|
السلام عليكم
الحمد لله على السلامه مفاجأه حلوه ابداع العناد بيودي شاهه و لطام بداهيه بس عندي اسأله ياليت تجاوبوني عليها راسي بدا يدور من اللخبطه متى تزوجت دلال ؟؟؟ وش قصة بداح و نوره بعد ؟؟؟ احيانا اشك ان فيه بارتات ناقصه و ارجع افتح الصفحات ودي |
هلا وغلا شدونة الحمدلله على السلامة منورة فديتش
وش هالمفاجأة الحلوة فرحتيني والله .. خسارة اختي اثرني احبه بتنجلط لان البارت نزل وما تقدر تقراه لانها مسافرة ههههه. المهم اكثر شي عجبني رومانسية الشيبان .. آه ياقلبي .. فديتش كثري منها الله يعطيش العافية والله اسعدتينا بالمفاجاءة .. |
ياالله حي شدووونة الحمدالله على السلامه شكلنا صكيناتس عين وانقطعتي من السفررة<<هع
زي ماتوقعت لطااامي راح ينصدم من حمل شاهه بس ماتوقعته يتبسط لدارقادي بس لطااامي حبيبي خل شاهه تنطق لها وقت عند هالشياب الي مافيهم فايدة غير الطيش والشر معهم معهم عليهم عليهم بثانية قدرو يخلونك طلقها وعجزو يرجعونكم بعض احس زاعت كبدي من سوالفهم وعلومهم،، كش عليك يانويصر اثري ماعندك سالفه ضاعت اعلومك مرة وحدة من شوفت وضحى بس يازين حبهم وغزلهم الله يديمه،،، مستعجله على العرس إبي اشوف المطفوق فلاحوة يوم يشوف الساذجة حصه وشوف الرايق العاشق نهااار ياحظك ياثمينة بالشاعر الولهان والله ثمينة ماتدري منين هابه شكلها ماهي داريه عن حب نهار لها،، بداح ونورة!!!!!!!! حب جديد مابقى غير عليا وجواهر مين تاخذ عساف ومين تاخذ صقر <<مصممات لازم نزوجه وحده من العايلة ويارب تكون عليا والحمدالله على سلامتك مررة ثانية وبنتظااار العرس كللللللللللللللوش |
. السلام عليكم ,, ما شاء الله مبدعه ياشدونه ,, نجي للهذره ,, لطام شاهه ,, تصدقين عاد كنت كتوقعه هي اللي راح تكره حملها لأنها كارهه لطام ,, وتصدقين يوم قالت سبب طلاقها و انه عشان امها حبيتها ,, بس صراحه مدري ليش تحبه أي شخص يسيء لأمها المفروض تحرم على روحها أنها تشيل له ذره غلا ,, حتى لو تحبها ,, هذه امها و هذا اللي قذفها و كان من بين اسباب بعدها عن حضنها ,, كل شيء الا الام بس صراحه انصدمت من شاهه توقعت هي اللي راح تنزله لا تقولين لا وتعارضين ,, بس خوفه على حياته يشفع لها و ان شاء الله يكون سبب لرجوعهم وخاصه انه بيتم حملها ولا راح يصيبها شيء كثير حريم قالوا لحملوا ماتوا و لا صار بهم شيء الله لطيف بعباده ,, مهما كان راح يظل ولد اللي قذف امها وشك فيها و خلاها سنين تعاني بظلم و هي بريئه ,, بس خوفه عليها يشفع و رهيب و بين قد ايش يحبها ,, بس مدري عشقهم مو داخل راسي ,, ممكن لطام يحبها لانها ربت قدام عينه ,, بس هي وش اللي خلاها تحبه !! سافر معها وهي مريضه واجبه و بعدين اجر وعافيه ,, وش سبب حبها له للحين مافيه شيء مقنع تحبه عشانه ,, والا عشق عيون وهوى قلب ,, وبعدين مسالة تتغطى عنه ليش هي باقي بالعده ,, وهي حامل و عدتها تخلص بولادتها ,, و حتى لو اخذت عدتها بيت لطام حتى تولد لانها مطلقه طلاق رجعي طلقه وحده مو ثلاث ,, وفيه امل انها ترجع له ,, .. ابو ضيدان و أم شاهه ,, تعرفي كان نفسي تستمر ع عتابها وزنها انه ظلمها و أنه شك فيها ولا تعطيه وجه ,, ولو عطاه عيونها ,, الظلم مر و الامر منه أن أقرب الناس لك يشك فيكـ ’’ , بس وش اللي لين راسك يام شاهه ,, يعطيك العافيه يالغلا ,, الله يسعد ايامك ,, . |
السلام عليكم..
مرحباااااااا مليارات دهوونه شدونه.. والله مفاجئه حلووهـ وان شااء الله اللي ردكم وماكملتوا عشانه رحلتكم خير يااارب..والله قهرتيني لييييييييييييش ماا بدأ العرس وخليتينا نشوووووف المعاريس وانطباعاتهم؟؟ مره ثاانيه لاتتسوووين كذااا وخلينا الجزء الجاي نشوف العرس ولمبااته على طووووووووول>فيس يتشرط.. ويل قلبي على لطومي بالله كيف تجتمع فرحه وخوووف؟؟خايف عليها ومستااانس ويبشر بحمل شاهه..؟؟يعني ماعنده نيه على كذاا يززن على راسها لين تسقط الجنين؟؟ ومافهمت هو بيردها والا بيخليها عند اهلها..؟ من شفت فرحته اتوقع انه بيردها وماراح احد عقب حملها بيسمح لها انها تجلس عند جدها.. واتوقع ان اووول من بيقنعها بالرده امها. لانها اكثر وحده جربت البعد عن الضنى وبتقول لها لاااا تردين اللي صار اوول.. اول انتي انحرمتي مني بطلاقي من ابوتس والحين بترحمين ولدتس منتس لان لطام بياخذه.. يعني تقول كلمتين حقت المسلسلات عشان ترد هالخديه.. الا صدق دلال متى تزوجت؟؟ والا المقصود عقب ملكتها على نايف؟؟؟؟ بداح ونوره: يااعيني يااعيني باين ان فيه يااقصه حب ياااااا خبال قاادم مافيه ثالث لهماااا.. ابوضيدان وام شاهه: يااعيني على الرواااااااااااااق اللي انتم فيه.. قلبي على لطومي الشييبان غاطسين بالعسل والابناء غاطسين بالبصل.. والله قهر الحين لطومي كل اللي سواه عشان عمه والحين هالعم يتسدح ويتبطح بالسمن وهالضعيف لطومي يتقلب على جمر الغضى.. دهوونه شدونه لو استمر الوضع على ماهو عليه احذرتس اني رااح ارسل صواااريخ ارض جووو على ابو ضيدان وام شاهه عباره عن اشعة ليزر لاااااااا قبل لهم بهاا ولن يكونوا لهاا ندااا.. آآآآآآآآآآآآهب عليهم مستااانسين ولطووومي محرووق دمه>>فيس مطير عيوونه على وسهعاا وبدأ الاستعداد للمهمه..هخهخه على فكره ابو ضيدان ..والله رحمت بناتك لانك ماكان لازم تستنى رجعت ام شاهه لك عشان تغرقهم بحنانك.. وكأأأنك كنت اسير عندها طووووووووول عمرك اللي فات. شاهه : اقوول تبين بعد تاكلين العفش اكليه هااه دووك اخذيه ابلعي فيه وهالكنب اهم شي ابلعيه خلي البيبي يجلس ويرتاح.. نعنبو ذا الخشه خلصتي غدااء الشيباان آآفه اللهم كافانا.. شووي شووي على نفستس يااحرمه.. المهم خذي ولد لطوومي عدل مهووب تسفين الاكل كله وتخلين البزر بدون شي>>فيس مدري وش يبي..هخهخهخه المهم يااشاهه لو رجعتس لطام ارجعي وانتي ماتشووفين الدرب وخليتس حرمه مهوب تنكدين على قليبي وتجيبين له الضغط فاهمه والا لأ؟>>فيس يهدد.. حصوووص : سدي بوزتس عاد .انشبتيينا بهالصياح كله منتس لو ماصحتي كان حنا الحين بالصاله حاضرين العرس..هع دهوونه شدوووونه الف شكر يااقلبي على هالمفاجأه الحلوهـ ونبي عاد المره الجايه البارت يكون فيه العرش شوفينا يااحرام متجهزين للعرس وفساتينا علينا وكاشخين وشكلنا بنسنتر بملابسنا هذي للجزء الجاي فلا تبطين علينا يسيح المكياج وتقطع الثياب..هع بانتظار البارت الجاي اذاا الله احيانا فلا تتركين انتظارنا يطووول يااعسل.. |
| الساعة الآن 12:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية