صدفه
 

الشوق ماله عمر , يفنى وينعاد


الشوق ماله عمر , يفنى وينعاد





...................له في الضلوع أن عاد وأن غاب رجفه

مع كل فرقا , له ورى الجفن ميلاد
........................وأن ماتت الفرقا لقى الشوق حتفه

جيت أقتل الفرقا من بلاد لــ بلاد
........................ملّ الطريــق يشيلنــي فوق كتـفــه

وأنا بعد مليت من كثر ما أرتاد
........................هالشارع اللي كان لك فيه شرفه

تظمأ عيوني شوفك , وتشبع سهاد
........................عيّا الزمن يقطع ظماها بــ رشفه

لاوجهك أسقاها , ولا ذاقت رقاد
........................ماغير طيفك , طيفك اللي أعرفــه

كنّه ظبي , وعيوني ظلال صيـاد
........................ يجـفــل قـبـل يرتــد للجفــن طـرفـه

مشكلته أنه كل ما أشتقت يزداد
........................حتى ملـآ جــدران وقــتـي و سقـفه

وأصبحت أشوفه فــ أول الغيم لاجاد
.................وفــ أقصى الشفق لاطاحت الشمس خلفه

وفـي الأرض لانامت عقب صوت رعاد
........................و في كــل شباك ٍ صحـت منه درفه

أتعبت طيفك لوم , واللوم مافاد
........................ويوم الأمل في شوفتك مات نصـفـه

نويت أسافر عنك بجروح ٍ جداد
........................وعمر ٍ من أوراق الزمن حان قطفه

نويت , لكن جابني الشوق منقاد
........................وجابك حنينك , والزمن سال عطفه

شفتك تبــسّـم لي خجل مدري عناد
........................وفي نظرتك شوق ٍ من الظلم وصفه

حسيت كني طفل , وعيونك أعياد
........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
........................أنا أنتظرتك , وأنت مريت ((صدفه))
راقتلي

رووووعه يسلموووو ‏..

منورررررررررررره اختي ضي

تسلمين حبيبتي

للاسف مكررة

http://www.liilas.com/vb3/t149010.html

ينقل للارشيف