|
موقف لاأحسـد عليه
موقف لاأحسد عليه
تم نقلي قبل حوالي اسبوعين للعمل في احد المدن التابعه لمنطقة الرياض الحقيقه لم اكن مرتاح للعمل في هذا المستشفى لسبب بسيط تعينت رئيس قسم ويعمل تحت أشرافي مجموعة من الممرضات السعوديات غير الطالبات اللي يتم أرسالهم من قبل معاهد التمريض للطبيق في القسم الحقيقه بدت لي مهمتي صعبه بس بع أسبوعين من العمل بديت أتقلم الين صار اللي مو على بالي أبد دخل على سعودي وسألني عن أسم بنت تطبق عندنا وانا على نيتي قلت له انها موجودة في كشف الاسماء ماسمعت بعد شوي ألا الصياح وبنت تجر في سيب المستشفى وامن المستشفى والمدير واقفين لاحراك ألين طلعها برا المستشفى وصار يضربها والكل يتفرج ولايقدر يسوي شي لان اللي يضرب البنت أخوها للاسف الموقف جد مخزي موللبنت والمستشفى بس لنا كسعوديين كيف نرضى أن شخص يضرب ويهان بس لانه يحاول العمل بمهنه عملت بها الصحابيات الجليلات واتخذنها جهاد مع المسلمين متى يصل بنا التفكير ان مهنة التمريض مهنه سامية بعيدة كل البعد عن كل مايدس عنها من كلام اغلبه غير صحيح نحن في السعوديه بحاجة ماسه للممرضه السعوديه نحن نعاني عند الكشف والاشعة من الشخص اللي يكون مع المريضه لانه مايبغى يسوي الاشعة الا حرمه مثلها على قولة البعض طيب منين نجيب والسعوديين أغلبه يرفض مهنة التمريض ويراها مهنة رخيصه بحكم الاختلاط الحاصل فيها التمريض مهنة سامية البعض يجهل ماتقدمة من خدمة جليله الحقيقه انا طلعت من السالفه بفايدة موكل شخص يدخل علينا في هندام نقول عنه شخص محترم لان المحترم مايرضى على أخته تهان في الشارع وعلى مرى من الناس يعني ياخوها جيت بتكحلها عميتها |
لا حول ولا قوة الا بالله
موقف مخزي بكل معنى الكلمة كسر اخته مو حرام عليه هي اساسا ما سوت غلط بالعكس بتكون فعلا فائدة لفئة كبيرة من النساء التي يطغى عليها الخجل من اي شخص يقوم بالكشف عليها وفعلا لاحظ ان مهنة الاشعة فئة قليلة جدا من النساء تقوم بهذه المهنة الله يكون في عونك على هالموقف صعب جدا تشوف انسان ينهان ومو قادر تسوي شي الف شكر اخ قمم...... |
....ياحرام أكيد قالت له إنها في مستوصف بدون اختلاط واكتشف ذلك ..... بس لوتفاهم معها في البيت أحسن من الفضيحه شعبنا للأسف مافهم طبيعة هذه المهنة الشريفة التمريض، تلك المهنة المقدسة، والتي مارستها سيدات المسلمين الأوائل منذ عهد الرسول، صلى الله عليه وسلم، في المستشفى اللي أعالحه فيه كله كوادرأطباء وممرضات سعوديات وهذا الشي أفخربه في البلد .... |
♪♪♪ بـ غض النظر عن نظرة السعوديين للممرضة السعودية .. لانه موضوع طال جداله ولا احد طلع منه بفايدة للاسف .. بس صدقت والله لو انه محترم وهامته سمعته وسمعة اخته ما سحبها بهالشكل ..!!! يقدر يطلعها بهداوة لو من جده حرصان .. الله يعينك ياما بـ تشوف مواقف ومواقف من اللي نسمعه .. ♪♪♪ |
تسلم اخوي قمم الاعالي ....من جد موقف ماتحسد عليه بس انا استغرب ليش محد سوى شي ؟؟؟
انالو كنت رجال والله مااخليه يضربها لو على رقبتي ... احب اذكر لكم موقف وقفة عليه بنفسي ومانسية له اكثر من 10 سنوات ولا راح انساه مره كنا طالعين من مجمع الواحه بالدمام مع الوالده الله يطول بعمرهاا وتعرف تصرفاة الاطفال في الماكن العامه تجنن الي مايتجنن وزدنها هالمره حبتين ...المهم اخذنا تاكسي ولمن ركبنا في السياره امي ضربت اختي الصغيره لنها ماكانت تبي تطلع من المول فاالسايق تكلم مع امي وقالها لا تضربينها بس امي عاندته وضربتها مره ثانيه وقالت وش بتسوي قالها راح انزلك في نص الشارع وكان معصب وفعلااا نزلنااا وكان مصري الجنسيه والى الحين اتذكره اعجبني قوة شخصية مع انه رجل اجنبي!!!!! |
| الساعة الآن 02:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية