مالها الاالحس ره بس وانا اوخيتك مالك الا الاستغفار ووكلي امرك لبلريك تسلكين غيومه جعلنا مانعدمك |
السلاام عليكم.. غيوومه ماشااء الله عليتس منزله الجزء بدري يااعسل.. كنت والله مشتهيه اقرأ شي مرتب واشوى اني لقيت الجزء نزل بس مااااا اشبعني .. غيوومه خليني اقوول لرفووع وش هالخطه اللي بتسووينها تزوجين الشايب عمتس؟؟لاا بالله مااتقربعين ببنت الناس الضعيفه وتزوجينها شيبه عرعر.. ياااااااا لووعةالكبد كني اشوف الشايب بيجلس يتشرط ويقول ابيها صغيره وعمرها 16.. يااا كبدي كبداااااااهــ شيبه ومعرعر ومهذري واناااني وبالبر وراعي ابل.وع لااا باللــــــــــــــــــــــــــه انها مرحووومه اللي بتاخده . رفعه وسعد: والله انتس للحين مفجوعه وشكلتس للحين مو مصدقه انتس متزوجه..هخهخهخه فهد وساره: اقوول ياافهد هذيب ساره فيها الخير والبركه وشوووله التعنفق على النعمه.. وش تبي حرمه تهبل وتحب امك وبتجيب لك بزر وش تبي اكثر من كذاا ليشقلبك متعلق بالعوووبا فلووه >فيس ناقد عليك.. ضيدان ورجحا: ياااااصبر الارض على اهلهااااااااااا ياارجحاااااااا. الحين انتي تلعبين علينا والا على روحتس يوم تقولين لضيدان يتزوج عليتس؟؟ والله لو ان ضيدان رجال ان يجيبها على رااستس ياا الخبله.. بس الخووووووووووووووووووووووووف انها تكوون فلوووووووووهــ والله ان تشيله من الارض شيل وانتي راابصه عند العووووود المهذري تقيدين ابله وتفكين القيد.. تدرين اتوقع ان ولادتس تعسر ويصير لتس شي اثناء الولاده.ويمكن فعلاا بالاخير يتزوج ضيدان لانتس خلاص ماراح تجيبين له الا بنت وهو يبي ولد ويمكن هالبنت تكون غاليه.. ويكون لاسمها قصه وبتكون غاليه لان امها ماراح تجيب غيرها>>فس اشتغل توقعات..هع او كل هالتوقعات مالها داعي و تولدين وتجيبين ولد وتربين هالولد في البر ويجي مثل هالشااايب يهذري بالبل والحلال مير ان طعيتيني ياا رجحا انحااااشي بعمرتس وانقذي نفستس من حيااة البر واكسبي حياة جديده مع ضيدان.. لاتقولين انتي تحرضيني على العقوق لاااا بالله العقووق مانحبه بس صراحه ابوتس هذاااااا ماينتعاشر وغير اصلااا ان انتي حرمه وبكره لو راحوا عمانتس من حواليكم مااا راح يقابلكم الا الصبيان و والصبيان مالهم امان وعشان كذا اقوولتس افركيهااا وقولي يااافكيييييك..>>فيس تحمس للخطه..هع ام فهد: شكلتس حبووبه مع ساره وبتكونين ام لها .. وبعد شكلتس تبين فهد يكون مع عيال عمه القطعان اللي ماجوكم ولا عزموكم مالت عليهم.. المهم عيال العم هذولاااا اتووقع بيكون لهم قصه مع فهد..بس السؤال هم ليش اقطعوكم ؟؟يعني زعل بين ابو فهد واخوانه والا الزعل بين فهد وعيال عمه؟؟ والا السالفه فيها ورث وفلوووس وهووشه على حلال؟ غيومه شفتي ردي هذاا ترااه اطووول من الجزء اللي انتي كاتبته>>فيس صريح.. لاتزعلين بس والله ما امداني اقرأ الا والجزء مخلص لدجرجة اني شكيت بنفسي وقلت اكييييد اني طاامره مقاطع ماقريتها ورجعت اقرأ وبعد نفس الشي انتهى الجزء بسرعه.. بس بعدين قلت يمكن لان الجزء نزل قبل وقته وبيكون اليوم لنا نصيب بجزءجديد قلت خلاص المره هذي بنساامحها>>فيس رحوم..هع يله عاد يااعسل نبي جزء مليااااااااان احدااااااااث وعلوم تخلينا نتعب من كثر ما الجزء طووووويل>>طول عمري اتمنى هالامنيه تتحقق وللحين مالقيت ولاا كاااتبه تحققها واللي بتحققها لي بعطيها هديه..>>فيس يسوي حماااس..هع بانتظاااااااااااار الجزء الجاااي اذاا الله احيانا فلا تتركين انتظارنا يطوووووووول. النوري : ياااااااااااازين والله تواجدتس انتي منووره يااقلب امتس.. بنت بااره بكل المقاييس ياعسل انتي..هخهخه |
صراحه البارت حلو بس قصير مره اقوي شي هع متاثره
توقعاتي اتوقع ان ابو رجحا يتسبب في مقتل الي في بطن رجحا وبعد هذا يقسى قلب رجحا عليه ورفعه لبي عنونها انا احب الي زي كذا مايهمها احد اهي لي بتستانس اتوقع اهي بتجيب ولد وان رجحا اهي لي بتجيب بنت حرام علي فهد شكله مره قاسي علي ساره مالت بس مالت المفروض انه يشيلها علي كفوف راحه يمكن اهي لي تجيب غاليه وتعيد الماساه و ولد فلوه يحبها ويرفض فهد انها تعرس عليه هههههه حلو توقعات بس غيومه بليز نزلي بارت الحين بزورتي توهم راقدين علي بليز نزلي بارت الحين تو ماتحلي سهره رقدو عوالي والحين بيرقد ابوهم ههههههههه |
ودي اكتب بارت ونزله بس صديقتي لي وقت ماشفتها معي على الماسنجر مقدر اخليها وكتب
بتزعل يكفي مشاريها علي |
الغالية غيوم انا بجد مبسوطة من شفتك وشفت روايتك الجديدة وبصراحة انا صارلي غايبة من سنتين وحبيت أعرف ما هي آخر رواية مكتملة كتبتيها قبل هذي عشان أقدر اقراها قبل ما أقرى هذي الرواية ولك خالص حبي وتقديري يالغلا حسناء |
الجزء السابع ياويلي من الشين طاقتن من شي وروح له برجلي ما اشتقتي لهلتس اهلي طايرتن بوهتهم مع ذا البل جعلها تحص من اولها لتاليها عزتيل بزري من نقط في بطنتس وانتي تدعين خله يغدي رجال وماعليه الي انا امه ولا وش رايك يا سعيدان سعد .. هههههههههه أي بالله اشهدن حظه مبارك وسعيد الا عيد اهلتس ياربه زين رفعه .. حليلك العيد عند عمي تسنه باقي الايام لابس ثوبه ومشلحه ويصايح علينا ردو البل حدو البل جعلها الجرب وابوي من يجي وهو من بيت لبيت ثمن يجينا اخر النهار واليوم الثاني العيد عاد عندنا وانا ورجحا عيدنا مع البل نتراقص حنا وياها سعد .. ههههههههههههههههههه ماعليكن يمكن مشاهد البل ازين من القعاد في بيت الشعر رفعه .. لا رجحا تحب البر وتحب الرفاع وتحب القصيد سعد .. اقنعيها تروح مع ضيدان الرجال قعاده بدون مره مهوب زين رفعه .. بصرها ازهلها هي اخبر بمصلحتها عجزت وانا افهمها مير مهيب مقتنعه الا اذا صنها بحرمتن ثانية انعدل حالها سعد .. يعني الزواج زين يعدل الحال رفعه تلتفت له .. أي ويكسر الظهر ويقلع الي ينوي بس والله لا صبجه ومسية بدعاوي سعد .. لا تكفين مانيب ناقص تبين يطيح حظي رفعه .. ماعليك حظك ارتفع من خذيتني سعد وهو يبتسم .. وانشهد رفعه وهي تعدل برقعها .. عسى منتب تهزى بي سعد .. لا بالله :::::::::::::::::::::::::::::::::::::::::::::::::::::::::::: ::::::::: يامرحبا تكفى يافهد يا خوك لا تزعل علينا فهد .. ازعل من اخوي ياعلي علي .. والله ان نار تشب في قلبي يافهد من رحت لين شفتك اليوم تسن ماء بارد طفاها فهد .. وانا اخوك مهيب الي بتفرقنا مره ضاق صدر علي عشانه يطري اخته .. اسمع يافهد والله انها يتيمه ولا اقدر اغصبها ولا كان مسكتها ونطلتها عليك نطل فهد .. مانيب شاري الي بايعني والي ما يبيني مابيه وابشرك ربي عاضني والله يرزقك مثل ما رزقني والمره حامل وان شاء الله يرزقني الله الثرية الصالحة باذن الله علي .. عسى جعل ربي يرزقك يارب والي مثلك بار وهاديه الله بشره برزق فهد .. جعلك سالم يامرحبا بام فهد يالله ان تحييها يوالله الساعه المباركه الي شفناكم فيها يامرحبا بساره جعله مبارك عرس فهد حتى لو ما حضرناه ام فهد .. وش نسوي فيكم عفتوه وربي عاضه والحمدلله ساره تسمع الكلام وبعيونها تشوف الي عافت رجلها جذبتها عيونها لكن تحس بقلبها قهر باين انها حلوه ماشافت باقي وجهها لكن جسمها وقفتها والعيون العسليه وضح انها مزيونه ام علي .. الله يوفقه ويشهد الله اني مانيب عايفته مير انتي اخبر والله يرزقه الذرية الصالح هان شاء الله فلوه .. فهد اخو ياخاله وجعل ربي يوفقه ويرزقه ام فهد وهي تشرب فنجاله وفي صوتها عصبيه .. ابشرتس ربي رزقه شوفي الزين قدامتس فلوه صح ما تحب فهد بس تحس بقهر وغيرة يا ولد ام علي .. اقلط السلام عليكم مسكم بالخير ام علي .. يالله حي فهد يامرحبا عليك طيب فهد .. جعلتس طيبه ام علي .. والسلامه فهد .. الله يسلمتس ام علي .. وشلونك فهد .. زان لونتس وش لونتس انتي ام علي .. من الله بخير يالله انك تحييه يامرحبا في ذمتي فلوه .. ماجور يا فهد جلس ولا كنه سمع صوتها ابتسمت ساره تحس قلبها يرقص تجاهلها هذا الي تبيه الحريم ما حبن يبينن شي وخلن الموضوع عادي قامت فلوه وجابت الدله تبي تقهويه بــس كلمه قوية طلعت من فم فهد بدون مايلتفت لها نزلت الدله ودخلت لقسم الحريم وخلتهم ودمعت عينها تحب فهد بس مهوب حب الي طاري عليه تحب حب اخو لكن ماتبيها رجل ماتبيه زووج بس ماودها يكون تعامل فهد معها كذا عاشو مع بعض وتربوا مع بعض ولايهون عليها تشوفه كذا يوم بغى يغصبونها عليه ترجت امها وبكت عندها ما تتصور نفسها وفهد زوجها :::::::::::::::::::::::::::::::::::::::::::::::::::::::::::: ::::::::: هاه بتخاوني لقصرانا بروح اسلم عليهم ونتغدى عندهم ونعزمهم للغدا بكره ضيدان .. بتخاوينا يا سعد سعد .. أي بالله بخاويكم وش مجلسني ومافيه احد ابو ضيدان .. ها عجلوا ترانا تاخرنا ضيدان .. يبه انا مابعد سلمت على ربعنا ابو ضيدان .. راقدن في حضن المره ومصفر والعرب من فجر وهم قايمين سعد يحط يده على فمه مايبي عمه يشوف ضحكته ضيدان .. طلع ضحكتك والله ان رقادي يشري كل عربنا ابو ضيدان وهو ضايق .. استح علىلا وجهك وعجل علينا تحسبن وضعك معجبني مير والله ان تعدل امورن واجد رفعه .. زين ان عمي رحمتس وماعاد امر عليتس\ رجحا .. عشان ضيدان حاضر رفعه .. انتس خبل ما تروحين معه وتخلين الشايب رجحا .. الشايب ابوي من اخليه له رفعه .. بصرتس بس لا اعرس ضيدان لا تضيقين رجحا .. الله يوفقة رفعه .. فرقت زولتس والله انتس تسذبين لو يجي الجد ان اشوف ادموع اربع واربع رجحا .. هذي ارفيع مهوب انا رفعه .. زين اذا اعرس ثم جابت مرته بزران لا تجيثن تشتكين رجحا .. امشي نروح نسلم على اهلنا ونعايدهم رفعه .. متى تولدين رجحا .. قد شهري داخل رفعه .. عزتيله بيربى عند البل وبيسفر عمي السوداني وبيخليه محله رجحا تبي تقهر رفعه .. ههههههه ماعليه ان شاء الله رفعه .. امشي قبل اتوطى في حوض بطنتس وامي راحت معهم وخلتنا :::::::::::::::::::::::::::::::::::::::::::::::::::::::::::: ::::::: يا والله الساعه السفره يا مرحبا يالله انك تحييهم ابو ضيدان .. الله يبقيك مشاء الله محلكم زين علي .. اني اعلمك لونكم تشدون عندنا ابو ضيدان .. على خير وحنا جايين بينا وبينكم مكان يشبع الحاشي ان شاء الله اشاور ابو رجحا والربع ونشوف رايهم علي .. جعل ربي يحييكم والله اني صادق ابو ضيدان وهو يبتسم كانك صادق زوجنا ارتاع ضيدان والتفت ابوه يبي يعرس معقولة تغير وجه علي وكمل الشايب نبي فلوه تراها صارت بنتنا لضيدان الا كانك ماتبيها تاخذ على جاره\ ضيدان حطه ابوه في موقف لا يحسد عليه علي .. والله ياعمي ضيدان رجال والمره مهيب الي تعيب الرجال وان شاء الله اشاور راعية الامر ورد لك :::::::::::::::::::::::::::::::::::::::::::::::::::::::::::: :::::::: جعله يغضب عليتس يا رجحا ماعينتي تولدين الا يوم راحت امي يا طرجيبي رجحا.. تكفين يا رفعه بموت بموت رفعه .. اذكري الله ان شاء الله ان ربتس يهون عليتس ياربي ارحمها |
اتوقع رجحا تموت بعد الولادة وتنجب بنت اسمها غالية واحداث القصة تكون بين أولاد الابطال الحاليين
|
صبحك الله بالخير
لالالالالالالالالالالالالالالالالالا والف لالالالالالالالالالالالالالالا حرام غيومه ما فتكينا من شر الشيكان الاكبر ابو جحا يجينا الشيطان الصغر بشره كيف يجيه قلب يزوج وله على بنت اخوه والله انه مافيه غاريه يا حر قلبي عليك يا رجحا لا ابو سنع ولا عم يشفع حسبي الله عليهم الشيبان المخرفين ليه ما تزوج سعيدان على بنتك عاد الحين فلوه بتطق ارقبه وتلفح بشعرها هي من زمان خاطرها في ضيدان جاها على طبق من ذهب واتوقع ان رجحا تموت وهي تولد او انها تجيب بنت وضيدان يتركها ويلهى مع ام السعف الليف ولا يسال عنها تسلمين على البارت بس تكفين لا تطولين علينا بالبارت الجاي |
السلام عليكم
اسمحي لي يارفعه انا اللي اقول يااااااااطــــــــــــــــــر جيبي من هالشيااب المهذرين بهالقصه.. جعلهم للمرض اللي يشيلهم ماغير كل شووي يدينا على قلووبنا من خبالهم.. ابو رجحا ياامال الثووول والله ومغربل بنته معه هو ونيااقه جعلها الجرب . ويزيد عليها بعد هالعم جعل تعمى عينه وبيزوج ولده وحده ثانيه عليها.. لااااااااااا ياافرحت هالثانيه بعد جاها ماتمنى من يومها وهي تبي ضيدان والحين بخبال هالشيبه المهذري بيتحقق لها اللي تبيه.. يااااااااااااا والله اللي حظ هالحرمه يفلق الصخر .. ياااهنيها هنيااااااااااااااااااهــ>فيس ان شااء الله يبطحها عين والا هي ناطه عند واحد للحين مابين لنا.. رجحا: هـه مبسووطه الحين هذا عمتس اللي مافيه خير بيزوج رجلتس عليتس وخلينا عاد نشووووف الحين فرحتس على اصولها يوم كل شوووي مأذيتنا خليه يتزوج وخليه يتهنى مالت عليتس وعلى هالوجه .. اقوول ياااا رجحا الحين عسى الله يعافيتس وتطيبين وتولدين بالسلامه وعقبها عاد بنتشمت فيتس صح.>>فيس جاهز للشماته..هع . الخوووف انتس تموتين وثم هالفلوه هي اللي تولّى هاللي بيجي واتووقع انها بنت.. لأ لأأأأأأأ ما اتوقع انها بنت يمكن ولد وهو البطل او بيكون البطل ولد فهد وبيكون هو ويا ولد فهد اصدقاااااااااء.. المهم الحين هالولاده عسى الله يعيدها على خير.. ويمكن الحين صدق لو تزوج ضيدان فلوهـ خلاص بيكون البر مكان اقامتس وماعاد لتس منه فكه.. فــلوهــ : عز الله اني ماهضمتس من يووووم طلعتي للساحه.. واليووووووووووم عااااد بزود ماا اطيقتس يااشيخه.. وخصووصاااا وانتي زعلانه ان فهد تزوج.. ياا الانااانيه تبين الرجال يقعد العمر كله يبكي فرقاتس وشووي الا تقولين انه مثل اخوتس خوووى جنبتس ياابعيده ..الحين عاد ماراح توقعين على الارض من كثر الفرحه عقب ماخطبتس هالمهذري لضيدان. الا يمكن بعد تمسكين ي اخوتس علي وتقولين الهمام يله مشينا ياعلي نتملك انا وضيدان هالسااااااااعه...بس ياليت يعني ياليت يكون عندتس شوويه احسااااااااااااس وتقولين رجحا صديقتي وماقصرت معي وانا عندهم وماتستاهل اني اتزوج رجلها واهدم بيت الشعر حقها.. فهد : تدري يوم سفهت فلوه وعطيتها طاف قلت مهوب منه هذا من اللي فيه لانك للحين تحبها يالثوور بس السوووري تسواها خلك مع السوووري وبتنسى فلوهـ.. الصراحه ياافهد ماا نشوف انك تسووي أي مجهود عشان تخلي حياتك مع السوري ناجحه كله تبي تقهر فلوهـ وتفكر فيها ومغبون لانها رفضتك.. يعني وش ذنب السووري عشان تقهرها هالقهر .. عط نفسك فرصه مع زوجتك والله ان تقول صدق اني خبل اللي حارم نفسي هالسعاد ودافن نفسي بفلوهـ وايام فلوه اللي ماعشتها ولا شفتها اصلا.. سعد ورفعه : الله يهنيكم يااااااارب وسعيدان لاانوصيك على رفوووووووووع مهوب تجيب لها بكره جاره وطبينه تنكد عليها حياااتها.. ويلك منا ويــــــــل.. شيبان القصه: عليــــــــــــــــــــــــه العـــــــــــــــــــــو ض منه العووووووض.. ويااقلب لااتحزن.. غيومه لاتموتين رجحا عشان هالفلوهـ تتزوج ضيددان.. ترى بندمر زواجهم تدميييير..هع مشكووره غيوومه وتسلم الايادي وبانتظااااااااااااااااار الجزء القادم اذا الله احيانا بكل شووووووووووق.. |
السلام عليكم ورحمة الله وبركاته .
مرحبا غيوم ..... مبارك رائعتك الجديدة ... المتميزة بالبداوة ..... تعرفي احب البدو وعيشتهم وببساطتهم ...... وبيفكروني بالشهامة والشجاعة والايثار ... بكل الاخلاق الاسلامية المفتقد الكثير منها الان في عصرنا الحالي ............ باسلوبك تجعلينا نتصور الخيمة والابل ..... والفرش ..... والبرقع ...... وكل شيئ نعيشه مع ابطالك باحزنهم وافراحهم ...... ضيدان ..... حبه لرجحا جعله لا يقسي عليها حتى لاتقطع بابيها وتغضب من ضيدان ... وفي نفس الوقت يكسبها ... ولكنه سيسخسرها سيخسرها ..... ليس هناك بد ........ فهد ..... طموح .... ولديه كرامه .... وحبه جعله في مكان عميق جدا من القلب وقفل عليه ... اما سارة فلها الاحترام والتقدير ............ رفعة وسعد ... فاكهة الرواية وضحكتها .................... ابو رجحا ... ظلم ابنته ... وسيربي حفيدته ... وسنرى مع الاحداث ما سيحدث ............... ننتظرك فلا تتأخرين ............ |
اهاااا اتوقع ان غااليه بتكوون بنت فهد واللي يبيهاا ولد ضيداان او العكس وبتجي سواالف الحجر والحركااات .. يسلموو غيوووم بانتظااارك |
كيف الحال اختي غيوم
توقعاتي اتوقع ان رجحا بتموت وهي تولد جعل ذنبها في رقبت ابوها حسبي عليه جعل نياقه الجرب ودي تموت ولا يتزوج عليهاضيدان انا صراحه كرهت فلوه مراح احبها او احن عليها حتي لو يصير لها شي فهد اشهدان بعض الرجاجيل خبل عنده مثل ساره ويفكر في فلوه بس القلب ومايحب ياحرام اشين شي ان الوحده تاخذ واحد ويحب غيرها عسي مايسمي بنته فلوه ذا الخبل رفعه يالبيه انا لو ني مكانك حتي في العيد ماروح البر اذا ابي اسلم علي امي بسوي لهم عزيمه في ديره يس للاسف الشيبان عقولهم حجر حسبي عليك يابو ضيدان كانك خربت علي ولدك نعنبو دارك اهو طلب منك خدمتك ليه ماوقفت في وجه شيبه اخوك وخليته يروح برجحا معه يارب تكفينا شر طبينه ههههه |
فديتكم كلبوكم لبى عيونكم الله يسعد هـ الوجيه الطيبة ويسعد ايامكم يارب حبايب قلبي اعذروني على قصر البارتات وعلى عدم ردي عليكم لضيق وقتي ومراح اطالبكم بالردود اذا مستعجلين على البارتات يعني اصبروا وجمعوه وقروها بعدين اهم شي تعجبكم اما توقعاتكم اعجبتني لكن مقدر اعلق لاني لو بعلق جبت العيد تابعوا وبتكتشفون انتوا صح او لا مع ان وحده ومراح اقولها ضغطت على الوتر الحساس الله لا يحرمني منكم |
الجزء الثامن يمحق يوم عزتيل رفعه وش دراني عن الولادة رجحا .. تكفين يا رفعه بموت بموت رفعه .. اذكري الله تحملي كلها كم ساعه رجحا .. اه بيطلع بيطلع وسبحان الله زلق بين يدين رفعه رفعه قامت تشبر السر قيمة شبر وبسط اربع وقطعته بموس وربطته .. باقي التبع يا رجحا يالله عشان تنظفين زين اه يـــارب بونه كبير وبصوت عالي واخيرا طاحت المشيمة مبروك الحمدلله على السلامه جبتي عبد الله رجحا تبتسم بين التعب وشوفة طفلها مثل الماء البارد الي ينزل على الجسد التعبان يغسل التعب .. الحمدلله رفعه .. اصبري خليني اغسله وجابت مويه دافيه وقطعت قماش وقامت تغسله وتمسحه ولفته في لفته عشان يحس بالدفا وقربت من رجحا وقامت تنظفها وتمسحها وتغير ملابسها وتشيل التراب الي تحتها الي فيه اثر الدم وفرشت فراشها وساعدتها تقوم وغطتها وحطت ولدها جنبها وراحت وشبت او اشعلت النار عشان تدفيهم وركبت لها حليب صوت بكاء الطفل خلى رجحا تحاول تقعد تبي تلقمه صدرها احساس حلو وغريب صغيرون محتاج لتس يبي يحس بالامان عندتس وانتي مصدر حياته بعد الله انتي الي بتغذينه وبتهتمين فيه ضحكت عيونه مدفونه وجسمه صغير رفعه .. يالله اني في ذراك رجحا جزاس الله خير روعتيني مابعد جاتني الولده زين ما قمت اطحس جنبتس رجحا .. ههههه ربي حطتس عشان تعرفين الولده شلون رفعه .. عزتي لعينا الرجال مريح ويجيه كل شي وهو مستانس وحنا تعب في تعب حمل ولاده وكرف رجحا .. احمدي ربس ان الله يغسل ذنوبتس رفعه .. ماعلي اذنوب ان شاء الله حظي بالبشاير جعل اسقى لا جاو عشان ابشرهم :::::::::::::::::::::::::::::::::::::::::::::::::::::::::::: :::::::::: ياولدي لا تسرع اذا ولدت عافيه وامرن هين قد ولدنا في البر وتحت الشجر ساره .. تكفين ياعمه ظهري يلوبني ام فهد .. اصبري يابنتي كلها شوي وانه بزانتس ماعليتس يمه فهد .. اصبري ياساره مسكنا الطريق العام كلها نص ساعه وحنا في المستشفى ونات وهات تحاول ساره تكتمها لكن الالم فوق انها تسكت وزفرت بصوت عالي خلاها تطلع باعلى قوتها وخلى فهد يسرع باعلى قوته :::::::::::::::::::::::::::::::::::::::::::::::::::::::::::: ::: كان ساكت ومنقهر يحب رجحا وابوه احرجه وفي نفس الوقت رجحا يحس من ناحيتها ببرود لكن حبها في قلبه يخليه ينسى او يتناسى صدودها وبردوها سعد .. وش في رفعه توقف ضيدان .. يمكن تباطتنا ام ضيدان .. عسى رجحا ما فيها شي اسرع ضيدان حس بخوف على غاليته نزل بسرعه من السياره رفعه .. ابشروا لكم برجال عبد الله .. بعدي ضيدان والضحكة على شفايفه وسبقهم للخيمة ودخل عليها رفعه .. يمه تسنه ما نقط في بطن رجحا ضيدان قاعد ام ضيدان .. لبى الشبه انه ابوه رفعه ودخلت معهم على رجحا .. ضيدان والله ان تعطيني اغلى ابلك ضيدان .. والله انها جاتس عبدالله ..وانا مني لتس خمس الاف رفعه .. زين حي ذا العين خلها تغسل الخوف الي جاني يالله عن اذنكم بروح لسعد همس ضيدان لرجحا .. عسى ماتعبتي يا ام عبدالله رجحا .. شوفة عبدالله نستني التعب عبدالله .. الحمدلله على سلامتس يمه رجحا .. الله يسلمك يارب ام ضيدان .. تكفى يا ضيدان الحق عمك وعلمه لكن ضيدان اخذ الرشاش وقام يطلق الشباب في السما خلى ربعهم يجون يمهم ومن بينهم عمه كل من جا .. عسى ماشر ضيدان .. ابشروا لكم برجال ابو رجحا .. تقوله صادز ضيدان .. تعال دونك شوف عبدالله ابو رجحا .. ياولد يالله الساعه المباركه يالله لك الحمد شلونس يابوس رجحا .. قلبها رف رف حست ابوها اليوم غير ابو رجحا .. هاتوه اسلم علية شالته ام ضيدان وعطته جده .. اسمعوا يارب ترا مسعوده له عبدالله .. اطيب ابلك زين وجه عبود خير على امه ابو رجحا .. بصرهم قدها لعبد الله يسون فيها الي يبون الفرحه بقدوم حفيد جديد نستهم موضوع فلوه وخلت ضيدان ينساه معقولة رجحا عادي عندها وماهمها او وش بيكون موقفها :::::::::::::::::::::::::::::::::::::::::::::::::::::::::::: :: مبروك جابت ولد ام فهد .. يالله لك الحمد والام ياربها طيبه الحمدلله كويسه فهد وهو يبتسم .. الحمدلله ام فهد .. كلم اهلها يمه وعلمهم فهد .. ابشري كلها كم ساعه وهم بغرفتها وش بتسمون الرجال فهد .. مافيها كلام على ابوي ظافر جعله عبد صالح يارب :::::::::::::::::::::::::::::::::::::::::::::::::::::::::::: :::::::: والله يابنتي وش حادس على جاره تسنتس فيها اخذي فهد ولد عمتس فلوه .. ما خذيته وهو مابعد اعرس اخذه وهو معرس ام علي .. بصرتس يمه مير ترا المجاور شين فلوه .. ان شاء الله ما يكون بينا جوار هماهم يقولون اني في البلاد وهي في البر ام علي .. الله يوفقتس بكره العيد عندهم بروح لهم وبعلمهم بموافقتس جعلتس ما تحسفين |
ياعزتيل رجحا مسيكينه جالسه تطلق والرجال يخطب عليها مير لعرف ابوها غير يقوم عليهم الدنيا هذي بنيته مهما قسى عليها |
لاااا حراااام..
مايصير كذااااا .. فلوه كرهتعا شلون وحده عاشت معاها فتره وحبتها من كل قلبها تقوم تاخذ زوجهاااا.. اكيد ابورجحا بيعصب يا انه بيطلب طلاقهاااا اوووووو ان رجحا ترووح مع زوجهااااا .. بس رجحااااا احس بتنصدم اكيد تحبه بس ما تبي تبين .. تسلمين ياقلبي.. متابعه بصمت بس الاحدااث اقهرتني.. تقبلي مروري.. اختــــــــش,, آثــــــــرنــــــــي :85: |
ولدك ياااافهد اللي هوو ظااافر .. بيعششق بنت فلوووووووووووه غاااليه .. وفلوووه بتموووت وتربيهاا رجحااا |
السلام عليكم ورحمه الله
مساكم الله بالرضا والسرور الف الحمد لله على سلامه رجحا وربت ما جابت والله اني كنت خايفه يصير لهاشيء بس الحمدلله مرت بسلام ورفعه تسلم يدك الي ساعدت رجحا وتستاعلين العطايا على مداراتك لها ضيدان مبرووووووووك ما جاك يتربى بعزك انت ورجحا والله ان فرحتك ما تعطيها لحد والله يعينك على ابوك ورطك وانت ماتبي بس تكفى لخذت شينه الحلايا لاتنسى رجحا ولا تضيمها مسوي روحك مستانس وتبي تزوج رجلها عليها عرسوا عليك جنيات الارض بورجحا واخيرا حنيت على رجحا وعطيتها من كلامك الزين عساه دوم بس اتوقع اذا درى عن ان ضيدان بيعرس بيطلب منه انه يطلق رجحا والله كل شيء صرت اتوقعه من هالشيبان المخرفين فهد مبرررررررررروك ماجاك يتربى بعزك انت وامه وتستاهل ساره انك تحننن قلبك عليها وتعاملها احسن من كذا فلوه ياطر جيبي منك طرااااااااااه ماهقت الشايب يخرف ويخطبها لولده على طول تلصقت فيه ووافقت الله ياخذك ونفتك منك لابعد مقسمه العيشه هي في البلاد ورجحا بالبر قسموك الذيابه مششششششششكوره غيومه على البارت |
هلا اختي
شكرًا على الروايه بس ممكن أقولك ملاحظه قصر البارت مبالغ فيه حتى ماسنجر الواحد يخش اجواء حلاوتها وهذا بحد ذاته يفقد الروايه قيمتها شكرًا |
الجزء التاسع فهد يا ولدي وش تبي بها فهد .. بنت عمي والله إن أحجرها ام فهد .. طالبتك ان تخليها ورقبتها مرتك توها نفاس تبي تعرس فهد .. مانيب ماخذها ام فهد .. هجل وش تبي بها يعاقبك ربي فهد .. كلام جاتس فلوه محد ماخذها غيري لكن يغدي قصتها شيب ام فهد .. جعل ربي ما يحافيك هماك يمك اعرست وقلت ماعاد بك تبيها فهد .. علي جا وشاورني وقلت بروح انا وياك وملك عليها في الديره وخلها تموت في محلها لحد ما ينزل الي في راسها ام فهد يتيمه يمك وساره مافيه مثلها عزتيل تسبدها الي بتحرقها فهد .. ابد ما على ساره تبي رضاوه ارضيتها الي تبيه هي المبداه وهي ام العيال ام فهد .. حرة الجارة وانا أمك ما تساوي الرضاوه :::::::::::::::::::::::::::::::::::::::::::::::::::::::::::: :::::::::: جعل خيرة يا كثر ما قصر فهد تقضى ولا خلى شي ساره .. هذي سلوم العرب يمه ام ساره .. يامتس مهوب كلن يمشي على اسلوب العرب ساره وهي تبتسم .. وش رايتس يمه في ظافر ام ساره .. جعل ربي يخليه لتس قطعت لحمه ساره .. ابد كاني اشوف فهد يمه ام ساره .. مهوب رايح ديرة ابوه الا هو بيجيتس اليوم نحسب احسابه في الغدا ساره .. ما طرى لي شي تسنه بيجي غداكم بيكفي :::::::::::::::::::::::::::::::::::::::::::::::::::::::::::: :::::::::: علي وش ذا العلم تبي تحر قلب اختك علي .. يمه فهد اولى من الغريب ولد عمها ابد ماعليها ان اخذته ام علي .. تكفى يا علي اختك لا تضيمها علي .. يمه طعتكم يوم خطبها اول مره لكن الحين والله ان تاخذه وابيتس تعاونيني بعد بكره بروح بها للبلاد وبملكها فهد وهي تحسب انه ضيدان وخلاص بصرها تبي تروح مع فهد ولا تقعد معنا ام علي .. ولدي والله ان تضيق علينا علي .. تضيق وترضى فهد مافيه عيب يومها تعيي منه ام علي .. بصرك :::::::::::::::::::::::::::::::::::::::::::::::::::::::::::: ::::::::: رفعه .. هههههههههههههههههههه ارضعيه جعلتس توخذين تراه ولدنا رجحا تمكت بها .. ليه هجل مهوب ولدي رفعه .. ولدتس مير اشوفتس تخلينه يصيح بيجيه البعج منتس ام ضيدان .. خلنا نشوفتس اذا ولدتي رجحا .. جعل اسقى ودي اتشمت رفعه .. حليلكم يوه الي بتبطون ما تشمتوا علي ام ضيدان .. ترفقي بس لا تنكسر ارقبتس رجحا .. هههههههههههههههههههههههه رفعه .. ايمه تسني مانيب بنتس فازعتن مع رجحا رجحا .. ايه من اعرستي وانتي خلاص منتيب بنتنا رفعه .. فرقت عينتس ام ضيدان .. بسم الله عليها تفاولين عليها رجحا .. خالتي وين بتحطون النسوان بكره ام ضيدان .. في ذا الخيمه خيمتس راح ضيدان يقربها منا يبيتس ترتاحين فيها رفعه .. الله يعيني بكره على صب القهوه ام ضيدان .. مهوب من كثر العرب الي بيجونا الا تعالي رفعه ابيتس تساعدني رفعه وهي تمشي مع امها برى الخيمه وتشوف سعد وضيدان وهم يبنون خيمه رجحا .. وش تبين يمه ام ضيدان .. ابي اعلمتس بعلم امس ما قدرت اقولتس شي رفعه .. عسى خير ام ضيدان .. الشايب خطب فلوه لضيدان رفعه .. يا طرجيبي ام ضيدان .. جعل عدونا يطر جيبه رفعه .. انها خبل كم مره واقولها روحي مع رجلتس ما طاعتني ام ضيدان .. ضيدان ما اشتكى الشايب الي ما يبه في البلاد بدون مره رفعه .. طيب يمه تعالوا كلبوكم للبلاد ارتاحوا من الشقى ام ضيدان .. خبلتس تبين ابوتس يروح لبلاد ابوتس ما يرتاح لين يعاين على طول شوفه رفعه .. تهقين انها بتوافق ام ضيدان .. والله مدري هذا في علم الغيب رفعه .. والله لونها مهيب نفاس لكان اعلمها عشان يحترق دمها وتروح مع رجلها ام ضيدان .. لا يابنتي لا تحرقين دم اليتيمه رفعه .. وسعد رايح معكم طرجيبي كانكم بتخلونه يعرس علي ام ضيدان .. نعنباتس كانتس ما تبين الا مصلحتس رفعه .. مشاء الله عليكم مخلتن ربعي وفازعتن مع ابو عيالي وش هو عشانه عشان ما يعرس ولا يفكر بغيري ام ضيدان .. والله مدري وش بتسوي المسيكينه رفعه .. الظاهر مهوب هامها ام ضيدان .. ماتدرين ما يحر المره الا المره لا هناه قالوا اضرب الحريم بالحريم رفعه .. جعله يقل قول من يقوله :::::::::::::::::::::::::::::::::::::::::::::::::::::::::::: :::::::::: وش بتسوي يا ضيدان ضيدان .. سوات الله وش بسوي ابوي وحطني عند الامر الواقع سعد .. وبتعرس يعني ضيدان .. والله ام عبدالله تسدني ولا ابي غيرها مير الشايب خطب وش تبيني اكسر كلمته سعد .. الله يعينك ضيدان .. هي لونها تروح معي كان ارتاحت حتى من عمي سعد .. ابوها يا ضيدان تبيها تبور فيه ضيدان .. سموم يا سعد البزر بيتحمل وذا الشيبان يطاردون ذا البل جعلها تحص سعد .. ههههههههههه قلعك لو يسمعك عمك ضيدان .. لا ابشرك عمي راضي وجه عبدالله خير علينا سعد .. يالبيه جعله دوم خير عليكم ضيدان .. عاد نشوف الي في بطن رفعه ولد ولا بنت سعد وهو يبتسم .. كله واحد هذا خير من ربي جعله تام بس |
السلام عليكم..
وااااااااي غيووومه يسلم راستس يااشيخه. . اشووووى ان ربي فــــــــــــك رجحااا من هالساحره فلووه.. ياااااااااامااااااااااال والله السم لها قطع يقطعها ويقطع اشكالها.. قال ايش هي بالبر وانا بالبلاااد.. مقسمه الاقامه عمتي جعل يتقاسمونها الذياابه على قوولة اختي عبق الرياحين>>فيس يسووي هاي لعبق اعجبني التعليق جداا..هخهخهخه والله اني رااحمة ساااره ومقهووره عليها الحرمه تهبل وحبوووبه وماتستاهل تجي عليها جاره.. ياا بغضي لهالفلووه لو يهبدها بعير ويفكنا من شرها كان زين.. يعني لاازم تغث الحريم هالحرمه .الحين ماتبين فهد وهو ولد ومامعه مره وتبين تزوجين ضيدان وهو اللي معه حرمه وعرفتيها وجلستي معها واكلتي من حلالهم.. ووولد عمتس رافضته جعله والله يبور فيتس ولاينااظر في خشتس الودره..>>فيس يكرهتس بجد اما عاد نجم هالجزء هوو علي رووح يااشيخ الله يفكك من الشر مثل مافكيت رجحا من خشة اختك بس خاطري تدري ان ضيدان خطب بس ماتدري ان فيه خطة ثانيه بتصير.. فهد: شووف انا ماطيق فلوه.. بس مقهووره منك بعد وش تبي فيها وهي عاايفتك ومنحاااشه على الارض كلها بسبب خطبتك لها .. والحين مصر على انك تاخذها وتحر قليب السوووري .. ياااشيخ اركد واترك عنك الخبال وخلها تنقلع لواتحد ثاني لا انت ولا ضيدان كلكم احسن منها.. ايه صح على البركه ظاافر ياارجال وترى التمايم علينا ان فكيتنا من فلوه وخليتها تزوج واحد ثاني.. رجحا وضيدان: شووفي عاد رجحا الحين انتي ام يعني فكينا من سوالف الخبال وروحي مع زوجتس..ياا الخبلااا العرب جالسين يخططون عليه بيزوجونه روحي معه وفكينا من طااري الضراااير.. وايه بعد انتم مبرووووووك عليكم عبوودي .. مليون بالميه بيكون هو وظافر اصحاااب.. اقوووووول غاليه لايكون هي بنت سعد ورفعه.. ماباقي الا هي ماولدت.. بس لاااااااا مو حلووو يكون الفرق بالعمر بين البطل والبطله شهوور نبي سنيييين ولااااااااا تقل عن 10>>فيس يتشرط.هع غيووووووومه ماقصرتي والله تفاجأت من شفت الجزء التااسع بس كانت مفاجأه حلوووووه مره ياليت تتكرر المفاجئاااات اللي من هالنوووع.. بانتظاااااااااار الجزء الجاي اذا الله احيانا فلاا تتأخرين عليناااا يااعسل.. |
عشان خاطركم احاول ارضيكم واذا لقيت وقتي فاضي كتبت بارت ونزلته وخلاص عشانكم مراح احتري الخميس |
يامساء الابداع التالق
اسم الله عليتس ياغيومه ماشاء الله ظابطه اللهجه للدرجة ذكرتيني بكلمات والله ناسيتها لبى قليبتس لبى للهجة اهل نجد نجي للفلوووه للرحم الله من سدى ثوبتس ههه دعوة جدتي ياقليلة الخاتمه تاكلين وتشربين مع المره وتتحولين عليها حولوتس بقليب في لليلة ظلامها دامس ولا تطقين كف بكف ومتحسفه على فهد يوم انه اعرس والله ودي انه يوريتس نجوم القايله ابشري مطلبتس جاتس ههههههههههههههههه ضديان انسي تاخذينه وعزيتي لك من هالشياب ياجهد البلاء منهم بس رجحا وعزيتي لتس ياعوينتي نفيس ويخطب عليتس اصطلبي والحقي رجلتس دور للشايب مدخل حاولي تقردنينه وقنعيه غيوم ايه تكفين ماهوب لازم تنتظرين الخميس كل ماتيسر بارت اسدحيه لنا لهنتي الله يحفظتس ويخليتس للعين ترجيتس |
السلام عليكم ورحمه الله وبركاته صبحكم الله باخير والبركه تسلمين يالغاليه على البارتالحلو روحيييييييي يا غيومه الله يفكك من الشر الي فكيتي رجحا من الضبعه فلوهر رجحا هذا ام السعف واليف بعدت عنك اللحين خلي عنك الكلام الفاضي وروحي مع بعلك للبلاد وتركي هالمخرفين بروحهم ترى ان سلمتي من الاولى ما راح تسلمين من الثانيه والمره مالها الا رجلها لوكان عوج وش دخل ضيدان ابشرك ربي فكك من العله فلوه الفال لفهد عاد الحين خلك رجال وخذمرتك بليله ظلمه ما بها ضو قمر وهج بها للبلاد لايورطك هالمخرف بمره ثانيه ترى فيوزاته ضاربه من حراره الشمس وبدى يخبط فهد الله يهداك انت وش تبي بفلوه تراها ما تسوى مواطي رجل ساره والله انها تبيعها وتشتريها لا وتقول تبي تخليها كذا بس والله انك تحبها ولا تقدر تستغنى عنها وياخوفي ساره تروح في الرجلين وتظلمها على حساب بنت عمك ساره ياعمري انت جالسه تفدين الولد وابوه وهوبدال ما يجيب لك هديه سلامتك رايح يملك على بنت عمه ويجيبها عليك الله يعينك بس خلك فطينه وانتبهي لها تراها حيه وتلدغ الله يكفيك سرها علي انتسويت خير وشر الخير انك فكيت رجحا من اختك والشر زوجتها لفهد الله يهديه لوانك مزوجها لواحد شليب مخرف مواحسن بس يامال الماحي حظها قوي من ضيدان لفهد زار هلا والله ومليون غلا اخذي راحتك يا عسل والله انتي الي تعليقاتك روعه واحرص اني اقراها |
الجزء العاشر ام ضيدان بصوت عالي عشان تسمعه رجحا .. تعالي يا رجحا اقربي اشربي ذا الحليب توه محلوب دافي رفعه .. يمه شكلتس بتعلمينها ام ضيدان .. حاولت في ضيدان يعلمها وعيى رفعه .. طيب يمه تراها نفاس ما يصلح اصبروا ام ضيدان .. مهوب زين يسمعونه من بعيد جات تمشي بهدوء ولدها في يدها .. صبحكم بالخير ام ضيدان .. صبحها بالنور شلونتس اليوم رجحا .. من الله بخير وش بغتيني فيه يا خاله رفعه .. بروح ادور سعد مقدر مقدر اشوف بنت عمي احط نفسي مكانها والله ان يجن جنوني كانت عيون رجحا تتبع رفعه وتحس بنغزة بقلبها ليش رفعه ما قعدت اكيد تعرف الموضوع واكيد ما اعجبها عشان كذا راحت ام ضيدان .. اسمعي يابنتي ابو ضيدان ما اعجبه وضع ضيدان انتي في البر وهو في البلاد وخطب له وانا يابنتي اعلمتس الي تبينه ابشري بها غمضت رجحا عيونها وحست ان لها زمن ما تكلمت لان صوتها طلع مبحوح .. الله يوفقه يارب ماقصر له سنه وهو بينا وبين البلاد وحاولت تلهي نفسها بفك ولدها وترجع تلفه :::::::::::::::::::::::::::::::::::::::::::::::::::::::::::: ::::::::::::::::::::: اسمع يا رجال خلني الحين اتملك عليها وانت علمها متى ما بغيت علي .. والله مدري وش بيصير عليها يا فهد هذي اختي ترا وماتهون علي والله عشان غلاك ولا ماسويت بها ذا السواه فهد .. ازهل الموضوع يا علي يمه حطنا علي وراح تهقين وين راح ام علي.. اكيد ان عنده شغل هذا الي بيحده يخلينا فلوه .. قلبي مهوب مرتاح ام علي .. عيني خير فلوه .. ما شفت احد من اهل ضيدان وش تهقين يمه ::::::::::::::::::::::::::::::: كان الجو شبه حار وقت الضحى الكبير الشمس ساطعه بقوة والضلال بدى يتكون وكان ضيدان وسعد تحت ظلال الوابت يسولفون والجو هادي ماينسمع الا اصواتهم سعد .. هاه وش رايك ضيدان .. انا الحين صراحه مابي مزرعه الحين المزرعه تبي تفرغ تبي من يجي ورى العمال وانا الحين بحاول اشتري اراضي دامها رخيصه اتوقع الموقع الي علمتك به ستراتيجي بيرتفع سعره بعدين سعد .. بصرك انا بشتري مزرعه ودي انك تشتري الي جنبها ضيدان .. على خير اذا زانت الضروف وتوفرت معي الفلوس ان شاء الله مايدرك لا اشتري بعد قبلك ضحك سعد .. الحلال واحد وانا اخوك يا مرحبا بالي قبل علينا ضيدان .. انت صادز ترحب تسني اعاين ناقتن فاطر تمشي رفعه .. تفطرت عيون العدو ان كان فيك خير روح لامي تراها علمت رجحا انك بتعرس فز ضيدان وافق .. اخو رفعه وش بلاها علمتها ما حترتني اقولها رفعه تقول اعجزت فيك وهي تحتريك تقولها وانت كل يوم يا حمد باتسر ضيدان .. يالله اني في ذراك الحين وش بيرضيها رفعه .. روح وشوف الوضع بنفسك مشى ضيدان مسرع وقلبه يرجف يا خوفي يا رجحا تحطين الموضوع هذا عذر عشان تطلبين الطلاق دخل عليها بسرعه لقاها ترضع ولدها وهي تمسح على راسه ضيدان .. يا رجحا ما قدرت اعلمتس عشان ما احستس رجحا .. مبروك يا ولد عمي جعلها مقدم خير عليك ضيدان .. الظاهر يا رجحا اني مانيب غالي عليتس ماتفرح بعرس رجلها الا وحده مبغضه رجحا .. حشاك ان ابغضك انت ولد عمي وخوي ورجلي وكل مالي مالي الا انت بعد عين ابوي ضيدان .. طيب ليه تباركين لي رجحا .. ماقصرت تبي لك احد يسنعك بالبلاد وانا بقعد عند ابوي لين ربي يفرجها ضيدان .. والله يارجحا ان الشايب هو الي حدني على شي مابيه رجحا .. وانا اقولك الله يوفقك ضيدان .. تراني على الي انا عليه كل سبوع عندكم اسبوع بالبلاد وسبوع هناه رجحا .. مهوب تعب عليك ضيدان .. الظاهر ماتبين اخوان لعبدالله رجحا .. الا والله ابي وابي خوات بعد ابتسم ضيدان وحس ببروده تصب على فؤواده يالله اني احمدك اهم شي ما طلبت الطلاق ضيدان .. شوفي ليتس الي تبين تبين اطيب ابلي فتراها لتس تبين رضاوه وذهب الي تبين واذا طلعتي من النفاس رحت انا وانتي لسوق وشرينا الي تبين رجحا .. جعلك سالم خيرك سابق ضيدان .. هذا حقتس ::::::::::::::::::::::::::::::::::::::::::::: اسمع يا ولدي لازم اسمع موافقتها بنفسي نظرات يتبادلها علي مع فهد علي .. انا اخوها ياشيخ ولي امرها وموافق الشيخ .. لازم ياولدي هذا الشرع فهد ..هي موكلته يا شيخ الشيخ .. بتنادونها ولا بمشي وبطلع فهد يقرص عينه لعلي يبي يخلي الشيخ يروح ويجيب ثاني لكن علي يحس بجسمه يرجف ويناظر فهد .. يتيمه يا فهد خلنا نشاورها يمكن غيرت رايها احمر وجه فهد وصار يميل للاسود وعيونه يطلع منها شرار معقولة تصير فيه للمره الثانية معقولة هذا مهوب زوج ساره بنت خالك الا اهو وش فيه اسمعه يكلم الشيخ بيعرس بيعرس على ساره علمي علمك توكد خلنا نشوف حتى لو بيعرس احذر ترد العلم للحريم ليه قالولك اني حرمه والله كل ما اعرس رجال ان اهلك اول من يدري عشاني يعني اشتغل في المحكمه بشهقة .. لاااااااااااااااا يا ولد امي وابوي ماهقيتها منك علي .. اسمعي فهد ابرك لتس ولد عمتس وبيحشمتس فلوه .. لا قلت لا مابيه مابيه الا اذا بتغصبني ياخوي يا سندي علي .. تبين الصراحه انا كنت بملكتس عليه غصب عنتس بس قلت اقولتس بالطيب شهقة ثانية .. معقولة ياعلي انا مالي قدر عندك معقولة وانتي يمه داريه ام علي .. اسمعي يابنتي ترا ماتدرين الخيره وين فلوه .. فهد مابيه قلتها قبل وقولها الحين تبوني اقعد بدون عرس بصركم ام علي .. خلاص ياولدي خلنا نرد على اهل ضيدان تراها يتيمه علي .. بصركم بس ترا فهد بيحجرها فلوه .. والله لو يلوح راسي شيب اني فلا اخذه |
تهبين يالعوبا ثم تهبين لابارك الله بعدوتس عنسي وتخللي عند اهلتس ياغراب البين هههههههههه
نسيت ارحب من قهري مرحبا غيومه نورتي بطلتك فهد بعدي والله تكفى اكسر راسها اقهرها واحجر عليها خلها تنطق بدون عرس خرابت البيوت رجحا لبى قلبتس لبى العقل والحكمه ربي يعططيتس على نيتس ولايخسر برتس في ابويتس ضيدان ايه يمال العافيه تبي تجيب رضاوه اجل مبدعه غيوم |
فكوووني عليهاا ذا العووبه والله ان اقطع شوشتهااا..
كفايه سواد وجهها الاولي يوم طقت وعديناها ذا الحين تبغى واحد معرس,, الظاهر ان في راسهااا حبٍ ماطحن وبيطحنه فهد اقعدي غرزي شعرش ابيض مالش الا فهد.. رجحاااااااا يا ناااس احبهاااا وين بيلاقي ضيدان مثلهااا ,, احس انها تموت فيه بس ما تبي تترك ابيهاا.. رفوووع تهبل صرااااحه .. |
تعافين فهد يا قليله الادب جعل تعافك ثيابك
وجعلها متادنيك لو انه ضيدان رحتي رقصتي ودقيتي رقبه ولا مقسمه العيشه ويوم انه فهد لالالالا انا يتيمه وحرا عليكم حرمت عيشه قليله الادب هدوني عليها امصع رقبتها هالعوبه وفهد خلك رجال واحجر عليها لين يشيب راسها وتعرف ان الله حق وامها عجوز النار تقولين حق ولدك خلنا نرجع ونردها على ضيدان الا يالعجوز المخرفه ماهمك الا بنتك لكن حرة بنت الناس ما تهمك ان شاء تشوفين بنت كنها بيت الوقف لازوج ولا ولد ورجحا يا عمري انت فرحنا ان فلووه راحت عنك بس الله يستر ولا يغير عليك |
[CENTER]عذرا ياقلب زارا عبق الرياحين اثرني احبه اشكركم من كل قلبي على متابعتكم واسفه على التاخير لكن الظروف فوقنا اتمنى القى في قلوبكم التماس العذر لي الجزء الحادي عشر (بعد أربع سنوات ) يمه لاتروح مع الراعي اذا رحت راح محمد وراك أنا بخاوي ابوي الشايب رجحا .. جعلني مابتسي عينك ادري انك تبي تروح مع ابوك الشايب بس محمد بيروح معكم ويناظر محمد وعيونه فيها برق دموع بس يبي كلمه عشان يجيبها عبدالله .. طيب يمه خليه يروح معنا رجحا .. اني ذاله عليه يمه اذل توطاه البل وانتم لاهين عنه ومساعد راقد ولو اروح قام وتروع توه في المهاد يمه عبدالله .. طيب خلاص مانيب رايح وترا محمد دبل تسبدي وين ماروح يروح معي ابتسمت رجحا وبان في عيونها اخوك ويحبك يمه وراح عبدالله يلعب وامه تتبعه بعيونها عمانها انتقلوا للبلاد ومابقى الا اهي وابوها الي رافض رفض تام يتعدى البر :::::::::::::::::::::::::::::::::::::::::::::::::::::::::::: :::::::: يابنت الحلال هما ابوي قال بيوديتس وانت منتب زوجي عمي على عيني وعلى راسي لكن انت الي ملزوم بي انتي خابره اني بروح لعيالي لي فتره ما جيتهم وطلع وخلاها تبكي فلوه لها اربع سنين من تزوجت ضيدان ما حملت وتبيه يوديها تعالج وهو مستعجل يروح لرجحا وعياله عبدالله ومحمد الي حملت به على طول بعد نفاسها ومساعد بعد وخاطرها تجيب بنت تبي لها صديقة :) ياولدي تراها بعد مرتك ضيدان .. وانا قلت شي انا مستعجل يابوي لي فترة من عيالي ما شفتهم ابو ضيدان .. وبتقعد عندهم بعد سبوع ضيدان .. بقعد شهر ابو ضيدان .. اخوك ياختي وماعلمت مرتك ضيدان .. يبه انا مقصر في حق رجحا اجيهم وانا مستعجل وروح وفلوه ماعليها شر انتم حولها ابو ضيدان .. اعدل ياولدي ترا الي ما يعدل يجي يوم القيامه شقه مايل ويطلع ضيدان مستعجل يبي يلحق السوق يتقضى لزوجته وعياله وينادي الشايب يا صيته يام ضيدان تعالي دونتس .. يالبيه ابو ضيدان .. روحي شوفي ذا اليتيمه راح وكسر قلبها خليها تولم اوديها لمداويه تكشف عليها ام ضيدان .. زين اجل حطوني عند رفعه على طريقكم ابو ضيدان .. ياوالله الناشبه ليه ماتقعدين لاجينا ان الغدا زاهب ام ضيدان .. ياضيمي من ذا الرجال الي يحاتي غداه توه قايم من فطوره ابد ودني وزهل الغدا برجع قبل وقته :::::::::::::::::::::::::::::::::::::::::::::::::::::::::::: :::::: جعلكم الهندريه اثنين كانكم ازعجتوني استغفري تدعين على عيالتس رفعه .. يمه اسألتس بالله من يوم جيتي دارت بينا سالفه مغير ذا القرود فوق روسنا يمه .. انتي قرده وتمسك اقرب جزمه وترميها وتصك راسه وبصوت عالي ..آآآآآآآآآآآآآآآآآآآآآآآي حرس خلك ما ترفع صوتك علي ام ضيدان .. ياراسي راساه يابنتي تراتس انتي وعيالتس ازعاج اسفهيهم وبيرحون يلعبون وتناديهم سعيد راكان رحوا العبوا في الشارع يمكم وتشوفوا لبوكم الشايب سعيد وهو يجي يركض .. يمه العجوز ابوي الشايب بيجيب لنا معه عسكريم ام ضيدان .. ايه روح وانا امك وبيجيكم الحين رفعه .. الله يفرج لتس والله انه انصدع راسي ام ضيدان .. ماتعرفين تربين اعيالتس تسبينهم واذا سبوتس طقتيهم رفعه .. انتس تعلميني ابوي رايح يعالج فلوه وش قومها ما راحت لامها ام ضيدان .. ابوتس الي شب عليها يبي يوديها وهي تحبه رفعه .. الله يرزقها ما احسدها الخبل الي في البر ومخليتن رجلها مع مرتن ثانية ام ضيدان .. حليلتس ضيدان مشى للبر بيقعد شهر هناك رفعه .. هههههههههههههه يوه الي جات صيته عجله ام ضيدان وهي تبتسم .. اذا جاه بنت مانيب مسميتها صيته خلهم يدورون لها اسم زين :::::::::::::::::::::::::::::::::::::::::::::::::::::::::::: ::::::: ســـــــــــــــــاره ســــاره ما تسمعين يوم اناديتس تعالي والا والله ان يجي علم ثاني ساره .. نعم فهد .. تعالي اخذي ظافر يوم دريتي اني بروح روحتيه وراي ساره .. كل شي تحطه على راسي انك تعايني يالله اقوم ويالله اجلس ولدك هو الي تبعك فهد .. طيب تعالي اخذيه مانيب ماخذه معي واذا جيتي تكلميني لا ترفعين صوتس علي مانيب اصغر بزرانتس وهي تتنهد .. ان شاء الله لها شهرين من رجعت له بعد خطبته وتحييره لبنت عمه ويوم سمعت السالفه طمحت ورفضت ترجع له وبعد اقناع من امها وامه وان فلوه خلاص اعرست رجعت والقلب فيه الي فيه تحس انها مجروحه منه وهو ماعطاها ريق حلو ودايم معصب ودايم برا البيت :::::::::::::::::::::::::::::::::::::::::::::::::::::::::::: ::::: يبه تراني بخاويك للبلاد اذا رحت وانا وانا عبدالله .. يوه النشبه كل ما قلت كلمه نشب في حلقي ضحكت رجحا وضحك ضيدان وعيونه في عيونها .. ليه وانا ابوك هذا اخوك وش فيك عليه عبدالله .. يبه شيب راسي كل ما رحت مكان الحقني وكل ماكليت شي كلا مثله يقلدني ضيدان .. شرع الاخوان انا وانا ابوك ماعندي اخوان ودي لو عندي واحد عضيدك اذا كبرت واذا احتجت له لقيته محمد .. يبه يبه ضيدان وهو يبتسم له .. لبيه محمد .. بروح معك وضحكوا كلهم على قهر عبدالله :::::::::::::::::::::::::::::::::::::::::::::::::::::::::::: :::::::: كل ما جاتس الدوره تعالي وانا امتس امرختس يبي لتس ست شهور ثم تحملين ان شاء الله فلوه .. صدق ياخاله يعني حالتي مهيب صعبه لا بالله انتبهي لنفسس اذا جاتس الدوره الله الله في نفستس الهوا لا تعرضين له واشربي شي دافي وعليتس بالحوار وهاتس ذا الهوم الهميه عند الممسى وعلى فك الريق وجعل ربي يرزقتس [/CENTER] |
هلاوالله وغلا بغيومتنا
تشكرين جزيل الشكر ............... ياحياة الشقي العيال يبون ابوهم وش بتكون ردت امهم وفي انتظارس |
كيف الحال اختي غيوم
صراحه البارت مره صغير ودي كان انه اكثر من كذا يالبيه ياعبداللله فديته والله اني حبيته ياحليل محمد يذكرني ببنت اختي دايم ناشبه لختي صغيره من الغيره الحين كل وحده ماطيق شي من الثانيه حرام فلوه كسرت خاطر يارب ترزقها شكل رجحا قلبها بارد ولا عندها غيره رفعه لا تعليق ( عزتيلها اذا عيالها احكموها وهم توهم صغار وش بتسوي اذا كبرو ) المفروض علي صغر البارتات كل يوم بارت بليز غيوم |
ليه كذا غيوووومه حرام عليش
فلووووووه لو وش يصير مانيب بالعتها جعلها الهندريه (هههه خليتيني افتح الفولدر القديم هههه) والساحق والماحق والرصاص المتلاحق هذا جزاها يومها تاخذ رجال المره اللي ما ضرتها ابوضيدان متى ربي بس ياخذ امانته وتريحنا من همك رفوووع لبيها تهبل وشكلها بتعطي رجحا عين ههههههههه ضيدان رجااااال عن مليون رجال ما اخلف بحبه لرجحا اللي حب ضيدان من برها لابيها ياجعل عاليه ماتجيبها الا رجحا لاني بنجلط لو جابتها العوبه فليوه فهد افا ما هقيتها منه وين اللي توقعته بيدعس خشتها في القاع ساره احزنتني صحيح انجرحت وحرام اسلوب فهد المعفن معها ابو رجحا كانه اخيه نشبه يشوف قهر بنته وساكت قاهرني نبي بارت طويل بس بطول الشهر اللي بيقضيه ضيدان ورجحا نبي بارت عنهم تسلم يمنااش وحنا ننتظرش على ناااار |
السلام عليك ورحمه الله
يالبييييييييييييييييييييه يا غيومه معذوره يالغلا كل واحد وله ظروفه وانتي مهما طولتي يتلقينا بانتظارك لانك تستاهلين لالالالالالالالا ماتفقنا كذا غيومه تخلين شينة الحلايا تاخذ ضيدان كان خلتيها تاخذ هالشايب المخرف بوضيدان هوالي يصلح لها جعل ما تشوفين الضنا ولا تلمينه من ضيدان جزاك على قوله الغاليه اثوره جعلك الساحق الماحق والرصاص المتلاحق ضيدان انا اشهد انك رجال من ظهر رجال الي زواجك من الخبله مانستك زينه البنات رجحا والله الله فيها لاتنسى رجحا وعيالك يالبى قلب حمودي وعبود ليت ابوهم يطيعهم وياخذهم هم وامهم للبلاد عشان تحتر فليوه وتطق من القهر وانتي يارجحا متى تحطين عقلك براسك وتروحين من رجلك ترى البعيد عن العين بعيد عن القلب وانت يا شايب النخره متى تعتق رجحا وتخليها تعود مع رجلها الله ياخذك لا وكملها المخرف الثاني اعدل جعلك ماتوقف عدل هذي بنت اخوك ولا بمهتم بها ساره الحمد لله الي خلص من ام السعف والليف وبلى بها رجحا واا مع يا وخيتي ان جرحك عميق وصعب يبرى فهد لالالاماتوقعت ان عيال عمك يغدرون فيك لو انا منك ثورت في فلوه وافتكيت منها تسسسسسسسسلنمييييييييين يالغلا جعل يمينك تحج |
يالله انك تحيي الغيم والمزون
ياقلبي معذوره لكل منا ظروفه صدمتيني غيومه وش اشوف مضيعة المذهب حولت على رجحا وعزتي لها لا ولها عين دور ضنى غريبه لفتني حب ابو ضيدان لها ليتها اخذته وريحتنا رجحا الله يكملك بعقلتس معقوله ماش تحرقص ولو شوي بينتس وبين نفستس هههههههههههههههههههههههه فهد افا ومشمر وبنت عمي وبحجر طلع كلام الليل مدهون بزبده يطلع عليه النهار يسيح اوه والله ان هقوتي ان فهيدان عاشق للفلوه وهي مالت عليها مبدعه غيوم مير نطالب بتطويل شوي هههههههههههههههههه |
السلام عليكم..
غيوووومه نوورتي مكانتس ومحلتس وجعلها اخر الغيبات ياارب.اهم شي انتس رجعتي لنا بالسلاامه. رجحاا ارببببببع سنين ياا الظاااالمه اربـــــــــــع سنين يااعديمة الاحسااااس وانتِ للحين بالبر مااانهديتي ولا كليتي ولاا مليتي ومعتس سرب هالبزران وتطامرين وراا هالبل والشاااايب للحين بعافيتيه ولا انهد ولااا تعب ولا نوى يروح مع اخووه لبلاد.؟ انتي قولي لي وش اللي بين ضلوعتس هذاا قلب والا تنكه ياا التنكه..زوجتس تزوج عليتس وانتي ماافيه احسااااس عادي يعني الوضع عندتس..؟؟ عاد شووفي ان جبتي رفعه لاااااااااااازم لااااااااازم تشيلين بقشتس وتروحين للبلاد..بس تدرين والله يمكن هذا اللي مخلي ضيدان للحين مهلوس بحبتس انتس مو قدام عيونه 24 ساعه مثل مخفيه الذكر فلووه ..يااثقل طينتها..اجل ماتجيب عيال ..يااربي استغفر الله كنت بقول تستاهلين هذا اللي يبي يهد بيوت الناس..هذي رجحا جابت العيال اذا تبين عيال روحي البر وارعي ابل ابو رجحا وبتحملين بسبعة توائم انتي روحي للبر ورجحا تجي للديره..>>فيس يخطط..هع ابو رجحا.. انا اشهد انك انااااااااااااااني وماافيك حميّه لبنتك.. اجل الرجال متزوج عليها وانت عادي عندك باارد وماعندك احسااااس ومافكرت لحظه تخليها تررح مع رجلها للبلاد لان هذا محلها الصحيح وش هالابوه اللي عندك مالت عليك وعلى الابوه اللي انت فاهمها.. فهد : ويــــــــــــــــــــــــــن سوالف البدوووو التحجير وماتتزوج غيري وتموت اهون واحسن.. كله طااااااار بالهواااااااااااااااءياارجال.. مزعل السوري زينة البنات عشان فلووه ولا اللي حصلت البقره ولا اللي ارضيت ام عيالك ماااا اقوووووووول الا مالت عليك بس ثم مالت..خربت خططنا كلهاااا.. فلووهـ :مع رحمتي لتس ماا ابيتس تجيبين أي بنيه ولا أي ولد من ضيدان..تطلقي منه وابشري باللي بيدعي لتس بالذريه الصالحه بكل وقت..>>فيس يقنعها بالطلاق.. تدرين اتووقع بكره تقولين هاللي فيتس عين رجحااااا ..والله لو تدرين عن بروود رجحاااااا وبقاراتها بتقولين شكلي انا اللي معطيه رجحا عين..هع غيووووووووووومه بانتظااار الجزءالقادم بكل شوووق..بس لاااااااا اوصيتس بالجزء الطووووووووووووويل .. ترى هذاااااا مااا يسوي لنا شي..>>فيس طمااع..هع |
الجزء الثاني عشر الوقت كان العصر يذعذع نسيم يرد الروح تلتفت يمين تلقى رمال حمرا تلتفت يسار مثله كانت قمم كلها حمراء تستغرب كيف ناس عايشين بهـ المكان لان العشب فيها قليل لكن البل تبعد عن مكانهم شوي في منطقة منطرحه (تعني كلمة منطرحة يعني مستوية ) كان في قمة الطعس مثل مانقول بالعامية كان هناك فرشة وعليها قهوه وقدوع وشاهي وكان عليها اثنين وجنبها ولدها الصغير في لفته واثنين يتدحرجون على الرمل يرقون لفوق ثم ينزلون بتدحرج من اعلاه لأسفله كانت تمد له الفنجال وهو عيونه في عيونها كحل بسيط لكن الهدب والعيون الوساع هي الي تجذبه نظراتها فيها هدوء قد سمعتوا بنظرات هاديه يعني يالله ترفع هدبها او رمشها الفوقي عشان تناظره مع انها اذا رفعتها وناظرته حس برجفه بقلبه يتمنى انها تعشقه مثل ما يعشقها لكن الواضح انها ماتكرهه لكن ما وصلت لحب الي يتمناه رجحا .. مابغوا الشيبان يخاووونك حب يشوف ردة فعلها .. الحين مهوب راضين بمجيي عشان يخاوني رجحا .. ليه عسى ماشر ضيدان يرفع عيونه يبي يشوف ردت فعلها.. يوم جيت يبغوني اودي فلوه اعالجها حس برجفتها من هزت الفنجال بيدها حس بدوخه ابتسمت عيونه ورقص قلبه وجاها عبدالله ومحمد يركضون كل واحد يبي يسبق الثاني ونط عليه عبدالله خلا مجال رجحا تتنفس وقهر لضيدان لفرحة قتلها عبود شاف الغيرة والغيرة دليل الحب ضيدان .. عبدالله جعل عيني ماتبكيك كسرت رقبتي عبدالله .. يبه لاتروح وتخلينا ونط محمد إلي يحب يقلد عبدالله .. رجحا افزعيلي اعيالتس كسروا رقبتي رجحا .. هههههههه منتب عاجز فيهم دفهم عنك ضيدان وهو يطرحهم في الارض ويضحك .. قلبي ما يطاوعني رجحا .. خلونا نمشي بيتبطانا ابوي ضيدان .. والله القعده في راس ذا العرق ما تفوت والله ان البر يسوى البلاد رجحا .. وش الي خلاني ما اروح للبلاد اذا جيت اتقضى تجيني تك لين اعود ضيدان .. لازم يا رجحا تجين البلاد العيال سيورهم دارسين (سيورهم معناها مصيرهم .. غيوم :) ) رجحا .. والله مدري يا ضيدان ماخاطر في البلاد ضيدان .. بس انا ابيكم شوفتكم نوماس قلبي تنحرج من تصريحاته لشوقه وماتقدر تجاريه او تعبر تفضل السكوت نزلت نظراتها وجمعت دلالها وقامت تعلن انتهاء الطلعة :::::::::::::::::::::::::::::::::::::::::::::::::::::::::::: :::::::: يابنتي اذكري الله من يوم ما خذيتس وانتي تبتسين احمد ربتس دام امرتس بسيط مهوب تسايد (تسايد يعني امر كايد صعب ) فلوه .. عمي انا جتمعت علي وضاق صدري ابو ضيدان .. بتنفرج يابوتس فلوه .. ضيدان مقفي يابوي وانا عشانك صابره ولا كان بروح لهلي ابو ضيدان .. يابنتي وشهو مقصر عليتس به فلوه .. مهوب مقصر مير قلبه مع غيري ابو ضيدان .. يابنتي خير البشر عليه السلام مال بقلبه والقلب محد يقدر عليه اهم شي العدل فلوه .. العدل ماقصر لكن دام القلب مهوب يمي وش الفايدة ابو ضيدان .. اصبري يابنتي وان شاء الله ربي يرزقتس ذرية تقربه وتحببه ان شاء الله فلوه .. ان شاء الله :::::::::::::::::::::::::::::::::::::::::::::::::::::::::::: :::::::: سعد شد بزرانك واخذهم معك والله العظيم انه انفض راسي ياقلع رفعه قلعاه سعد .. وين اخذهم انا بروح رجاجيل رفعه .. مايفترون من الصبح وهم فوق راسي سعد .. اذكري ربتس لا تطرحينهم بعين رفعه .. مشاء الله تبارك الله مهيب ان شاء الله جايتهم مير دبلوا تسبدي ودي ارتاح اذا نظفت ورجعت لقيت تسني ما سويت شي سعد .. سعيد تعال سعيد .. لبيه يبه سعد .. لبيت حاج يارب شوف وانا ابوك والله اذا خذيت اخوك ورحتوا لشارع ولعبتوا برا ولا ازعجتوا امكم اني اوديكم معي بكره للمزرعه وخليكم تصيدون سمك في البركة سعيد .. خلاص يبه ابشر سعد وهو يناظر رفعه وسعيد الي يركض بدون نعال الله يكرمكم وماسك ثوبه في فمه يبي يبين سرعته انه نفذ الي طلبه ابوه وراكان يقلده ويركض وراه .. هههههههه لبى عيونهم رفعه .. الله يصلحهم سعد .. يالله تبون شي اجيبه معي اذا جيت رفعه .. أي الطحين قده بيخلص جيب معك سعد .. على خير يالله فمان الله :::::::::::::::::::::::::::::::::::::::::::::::::::::::::::: ::::::: يا ساره يابنتي لا تتعبين نفستس ساره .. يمه وش اسوي ابي فهد اذا جا ان كل شي خالص ام فهد .. جعل ربي يسخره لتس يارب ساره .. امين وهذا الي ابيه يمه ام فهد .. عليتس بالدعاء تالي الليل قطع سالفتهم دخول فهد فهد .. السلام عليكم .. وعليكم السلام فهد .. الجو زين ليه ماطلعتوا برى في المزرعه ساره .. جبت القهوه عند امي ولا بغت تقوم فهد .. هاتي ظافر والقهوه برى ام فهد .. تسن ماعندك شغل اليوم جاينا غير عادتك فهد .. مشتهي اجلس مع ظافر ساره .. ظافر يلعب عند الغنم فهد .. اجل بروح له وتعالوا برى ام فهد وهي تبتسم لساره .. هذا اول الخير يمه ساره وهي ترد الابتسامة لخالتها .. يالله ياكريم :::::::::::::::::::::::::::::::::::::::::::::::::::::::::::: :::::::: يبه تكفى خلني اشمل الناقه (اشمل من الشماله والشماله هي الي توضع على ثدي الناقة يعني يلبسها ) ضيدان ..ههههههههههههههههه يابوك اخاف ترمحك (ترمحك يعني تضربك هههههه خوش تحليل بس ترا صدق الناقه اذا احد سوى فيها شي تضرب وترمح برجلها غيوم ) عبدالله .. يبه انا رجال ضيدان .. أي بالله رجال بس خلنا نغبق ابوك الشايب الحين عبدالله .. طيب تراني ابي الرغوه (طبعا الرغوه حقت الحليب ) ضيدان .. ابشر اقبلوا عليهم كان الوقت بعد المغرب وكانوا فارشين برى بما ان الجو حر واقبل عليهم ضيدان بالسحله الكبيرة الي فيها حليب وكان عند رجحا سحال صغار عشان تغبق عيالها وابوها وكانت حاطه قدوع تمر عشان يرغون ويودمون التمر بالحليب عبود .. انا ابي الرغوه حمود .. وانا بعد عبود .. ايمه عايني حمود رجحا .. كلبوكم بعطيكم رغوه وتراه اخوك الصغير محمد وهو يضحك بصوت عالي اجبر الباقين على الابتسامة |
السلام عليك ورحمه الله وبركاته
غيومه يالغلا تو مانور المنتدى تسلمين على البارت بس احسه هادي شوي ضيدان ورجحا عاشق متولع برجحا ويموت على التراب الي تمشي عليه ويتمنى انها تبادله نفس الشعور ويحاول قد ما يقدر انه يعوضها هي وعيالها عن غيابه عنهم وهوياعميري متلهف على كلمه حلوه منهم ورجحا مدري ليه احسها تبادل ضيدان نفس الشعور بس ماتبي تبينه هي خايفه انها تعترف له ويتركهم بس يالخبله هو ميت عليك والله ان تعترفين له ان يحطك فوق راسه ويصيح بك اما حركه انه يثير غيرتها تعوبه عليك بس ياقليبي ماامداك تفرح بردة فعلها الاويطب عليكم ياجوج وماجوج ويخربون لكم جوكم فلوه جعلك ماتطلقين على ضنا انتي ماتستحين تشتكين على الرجال عند ابوه ليه ما يحبني جعل يحبك المرض انتي وش تبين ماخذتيه من مرته جعل ربي ياخذ روحك بعد تبين يحبك زيها اقول اشربي من البحر والشايب الخرف بعد جالس يطاوعك وهدهد عليك لانه كله من تحت راسه هالمخرف فهد وساره الي صار له مع فلوه خلاه يصحصح ويعرف قدر مرته عدل وانها الوحيده الي تستاهل انه يحبها ويعاملها عدل وانتي بعد يا ساره بطلي برود وعناد والتفتي لبيتك وزوجك وحاولي انك تتقربين منه رفعه وسعد والله وان رفعه وعيالها نكته اجل ام ماتقدر انها تسيطر على عيالها ترى على قوله جدتي شطانة العيال خمال من امهم لو انا منك ما اقومهم ولا اقعدهم الا بالخيزرانه عشان يتادبون غيوم مدري ليه اتوقع ان فلوه هي راح تجيب غاليه وراح تموت وهي تولدها ورجحا بتعود للبلاد مع ضيدان تسلميييييييييييييين بالغاليه لاخلا ولا عدم |
يالله انك تحيي الغيم وماجت به نورتينا
اه من جزء اليوم وربي هيض القريحه الطعس ولبي الديره يناس ليتني والله مكانهم اتقهوى واوسع خاطري ضيدان والله طلعت واقع لاخرك في حب رجحا هههههههههه بس تصدق رفعت ظغطي محول فوق راسها حرمه وتبي تشوف غلاك عندها ياشيخ لونك غالي عقب سواتك يعيفك القلب والخاطر صدق الايبنا عيت النفس تبغيه والا نبيه عيا البخت لايجيبه رجحا ايوه ياثقيل انت عاد لاتغلين مره على ابو عبووود ترى مايهون علينا وترى من تغلى تخلى قربي بشكي لتس والله مالومتس من المدينه تجيتس تكه لكن لجل عين تكرم مدينه تزين المدينه لجل ضيدان فلووه صدز انتس قوية وجه هالحين تدرين ان قلبه ماهوب يمتس الا وبالغصب ماسمعتي ماينجبر قلب على قلب لوتس ماخذتن الشايب ابرك لتس تصدقين فلوه احستس في الاخير بتطلعين لاطلتي عنب الشام ولابلح المدينه بترجعين عند امتس مطلقه ابو ضيدان ومحاولة تخفيف عذاب ضميرك بمعالجة فلوه وانت تشوف اقفاي ولدك عنها بصراحه يالبى قلبك انت ونصايحك وانصحها تضف قشها وتعود الى اهلها ابرك رفعه وعيالها ههههههههههههههههه الله يعينتس ياوخيتي فيهدان افا علامك على السوري صدق القطو مايحب الا خناقه للحين تجرها حسوفه على قليلة الخاتمه بنت عمك السووري طولي حلمتس عليه مصيره يعرف قدرتس غيووومه مبدعه مبدعه كلمه ماتوفيك |
السلااام عليكم
هلا والله بالغيم وامطااره .. السمووحه يالغلا لو قصرناا معتس بالردود تعرفين اجاازه ودووخه رااس ..بس حطي ببالتس ماينزل جزء الا واحناا بصاله المطاار قصدي الانتظاار بكل شووووق .. نجي لقصتنا اللي احسها الى الان مابعد بدت ..>>اجل هذا كله وشو يالنوري >>الفيس الطماااع اتوقع والله العالم ان قصتنا بدت من رفض فلوه لفهد ..وهالشي بيكملونه عيالهم ..وعليه بتقوم الاحدااث الجايه .. يعني فلوه بتجيب غاليه واللي بيسميهاا ضيداان لانه يتمنى البنت ..ويمكن هالشي هو اللي بيخليه يلتفت لفلوه وبيتولع رجحاا من الغيره ههههه وظاافر بيكون له النصيب الاكبر في الاحداث الجايه ..واتوقع انه راح يطلب بنت فلوه بس بيلاقي الرفض من امه والقبول من ابوه .. اقول غيووم ...هالحريم كلهم ماجابن الا عياال ؟؟ياخوفي مايكون فيه الا بنت فلوه ..ويتهاوشون عليهاا أبطال القصه واخرتها ماتطول ولا واحد منهم ..وتعيش بحسرتهاا مثل امهاا هههههه غيوووووووم تسلم الاياادي يالغاليه ..بأنتظاارتس بكل الشوووووق ياغيوووم الشووووق .. |
السلام عليكم... ياااشيخه وين هالغيبه والله اقلقتينا عليتس يااعسل.. عمومااا نورتي سمحلتس ومكانتس وربعتس .. فقدناتس والله لاعاد تطولين علينا كذااا مره ثانيه>>فيس عارف بغلاته على قلبتس..>>فيسي المغرور. رجحا وضيدان : واخيرااااااااااااا ياارجحاا حسيتي بشي..عسى بس هارجفه اللي بيدتس من الخبر مهوب من مرض بيجيتس قريب..هخهخهه.. تدرين عاد رجحا حتى لو مابينتي أي شي حسيت كذا اليوم انتس مختلفه شوويه عن حركاتس اللي دايما تسوينها مع ضيدان..اليوم متمه وتسولفين معه وتاخذين وتعطين..الله يزيدتس ياارب وتنفكالعقده وتصيرين تموتين عليه اكثر من حبه لتس.. ضيدان ابشر ابشر بالخير ياارجال القلب شكله قريب بيتدهول على عينه ويحبك ..بس لو الله يفكنا من عيالك هالموذينخربواا علينا كلنا اللقطه مو عليك انت برووحك.. تدرين عاد وش انا خايفه منه الحين.. اخاف اذا حلتالمدراس على العيال تخليك تاخذهم عندك وعند ابوك و امك وتنثبر عند ابوها.. ابي اعرف الشيبه هذا للحين ماهذرى وخرف وماعاد يحيط بالعلم.. ؟؟ بس والله راحمته صدق يعني لاامات ولا عتق بنته..>>فيس مايعرف التعاطف..هع فلووه.. ياااالهووووي لهوااااهــ مابلعناتس وانتي سااكته تبينا الحين نبلعتس وانتي تكلمين وتشكين ضيدان عند ابووه جعلهم يشكونتس بالشرطه ياا الماصخه... اجل بتروحين لهلتس.؟.حلفت عليتس الا تروحين واتركي امرالشياب لنا ..بس انتي توكلي وتقلعي لهلتس ياااا جعل عيني تفرح قريب بفرقاتس..منز ين هالخشه زعلانه ان ضيدان قلبه مع رجحااا ياا اختي ترى انتي اللي جايه عليها مهيب هي اللي جايه عليتس..يعني استحي على وجهتس وانكتمي ودامه عادل وش تبين بعد ياا الطموع..خذتي الرجال من الحرمه وبعد تبين تاخذين قلبه ..تدرين عاد الرجال مهوب حباتس لو متي فأرضي باللي يجيتس منه .. انكتمي ابرك لتس ياابعيده.. وانت ابو ضيدان صدق مهذري الحين من بنت اخوك رجحا والا فلوووة جعلهم يفلونك قريب ياا المهذري ..ماكفاك انك مزوج ضيدان لها وهالدور بعد واقف معها ضد بنت اخوك؟؟ صدق صدق مهذري.. سعد ورفعه: احس عيالهم ابداااااااااااااااع ..بس لو فيه لهم صووره احس اني بمووووووووت من الضحك عليهم..ههههههههه والله الحين فيه صووره ببالي لناس قديمين احس انهم مثلهم..ههههههههههههههههههههههه غيومه الف الف شكر يااقلبي وهااهــ ترى خلاص تأخير مانبي خلي هالقصه تستمر متراابطه الاحداث مو كل شووي راجعين للاجزاء اللي قبل عشان نتذكروش صار.. بانتظار الجزء الجاي بكل شووق اذاا الله احيانا فلاااااااااا تتركين انتظارنا يطووووووووول |
حلو اليوم جزك ياغيوم بس اما طماعين نبي جزء كبير
هههههههههههه والله انا ضحكت من كل قلبي علي ردك يازار قصدي تعليقك علي البارت بس انا كسرت خاطري فلوه يمكن اهي الي تجيب غاليه اما رفعه وعيالها فكاهة القصه اتخيلها عجوز مزاحه يالبيه يارجحا اشهد انك واثقه من مكانتك عند بعلك يالبي حمود وتقليد |
0تكفى ياضيدان الحق ابوي
ضيدان .. ليه عسى ماشر رجحا .. أبوي مايرد علي شال عمه كان عمه ثقيل لكن تحمل وحطه بسيارته وهي صارت تدور مثل المجنونه تدور عباتها نست وين حطت اغراضها واخيرا طلعتها من الخرج كان مفتوح رجحا .. ضيدان بخاويك ركبوا العيال ومساعد بين يديها نست تأخذ ملابسهم فكرها مو معهم فكرها مع الي تحسه مايتنفس علامات وجه توحي بالوجوم كأنه نايم اسمرار وجه ماخلاها تميز بس شهقاتها تطلع وتظم ولدها لقلبها تبيه يطمنه يارب لاتروعني في ابوي ياربي الطف بي ياربي ضيدان بصوت عالي .. لا اله الا الله سمعت ذكر الله وكانه هواء بارد دخل فؤادها وكان ضيدان مسرع بسيارته يبي يلحق بعمه :::::::::::::::::::::::::::::::::::::::::::::::::::::::::::: :::::::: كانت عشه من خوص بس سقف ويتخلل من داخلها نور الشمس وفيها فرشه ومساند قديمه وعليها قهوه وشاهي وفطور وكان المكان في حوش كبير وفي طرف الحوش بيت شعبي قديم دور واحد وملحق من مجلس ومقلط وكان بالحوش نخل تقريبا ثمان نخلات لها احواض وكانت النخل عاليه مره كانوا مجتمعين ويسولفون سوالف عادية ومع سوالفهم دخل عليهم عيال ضيدان ابو ضيدان .. يامرحبا بعبدالله عبدالله بدون محد يساله .. ابوي ابوي الشايب طاح وابوي وداه للمستشفى ابو ضيدان .. اخو رفعه امض يدان .. يارب حمدنا العاقبه يالله انا في ذراك طلع ابو ضيدان مسرع مافيه مستشفى الا واحد ومحمد وعبدالله عند جدتهم ومساعد كان مع رجحا :::::::::::::::::::::::::::::::::::::::::::::::::::::::::::: :::::::: ساره .. مابي اروح فهد .. وليه ماتروحين مع امي ساره .. انا تعبانه ومقدر اتحرك ومشي فهد .. تبين امي تروح بلحالها ساره .. يافهد انا مراحي مثل قلته حامل ومقدر حتى ارقص فهد .. هذا ولد عمي ساره .. خلاص بروح عشانك بس سكت وملامحه جامدة علي بيعرس وفهد بيروح بعد الحاح امه والهدف يبي يبين انه خلاص مهوب صوبهم محد يقدر يفسر الي في قلبه وساره ماتبي تروح وتلتقي مع فلوه :::::::::::::::::::::::::::::::::::::::::::::::::::::::::::: :::::::: ضيدان وش فيهم محد طلع وطمنا ضيدان .. اذكري الله الله يطمنا رجحا .. يارب انك تشفيه طلع الدكتور شهقت رجحا من الخوف من الصدمة ضيدان .. بشر يا دكتور دكتور .. ان شاء الله انه بخير الوالد تعرض لجلطه والحين تحت المراقبة كانت دموعها هي الرد الوحيد :::::::::::::::::::::::::::::::::::::::::::::::::::::::::::: :::::::: تغدي يابنتي البزران عيونه طايره فيتس رجحا .. ياخاله مانيب مشتهية شي وابوي تعبان امض يدان .. ان شاء الله ربي بيشفيه وبيطلع سالم رجحا .. على خير حمود تغدا يمه محمد .. بث ابتسمت غصب عنها امض يدان .. مهوب ذايقينه الا اذا ذقتيه رجحا .. رفعه وينها امض يدان .. رفعه نسو رجحا .. جعله مبارك ياربها تجيب ابنيه نزوجها عبدالله امض يدان .. والله من طيب حظها كان عبدالله احصل لها كانت بالغرفة تراقبهم تحس بحراره فضيعه اخوها بيجيها وبتروح معه لهلها عشان عرس اخوها وفي نفس الوقت منقهره على الضيفه الي في نظرها غير مرغوبة :::::::::::::::::::::::::::::::::::::::::::::::::::::::::::: :::::::: منتب صاحي هذا نسيبك ضيدان .. وخلي رجحا مع عمي بلحالها ومانيب مستانس المفروض ما حطوا عرس وهم خابرين ظروفنا ابو ضيدان .. قده عازم اربوعه ضيدان .. الحين كل عصر وحنا رايحين لعمي انا ورجحا والبزران عند امي ما قدر اروح لهم اذا طلع عمي سالم رحت وسلمت عليه وتعذرت منه :::::::::::::::::::::::::::::::::::::::::::::::::::::::::::: :::::::: كانوا مجتمعين في غرفة عمهم بعد ماطلع من الملاحظة وكانت الجلطه خفيفه ضيدان .. عدت ياعمي على خير الحين مالك مرواح للبر ابو رجحا .. وابلي من يصاليها ضيدان .. ازهلها صحتك اهم رفعه .. ماتعلمني ياعمي يومك متمسك بالبل الناس باعتها وغتنت وعينوا خير ابو رجحا وهو يناظرها ولا رد عليها ضحك ضيدان ورجحا على موقف رفعه رفعه .. الله يسامحك يا عم خليتهم يضحكون علي ابو رجحا .. انتي تقدرين تخلين عن عيالتس انا تراني مثلتس مقدر اتخلى عنها سكتوا مهما قال الشايب محد يقدر يغير من طبعه او رايه :::::::::::::::::::::::::::::::::::::::::::::::::::::::::::: :::::::: تبين تخربين بيتس فلوه .. هجل يخلي عرس اخوي وما يحضره ام علي .. عمه ومريض يجي ويخليه فلوه .. يقدر يزوره ويجي بعد العشا ام علي .. كبر عقلتس المره تعدي وتمشي حياتها فلوه .. لا والله ان يجي علم ثاني ام علي .. يابنتي ترا عنده مره وعيال مهوب رايح فيها الا انتي حست بجرح خاصه وانه من امها |
اسمحولي على القصور يالله القى وقت اكتب لدرجه اني احس اني توهقت يوم قررت اكتب قصة
لكن بصبركم علي خلوني اقدر اتابع وكملها وان شاء الله اذا ربي قدرني نزلت بكرة بارت واذا مانزل شي لا تزعلون علي اكيد شي منعني وشكر كل من رد وتكلف ومن مر الله لا يحرمني منكم كلبوكم |
كيف الحال علي الجميع
اخيرا غيوم نزلتي بارت بس حرام عليك صغيرون مره بس ياني ضحكت علي رفعه هههههه اما فلوه بكيتها استغفرالله نحيسه غيومه انا عرفت من غاليه هذي اكيد بنت رفعه وعيال القبيله بيتهاوشون عليها هع صح او خطاء |
السلاام عليكم..
غيوم انتي متأكده ان البارت هذاا هووو كــــــــــــل ابوووووووهــ شووفي يااشيخه منا منااك اتووقع انتس مااكله بعضه او يمكن ولدتس ماكل منه شوووي قصدي ماكل منه وااجد وتارك لنا الشوووي...هخهخهخه.. فديت حفيدي والله.. اوول شي احب اقوووووووول ياااااااشيخه ماابغيتي تطلين علينا.. غيوومه ياا ختي طمنينا ليتس قوولي ورااي ربع وراااي ام نتيه تصيحني ماتدري وين ارضي من سماااي. وراااي ام نتيه تحد السكااكين على فلووهـ تبي الخلاص منها.. وراااي عرب يحترون الاحداث ويحترون هالغاليه تجي وشكلها بتصير رخيصه من كثر ماهي دبلت كبودنا بتوزيها عنا..هع المهم غيومه نجي للجد ونترك الهزاااااار.. اهم شي انتس بخييييير وهذا والله المطلوب واذا ماتقدرين تكملين القصه يااقلبي ..وقفيها وكمليها على راحتس وبعدين ارجعي وافتيحها بس كذاا ياقلبي ننسى الاحداث .. ولاتندمين ولاشي .هذاا ياختي الابدااااااااااع والعشق للحرف اللي لو هو تركتس انتي مااتقدرين تتركينه.. ابو رجحا: يااربي منك والله ماااودنا تموت عشان رجحا تنزل البلاد. بس انت تحد الواحد على اقصاهـ وتخليه وده انك تموت.. ابو رجحا تعوذ من ابليس واقصر الشر واسكن عند بنتك ورجلها الحين لو ان ضيدان مهوب عندك وش كان سووت هالضعيفه؟؟ كان بتركب هالوايت وتشقلك عليه وتووقف لانها ماتدل درب البلاد ولا اتصال ولا تليفون بمقطعه. انت مستوووعب انك عاااايش بمقطعه لاا جار ولا عرب ولا ونيس ولا جليس.. وبعدين انت كبرت وشده اوول رااحت ياا رجال .. جب لك صبي وانت كل ماخذت رح لعيالك.آآآآ .قصدي لنيااقك.. بس خلك بالبلاد احفظ لك ولبنتك باذن الله.. رجحاا : الله يعينتس على هالابووو .. يعني بتظلين طول عمرتس عاايشه بالبر؟؟؟ يمكن المره الجايه ابوتس يطيح طيحه كايده وتجين للبلاد غصب.. فلووووووهــ :: وهـ وهـ وهــ بس يااااصبر نجد لى اهلهاااااااااااااااااااااااااااااا.. جعلتس والله للقهر والحره اللي تشب بظلوعتس وتطلع على هدوومتس.. والله قلة حياا صدق الحين مااخذه الرجال من مرته وزعلانه انها جاايه بيت عمها وببيت زوجها.. جعلتس والله ماترضين واختاااري من جدراان البيت أي جدااار واصقعي راستس فيه لين ينبط ان شاااء.. ترى ياافلووه رجحاا لها بهالبيت اكثر من اللي لتس..هذاا بيت عمها اخوو ابوهاا وبيت رجلهاا اللي هو بعد بنفس الوقت ولد عمها وبيت عيالهاااا اللي ابوهم ضيدان ..يعني ازعلي ولااترضيييين وانثبري عند امتس وفكينا من هالخشه.. وهــ يااثقل دمتس وانتي مفكره انتس اغلى من رجحا.. بقرره انتي بقرره ماتشوفين غلاهاا عند ضيدان.. ؟؟ مدري ليش ذاابحه عمرتس من الغيره.. ترى انتي اللي وصلتي نفستس لهالوضع من يوووووووووووم خذتي ضيدان وانتي عارفه ان قلبه وهوااهــ مع بينت عمه وهي بنفس الوقت ام عياله..يعني لو فكرتي دقيقه بس وش اللي ممكن يخلي ضيدان يحبتس ويفضله لى حرمته وبنت عمه وحبيبة قلبه وام عياله؟؟؟؟؟ وايه اقولتس ازعلي تكفييييييين طاالبتس تزعلين وماترجعين للبيت.. اجــــــــــــــل يخلي عرس اخووتس عشاان ابو زووجته يااااااااااكبرهاااا عند الله>>فيس يثورها زياااااااده كودها تطلب الطلاق وتلااقيه..هخهخهخ رفعه..هههههه والله انتس رجه.. قال ايش اترك الابل وتعال هنا. صراحه ان عمتس محترم اللي مااعطاتس الا نظره واحمدي ربتس انه تعبان والا كان نزل عليتس بالزبيريه.. هع غيوووووووومه شفتي ردي ولاتزعلين مني بس تراهـ اطول من الجزء>>>فيس ماسك متر ويقيس رده والجزء..هع تسلم الايااادي يااقلبي . وباذن الله تتعدل امورتس وظرووفتس وتقدرين تكتبين اجزاء اطول وابداااااااع اكثر.. ولااتقطعين عنا يااقلبي.. بانتظار الجزء الجاي بكل شووق اذا الله احيانا فلااااااا تتركين انتظاارنااااااااا يطوووول يااعسل |
السلام عليك ورحمه الله
غيووووومه ياهلا والله ومرحبا تو مااااااانور المكااان وش هالطله الحللللوه جعلي ماعدمها ومعذوره يالغلا انا اقول اذا مااقدرتي وقفيه فتره لين تحسين انك قادره تكملينها بعدين كمليهااااااا وتاكدي ان حنا راااح ننتظر هي بوردجحا اهب عليييييييك انجلطت وقمت منها بسرعه والله كله من مقابل الابل وماغير تشرب بحليبهااااااا هي ال يقوتك يعني تبي تقووول ان الابل هي عياااالك وانت الاب الرحووووم ماتقدر عنهاااااا ماااااالت رجحا يالخبله هذي فرصتك ثبتي وجودك بالبيت وخلك انت عاااااموده خااصه انك الزوجه الاولى وام العياااااااال وحبيبة القلب ضيدااااان كفو والله هذا العشم وشلك بزواااج اخو شينة الحيا عمك ابدى وخاااصة انه ابو الحب كللللله فلللللوه جعلني اقعد بعزااااااااك وجعل الحره ماااااااتفااارقك نصيه وانا اخيك لاترضين على ضيدااااااان وازعلي واجلسي بيت اهلك وتشرطي واطلبي اجل عرس اخوووووك مااااا يحضره بس عشااااان عمه مريض ترااه مااااا هو بعذر ترى فيهاااااا قبايل كلله ولا عرس الامير وليااام ماااااااالت رفعه رهيييييييييييييبه والله الله يسعدك وش له تحااارشينه ترااه ماااايفهم الا بلغ الابل والبااااقي معطله عمك الله ياااخذه قريب غيوووووووووومه يااعسل جعلك داااااااايم بخير تسلمين على البارت |
[B]الجزء الرابع عشر
(بعد مرور 25 سنه ) يمه يمــــــــــــــــه يمـــــــه وصمه ازعجتيني ماتعرفين تحتسين بهدوء يمه اني محتاره عزيمة خوالي ذليل ومدري وش البس الدرج مليان ماخلى سعد عليكن قصور جعلني ماذوق حزن عيالي الي مريحيني مهوب انتن من سوق لسوق يمه نسيتي جيرانكم وربعكم يتوذون من قرودتس قرودي في عينتس اخوانتس تاج راستس راكان ايه لكن سعيدان ماغير مايشوف خششنا الا روحي هاتي جيبي رفعه .. طيعيهم وش وراتس شيهــــــــــــــــانه عجلي لقيت لتس لبس يهبل شيهانه .. يالله مامي بروح لعبوره حبيبتي رفعه .. قومي خالد على دربتس شيهانه .. يمه اذا قومته شبت حريقه بينا رفعه .. روحي بقومه انا يوه السان الطويل :::::::::::::::::::::::::::::::::::::::::::::::::::::::::::: ::::::: صيته يا صيته صيته .. لبيه فلوه .. زيني شي خفيف لسعود صيته .. يمه انا اتزين بروح لجداني الخدام هوينها فلوه .. انتس تعرفينه مايداني شي من الشغاله صيته .. الله يعيني تمننين علي خلاص مابي شي بشتري لي سنتدوتش من أي بوفيه فلوه .. والله ان تقومين وتروحين تزينين لونه لعبدالله كان عديتي عدي صيته .. يمه حرام عليك اخواني كلهم عندي واحد فلوه .. عجلي صلحي لخوتس وخلي كثر الحتسي وانت والله ماتشتري من برى تبي تسمم سعود .. والله اني تعبت تعب اليوم فلوه .. وش حادك يمه على الغثى ريح مع ابوك في الاعمال الحره وفي شركته وقابل حلالكم وانت تطمر من طياره لطياره سعود .. يمه ما اتخيل نفسي جالس ورى مكتب انا احب اتحرك ارو ح اجي فلوه .. شوف عبدالله ماسك شركة ابوك سعود .. عبدالله مانيب مثله غير عني فلوه وهي معصبه .. وش غير عنك فيه يعني عيال رجحا الي حول ابوك سعود .. يمه ماغير عبدالله ومحمد الي مع ابوي ولا مساعد معي وتراهم اخواني يمه فلوه .. انت وحيدي وخواتك من بيهتم فيهن ويراعيهن غيرك الابو طاير قلبه مع رجحا وعيالها سعود .. ابوي يحبنا كلنا مافرق بينا فلوه .. ترا راسي صكني منكم حتى انتم طايرتن قلوبكم مع رجحا وعيالها سعود متحمل امه ومايبي يزعلها ياجعل عيني ماتبكيكم كلبوكم راكان .. بنشدك يبه من اغلى عيال عيالك عيال بنتك ولا ولدك ابو ضيدان وهو يبتسم ويخبي فمه عشان ماتبان اسنانه الي اغلبها طايح .. كلبوكم غالين مساعد .. خبلك يا راكان ماعينت تنشد الا ابوي الشايب الي يشرق بحب عبدالله عبدالله .ز الله يستر علي من عيونكم سعيد .. مالومه اذا حب عبدالله راكان .. تكلم المحامي محمد وينك افزع لي مساعد .. ههههههههههههه محمد مهوب صوبكم خاش جو مع الشلات محمد ناظر مساعد خايف انه يكب عفشه عبدالله .. ماعليكم من محمد الا بسالكم بتخاووني للبر بكره راكان .. وش عندك عبدالله .. ابوي الشايب يبينا نشدد البل سعيد .. انا بروح لشرقيه دوره يومين وبرجع اخذو خالد معكم ابو ضيدان .. كلبوكم روحوا عشان لا جا العيد ان قد مكانها زين محمد .. ابشر يبه ولا يهمك سعود .. ابوي وينه عبدالله .. مواعد عمي سعد وراح له مساعد .. اكيد عندهم مشروع راكان .. الله يكفينا شرك مساعد .. مامني شر ولا كان طيحتك انك طايح من ذا الطول الي تنافس فيه النخل الكل .. ههههههههههههههههههههههههههههه ابو ضيدان معصب .. اذكر الله مساعد .. افا يبه تحب ولد بنتك اكثر منا ابو ضيدان .. مهوب اكثر منكم وانك خويبر افتحوا الباب اسمعه يطق ولا تسكرونه خل من جا يدخل :::::::::::::::::::::::::::::::::::::::::::::::::::::::::::: :::::::: جواهر وش رايك جواهر .. صيته لا تحرقين اعصابك خالتي الله يهديها مدري وش فيها على امي مع ا ن امي اجوديه صيته .. والله انه انتك صدري وصدر سعود جواهر .. لبى الطاري وينه ما مر يسلم صيته وهي تبتسم .. بيمر مير ذال يجي ثمن تقول امي شي ولا تشوف يجلس جنب خالتي وتعرفين عاد طبع امي جواهر .. الله يسخرها لنا وين راحن البنات صيته .. اشوف عبير وشيهانه ومشاعل في الحديقه الي ورى البيت وغاليه رقت مع رفعه فوق جواهر .. اجل خلينا نطلع للبنات الي ورى صيته .. روحي انتي انا بهتم بالقهوه عشان جدتي ما تزعل :::::::::::::::::::::::::::::::::::::::::::::::::::::::::::: ::::::::يعقب مهوب رجال ساره .. الا رجال عاقبت ظافر فهد .. عاقبته وش عاقبته فيه ساره .. تعامله تسنك تعامل جاهل ولا بزر وهو رجال فهد .. وين رجال وهو ما سو مثل الرجاجيل واشتغل معي\ ساره .. مايحب شغلك خليته يكره البيت مايجي الا للممسى فهد .. تعذرين عليه الا صايع ضايع ليه مهوب مثل نادر اصغر منه وارجل ساره .. عيالي كلبوهم رجاجييل ياربي انتوا دايم معصبين تعالي يا وسميه ما يوسع صدري الا انتي وسميه وهي تحب خشمه وتلوى على يده .. لبى قلبك وعيونك امر تدلل يا قلب وسوم ساره وهي تخز بنتها .. قومي هاتي القهوه وسميه وهي تضحك .. بسم الله على عيونتس يمه والي قدامتس ساره وهي تصرف .. قومي صبيها [/B] |
كيف الحال جميعا
والله اني دار راسي من الابطال تلخبطو علي ماشالله كل وحده من البطلات جابت لها درزن بنات هع اما غاليه مابعد درينا منهي بنته بنتظار الجز الجديد عشان توضح الرويا |
السلام عليك ورحمه الله
والله انقهرت كل ما كتبت رد انمسح يمكن اكثر من خمس مراااات بعدين حلفت قلت هذي اخر مره والحمد لله ضبط غيووووومه يالغلا تسللم يدينك على البااااااارت وعدتي وفيتي ما قصرتي الله مرت السنين 25 سنه ايييييييه كللللله من اعماااارنا جعلها بطاااااعته فلوووه كل هالسنين ولا طخيتي وهجدت شيااااااااطينك ماازلتي شر مشتر يامره عييب علييييك تحدين اعياااالك على اخوااااانهم كان ما تعرفيين ترااااهم عزوه وسند لبعض وكل ذاا خااااايفه على الحلال والماااال يامره اهجدي لا بالعجر على رااااااسك كلللله غيره وحره من رجحا وعيااالهاااا لانها ماازالت قلب وروح ضيدااااان خلك كذا انتي الي جبتيه لنفسك المفروض بعد ماجبتي عيااال تهدين وتتركين شغل البزارين رفعه ياااااا عسسسسسسسل مازلتي انتي فاكهه الرواااايه لا بعد عياااك ماااخذين خفه الدم مننننك بو ضيداااااان انت الى الان عاااااايش اهب عليييك يا حليلك بين احفاااادك جلسه ولا اروع اجل كلهم وااااحد لابالله ما صدقت داااااائما اسمع واشوف ان عياال الولد اغلى من عياااااال البنت وخاااصه عند الجد فهههد الله يهدااك عادك على عصبيتك اهدى ياارجاااااال ترى انت كذااااا راح تخسر ولدك بسبه معاملتك القااسيه ترى اكثر مااا ينفر الولد من البيت والاب هو معامله الاب القاسيه له وعدم احتررررامه لولده وصاااادقه السووري عيااالهااا كلهم رجاجيل اجل تغااارين على شاايبك من بنته ياحليلك والله احب اشوف غيره الشيبان استانس عليها بس غيييومه الى الان ماعرفنا غااااااليه من بنته ما شاااااء ما بقى بنت ما جبتيها اااااا غيوم جعلني ماااا عدم طلتك الحلللوه ياااارب وتسلم يدينك |
غيوم يارفيقه ماهذا القحط الذي اصابك هههههههههههههههه دوعابة الصبح
غيوم تعالي اقربي دعوة باالله اني في ذراك من وين جبتيها ذكرت أميمتي الله يشفيها هالدعوه دائما على للسانها فلووووووووووووه يابط تسبدي ياعرب يطاه لتس عين تضيقين بعد تدرين ماعرف دواتس الا امتس كبري راستس بس يوه الله يستر لتضيق وتتطلق وترجع على السوري تاخذ فهد والحسايف تلح ضيدان وتصير هي غاليه لقب يطلق عليها هههههههه مشكله الفضاوه اذا اشتغلت الصبح ابو رجحا يالليل الشقا مشكلة اهل الحلال يغلونه مثل ضناهم واكثر ضيدان ياراعي الاوله فديت روووحك ربي يهدي هالشايب وينوخ في الديره الله كريم السوري ومن لامتس تليم عليه وين تقلعين العرس ومضيعة المذهب فلوه قدامتس لكن للحين ماخذنا تفاصيل الزواج وكيف مقابلة ساره وفلوه ومعقوله فهد ماقابلها غيوم لاتبطين علينا خليتس مثل سحابة الصيف |
عيدكم مبارك
عساكم من عواده وتقبل الله طاعتكم سمحولي على التاخير تدرون رمضان والحين نقضي ان شاء الله بنزل بارت قريبا بس مو الحين |
الجزء الخامس عشر تكفى يا محمد محدن صوبي الا انت محمد .. ابشر يابو ضيدان عبدالله .. جعلني مابتسيك خذ الونيت والبكره وامها توها والد ومالها حيل على الممشى محمد .. ابشر بسعدك بس ماتروح بها انت وخلني على موترك عشان ظافر يبي خوتك انت عبدالله .. انا يا اخوك ما اعرف امشي على هوني كاني مادعست على الموتر لين اسمع صرير الهوا مع الدرايش ما تسني اسوق محمد .. طيب ماينفع وانت بتسوق البل عبدالله لا الي بيسوقها راكان رجال راعي كيف مشغل الشلات وباله طويل ولا انا بسبقكم لمكانا الجديد ومعي العمال يبنون الخيام ويزينون العشا والقهوه قدامكم محمد .. ومساعد عبدالله .. مساعد يسوق الوايت ومع راكان مشاء الله عليكم مطلعيني من الحسبه عبدالله .. يامرحبا بظافر لا بالله ماجبتك وبطلعك من الحسبه انت الخوي ظافر .. انا ابي اتبع البل يعجبني شكلها وهي شادة ( شادة تعني راحله يعني مسافره :) غيوم ) عبدالله .. والله اني يا ظافر فيني عجله ظافر .. تعلمني عجلة بدوي وبعدين محلك الي بتشدون له مهوب بعيد محمد .. الشايب يبي ينظف المكان عشان العيد قرب ويبون اهلنا يطلعون يعيدون في البر ظافر .. ليت عندنا ابل ابتسم عبدالله له وقرب .. يمدك وابشر بالي يعين ويعاون ظافر .. جعلني مابتسيك ذاخرك لشدة عبدالله .. والله اني اقوله صادز يا ظافر اذا لك شف في البل اشتر لك ناقة او ثنتين وخلها معنا وتكاثر لين تقوم تطلع بها ظافر .. يصير خير ابوي ذا الحين وانا اطلع للبر معك حطني صايع وشلون لمسيت وش بيقول عبدالله .. هذا ابوك وانا اخوك لا تضيق ولاتشيل في خاطرك عليه ظافر .. صابر يا عبدالله والله ان في قلب توقد نار اقبل عليهم محمد وهم جالسين على الرمل الاحمر وعليهم ثياب وحاطين اشمغتهم حمدانية على قولة اخوانا الاماراتيين محمد .. بسم الله على قلبك عجلوا علينا عشان يمدينا عبدالله .. يا الله نتوكل على الله وانت يا ظافر خاو محمد وتمقل في البر على كيفكم مساعد .. خالد جعلك القوم ماقعدت عند لاب توبك ابرك حالد ما وقف ضحك التفت عليه مساعد .. والله لو ما تحفر ان احطك صاج تحت الكفر ودعس عليك خالد وهو يكتم ضحكته .. عشان اعلم عمتك مساعد .. وعزتي لعمتي كانها جابت ثور خالد فقع ضحك .. ههههههههههههههههههه وش اسوي بكم الا تبوني اشدد معكم البل وش عرفني بسواقة الوايت مساعد .. يومك ما تعرف شبلاك خليتني اخليك تسوق خالد .. انا اعرف بس الدرب الي مهوب زين مساعد .. روح للعيال خلهم يجون يسحبون الموتر خالد .. تقوله صادز تبيني امشي مساعد .. امش عشان تلتهب خدودك الحمر وتقلب سود خالد .. بسم الله علي مالي خدود مساعد وهو خلاص فاض به الكيل .. خالد امش قبل اتوطاك صدز التفت خالد وشاف من بعيد العيال وهم يرفعون الحوار الصغير ويربطون رجليه عشان يطلعونه على الونيت وقام ربط ثوبه على حقوه يعني وسطه وحط نعوله وانتوا كرامه وسط ثوبه المربوط وتلطم بغترته وركض بسرع ماعنده التفت محمد .. راكان شوف الي اقبل راكان .. تكفى يا مساعد سد عيوني لا تراه مهوب اخوي يا عزتي لعيني ظافر .. هههههههههههههههههه وش بلاكم عليه عشانه يعدي راكان .. تكفى يا ولد بيفضحني امحق مابه ركاده محمد .. على هونك اجلس لين يرجع عليك نسمك وتنفس زين طاح على الارض ورمى شماغه .. نعنبوها حاله ليتني ما اعرف البر يا حلالها ياغرفتي والمكيف واطقطق على كمبيوتري راكان .. ماتعلمني شقومك تعدي تسنك مرتن مغصوبه فقعوا العيال من الضحك ظافر وهو يحاول يسكت نفسه عليك تشبيه يا راكان خالد .. بدال ما تضحكون روحوا لمساعد وسحبوا الوايت تراه مغرز راكان .. في ذمتي انك انت الي سايق ولا مساعد سواق خالد .. ماعلموك ان الحلف بغير الله شرك والشرك يخرج من المله راكان .. امشوا خلونا نسحب مساعد ويمدينا نوصل خالد .. علي بالحرام انها اخر مره اشدد البل راكان .. علي بالحرام انا انك ماعاد تقعد خلافنا غديت تسنك مره ظافر .. ما اقول الا عزتي للمره الي تطلقت قبل لاتعرس محمد يقرب من راكان .. عمرك فوق الثلاثين وتقارن نفسك بالي تو عمره سبع تعشر راكان .. ترا العقل يا محمد ما ينقاس بالعمر مامن رجال طاق الثلاثين وتسنه بزر ومامن واحد مثل خالد وصغر وتقول عقل يوزن بلد محمد .. بتحطمونه ترا راكان .. هو وعبير تسنهم بزران ارتبك محمد وخاف يلمح محمد ارتباكه وعلى طول مشى دايم اسمها يربكه يعيشه بعالم ثاني ياما خاف ينطق اسمها كثر ماهو يفكر فيها ويحلم باليوم الي يجتمع معها :::::::::::::::::::::::::::::::::::::::::::::::: ذاكري يا غاليه ترانا ثانويه عامه غاليه .. رفعه تعبت شوفي حالي وش صار من كثر ما قطعت عمري بالمذاكره رفعه .. ترا البنات متحدينا نجيب نسبه غاليه .. انا ابي اروح برى السعوديه وابتعث مع مكرمة الملك رفعه .. ترفقي وانا اختس ذا الحين تجينا سراقه عشان اذاكر انا وياتس عمتي فلوه ما تخليتس تجينا تبين تروحين برى السعوديه غاليه .. رفعه تراتس تؤوم روحي نسيتي انا والدات بشهر واحد في سنه وحده رفعه .. عارفه وان اعمارنا 17 وفي عقلتس انتس بتروحين تدرسين وعمرتس 17 غاليه .. خاطري اغامر في حياتي اروح ادرس اطلع للكلية ومشي لها مشي في جو شاعري ويمطر رذاذ رفعه .. اقول يا الرومنسيه عيشي في سموم السعوديه ابرك من نسايم الخارج جعلني ما اطبها غاليه .. انتي خوافه ماعندك روح المغامره رفعه .. احسبنتس بتقولين ابي اجيب اعلا شهاده اثرتس تبين تروحين تصعيين غاليه .. صاعوا عليتس الذيابه رفعه .. بسم الله على روحي غاليه .. اكيد انتس ماتبين تروحين عشان ما يضحكون على اسمتس رفعه .. وانا وش ابيبيهممن الاساس عشان يضحكون على اسمي اجلس في ديرتي ابرك لي جعلني فداها يارب غاليه .. خلينا ننذاكر راح من وقتنا نص ساعه رفعه .. ذاكري انتي انا بشغل موضي وبدبتس شوي غاليه .. ياويح قلبي امحق مذاكره رفعه .. اندبلت تسبدي خليني اتعلم كود واحد من خواني يعرس ومايعين احدن يرقص في عرسه ونتورط ومحدن يعجبه عرسنا غاليه .. الناس وصلوا القمر وانتي تحاتين الرقص في عرس خوانتس رفعه .. تراهم عجزوا غاليه .. خلاص ارقصي في عرس صيته رفعه بشهقة .. صيته بتعرس غاليه .. ماعلمكم ابوي مخطوبه مدري وافقت ولا لا رفعه .. علميني بالتفاصيل غاليه .. نعنبو الحريم ضيعت يوم سمعت طاري العرس خاطبها ولد خالي علي رفعه .. بدر غاليه .. ايه وامي موافقه بس صيته لكلكت شوي ثمن وافقت رفعه .. الله يوفقها تخرجت هي وجواهر وش وراهن خلهن يعرسن اعمارهن صكت 25 غاليه .. وع عرس وقرف وبيت شغلت رفعه موضي وقامت ترقص فرحه لتوفيق اختها وغاليه تطالعها بنص عينم وفي الاخير شاركتها رقصها حاول تذكرني .. وانا بحاول اذكرك وان ما ذكرتك وش تبيني اسوي دقيقه .. اصبر .. عيد لـ افدى تكبرك ابوك في الجنة ! تذكرت توي هذا انت ! ياللي كنت لاجيت ابادرك باللين يحلى لك علي التقوي بعد ايش لنت وجاي تبغاني اعذرك ماعاد جو " اقسى وانا ألين " جوي يا سخفها لعبة " تكبّر واقدرك " رغم اني الرابح بها اليوم .. لوّي ما صنت خاطر طيبتي قبل خاطرك وسمحت لك تحكي معاي بـ تروي يومك مكاني منت يمي واحاورك واشب من غيضي وتدفى بـ ضوي يابن الحلال ان كان تبغاني اذكرك بالخير سوي بي مثل ما اسوي صيته .. جواهر تسمعين الي اسمع امحق مذاكره جواهر بضحكة .. يمكن رفعه درت عنتس قامت ترقص صيته وهي تبتسم .. خل غاليه تستانس يوم شفنا امي راحت لخوالي جينا صوبكم ركض على قولتها تبي تذاكر جواهر .. امشي صوبهن خاطري ارقص صيته .. وش بيفكني من لسان رفعه جواهر .. مشاعل مابعد درت صيته .. الله يعينها على رقدتها من عصر جواهر .. تقوم تصلي وتعود ترقد الجامعه كرف في كرف وهي دافوره صيته .. بسم الله عليها علميها تعين خير هذا انا وانتي قابلنا شهداتنا جواهر .. لا تذكرين يتهيض قولوني خلينا نروح للمراجيج نخليهن يقصرن على صوت المسجل قبل يقومون الشيبان دخلت عليهن شافت غاليه فاكه شعرها الي واصل تحت اردافها وترقص بنعومه فيها رقه ما خلقت الا فيها انبهرن بشكلها ماحطت مكياج لكن الجمال الرباني يقطر منها شفايف ورديه وبياض وجها مخليها مميزه عيونها تذكرني بعيون اشواريا الا انها اوسع منها بعد ورفعه تنافسها بطول الشعر والجمال لكن رفوع سمرا شوي وجمالها غير عيون ناعسه وغمازه وحده وحواجب رفيعه كانها محدده وفيها رقه خلاف السانها الطويل في محاجها وصيته تفرج عليهم هدوء ورزانه عكس جواهر فرفوشيه وتحب تنكت لكن في صفات الجمال جواهر تشبه رفعه لكن ابيض من رفعه ومشاعل عيونها سود وكبار وحواجبها مرسومه وشعرها اسود ومربوعه مو طويله مره ولا قصيره منجنين عندها بنات الجامعه شخصيه قياديه ماتعطي احد وجه همها بس دراستها رفعه شافت صيته وقفلت المسجل ... لولولولولويييييييش مبروووك يا عروسه انا اخر من يدري صيته .. ههههههههه تبيني امشي وبشر رفعه .. امشي والله ان ذا الرقصه لتس وترقص رقص عراقي وخربت عليها غاليه غيرت الاغنية رفعه .. غاليه جعلتس الهندريه تدرين اني ما اداني حبه حبه وتحطينها غاليه .. ياختي خلك انثى فضحتيني حتى بالمدرسه ودعاويك تقولين عجوز رفعه .. عجلي انا رفعه نفسي ما اتصنع والي عنده ريال يدفعه ضحكو البنات جواهر حطي مبروك عرسك يلسنافي غاليه .. غبااااااااااااااااااااار اكتفي بهـ القدر وان شاء الله اكتب بارت اطول من كذا اوحلى |
السلام عليكم
ومن العايدين ياغيومه طولتي علينا لين نسينا الاحداث بليز نزلي كل سبوع بارتين حرام والله كسر خاطري ظافر ابوه شكله عقده عشان حبه وغاليه ابدا ماتوقعتها بنت فلوه حسافه والله بس شكل قصتها مابتدات ولها تطورات حرام تبي خواتها وخايفه من امها امحق ام علمت عيالها ياحليل العيال وشديد البل ذكروني بعيالنا اذا شددو البل كانهم بيحررون فلسطين وبنتظار طلعت البر اكيد بصير فيها احداث البنات كثار وللحين مابعد استوعبت كل واحد من امه حتي العيال هع ودمتي غاليتي بنتظارك بشوق |
الجزء السادس عشر
لو تحبين راسي من اليوم لبكره مراح ارضى تكفين يمه فلوه .. غاليه طسي عن وجهي غالية .. يمه ترا حرام عليك الي تسوينه ذولي اخواني فلوه .. انتي تعرفين الحرام وعصيانك لي مهوب حرام شفتيني رحت لهلي تسحبتي انتي وختس لهم غاليه .. ابي اذاكر مع رفعه فلوه .. لا وجدتس تكلمني تشره علي اني ماعلمتها بخطبة صيته ما انتظرتي لين تملك تبين رجحا وبناتها يطيرنها بعيونهن غاليه بشهقة .. يمه لو تشوفين فرحتهم كيف فلوه .. انتس خبل ماتعرفين صديقتس من عدوتس غاليه بتنهيده طالعه من قلب .. خلاص يمه عجزت اقنعتس فلوه .. أنا اخبر وخابره انها مهيب سافطه لكن شي زين رحت والدمعه في عينها وش الكره الي في عيون امها ليش عمتي رجحا انسانه طيبه يكفي انها اذا شافتني ضمتني كاني بنتها عكس امي الي دايم تهاوشني اذا شافتني صيته .. يا غاليه كان سويتي مثلي ورقيتي وماتعبتي نفسك عشان ماتعتفس نفسيتك غاليه ببكي .. يا صيته انا طفشت من جو بيتنا من القهر الي اشوفه من معاملة امي من برود ابوي معها عكس ما اشوفه في بيت اخواني انا كرهت بيتنا انتظر الوقت الي اروح فيه ابي احد يحبني يهتم فيني كلكم لاهين عني صيته .. اذكري ربك وانتي عارفه ان امي تحبك وكلنا نحبك وابوي واخوانك لا تخليني اقول عنتس مراهقة غاليه .. صيته انا لي مشاعر لي احساس ابي اهتمام خاص فيني ابي صدر حنون احط راسي عليه ابي ادلع والقى من يدلعني ويضحك على دلعي ابي ابتسامة في وجهي مو دايم لوم صيته .. اقول غلوي قومي وذكري الله ان شاء الله تلقين رجل يحبتس ويطير بتس قولي امين غاليه بدموع .. مابي زوج ابي ام حنون ابي ابو حنون مو لاهين عني صيته .. شوفي جوالك اكيد رفعه تبي تطمن غاليه .. مابي ارد وش بتقول بتقول امها هاوشتها عجزت وانا اشوف نظرات الرحمه مابي صيته .. لا اله الا الله تعالي ياقلب صيته انا الصدر الحنون وجتها بسرعه وضمتها بكت غاليه وضحكت بنفس الوقت .. خلاص ابعدي خنقتيني صيته بنظرات تضحك .. ليه يا غاليه صدري مافيه حنان يعني بتوهق بعريس الغفله غاليه بضحك .. الله يعين بدر بيقول جايبين لي اسكريمه مثلجة صيته .. كش كش عليتس والي بيراضيتي تكسرين مجاديفي وقفت غاليه بحيويه وضمت اختها .. خلاص ولا يهمتس انتي فلفل حرني من الحنان الفايض صيته .. اما حبا ولابرك ضحكت غاليه تحس انها نفست شوي من الضيقه الي في خاطرها :::::::::::::::::::::::::::::::::::::::::::::::::::::::::::: :::::::::: جواهر .. رفوع ترا ازعجتيني رفعه .. غاليه ما ردت علي اكيد عمتي فلوه هاوشتها جواهر .. تعودوا منهم صغار وهذي دبر عمتي رفعه .. ومشاعل الي خاست رقاد الله يعين مشاعل على السانك رفعه .. اخيرا شرفتي مشاعل .. قومي سوي لي نسكافيه راسي صاكني جواهر .. وانا بعد رفعه بقهر .. مابي مابي يعني عشانكن الكبار تأمرن علي مشاعل .. بتقومين بالطيب ولا جيتس الحين جواهر تبتسم تبي تقهر رفعه .. اسمعي مابيه يجينا بارد مثل كل مره رفعه وهي تقوم ومنقهره .. جعله مايحدر يارب مشاعل بضحكة .. بسم الله علينا طلعت وهي شوي وبتصيح وتحلطم .. الله يفكني منكن يارب الله يفرج لي التفت جواهر على مشاعل .. دريتي باخر خبر مشاعل وهي ترفعه شعرها بشباصه .. وش صار جواهر .. صيته بتعرس مشاعل .. بربتس من بتاخذ جواهر .. حزري فزري مشاعل .. جواهر علميني ترا راسي صاكني جواهر .. ولد خالها مشاعل بندهاش .. بدر جواهر .. وش رايك مشاعل .. مشاء الله الي اعرفه عنه انه والنعم الله يوفقها جواهر .. امين مشاعل .. من علمكم جواهر .. تو البنات رايحين منا مشاعل .. حسافه ودي ابارك لها جواهر .. اكيد مراح يجونا قريب اذا امهم درت انهم جايين بدونها مشاعل بثقه .. اذا ماجونا بروح لهم جواهر .. مشاء الله عليتس مايهمتس تنغيزات عمتي مشاعل .. بصرها تنغز براحتها انا رايحه لخواني بجلس عندها شوي وبروح لغرف البنات جواهر .. رفوع ابطت عسى مهيب تسممنا مشاعل بضحكة .. رحمتها ولكان بقولها تسوي لنا سندوتش جواهر وهي تضحك بقوة .. عشان يجي الصبح وهي تدعي دخلت عليهن بالصنيه .. تسممن جعل اوله على الذرعان وتاليه انتن خابراته البنات .. هههههههههههههههههههههههههههههه استغفري خذت كتابها الي عندهم وطلعت وهي تلف كتابها بقهر :::::::::::::::::::::::::::::::::::::::::::::::::::::::::::: :::::::::::: عبير جعلتس القوم افرشي فرشه في الحوش عبير .. جده الحوش سموم خلونا داخل ام ضيدان .. داخل عند المكيف يلعب في ركبي ام راكان (رفعه ) .. اسمعي الكلام وهاتي القهوه وشاهي عبير .. هجل مناب جالسين معكم ام راكان .. البسي برقعتس وتعالي عبير .. عشان تغدي اعيوني تسني لابسه نظارات ام ضيدان .. اشهدن به حتسي انتي ماتسمعين هاتي الفرشه عبير .. على خشمي يمه ولا تزعلين علينا فرشت لهم الفرشه وحطت ترامس القهوه والشاهي والطوفريه وجلست تقهويهن وهي متلثمه بجلال عبير .. جو باريس ولا جنيف ام ضيدان وهي تطنش كلام عبير .. ليت من خاوى العيال للبل رفعه .. وش تبين يا يمه بالشديد والغثا ام ضيدان .. سجت نفس وانا امتس رفعه .. يمه الحمدلله الي ربي فكنا من الشديد والحط ام ضيدان .. جعله يسقى على عيني ذيك الايام عبير .. كأني في مسلسل بدوي من بطولة امي صيته وامي رفعه رفعه وهي تطالع بنتها .. ليت من حطتس يا عبير في البر اسبوع وبشوف وش بتسوين عبير .. يمه انا اموت في البر بس انا بفتك من كرف الدراسه والكليه رفعه .. والله لو تجلسين ان تنطلين خلقتس وما اكون بنت ابوي ام ضيدان .. خليها تاخذ لها بدوي ثم يشددها عند ابله عبير .. بسم الله علي وش فيك اما حبا ولا برك انا ابي كشتات بس رفعه .. والله اني اروح للبر عشان ابوي ولا البر ماودي بشوفته اقول يا عبير روحي قومي شيهانه بياذن المغرب وهي على رقدتها عبير .. بتذبحني ماعندها صلاه وهي شاده حيلها تبي نسبه رفعه .. تبي طب والعيال مهوب مخلينها تدخل طب عبير .. خبل انا امر على بنات الاحياء وهن يشرحن حيوانات وتقرف شلون بشر ام ضيدان .. خلها تصير دختوره عشان تعالجنا ما نروح للرجاجيل عبير بضحكه .. ليتها تسمع :::::::::::::::::::::::::::::::::::::::::::::::::::::::::::: :::::::::::: كان فارش الفرشه قدام الخيام ويشرب قهوه ويتفرج على المكان كان يعم الهدوء الا هواء خفيف يحرك العشب الي كان مهوب كثير مره لكن واضح في حمار التربه كانت حمرا وملسه وكانت منبسطه الا عرق كبير بعيد شوي وراه عروق تتفاوت بالطول وكان مجلس الرجاجيل مهتمين به وجايبين بيت شعر اسود وفارشينه زوالي حمرا ومراكي وحاطين وجار ودلال حولها كان سارح بفكاره وحتى انا ما غصت بفكاره :) مدري وش يفكر فيه ياعم استيقظ من عالم التفكيرللواقع :هلا عباس عباس .. الشباب ما اتوقع بيجو اليوم عبدالله .. خلاص زين العشا لك وللشباب الباقين عباس .. وانت مابتكل معنا عبدالله وهو يبتسم له .. إلا مانيب عايف شغلك يا عباس بادله الابتسامة .. الله يطول في عمرك يارب :::::::::::::::::::::::::::::::::::::::::::::::::::::::::::: :::::::::::: يا خالد ترا مانيب رايق تقوم تطعس خالد .. يا راكان ترا كل مواصلات الترفيه مقطوعه هنا مافيه الا التطعيس تبي تحرمني راكان .. اغد رجال قبل والله ان تنحرم منها اذا عودنا للبلاد ظافر .. اقول يا راكان تراك متشدد مره خلنا نستانس انا عاجبني سواقة خالد وتطعيسه راكان .. عاجبك وهو كم مره هجج البل واخذ لي نص ساعه لين تهدا وجمعها والله لو ما تهدون لا انزلكم اثنينكم وخليكم تركبون على البل وتتبعوني ظافر وهو يناظر خالد ويبتسم .. مهيب شينه عطنا ترمس الماء الي معك وروح وخلنا خالد ابي ركوب ابوي الشايب يعجبني ظافر .. مهوب على كيفك تتشرط وتختار انا ضيف عليكم انا الي اختار خالد .. والله انك تطلع لابلنا اكثر مني من قال انك ضيف ظافر خلاص انا باخذ حق عمي ابو ضيدان خالد .. ورطتنا بترمس الماء ظافر .. شوف البدوي وانا اخوك على حق وحقيق رفعه ظافر ثوبه وحزمه على حقوه وتلطم بشماغه وحط ترمس الماء الي وسط مهوب صغير ولا كبير في جيب الي في مسام الحدوج ونط على ظهر المسام ومسك حبل الناقه ومشى وشافه خالد وراح يركض لحدوج جده وسوا مثله وبدا ظافر يشل شلات بصوته العذب وخالد يشل معه وراكان يجي يمشي بهدوء معهم والبل تمشي قبلهم الصغار تدرهم مع امهاتها والي منزله راسها تاكل والي سابقتهم بواجد منتشره بشكل ما نقول الا سبحان خالقها وسمعوا معي صوت ظافر الي خلا راكان يقرب عشان يسمعه ياهيه إلتفت لي وإسمع دعاي لك يا هيه ترى عادتك تشبع من البعد واتواجه دعيتك بصوتٍ ياصلك ليه ما توحيه وأنا أسمع ضلوعك من صدى الصوت لجاجه عليك الفؤاد إخلاجه مصمخ راعيه خف الله في راعيه ما تسمع إخلاجه ترى العفو قد جاك أوله وإغتنم تاليه وترى الحلم بحرٍ غير لا تامن أمواجه وترى الود ليلٍ مظلمٍ جيتلك ساريه سراجه وصالك والجفا ينفخ سراجه وترى قصرنا اللي كم سنة نجمع ونبنيه هوى العذل طيح بابه العود وسياجه لي أيام مدري وين دارك ولا أدري ليه وأنا خابر إني باب شفك ومزلاجه غيابٍ بلا سبة هجادٍ بلا تنبيه وجفا أغلى العرب نارٍ على الكبد وهاجة نضج قلبي من البعد وش حاجتك تكويه جفاك الجمر والصبر في بعدك الصاجه واسرع راكان وخلاهم عشان يرد البل الي راحت مكان ثاني غير الي متوجهين له ظافر .. خالد هذا مساعد الي شاب الضو خالد .. أي بالله هذا زوله ظافر .. ليه مناب رايحين لعبدالله خالد .. لا البل بتمسي ذليل وبكره الفجر نمشي صوبه وبيكون غدانا عنده ظافر .. على خير يا نوم عيني يا مساعد وش دراه اني ابي فنجال قهوه خالد .. كلن وهواه يا عمري يا موا بارد ظافر .. اشهدنه يحوم تسبدي خالد بضحكه .. الناس اذواق ظافر .. ودي اصورك وانت تشرب موكا وعلى الذلول خالد .. ههههههه بدوي مميز ظافر .. والله يا خالد اني اعرف لك ناس تحطهم على يمناك حضر مهوب بدو وان بعض البدو مافيه خير خالد .. انا خوياي كلبوهم حضر ولا شفت منه شي شين ظافر بضحكة .. عشان كذا ما تحب البر خالد وهو يرفع حواجبه .. والله يا ظافر انهم راعين بر وكشتات وطلع معهم انا ما احب بر اهلي كرف في كرف اقبلت البل على الوايت تتدافع تبي تشرب وكان مساعد مجهز لها الحوض ومجهز عشاها وبسرعه الشباب نزلوا من ظهر الذلول خافوا الكبار تكسر الصغار عشان يحيزون الصغار من الكبار وكان راكان رامي شماغه وماعليه الا سروال وفنيله ويدفع الصغار بعيد وستقر الوضع وشبعت البل راحو الشباب للفرشه الي فارشه مساعد وكان عليها القهوه وجلسوا يتقهوون |
السلام عليكم غيومه
والله ونستيني بلبارت ماتوقعت صراحه الله يعيدك علي هذا وامثاله هع والله اني اقرا واضحك دخلت معهم جو كلهم العيال والبنات الله يعين عسي بس بنتي ماتفوتها المدرسه للحين مانتظم نومنا بعد رمضان دمتي حبيبتي |
السلام عليك ورحمه الله وبركاته
ياهلاا والله ومليون غلااااااا بغيومه تو مانور المنتدى يالغلا كل عام وانتي بخير وعساك من العايدين والفايزين ان شاء الله بارتين روووووووعه تسلم يمينك واخيرا عرفنا ان غاليه بنت فلوووووووووه صدقين ماتوقعتها الصراحه الله يعينهااااااا على هالام القشره مدري متى يصفى قلبهاااااااا من ناحيه رجحا لا والي يقهر انها هي الي داخله حياتهم غلط بس برد قلبي يوم قالت غاليه ان ضيدااااان ما يهنم بامهاااااا فيس متشمت اما العيااااااال الصراخه دخلتينا معهام جو ولا اروع حتى اني اشتهيت اروح البر بس حر الله يصبر لين يرد الجو تسلم يمينك يالغلا جعلهاااا تنحرم من النار |
اقتباس:
ان شاء الله وصلت الفكره |
الجزء السابع عشر
كان الوقت فجر والالوان مختلطه بين السواد والزرقه الخفيفه وشوي بروده والأبل كانت باركه وصوت محمد وهو يقيم الصلاه في هدوء الصبح له طعم خاص مساعد .. عجل يا خالد اخلص وعطني السحله اتوضى محمد اقام الصلاة خالد و تنعوش بعد الوضوء .. تفضل يابو ضيدان بسرعه ركض يصفون خلف محمد وكان راكان عن يمين محمد وظافر ورى وجا جنبه خالد وبدى محمد يقرا بصوت عذب الفاتحه وجاهم مساعد الي كان يبي ينشف وجه من قطرات الماء لبرودت الجو لكن مالقى إلا شماغ مرمي على فراش اخوه وخذاه ونشف بسرعه ولحق على الركعه الاولى وانتهوا من الصلاه ومشى محمد وجمع الحطب وشب النار وفز خالد وجاب البريق وملاه ماء وحطه على المركى حق النار في الوقت الي راكان راح يحلب من النياق عشان يغلونه كانوا يستعدون بتزيين فطورهم عشان يمشون بسرعه ويمديهم الظهر عند عبدالله ومساعد اخذ القصدير وعجن عجينه وقساها شوي مهوب واجد وزيين القرص وخذ جمرات وحطها فوق دائرة القرص لين نشف ثم قصدر القرص ودمسه في الرماده عشان ينضج وحط فوقه جمر وظافر راح للوايت يشغله عشان يدفى كان كل واحد يساعد من جهه وبضحك وسوالف هاديه مع الصبح والي يذكر الله عشان يحصل على فضل ذكر الله مع الشروق وشمس بدت خيوطها الحمرا تصلهم قبل تطلع عليهم وعطتهم نور سبحان الخالق :::::::::::::::::::::::::::::::::::::::::::::::::::::::::::: :::::::: غلوي مانمتي غاليه ومعها كاس حليب في يدها وجالسه على عتبت اهلها الي بالحوش وتتفرج على شروق الشمس .. إلا نمت بس شبعت نوم نايمه بدري صيته .. طيب تعالي ساعديني ابوي عندنا بزين فطوره عشانه بيروح للشباب في البر غاليه وهي تفز واقفه .. صيوت حبيبتي وش رايك نخاوي ابوي صيته وهي تناظرها بستهزاء .. ما ظنتي ابوي يوافق غاليه .. روحي يا شيخه بقوله انا وكان ابوها جالس يتقهوى مع امها في الصاله بهدوء مافيه حوار بينهم غاليه .. صباح الخير صباح النور والسرور كان رد ابوها غاليه وهي تبتسم .. يبه بادلها ابتسامة .. امري ياغاليه يالغاليه غاليه .. يبه انت بتروح للبر أي بروح وش تبين غاليه بتردد لكن حزمت امرها .. يبه بخاويك ابو عبدالله وهو يتسم لها .. بس كل الي قدامي شباب منتب مستانسه غاليه .. بكلم رفعه تخاويني يبه طقت تسبدي من البيت ابي اغير شوي فلوه .. وين تبين تروحين واذا اجتمعوا العيال وين بتغدين انتي غاليه .. بدبر عمري ابو عبدالله .. صعبه يابوتس وشاف وجهها تغير ولا اقول كلمي رفوع تسنها بتخاويتس ما يخالف نطت بفرح تكلم اختها في الوقت الي دخل عليهم سعود .. صباح الخير فلوه ببتسامه لولدها .. صباح النور والسرور سعود وهو يحب خشم ابوه وامه .. تسنك بتروح للبر يبه ابو عبدالله .. أي بمشي الحين يابوك تخاويني سعود .. والله اني ودي مير من البارح ما رقدت عندي رحله ابو عبدالله .. على راحتك اجل سعود .. يمكن اذا قمت العصر اجيكم لان ذا الاسبوع فاضي ابو عبدالله .. الله يوفقك يابوك ويقويك فلوه .. ياولدي لو تشتغل مع ابوك مهوب كان ازين لك من كل الشوي بالسما وقلبي عليك وجال سعود وهو مايحب يكدر امه رد عليها بأدب .. القلب وما يهوى يام اسعود فلوه وهي تبتسم له .. جعلني مابتسي سعود سبحان الله فلوه مع سعود تكون انسانه ثانية غير فلوه الي قلبها فيه حقد رفعه .. جعلتس الهندريه ياغاليه توني راقده غاليه .. تكفين يا رفوع خلينا نتمشى ونروح سوى امي ماقالت شي عشاني مع ابوي رفعه .. انتي خبل العيال كلبوهم هناك وش مودينا غاليه .. ماعلينا منهم رفعه .. عيال عمتي رفعه معهم وش لون ماعليتس منهم مهوب اخواني بس غاليه .. ازين وزين عشان نروح انا وانتي نتمشى على السياره وناخذها حجه رفعه .. يعني مهوب رايح الا انا وانتي غاليه وهي تضحك .. وش تبين بالعجز خليهن ينخمدن صيته ناقده علي رفعه وهي يالله تفتح عيونها .. بروح عشانتس صوتس يلعلع شابعه نوم غاليه .. لبى عيونتس :::::::::::::::::::::::::::::::::::::::::::::::::::::::::::: :::::::: كانت رفعه تنزل مع بناتها ومعها حافظة الفطور اليوم الخميس ودايم تحب تسير على اهلها وتفطر لقت رفعه لافه عليها الطرحة وراقده في الصاله ضحكت رفعه وبناتها على شكلها شيهانه .. رفووووع اليوم اجازة الظاهر تحسب اليوم مدرسة وفقعت ضحك وشاركتها امها وعبير قامت رفعه على الضحك وابتسمت بعبط .. هلااا جيتوا وقامت تحب خشم عمتها وتسلم على بنات عمتها رفعه .. وينتسب تروحين مع ذا الصبح رفوع .. بنروح مع ابوي انا وغاليه شيهانه .. في ذمتس رفوع .. تخاوينا نطت عبير بخاويكم انا رفعه .. تتفقنا وانا قدامكم ليه مالكن والي جتمعوا على امهم يحبون خشمها وراسها عشان توافق رفعه .. فارقني وراكن وروحن مير ترا العيال قدامكم عبير .. مع خالي ضيدان ماعلينا خلاف رفووع وهي تحس بالنشاط .. حلوووو ليتني امسيت البارح شيهانه .. عادي ارقدي في الطريق رفووع .. وفوت الوناسه وسمعت صوت جوالها يدق يالله بنات ابوي برى رفعه .. لا تمسن تعالن ذليل شيهانه .. ان شاء الله اصلا انا احب افراشي بزن عليهم نرجع في الليل تدفها عبير .. امشي بس قدامنا وراحت عبير وشيهانه لخالهن عشان يسلمن عليه غاليه وهي تشوفهن مقبلات تفتح بابها .. يامرحبا والله اسفرت وانورت واستهلت وامطرت هلا ببنات عمتي الفاضلات رفوع .. اسكتي حسستيني اني في اذاعة السعوديه غاليه .. افرح يبه بيخاونك البنات الحلوات عبير .. ياشين البزران اذا تكلموا تقصد بنات الثانوية رفوع .. وياشين بنات الكلية اذا رفعن خشومهن عبير .. ياختي تفكيرنا واعي مهوب مثلكن شيهاانه .. حدكن يابنات خالي على أختي غاليه وهي تلتفت عليها .. اقول يابنت سعد عيني خير انتي وختس شين وقوي عين إلا مير مودينكن تمشن وتفرعن علينا ضيدان هو يبتسم .. غاليه يابوتس وش فيتس على بناتي رفعه بشهقة .. وحنا يبه ضيدان .. كلبوكن بناتي مير احد يتمنن بعزيمته شيهانه .. شفت يا خالي وحسافه ان اسمك بعد اسمهن عبير .. ماعلينا منهن يا خال حنا في سيارتك مهوب سيارتهن يومهن يتشرطن غاليه .. بسم الله علينا كلنا بقشورنا تكفين يارفعه عليت سبهن رفعه .. ازهليهن يا غلوي اوريتس فيهن اذا جينا للبر لله الحمد مايعرف يسوق الا انا وانتي اذا ما خمست بهن ما كون بنت ضيدان لين يفتر راسهن وتنسى شيهانه الطب البشري وتروح للبيطري لمعزا عمتي وفقعوا ضحك رفعه وابوها والبنات عبير .. شرهتس على الي بيركب معتس قطع سوالفهن ضيدان ابو عبدالله .. إلا الحين انا بلشت بكن وش بتسون اذا وصلنا رفعه .. فديت اخواني مهوب قايلين لنا شي العون عيال عمتي خاصه راكان هو الي بيغسل شراعنا غاليه .. كيفه بخواته ماله علينا كلام حنا عبير .. انشهد ماعليكن ياويل حالي وش بيسوي بنا حنا شيهانه بضحكة .. عادي قولي خالي حلف علينا البنات .. هههههههههههههههههههههههههههههههه ضيدان بضحك .. تسذب عيني عينك شيهانه .. ادري ياخالي مراح نهون عليك وركون يهاوشنا رفوع .. يبه تكفى لا تفزع ابي اشوف اشكالهن وهن يتهزءن ضيدان .. عسى التهزيء ما يجي من نصيبكن غاليه .. الله يستر :::::::::::::::::::::::::::::::::::::::::::::::::::::::::::: :::::::: ام ضيدان .. وخليتن بناتكن يروحن ماقدامهن الا عيال رجحا .. وش نسوي ياخاله مع ابوهن وخالهن ماعليهن خلاف ام ضيدان .. بلا كان خاويتنهن ولا خليتهين يقعدن وينثبرن مابعد خبرت البنت تسير ةمها خلافها امحق جيل تالي ماعاد به حيا ولا مستحى رفعه .. يمه هذا الزمن قامت البنت تمشي كلمتها على امها وتمشي على هواها يوم اروح للسوق والله اني اشوف الام متستره والبنت يا دافع البلا تسنها مسيره متزينه ومتبرجه جعل ربي يستر على بنياتنا ويعافينا مما ابتلاهن ام ضيدان .. جعل ربي يخلي راكان لهن مايبتعن شبر معه الا مغطيات عيونهن ولا لونه عليهن كان تبعن الي تعاينين رفعه .. بسم الله على بنياتي إلا ان شاء الله بيجن مثلي واحسن رجحا بضحكة .. ترفقي شوي على عمرتس |
وااصلي وااصلي وااصلي ..
رواية رائعه تستحق المواصله على تنزيل الأجزاء ،، همسه أختي في الله ..: رواية رائعه كـ هذه حررام في حقها عدم تنزيل الأجزاء في وقتها !! تقبلي المروري .. ولكم السعادة تسآهيل الخفجي |
اشكرك اخوي تساهيل والله اني تحطمت يوم شفت قلة الردود
خلاف قصصي الباقية قلت اكيد انها ما اعجبتهم والجزء جاهز يبي له تكه بس |
بالعكس يالغيم قلم ممتع وبسيط اعتدنا عليه ومتالق دائما
لكن خبرك بعد العيد والعوده للمدارس المخ متنح حبتين وحالة فتووور صايبتنا ولكن من اول ماينزل الجزء تلقيني اول المسنترين عنده واقراءه بشغف ونشكرك يارقيقه على هالكرم الحاتمي الا المفرووض نقابله بردود تشرح الخاطر لكن التمسي لنا العذر وانا وحده اعترررف اني هالفتره مقصرره كثير بالردود لكن شوفي المشاهدات وينشرح خاطرك لي عووده ان شاء الله بعد الجزء الجديد |
الجزء الثامن عشر يعم الهدوء والكل انشغل بتفكيره وبصوت خافت عبير .. شيهانه بطني يمغصني ياليتنا ماجينا شيهانه .. اشكرتس اختي العزيزه توتريني زيادة عبير .. اقسم بالله ان يدي بدت ترجف وبردت اطرافها خلاص شوفي الخيام بينت كان مكانهم قريب ماياخذ تقريبا إلا ساعة غاليه .. الله ياحلووو المكان خطير ضيدان .. ما اشوف إلا سيارة عبدالله تحس بالعرق نط بجبينها والحراره دخلت جسمها .. الحمدلله يارب لك الحمد كان هذا رد عبير رفعه .. ههههههههههههههههه يا عيني على الخوف وين البطلة الي من شوي عبير .. اسكتي والله اني من شوي اقرا ذنوبي وستغفر الكل حتى خالهم ضحكوا على خوف عبير كان عبدالله حاط شماغه على وجه داخل في غفوة بسيطه قطعها صوت السياره جلس على طول والتفت وشاف سياره ابوه وقف وهو يمدد يديه ويتمغط وعلى طول وبحركه عقد حواجبه بستغراب وش هـ الحريم الي مع أبوه توقع جدته امه لكن صدمته يوم شاف الصبايا نازلات من السياره اقبل على ابوه وحب خشمه غاليه .. عبووووود صح مفاجأة ضحك وسلم عليها .. أي والله مفاجعه ضحكوا البنات غاليه .. افا عليك شوفتنا مفاجعه الله يسامحك يا ولد ابوي التفت على بنات عمته .. وش أخباركم يا بنات ردن بصوت خافت يالله ينسمع الله يسلمك دخلوا داخل الخيمه وطبعا البنات ما زالت عليهم عباياتهم ابو عبدالله .. مابعد جاوك العيال عبدالله .. على وصول ان شاء الله واخذ يقهوي ابوه ويمد على خواته الفنجال غاليه .. افا انت الي تقهوينا ارتح يابو ضيدان بقهويك انا عبدالله .. وانتن وش عندكن جايات غاليه .. اعتبر السؤال هذا وشو عبدالله .. ترا معنا رجاجيل غير عيال عمتي رفعه .. في ذمتك ابو عبدالله .. رفعه تحلفين بغير الله رفوع .. استغفر الله وتلتفت على بنات عمتها وبضحكة الموت جاك ياتارك الصلاه عبدالله .. وش عندكن رفعه .. هذي فكرة اختك غلوي عبدالله ويلتفت على غاليه الي رافعه برقعها فوق راسها وتاكل تمر بطراف اصابعها .. يا مرحبا بغلوي وش دراها أني مشتاق لها غاليه ببتسامة .. وعشان كذا جيتك على وجهي اسيح ياخوي لاني بعد مشتاقه لك وابيك تمشينا عبدالله بضحكة .. أي بدت المصالح خابر انه مهوب لله كان وحده تراقب الموقف بتعجب شافت بساطة الشخص الي قدامها وكيف تعامله مع خواته صح انه ولد خالها بس ما يجتمعون في مجلس واحد كثير وموقفه اليوم فتح عيونها على مدى روعه اخلاقه وبصوت يالله ينسمع .. عبوره شفتي كيف يعامل خواته عبير .. أي مشاء الله عليه ودي اتخيل راكان مثله شيهانه .. ترا راكان هو الوحيد المتشدد ولا سعيد اشوى عبير .. سعيد مشغول دايم وخالد توه صغير رفعه بشهقة .. جووو العيال شوفوا غبرت السيارات :::::::::::::::::::::::::::::::::::::::::::::::::::::::::::: :::::::: وسوم عجلي علي ابوي عنده عشا وانا جاي معتس وسمية .. لبى قلبك تكفى بس لفه وحده بعد تبي الناس يجو نوانا ما تكشخت نادر .. نعنبو دارتس كل مناسبة لازم اوديتس للسوق خافي ربتس وسمية .. نادر ترا الله جميل ويحب الجمال نادر .. وش دخل الجمال في الاسراف ان الله لا يحب المسرفين وسميه .. والله انك سديت نفسي ترا التسوق متعه لا يعرفها إلا من حرم منها نادر .. امشي خليني مع ابوي الحين هو مشتطط عشان ظافر مهوب فيه تبينه يحرق اعصاب امي وسمية .. صراحه ظافر زودها ابوي معلمنا ان فيه عشا مهم بيحطه ويكسر كلمة ابوي ويروح للبر ترا بعد يبي له قرصة اذن نادر .. انتي وظافر تفكيركم سطحي ما تهتمون إلا بنفسكم بس وامي هي الوحيده المتضرره بس كل الهواش من نصيبها وسمية .. رجعت علي تبي تطلع حرة ظافر فيني نادر .. خلص يالله امشي وسمية زهي تحلطم .. باقي اكسسوار نادر .. امشي يا وسوم قبل اخليتس عشان كون واحد يجي ويفكنا منتس ويخطفتس وسمية .. بسم الله علي تفاول يعني سفهها نادر وراح لسيارته عارف طبع ابوه وكثر ما يلوم امه عشان عدم اهتمام ظافر :::::::::::::::::::::::::::::::::::::::::::::::::::::::::::: :::::::: ابشري يا جده بس ترا حنا حر مرقوق في ذا الحر ام ضيدان .. عمتس مسيرة عليكن قومي مشاعل والله الله بالغدا مهيب تجي إلا كل خميس جواهر .. ابشري ولا يهمتس ترا عمتي منا وفينا مشاعل وهي تتكلم مع جواهر في المطبخ .. الله يهدي جدتي الشغاله تكفي وتوفي عمتي مهيب غريبة ودايم تجينا جواهر .. تبين تذاكرين روحي ذاكري انا بزين كل شي لكن كانتس تبين تجلسين على النت انثبري معي هنا وزيني مشاعل .. هذا يوم اجازتي وابي اريح اوف مهوب حاله اقابل المطبخ جواهر .. اجل همي شوي وعجلي عشان تروحين تقابلين على كيفتس مشاعل وهي تأفف .. طيب كنت اتوقع تقولين روحي رفهي عن نفسك شوي جواهر .. ليه قالولتس اني الشغاله بعد المفروض يوم الخميس اني ارتاح مهوب اكرف طول الاسبوع والخميس مشاعل .. طيب والشغاله وين راحت جواهر .. الله يعز النعمه من زين طبخها اكل ما تحوفينه بيدتس مايجي زين مشاعل .. طيب انتي تعشقين الطبخ والمطبخ انا اكره المطبخ والطبخ جواهر .. انتي كل شي ماتحبينه بالله عليتس قولي شي تحبينه مشاعل ..أعشق النسكافيه والجلكسي والنت فقط لاغير والجو البارد طبعاً جواهر .. يالله حبيبتي زيني الايدام انتي مشاعل .. رحماك ياربي جواهر .. الايدام هو الشي الوحيد الي تضبطينه :::::::::::::::::::::::::::::::::::::::::::::::::::::::::::: :::::::: عبدالله .. بسرعه روحن للخيمه الثانية بسرعه البنات قامن للخيمه بدون اعتراض ودخلن الخيمه نزلوا الشباب وكانوا مشغولين بالبل والوايت ونصبوا حوش لصغار والي شاكين انها بتولد قريب عشان ما تسري لان الناقة الي يجيها المخاض تمشي وتسري وتبعد عن باقي البل فطرة سبحان الله كانوا تعابى مره خالد .. خلاص مهمتي خلصت بروح اريح محد التفت له كان الوقت بدى يجي قرايب الضحى العود وخلاص يبون يخلصون قبل صلاة الظهر ابو عبدالله .. يا بنات رفعه .. لبيه يبه ابو عبدالله .. يالله الله بالغدا العيال تعابى ويبون غدا من يديكن غاليه تسمع ابوها .. يالهوي من زين الدبره والطبخ عبير .. خلونا نتكاتف وبيزين الغدا شيهانه .. المشكلة ان كلنا رفالا صيته وجواهر قدهن اشلانا غاليه .. مايبي لها في بر لونتس تعطينهم حصى كلوه وتلذذو رفعه .. نعنبو دارتس مهم اجنبي عبير .. هي وشي دجاج لحم وش بالضبط غاليه .. مفطح يا النفلاء عبير .. ياويل قلبي يوه الي ابطوا ما كلوا غاليه .. اسمعن يا الغوالي حنا بنصلح الكشنه واذا فيه اغراض السلطه اما الرز وخلافه بنادي عبودي فديت روحه مايهون عليه يدري ان حنا خرطي شيهانه بتسرع .. بينقد علينا التفتوا عليها ونفجرت رفعه وغاليه ضحك عليها في الوقت الي عبير انحرجت رفعه .. ماعليتس عبدالله مهوب من ذا النوع الرجعي الي تفكيره بس في بطنه عبير .. عكس راكان لو يلقى الغدا ما اعجبه اقلب البيت علينا رفعه .. لبى عيونتس ترا اغلب العيال مثل راكان و مساعد مهوب بعيد عنه سمعوا صوت تنحنح احم ياولد رفعه بعد ما تسترن البنات .. ادخل يا عبدالله عبدالله .. ابوي يقول انكن بتزينن الغدا و انا خابر انكن من جنبها الا اذا بنات عمتي غير غاليه .. فديتك دريت بالي في خاطري بنات عمتي تسنهن ايانا بس يابو ضيدان انت زين الغدا وحنا بنزين الكشنه والسلطه عبدالله .. مابه سلطه رز وعليه لحم وخلاص انتهى الموضوع غاليه .. خلاص وفرت علينا الجهد عبدالله .. خلاص لاتعدن الشراع ترا معنا رجال مهوب منا لا اشوف طرف اعبيكن غاليه .. لا لا ماتفقنا على كذا رفعه .. يعني نجلس في الخيمه عبدالله .. العصر بنروح للبل وقتها روحن للي تبن وطلع وخلاهن شيهانه .. هذا رد عبدالله المتفهم اجل الباقين وش بيكون ردهم :::::::::::::::::::::::::::::::::::::::::::::::::::::::::::: :::::::: خالي الله يرضى عليك وينك جايبهن وش يبن كان هذا كلام راكان الي شاف ظافر يوم راح يتوضى لصلاه الظهر وعلى طول عاتب خاله ابو عبدالله .. يا ولدي وش فيها اذا جن انت شفتهن جالسات بالخيام حتى برى ما طلعن راكان .. ابرك اوريك فيهن والله ان يعيفن البر ابو عبدالله .. افا ياذا العلم تهدد وانا الي جايبهن والله لو تقول كلمة ان تضيق سكت راكان وهو منقهر مايقدر يكسر كلمة خاله شيهانه .. بنات تشوفن العرق الي بعيد ياسلام خلونا العصر نروح له غاليه تلتفت لرفعه الي غطست في النوم .. والله لو داريه بيصير كذا كان ما اتعدى بيتنا عبير .. لا عادي الحين حنا مو مجتمعين خلونا نستانس وكان اشكالهن باين عليها الطفش حتى عباياتهن ما نزلنها خايفات احد يجيهم ويكشفهم ورفعه مغطية وجهها غاليه بتحماس .. أي والله خلونا نصلي ونلعب لحد ما يعطونا الغدا ثم ناخذ السياره من ابوي ونروح للعرق وش رايكن عبير .. معتس مساعد بصوت خفيف .. محمد محمد يلتفت على مساعد بعد ما صلوا .. هلا مساعد ببتسامة لؤم .. تدري من هناه محمد .. انت تكلم كلمات متقاطعه عجل قول الي تبي بروح اساعد عبدالله في الغدا مساعد .. بنات العمه مع خواتي هنا رجفه يد واضحه لانه شايل مقداع وهتز في يده عكس شكله الي واضح انه ما تأثر بس مساعد كاشفه من زمان محمد بهدوء .. تمزح مساعد .. والله العظيم تشوف الخيمه الثالثه شوفها قبل شوي ابوي جاي منهن وماخذات مفتاح سيارته يبن يتمشن فرصه لك وغمز بعين محمد .. اعقب واخس تهقى اني بروح وراهن ذولي شافاتنا مساعد .. يا تسذبك لسانك ينطق بكلام وعيونك تنطق بكلام سفهه محمد وراح وخلاه وضحك مساعد يحس بمتعه اذا رفع ضغط محمد رفووع وهي تأفف احد قالتس اني ابي اكل كان خليتيني راقده غاليه .. لا يفوتس طبخ عبود يهبل رفعه بعصبيه .. مابي شيهانه بضحكة .. ترانا بنروح الحين نتمشى رفعه بعصبيه .. جعلكن ماتعودن لا تقوموني عبير .. وبنروح ونخليها غاليه .. وش نسوي كيفها شيهانه .. اجل انا احل المعاون جنب غاليه عبير .. يا سلام انا اكبر منتس شيهانه .. ماعلي انا الي حليت قبل وعلى طول غسلن يديهن ومشن بهدوء للسياره الي قربها ابوهن ومشت السياره الي سمعها العيال وابتسم مساعد على وجه ركان الي غادي احمر ابو عبدالله .. ماصبرن للعصر فقعوا ضحك محمد وعبدالله على شكل راكان الي انقهر لان خاله تكلم في محارمه قدام خويهم عبدالله ومحمد يشوفون ظافر اخو خلاص ماعاد به خوي بس وده يروح ويلحقهن لكن يهدي اعصابه عشان خاله ابو عبدالله .. وش بلاكم تضحكون ضحكونا معكم عبدالله .. سالفه يبه طرت علينا ابو عبدالله .. تسنكم تضحكون علينا محمد .. محشوم يابو عبدالله كان الجو لطيف وغاليه تفحط في البنات يا الله يا زين الحريه شيهانه .. ولا شريط عند خالي غاليه .. ابوي راديوا بس شيهانه .. شغالي الراديو طيب او خلينا نروح لسياره العيال عبير بشهقة .. اظاهر توهقتن ماعليتس منها مابعد شافت وجه راكاان عشان تعيف الاشرطة غاليه .. يا راكان الي مسبب لكن رعب عبير .. انتبهي تطعسين بنا غاليه .. افا عليتس انا سواقة شيهانه .. اقول انقلب السواقين تجينا توتس طالعه من البيضه تبين تطعسين غاليه .. اجل اصبرن وشوفن وعلى طول عشقت السياره واسرعت ورقت العرق لحد ماجات في راسه لكن للاسف تجري الرياح بما لا تشتهي السفن غرست غاليه بضحكة لو رفعه معنا كان مابقى دعوه الا جابتها عبير .. يا طرجيبي تكفون يابنات التفتن يوم التفتن البنات الا المخيم واضح لهم شيهانه .. وش السواه غاليه .. السواه يجونا يطلعونا اكيد الحين عندهم خبر وش بيكون مصير البنات :)[/SIZE] |
عبير .. يا طرجيبي تكفون يابنات التفتن
يوم التفتن البنات الا المخيم واضح لهم شيهانه .. وش السواه غاليه .. السواه يجونا يطلعونا اكيد الحين عندهم خبر ههههههههههههههههههههههههههههههاي يابطني غيوووم الله يشرح صدرتس مع هالصبح ضحكتينا ورسمتي البسمه رفعه حاله خاصه مع دعاويها ههههههههههههههههههههههه والله اني اشتهيت البر والتطعيس معهم طرى علي هجولتنا في الديره رحمت راكان وهو يتحمصق على البنات يهجادهن الا بيجيهن من راكان امم اتوقع راكان هو الابياخذ غاليه \ محمد من يحب شيهانه فلووووووه اثرتس استضنيتي ماشاء الله وللحين على عوابتس غيوووم يجعله كرم ماينقطع بجد نزف قلمك تذكرين بام وسن متعه وبساطه في الاسلوب بعيد كل البعد عن التكلف لوتقرين ماتملين منه |
اقتباس:
فديت قلبتس فرحتي بردكم تفوق فرحتكم بالبارت الله يسعد ايامتس يارب ومشكووره على التشجيع والمرور الحلوو والله يهدي لي نظر عيني ويخليني اكتب البارت اذا شافني على الاب توب لازم يشاركني يطق طق عليه ويخرب علي |
رهوووفا مشكووورة يالغلا على المتابعه والرد
لا عدمناكم يارب |
روووعه القصه
يعطيك الف عااافيه مسكينه عبيرر احسها بتروح وطي اتوقع غاليه يابتاخذ ظاافر وهذا الاكيد او راكاان عوافي ولا تبطين علينا |
افــــــــــــاغيوووووووووم وش الحكي ذامحدمتابعك اجل اناوين رحت:lol::lol:والله اتابعـــــــــــــــــك لكــــن بصمت بسبب الأتصال الخايس مررررررررررررررررره والله انــــــــــل مبدعه مع ان ف كلمات موفاهمه معناهابس عــــــــــــــــــــادي يكفي ان غيوووووووووووووووم كتبتهالايهمك قلة الردوداكيدجمهووووووووووووووورك كبيرومعروف والله عموماالبارت حيييييييييييييييييييييل حلوبس ركــــــــــــان ذاويش يس فيه مدري كل واحداسمه راكان احس انه معقدالله يعين خووووووووووووووووواته اتوقع بتجي البنات زفـــــــــــــــه محترمه من رويكن الكريه:party0033::party0033:&وفلـــــــــــــــــــــوه ذي يبي لهاطررررررررررراق محترم :wookie::wookie:***غيوووووووووووووم قولي آميـــــــــــن :welcome3::welcome3::welcome3::welcome3:
|
تسلم يدك غيوم الشوق على الروايه الي فوق الخيال
شكله بيصير فيه اكشن وعندي احسس ان راكان ابيخذ غاليه وبتعيش في ماسه وحب بس راكان بيكون شديد ولا يقدار اعبر عن حبه وذكرني الاسلوب اسلوب انفاس الله يذكره بالخير ومتى وقت البارت الجديد وننتظرك على خير |
الله يسعدكم يارب ويحقق امانيكم
مشكورين مشكورين على المرور الي اسعدني شكر خاص وشكر عام اما عن توقعاتكم ولا احد جابها صح :) تابعوا يمكن تشوفون مع البارتات وتصيدونها |
الجزء التاسع عشر
خالد بضحك .. أخس بنت خالي مهيب هينه التفت راكان بحنق وعصبيه على أخوه وفي خاطره ضو تشب الحين ماعنده ذره رجوله يتكلم في محارمه قدام خويهم والباقين صاروا يطالعون الي شافه خالد من بعيد الوضع عادي كأنهم طالعين العرق مايبين انهن مغرزات ابو عبدالله وجاب العيد .. ذيبه وانا أبوك وخت ذيابه ضحكوا الشباب وسط استغراب ظافر وكان ظافر ما يحب يتدخل في موضوع فيه حريم حرص منه على حفظ حرمة خوياه لكن لابد يطالع وين ما شباب يطالعون وشاف السياره طالعه العرق وتوقيفتها توضح ان السايق مهوب بسيط خالد باريحيه .. خالي منهي من البنات الي تسوق ماخذا خالد إلا فنجال القهوه جايه بشهقة .. وش فيك راكان .. قوم صب لي وشاف وجه اخوه درى انه جاب العيد والعيال الباقين ماسكين ضحكتهم ويحاول عبدالله يغير محور الموضوع عبدالله .. ظافر تخاويني انتمشى على السياره ونسير على قصرانا الي حولنا ظافر .. شورك وهدايه الله مساعد .. بخاويكم طلعوا من المخيم كان الظلال ممتد وفيه نسمه خفيفه ابو عبدالله .. خالد يابوي جب فرشه وفرشها هنا ظلال زين وهات القهوه والشاهي خالد .. ابشر ولا يهمك وصوت عبدالله من بعيد عند سيارته .. راكان تعال خاونا ريح اعصابك شوي راح راكان معهم وهو وده يروح لراعيات العرق يهزئنه شوي مشى ومر على خالد بيبرد حرته شوي راكان .. اغد مثل الرجاجيل يا ثور تكلم في شافاتك انت ما تستحي خالد وهو يمشي بسرعه ويخلي راكان يحس ان الموضوع عادي وراكان ناوي يربي خالد من جديد ويعلمه دروب السنع :::::::::::::::::::::::::::::::::::::::::::::::::::::::::::: :::::::: كانت متمدده على السرير وحاطه خداديه بحضنها والاب توب فوقها وتتصفح النت وتسولف على جواهر مشاعل .. جواهر شفتي منتدى القمه وش كاتبين جواهر الي تدهن ايدينها بالكريم بعد الكرف رفعت عيونها .. وش مشاعل .. يوه كاتب موب صاحي يقول الشمس راح تطلع من مغربها عام 1450هـ اذا اقترب كوكب وامريكا هي الي بتتسبب فيه لانها بتطلق عليه صاروخ راح يجزئه ثلاث اجزاء اضعف جزء بيطيح على جزيرة العرب وبيصير تباطئ في دوران الارض وجزء بيطيح على شرق اسياء وبيعكس دوران الشمس وبتطلع من مغربها جواهر .. لا تكملين خرافات مشاعل .. بس مستدل بقران واحاديث جواهر.. لو تشوفين عام 2000 وش الاشاعات الي طلعت يوم بغى يجي ريحي عمرك وابعدي عن هالمواضيع مشاعل تضحك .. لا يفوتك رد الاعضاء عليه مهوب صاحيين جواهر تغير مجرى الحديث .. مشاعل عرس صيته بتشترين جاهز او تفصلين ناظرتها بتعجب .. حددوه جواهر .. ما حدد وانا فاضيه وأول عرس في العايله مشاعل .. وشيبان العايله وينهم ليه ولا واحد يتلحل ويعرس جواهر .. في مؤامرات تحت تحاك ضدهم مشاعل ونطت وخلت الاب .. وشي بليز جواهر .. ماعندي خبر اصبري لحد ما امي تقول مشاعل .. انا داريه اول مره جدتي ماتقول اقعدوا لاترقون فوق ياني فيني فضووووووووول ابي ادري وش بيصير وامي لو احفر مراح تقول لنا :::::::::::::::::::::::::::::::::::::::::::::::::::::::::::: ::::::: وش رايك يمه ساره .. مشاء الله بس لو تجين تساعدين مهوب ابرك وسمية .. بس يمه وذا الشغالات ثنتين وحقت خالي صفت معهم والهندي برى عند المجالس حقت الرجاجيل وش باقي ساره .. ابيك تشوفين بنفسك عشان اذا اعرستي توجبين زوجك وسميه .. بدررري انا ناويه افلها واستانس والعرس اخر اهتماماتي حالياً اخس يا حالياً الا اول رجال يطق بابنا بزوجتس اياه وسوم .. لا ما اهون عليك ادري اني غاليه عندك فهد .. أي والله غاليه والتفت على ساره "ام ظافر" وماتعلمين ولدتس وينه طاس مهوب داري ان عندنا عزيمة ام ظافر .. اكيد انه مايدري لونه يدري ما راح فهد .. تعذرين له شغله عندي اذا جا ولونتس مره ما تعدى مجلسي لكن الشرهه علي انا وطلع وهو معصب وسميه .. يمه ترا ظافر زودها يحب يقهر ابوي ام ظافر .. مانيب قايله شي لين يجي اكيد الي مانعه شي قوي :::::::::::::::::::::::::::::::::::::::::::::::::::::::::::: :::::::: ابو عبدالله .. محمد ياولدي الوقت جا العصر واختك لهلحين راقده محمد .. رفوع ابو عبدالله .. أي روح قومها تصلي وتروح لخوياتها محمد .. ابشر يبه راح محمد يمشي والتفت على ابوه .. يبه معها احد غيرها ابو عبدالله .. لا وانا ابوك بنات عمتك مع غاليه ضحك محمد .. اثرها غاليه الي تسوق وراح يمشي لاخته دخل الخيمه القاها نايمه ومن شدة ماهي غارقه في النوم فاتحه فمها ابتسم فكر يسوي مقلب فيها بس تردد وقومها بهدوء محمد .. رفعه رفعه بصوت كانها تحلم .. هه محمد .. رفعه انتي صليتي قومي وجبت صلاة العصر والبنات سبقوتس يطعسن وانت راقده هنا الاشارات وصلت لها وفزت .. والله راحوا ابتسم محمد لها .. أي تعالي بنصلي وتقهوي بعدها تصحصحين وبوديتس لهن رفعه .. لبى عيونك الله يسعد قلبك :::::::::::::::::::::::::::::::::::::::::::::::::::::::::::: :::::::: كانن البنات عايشات جوهن المكان مايجب الملل كانن جالسات بالقمه ويهب عليهن هواء منعش بين سوالف وضحك وغناء كل وحده تشل شله بصوتها وتعليقات على اصواتهن غاليه .. ياني مشتهيه قهوه وكاكاو عبير .. الرفاله شينه وانا اختس لونا زينا لنا ترمس شيهانه .. معقولة محد درى انا مغرزين وش رايتس تشغلين الفلشر غاليه .. لا اصبروا اذا ماجونا شغلته عندهم ضيف تبونهم ياكلونا شيهانه .. عادي عبير .. مايحتاج شوفوا سياره جايه متجهه لنا غاليه .. اخيرا هذا محمد ما بغو محمد من احترامه للبنات ما حب يطلع العرق وقف تحت يبي ينزل رفوع وانتبهت غاليه انه بينزل اخته ويروح وبخوف شيهانه وعبير .. غاليه بيروح تكفين ناديه غاليه بصوت عالي وهي تنزل العرق .. محمد كان الرجال داخل جو ومشغل شله يامرحبـا ترحيبـة البـدو بالبـرق اللي لهم عاميـن مـا رحبـوا بـه رحبه اوسطهم ومن فرحته غـرق جفنه بدمـع بلـل أطـراف ثوبـه البرق شرق وهو له صويحب ٍ شرق وبرَق وصـدره بـارق ٍ مادروبـه ياللي سرقت النوم والعافية سـرق يازاد قلب اللـي هـواك وحروبـه تغيب ماهمك وأنـا ألاحـي الـورق ولا تخـاف مـن الجفـا والعقوبـه الوصل مرهم كبد وإلا الجفا حـرق والصبر ينفض في غيابـك جيوبـه كسرت كل أبواب وصلك من الطرق وغيرك طرق قلبي ولانـي بصوبـه واللي يريد الوصل يامكثـر الطـرق لو وقفوا كل العـرب فـي دروبـه لكن رفعه انتبهت ورجعت لسياره وطقت عليه الباب محمد وهو يلتفت لرفعه ويشوف غاليه مقبله عليهم .. وش فيكم رفعه .. شوف غاليه تناديك نزل محمد يسلم على غاليه الي صدرها ينزل ويرتفع بسبب نزلوها من العرق غاليه .. اوف فحمت حمود حبيبي سيارتنا مغرزه فقع محمد ضحك .. وانا اقول غريبه وش هـ الركاده وقفن ولا اشوف السياره تفتر غاليه .. عين رفوع رفعه .. ابركها من ساعه عشان ماتخلني مره ثانيه محمد .. يالله اركبوا ركبن البنات وقام محمد يسوق بهن ويخوفهن و فحط بهن ورقى العرق وقف بعيد شوي من السياره في الوقت الي بنات عمته ويحاولن يسترن انفسهن ومنحرجات مره عبير .. فشله شيهانه .. عادي خواته معنا جا يمشي محمد ويحس بدقات قلبه الي صارت ترج في اذنه وغاليه تسولف وكان رده عليه .. هم بدون ما يستوعب وش تقول وبصوت جهور .. وش اخباركن يابنات همسات بسطه تدل على رد ضحك اشهد بالله انكن غرزتن هذي يبي لها سحب غاليه .. يالله قرب سيارتك محمد .. السبته مع العيال والتفت عليهن وبدون قصد شافهن لكن على طول نزل عيونه .. هاه وش بتسون غاليه .. معك مشنا او خلنا نروح ناخذ السبته محمد .. خلاص اركبن بس تراني مواعد ابوي نروح للبل يبي يغتبق منها والعيال هناك غاليه .. ماعليه وسمع شهقة بسيطه ومشى مايبي يحرجهن عبير .. تبينا نركب خلاص ينزلنا عند الخيام رفعه .. لا خلونا نروح نتمشى معنا ابوي وش خايفات منه شيهانه .. عبير الهده جايه جايه خلينا نستانس عبير .. مشاء الله عليتس والله اني ذاله غاليه .. يالله امشن تعازمن شيهانه .. المشكلة بتاخذنا السياره غاليه .. عادي نتقدم ونتزاحم امشو بس كان ينتظرهم وضرب بوري يستعجلهم وجوه يمشون وركبوا بسرعه خواته وبنات عمه جو من باب الثاني حق المعاون وركبوا بهدو وغاليه ركبت قدام ومروا الخيام ونزل محمد ياخذ سحله عشان يحلب فيها حليب وخذن البنات راحتهن في التزاحم ورى عبير .. وش بابه يا الخبل تعالي انتي جنب رفعه تبينا نقرب من اخوتس تبطين غاليه .. يوه السحا الي مهوب في محله عبير .. غاليه تكفين لا تحرجينا غاليه .. خلاص بتنازل لكن المره هذي جا ابو عبدالله يمشي لهن .. يا مرحبا بالي بيخاونا رفعه وهي تضحك .. لبى قلبك يابوي ليت كل الرجاجيل مثل محمد وهو يركب .. افا ليه وش مسوين حنا رفعه وهي تسوي نفسها تشاور محمد بس بصوت عالي شوي .. ماعليك ارفع معنويات ابوي ولا انتوا نظر عيني ضحكوا ورد ابوها .. تراني ما سمعت شي رفعه وهي تسوي نفسها خايفه .. سمعت يبه ابو عبدالله ببتسامه .. ابد ما سمعت شي غليه .. محمد شغل شي نسمعه ابو عبدالله .. لا بالله لا تشغل شي الحين حزت ذكر قولن اذكاركن بس ابتسم محمد ولا علق التزم الصمت يحس بفرحه منعشه انعشت روحه انتظروا البارت على خير بكره اذا الله قدرني |
السلام عليكم ورحمة الله وبركاته يعطيج العافية ماقصرتي حبيبتي رواية غاية في الروعة والجمال واذا على الردود لاتضايقين لان بسبب التوقف والانقطاع عن النشر قل ,لكن اول ما تستمرين بالكتابة بتشوفين الي يرضيج واتوقع راكان يعشق غالية وياليت تذكرينا باسماء عيال رجحا وعيال فلوة وعيال رفعة وعيال سارة ولك كل الشكر والتقدير:55::55::55: |
غيوم الشوق ،،
وااصلي الإبداع ،، فهد : تعامله مع ظافر غير سوي و سارة مغلوب على أمرها ،، محمد : واضح انه عااشق لوحده من بنات عمته وأتوقع عبير ! راكان : غيوور وبشده ع محارمه و احس ان عنده سر يخفيه !!! واصلي اختي ،، تحياتي أخوكم // تسآهيل الخفجي لكم السعاده |
مشاعر _تسآهيل
اشكركم على مروركم الي اسعدني |
عيال رجحا
1. عبدالله 34 سنه 2. محمد 33 سنه 3. مساعد 32 سنه جواهر 25 سنه مشاعل 20 سنه رفعه 18 سنه عيال فلوه 1.صيته 26 سنه 2. سعود 25 سنه 3. غاليه 18 سنه عيال رفعه 1. راكان 34 سنه 2. سعيد 33 سنه 3.عبير 22 سنه 4. شيهانه 18 سنه عيال فهد 1. ظافر 34 سنه 2. نادر 28 سنه 3. وسمية 22 سنه ان شاء الله وصلت الفكره |
الحقيقه مبدعه
والله حسيت اني اشوف مسلسل بدوي بس الفرق انه ممتع عندي بالقراءه اكثر اسماء الابطال غريبه علي خصوصا رجحا وهذا زاد الروايه حلاوة عندي معقول الابطال يتطورووووون اكثر ياليت والله واصلي الابداع |
السلام عليكم
صراحه تفاجات بالبارتات الي نزلت الله يقويك غيومه نجي للبارت صراحه يجنن اعجبني خصوصا طلعت البنات للبر الله يعين عبير وشيهانه علي اخوهم تركي شكله مره عصبي احب تعامل عبدالله مع خواته تخلي لوحده اذا طاحت في ورطه تقوله مو تخش عنه ياحليلك يابدر شكلك مره مو راعي بر لو يخلونك سنه في البر كان تعدلت انا اعجبني شخصية سعود مدري ليه حبيتها وفلوه شكلها للحين الحقد معمي قلبها الله يعين بس انا صراحه توقعة احد يدخل علي رفعه في الخيمه بس خاب توقعي اتوقع ظافر بيحب غاليه وابوه بيرفض اشد رفض حلوه صح توقعاتي |
السلام عليك ورحمه الله وبركاته
تسلم يدينك غيومه على البارت الرررروعه ياااالله حرااااااام عليك غيومه شهيتيني على روحه البر والتخيم هنااااك جو روعه والله البنات روووووووعه ضحكوني واكثر شي بنات رفعه وخوفهم من اخوهم حسسوني كانه وحش بينقض عليهم شكل ظافر ولد فهد له دور اساسي بالقصه وخاصه يوم شفته مع العيال وقلت اكيد راح تكون له مواقف مع غاليه اما عبدالله عجبتني شخصيته شكله حنون ومتفهم غيومه يالغلا ابدعتي الله لايضرك لاخلا ولا عدم |
مشكووورين على مروركم
حبيت ابلغكم اني تعبانه تدرون تغيرات الجو علي حمى ولا قدرت اكتب شي |
لا بأس ، طهور إن شاء الله ..
بس عندي سؤال انتي مرتين حطيتي أسامي الشخصيات ومن ولد من ،، بس خالد ما ذكرتيه ليه ؟؟ اما بالقصه مبيّن لي انه اخو راكان يعني ولد رفعه و ابوهم اسمه سعد ولا سعيد ؟!! تراني تلخبطت السموحه و العذر ،، لكم السعآدة ،، أخوكم // تسآهيل الخفجي |
وعليكم السلام
اي لان عضوه طلبت اسماءهم واعمارهم ونسخت الي قبل والي قبل نسيت اذكر خالد وخالد اخو راكان اصغر اعيال رفعه |
::
صباح الخير ،. الرواية رووووعة وابداع سجليني متابعة لك .. الاحداث خطيرة والجو العام للرواية مميز .. خصوصاً حياة البداوة بالبر تصويرك للاحداث رائع .. اتوقع غالية بتكون من نصيب ظافر وجواهر من نصيب راكان وعبير من نصيب محمد رفعه انسانة رهيييببه فالتها وعايشه حياتها .. وفلوه يا ساتر للان ما غيرتها السنين الله يكفينا شرّ الحقد .. رجحا .. انسانة قديرة اول وتالي وعيالها كفوووو دوم ..* سلامتك ما تشوفين شر وبانتظار عودتك .. لكِ الود |
سلامات ماتشوفين شر
روااااية رائعة ومميزه وخاصة الاحداث بدأت تتضح وتحلوا شكل غالية بتعجب في ظافر ولد عم امها الي كان يحب امها وتسلمين يارب من كل شر |
السلام عليكم
ابي اعتذر منكم اكيد مليتوا من كثر الاعذار بس اقولكم ترا جهازي عطلان ولا قدرت اكتب شي وجالسه ارد من حق الدوام وممنوع بعد |
| الساعة الآن 07:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية