|
""....معكرونة بالبشاميل ...""
السلام عليكم شخباركم ... اليوم عشانا كان معكرونه بالبشاميل .... فتشجعت اني انزله لكم....وأتمنى تعجبكم طريقتي يلا نبدأ بالمقادير... ((( معكرونه صغيرة. لحم مفروم . بصل وفلفل بارد طمام مقطع صغير. معجون طماط . 3 ملاعق نشاء . قطعة ماجي . كوب ونص حليب مجفف . ربع اصبع زبدة . 5 أكواب ماء))) بهارات لحم المفروم هي .. (( كركم . فلفل أسود . بهارات مخلوطة للحم . ملح )) عندنا ثلاث خطوات نسويها كل وحده بروح... أول خطوة... نجيب معكرونة ونطبخها اذا شفتيها تغلى حطي حبات هيل ودارسين...وملح شويه.. اذا بقى دقيقة على النضج نضيف شويه دهن ...عشان ماتلزق عليج.. ثاني خطوة... نجيب مقلي نحط اللحم فيها ونحركها شويه بعدين أحط بصل والطماط وفلفل بارد مع البهارات ونقلب المقادير... ونغطي عليها لين تنضج... أهم خطوة هي الثالثه بالجدر نحط ((الماء الحليب نشاء ماجي زبدة... صفار شويه))) ونحرك المكونات لين يذيب الحليب... وبعدين نحطه على النار ونخفق لين تصير مثل الكريمة أهم شي التحريك باستمرار..... إذا خلصتي كل الخطوات... نجيب البايروكس... أول شي ندهنها بدهن الطبخ ونحط شوية بشاميل ونبدأ نحط المعكرونه شوي وبعدين اللحم وبعدين معكرونه وفوقها البشاميل ونكرر الخطوات ألين أخر شي تحطين البشاميل بعدين نحط ملعقة ندهنها بدهن ....عشان الطعم يطلع يهبل... نحطها بالفرن 10 دقايق من تحت بس.... على نار عالية وبعدها تشغلين اللي فوق لين تتحمر ...بس خلوا بالكم عليها.. وبالعافية على قلبكم... بنتظار ردودكم... |
يه يه شهالزين شهالمكرونه اللذيذه تسلمين نور والمرره الجايه نبيها بالصوور ونتظر جديدس
|
تسلملي يداتك نوارتي
عاد والله من اوليه وانا مشتهيتها وتوني اسويها مع اخواتي ولما شفت موضوعك اشتهيتها اكثر عاد بروح اكلها ... |
نور الطعم شكله شي فيس يتخيل
المره الجايه صوريها عشان الخيال يضبط ان شاء الله بكره بسويها عالغداء |
اقتباس:
اهلين أم رنا تشرفت بمرورج... حاولت أنزل الصور بس مانفع... ان شاء الله بطبخة جديدة ... |
| الساعة الآن 02:16 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية