|
أنا وقسم الأشعة ..مواقف ..طرائف ..صور.. متجدد
الحقيقه ترددت كثير في الكتابه في المنتدى الطبي لانه في الحقيقه مومن هوايتي الكتابه عن مهنتي لاني بمجرد أطلع من المستشفى أنساها وراي وابدي عليها اهتمامات أخرى بس بعد ما تم نقلي من العاصمه الرياض الي أحدى المدن التابعه لها صار أتهمامي كله يصب في أطارالعمل صار أحتكاكي بالزملاء أكبر واعمق لاني بصراحة وسطهم ماحسيت بالغربه اللي قلت ممكن أحس فيها بمجرد أني أترك البيت واستقل بعيد عن أهلي صحيح في البدايه ماتأقلمت وظهر هذا كله في تصرفاتي وقرراتي بس بعدين والحمدلله مشى الحال الحقيقه فتحت المتصفح هذا لاروي لكم بعض من يومياتي والمواقف التي لاحصر لها اللي تصير معي بما أني تم تعيني رئيس لقسم الاشعة صحيح مافي القسم ألا ثنين بس ماعليه العوض ولا القطيعه ..........ولي عودة أخرى |
الله يوفقك اخووووووووي
وبانتظار المواااااااااقف عن قريب زوزو |
ههههههههههههههههههه>>>بديت اضحك من اللحين
مبروووك تعينك رئيس القسم >>>>يله وزع علينا اكراميات موضوع حلو ونستنى الباقي موون |
بانتضارك اخوي
|
والله اني تحمست والمواقف بتصير مضحكه خصوصا اذاكانت في قريه والا حواليك كلهم شياب ياحبي لهم هههههههههههههههههههه
ومبروك الوظيفه ياخي العوض ولا القطيعه |
الله يوفقك ياخوي
وناطرين المواقف :dancingmonkeyff8: |
قمم الاعالي ظلالي موفق يارب و بانتظار مواقفك و مبروووك الترقية .......... |
مبروك الوظيفة
و حلو رئيس على اثنين خخخخخ بس على قولتك العوض و لا القطيعة بانتظار المواقف و الصور بالتوفيق |
السلام عليكم منتظرينك اخي بالذات ان المهنة واحدة والله ضحكت من قلبي من فصل المهنة بعد انتهاء الدوام نفس الحال عندي بقولك سر اول مرة اتشرف وادخل المنتدى الطبي هروب من الواقع الله يعينك علادوام الجديد والابتعاد عن الاسرة وان شاء الله ترجعلهم قريب بالتوفيق واتمنالك كل خير |
♪♪♪ والله لو ان قسمك فاضي .. اهم شي انك رئيس خخخخخخخخخـ .. ماششششااااء الله تبارك الله وظيفتك حلوة بالمرة .. >> فيس يحلم بالمختبرات .. المختبرات صديقة الاشعة ولا خخخخ ! يلا بالتوفيق اخوي ان شاء الله .. ومتابعة معك بحوول الله ^_^ .. ♪♪♪ |
مبروووك اخوي على الترقية ..
بانتظااار المواااقف .. |
بانتظارك اخوي...
والف مبروك الترقيه وبالتوفيق |
حلوووو حبيت المقدمه خصوصا ذي العوض ولا القطيعه هههههه
نتحرى نشوف مغامراتك |
زوزو
مون عزتي في كبريائي عذراياقلب نور الليالي بياض الصبح توري بيرو ♫ معزوفة حنين ♫ فوز94 غلاها غير فكري متاهه مشكورين على التفاعل الله لايحرمني منكم وانتظروا الاحلى أن شاء الله |
الحقيقه حاب أبين أني مافتحت الموضوع هذا ألا للافادة للجميع فا أي شخص عنده أستفسار أوصعوبه في قرائه الاشعه الخاصه فيه يضع الصوره ويسأل السؤال اللي محيره وانا أن شاء الله بكون عند حسن الظن
أما بالنسبه للمواقف فاستغربت من الكثير اللي توقعوا أن المواقف راح تكون مضحكه أو طريفه صحيح أني مريت في مواقف مشابه بس في نفس الوقت مريت في مواقف صعبه أحتسبها عند الله وراح أروي أول المواقف اللي حدثت معي وأقربها في التاريخ أتصل علي أحد الزملاء قبل يومين تقريبا وروالي قصه تعتبر مأساويه نوعا ما حدثت لاحد الزملاء القدما اللي تركتهم وراي في الرياض الحمد لله على النقل كان الموقف بيحدث معي لولارحمت الله بنقلي الموقف أنه دخل مصاب جاء بلاسعاف أثر حادث للاشعهX ray طبعا معروف أن اللي يدخل الاشعه هذي يكون قلبه سليم بس المصاب كان يوجد في قلبه جهاز للاسف وتوفي فورا المشكله مو هنا المشكله أن أحدى بنات المصاب أخبرت طبيب الطوارئ أن والدها يحمل جهاز في قلبه طبعا الطيب وافد بس الطبيب ماكتب هذا في التقرير اللي أرسله لقسم الاشعه وكان سبب رئيسي في وفاة الرجل البنت يوم درت رفعت قضيه على المستشفى تطالب زميلي في قسم الاشعه بالديه والتعويض لذوي الفقيد سالم أسال الله أن يفرج عنك ويرجعك لاهلك اليوم قبل بكره ويارب يعترف الطبيب الوافد ودعواتكم ولي عودة مره أخرى |
♪♪♪ آوووبس ..!!!! طيب يراجعون التقرير اللي كتبه الدكتور الوافد .. وبـ يشوفون ان ما طرى شي عن ان المريض عنده جهاز بالقلب !! قهر والله .. ما ظنيت ذآ الدكتور بـ يعترف الا كان عنده ذمة .. الله يفرج عن زميلك يارب ويكافيكم شر هالمواقف .. ♪♪♪ |
طيب يراجعون التقرير اللي كتبه الدكتور الوافد ..
♫ معزوفة حنين ♫ في غرفة الطوارئ الكل مشغول خاصه أذا كان فيه حادث كبير مايلتزمون بالتوقيع يكتب المطلوب وعلى طول للطبيب المختص الطيب يقول ماقالت لي عن مرض أبوها والبنت تحلف عندالشيخ أنها قالت له وسالم أكلها الله يعين ياما من المصايب |
اخوي قمم الله يجزاك بالخير وحبيت اقول الله يفرج لزميلك وانا بالنسبه لي اعرف ان الحامل ممنوعه من دخول غرفة الاشعه بس اول مره ادري ان اللي يحمل جهاز في جسمه مثل منظم ظربات القلب ممنوع من الاشعه ياليت يا خوي تحط لنا المحاذير والممنوعات عشان نستفيد كلنا وجزاك الله خير وعلى فكره عسى ان تكرهوا شيئا وهو خيرا لكم نقلك خيره
|
السلام عليكم
يا الله يا هذا الطبيب وش يحس فيه ما يحس بالذنب ان فيه غيره متورط بدون ذنب ويعني وش هذا التسيب ليه ما يكون فيه تقارير واذا كان الطبيب جديد يعني عمره ما عرف ان الاجهزه في قلب المريض تؤدي الى الوفاه ولا هو بس وده يسوي نفسه الدكتور اللي ما مثله سالم الله يفك ازمتك يا رب يرحمك ويغفر لك انا اقول هذا الدكتور ما يجي الا بالتهديد سو شي خلوه يخاف ويقول صدقوني لا تضحكون سو عليه شي وخلوه يخاف ويعترف لو حتى خطف احد هله >>>> مو توصل لهنا رغم انه يستاهل وشكرا يا قمم على الموضوع واتمنى انك تجاوب على ام رنا لان الكثير لا يعرفون وش المحظورات في قسم الاشعه وشكرا |
سلام عليك..... الله يعين زميلك على المصيبة بس ليش مايشوفون التقرير اللي اكتبه الطبيب وراح يلقونه انه ماكتب فيه حالة المرض... |
السلام عليكم
والله ضاق صدري من هالقصة والله يجزاك الف خير انك طرحتها لان امي مركبة الجهاز هذا ويبغى لي انبها ماتسوي اي اشعة الا وقايلة لهم هالشي الله يفرج هم زميلك وان شاء الله الحق بيظهر ننتظر مواقفك الاخرى بفارغ الصبر يعطيك العافية |
أم رنا
New Moon نور الليالي أم الشهد كل الشكر على المتابعة وحياكم الله أنتم وأسالتكم الصدر رحب لها |
أم رنا
كنت ناوي أبينها بس للاسف سهيت وراح أحطها هالحين أم الشهد سلامة الوالدة بس ترى مو كل أحد عليه خطر هذا حاله تعتبر أستثنائيه الفني ماأخذ بالاسباب الوقائيه اللي راح أبينها هالحين الأشعة السينية ضارة للمصور والمريض ومع تقدم وسائل الوقاية الشعاعية أصبح العمل في مجال الأشعة لا يسبب أية أضرار ولا أية أذيات مستقبلية . نستعرض بعض الأضرار الناجمة عن التعرض المباشر للأشعة وبكميات كبيرة ولفترات طويلة ( كما حدث في انفجار القنبلة الذرية في اليابان ) .1 - 200000 m rad = 200 Gy تسبب الموت . 2 - اضطراب في وظيفة الأعضاء . 3 - الضمور . 4 - قصر الحياة . 5 - اضطرابات تصنيع النقي في نقي العظم . 6 - اضطرابات وراثية جينية . 7 - السرطانات . 8 - العقم .حماية الشعاعي من الأشعة : يتعرض المصور للأشعة أثناء :1 - التنظير الشعاعي . 2 - التصوير بالجهاز النقال . إن مقدار ما يتعرض له الشعاعي من الأشعة في العام يعادل ضعف ما يتعرض له عامة الناس جراء الإشعاعات الأرضية والكونية والجسمية ، أي : مقدار ما يتعرض له الشعاعي في السنة = 70 m rad . مقدار ما يتعرض له عامة الناس في السنة = 50 – 300 m rad . وسائل وقاية الشعاعي : 1 - الحواجز الشعاعية الواقية : ويجب أن تكون سماكتها أكثر من 1.6 سم رصاص ويجب أن يقف خلفها المصور أثناء التصوير . 2 - يجب أن يقف المصور على بعد مسافة معينة من منبع الأشعة( فكلما زادت المسافة زادت الوقاية الشعاعية ). 3 - الواقي الرصاصي : بسماكة تزيد عن 0.5 سم رصاص . 4 - إنقاص ضغط العمل ما أمكن وبالتالي إنقاص زمن التعرض للأشعة . حماية المريض : 1 - المصفيات الشعاعية : موجودة ضمن أنبوب الأشعة . 2 - تحديد ساحة التعريض (ضوء السنترة) ما أمكن حسب العضو المصور بشكل يفي بالغرض دون أن يسبب ذلك الإساءة إلى جودة الصورة . 3 - تغطية أماكن معينة بأغطية رصاصية : كالأعضاء التناسلية الباطنة . 4 - وضع تكنيك مناسب حتى لا نضطر لإعادة الصورة . |
السلام عليكم اخ قمم الله يعينه اخوك سالم وان شاء الله محلولة يعني البنت قالت للطبيب المناوب صح طيب في الطوارئ انا معاك بيكون الكل مشغول ودربكة بس في اي ورقة تحويل اللي بيتحمل مسؤليتها هو المحول يعني فذي الحالة الطبيب المناوب وبعدين في ملف المريض لازم يكون كتب التاريخ الطبي وفيه لازم يكون حط مشاكل القلب والبيس ماكر pacemaker اكيد ذكرها واذا ماذكرها يبقى الغلط كله من عنده ويبقى اللوم واضح بيوقع على مين مو محتاج سؤال يعني اش دخله طبيب الاشعة يسأل عن التاريخ الطبي ولو وهو يعني فاضي ؟؟؟ الله يعين اخوي وان شاء منتظرين مواقف اكثر الواحد اكيد يتعلم منها الله يحميك |
طيب راح يبان بالتقارير هل مكتوب عنده انه مصاب وانه مركب جهاز
الي اعرف ان اي مريض يدخل المستشفى يكتب كل شي بالبروفيل تبعه كل الاولد هستوري ينكتبامن الباست اوبريشن ودزيز وكل شي الصراحه هذي مسولية الطبيب لان مختص الاشعه ماله الا انه يجيه الاووردر ومكتوب فيه كل الكومنت تعرف لو ان في شبكه بين كل المستشفيات وبرقم السجل المدني يكوون لكل مريض بروفيل صحي ماسارت هالمشكله كان بضغطة زر عرف انه مركب جهاز لكن احنى وين والتطور فين هذا النظام مطبق في اليابان تتفقع عيونا عشان نقرا بروفايل المريض من خطووط الدكاتره العجب ا |
|
أهلين أخوي قمم بانتظارك بس لاتتأخر واجد لاني وراي نوم وسفر يسلموووووووو:lol: |
اسف على التاخير
أخذتني نومه وبعدها على المستشفى على طول وتوني واصل قبل أبدا حاب أنبهه لشئ خطير صار لي مع أطفال في عمر 12 تقريبا لقيت واحد يصور يد واحد بالجوال واستغربت أن الفلاش نوره قوي بشكل سالته قالي بكل بساطه قاعد أشيع يده قلت كيف قالي برنامج يركب في الجوال حاولت أنبهه بس ماطاع للاسف التصوير هذا يسبب السرطان أذا كان فني الاشعه مايسلم فما بالك بالطفل أتمنى من الكل ينتبه |
هلا اخ قمم للاسف في كتير ناس بتتهاون بمضار الاشعة على جسم الانسان بدي اسألك عندكن بالسعودية كمان بيحط الفني على ملابسه جهاز صغير اللي بيحسب كم هي كمية الاشعة اللي متعرض لها الفني ؟؟؟ انا زوجي فني اشعة هون بالامارات وبيعملوا فحص شهري على الجهاز حفاظا على سلامة الفني ... عواااااااااااافي اخ قمم والله يوفقك بحياتك العملية |
♪♪♪ يعني قصدك الاشعة الناتجة عن فلاش الكامير ؟؟ ولا ايش ؟؟ ♪♪♪ |
اقتباس:
بالفعل عمله متعب وفيه خطورة واكثر المتضررين في قسم الاشعه الفنين لانهم على أتصال دائم بالاجهزه |
اقتباس:
♫ معزوفة حنين ♫ لا ماقصد فلاش الكيمرا أقصد برنامج يركب في الجوال أسمه الاشعه السنيه أتمنى من الكل ينتبه له |
جتني عجوز تقريبا في العقد السابع من
عمرها محولها علي طبيب المخ ولاعصاب لاشتباهه بوجود ورم خلف الاذن طبعا دخلت علي مكتبي وسلمت علي وماخلت أحد من عائلتي ماسالت عنه طبعا من باب الذوق سألتها عن أخبارها وكيف صحتها أجابتني أنها تعبانه ولو أنها ماقدرت تستحمل الوجع والاما جت طلبت من الممرضهتاخذها لغرفة الكشف وبعد يمكن دقايق جتني الممرضه تشتكي وتقول أن العجوز رفضت تنزل شيلتها رحت لها وطقيت الباب عليها وقلت لها ها يخاله خلي الممرضه تشوف شغلها طبعا في البدايه رفضت وحاولت فيها بس لين فقدت الامل طبعا كانت رابطه مايشبه المنديل عليها شيله صغيره جايبتها من أعلى راسها ومغطيه فيها أذانيها ورابطتها ومحكمتها سألتها أذا جا معها أحد والا لا قالت لي جا معي بناخي لي قلت في نفسي الحمد لله وينه قالت راح مشوار ويقول لاجيك ألاوانتي خالصه ياربي وش هالورطه سالتها معك جوال ياخاله قالت لا قلت طيب كيف تدرين أنه جا قالت بانتظره عند البوابه سالت الممرضه أذا كان فيه أحد في غرفه لانتظارقالت فيه قلت طيب ثواني وراجع أخذتها وطلعنا عند البوابه نحتري الولد زي ماتقول جلسنا تقريبا ساعه في أنتظاره بعد ماشرف سلمت عليه وعمته بالمشكله اللي ممكن تعاني منها الوالدة تتوقعون وش قال لي قال بالعنه نوموها والا شبوا فيها صراحه خنقتي الدمعه وأنا أسمعه واسمع العجوز تقوله لاتخليني عندهم |
♪♪♪ هئئئئئئئ O_O ..!! وشو شبوا فيهااا ...؟؟؟؟؟؟ ♪♪♪ |
يالله تاثرت كثير بقصة صاحبك ربي يفرج همه فرحنا بخبر تبرئته من التهمه
قصة العجوز وربي حزنت اللهم اسالك صلاح نفسي ذريتي وبرهم وجميع المسلمين مازلنا ننتضر موقف طريف |
السلام عليك صراحة قصة العجوز عورت قلبي الله يعينها عليه هو شصير لها ؟؟؟ عشان يرد عليك بهالاجابة اللي تعور القلب والله يعينك على هالمواقف.... |
اخ قمم بصراحة قصة العجوز تعور القلب والله حسبي الله عليه ونعم الوكيل من ولد <<لان امثاله يخسون يكونون رجال بحق وحقيق الله يكون بعونك على هالصدمة والكلام القاسي << انا لو مكانك مستحيل اسكت له لاني بهيك مواقف ما بقدر اسكت لو مين ما كان يكون قدامي أ ولا يعلمون انها دنيا فانية ؟؟؟؟ عوااااااااااااااااااااافي |
السلام عليكم
ان شاء لله يفرج عن صاحبك وتبان برائته اما قصه العجوز كثير حزنتني كيف يطاوعه قلبه يقول كذا حسبي الله عليهـ وبنتظار مواقفك يعطيك العافيهـ |
السلام عليكم مراحب اخ قمم والله قصهـ مؤلمة .. الله يهديه بس ويغفر له والعجوز الله يعينها على عيشتها مع ولد زي هذا والله يشفيها ويحسن خاتمتها امييين بس حبيت اسألك سؤال شوي معصبني من كثر مالفيت عليه وجننوني الاخصائيين فيه لو تعرف الفرق بين PA & AP VIEWS في الchest x-rays بقيت ملطشه عند اخصائي العظام والباطنة الاول ما يشتي غير AP والثاني مو معترف غير بال PA انا عن نفسي ما بشوف فرق بالاشعة نفسها وعارفة انه في فرق في البروجيكشن والجهة من الجسم اللي تواجه السكرين بس سؤالي هل في فرق حقيقي في الفلم بعد لايظهر ومشكوور مقدماً عفواً عالازعاج .. ^___^ |
اقتباس:
لاأزعاج ولاشئ سلامتك من كل باس بس فيه كلمه مافهمتها ( ما يشتي )يعني أيش بس راح أقول شغله أنت مصعبه الموضوع وعلشان الكل يفهم أحنا وش نتكلم عنه راح أبسط الموضوع وارد على سؤالك AP = Anterioposterior PA= Posterioanterior وهذا يعني وضعية المريض بالنسبة للأشعة ومكان انعكاسها فالأول الأشعة تعبر من الأمام ويكون اللوح بالخلف والثانية العكس :) طبعا الفيو الروتيني هو PA لانه يعطي الحجم الطبيعي للاعضاء اما AP يكبر العضو أكبر من شكله الحقيقي فهو عادة يستخدم للناس اللي بالعناية او بغيبوبة ..الخ :) |
السلام عليكم الله يسلمك اخي مايشتي يعني لا يريد غيرها فهمت علي.. طيب شوف انا كان قصدي من وجهة نظرك انت بتشوف اشعة كثير هل في فرق حقيقي بين المنظرين او لا يعني مو فرق عندي اذا كان مريض بغيبوبة او صاحِ لانه اكثر تعاملنا مع مرضى الغيبوبة بيكون بال PA واول مرة اسمع المعلومة هذي .. شكراً انا بشوف مافي فرق واضح وحبيت اسمع راي ثاني بس يعطيك العافية |
بصراحة اخي انت ذكرتني بالدكتور خالد الى كان مشرف على هذا القسم
قدم موضوع مثل هذا وبالحقيقة شعرت بمتعة كبيرة وانا اقرأ القصص والمغامرات في المستشفى يعطيك العافية على الموضوع الشيق وبالتوفيق الدائم |
الله يعطيك العافيه أخوي قمم
والله يفرج عن صاحبك ويبين برائته إن شاءالله أما سالفة العجوز تعور القلب صراحه مسكينه ياقلبي عليها خاصه وهي تقول لاتخليني عندهم.. مشكوووور أخوي وبإنتظار باقي المواقف.. |
مساء الخير ..
الصراحه الله يعين الي يشتغلون بالاشعه والله يفرج هم صاحبك وهو مو مسؤول عن موت الريال اما سالفه العيوز مسكينه والريال ما يستحي على ويهه .. بانتظااار موااقف جديده .. |
اقتباس:
أسف الى الان مافهمت وش تقصدين بس راح أقولك شئ الطبيب حسب أجتهاده وخبرته ممكن يكون صائب أو مخطي وراح أبين لك أن مهمة الاخصائي تكون في التوقيع على اجراء الاشعه ومناقشه الطبيب فيها أذا أستصعب عليه شئ بس عندي فضول حاب أعرف تخصصك أذا ماعندك مانع وكل الشكر |
بما أني اليوم عندي of
راح أبين شئ مهم يمكن الكثير يجهله وهوالفرق بين أخصائي الاشعه وطبيب الاشعه طبيب الأشعة يكون دارس الطب ال7 سنوات طبيب الأشعة ما يروح لغرفة الأشعة لأخذ الأشعة لمريض ولكن تأتية تقرير وصور الأشعة وهو الي يكتب للمريض وش فيه وش ما فيه اخصائي الاشعة = خريج علوم طبية قسم اشعه .. وشغله انه ياخذ صورة الاشعة للمريض . . اخصائي الاشعة بامكانه اكمال دراسة الطب وتخصص الاشعة في خلال سبع سنوات في اي دولة في العالم...... وهذا اللي ناوي أسويه وانتظرالمنحه عشانه |
في فقره سابقه ذكرة
بعض مضار الاشعه السنيه واليوم راح أكمل الباقي يؤدي التعرض للأشعة السينية لبعض الأضرار بجسم الأنسان حسب معدل كمية الأشعة التي تعرض لها . هناك نوعان من الأضرار هما :- الضر الحاد : هو التعرض لكميات كبيرة من الأشعة السينية خلال فترة زمنية قصيرة 1- انخفاض في كرات الدم الحمراء والبيضاء . 2- أنيميا حادة ( انخفاض كبير في نسبة الهيمو جلو بين في الدم ) 3- ضعف عام وهزل والتعب من أقل مجهود . الضر المزمن : ظهور أعراض بجسم الإنسان بعد التعرض لجرعات متتالية على المدى الطويل 1- أسوداد في الجلد المعرض للأشعة السينية . 2- سرطان في الجلد أو في الأعضاء المعرضة لكميات كبيرة من الأشعة السينية . 3- يؤدي التعرض المباشر للأشعة السينية على الأعضاء التناسلية (الخصيتين للرجال ، والمبيضين للنساء) إلى عقم دائم لا يمكن علاجه . 4- التعرض لكميات كبيرة على العين لفترات طويلة يؤدي إلى عتمة العدسة |
http://www.tt5.com/files/2011/01/cra...nternet-10.jpg
هذي أشعه لشخص دخل مسمار حديد في أنفه وهي صوره تقريبه للي راح أقوله الاسبوع الماضي زارني شخص في أواخر الثلاثين معه طفل عمره تقريبا أربع سنوات سلمت عليه وسألته عن المشلكه أجابني أنه له مايقار ب السنتين يراجع المستشفى قسم الامراض الصدريه ولاني مالي خبره بها المجال سالته ولدك وش يشكي منه قالي عنده ربو صراحه تفاجأت قلت طيب ليش حوله الدكتور هنا قال مدري يقول مال علاج عنده اخذت الولد وجلسته في حضني وصرت أكلمه والولد كان صوته خشن و عرفت بحكم خبرتي المتواضعه أن عنده مشكله في الانف أخذته وسويت له أشعه وبين معي السبب على طول كان مدخل في أنفه نواة تمر أووووف والولد موقادر يصحح نطقه بسبتها طبعا على طول للعمليات وحمد لله على سلامته |
حاب أشوف أهميته الموضوع بعيونكم من خلال التقيم |
اقتباس:
السلام عليكم وصباح الخير بعد ههههههههههههههههه خلاص شكلي ماعرفت اوصلك اللي ابيه مش مشكلة انا طبيب عام متخرجة من سنتين ومشرفة على قسم والعناية المركزة وناوية باذن الله اتخصص سونار يعني سونار بس مو اشعة والله يوفقك في المنحة وتنالها باذن الله وكمان التقييم لك ياشيخ هههههههههههه ضحكتني حكاية النواة وحصل معي موقف مشابه بس كانت حبة رمان طفل جابوه يزور امه عنده سنتين وياكل رمان راح مدخل حبة منها في انفه القسم كله جن موعارفين نمسك الطفل واو نهدي امه اللي لسه طالعة من عملية بس بعد ما خرجتها والله كرهني ايش يفكروا الاطفال والله مو عارفة خخخخخخخخخخخ ان شاء الله تتهنى بالOF انا عندي شهر وحاسة اني يحتاجلي كمان شهر فيس الكسل ^_^ |
السلام عليكم أخوي قمم موضوع جميل ومفيد ...... يعطيك العافية على تعبك والله يفرج هم صديقك .... أما قصة العجوز الله يعوضا خير إذا مو في الدنيا في الآخرة والي معاها الله يبعتله حد يرد الي سواه فيها بصراحه قهرني موفق في المنحة بس إختصاصك صعب شوي قبولاتة برا الله يوفقك وإذا حابب أي مساعدة او أستفسار أنا جاهزة ومشكور مرة ثانية ......... |
اخ قمم فعلا الاشعة لها اضرار لا تعد ولا تحصى على الاخصائي الاحتياط منها ..<< دير بالك على حالك بس انا استغربت من اهل الطفل اللي عمرو 4 سنين كيف ما انتبهوا للانف والا الاطباء <<مع احترامي الشديد للاطباء ولكن فعلا في اطباء هم في جهة والطب في جهة اخرى ؟؟؟؟؟؟ انا من فترة عندي بنتي عمرها سنيتين دخلت بانفها (( قضامة صفرة )) واكتر من وحدة بكلا الفتحتين ..و من اول ما دخلتن عرفت ووديناها الطبيب ...ومتل ما بقلك ان في اطباء لا دخل لهم بالطب البتة .... جرح انفها تجريح وهو يحاول يخرجهم من انفها ..وما خرجهم كلهم لحتى صورناها بالاشعة وطلع لسه في داخل انفها ... فالاشعة كتير مهمة ومفيدة ... ومرة اجت امرأة ومعها ابن اخوها وكان الولد بيشخر وصوتو غليظ و ريحة انفه بشعة ... صوروه صورة اشعة ..اكتشفوا ان الولد مدخل (( حبة بازيلاء )) ومشرشة بالانف ..تخيل ... وعمل عملية ورجع الولد سليم ... ان شاء الله بتحصل على منحة وبتكمل تخصص ... زوجي كتير حاب التخصص بس من غير منحة صعبة كتير الدراسة لانها بتكلف ... الله يوفقك ويحقق امانيك .. عوااااااااااااااااافي .. |
مرحبا اخ قمم
استفدت كثير من المعلومات صراحه افدتنا كثير يسلمموووو وكمان الله يوفقك في دراستك وتنال اللي ودك فيه يارب ويبين الحق لصديقك وقصة العجوز مررررره محزنه ودي اعرف اش صار بالنهايه؟؟؟ لو ممكن..وكمان الولد الله يعينك شغلتك صعبه شويتين الله يوفقك يارب ااحاااسيس# |
♪♪♪ يووووم هالبزارين ما خلو شي ما دخلوه خخخخ .. في طفلة من قرايبنا عمرها تقريبا 3 سنين .. رحظت امها نفسها وصوتها متغيرين وفي ريحة مش ولابد تطلع من خشمها .. ودتها للمستشفى يسآلها الدكتور : حبيبتي ايش حاطة بخشمك تقوله سبونج بوب ..!!!!! مع الفحوصات بين انها حاطة قطعة اسنفج واستخرجوها لها .. وعلى التقييم تستــآإهل ، الموضوع ممتع ومفيد بنفس الوقت .. والله يوفقك بـ منحتك .. ♪♪♪ |
السلام عليكم اخ قمم
ومشكور على الطرح المفيد وحبيت اسال هل الاشعه تضر الحامل ؟؟ وفي ايه شهور لازم تتجنبها؟؟ وبس...... |
السلام عليك أخ قمم... قصة الولد تعور القلب بس الحمدلله تشافي.....لازم نحط بالنا عليهم بس ودي أعرف شصار بالعجوز.....؟؟؟ اذا ماعندك مانع يعطيك العافية...... |
اقتباس:
عزيزتي بيرو شرف لي أتعرف على زميله مهنه ولو أنا موزملاء بالمعنى الصحيح لكن التعرف على أمثالك مكسب ومازال لدي الفضول لمعرفة السؤال اللي عجزت عن فهمه وانتِ اللي تتهني مو أنا يحرام يوم ويالله يجي واضافتك لموضوعي تزيدة فائدة |
السلام عليكم ههههههههههههههههههه الله يعينك والله يوم ولا حتى ثلاثة بعد اسبوع شغل ما تكفي بس خلاص قربنا نخلص الشهر ورادين للتعب من ثاني اهى اهى اهى والله معرفتكم كمان كلكم هنا مكاسب الله يخليك وتسلم والسؤال لغير الله مذله خخخخخخخخخخخ شكلي عمري ما بفلح اوصلك هو مو مشكلة الاسئلة جاية كثييييييير |
اقتباس:
عزيزتي تسلمين والله ووجودك شرف لي |
بيرو
ولايهمك أسألي واللي ماافهمه حولي توصليه ولو بالغصب أنا كذا لازم أركز في المعلومه وفهمها عندي ياخذ وقت وحياك أنت واسألتك |
اقتباس:
دايم منورتني تسلمين |
اقتباس:
أحاسيس مشكوره على التواجد والمتصفح هذا موضوع للفائدة وتسلمين |
اقتباس:
♫ معزوفة حنين ♫ شرفني حضورك وتواجدك العطر تسلمين والله يقبل منك على الدعوه |
اقتباس:
تولين حسب الاشعه وطريقه اخذها فيه أنواع من الاشعه ماتضر الحامل أبد وغيرها يكون الضرر خفيف وبعضها تكون خطر على الام والجنين وكل هذا حسب لاشعاع اللي تتعرض له الحامل |
اقتباس:
نور الليالي لاما عندي مانع العجوز طلع عندها ورم في الدماغ خلف الاذن وتم تحويلها لمركز الاورام في الرياض ونقلت حسب علمي بالاسعاف وماكان معها أحد من أقاربها وهي أساسا وقت الفحوصات كانت تدخل بشبه غيبوبه حتى تم نقلها |
الحادثه هذي وقفت عليها بنفسي عندما كنت أعمل في
قسم الاشعه في مستشفى الملك فهد جات عجوز تقريبا بالثمانين الى المستشفى تشكي ألم أسفل البطن سوت فحوصات وأشعه وماتبين في البطن أي مشاكل والحمد لله بس اللي لفت نظري أن الطبيب قالي خذها لقسم الاشعه وسوا لها أشعه على الرحم طبعا كنت في ذاك الوقت جديد وولدها الكبير أزعجنا سعودي مانبي ماغير بيذبح الوالدة كنت أتجاهله بكل الطرق بس زميلي في القسم قاله معجبك وألا يالله مع السلامه من الصبح وأنت تنافخ قاله ولدها أذا جا مستشفى أبوك أطردني طبعا حاولت في زميلي يسكت لانه لوجلس هو وياه ماراح يخلصون للصبح سوينا الاشعه و طلع عند العجوز كتله في الرحم والاطباء 15 يوم عجزو يعرفون ماهيتها وفي النهايه طلعت الكتله : : : : جنين له في رحم العجوز 40 سنه ومع مرور الزمن تكتل الاطباء طلبوا من العجوز وعيالها يسووا تنظيف حالا ألا ان العجوز رفضت وقالت بالحرف عاش معي 40 سنه مراح أتخلى عنه بموت ويندفن معي يمكن البعض يستغرب قصه العجوز ولو سمعتها من من شخص آخر ماصدقتها بس صارت قدام عيوني |
يالله سبحانك يارب قادر ع كل شي
يسلمووو اخوي قمم .... بقولك... يوم الاثنين من هالاسبوع رحت المستشفى بسوي اشعه ع المخ خخخخخ اول مره اسويها احساااس يخوف شوي بغرفة الانتظار كاااان قبالي بالضبط غرفة اخصائي الاشعه تذكرت كل السوالف اللي صاارت هنا يسلموووووو اخوي افدتنا كثير ايوه صح الدكتور قال اذا معك شي فيه حديد ابعديه ممكن اسأل ليه؟؟؟ يعني اش السبب.... بعدين لو كان فحص كامل كان رحت فيها عشان سوستا تبع المريول ماكان رح اقدر ابعدها.... لك كل الود اخوي |
سبحان الله
كيف صار 40سنه وماحست بشيء.. شيء غريب فعلا طيب ليش تتركه ماتشيله...يمكن يتحول لمرض لاسمح الله يعطيك العافيهـ اخوي |
السلام عليك أخوي قمم سبحان الله 40 سنه ومادرت عنه انزين اذا خلته بالرحم مافيه مضاعفات عليها دامه ميت؟؟؟ وشلون خليتها تطلع بدون ان تعالجونها يمكن ماتعرف أضراره؟؟؟ يعطيك العافية... |
♪♪♪ يا الله ..! جنين و40 سنة ..!!!!!!!!! كيف هو مات وتكتل بـ رحمها ولا وشلون ؟ سبحــــآإنك يارب !! ♪♪♪ |
اقتباس:
ماعندي خلفيه عن الاشياء هذي وكنت مستغرب وسألت الوالدة وقالت ي أن حريم أول كانت تصير معهم الاشياء هذا واحيانا يجلس الولد في رحم أمه سنه سنتين وعلى حسب ويسمونه عوار مع أني مو مقتنع بس الطب الاكلينيكي ماعمره التفق مع الطب البديل |
اقتباس:
سلامات وماتشوفين شر |
اقتباس:
نور الليالي الحقيقه انا مادري كيف طلعوها لكن أذاكان المريض يبي يطلع على مسؤوليته ماتقدر تسوي شئ والله يعافيك |
اقتباس:
بالفعل سبحان الله ومشكورةعلى المرور |
اقتباس:
قــــــــــمـــــــــم ترى ماجاوبت ع سؤالي؟؟؟؟؟؟؟ |
اقتباس:
أحاسيس بجد أسف وصدقيني ماانتبهت وراح أجاوبك عني أنا شخصيا أطلب من المريض وضع جميع مافي جيبه قبل الدخول لغرفه لاشعه لعدة أسباب يمكن المادة اللي معه ومنها الحديد ماتعطيني صورة الاشعه بالشكل المطلوب فاطر أعيد الاشعه وهذا شئ أنا في غن عنه لان الاجهزة اللي موجودة في غرفه الاشعه تتكون تقريبا من أجهزة حساسه ولاشياء الصلبه مثل الحديد الاشعه صعب تخترقه واح أعطيك معلمومه في كل مرة تخترق الاشعه خاصه السينيه جسم الانسان يفقد مجموعه من الخلايا علشان كذا ماودنا نعيد الاشعه كذا مرة |
اقتباس:
ومشكووووور ع المعلومه........... |
اقتباس:
♪♪♪ معلومة جديدة !! اول مرة اسمع بها .. تسسسسللللم قمم متابعين لك .. ♪♪♪ |
تسلم أخوي ع المعلومات القيمة ,, وفعلا استفدت من موضوعك كثير ,, خاصة في أضرار الأشعه ,, وللأسف الأطباء مايوضحون لنا خطورة الأشعة قبل مانتوجه لأخذ الصورة ,, حتى نتجنب الأخطاء اللي تصير ,, حتى أخصائي الأشعة ,, مايوضح هالأمور ,, ويصور وهو ساكت ,, المفرووووض تكون فيه توعية مسبقة لتجنب الأخطاء وبالتالي التقليل من الأضرار اللي تنتج عن الأشعه ,, وأتمنى لو المستشفيات يطبعون نشرة توعوية لها الشي ,, لأن الناس معلوماتهم قليله عن المخاطر ,, كل اللي نعرفه انها خطر على الحامل ,, لكن مازودتنا فيه من معلومات ,, جزاك الله خير ,, غريب وجديد ,, وشكرا لك ,, وجزاك الله خير ,, |
اقتباس:
♫ معزوفة حنين ♫ يشرفني تواجدك ومتابعتك |
اقتباس:
شرف لي متابعتك واستفادتك والاخرين هدفي ومشكورة |
هذي صور للبرنامج اللي سبق وحذرت منه أتمنى الكل يحذر http://www.ee77ee.com/vb/imgcache2/8440.gif http://www.jamster.com/storage/view/...ay_Scanner.jpg |
http://www.mawhopon.net/upload/image...293495(28).jpg
مراحل تطور جهاز الأشعة المقطعية أول جهاز تصوير بالأشعة المقطعية تم اختراعه بواسطة العالم البريطاني Godfrey Newbold Hounsfield في مختبرات البحوث المركزية لشركة ثورن اي ام اي حيث بدأ بوضع فكرته في 1967 وتمكن في العام 1972 من إنتاج أول جهاز تصوير بالأشعة المقطعة وحصل على جائزة نوبل في العام 1979 مع شريكه Allan McLeod Cormack الذي عمل معه فيما بعد. أول نموذج لفكرة عمل جهاز CAT النموذج الأصلي الذي تم تصميمه في العام 1971 صمم ليتمكن من اخذ 160 مقطع لجسم الإنسان وكل مقطع يتم اخذ 180 صورة حول محور الجسم أي صورة لكل درجة ولقد أخذت عملية التصوير أكثر من 5 دقائق. والصور التي تم تجميعها تأخذ حوالي 2.5 ساعة ليتمكن الكمبيوتر من تكوين الصورة تم إنتاج أول جهاز تصوير مقطعي لتصوير الدماغ وسمي على اسم الشركة EMI Scanner واستخدم في مستشفى اتكنسون مورلي في في ولاية وينبلدون البريطانية وأول شخص تم عمل مسح مقطعي لدماغه كان في العام 1972، و احتاجت عملية مسح مقطع واحد إلى 4 دقائق والزمن المطلوب لتكوين الصورة بواسطة الكمبيوتر يحتاج إلى 7 دقائق لكل صورة. وهذا الجهاز يحتاج إلى وضع الشخص في وعاء خاص مملوء بالماء لتقليل التعرض لأشعة اكس الصادرة من الجهاز أثناء عملية المسح والتصوير. الصور الناتجة من هذا الجهاز كانت ضعيفة من ناحية القدرة التحليلية Resolution وتبلغ 80*80 بكسيل فقط. أجيال جهاز المسح المقطعي CT تصنف أجهزة المسح المقطعية إلى عدة أجيال حسب تطور آلية المسح وسرعته والمدة الزمنية المستغرقة لتكوين الصورة، وسوف نستعرض هذه الأجيال ونناقش مراحل تطورها. الجيل الأول استخدم الجيل الأول من الماسحات المقطعية شعاع بسمك قلم الرصاص يوجه إلى الجسم ويتم رصده بواسطة كاشف واحد أو اثنين فقط. والصور يتم تجميعها من خلال مسح دوراني وانتقالي حيث يكون مصدر أشعة اكس والكاشف مثبتان في جهاز يسمى الجانتري gantry ويدوران بالنسبة لبعضهما البعض بحيث يكون جسم الإنسان في محور الدوران لهما. وتقدر المدة الزمنية للصورة الواحدة حوالي 4 دقائق حيث يكون الجانتري قد عمل دورة كاملة 180 درجة ثم ينتقل الجانتري لمسح جزء آخر من جسم الإنسان. وكان استخدام هذا الجيل يتطلب غمر جسم المريض في حوض مائي لتقليل تعرضه لأشعة اكس. الجيل الثاني تم تطوير جهاز المسح المقطعي بحيث زاد عدد الكواشف وأصبح شعاع أشعة اكس أكثر اتساعاً ليغطي الكواشف المقابلة له. طريقة المسح لا زالت شبيه بطريقة المسح المستخدمة في الجيل الأول عبارة عن مسح دائرة وانتقالي حول جسم الإنسان، وزيادة عدد الكواشف وزيادة اتساع أشعة اكس أدى إلى أن تكون دورة المسح لكل مقطع من مقاطع الجسم تغطي 180 درجة بانتقال 30 درجة بدلا من درجة واحدة كما كان في الجيل الأول مما أدى إلى تقليل زمن المسح. الجيل الثالث طرأ تطور ملحوظ على الجيل الثالث من حيث السرعة في الحصول على الصورة، وذلك بإلغاء الحركة الانتقالية وجعل الحركة دائرية فقط، مما جعل زمن المسح ثانية واحدة فقط. وللتخلص من الحركة الانتقالية أثناء المسح في الجيل الثالث تم تصميم الكواشف التي ترصد أشعة اكس التي تنفذ من جسم الإنسان على شكل قوس مما يحافظ على مسافة ثابتة بين مصدر أشعة اكس والكواشف أثناء الدوران. كما تم إضافة حواجز بين المريض وأشعة اكس وبين المريض والكواشف لنضمن حزمة رقيقة من أشعة اكس التي تنفذ إلى جسم الإنسان مما يقلل من تعرضه للأشعة. الجيل الرابع تم تصميم الجيل الرابع مشابها للجيل الثالث من ناحية المسح بحركة دائرية فقط، والإضافة التي طرأت هي على الكواشف التي تم تثبيتها على كامل محيط الجانتري والتي بلغ عددها 1000 كاشف، مما جعل الحركة مقصورة على مصدر أشعة اكس فقط مع ثبات الكواشف لأنها تحيط كامل الجانتري. هذا التصميم جعل مسح مقطع كامل للجسم لا يستغرق أكثر من ثانية واحدة. |
لي عـــــــــــــــــودة مرة
أخرى بمواقف بعيدة عن الاجهزة المعقدة أنتــــــــــــــــــــــظروني |
غريب ليش ليحملوووه في جولاتهم ايش يستفيدووو منه غير الضررر ...
اخووي قمم يعطيك العافيه ع المووضووع والمعلوومات بجد استفدنا منها فيه اشياء ماكنا بنعرفها وعرفتنا عليها.... يعطيك الف عافيهـ وبنتظارر موواقفك... |
السلام عليكم اخوي قمم
اسأل الله ان يرزقك البعثه ويسهل امورك تدري موضوعك يندرج تحت علم ينتفع به ان شاء الله ان هالموضوع يضل سبيل لك من الحسنات لانك افدتنا جدا حزنت وعورني قلبي على العجوز وردة فعل اللي جابها اعووذ بالله من قسوة القلب اما مواقف الاطفال واللي يدخخلونه بانوفهم هههه الله لا يبلانا مر علي موقف شبيه بذا المواقف اما برنامج الجوال الله يحمينا ويحمي عيالنا وفعلا يوم يقولون الجاهل عدو نفسه بانتظار اخبار عن زميلك الله يفرج له وجزاك الله خييير وتستاهل التقيييم |
أخوي قمم مشكور على المعلومات المفيده اما بالنسبه الجوال المفروض يمنعونه بالمحلات اللي تنزله...ناس ماتعرف أضراره الا بعد ماتصيبهم الله يستر عليهم يعطيك العافية... |
يعطيك العافية اخوي على المعلوومااات الي صج استفدت منها وعلى عرض صوره البرناامج .. لان في ناس ما يعرفوون اضراار هذه البرامج .. بانتظاار جديدك من المواقف .. |
طبعا السالفه اللي بقولها ماصارت في
قسم الاشعه بس صارت معي شخصيا كنت مخلص الدوام وطالع من المستشفى الكلام هذا يوم الاربعاء اللي فات صراحة تفاجأة بالاسعاف ينزل مصاب وراه مجموعة من الحريم يركضون قربت أبي أسال قال لي طبيب في الطورئ أنه مصاب أصابات بليغه ولازم ينقل للعنايه الفائقه واحتمال ما يعيش أكثر من أربعة وعشرين ساعة طلعت من عندهم وتوجهت للمواقف وتفاجاة بوحدة كبيرة في السن تتبعني وتقول وقف أبي أسالك قلت أتفضلي ياخالة قالت أنه ولد بنتها دخل المستشفى هالحين وأنه ماحد طمنها عليه وهي جايه مع خواته ومامعهم رجال قلت لها والمطلوب مني ياخالة قالت أبيك تشوف وش سوى تكفى طبعا ماقلت لها أني موطبيب حتى ماتعتقد أني أتهرب منها رحت أمشي معها واحاول أفهم وش سبب الحادث قالت أنه تهاوش مع ولد خاله ودعسه بالسيارة تخيلون وهو يتيم وله خمس خوات مايكد علينا ألا هو هو اللي يعاين فينا صراحة عورني قلبي يوم تقول الكلام هذا من يوم جيت الديرة هذي واشوف العجب العجاب ماحبيت أبلغها باللي قالوه اطباء العنايه المركزة طمنتها وقلت لها تروح هي والبنات وتخلي أحد من الرجال يجي لان البنات كانوا شايلين المستشفى بصياحهم بس قالت أنهم في الشرطه مع الثاني جاني فضول وسألتها مرة ثانيه ليش سوى كذا قالت الاول تلفض على الثاني بكلام موزين وهذاك ماقدر يمسك نفسه رحت الجدة والبنات وانا وعدتها أني أجلس مع أني كنت مواصل علشان أطمنها على حفيدها اللي قام بعد ماخض قلوبنا ودخل في الغيبوبه سبع ساعات تذكرت وانا عندهم أيام ماصار الحادث على أخوي محمد وبلغوني أنه دخل في غيبوبه واحتمال تدهور حالته ويموت دماغيا احمد الله ألف مرة لما أمر من عند جناح العنايه الفائقه اللي رجعلي محمد أخوي وماخلاني أذوق الحزن عليه .............. الولد قام بالسلامه وهو الحين في جناح التنويم وكل يوم أمر عليه الله يرجعه لاهله يارب ................. اللي سأل عن سالم طلع من التوقيف وباشر عمله من جديد وتم أسقاط القضيه |
.....لاحول الله ولاقوة إلابالله قال قال رسول الله صلى الله عليه وسلم " ليس الشديد بالصرعة وإنما الشديد الذي يملك نفسه عند الغضب " و الصرعة تعني الذي يصرع غيره بقوة و يغلبه-تختلف درجات الناس في الثباب وضبط النفس أمام مايثيرهم من الأحداث التي تصدفهم .... شــــــكــــــــــــــــرآ لكـــــــــ ياأخــــــــــوي وقواة الله وجزاكـــــــــ الله....... |
لا حول ولا قوة إلا بالله
الله ييعينكم والله تشوفون حاجات تقطع القلب.. وألف الحمدلله على خروج صاحبك بالسلامه ومبرووووك إسقاط القضيه.. |
الحمد لله على خرووج صديقك بالسلامه واسقاط التهمه عنه
لا حول ولا قوه إلا بالله يعني مشاده كلاميه واخرتها بالعنايه المركزه بجد الله يعينك اخوووي ع اللي تشووفه يعطيك العافيهـ |
لا اله الا الله بصراحة القصة تعور القلب والله يعينك على هالمواقف.... والحمدلله على سلامة رفيجك.... وناطرينك ان شاء الله تجيب مواقف تونس.... |
الحمد الله على كل حال
وصح نبي مواقف تونس ........ |
موضوع رائع قمم
ومواقف اروع ومعلومات فادتنا بنتظار الجديد من المواقف |
الســـــلام عليكم اخوي والله قصة تحزن بس الحمدلله على سلامته قدر ولطف والله يسلم كل احبائنا من الحوادث اي كان نوعها حمدلله عسلامة رفيقك |
♪♪♪ يا الله ..! هذا وهو ولد خاله وماسلم منه .. اعوذ بالله من جد عورني قلبي .. الله يخليه لخواته حزنت عليهم .. والحمدلله على سلامة اخوك وخويك .. ♪♪♪ |
في الحياه نسمع بقصص عجيبه الهذه الدرجه وصل به الغضب
تذكرت قول المصطفى الحلم عند الغضب دمت بود |
اقتباس:
كحيلة 33 كلامك سليم شرفني مرورك |
اقتباس:
القمري صدقيني اللي أرويه هنا شئ قليل من اللي يصير والله يعين والله يسلمك مشكورة شرفني مرورك |
اقتباس:
الله يسلمك ويعافيك شرفني مرورك |
اقتباس:
نور الليالي الله يسلمك وكل مهنه لها سلبيات ومهنتنا يبيلها قلب قوي شرفني مرورك |
اقتباس:
الله يسلمك أن شاء الله مايكون خاطرك ألاطيب بس المواقف اللي تونس على قولتك تكون لحظيه بس ولايهمك أنتظريني شرفني مرورك |
اقتباس:
بحة حنين من ذوقك والله والموضوع كله لكم ولفائدكم شرفني مرورك |
اقتباس:
امين الله يسلمكم ويسلم كل اللي يعزون عليكم من الحوادث والله يسلمك شرفني مرورك |
اقتباس:
آمـــــــــــــين الله يسلمك وشرفني مرورك |
اقتباس:
عزتي في كبريائي تسلمين شرفني مرورك |
اليوم في القسم ماكان فيه مراجعين
أغلب المرضى يجون عن طريق الاسعاف جتنا أم بطفل تقريبا بعمر الخمس سنوات للاشعة ولما خلص الاشعه قال لي زميل لي تدري أن الاشعة خطر على الاطفال وأحتمال تسبب سرطان لهم ولان المعلومة جديدة على سألت وبحث سواء عند أطباء اللي أكدوا لي أن الشئ هذا الى الان غير صحيح وأحتمال كبير يكون دراسات وعن طريق الانترنت اللي أعطاني أجابة شبه شافيه عبر دراسة أمريكيه جا فيها حذرت دراسة أمريكية من مخاطر تعرض الأطفال لأشعة "إكس" أو الأشعة فوق الصوتية قبل سن ثلاثة أشهر أو قبل الولادة لأنها قد تزيد مخاطر الإصابة بالسرطان. وركزت الدراسة الصادرة من المعهد القومي للسرطان في الولايات المتحدة، على متابعة تأثير استخدام أشعة "إكس" والأشعة فوق الصوتية على ألفين و690 طفلاً مصاباً بالسرطان وأربعة آلاف و 858 طفلاً سليماً ممن شاركوا في دراسة بريطانية عن سرطان الأطفال، حيث تبين أن أمهات 305 أطفال منهم قد خضعوا للأشعة أثناء الحمل وأن هناك 170 طفلاً خضعوا لفحص طبي باستخدام أشعة إكس في طفولتهم المبكرة. وثبت أن الأطفال الذين خضعت أمهاتهم لأشعة "إكس" أثناء الحمل لديهم زيادة طفيفة في مخاطر الإصابة بمختلف أنواع سرطان الأطفال واللوكيميا "سرطان الدم". بينما الأطفال الذين خضعوا لفحص بنفس الأشعة في الصغر سجلوا زيادة غير كبيرة في التعرض للإصابة بسرطان الأطفال وسرطان الدم والأورام الليمفاوية. وأصدرت الدراسة تقريراً يشير إلى عدم وجود صلة واضحة بين الأشعة فوق الصوتية وزيادة مخاطر الإصابة بالسرطان لكنها أكدت ضرروة الحذر الشديد من الإفراط في استخدام الأشعة على البطن والحوض للأمهات أثناء الحمل أو للأطفال حديثي الولادة أتمنى الكل ينتبه |
يعطيك العافية اخوي .. صج المفرووض الوااحد يحترس من الاشعة .. خصوصا ان كثرتها يمكن تسبب السرطان كاانا الله .. معلوووماتك والله الحمد تفيدنا ,, فالف شكر لك .. |
مشكووور اخووي قمم
على المعلووومات...بجد صار كل شيء يخوووف يعطيك الف عافيهـ |
أهلين اخ قمم بصراحة انا ماكنت ادري ان الاشعة اللي حنا نسويها لها مخاطر اذا كثرناها بجد استفدت من الموضوع الله يعطيك العافية ويوفقك.... |
اخ قمم مشكور عالموضوع بجد استفدت منه كثيير يعطيك ربي الصحه والعافية |
شكرا اخي على هكذا تنبيه
دمت بود |
موضوع مفيد جدا جدا جزاك الله خير أخوي قمم ....
|
أخى قمم الاعالى ظلالى انا أول مره أمر على المنتدى الطبى ولفت نظرى موضوعك بجد جزاك الله كل خير على الموضوع الاكثر من رائع وعلى المعلومات القيمه اللى طرحتها بصراحه كل المواقف اللى مريت بيها مؤثره جدآ الله يعينك اتأثرت جدآ بموقف العجوز ربنا يصبرها ويحنن قلب قريبها عليها وقصه العجوز اللى فى بطنها جنين انا قراتها قبل كده بصراحه المواقف كلها اثرت فيا جدآ مهنتك فعلآ محتاجه صبر وقوة تحمل ربنا يوفقك ويسدد خطاك ويحققلك امنيتك وتحصل على المنحه وحمدآ لله على سلامة صديقك وخروجه من محنته وحمدآ لله على نجاة اخوك ربنا يحفظه ليكم وأخيرآ....جعل الله ما قدمت لنا من طرح فى ميزان حسناتك وبارك الله فيك وفى أنتظار المزيد |
مبرووووووووووووووك الترقية
ودلنا وين مكانك عشان نجي نصورحنا وعيالنا هههههههههه امزح بانتظار المواقف |
كل اللي مروا من هنا
كل الشكر اليوم جبت لكم أكتشاف خطير طبعا الجهاز ليس وليد اللحظه له مدة تقريبا ثلاث سنوات بس الجديد في الموضوع أن الجهاز يتواجد في كل المستشفيات المعنيه بمرضى السرطان بالمملكه وعقبال باقي الدول http://images.bokra.net/new/129781.jpg "مبيد السرطان" : جهاز إشعاعي يسيطر على الورم السرطاني ويخفيه. الجهاز يلائم الاشخاص ذوي الأورام الصغيرة في الرئتين، الكبد، البروستاتا، الدماغ وحول العامود الفقري. مئات التوجهات والاتصالات من مرضى سرطان الذين طلبوا فحص اذا ما كان العلاج بـ "مبيد السرطان" الجديد ملائما أيضا لحالتهم الصحية. التقرير حول الجهاز الجديد وتحدث عن التكنولوجيا الجديدة التي تمكّن من توجيه حزمة إشعاعية قوية الى الورم دون الإضرار بالنسيج الصحي للمرضى. هذا وتفيد المستشفيات أنه منذ نشر التقرير حول الجهاز الجديد توجه المئات من أجل تلقي معلومات حول الجهاز وطريقة العلاج به. مع ذلك يؤكد الخبراء أن هذه التقنية ما تزال في بداية دربها، ورغم أن الجهاز أظهر نتائج عينية ملموسة فإن العلاج به لا يلائم جميع المرضى. "العلاج لا يلائم جميع المرضى" يقول د. رفائيل بيبر، مدير قسم السرطان في مستشفا "شيبا". "يمكن القول إنه يلائم المرضى ذوي الأورام الصغيرة بشكل عام، بأحجام تصل حتى 5 سنتيمترات في الرئتين، في الكبد، في غدة البروستاتا، وفي الدماغ، بالاضافة الى محاذاة العامود الفقري، ومستقبلا يمكن أن يكون ناجعا لعلاج أعضاء مصابة أخرى. في كل الأحوال الملاءمة الدقيقة ممكنة بعد فحص لدى طبيب مختص بالأورام، وهي تعتمد على مقاييس طبية عديدة أخرى". بين 5 الى 8 مرات علاج لأختفاء الورم يعتمد الجهاز الجديد على تقنية SBRT التي تسيطر على الورم وترسل أشعة بقوة تصل الى 10 أضعاف مما يمكن لأجهزة مشابهة أن تفعل. في الفترة الأخيرة عولج بتقنية مشابهة بالترافق مع العلاج الكيماوي ممثل مشهور وبعد العلاج لوحظ تحسّن كبير على حالته. هذا وقامت مستشفيات "بينلسون"، "شيبا" و"أسوتا" خلال الفترة الأخيرة بشراء أجهزة جديدة من هذه النوعية، التي تعالج الاورام القريبة من أعضاء حساسة. "غالبا ما تكفي 5 الى 8 مرات علاج حتى يختفي الورم" يشرح د. بيبر. " هناك أيضا أروام صغيرة لا تحتاج حتى الى هذا العدد من المرات، اذ يكفي ثلاث مرات لإزالة الورم بشكل كامل". د. مارك فيجودا مدير قسم الأشعة في مستشفى هداسا يضيف أنه يأمل أن تعادل نتائج العلاج بهذا الجهاز نتائج الجراحة لإزالة الورم. بالمقابل، يدعي البروفيسور أبراهام كوطين، من معهد الأشعة في رمبام أن التقنية الجديدة والدقيقة تلائم قسما من المرضى فقط، ومن المرجح أن يكونوا القسم الأصغر من مرضى السرطان. " كنت لأوصي بعدم النشر حول الاختراعات الطبية الجديدة، التي ما تزال غير ناضجة نهائيا" يضيف بروفيسور كوطين. العلاج بالاشعة المحددة ما زال خاضعا للاختبار في إطار أبحاث في البلاد والعالم". وفي تعقيب من مستشفى بينلسون : " هذه طريقة جديدة، نجاعتها في الإشفاء ثبتت لدى قسم من المرضى، في أمراض متعددة. الطريقة التي نطبقها نحن ليست بحثية على الاطلاق، وهي طريقة مستعملة للعلاج في مركز دافيدوف في تل ابيب. للاسف وصل أسرائيل قبلنا بس الحمدلله أنه وصل |
السلام عليكم ورحمة الله اخى قمم الاعالى ظلالى ان شاء الله تكون بخير وصحه وعافيه الحمد لله فعلآ كما قلت على وصول مثل هذا الجهاز للمملكه اولأى دوله مسلمه حتى لو سبقت اسرائيل بالحصول عليه المهم انه وصل لأنه فعلآ لو نتائج العلاج به فعاله كما ذكرتها فهذا يعتبر ليس انجاز وحسب بل رحمه عظيمه من الله للكثير ممن يعانون من هذا المرض الملعون وايضآ رحمه من مشرط الجراحين وحتى لو لائم فئه معينه من المرضى فقط فهو يعتبر ايضا بشرى خير فلا يوجد داء الا اوجد الله له دواء الا الموت عافانا الله واياك اخى وسائر المسلمين من خبائث الامراض وبشرك الله بالخير دائمآ وبارك الله فيك واعانك على الخير وجزاك الله خيرآ على المعلومات وفى انتظار المزيد تقبل تحياتى |
اقتباس:
امبراطورية ع مشكورة على التواجد وشرفني مرورك |
امس صارلي موقف صعب مو علي بس
على كل المتواجدين في القسم توفت مريضه كانت متواجدة في المستشفى في الاوان الاخيرة بشكل مستمر وكانت تاخذ عندي في القسم بين فترة وفترة اشعه تفاجات اليوم مع بداية الدوام تقريبا الساعة 8 بولدها الكبير عند باب القسم ينتظرني قلت عسى ماشر كانت عيونه حمر ومبين عليه التاثر الله يكون في عونه قال الوالد ينتظرتك عند المغسلة الوالدة توفت مع أني كنت عارف عن حالتها وان الاطباء قالوا أنها ماراح تعيش لوقت طويل بسبب وجود تشوة واضح في القلب قلبها موجود في الجهه اليمنى سبحان الله أذكر أول مرة أخذت لها الاشعه ماصدقت رحت معها للطبيب وأذكر الطبيب سألها أنت متزوجه قالت أيه وعندي عيال أتفاجات أنا والطبيب المعالج صراحه كيف جابت العيال وهي عندها تشوه واضح في القلب سألها الطبيب كم هم قالت 6 سبحان الله الله يرحمها ويسكنها فسيح جناته |
سبحان الله والحمد لله ربي يرحمها ويغفر لها ويجعل قبرها روضة من رياض الجنة
موضوع قيم ورائع شدني عنوانه بالاهداءت على اني قرأت اخر صفحة بس ما قدرت الا اني اضع بصمة للعودة للقراءة ان شاء الله بس بسألك هل أشعة التصوير اللي اقصد تصوير الورق تأثر على الحمل ؟؟ اللي زاد جمال الموضوع انه من تجارب شخصية بمحيط عملك موضوع واقعي بعيد عن مواضيع النت المعهودة سجلني من المتابعين لتجاربك يعطيك الف عافية اخوي |
مبروك اخوي الوظيفه وننظر مواقفك
|
السلام عليكم ورحمة الله اخى |
♪♪♪ سبحــــــــــــــــآإن الله .. انا على حسب علمي ان اللي عندها تشوهات بالقلب يكون صعب عليها الانجاب ومتعب لها ولقلبها .. صح ولا لآ !! بس ربك قادر على كل شي .. يعطيك العافية قمم .. ♪♪♪ |
[QUOTE=كومة مشاعر;2714465]سبحان الله والحمد لله ربي يرحمها ويغفر لها ويجعل قبرها روضة من رياض الجنة
موضوع قيم ورائع شدني عنوانه بالاهداءت على اني قرأت اخر صفحة بس ما قدرت الا اني اضع بصمة للعودة للقراءة ان شاء الله بس بسألك هل أشعة التصوير اللي اقصد تصوير الورق تأثر على الحمل ؟؟ اللي زاد جمال الموضوع انه من تجارب شخصية بمحيط عملك موضوع واقعي بعيد عن مواضيع النت المعهودة سجلني من المتابعين لتجاربك [FONT=Comic Sans MS]يعطيك الف عافية اخوي [/FON] كومة مشاعر حياك الله وشرفني مرورك |
اقتباس:
امبراطورية ع دايم منورتني شرفني مرورك |
ماشاء الله قصص وعبر رائعه
وش اقول وش اخلي قصة صديقك الحمد لله ربي فرج كربته وظهر الحق فعلآ تساهل بسيط أدى لموت أنسان بسبب أهمال الطبيب قصة العجوز يعمري وقلبي الله يعافيها ويشفيها يا رب والله رحمتها يوم عرفت ان عندها ورم الله يرفع ضرها وحسبي الله على ذويها المسؤولين عنها معقولة قسوة القلب تخلينا نتخلى عن أمهاتنا ولو ما كان عندها ولد واللي جابها قريبها وينه عنها يظهر الزمن فعلآ تغير وقست القلوب معه والجنين اللي ببطن العجوز 40 سنة فعلا شئ عجيب أنا سمعت قصة مشابه عن أنه قعد سنتين بس ما صدقت عجائب الله في خلقة شئوون ساعة غضب تهلك فيها أرواح اجل هذا يدهس هاليتيم عشان مشادة كلامية سبحان الله يمكن الديرة اللي انت فيها موحده القبيلة فيها ومع ذلك ما فيه أشد منهم غضب اللي يودي الى اجرام بينهم وهم من قبيلة وحده الله يجعل ما تقوم به في نطاق يخص عملك او ما يخصه مثل موقفك مع العجوز وولدهم اليتيم حجة لك لا عليك ويكتب لك فيه الاجر موضوع شدني بكل ما فيه بأنتظار المزيد الف عافيه |
السلاااام عليكم
هادى المريضة بمرضها الغريب و قدرتها على الانجاب بتؤكد قدرة الله تعااااالى اذ يقول عز وجل فى كتابه العزيز بسم الله الرحمن الرحيم (يروق من يشاء بغير حساب ) صدق الله العظيم سبحان الله ... |
اقتباس:
♫ معزوفة حنين ♫ معك حق بس لكل قاعدة دائما شواذ وهذي حاله نادره والله على كل شئ قدير |
اقتباس:
كومة مشاعر ياهلا فيك مرة ثانيه ونورتي متصفحي وجودك شرف |
اقتباس:
doll شرفني مرورك |
|
قوووووة أخوي قمم شلونك...؟؟؟ الحالة المرأة غريبة وتأكد ان الله يرزق من يشاء سبحان الله على حكمته.... يسلمووووو |
اقتباس:
هلا وغلا الله يعافيك شرفني مروروك |
اقتباس:
أهلين فيك دايم يسعدني تواجدك |
حصل معي موقف صراحه أحرجني بشكل كبير أنا
في الاساس ماحب ألبس لبس الاخصائي وسبحان الله صارلي الموقف هذا بسبب اللبس كنت توني مداوم والمدير منبه علي كم مره لازم ألتزم بلبس الاخصائي أنا قبل كنت مطنش ألبس أغلب الاحيان ثوب وشماغ بس من أكد علي حاولت ألتزم لان هذا يدخل في درجات التقيم وأنا مابي درجاتي تنقص لان أبي أرجع للرياض في أقرب وقت المهم وانا طالع من القسم مريت أستراحة الرجال وألايمسك فيني ذاك الشايب ويترجاني أعلمه عن بنته لانها داخل غرفه العمليات وأنا كنت لابس أخضر تقريبا فتوقع أني في العمليات حاولت أفهمه أني بس أخصائي ومالي دخل بالشغلات هذي أصرسبحان الله بعض الناس عنده طاقه غريبه وغصب ألا يحرجني بصراحه خلاني موقادر أتكلم من قدرة الغريبه على الاخذ والعطى قلت طيب تعال معي واخذته لجناح العمليات وهناك صادفت الممرضه المناوبه في الجناح وطلبت منها بالحاح أنها تدخل وتشوف وش وضع البنت في العمليات والحمدلله طلعت وطمنتنا أن العمليه نجحت والبنت الان في الافاقه كل هذا ممتاز بس وش سوا الشايب بدال مايشكرني ماخلا كلمه شينه في القاموس حقه ماجابها كان يسب ويقول أن الحكومه مافيها حيله يوم توظف الاجانب وتتركم أنتم مانتم كفو ومن هذا الكلام اللي خلاني ندمت أني ألتفت له وعاونته بالفعل صدق القائل ربما تفعل خيرا يوم ما للايام القاحله ولكن ربما يكون هذا الخير مصدر شر حاولت تجنبه |
...فعلا خيرا تعمل.....شرآ تلقى فيه أشخاص تخونهم تعابيرهم وردت أفعالهم عكس المتصور... لكن جد غريبه تصرفه بس انت لاتندم على فعل الخير ... الله يعطيك العافيه |
أهلين أخ قمم... بصراحة انصدمت من ردت فعله...بس أهم شي إنك فعلت خير لوجه الله سوي خير وقطه بحر..... يسلمووووووووو |
♪♪♪ استغفر الله بس .. هذا وانت مساعده وموديه .. لو مطنشه وش كان بيقول مثلا !! ♪♪♪ |
يالله قابل الأحسان بالإسائه
اهم شي شويت خير واجرك على ربك يعطيك العافيهـ |
يا الله موقف صعب بصراحه الله يعينك اخى على كل المواقف اللى بتتعرضلها فيه ناس كده مايعرفوش يقولوا كلمه طيبه ولاحتى شكرآ ويخلوك تندم انك عملت معاهم معروف لكن الحمد لله ان ربنا وفقك للعمل الطيب والله وحده يجازيك عليه ربنا يصبرك ويوفقك اخى فى انتظار المزيد تحياتى |
كحيلة
نور الليالي ♫ معزوفة حنين ♫ غيمة شتاء أمبراطوريه ع وجودكم شرفني وردوركم أسعدتني تسلمون |
اليوم قبل صلاة الفجر بشوي رحت للمصلى علشان انتظر الاذان وأقامة الصلاة
لقيت بعض المرضى ينتظرون وفي واحد شكله غريب كان على كرسي متحرك وكان يصلى بشكل غريب في البدايه توقعته وافد بس يوم سلم تأكدت أنه سعودي سلم من الصلاة وسألته عفوا أخوي أنت وش تسوي قال بصوت مرتبك أصلي قلت له بس أنت على خطاء صلاتك غير صحيحه قال ليه قلت القيام ركعتين بتسليمه وهكذا قل لي أخوي أنت اللي غلطان أنا ماصلي القيام قلت أجل وش تصلي قال أصلي صلاة الخوف الحقيقه تعجبت منه وماعرفت أرد ألا بقولة جزاك الله خير طلعت من صلاة الفجر وسألت عن المريض وش حالته خبروني الاستعلامات أن المريض عنده عمليه وكل ما جاء يسويها يرتفع ظغط الدم ويتراجعون عنها وعرفت ليش يصلي كذا مع أن صفة الصلاة هذي كان في عهد الرسول صلى الله عليه وسلم للحرب الحقيقه أنا توني أتعرف على كيفية صلاة الخوف وكيف صلاها الرسول صلى الله عليه وسلم |
سلااااااام أخ قمم... بصراحة أنا أول مرة أسمع بصلاة الخوف ....!!!! والله يشفيه ويعافيه ويرجع لاهله سالم ... تسلم على المواقف.... |
لا حول ولا قوه الا بالله
الحين هذا جزاء الاحساان صج مو كفوو رايح وتعبان واخر شيء يسب صج لي قالوا سوه خير وقطه بحر .. بس خيره لك على شان مره ثانيه ما تخالف ,, |
يعطيك العافية اخوي على جهودك
و على االمعلومه بس انا اول مره اسمع فيها ؟؟ |
♪♪♪ يا الله !! الله يشفيه يمكن يتوتر ومع توتره يرتفع ضغطه .. حلو انه لجآ للصلاة يمكن يطمن قلبه شوي .. عواافي قمم .. ♪♪♪ |
نور الليالي
فوز ♫ معزوفة حنين ♫ مروركم شرفني |
يوم الجمعه الماضي
كنت ماخذ مناوبه من الساعة ثلاث العصر الى الفجر كنت ماخذ اللابتوب الخاص معي بما أنه يوم الجمعه فما راح يكون فيه مراجعين الا للطوارئ بس للاسف كان فيه حادث كبير وماقدرت أطلع من غرفة الطوارئ من الساعة أربع الى الساعة عشر بالليل ويوم رحت لمكتبي واتفاجأ انه اللابتوب تبعي مو موجود والى الان مابين صراحة خسارة قيمته سبعة الآف ريال القيمه الماديه مومهمه بس الاشياء الثانيه صور لي ولاصدقائي ملفات لاغلب المواقف اللي تصير معي ومعلومات كثير عني بعد مافقدت الامل أني ألاقيه شتريت لي واحد طبعا اخذت و متواضع بالنسبه للاول لاني ناوي أخذه معي حتى لو راح مايكون عليه حسوفه |
باخوووووي الله يعوضك باللي أحسن منه بصراحة مت ضحك مادري ليش هههههههههه أعذرني ياااااااخوي....بس والله قوية انه انباق منك... |
♪♪♪ آآآآآآآآآآخخ قهرررر والله .. بس احمد ربك انك رجاال .. وحدة معنا بالجامعة شفتها قدام عيني تبكي انسرق جوالها .. وملياااااان بصورها .. ♪♪♪ |
اللله يكون بعونك اخوي,, والله يعوضك باحسن منه >>يمكن خيره انه انباق ما تدري وين الخيره .. بس استغرب الحين مو بالغرفة شلون انباق >>والله السارق قوي عين داش وطلع واخذ الاب.. والحمدلله انك ريال والصور لو انتشرت عادي .. انا بنيه معانا انباق الفون مالها >>والله يستر الاخت تمشي وتصور فيه شكلها .. |
سبحاان الله اخوي قمم انا تعرفت على صلاة الخووف من ابوي الله يخليه لنا هو اللي علمني عليها مو لسبب لا بس كان مجرد نقاش وكلام يجر كلام اخوي الله يعينك انا اذا انسرق لابي والله ازعل وانقهر لمدة لاتقل عن شهر او اللين اشتري لاب جديد خخخخ احمد الله انك رجال والصوور عاادي اذا انتشرت مو زي الحرمه بتكون فضيحه لها الله يستر على كل مسلم ومسلمه ويعوضك خير من جهازك |
والله قهههر
كيف اتجراء ودخل المكتب وسرق الاب .. وحمدلله جت على كذا لو سرق شيء اثمن من الاب مثل ملفات اوشي ثاني عواااااااافي |
السلام عليكم اخى قمم يارب تكون بأفضل حال بالنسبه للمريض اللى كان يصلى صلاة الخوف انا كمان اول مره اسمع عن صلاة الخوف لكن لو فعلآ فيه صلاه بهذه الصفه فالحمد لله الذى الهم هذا المريض لأدائها عسى ان تخفف من معاناته وربى يشفى مرضى المسلمين جميعآ واما بالنسبه لجهازك اللى اتسرق او ضاع بصراحه حاجه تحزن فعلآ وذكرتنى بشىء مشابه حصل معايا لكن كان موبايل مش لاب توب وكان عليه صور لجدتى رحمها الله مع ابنى الاول وكانت دى الصور الوحيده ليها مع ابنى وبعدها توفت بفتره قصيره علشان كده زعلت جدآ على ضياع الجهاز لكن ان شاء الله ربنا يعوضك وربنا يسامح اللى اخد جهازك ويهديه وفى انتظار المزيد اخى تقبل تحياتى |
شكر بحجم السماء ع الموضوع الذي يحمل الكثير من المعلومات القيمة والتي ليس من السهل الحصول علية بمصدقية قريبة من الواقع دكتور / بسألك عن الفلاش تبع الكام (الكاميرا) أو الجوال هل له ضرر ع الاطفال من صفر إلى 4شهور والحامل ..؟؟ لان أنا استخدم الكام كثير وكل مااجي أصور يقولوا الفلاش مضر ويسسبب أمراض 2/ طيب إيش هي الاجهزه لي تخرج أشعاع مضر وأحنا نستخدمها مانعرف مدى ضررها ..؟؟ |
اقتباس:
قريت القصة هذي وحبيت أعقب علية صح ماعندي الخبرة الكافية علشان أشراحها بشكل كافي بس برد ع حسب معلوماتي هذي سبحان الله لم تكون المراة حامل وتغير وضع الطفل في الرحم يقال له (مختلفة فية ) طبعا تختلف المسمى من منطقة إلى منطقة ممكن تستمر هذا الوضع 2أو 3 المهم في هذي الحالة ماينفع العلاج الطبي الازم علاج أعشاب وهذا يتم عن طريق المراة التي لها خبره كافية وممتازة في هذا المجال لان لها وصفه علاجية معينه |
اقتباس:
الريموت كنترول الجوال الراديو المايكرفون سماعات الاذن وهذا بالذات يسبب امراض لاحصر لها واولها سرطان الدماغ للاطفال |
السلام عليكم
موضوع رائع ومفيد صراحه قريت من البدايه وماقدرت اوقف الابعد ماخلصت الموضوع كامل كل المواقف اللي ذكرتها اخوي مؤثره بجد الله يعينك عندي اسئله اخوي وياريت تجاوبني عليها وجزاك الله الف خير اول شي ودي اسالك عن الجوال انا اجلس بالساعات ماسكه الجوال اما اتصفح النت او اقرا روايه او اسولف على المسن واخواني اللي معهم جهاز بلاك بيري نفس الشي يظلون ماسكين الجوال بالساعات بدون مايحسون بالوقت بسالك عن مدى ضرر هذا الشي على الشخص ماادري اذا كان هذا الشي له صله بتخصصك او لا بس اذا تعرف ياريت تجاوبني والمتابعين اذا احد يعرف اذا فيه اضرار او لا ياليت يخبرنا عنها ونكون شاكرين له خصوصا ذا الايام كثير من الناس اللي مايفارقه جهازه الجوال سؤالي الثاني اختي في حملها الاخير ولدت بعمليه قيصريه فـ قبل تدخل غرفة العمليات سالتها الممرضه اذا كانت اسنانها او اضراسها فيها تركيبة اسنان طبيه فاستغربت ذا الشي يعني لو اختي اسنانها تركبيه طبيه يخلعونها لها ولا وش يسوون بالضبط سوال محيرني صراحه وش دخل اسنانها في عملية الولاده عارفه ان ذا الشي مايخص تخصصك بس اذا تعرف قولي وارضي فضولي :) مشكور اخوي وفالك الجنه |
رذاذ المطر مشكورة هذا بس من ذوقك اما بالنسبه للجوال اكيدله اضرار وكل يوم تظهر دراسه جديده تثبت مدى ضرر الجوال علينا بس الجوال صار ضروره من ضروريات الحياة وانا بالذات الجوال مايطيح من يدي وكل زملائي في المستشفى نفس الشئ والسؤال الثاني انا ماعندي خلفيه وراح أسأل عنه أن شاء الله |
قبل تبدأالاجازة بيوم طلب منا أستشاري معالج نزور احدى غرف المرضى لمعاينه حالة مريض رحت أنا ومعي زميل بالقسم مصري الجنسيه
أسمه احمد دخلنا على المريض وصاروا الاطباء يتشارون عليه خل المستشفى من ثلاث ايام وحالته المرضيه غير مصنفه مايدرون وش فيه النبض طبيعي التنفس طبيعي ومستواة معقول مع كذا داخل في غيبوبه تامه وموراضي يستجيب وبعد مشاورات قرر الاطباء ترك الحاله على ماهي عليه بما أن الوضع اكثر من طبيعي وانا بما اني رئيس قسم الاشعة أحترمت رايهم وماحبيت أعقب عليه خاصه ان الرجال في اواخر السبعين وصعب الفحوصات عليه بس أحمد تكلم ومشاء الله عليه ايه رايكم نعمل أشعه حالا للحنجرة ووالجهاز التنفسي وافق الاطباء على الاجراء اخر شئ ممكن يتوقعه أحد الرجال طلع بالع طقم الاسنان تبعه وهو مافيه الا العافيه وبعد عمليه صغيرة من أطبائنا استعاد الوعي بعدها بيوم ووضعه الحمدالله تمام الله يتم عليه |
السلام عليكم ورحمة الله
اخيرآ اخ قمم رجعت للموضوع بقالك فتره طويله ماعرفناش اخر مواقفك مع قسم الاشعه الحقيقه الموقف الجديد ده للأسف بيحصل كتير وقرأت عن مواقف مشابهه كتير بسبب ممكن تقول قلة علم او قلة خبره فما اكثر المرضى الذين ضاعت حياتهم بسبب خطأ فى التشخيص او عدم معرفة السبب الحقيقى المؤدى للحاله الحقيقه حصل مع اختى موقف ممكن تقول مشابه الى حد ما كانت اختى حامل السنه اللى فاتت وكان عندها نزيف حاد لدرجة ان نسبة الهيموجلوبين عندها وصلت 5.6 وكانت متابعه مع تلاته دكاتره وما كانش حد عارف سبب النزيف الى ان قدر الله وحصل معاها اجهاض فى الشهر الخامس وبعدها بعام حملت اختى مره اخرى وتكررت القصه وكان فيه نزيف تانى والغريب ان الدكتوره اللى بتابع اختى معاها قالت لها ان فيه تؤم وان واحد فيهم مات والاخر حى وأكد كلامها اكثر من دكتور لكن قدر الله اننا اتعرفنا على دكتوره كانت عايشه بالخارج ورجعت اكتشفت سبب النزيف والمضحك انها قالت انه طفل واحد وليس تؤم بس طبعآ كان الوقت اتأخر على العلاج وحصل اجهاض للمره التانيه وكان فعلا طفل واحد المهم اسفه على الاطاله الحمد لله ان ربنا جعل صديقك سبب فى انقاذ هذا المريض ومشكور اخى وفى انتظار المزيد من المواقف تحياتى |
أمبراطوريه ع
يا هلا فيك والله يعوض على اختك يارب فعلا لازم نختار طبيب يكون امين أولا لان اروحنا راح تكون تحت يدة نورتيني |
الله يوفقك يا رب أخي قمم :-)
|
مشكورة
اختي من ذوقك |
مساكم خير ورحمه ,, قصة العجوز ,, ماأقول عنها الا سبحاااااان الله ,,, والغريب رد العجوز وتمسكها بالجنين رغم انه تكتل !!!!! اما قصة المريض أحمد ,, فهذي شي ثاااني ,,, وبعض الأطباء الله يهديهم ماينتبهون الى أمور بسيطه ممكن تكووون سبب المشكله ,, هم شافوا قدامهم حالة غيبوووبه ,, شي كبير ,, توقعوا سبب الغيبوبه كبير ايضا ,,, لكن الحمدلله اللي الله نجاه ,,, المعلومااات عن الجوال وفلاشات الكام أو الريموت ,, جدا خطيره ,,, لكن هالأشعه صااارت حولنا وفي كل مكان ,, بداية من الدوام عند الوقيع ,,, الى المطارات ,, والأشعه نفسها ,, اللي تكشف لنا ماهية المرض ونوعه أو مكانه ,, نفسها خطيره ولها تاثيرااات كبيره ,, لذلك الأطباء ماينصحوون بالأشعه المتكرره ,, طيب ايش الحل ؟؟ الحل الوحيد ,, التوكل على الله تعالى ,, و ( قل لن يصيبنا الا ماكتب الله لنا ) مع اتخاذ الحيطه والحذر في كل الأمور ,, تحيااااتي ... |
اختي
الهاله نورني وجودك ومعك التوكل على الله الشئ الوحيد اللي المفروض مانغفل عنه |
السلام عليكم..
مرحبا اخوي..دخلت للقسم الطبي بشوف لي شغله ابحث عنها و تفاجئت بموضوعك هذا وقريته كله.. اول شي المعلومات اللي ذكرتها عن الاشعه رووعه واستفدنا منها. والله يجزاك خير عليها ومثل ماقالت ام رنو انها من العلم النافع باذن الله.. وثاني شي الف الحمد الله على سلامه سالم.تأثرت مره بقصته.. وثالث شي هزتني بقووه قصه الحرمه الكبيره اللي جايبها ولد اخوها حسبي الله عليه .. وتمنيت صراحه انك ماقلت وشفيها .. زاادت حرتي عليها ..الله يرحمها برحمته.. ورابع شي .. سوو خير وقطه بحر عشان شيبة عرعر اللي هاوشك يوم تجيب له اخبار بنته.. وخامس شي.. الحمد الله بالمال ولا بالنفس اقولها يوم رااح اللاب عليك..لو منك كنت انجلطت..بسم الله علي.. سادس شي احمد هذا شكله شاطر استفيد من وجودك معه.. ونصيحه لاا تستحي ياا اخوووي من وضعك ابدا ولايغرك خبرت اللي اكبر منك ..لو زميلك احمد ما اقترح يسوي اشعه كان الرجال بغيبوبه لين يموت.. شوف كيف اقتراح مثل هذا تسبب بعد الله بنجاة الرجال.. وسابع شي احب اقووولك الله يوفقك ونشوفك دكتوور اشعه قد الدنيا وربي يييسر لك امورك بالمنحه والبعثه.. |
مساء الخير الموضوع جدير بالقراءة الصراحة ..... 1- أول مرة أعرف مدى خطورة الأشعة ... بدليل إن المستشفيات والمستوصفات الخاصة بتعملها للمريض عدة مرات وبلا تردد ... لدرجة إن الموضوع صار عادي ... ماكنت أعرف إنو تكرارها يمكن يكون له أضرار 2- أنا حابه أسال هل أشعة الأسنان لها نفس الخطورة في حال تكرارها؟؟؟ لأنو ماشاء الله بس نروح لطبيب الأسنان بيعمل لك أشعة أحيانا كل مرة ... مش عشان سلامة عيون أسنانك عشان الفاتورة طبعا 3- أول مرة أعرف الفرق بين طبيب الأشعة والأخصائي ... فحبيت أسال الاثنين لازم وجودهم مع بعض في كل مستشفى أو مستوصف .. ولا ممكن واحد منهم يكتفى فيه ... يعني ممكن يكون فيه اخصائي بدون طبيب اشعة؟؟؟؟ ........ والشكر موصول للجميع في القطاع الطبي الموقر |
زارا
اقتباس:
|
اقتباس:
اكيد فيه فرق كبير بس الاخصائي ممكن يسد عن الطبيب في اشياء كثيره الطبيب تكون دراسته تقريبا سبع سنوات والاخصائي اربع اما الفني فسنتين بس واكيد اطمح اكون طبيب والشكر لك |
يازين خلق ربي بس
من فتره وقبل الامتحانات
كان عندنا تطيبق للممرضات السعوديات واغلب الموجودات كانت اعمارهم صغيره يعني بين 18 _ 19 وكان معي زميل لي من جنسيه عربيه الله يذكره بالخير مازال موجود ترى دخلنا غرفة الاشعة وكان المريض سعودي بدينا الشغل وانا بمااني رئيس القسم جلست على شاشة التلفزيون خليت زميلي يشرح للبنات العملي واحنا في نص التطبيق والكل مندمج حتى انا فجأنا زميلي بصرخه اول من تروع انا احمد : مالها عينيكي الطالبه : مافيها شئ احمد: امال عمله كده ليه الطالبه مافهمت عليه وبنفس اللهجه : عمله ايه احمد: بت روحي الحمام شوفي فيه ايه الطالبه : دكتور ياليت نركز على التطبيق البنت كسحت احمد قويه خخخخخخخخخ انا هنا خلاص اتصدد يمين اتصدد يسار خلاص وصلت ويمكن اختنقت من الضحك ووووووضحكت بصوت عالي خل الكل يندهش حتى دموعي ماقدرت اردها والبنت المعنيه قامت تبكي وانا حرام موقادر اووقف ضحك وش اسوي احمد توقع اني ضحكت عليه علشان البنت كسحته بس انا ضحكني اللي شفته وماانتبهت له الا بعد مااحمد نبهني بملاحظته البنت لابسه عدسات خضراء فسفوريه وفيها لمعه ومع النقاب يعني شئ يخوف يازين خلق ربـــــــــــي بس مدري الفايده منها ايش تشويه ومضيعه للمال |
هههههههههههههههههههههه
صدق قمم يازين خلق ربي الله يهدي بناتنا يعني تبي تكشخ وتلبس عدسات مع اني ما احبها ومالبستها من خمس سنين بس ماعليه نعديها بس وشو له هالالوان كنها بسه تلبس الوان معقوله صراحه ماتنلامون من زمان مازرت هالموضوع وشدني الاهداء |
♪♪♪ خخخخخخخخخخخخخخخخخخخخخخخخخ .. مسكييييينة رحمتها الله اعلم انها تحسب انك تضحك عليها .. بس جد ماعندهم سالفة اللي يلبسون عدسسسااات >> فيس ما يتجرآ يحط صبعه بعينه خخخخخ .. عواااااافي قمم .. ♪♪♪ |
_ بِ صرآحَـهْ :/ قهقتْ منْ قلبْ حينمَـآ قرأتُ هذآ الموقِــفْ . . ! مَ أشدّ حرججِــيْ لوْ كنتُ بِ مكآنِهَــآ . . > ولنْ آككونْ بِ إذنِـهْ ، ^^ أسستنقِصُ هذآ التصصرّفَ حقيقَـهْ . . !! نعمْ نتججمّلْ . . ولكِـنْ بِ " آنآقَهْ " آولاً . . وليسَ بِ آلوآنْ !!!! وفِــيْ العينْ آيضضـاً . . !! وفـِيْ مكككآنِ عمـلْ .. ! لآيججبْ آنْ تككونَ المتعلّمـهْ بِ هذآ الششككلْ .. ! تككفيهَــآ صدمَـةةْ الدككتوْ آحمدْ .. ^^ . . قممْ :/ هـذآ المككَـآنْ أححبّ التوآججدْ فيـهْ وقرآءَةةِ الموآقـفْ وَ القصّصْ وَ الآححدآثْ الوآقعيّهْ .. خلفَ أروقـةةِ المششفَـىْ بِ لسسآنْ " دكتورْ " ! دممتَ بِ خيرْ وصححّـهْ وعـآفيـَهْ . . |
هههههههههههههههه ياعزيتي له ماعرف انها عدسه ههههههههههه والله مت من الضحك وبعدين شهالون اللي حاطته قلة الالوان ... الحمدلله ما أحبهم ولا ألبسهم عووووووافي قمم ^^ |
ههههههههههههههههههههههههههههه حرااااام والله الموقف مرررره احرااااااااااااااااااج بس هي الغلطانه مالها داعي الاناقه بشغل مختلط عووووافي قمم ... |
ههههههههه اعتقد احمد ده مصرى
بصراحه عنده حق المفروض المنتقبه دى تلتزم بالسنه وتخفى زينتها والعين اكثر شىء بيفتن ويلفت النظر فى الوجه فعلآ مفيش احسن من الطبيعى انا اكره ما عندى انى اغير فى شكلى بالصبغات او العدسات او اى من هذا القبيل بس بصراحه موقف محرج الله يكون فى عون البنت اكيد كانت فى موقف لاتحسد عليه وانت ما شاء الله قمت بالواجب وكملت عليها هههههه مشكور قمم وفى انتظار المزيد من المواقف تقبل تحياتى |
ههههههههههههههههه مسكينه تكسسسسسسسسسحت ماحب هي الالوان
ههههههه بعدين الدكتور احمد ماعرف انها عدسه ولا يعمل حاله استغباء والفايده زينه >>انا البسها نظر البسها بالجامعه مرات وبالطلعات وبالبيت طول اليوم بعيني حتى 4مرات نمت وهي بعيني خخخخ عوافي قمم لي عوده للموضوع |
يعطيك العافيه يارب
واذا كانت البعثه فيها خير لك ولهلك ربي يتممها واذا فيها شر ربي يصرفها عنك سوال ؟ اليزر حق شيل الشعر مضر ولا ؟؟؟ |
اقتباس:
حياك الله دائما المكان على حسابك والله ياما نشوف حتى الفلبينيات صاروا يقلدون خخخخخخ نوتيني اقتباس:
هلا والله احسن لك عن الثلوث خخخخخخ يعافيك يارب نورتيني |
اقتباس:
ياهلا فيك دايم معك حق مكان العمل للعمل فقط وانا اتشرف بوجودك نورتيني اقتباس:
لا شكله عارف بس كان يبي يحرجها احسن لك مثل معزوفه عن الثلوث خخخخخخخ نورتيني |
اقتباس:
احاسيس والله احراج مو لها بس حتى لي انا واحمد اشكالنا ماكانت حلوه يعطيك العافيه نورتيني اقتباس:
هلا والله ايه مصري يقولي والله عارف انا لنسز بس كده علشان ماتحطها تاني خخخخخ احسن لك عن الثلوث صفي جنب معزوفه وليالي نورتيني |
اقتباس:
حياك الموضوع على حسابك لا عارف بس علشان ماتعيدها خخخخ حتى انا البس عدسات نظر احيانا بس ترى النوم فيها مو زين يعافيك يارب نورتيني اقتباس:
جودي هلا الله يعافيك امـــــــــــين يارب جواب : اكيد مضر بس الفائده اكبر من الضرر فيه علشان كذا يفصلون بين الجلسات |
يعطيك العافيه على الجواب يعني المفروض اجلس بين كل جلسه وجلسه كم شهر
المستشفيات الاهليه اهم ماعليهم الدخل اكثر من وقايت الشخص المعالج |
اما سالفت العدسه ياحياتي رحمممتها يا ويله من الله فشلها وانت كملت الباقي لو انا في
مكانها رجمتكم باالي عندي :( والي سحبها اخوها بين الاسياب عارف ان ماوراها ظهر ولا كان ماسواء كذا ياحياتي رحمتها الله يرزقنا نعمة العقل وحسن التصرف يارب ... |
جودي
هلا نورتيني |
اسعدالله صباحك// مسائك
اخوي قمم استمتعت كثيييييير وانا اقرى المواقف اللي تصير معك مع اني اول مره ادخل هالقسم ونزلت موضوع لي في القسم الطبي وشدني موضوووعك كثير ودخلت وصرت اقرى من اول صفحه لحد آخر صفحه مواقف واحداث جميله الله يعطيك العافيه وتقبل مروري وراح تشوفني كثير في هالقسم لكـ احترامي وتقديري |
حياك اختي بسمه
ومشكوره على الاطراء |
سلام خويي
تصور اني دخل الموضوع بالصدفة وقرات المواقف والله توجع القلب بس موقف العدسه غير شكل كيفيت عليه الله يهديها تلبس لون معقول ولو اني ما احب العدسات ابدا يعطيك العافيه قمم وينولك الي بدك اياه والي فيه خير لك بانتظار مواقف اخرى منك |
زهره
نورتي وتسلمين على الدعوة الله يسمع منك يارب ياهلا فيك على طول حياك الله |
اقتباس:
اقتباس:
مبقدرشى نبلع لسانا لو شوفنا حاجه غريبه انا واحده من الناس باتريق عن الحاجات الغريبه قوى بس البنت عبيطه تعيط ليه عادى يعنى تعيب عليه زى ماعيب عليها عامه الموضوع بدون مجامله جميل جدا واستفدت منه كتيررررر وانا فى انتظار جديدك يااخى |
هلا اختي
jeT'aime والله مصر كلها على راسي انت اهل الواجب واسعدني انك استفدتي واعجبك الموضوع حياك الله دايم |
| الساعة الآن 03:18 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية