منتديات ليلاس - اي وحده زوجها الحبيب زعلان!!! ..تدخل...

زعلاااااااااااااااااااااان..الغالي زعلاااااااان...شتسوين ؟؟؟؟؟؟؟؟؟

اذا كنتي انتي الغلطانة ...:

1_ممكن تتركين لة هدية عبارة عن سلة وتحطين فيها هدايا حتى لو كانت بسيطة المهم تجمعينها وتحطينها في السلة وتحطين معهاها رسالة تعتذرين فيها وتحسسينه انج غلطانة وما راح تكررين هاي الشغلة وتحطين السلة في السيارة وعقبها لم تتاكدين الهدية وصلتة تدزين لة مسج وتقولين لة من اخر مرة وتدلعينة بالاسم الي يحبه وانتي وشطارتج تبين تكتبين في المسج بس ما يكون المسج طويل يكون قصير ومعبر .

2_او انج دزي له مسج يكون حلو على شطارتج تفنني في الكلام والاعتذار وهذا كلة وانتو في البيت المهم اتاكدين انه قراه وعقبة بجم دقيقة اتروحين وانتي متعطرة ومغرية وتجينه من ورى وتضمينة وحاولي ان عينج في البداية ما تيي في عينه علشان تبينيله انج حاسة بالذنب وتكون نبرة صوتك هادية وعقب شوي ممكن تلفينه على ناحيتك وتحين عينج في عينه وتقولين لة عن مدى اسفج له و الموضوع ما راح يتكرر مرة ثانية اذا حستي انة مثلا في نص زعلان منج وما يبي يكلمج حاولي انج اتشدين يدج علشان مايروح وتقولين له انج لازم تتفاهمين معاه لانه مايهون عليج اتزعلينه .
:iU804754:
صدقيني راح يرضى ...<غصب عنه ..ههههههههههه

اما اذا كان زوجك ضاربها تكشيرة وشايف نفسه وهو الغلطان :busted_red:

وانتي مقهورة و عندك عزة نفس وتبغين المياه ترجع لمجاريها بس مش عارفة كيف تبتدين..

استهبلي و صفي حسابك وطبقي اللي يناسبك من هذي الحيل فهي مفتاح للصفحة جديدة بعد الزعل..

1_حطيتي الأكل وجا ابو الشباب يأكل مدي بوزك:pQ204444: شبر بس وخذي من يده المعلقة اللي ياكل فيها وكلي فيها لقمة بعدين رجعها له في يده طبعا علامات التعجب سترتسم على وجهه قوليله طعم الأكل حلو من ملعقتك ( بيترك الملعقة وياكل بيده ههههههههههـــ(تخيلي يسويها ) سوي نفس الحركة وكلي من يده ههههه ...
..

2 ـ شفتيه جالس تعالي وحطي راسك في حضنه وقوليله الله ريحتك حلووووة وحشني دفى جسمك:uJl04657: ( يمكن يقولك اصلا اليوم انا ماتعطرت ياشلاخة ( قولي له ريحة جسمك مسك رباني ) ههههههـ (بيحمر وجهه) ..

3 ـ شفتيه زعلان ومادها بوز مقدار ميل وثلاث ارباع طلي في وجهه وقولي له ( حتى وانت زعلان حلو ) طبعا بيقاوم الضحكة بس استمري في التعليق ( فيك جاذبية وحلاة ) ( ماأدري امك اش كانت تاكل وهي حامل فيك ) بيصدق نفسه المسكين وبيستسلم ويضحك......

4-اذا كان معصب واصل حده قوليله ب كل برووود ( ماشاء الله عليك كلللك رجولة وحماس تعجبني وعضي على شفايفك ) صدقيني بيهدى لأن الرجال يحب المرأة الي تمدحه برجولته ..بعدين اذا سوى لك شيء لا تلومينني .ههههههههههههههههه
:hR604426:
5 - اذا بدء ابو الشباب يهدى ويروق معاك وانتي لسى في داخلك حرة الزعل فرغي حرتك فيه عمليا كيف !!!!!

_اذا شفتيه نايم اعملي له وشم في رقبته بالقبلة او عضة :c8T05285:واذا صحى وشاف العلامة قوليله (حنيت و ماقدرت اقاوم شوقي لك ) ( بيعطيك على راسك( هههههه بس بيكون مبسوط ) ..

اذا مانفعت كل هذي الحيل ناديه وعملي نفسك تعبانه ومسكي الجدار وانتي تمشي ودخلي الغرفة ونامي طبعا بجيك ونفسه في خشمه ويقولك ( وشفيك ) قوليله قلبي يألمني ولما يقرب من عندك قوليله ( حبك متعب قلبي وزعلك ممرضني ) ( خدعة مكشوفة ) الحيلة قوية جدا وماتستخدم الا وقت الضرورة ولمرة واحدة فقط لضعف نسبة نجاحها ..
:Xiv05302:
ولا تنسون ان الكلام الحلو والغزل حبوب مخدرة لكثيرررر من المشاكل وكسر الروتين يجدد الأحاسيس والمشاعر ..
واذا اردت حل فعال وسريع يجنبكم المشاكل اذكروا الله عند دخولكم البيت واذكروه سبحانه عند الطعام والخلوة ...
كل وحده تجرب ترد علي ..:IuL04800:
اتمنى اني افدتكم ..