|
لعيونكم أحب الليل وبندقة ,,, باستا الربيان ( الجمبري ) طعم وشكل مختلف ...
باستا الربيان العجيييبة http://www9.0zz0.com/2011/01/27/14/446169171.jpgالمقادير : 1 كيس مكرونة (( شكل الأصداف البحرية )) تسلق مع شوية زيت وملح .. لاتكثريين من الملح لأن الأجبان مالحة ,, + علبة كبيرة ويبينج كريم + 1 كيلو ربيان مقشر ومنظف + ( حبة بصل كبيرة + نص حبة فلفل بارد ,, أحمر وأخضر وأصفر ,, الألوان اللي تحبينها + كوب مشروم طازج )) تقطعين الكل شرائح طويلة ... 1 كاس جبن سايل (متوسط الحجم ) +1 جبنة كرافت مبشورة ( الكرتونه الزرقا /الحجم الصغير ) + ا كيس جبنة موزريللا /الحجم الصغير ,,, والأجبان لا زم تطلعينها قبل حتى تاخذ حرارة الغرفة ولما تضيفينها للمكرونه ماتكون بارده وتغلبج في الطبخ ... فهمتوا أكيد ,, البهارات : 1 م ص بهارات الربيان أو السمك أو كاري مدراس // اللي تحبينه //+ 1 م ص ثوم مهروس مع زنجبيل + شوية شطه أو صلصة ناندوز ,, اذا مافيه وتبينها حارة ممكن تضيفين فلفل أخضر حار أو شطة تباسكو أو كريستال .. الطريقة : 1// تحمسين البصل في شوية زيت أو 1 م ط زبدة نضيف الربيان ونقلب شوي لين ما يتغير لون الربيان ويصير أبيض نضيف الثوم والزنجبيل والبهارات ونقلب شوي ونغطي القدر الى أن يتسبك ...بعدين نضيف شوية ملح وشطة حاره أو صلصة ناندوز أو أي نوع صلصه حارة أو فلفل حااار ,, الخيارات كثيره ,, بس اتا احب ناندوز تعطيج طعم ونكهه حلوة ..والشطه الحمرا اللي تنباع في المجمعات مع الأجبان اللي بالكيلو ,, انتي قولي له شطه حمرا ... وهذي استخدمها مع السندويشات ,, واااايد حلوة ,, بس انها مالحه وحااارة ,, يعني لماتستخدمينها تحاسبين من الملح والفلفل .. طولت في الشرح ,, بس حتى تستفيدون ... وهذي حمسة الربيان ... http://www13.0zz0.com/2011/01/27/13/290172737.jpg 2// في هالوقت نكون حاطين ماء المكرونة يغلي ونضيف الملح والزيت ,, ونضيف المكرونة ونخليها تستوي نص استوا ,, يعني مانخليها تلبن أو تنهرس كثير ,, يعني مدة 8-10دقايق يس ,,لأن بنطبخها مرة ثانية مع الخضااار ,, بعدين نصفيها ... 3// نروح للربيان ,, نضيف له المشروم ونحركه معاه عشااان ياخذ الطعم ,, الحين استوى الربيااان ,, نضيف باقي الخضار ( الفلفل الملون ) ونقلب شوي ,, http://www9.0zz0.com/2011/01/27/13/181571474.jpg نضيف المكرونه أول شي ونقلب بخفة ,,, وهذي الصوره لما حطينا المكرونة على الخضااار ,,, http://www9.0zz0.com/2011/01/27/13/639964929.jpg بعدين نضيف الأجبااان والويبينج كريم ونقلب بشويش ,,, ونغطي القدر ونتركه شوي حتى يغلي الويبينج ,,, ونحرك شوي حتى تاخذ جميع المقاددير وتكتسب حرارتها ,,, وهذي صوره ثانية لما ضفنا الأجبان والويبينج ,,, http://www9.0zz0.com/2011/01/27/14/890627399.jpg وووووووبس .. وبالعافيه ,, اذا تبين آخر شي تضيفين كزبرة طازجه مفروومه أو أوريجانو ,,,وهذا الصحن لكم ,,, تفضلوا ... واذا فيه أي استفسااار أنا حاضرة ... |
تسلم لي عيونج وكلج غاليتي
من جد باستا عجيبه ... الالوان تفتح الشهيه والطعم اكيد خيآآآل والاهم التغيــــــــــــــــــــر من الدجااااج للربيان في هالباستااا هو اللي مخليها غريبه شووي اما فكرتج باضافه الشطه للمقادير مبتكره ... ويمكن تساعد بتخفيف نكهة الربيان لا خلا ولا عدم حبيبتي تقبلي كل الود والتقدير ولعيونج فايف ستـــــــــــــــآر |
وااااااااااااااااااااو بي بي
طبق يهببببببببببببببببببل و تنوع الألوان يفتح النفس و على فكرة أنا امووووووووت على الطبخة اللي تكثر فيها الألوان تكون مشهيييييييييييية جداً امممممممممممممممممم سؤال ما يطرح نفسه بس مطروح غصب عنه خخخخخخخخخخخ فيس يرفع حواجبه بنذاله ممكن استبدال الربيان بالتونة. فيس خبل به بندق من حبه للتونة يسلموووووووووووووا مرة ثانية |
اقتباس:
وعيونج سالمه حبوبة ,,, وأهم شي انها عجبتكم ,,, ولما تسوينها بتعجبج وااااااااايد ,,, ومشكوووووره خيتووووو على التقييم ,,, شجعتووووووني وااايد ,,,, الله لا يحرمني منكم ومن تشجيعكم ... |
اقتباس:
هههههههه ,,,, تسلم لي هالطلة ياعمري ,,, وجواااااب يطرح نفسه غصب ,,, اجابة عن سؤالك ,,, ههههه ,,لا ماعتقد تصلح الباستا بالتونه ... قولي ليش ؟؟؟ لأن التونه تتفتت مع التقليب وطراوة الويبينج والكريمه ... لكن ممكن تسويين لبندقك برياني تونه واحنا نسميه ( قشيد ) اذا حبيتي ارسل طريقته ع الخاااص ,,, |
| الساعة الآن 05:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية