خوخه ,, تفضلي صينية الدجاج بالويبينج كريم,,وبالصور ,,روعه لاتفوتكم
 

في هالوقت تقطعين ,, حبة فلفل أخضر بارد +مشرووم طازج + بصل + باذنجان ,, شرائح متوسطة السمك .. حلوة السمك هذي هههههه

تسخنين شوية زيت لتحمير الخضروات وتبتدين بالتحمير حتى تاخذ الخضار اللون الذهبي ,, بس حمري كل نوع لوحده ,, ثم صفيهم على ورق المطبخ لامتصاص الزيت الزايد منها ,,,

حمري قطع الدجاج في زيت الخضروات نص استواء,,, لايستوي الدجاج كامل لأنك بتحطينه في الفرن ..
لما ياخذ الدجاج اللون الأحمر الحلو شيليه وحطيه على ورق المطبخ ... نفس الخضار ,, محد أحسن من حد ,,ههههههه

في اناء حطي علبة ويبينج كريم كاملة أونصها على حسب حاجتك ,, انا بالنسبه لي استخدم علبه كاملة لأني ابيها تغطي الدجاج ..

المهم تبلي الكريمة ب : نص م ص فلفل أبيض +شوية ملح + نص م ص بهارات مشكله +فص ثوم وشوي زنجبيل مهروس وتحركين المقادير بالملعقة ,,

الحين في صينية بايركس أو صينية فرن ,,, صفي الدجاج والخضار ... وبعدين صبي عليها الكريمة ودخليها الفرن من تحت أول وبعدين من فوق عشان تتحمر..لمدة 30- 45 دقيقه ,,,وقدميها مع الرز بالشعيرية أو الرز بالزعفران,,,

طريقتي في الرز بالشعيرية ...
شوية شعيرية تحمرينها في 2م ط زبدة لين تاخذ اللون الذهبي ,,,
الرز يكون مغسول مسبقا ومنقوع لمدة نص ساعة ثم يصفى ,,, حطيه على الشعيرية وحمريه شوي معاها لين تحسين حبات الرز خذت اللون الذهبي ...

صبي عليه ماء ساخن تذوبين فيه مكعب ماجي وملح ,,, وتتركين الرز لما يستوي ... اذا تبين الرز نثري خلي كمية الماي فوق الرز بواحد سم ,,, وخليه على نار عاليه شوي لين يغلي الماي وتتضاعف حجم حبات الرز ,, وبعديت خففي على الناار وغطي القدر بقصدير واتركيه على نار هاديه لين يستوي ...

وهذي صور الطبق لعيونكم الحلوه .. وعشانك أحب الليل ,, حتى ماتتعبين وانتي تتخيلين مع انو التخيل ينمي التفكير ..ههههه

هذا الدجاج والخضار لما حمرناها ,,

http://www.liilas.com/up/uploads/liilas_13123127711.jpg


وهنا نشوف الويبينج كريم مع البهارات ,,,

http://www.liilas.com/up/uploads/liilas_13123148311.jpg


وهذي صينية الدجاج لما طلعناها من الفرن ,,,,[/FONT][/CENTER]
http://www.liilas.com/up/uploads/liilas_13123127713.jpg


http://www.liilas.com/up/uploads/liilas_13123127724.jpg

بي بي شكل الطعم خيااال يسلمو


اعجبتني متوسط السمك واقول بقلبي ياربي هو دجاج والا سمك اثرس تقصدين السمك فيس محشش ههههه

وآآآآآو .... عجزت اتخيل شكلهآآآ نبي صور بالمرآت اليايه >> فيس متطلب هههههههه

تسلم ايدج غناتي

واااااااااااااااااااااو بي بي الله يجزاك بالخير والله شكلها لذيذه بس ليتك حطيتي صوره >> فيس يتشرط

بس هذي مو خفيفه يبيلي من الليل اجهزها >> فيس عجاز

بس ابشري الاسبوع الجاي عندي المطبخ بسويها ان شاء الله واقولك اراء اهلي فيها

اما يجلسون يمدحون فيني ولا باخذ تهزيييييييييييء محترم وتحذير من اخواني ماادخل المطبخ خخخ >> بس ليت امي

تسمع كلامهم هههه

الله يعافيك ويسلم يدينك عن النار ويحبب زوجك في طبخك خخخخخخخخخ

هههههههه ،، ضحكتيني ام رنا ،، وانا اكتب الطريقه ،، قلت أكيد بيقرونها سمك ،، بس قلت اكيد اللي مثلك وشرواج بيفهمووون ،، وزياده للتوضيح انا أقصد سمك الخضااار لما تقطعينها لشرايح ،، تكون متوسطه لاهي رقيقه ولا سميكه ،،
ويالله جربيها وقولي لي رايك ،، تراها طعمها من جد خيااال ،، وبالعافيه ،،،