منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   عيّا وفاي .. (https://www.liilas.com/vb3/t156609.html)

بوح قلم 20-02-11 07:05 AM

عيّا وفاي ..
 
مدخل

دفّاك صـدري و التحفـت بحنآنـي
و حطبت من ضلع الصدر بالحشآ نآر
ما قلت لك تكفـى تريـث عشانـي
و لا شكيت الحرّ و الجرح لو جـآر
عطيتك أكثر م اللي اقـدر و كانـي
قصّرت فأعذرني معك هالعقـل طـآر





غصن غصن يذوى ولـه بإنتظـارك
و آسقية من دمع القهر لين يـروى

من علّمك تكسـر ظهـر مستجـارك
لين انثنى عوده رجـا دون جـدوى

شف هقوتي ماتـت تـرد اعتبـارك
لا جاء اعتبار ولا بقى فيـك هقـوى

اشقيت نفسي في هـواك و مـدارك
احاوطـك بالحـب و تغيـب عنـوى

ياخي الهوى وصل و حنين و تشارك
ماهوب من فينا على البعـد اقـوى

جرّبت اشد خطاي و اسلك مسـارك
و عيّا وفاي يطيعنـي فيـك بلـوى

كـل درب ياخذنـي حنينـه لـدارك
مشيت عكسه / وْ صوبه الساق تلوى

كم صاح بك وقتي ترى مـا اتبـارك
إلا إذا فيني انقضى الوصـل مِنـوى

و وعدتني مـاذوق بالهجـر نـارك
و هذا زماني دونمـا وصـل يطـوى

مـا راح اعاتـب دام هـذا قـرارك
رح و أنت من حرّ المفارق بتِكـوى


مخرج

خليتك اغلى من عبر في زمانـي
و خليتني ضايع و مجهد و محتار
مثواك في نفسي و داخل كيانـي
و أنا كما تايه عليـه الزمـن دآر
أقول أنا بنسـاك لكـن عسانـي
ما يمرني شوق ٍ بوسط الصدر ثار


لولوة الدوسري

♪ أَلَح ـان الْوَفَاء •• 20-02-11 11:10 AM

رائعة جدا يابوح
سلمتي على هذه الذائقة الراقية
لقلبك الود والورد

بوح قلم 22-02-11 06:26 AM

مرورج الرائع حبيبتي

ربيع يعافيج

حياج الله

غيمة الشتاء 24-02-11 12:46 PM

جداا رااائعه
تسلمي بووحه
يعطيك العافيه

بوح قلم 24-02-11 10:08 PM

ربيه يسلمج حبيبتي

حياج الله


الساعة الآن 04:06 PM.

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية