منتديات ليلاس - صعبه تشوف بعينك الحلم / ينـداس ..!

تعبت انا أنثر هم قلبي علـى النـاس ..
وتعبت ادور للحقيقـة ....../ حقيقـة !

يلعن ابوه .. شعور .... لابوه إحساس ..
سايق عليك الله ( شف لـي طريقـة ) !

شف لي طريقة لاغدى دربنا.. يـاس ..!
تعبت انا ترديد ..( شف لي طريقـة ) !!

ماعاد ياسع للحزن أي ....... كرّاس .!
وماعاد قلبـي يحتمـل ... أي ضيقـة !

شفني رشفت من الغرابيل كـم كـاس !
والصبر مابلّت أمانيه .... / .. ريقـه !!

أكبر مصيبة طيحة إنسان .. حسّـاس !
تسوى بعيني .. مـوت كـل الخليقـة !!

أكذب على نفسى إذا قلـت " لابـاس " !
و" الباس " أصلا ً من زهوري رحيقـة !

ياما تعبت أشحذ من عيوني .. انعـاس !
مامر ( ........ ) .. عيني .. دقيقـة !

صعبه تشوف بعينك الحلم / ينـداس ..!
كنّك اتطفي .. من دموعـك / حريقـة !

الموت ماهو لاانحنى .. للتعـب/ راس !
الموت نفسك ... لانحنـت / للخليقـة !

كل الدروب أشوفها / ياس فـي يـاس !
لاجيت أسوي من جراحـي / حديقـة !!