منتديات ليلاس - [قصة مكتملة] *وشايات المؤرقين*

وااااااااااااااااااااااو وهل يخفى القمر؟
هل يخفى ابداع المبدعين ان كانوا منبعه وجوهره؟
انتي لم تخيبي الظنون ابدا"
فالبدايه عاصفه كما هي الاحداث مع تواليها تعصف بنا يمنه ويسره
لانعرف مكان للخروج من عاصفتك حتى ولو ابتعدنا عن حروفك
ارفقي بنا وبحالنا فنحن غلابا @@

البدايه رووووووووووعه يابنت ديرتي اللي رافعه راسي
غموض حياه معقده متشابكه تتخللها شخوص يعميها الطمع واخرى اعمتها طيبة القلب
ببدى باول انسانه غريبه بخارجها لكنها واضحه وشفافه من داخل--فينوس--
اختيارك للاسم خراااافي مبدع بكل ماتحمله الكلمه من معنى
اسم غريبه لشخصيه هاديه مسالمه بالنسبه لاختها الوحيده غريبه في الشكل لكن الواضح من موقفها مع عذبي انها فينوس حقا" باخلاقها بجوهرها اللي الناس ماتشوفه يكفيها للاسف المنظر الخارجي للحكم على اللي حولها
تحتظن عيال عذبي اللي شايل من اسمه الكثير خصوصا" مع خيانه مهلكه من نصفه الثاني وصايف
اتوقع انها تحمل من اسمها الكثير اللي معلقه بقلبها كذا رجال وصايف بحسنها لكنها بداخلها عكس فينوس
جذبني شخصية ردينه زوجة الاب بالنسبه لديمه والام بالنسبه لعذبي واصيل وفينوس
احس وراها سر غامض غير اللي عرفناه يعني عندي احساس ان وراها قلب كبير يمكن اعماها حب التسلط والبذخ اللي عاشت فيه يخليها تتمادى بهالصفه خصوصا انها تبي تمتلك قلب زوجها ولاقدرت لان ملك غيرها وهذا اللي يخلي التوتر بينها وبين ديمه قائم على اشده
ديمه شخصيه مقهوره من عبث وتحكم زوجة الاب ومن ضعف شخصية هذا الاب عشان كذا تحط حرتها باختها الضعيفه ولااعتقد انها شخصيه مسالمه
اصيل اتوقع من اللي فهمته بين وضوح ووصايف انه شخص قوي وذا شخصيه صارمه لابعد حد واتمنى يكون هالشي فعلا" احس بيكون فيه اكشن عالمي
شملاااان هالاسم بغيض بالنسبه لي والشخصيه سبحان الله ابغض
تافه طماع مستبد وانكى الصفات تتلبسه ماتحظرني لاني انسانه طيوبه--فيس يسبل بنعومه من الطيبه اللي فيه
متواطئ مع وصايف يبيها هو والا يخدعها؟؟
طيب هي شكلها تحبه وتبيه معقوله فيه حقاره مثل كذااا؟؟ متزوجه وتحب؟؟
وضوح زوجه اخو وصايف نسيت اسمه خخخخخخخخخخ
مبين ان علاقتها مع زوجها مهيب مكتمله انسانه واعيه فاهمه ماهيب غبيه وصريحه حبيت شخصيتها يارب مايخيب ظني
هند وخواتها امممممم فضيحتهم عشان اختهم وابوهم ياللاسف بيقدر شملان يطلعهم؟؟
وليش ياخذ منهم اجار معقوله فيه دناءه مثل كذا؟؟؟
ام ديمه اتوقع هي اللي مع شملان
وش حكايتها الحب العذري لابو اصيل وماضيه الجميل؟؟
هل بيكون دورها قوي او ضعيف مثل شخصيتها
ببالي حكي كثيييييييييييير ياشوشو بس حابه اقرى مره وثنتين ويمكن ارجع بردود ثانيه
ننطرك على احر من الجمر
ام توته