منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   رذاذ الوصل ماينفع ليا صـار الآلـم بركـان (https://www.liilas.com/vb3/t152314.html)

بوح قلم 08-12-10 01:39 AM

رذاذ الوصل ماينفع ليا صـار الآلـم بركـان
 

هلابك ياحزن قلبي هلابـك يافجـر مابـان

تفضل غطرفت لجلك مأسـي منـك جانيهـا

هلابك من بعد غيبه تفضل خاطـرك لهـان

كتبت أبيات أهلي بك وابيك الحيـن توحيهـا

هلابك كثر ماتزعـل وتهجرنـي بلابرهـان

هلابك كثر ماعينـي لذيـذ النـوم جافيهـا

هلابك كثر ماجيتك ضماء وأرجعتني ضميان

هلابك كثر مانفسي عفـت لعيـون غاليهـا

هلابك كثر ماخانت دموعك يارفيـع الشـان

هلابك كثـر ماتوعـد وعـودٍ مـا توفيهـا

هلابك كثر ما سامي كتب له بالحروف أحزان

هلابك كثر ماقطع دفاتـر عشـق مخفيهـا

أمانه وينها أيامك ما مرك مركـب النسيـان

مامرك قال لك خله حياته وش تبـي فيهـا

تصدق قال لي نفس الكلام وقلت لـه لـلان

لأني ماقدرت انسى جروحي كنـت أعانيهـا

وجيت اليوم وش جابك تبي تسترجع اللي كان

دقيقه راجع الذكـرى مـن أولهـا لتاليهـا

تغيب شهور ثم ترجع تجيني مغـرمٍ ولهـان

تقول ابيك لي وحدي وباقي النـاس مابيهـا

وتروح وينقطع وصلك ولالك بالهوى عنوان

مغير أراقب حضورك سواتك مـن يسويهـا

مواثيق الغلا صارت كمن يرسم على الكثبان

وإذا جاها بعد ساعه يلاقي الريـح ماحيهـا

دخيلك فضها سيره ماباقي للآلـم مسكـان

لأني ملت لجروحي صملت وقمـت أدوايهـا

تعال أعلمك جمله نطقها قلـب قبـل لسـان

وأبي من حضرتك تفهم وش اللي في معانيها

رذاذ الوصل ماينفع ليا صار الآلـم بركـان

لهيب جروح في صدري رذاذك كيف يطفيهـا

وجه الصباح 08-12-10 06:54 AM

تعال أعلمك جمله نطقها قلـب قبـل لسـان

وأبي من حضرتك تفهم وش اللي في معانيها

رذاذ الوصل ماينفع ليا صار الآلـم بركـان

لهيب جروح في صدري رذاذك كيف يطفيهـا


اللـــه قصيده في متهى الروعة
راقت لي كثير يابووحه
الله يعطيج العافيه ويسلم هالذوق وشكراا
تحياااتي
وجه الصباح

dae 08-12-10 08:24 PM

يسلموووو بوح أكثر من رائعه ..

شجن الروح 08-12-10 08:37 PM

وتروح وينقطع وصلك ولالك بالهوى عنوان
مغير أراقب حضورك سواتك مـن يسويهـا
مواثيق الغلا صارت كمن يرسم على الكثبان
وإذا جاها بعد ساعه يلاقي الريـح ماحيهـا


ابداااااع
ابيااات في منتهى الروووعه
تسلم الايااادي

غلاها غير 08-12-10 08:39 PM

رذاذ الوصل ما ينفع ليا صار الالم بركااااااان
لهيب الشوق في صدري رذاذك كيف يطفيها


عن جد رائعه عجبتني كثيييييييييييير
يسلمووو بوووحه


الساعة الآن 03:38 PM.

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية