برياني دجاج طريقة جديدة ولذيذة بالصور
السلام عليكم ورحمة الله وبركاتة....
اليوم راح اقدم لكم طريقة جديدة ولذيذة برياني الدجاج المقادير على حسب عدد الأشخاص .. الطريقة: نكون طابخين ماء ونحط فيه بهارات (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة). ونحط الدجاج ونخليه لما يستوي نكون مقطعينه قطع صغيره بعدها نسوي حمستنا وهي عبارة عن : نحمس بصل صغار كمية كبيرة وبعد ما يذبل نحط معاه بهارات (هيل-دارسين-قرنفل-فلفل أسود) وبعد ما يتحمر نحط ثوم مدقوق وزنجبيل ونحمس بعدين نحط معجون الطماط ونحمس .نضيف الدجاج بعد مايستوي ونضيف بعدها كزبرة مفرومة. طبعا نكون مسوين رز ابيض مع بهارات الحين شويه زيت بالقدر نخليه يصير حااااااااار وبعدين نحط طبقة رز وفوقة اشوي من الحمسة وفوقة بصل شرايح مقليه وقطع زبدة ورشه من البقدونس المفروم والنعناع>> سر النكهة http://kll2.com/upfiles/39o52404.jpg نرجع نضيف طبقة من الرز وفوقه حمسة الدجاج والزبدة والبصل والبقدونس والنعناع. http://kll2.com/upfiles/Oo452404.jpg طبعاً اخر شي يكون طبقة من الرز ونكون مجهزين الزعفران المنقع بماء الورد ونحطه فوق الرز مع قطع الزبدة ونخليه لما يسكر http://kll2.com/upfiles/TtW52404.jpg بعدها نقلبه بحذر بالطبق ويزين بالبقدونس وقطع الليمون واذا تحبون بعد الصنوبر المحمص. وهذا شكله النهائي http://kll2.com/upfiles/nP652404.jpg هذا تطبيق درس ام رنوو طريقه الدجاج والبخاري http://kll2.com/upfiles/6jK52405.jpg وبالعافية عليكم |
ماشاء الله صدوقه طباخه بريمووو
والله عصافير بطني تصوصو على هالصبح تسلم الانامل اللي سوت واللي طبقت البرياني روعه وتطبيقس للرزوالبخاري اروع |
واااااااااو ايجنن مـــن الصوره احس بطني....>>لاتـــــعـــليق خخخخخ تقبلي مروورري.. |
تبارك الرحمـــــــــنـ }
عيني عليج بارده صدووقه.. بس ليه ماتصفين الماء من البهارات الصحيحه ؟؟؟ عوآآفي ~ |
تسلم ايدج صدووووووقه ,, شكله يم يم يم ,,, شميت ريحته ,,, تهبل الله يعطيج العافيه ,, وتسلم ايدج ,,, |
الساعة الآن 03:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية