قوارب الكوسا
 

مساااااااااااااااااء الخير

شو اخباركم عساكم بخيير

قبل كم يوم جاب ابو الشباب كوسة ومتوصي الله يجزاه خييير فيها مايكفي قبيلة

عاد قلت وش اسوي بها شي ارسلته لجارتي وشي صلحت لكم فيها قوارب الكوسا

وبصراحه مره حلوة وعجبتهم رغم ان عيالي مايحبون الكوسا ولا يمكن ياكلونها بس بهالطريقة اكلوها

وان شاء الله تعجبكم بعد انتم وتصلحونها


المقادير:

دجاج مفروم

بصلة كبيرة

3حبات جزر

1فلفل رومي

كوسا كمية قد الي تبين

جبنة مازرولا

بهارات(كمون-فلفل_كزبرة ناشفة_كركم_بهارات مخلطة على حسب رغبتك_حبة ماجي)

الطريقة:

اقطع البصلة قطع صغيرة واحمسها مع زيت الزيتون ولم يبدا يذبل اضيف له الدجاج واستمر بتقليبه عشان مايتكتل واحمسه الى ان تنشف مويته واضيف له الماجي والبهارات والملح واخيرا الجزر المفروم فرم ناعم والفلفل الرومي واقلبه 3دقايق واطفي عليه النار

اجيب الكوسا واقطعها بالطول واشيل اللب بحيث انها تكون فاضية زي القارب وافضل انك تغسلينها قبل وبعدين تضيفين لها الموية الحارة وشوي ملح وتخلينها تغلي 7دقايق وتصفينها من الموية وتصفينها بصينية وتحطين فيها حشوة الدجاج وبعدها جبنة الموزريلا ودخليها الفرن من فوق وتحت وخلي عينك عليها عشان ماتتحمر زيادة من فوق انا غفلت عنها شوي وتحمرت زيادة

وقدميها ياحلوة

وهذي كم صورة لها

http://up.liilas.com/uploads/liilas_12995975181.jpg

http://up.liilas.com/uploads/liilas_12995975182.jpg

وان شاء تعجبكم


عواااافي

ام الشهد ،، ماييجي منك الا الشهد والزين ،،،
صراااااحه طريقه روووووعه وخفيفه جداً ،، الله يسلم دياتك الحلوه ،،،
وبإذن الله باسويييها ،، لأنها تناسب حاتنا الصعبه ،،، ههههههههه بس بدون جبنه ،،

السلام عليكم

دائما مبدعه ام شهوده ماشاء الله يعطيك الف عافيه يارب
قريب بجربها وريتها لامي تقول شكلها مشهي يمكن بكره باذنه اجربها

مممم شكلها بشهي ان شاء الله بجربها


تحياتي الك

رنا احمد محمود