منتديات ليلاس - (.. قــلـوب مسـلـوبـه ..) ..!

مدخل:

يا كثر من يِلهمْك شعــرك .. غير ما زلت إتْحبـي ..
راجع حساباتـك مع ذاتــك .. ونفـسٍ مُظـلمه ..!

وعـلى كـثر حرمان قلبي .. من صدى كلمة ( أبي ) ..
( مبدع شعر ) من غيــر لا أمـلك في حياتي مُلْهِمَهْ ..!

الظمـى يجتاحنـا .. وأرياقنـا منكوبـه..
والسما يرمش هدبها .. ولا تبي تسقينـا ..!

كلّ ما نسنس من الغربـي نسيـم هبوبـه ..
الكـلام يغصّنـا .. وآمالنـا ترثيـنـا ..!

ليت للعاشق قلوب بداخلـه .. وقلوبـه ..
لجل ما تفقد ( سفينـة أمنياتـه ) مينـاء..!

وليت لاجينا على شان الغـلا ودروبـه ..
ما نقول إليا رجعنا : ليتنـا مـا جينـا ..!

من ثلاث سنين وأيـام الهجـر محسوبـه ..
ومن ثلاث سنين وعيون المساء تبكينـا ..!

ومن ثلاث سنين ماجانا خبر مـن صوبـه ..
ومن ثلاث سنين ذاكرنا غـدى ناسينـا ..!

إعتزلنا الحـب والعشّـاق لا غنّـوا بـه ..
وكلّ صفحة تنطوي بدموعهـا تطوينـا ..!

إيه يا وقتٍ مضى .. والحزْن دوبـه دوبـه ..
كلّ بسمة لا إبتسمنـا يحدّهـا ماضينـا ..!

نعشقه حتى الثمالـه .. هيئتـه وأسلوبـه ..
وذي ضريبة عشقنا .. واللي جنتْه إيدينا ..!

ذنب يودي للهلاك .. ولا قدرنـا التوبـه ..
الله يغفر الذنـوب السـود لا تشقينـا ..!

نذكره فـطيوفه العجلات ليـل شبوبـه ..
لي متى والليل يسمع وإنْ سرى يحكينـا ..؟

العمر لو يستفـزّ .. جروحنـا المحجوبـه ..
لا تطرّيها عليهـم يـا صـدى طارينـا ..!

كم بكينا عاشـقٍ لمّـا .. فقـد محبوبـه ..
ومالقينـا لا فقدنـا .. واحـدٍ يبكينـا ..!

كلْ فناجيل الحزن بأجسادنـا مشروبـه ..
لين صرنا مـا نحـسّ ولا حـدٍ يعنينـا ..!

القدر مكتوب لكـن لا حضـر مكتوبـه ..
ما بقى لـجروحنا واهج أمـل يضوينـا ..!

كنت أظن إن الهوى في مجمله ( أكذوبـه ) ..
لين ذقنا وإفتقدنـا .. والهجـر حادينـا ..!

وكنت أظن إن القلوب اللي بنا ( مسلوبه ) ..
وأثرها من كم سنه .. عاشت وماتت فينا ..!

مخرج :

( أحبّــك ) من بعيــد .. ومن قريّـب ..
جعل يفداك .. ( من شافـك وعافــك ) ..!

عتــاب .. يغيّــب إحساسي .. وأغيّب
وأجيك أطلب .. ترجّع ( حـسّ قافـــك ) ..!

من ( الغيره ) .. فأنــا مانــي بـ طيّب ..
أحسّ إنـي مُســـاءل .. عن عفـافـك ..!

لأني ( بـ كــلّ صراحه ) .. يا الحبيّــب ..
كثر ما كنت أحبّــك .. كنــت أخافك ..!