منتديات ليلاس - سلطه تذو ب توديك عالم ثا ني

يابنات سلطه لذيذه لذيذه لذيذه لذيذه

اتعب وانا اقول لذيذه وربي انا ماحب السلطات لكن يوم ذقتها صفطت الاكل وجلست عليها

وربي تدوخ وادمان

المقادير :

بقدونس

سماق

ذره

فاصوليا حمرا

حمص

باذنجان

صدور دجاج

زبادي

الصلصه الفرنسيه ( امريكان قاردن )

بطاطس عيدان ( حار )

شطة سومطره

ملح \ فلفل اسود \ ليمون

الطريقه :

تجيبين صينيه وتحطين اول طبقه بقدونس وثاني طبقه سماق وثالث طبقه ذره ورابع طبقه فاصوليا حمرا

وخامس طبقه حمص وسادس طبقه باذنجان مقطع قطع صغيره ومقلي وسابع طبقه الدجاج وتكونين مقطعته قطع

صغيره ومتبلته بزبادي وفلفل اسود وملح وليمون وشوية خل وتركينه فتره علشان يتشرب الطعم بعدين

تحمسينه بزيت زيتون وتحطينه الطبقه السابعه

وآخر شي الصوص اللي فوق وطريقته :

الصلصه الفرنسيه اللي لونها اورانج كامله + حمص مطحون علبه كامله + ليمون + زبادي + شطة سومطره

+ ملح وتخلطينها مع بعضها الى ماتجانس وتكون صلصه وحده

وتحطينها فوق الطبقه السابعه وترشين فوقه بطاطس عيدان حار

ملاحظه :

1\ اللي ماتحب الحار تستغني عن الشطه وتحط بطاطس عيدان عادي مو حار

2\ لازم تحطينها فتره بالثلاجه علشان تبرد وتماسك شوي

3\اللي ماتعجبها شكل السلطه لا ترد تجربها اول واذا حبتها تجي للموضع وتحط رايها

لأنو رايكم يهمني مرره ومتأكده راح تعجبكم وحتى اللي ماتحب السلطات تجربها وبتحب شي اسمه سلطه
كان نفسي انزل الصور بس للاسف ماعرفت
اتمنى تعجبكم