منتديات ليلاس - كل المـشـاعر تـنـادي صـاحبي وشـبــلاك

مو سالفة لا طحت من عيني انساك...
...المـشكـله لا طـحت طـاحـت عـيـوني

لاسـيّـر الليـل وشـعــذري اذا مــا لقـــــاك...
...وانت الـفرح نـازعـه مني قـبل لا تغـــــيب

دام الصباح يتـنـفس من هـواي وهــــواك...
...ليه الفــراق البـعــيـد وانت مـني قـــــريب

ماكحل اوراق شعري غير طـاري جفـــاك...
...وماحرك متون صمتي غير جرحٍ عطــيب

كل المـشـاعر تـنـادي صـاحبي وشـبــلاك...
...ماتسمع القـلب غنـالك بـنـبـضـه غـــريب

سولفت بـيـنـي وبـيـني مـره وفي قـفـــاك...
...عـاتـبـت نفسي بما قـلـته وكـررت عــــيب

البرد نـادى ضلوعي واحـتـيـاجي لـدفـــاك...
...اهم واكـبر من مـفارق حـبـيـب لـحـبـــيب

مارحت ابـمـلي فـراغي عـنـد هـــذا وذاك...
...لو تجمع الناس عندي خـاطري مايـطــيب

مـلـيـت ارفـرف بجنحاني واحوم بسمـــاك...
...عطني غصن فيه اعلق حمل كتفٍ صويب

عـوّد وشف قلـبي اللي بالمـحـبـه سـقــاك...
...ضمـيان منّك بعـد عـيـنـك حـزيـن وكـئـيب

ولــعـتـه وبـعــدها لــوعـتــه ومـاكــفـــاك...
...ارجع ولو مارجعـت بشوق ارجـع بطــيب

دام جفن الليل باقي به دموع...
...ليـه انا ماباقي لـدمـعي جــفن