منتديات ليلاس - """ ... الشريحــــة وجـــــوال ... """

السلام عليكم

اليوم قريت قصيدة عجبتني واتمنى تعجبكم...

http://im2.gulfup.com/2011-03-18/1300478979251.jpg

بعد الفقر حطت شريحة وجــوال
يسعد مسا جوالهــا والشريحــة

كانت تجيني تشتكـي قلة المال
وتصيح لاجا طاري الفقـــر صيحــه

تقول أبويه دايم الـــدوم رحــــــال
وأمي كبيـــرة سن دايــم طريحـة

وأنت اللــي له القــــلب ميـــــــال
دايم يصارحني وأنــا له صريحـــــه

طفلة وأنا معشوقها بين الاطفال
جريح حب طايـح له في جريحـــه

كنا سوى نرسم على التربه أمال
وأحلام تقتلها الحياة الشحيحـــه

كم دمعة كانت على الخد تنهـال
واذا أنزلت ضـــاقت على الوسيعه

الله كم صرخــة وهمســة ومــوال
الله كم جـادت علينـــا القريحـــــه

نخيل لو مافي السما برق وخيال
ونكذب الايـــام لو هـــي صحيحه

تقول لاحطيت لك بشــت وعقال
ويسر الرحمن عيشــه مريحــــه

أخاف تتركني على عثرة الفــال
للفقر ووجيه الحيـــاة القبيحــــه

وحبيتها بين الخــــلايق والازوال
حب يطول الوقت ما حد يزيحـه

وسلمتها قلب تباريه الاهـــوال
وطاح الخفوق وطيحة القلب طيحه

راحت وخلتني مع القيل والقال
شاعر صواريف الدهر تستبيحه

دار الزمان وغير الحال بالحــال
وجاها الزمان بكل ورده وشيحه

فله وخدامه ولكزس وجــــوال
وأنا عجزت أدفع رسوم الشريحه

بنتظاااااااااااكم:lol::lol: