|
خمسة عشر فنجال لحنيف صبيت
كثير ما نسمع عن هذ الابيات خمسة عشر فنجال لحنيف صبيت لو انه يروي قربة قد ملاها وكثير من يغير وينسبها لغير شعراءها الاصليين واثناء بحثي وجدت معلومات مفيدة للقصة كامة مع الابيات اتمنى أنها تحوز على رضاكم بيت اشهر من علم على نار ويذكر دائما مع شراهة وكثرة شرب القهوه ولا يعلم كثير من القراء انها محاوره بين.. حنيف بن سعيدان المطيري وناصر بن ابراهيم العبدالكريم وهو من اهل حرمه >>من سدير..وكان صديقاً حميماً لحنيف المطيري .. وكثيراً ماجرت بينهما محاورات ساخنة و تدخل ضمن إطار المداعبات الاخوية... وفي يوم من الايام حل حنيف ضيفاً على ناصر العبدالكريم.. وبينما هما يتجاذبان أطراف الحديث ويشربان القهوة .. دخل عليهما بعض الأهالي حرمه وسكانها .. ويزيد الاقبال على شرب القهوة ولا سيما حنيف الضيف الذي لا يزال يشرب القهوة و يرتشف الفنجال تلو الفنجال وتعد الدله تلو الدله مما جعل ابن عبدالكريم يقطع الحديث بهذا البيت الموجه الى حنيف قائلاً : خمسة عشر فنجال لحنيف صبيت = لو أنه يروي قربة قد ملاها فرد حنيف : لاتحسبني من دلالك تقهويت = ماينقه الشراب من كثر ماها فقال ناصر : ياحنيف أنا في حمستي ماتدنيت = الدله الصفرا نكثر مناها فرد حنيف : وراك ماسويتها يوم سويت = مثل العميم اللي يزين سواها ناصر ليا مني على البيت سجيت = يرخص حلاله ماحسب مشتراها وأبن عقيل اللي يهلي ليا جيت = مشرع البيبان للي نصاها فقال ناصر : سبيتها يوم أنت للضلع لزيت = ضيافتك ياحنيف هذا جزاها ودلال ربعك يوم بالزين ماريت = هم ربعنا قبلك طوال(ن) خطاها فرد حنيف : مانيتي ذمت هل الجود والصيت = الملعبه حنا نقوم سناها ياموصي الحرمه على صكة البيت = تقول ماهو فيه وأنته وراها علم الردى يظهر ولو به تهقويت = علم(ن) وكاد ويشهدون قصراها ياخيبة أمك يوم قالت تمنيت = ياخيبة أمك ياقطيعة رجاها هذه المحاوره كامله للشاعرين ناصر العبدالكريم وحنيف المطيري وهم كما اسلفنا اصدقاء ولكن جاءت هذه المحاورة المازحه الاخويه ولم يكونا يتوقعان ان يتناقلها الحفاظ والرواة حتى وقتنا الحالي . آمل ان تكون هذه المحاورة وصلت الى ذائقتكم وأن تكون قد حازت على رضاكم واستحسانكم http://vb.arabseyes.com/uploaded/47813_1201069781.gif |
يازينهم ويازين سوالفهم وقصيدهم
تحس فيهم معاني الرجوله وطيب النفوس وسعة الافق المدنيه خربت كثير من العادات الجميله مثل استقبال الضيوف بالبيوت والناس تتعرف على بعض وغيره الكثير من يوم طلعت الفنادق هههههههه خربنا نبي نرجع زي اول :lol: الله يحفظك قمر كلك ذووق لا عدمناك اختيار موفق رعاك الكريم |
الله عليس شبيهه من زمان ما سمعتها
ابوي الله يرحمه كان دايم يقولها بس كان يقو ل خمسة عشر فنجال لحنيف صبيت ""لو بطنه قربتن تسد ملاها شكرا قموررره ربي يعطيس العافيه |
اقتباس:
انا اتخيل لو هالموقف حصل بين اثنين في وقتناا تتوقع بتكون مزحه ؟؟؟ الا اخاف تاااصل للمحاااكم ... الله عليك يازمن رحت وراحت معك القلوب الطيبه .. تشرفت بتواجدك ..حيااك فنجاال قهوة ...:lol: |
اقتباس:
انا عمي كاان يقول خمسة عشر فنجال لحنيف صبيت ""لوه يروي قربة قد ملاها .. وبما ان كلامه راسخ في مخي حطيت اللي كان يقوله لي.. وانا قريت القصيده مثل ماقال ابوك .. بس مدري من الراوي الصح هههههه ؟؟؟ وصح كلااام ..ابوك وعمي ... المهم المعنى وصلناا .. ياحبيلهم وياحبي لسوالفهم ..الله يجمعناا بهم في جناات النعيم .. مشكوووره ام رنوو الله لايحرمناا هالطله يااارب .. |
| الساعة الآن 11:47 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية