منتديات ليلاس - أنـــــآآ رآآآيــــــــــح .. } ّّّّّّ

بسمـ الله الرحمن الرحـيــمـ

السلآآمـ عليكمـ أعضآآآء وعضوآآت .. ليلآس ..

صبآآحكمـ / مسآآؤكمـ ..

.................................. هــــــدوء .. !

صبآحـآآت / مسـآآءآآت

..................... العذوبـه .. عذوبتـكــمـ .. http://www.brydah.com/ib/images/smil...row[1].gif

كلمآآت رآآقتني .. وتشّربتني .. وأرهقتني .. وآلمتني ..

................. فـ بكيت ..!!

.. [ أنــــآآ رآإآآيـــح ] ..

لـ شآآعـري المفضـل / .. سآلمـ سيّـآآر .. }

.. .. ..

انا رايح ..

شدو عيوني ومشيت ..

زحمة اصوات وبنآدق .. رفرفت فوقي حمامه ..

غمض القلب ودريت ..

ان بلادي توها الحين اتوضّى ..

وتو علمها من قلوب الناس رفرف ..

يرفع الدنيا بمقامه ..

انا رايح .. وانا رايح ..

مامعاي الا التشهد ..

والوطن ..

وعيون امي ..

شدو عيوني ومشيت ..

وشفت انا وجه الكويت ..

افرحي .. لايتكسر دمعك بلهفة جفوني ..

لايتنثر وجهك بظلمة عيونـي ..

ودي اطير من ورى عيونك حمامه ..

ودي اركض تحت صوتك ..

اركض اركض ..

اركض اركض ..

واحضن بقلبك غمامه ..

شلون اطولك .. والثرى يرقب عيونك ..

انتي بعيونك قمر .. كل مااسدلتي جفونك ..

نامت بقلبك بشر .. السما مقلوبه عندي ..

انتي راسك بالسحاب .. واسفل اقدامك زهور ..

انتي حتى النور يلبس من جبينك ثوب نور ..

انتي شمس الارض تاجك ..

حتى خير الارض ياخذ .. خيره من خيرات صاجك ..

انتي رمح الصبح واطول من صباح الرمح صبح ..

انتي حتى الجرح يخجل انه فيك يصير جرح ..

ياصباح الشمس انتي ..

كل ماشدو عيوني .. صرت اشوف الكون فيك ..

قيدوني .. صرت اشوف القيد قلبي ..

وجيت احطه في يديك ..

وهذا معصم .. عمري من بين الاماني ..

صار يرفرف من مكاني .. لأول عيونك خذاني ..

آه ياحلو المواجع .. بين يدي وبين قيدي ..

يكفي وجهك لانبضني .. من ورى الشريان انهض ..

انهض الذكرى واقول ..
لاوقف عجل حرايب ..
جينا تحت العج ريح ..
موتنا عشق المصايب ..
من عزاوينا يصيح ..
رمحنا يابنت صايب ..
في معاليق الذبيح ..
نرمح الليل بغرايب ..
ونشرق العلم الصحيح ..
دونك نشد الكرايب ..
حتى قلبك يستريح ..
عوّد الغدار تايب ..
لاشرب صوت الفحيح ..
ماب انا يابنت خايب ..
ولاب انا واحد طريح ..
فلّي يابنت الذوايب ..
كلنا دونك نطيح ..
حنا بقلوب القرايب ..
نبري القلب الجريح ..
بالعطا حنا السحايب ..
والعطا منا شحيح ..
شلون اطولك بالكتايب ..
وانتي اطول من مديح ..
ياعروس الارض انتي ..
انتي اطول من مقامي ..

قلت اطولك بالشهاده .. وانزل بقلبك عريس ..

شدو عيوني وسهيت ..

وقيدوني .. من على ظهر خشبه ..

المطر من وجه امي .. ولا من قلبي بكيت ..

ياصباح القلب يمه ..

ادري تو الحين قمتي .. وارتفع صوت المآذن ..

والعصافير اتريق ..
فجرها من فوق راسك ..
ادري .. ادري رحتي عند بابي ..
والمطر من صوت قلبك .. يطرق الدنيا بغيابي ..
اقعد اقعد للصلاة ..
قلتي .. قلتي الغيمه مساجد ..
والمطر بقلوب ناسك ..
طش معاهم للصلاة ..
الا يمه شلون قلبك ..
قولي .. قولي وشلون الاماني ..
وجمعة اخواني ومكاني ..
وضحكتي لما اتناثر ..
من على وجه الصواني ..
والعيون الي تراقب .. غيبتي بوجه الثواني ..
كل ماادخل تقول .. : يابعد زولي وطولي ..
يابعد ريحة جدودي .. انت .. انت .. ياصقر النشامى ..
لاتأخر .. خآصه في وقت الغدا ..
لاتخاف الجوع وانا امك ..
في ضلوعي قلت اخبي لك غدا ..

هذا قلبك ..مابكيته ..
ادري لو ابكي كسرته ..
الصبر يايمه مسلم .. بس هذا الذل كآفر ..
يكفي يايمه اتحضن .. وجهك بقلب المحاجر ..
يكفي عيونك تراقب .. زولي من فوق المخاطر ..
دشي يمه .. دشي يمه ..
راح يايمه اتأخر .. وراح انام بلا غدا ..
هذا صوتك .. مامحيته .. من على ابواب المدارس ..
وانا فوقي الف طلقه .. والف حارس ..
هذا خوفك .. مانسيته .. يفتح جفون الدفاتر ..
واتصفح من رموشك صفوة سيوف وخناجر ..
واتذكر .. الولد .. الولد ياوليدي يرقى ..
لاانزلت فيه المخابر .. الولد ياوليدي تحيا ..
من فعل عمره مقابر ..
ودي تبني من جروحك .. حق طموحك .. لك وطن ..
الجسد .. خله يطيح .. خله مايقوى يشيل ..
كثرة اهدافك براسك .. ولاانخلق ندٍ يبيك ..
وانت اصلا ماانخلق ندٍ في نفسك ..
الامن نفسك وفيك ..
الوطن ياوليدي شايل من على اكتافه رجال ..
وانت عالي .. ودايم العالي يشيل ..
من على كتفه وطن ..
لايهدك ريح حزن .. ولايهدك حزن ريح ..

لاتصير المجد لا لا ..
ودي هذل المجد ينزل .. تحت رجلك ..
لين اشوف المجد منك .. ياولدي هو يتمجد ..
لاتصير الطيب لا لا .. ودي طيب الناس ياخذ ..
طيبك ومنك يتجدد ..
وان لمحت غيوم عزك ..
اصعد اصعد .. اصعد اصعد ..
واطعن القلب وترعد ..
وانزل بقلب النشامى .. واحطب بدم النخاوي ..
وخل صدرك .. مدهل لأهل الهقاوي ...
وخل عيونك دلتين .. ومرحب عيونك قبل كفيك اتوقد ..
لو تشوف الموت مره .. احضنه مليون مره ..
ودي من حضني تروح ..
لما اروح الارض تحضن .. عمرك وفيها اتمهد ..

ماني امك ..
والحليب الي رضعته .. مايهمك ..
اذا قلب جدار بيتي .. مايتقلد .. من تخرجك الشهاده ..
وانثر بحفل التخرج .. كل عيوني ..
لك هلاهيل وقلاده ..

لاا يايمه ..
الوعد لوهو نساني .. من وعد روحك ذكرته ..
هذا انا راجع يايمه .. واسمع اصوات الخلاص ..
واسمع اصوات الأوامر .. والبنادق .. والصراخ ..
قلت افتح .. داخل عيوني عيوني ..
حتى اطيّر كل عيونك عن عيوني ..
واحضن بشوفي الرصاص ..
الاوامر .. والزناد بـ دم بارد ..
يضغط الموت واسابق .. طلقته واطلق شموخي ..
واسكن بقلب الرصاص ..

ادري ..
ادري ..
غمضتي وطاحت ..
من ورى قلبك شهاده ..
ادري ..
ادري ..
غمضتي وطارت ..
من ورى عيونك حمامه ..

..................

~

http://www.brydah.com/ib/images/smil...row[1].gif