منتديات ليلاس - الـــــــــــلي غلا تــــــــــــــــة غيـــــــــــــــــر

«اللي غلآته غير...»

اللي غلآته غير جت طعنته غير
دنيـآك هذي كل أبوهآ .. غرآبة

ياقلب مهما .. تنطعن خلك كبير
دنيآ الوفآ لآ زال فيها .. رحآبـة

دوّرت لجروح الحبآيب معآذير
وللحين أدوّر .. مالقيت الإجآبة

واللي هجرني دون معنى وتفسير
أبرك محآصيل الجفآ في ذهآبه

ويآطير ياللي تفرد الريش يآ طير
أفرد جناحك لـلفضآ .. لآ تهـــآبه

أنا تعبت أمشي طوآل المشآوير
وذيب الحزن غـرّز بالأقدآم نـآبـه

وأضحك وأقول أن الموآجع مقآدير
والقلب محد حسّ به في مصآبه

أكبر مهآزل هالزمن سرّك في بير
والبير وسطه دآب..وأصبح خرآبة

مجرد إنك تحكي السرّ بالخير
يطلع لكلّ النآس بأسبآب / دآبـه

لو أن لأفعـآل الأوآدم تقــآرير
أكثر .. خفايا هالأوآدم تشــآبه