‏&‏‏‏& ساعة الضيق ‏‏&‏‏&‏
 

في ساعة الضيق ياكثر اللي تناسوني

وياقلهم في زمان الجد والحاجه


ما ابي هواهم ولوقامو ينادوني

لي راي يبقى على العالم ومنهاجه


عزيز نفس ولو هالناس خلوني

بعيش شامخ ولا اقبل زيف هراجه


اسج عنهم واداوي خافي طعوني

واكتم ونيني واعرف شلون مخراجه


صبري كتبني بحرفه ليت يقروني

وعلاج روحي من الايام بعلاجه


مانيب شاكي وبقهر من تحدوني

العز ذاتي وصبري مشعل سراجه


وش عاد لوهم اذا اقفيت لاموني

من باع نفسه وش اللي فيه احتاجه


اصحاب حاجه مع الايام عادوني

وخانو غلانا وطاعو ناس هلباجه


واليوم والله نسيت اللي تناسوني

ولاعاد اذكر زمان الجرح والحاجه ‏



القصيده للشاعر ‏:‏ فهيد البقعاوي

مما راق لي ‏..

يسلم يمينك ياقلبو ياقوتي

أسعدني مرورك يالغاليه ‏..

يسلموووووووووووووووووو

صح لسان شاعرنا

وتسلمين ع النقل حبيبتي