منتديات ليلاس - يلعن ابو رجل يذله هوى بنت

صباحـــــــــــو شعــــــــــــــر

ومسائو منقولاتهــــــــأ

ياللي بأساليب الخيانه تفننت
وش رجعك عقب الجفا والقطاعه؟؟
فارق عيوني وابعد ارجوك لاهنت
دامك تصنعت المشاعر صناعه
لعبت لعباتك بتمثيل واتقنت
وألفت كذباتك بفن وبراعه
وخليتني بالنار يومك تمكنت
وقعدت ادوّر في هواك الشفاعه
لآن الحجر من حالتي وانت مالنت
لأني اعطيتك غلا عن قناعه
ساويتك بروحي ومن قلبي احسنت
وزرعت حبك في ضميري زراعه
غدرت بي واخلفت ضني بك وخنت
اثر الهوى عندك مجرد اشاعه
لاتقول برجع بالهوى مثل ماكنت
ضاع الهوى وانت السبب في ضياعه
يوم اني اسهر بالغرابيل وين انت؟؟
يوم اتحرى جيتك كل ساعه
ياللي مع الأيام ضدي تلونت
يامن تفنن في وسايل خداعه
بك من تواصيف الغدر لاتمسكنت
كنه اخوك من الصدر والرضاعه
يالمعدن اللي حكك الوقت بينت
بينً صداك اللي خذيته بضاعه
اليوم عقب اللي جرالي تمعنت
والحر بعيونه يبين انطباعه
ربتني الدنيا على يديك وايقنت
ماكل من يطمح طموح استطاعه
كانك مع العاذل وهمي تعاونت
فا انا تخصص بالصبر والشجاعه
وان كانك اسلوب التحدي لي اعلنت
ابشرلك برجلٍ يشمٌر ذراعه
انا كذا طبعي وبأطباعي امنت
من عافنا يحرم علينا اتباعه
واللي معي صادق بعيني له اسكنت
عندي عن اسلوب الخيانه مناعه
تدري .. مدامك للهوى اليوم ماصنت
اقولها بوجهك وكلّي قناعه
يلعن ابو رجلٍ يذله هوى بنت
إذا تخلى لأجلها عن طباعه

مع خالص احترامي لكم