|
التدخين..رجولة ولا هياط..؟
http://up.liilas.com/uploads/liilas_13030357001.jpg
http://up.liilas.com/uploads/liilas_13030357002.gif http://up.liilas.com/uploads/liilas_13030357003.jpg مساكم معطر جو<-- عشان يضيع ريحة الدخان :biggrin: في كل الأفلام والمسلسلات الي نتابعها سواء كانت عربية أو اجنبية لازم يكون بطل المسلسل وآطلق وآحد فيه ... مُدّخن ! طبعا هالشئ ضروري عشان تكتمل الشخصية اللامبالية..أو الرجولية..أو العصبية ..أو أي شخصية في خيال المؤلف قبل فترة انتشر في اغلب المنتديات مواضيع لصور شباب وبنات يدخنون معدلين عليها ومضبطينها ، وكلن يرد شكرا ويعطيك العافيه .. والمواضيع تتثبّت وتروح المميزه ! اللي بقوله انه صار السيجار من أساسيات التميز .. تبي تخقق العالم ؟ بس دخّن :biggrin: دعايات العطور ، الفنانين ، اللاعبين .. كل أبو شئ متعلق بالتدخين له هيبته وأحس يصير ملفت في نظرنا بغض النظر عن كون المدّخن شاب أو فتاة .. هو بلوى والله يفك اللي طايحين فيه منه عن نفسي.. ممكن أتقبل التدخين من شاب .. بس مستحيل أتقبله من أنثى<<لان ابوي كان مدخن هههههه قلت كان والحمد لله تركها من زمان . . وفي الفترة الأخيره البنات طايحين في الدخان بشكل مو طبيعي مع ان منظر البنت المدخنه جدا مقزز ويفقدها انوثتها هذا غير عن انه يسبب العقم ويغير لون البراطم (الشفاه في قول آخر:biggrin:) وهالشئ انتشر بين البنات لدرجة إنه صار المعرس يخاف يتزوج وحده مدخنة يرجع البيت بدرري في يوم من الأيام يلقى أم الشباب تحرك ايدينها في الهوا تبي تضيع دخان السجاير وهي تبتسمله ابتسامه مصطنعه وتقوله..حبيبي وش جابك بدري اليوم؟:biggrin: :: دايما صور وإعلانات الجذب إحترافية وتلامس النفس وتشهيها بعكس الإعلانات التوعوية وهذا سبب إضافي للتدخين يعني دايما اعلان الدخان في كل المجلات يكون دايما أخقق شئ فيها :: عموما سؤالي للمدخنين شباب أو بنات .. بغض النظر عن كون التدخين حرام وضار بالصحه.. اللي أبي أساله.. .هل التدخين بالنسبة لكم مزاج..ولا هياط...ولاكشخه...ولارجوله ؟ ::: وبالنسبة لغير المدخنين..شباب أو بنات.. .التدخين في نظركم..عيب ولا ميزة..؟ أتمنى تفاعلكم .. :friends::lol: |
مستر بندق
عوافي ع الموضوع و صحيح اغلب صور التصاميم لازم فيها صور مدخنين و انا اشوفه للبنت عيب و شق جيب هذا اللي ناقص بنت و تدخن مع العلم اني سبق و شفت بنات يدخنون بس برا جتمعي اللي انا عايشة فيه يعني في المطارات و اخر مرة كانت يوم العيد في الحج كنت طالعة من الخيمة اللي انا فيها و اشم ريحة دخان و كنت متضايقة منه و كنت متوقعته من مخيمات الرجاجيل و التفت و اشوف حاجتين يدخنون صراحة صدمني الموقف بس الرجاجيل انا صح ما احبه و ما يعجبني بس عاده اهون من البنت |
[QUOTE=توري;2673801]مستر بندق
عوافي ع الموضوع و صحيح اغلب صور التصاميم لازم فيها صور مدخنين و انا اشوفه للبنت عيب و شق جيب هذا اللي ناقص بنت و تدخن مع العلم اني سبق و شفت بنات يدخنون بس برا جتمعي اللي انا عايشة فيه يعني في المطارات و اخر مرة كانت يوم العيد في الحج كنت طالعة من الخيمة اللي انا فيها و اشم ريحة دخان و كنت متضايقة منه و كنت متوقعته من مخيمات الرجاجيل و التفت و اشوف حاجتين يدخنون صراحة صدمني الموقف بس الرجاجيل انا صح ما احبه و ما يعجبني بس عاده اهون من البنت [/QUOTE يعطيك العافيه توري انت شفتي في الحج لكن انااخر مره شفتها وشميت ريحتها كانت يوم رحت للسفاره لتجديد جواز سفري المهم يرسلني الاخ في الله الموظف للشباك الثاني عشان نكمل الاجراءات والموظف يدخن وحده ورى الثانيه مايطفي الاولى الا والثانيه بفمه خلاااااااص كرهت الدنيا وقتها ماعاد ابغى اجدد جواز ولا غيره وماصدقت خلصت |
التدخين عادة سيئة جدا ... هي ابتلاء من رب العالمين .... الله يتوب علينا وانا اكرهها سواء كانت للرجل او المرأة ..... ايه تشوفي امرأة تدخن ...اهون بكتير ما تشوفيها ... على الارقيلة ... لانو صارو البنات بكل وقاحة على القهواي والارقيلة قدامن ((لا حيا ولا دخان جلا )) << متل سوري ارجو الله العظيم ان يتوب على ابناء وبنات امة محمد صلى الله عليه وسلم من هذا الابتلاء العظيم والـــــف شكـــر لك على الطرح المميز ... عوااااااااااااااااافي |
يعطيك العافيه مستر بندق على الموضوع
بالنسبه لي التدخين للرجال عيب وينقص من اخلاقه اما بالنسبه للمراه اعتبره عيب وعار عليها <<< من وجهة نظري وانا اكره شي اشوف احد يدخن بمكان عاام يااخي انتي عايف صحتك احترم غيررك انا وحده قسم الله لارحت مكان عام وشفت احد ينفث دخانه بوجهي او قداامي مااتردد بالدعوه عليه اعوووذ بالله ريحته تقرف وغير كذا تخنق واحيانا يكون بعض الاشخاص مصابين بالربو وعندهم اطفااال استح على وجهك ودخن بمكان مسكر لحالك مااحد يدري عنك وماتضر غيرك وانا وحده استحقر الاشخاص اللي يدخنون سواء بنت او ولد والحمدالله عايلتي مافيها ولا وااحد مدخن ولا كان حكم عليه بالاعدام خخخخ ويعطيك العاافيه على المووضوع وسوري على الاطاله بس بجد موضوع جاء بوقته <<< توها جايه من السووق وذبحتها ريحة التدخين خخخخ |
اقتباس:
الله يعافيك ويخليك احاسيس مجنونه بالنسبه لي ماطيق البنت لا بدخان ولا بالارقيله شكلها غلط بالاثنين |
اقتباس:
يعطيك العافيه اختي الوزيره كلامك صحيح وانا معاك <<<فيس يبوسك بووووسه كبيييييييييره:flowers2::hR604426: مشكوره لمرورك غاليتي |
هي كلمتين من ناحية الدين<<<التدخين مو حرام صح ولالا؟
من ناحية العاطفه<<<تخلي الواحد عصبي واخلاقه شينه. من ناحية المجتمع<<<مافي انسان مدخن احد يثق فيه ولا يحترمه حتى لو كان هذا الشعور بالخفاء. اخيرا من ناحيتي<<<انا اكره المجاهريه بالمعصيه الله لا يبتلينا.. ربي ستر عليهم ليه يورون الناس انهم عاصين. يسلموا ع الطرح |
اقتباس:
كلامك صحيح يسلمووو أمووله يعطيك ربي الصحه والعافية |
من خلال المحيطين في المراهقين يحسووون اذا دخن انه رجااال
ام البنااات و لله الحمد ماصدفت لحد الحين اي وحدة تدخن صحيح اسمع في بنات يدخنون بس ماعمري صادفت احد راي في الي يدخن عيب الرجولة هي افعال واقول مو دخااان سلمت لي لي على الموضوع المهم ويعطيك العافية |
اكره الدخان بشكل غير طبيعي
بجد ريحته مقرفه والمدخن ريحته زي الطينه النتنه لما اسافر اشوف بنات يدخنون الارجيله بصراحه منظرهم مقزز وهم باعتقادهم ان هذا الشيء نوع من الرفاهيه والمدنيه مضحوك عليهم يا حسره اسباب التدخين بالنسبه للشباب فيه مثل بيقول ( اولها كشخه واخرها نشبه ) يعني يشوف ان الزيقاره رجوله واكمال للشخصيه وفي النهايه تصبح عاده وادمان بالنسبه للنساء تعتبرها شيء من الرفاهيه والتسليه ولكن مع مرور الوقت تصبح عاده وادمان وفي كلتا الحالتين قرف الف شكر لي لي على هذا الطرح الراقي ربي يسعد ايامك ويطوا عمرك |
اقتباس:
مشكووورة جوجو لمرورك اسعدني تواجدك يعطيك ربي الصحه والعافية |
اقتباس:
مشكوورة لمرورك كلامك صحيح بكلا الحالتين قرف يعطيك ربي الصحه والعافية |
التدخين عاده سيئه انا ممكن اتقبل الشاب المدخن لكن بنت احس منظرها مقزز الله يهدي الجميع يسلمو عالموضوع
|
اقتباس:
هيبتي كلامك صحيح التدخين عااده سيئه بالنسبه لي كان المدخن بنت ولا ولد كلهم مقززين اصلامااتحمل ريحتها احس انها تلصق فيني شهر مشكووورة لمرورك يالغلا يعطيك الصحه والعافية |
| الساعة الآن 02:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية