أم رنا وأحب الليل,,تفضلوا ,,بهارات المجبوس القطري بالصور,,روعه لاتفوتكم ..
 

1- فلفل أسود ~~~ 1 كيلو[

http://www.liilas.com/up/uploads/liilas_13077223621.jpg

2- كزبرة (( جلجلان )) ~~~ 2 كيلو

http://www.9ksa.com/up/get-5-2011-9ksa_com_gt7i8v8z.jpg

3- كمون (( سنوت )) ~~~ 1وربع كيلو

http://www.9ksa.com/up/get-5-2011-9ksa_com_jfzww0rg.jpg

4- كركم ~~~ 1كيلو

http://www.9ksa.com/up/get-5-2011-9ksa_com_4ngbpes0.jpg

5- دارسين ((قرفة)) ~~~ 35 غرام

http://www.9ksa.com/up/get-5-2011-9ksa_com_r9a0pve8.jpg

6- مسمار ( القرنفل ) ~~~ ربع كيلو

http://www.9ksa.com/up/get-5-2011-9ksa_com_mpbzjxqg.jpg

7- عرق الهيل ( خولنجان ) ~~~ ربع كيلو

http://www.9ksa.com/up/get-5-2011-9ksa_com_meewocb8.jpg

8- زنجبيل ~~~ ربع كيلو

http://www.9ksa.com/up/get-5-2011-9ksa_com_p8hxgjjh.jpg

9- هيل حبشي ~~~ ربع كيلو

http://www.9ksa.com/up/get-5-2011-9ksa_com_sui3fgoo.jpg

10- فلفل أحمر ~~~ 1 ونص كيلو ( المدور ,, الظاهر أسفل الصورة )

http://www.9ksa.com/up/get-5-2011-9ksa_com_tyhqe3i6.jpg

11- ينسون ~~~ 100 غرام

http://www.9ksa.com/up/get-5-2011-9ksa_com_594hk9kk.jpg

12- حلوة ( الشمر الحلو ) ~~~ ربع كيلو

http://www.9ksa.com/up/get-5-2011-9ksa_com_aqas636s.jpg

13- ورق غار ~~~ 100 غرام

http://www.9ksa.com/up/get-5-2011-9ksa_com_vpfu3zax.jpg

14- حلبة ~~~ 150 غرام

http://www.9ksa.com/up/get-5-2011-9ksa_com_2uw4p2vx.jpg

15- هيل + حبة البركة ~~~ مقدار كوب أو كاسة ماء تقريباَ

http://www.9ksa.com/up/get-5-2011-9ksa_com_tvzms6lk.jpg
http://www.9ksa.com/up/get-5-2011-9ksa_com_zsenq0gn.jpg

ملاحظة مهمة ::
تشفشفين أو تحمصين الينسون والكمون والفلفل الأحمر فقط ولفترة بسيطة وحاسبي لاتحترق .. ولما تحمصي الفلفل البسي كمامة لأنة يحرق شوي ,,,

بعد ما تجمعين هالبهارات وتنظفينها .. مع انها عادة تكون نظيفة خاصة اذا شريتيها من المجمعات الكبيرة ,, تقومين بطحن البهارات وانا أوديها للمكان اللي يبيعون فيه البهارات أو القهوه وهم يطحنونها ,,أدري بتقولون الكمية كثيرة لكن أنا ماقدرت أخلي المقدااار للنصف.. لكن انتو ممكن تنصفوون المقداار ,,



وهذي البهاارات هي نفسها البهارات المشكلة اللي نشتريها من السووق ,, لكن هذي أنظف وريحتها واااااايد حلوة ,,, وعليكم يالعافية ...

وهذي صورتها ,,, شوفوا لونها الحلو ,,,


http://www.liilas.com/up/uploads/liilas_13077190441.jpg


وهذي صورة ثااانيه ,,, ريحتهاااا تهبل ,,,


http://www.liilas.com/up/uploads/liilas_13077190442.jpg


وهنا كيستها وصااارت جاااهزه للحفظ بالفريزر ,,,


http://www.liilas.com/up/uploads/liilas_13077210741.jpg



عاااد الله الله بالردود الحلوه اللي تفتح النفس عشااااان أتشجع وأنزل مواضيييع ثانية...

شكراً غلاي ،،، والله انتي اللي سيدة الذوق الحلو ،،
وأتمنى انك تجربيها ،،
نورتي متصفحي ،،،

اللــــــــــه ريحتها واصله لعندي<<<خخخخخ

بس من جد شكلها رهييييييبه يعطيك العافيه بقايا

ماغلطت حبوبه يوم سمتك سيدة الذووووق...

عميق الشكر لج غآليتي بقآيآ
ومآتتصورين شكثر فرحت بهالمشاركه المفيده واللي بتوفر علينآ اشيا وايد
ان شاء الله رح اسويهآ وبرسلج انتي اول وحده واللي اشتري منها بهاراتي في البحرين ثاني وحده خخخخخخخخخخ

حبيبتي والله آنا اللي فرحت واااااايد بردج ...
وعسااااه بالعافيه عليج يارب ،، وأتمنى انها تعجبج يارب ..
وخلاااص ترى انتظر نصيبي ،، لأنها أكيد من يدج بيكوووون لها نكهه خاااااصه ..

السلام عليكم
شخبارك بقايا
بهرات عجيبه وخلطة ولا اروع تسلم يدينك حبوبة انشاء الله راح اجربها عاد انا سنعه ههههه واحب الطبخ
يسلمو حبوبة

تسلم ايدك حبيتي

روعه تعرفي عندي اخت تموت بالبهارات


ينقل للقسم المناسب

عليج بالعافيه ،،، جربيها وانشاء الله بتعجبج وبتدعين لي ،،،
وواضح انك سنعه ماشاءالله عليج من طريقة السمك الروعه
...

ههههههه ،،،، ماشاء الله ،،، أشووووف الريحه وصلت للجيرااان !!!!!
طيب لو طبختي بيها شبيصير ؟؟؟ انا اقولج ،،، بيتجمع الحي كله عند بيتكم ،،، خخخخخ

حلو سوسو ،،،
مادام جذيه ،،، سوييها وفاجئيها ... وانشاء الله بتعجبها
نورتي غلاي ...

الله يعافيج ،، ونورتي غلاي ...

تسلمين ياعمري ،،
والمره الجايه الكميه اللي بسوييها كلها لج ،، ههههههههه تامرين امر ،، ماطلبتي شي ...

يعطيك العافيه بي بي

بالعافيه ،،، غيمه ،،،

شاكره لك مرورك العطر ،،،

بالعافيه ،،، خذني ،،،
سوييها وان شاء الله تعجبج ،،،

نورتيني يالغاليه ....

وااااااااااااو الريحه واصلتني من ذا الحين

ماشاءالله رووووعه الخلطه وخصوصا دام فيها حلبه :)

يعطيش الف عاافيه هاله ولاتحرمينا جديدش

الله يعافيج غلاي ،،، وفعلاً رية البهارااااااااات حلوة واااااايد ,, جربها وبتعجبج ان شاء الله
تسامين على المرور ،،،

[CENTER]هلووووووله
يسلمووو حبيبتي خخخخخخ طلع الشمر وانا اقول ويش تطلع الحلوة
مشكووورة حبيبتي الحين اتوضحت لي بعض الاشياء
يعطيك العافية

وانا اقول ايش الرائحة الزينة خخخخخخخ

تحياتي لك وتقبلي مروري

يابعد عمر والله
ايه هذا اللون السنع اللي ابيه مو اللي اجيبه غامج وطعمه حلبة صافية
الله يعطيج العافية
انا كثر ما اكره المطبخ كثر ماني مستعدة اللحين ادشه بس بعد ما اروح لامي الله يحفظها واخليها تمارس هوايتها المفضلة
تجميع البهارات ام العزايم بتستانس والبركة باحلى هلولة
ابي اذل خواتي قبل لا اعطيهم كل وحدة مقدار طبختين
ويمكن ابيعه عليهم بعد
عساج الجنة وتسلم ايدج...........نموره