|
~ .. عيدنا أحلى من عيدكم ( صبوحه ) .. ~
|
~ ... ~ بسم الله الرحمن الرحيم ~ ... ~ ~ ... ~ السلام عليكم ورحمة الله وبركاته ~ ... ~ ~ ... ~ صباحكم / مسائكم خير و فرح و أعياد من الرحمن ~ ... ~ ~ ... ~ كل عيد والخير دربكم وممشاكم ~ ... ~ ~ ... ~ والبسمة دوم ما تفارق شفـاكم ~ ... ~ ~ ... ~ وجنة ربــي هـــي سكنــــاكــــم ~ ... ~ ~ ... ~ عيدكم مبارك ~ ... ~ ~ ... ~ و كل عام وأنتم بألف خير ~ ... ~ ~ ... ~ طبعا حضرتي كنت نايمة على روحي توي من شوي شفت دعوة دندون لي <<< ربي يسامحها على ~ ... ~ ~ ... ~ عشان جذي ما صورت شيء بس عمنا قوقل ما قصر <<< العذر والسموحة منكم ~ ... ~ |
قعدت الساعة خمس صليت الفجر وكان باقي وقت على صلاة العيد وانسدحت شوي بس للأسف راحت علي نومه عشان جذي مارحت صليت نكب فيني باباتي <<< فيس متحسر على الصلاة اللي طافته وما قعدت إلا الساعة ست ونص قدها الصلاة مخلصة وتو أبوي جاي من الصلاة كل هذا وأمي نايمة لانها كانت بعافية شوي بالليل وما قعدناها المهم أبوي جاء تكشخ عشان يروح يسلم على جدتي والجماعة عاد أنا من عادتي ما أعايد أمي وأبوي إلا بعد ما اتكشخ وأتعدل بس توبت العيد اللي طاف ما عايدت باباتي إلا بالليل بعد ما رجعنا من بيت خوالي يا دلالي عشان جذي لما جيت أعايده أستغرب وخاف علباله فيني شيء ما تشوفون إلا عويناته طايره فيني عاد انا فاكة الكشرة لا بابا ما فيني شيء بس بعايدك قبل تطلع <<< طبعا بتقولون ليش ما ضحينه لان أبوي ما أحرم هالسنة وبعدين أبوي مطيع سمع كلام هالخروف http://2.bp.blogspot.com/_DYhAdTMBQL...9%8A%D8%AF.jpg بعد ما طلع أبوي رحت طليت على أمي أشوفها وقالت إذا ما قعدت الساعة عشر قعدوني وبعدها مسكت التلفون أعايد يماتي (جداتي ) على الساعة ثمان قعد أخوي اللي أصغر مني وتكشخ بعدين جاني يعايد وهو يقول الله بدلتج حلوة وتهبل وشعرج روعة وأنا مستغربة منه بالعادة يكسر مجاديفي طلع الأخو مفلس ويبي عيده عشان يعبي بنزين سيارته بيروح عند خوالي عاد أنا هني اشتغلت النذاله أول شيء قلته جيبلي ماي - بعدين قتله يروح يجيبلي بيبسي (حبيب ألبي ) من البقاله بالاخير قلته حب رأسي وأعطيك <<< ذليته من قلب مسكين بس عطيته اللي يبرد قلبه بعد ما قعدت ماماتي سوينه ريوق عالطاير عاد بيتنا كلنا ما نحب الريوق بس عشان فكة الريق وبعدها قمت أتكشخ ولما خلصت رحت أعايد أمي وأختي وبس بعدها ركبنا السيارة أنطلقنا لبيت خوالي يا دلالي العيد هذا عند جدتي |
اول ما وصلنا ما كان في أحد إلا جدتي الكل فوق يلبس ويتكشخ عايدتها ورحت عند خالتي فوق أكمل لبس عندها وبعدها نزلت تحت لقيت جدتي الثانية (ام أبوي )مع عماتي وعمتي العروس معاها وبعدها عاد قاموا يجون خالاتي وحدة ورى الثانية وبعدين خوال أمي وأبوي هم نفسهم وأكتملت الجمعة بلمة الاهل والاحباب ~ ... ~ العيد يجمع الله فيه القرابه ~ وتصفى فيه كل النفوس المعاليل ~ ... ~ ~ ... ~ سنه الله في منزل كتــــابـه ~ فرح وسعــــاده مع تكبير وتهليل ~ ... ~ وطبعا زلام القهوة والحلو وحلاو العيد عاد هذا جدتي ما تستغنى عنه لازم http://dc02.arabsh.com/i/00169/5z4ejvjb6a2k.jpg http://m002.maktoob.com/alfrasha/up/...4524562883.jpg http://center.jeddahbikers.com/uploa...2840075821.jpg والغدى جدتي اطبخته عشان سلامتها لان العيد اللي طاف كانت حيل تعبانة وبالله تقوم وكان الطبخ بمطعم فقالت معوضين هالعيد وما قصرت ربي يتم عليها عافيتها ويخليها لنا <<< بس شنو كان لزيز طبخ حريم أول من غير زفر ولا شيء وبعد الغذى الناس اسكرت اللي نعاس واللي راح بيته بس بقوا خالاتي طبعا ~ ... ~ ... ~ ... ~ وبعد صلاة العصر شغلنا مسجل واشتغل الرقص من أمه حتى العيال الصغار قاموا يرقصون وبدوري قام يدح وطبعا بما ان خوالي غير قبيلة عمامي فانا ساندت ولد عمي ودحيت معاه بس بالاخير زهق مني وقال ما تعرفين وقامت منافسة بين عيال خوالي وخالاتي وبيني (انا وبدوري واخوه )ناس تدح وناس تعرض واستمرت المنافسة لي قبل المغرب وبعد صلاة المغرب راحوا الشباب الحلوين وجابوا ألعاب نارية وهاتك يالعب والبنيات الحلوات شروا لهم تفافيخ وقعدت انا معاهم كني (( ماما أنيسة والاطفال ))وعبيناها ماي ونرمي على بعض عاد كان الجو بااااااارد والملابس والحوش صاروا دمار طبعا جدتي كانت راح تعصب عليهم بس لما شافتني معاهم اسكتت على قولتها (( كبيرهم هبيلهم ))<< يا حبي لها ولما خلصنا رحت بدلت ولبست دراعة ميني خطيتها عن مشغل خالتو طبعا البيت كله مخيط عندها وقمنا نسوي عرض أنا وخالاتي وحريم خوالي وجدتي وأمي الحكم وطلعت انا المركز الثاتي <<< أحسن من ولا شيء <<< فيسي اللي يشجع عمره وبعدها خلاص البطارية فضت عند الكل تعشينا ورحنا بيتنا وتوته توته خلصت الحتوته وكل عام وانتم بألف خير |
|
صبووووووووووووووحه كل عاااااااام وانتي وجدتك بخيييييييير
يازين طباخ هالعجايز احسن من المطاعم ويااااااااااازين اللمه والجمعه الله لايحرمكم اياها يارب ونستيني بعيدكم وشوقتيني لخوالي احبككككككك |
اقتباس:
وانتي بألف خير يارب تسلمين حبيبتي أي والله أكل لذيذ تاكلين ما تشبعين منه أمين يارب من غيرها ما نسوى الله يخليها لنا يارب حبج ربج :friends: |
صبووووحه...
كل عام وانتي بخير..من جد انبسطت بعيدكم وعساه ينعاد عليكم وانتو معافين وبصحه وسلامه |
اقتباس:
وانتي بألف خير يا قلبي الله يبسطج دوم ودوم يارب وعليكم بالخير والفرح يارب |
مس رياضيات عيدج مبارك
هههههههههههههههههههه عجبتني كبيرهم هبيلهم لعبتو شريخات ليه ماناديتوني تبي تلعب ههههههههههههه وطبخ امهاتنا الله يخليهم لنا مافي مثله تيب ليه ماصورتي دراعتج خخخخخ اشتغلت اللقافه خاطري اشوفها يعطيك العافيه عيدكم يهبل |
صبووووووحه ياحلااااة العيد بجمعة الأهل والله وجد مافي أحلى من طبخ العجايز أحسن منا هههههههههههه كل عام وانتِ بخير وعساكم من عواده |
صبووووووووووووووووحة يالغلا كل عام وإنتي بخير ياغلاتي وعيدكم وااااايد حلو ماشاء الله وإنتي تهبلين يادلالي ^_* بسسسسسسسسس بدووووووووري هو يرقص الدحة مو حلووووووووووووو<<< فيس ينظر بطرف عين خخخخخخ أجل مايحبني الدوب< فيس مطلع لسانة خخخ أمزح ^_* فديتكم كلكم واحبكم كلكم سلميني على اللي عندكم وعلى جيرانكم وعلى.......بني وايل كلهم ^_* < فيس ماخلىا احد وكل عيد وإنتي قريبة من احبابك اتمنى لك الجدارة بعد التصويت ^_* |
ما في احلى من لمة الاهل و الاحباب
الله يسعدكم ياااا رب و ينعاد عليكم بالصحة و العافية كل عام و انتي بالف خير و سلامة و يعطيك العافية |
مااشاالله صبووحه عيدكم ونااااسه وحمااس
بس مو كاانك خربتي برستيجك قدامنا اجل كبيرهم هبيلهم خخخخخ >> فيس يتشمت بالمس يعطيك الف عااافيه وينعااد عليكم بكل خيير |
اقتباس:
هلا هتونة الفتونة أيامج سعيدة يا قلبي شفتي شلون وهذا أنا فاكتهم من حشرة الجهال >-< أمين يارب الله يسمع منج خخخخخ تبين تشوفين دراعتي خلاص أقول حق خالتي إذا رضت نزلت تصاميمها <<< خبرج ما تبي احد يسرق الموديلات ^-^ ربي يعافيج |
اقتباس:
هلا فيدوووووو وانتي بألف خير يارب وعساج من العايدين الفايزين أي والله طبخ العجايز لزيز <<< فيس يتذكر غدى الغدى العيد |
اقتباس:
تسلمين دندون <<<< فيس يبوسج |
اقتباس:
تسلمين هيونة الله يسمع منج علينا وعليج بالخير والفرح وأنتي بألف خير حبوبة |
اقتباس:
هلا خالتوووووووووووو الله يعافيج يا قلبي وينعاد علينا وعليج بالخير والفرح خخخخخخخخخخخخخخخ والله ولا طرى على بالي البرستيج شسوي مافي أحد كبري عاد ألعب مع الجهال <<< فيس مسكين تشمتي يا قلبي << يوم الاحد تبدى حصة الماث وشوفي المس شستوي فيج:lol: |
صبوووحه
احلى ما في عيدكم اللمه تعالي انتو بعد نقعتو شلق<<فيس مبتسم عاد بدوووري ما عنده الا هالدحه في كل المناسبات والاعياد ما يطري عليه شي كثر هالدحه هاي تسلمين فديتج ومباركن عيدكم |
روووووووووووووووووعـه عييييييييييييييييييييدكم ماشاء الله
حبيييييييته وناااسسسه مازقرني بدوري اساعده ههههههههههههههههه ~> فيس يسولف ربي يحفظكم ويسعدكم وتكون ايامكم كلها اعياد~.> فيس يدعي ههههههه |
صبوووووحه كل عام وإنتي بخير...
والله يخليلك خوالك يادلالك أحسن شي دحة بدوري الله يحفظه يارب... ويعطيك العافيه.... |
صبوووووحه .
كل عام وانتي بخير غلاتي..عيدك مبارك ^_^ عيدكم خطيييييير ماشاء الله ووناااسه وجمعة ماشاء الله تبااارك الله.. عسى ايامكم كلها اعياااد ^_^ تسلمين حبيبتي بالتوفيق الدائم |
صبا ح الخير صبوحه
عسى العيد يعود عليكم وانتم با الف خير |
صبوح عيدكم مبارك وعليكم يتبارك كللللللللللويش هو عيد صح مو عرس مدري ليش زغررررطت بس جت معي ههههههههههه اعذريني تأثير االادويه والبنج
ليه ما ناديتوني اعرض معكم والا الدحه ماتعجبني بس بعد نادوني مره ثانيه |
كل عام وانت بالف خير صبوحه الطيبوه
مشاء الله وناااسه وانت تلعبي مع الاطفال مبرووك فوزك وين دراعتي ههههه فالك الفوز |
اقتباس:
حبيبتي أنتي الرووووووووووووووعه والله خلاص العيد الجاي إذا الله أحيانا تجين عندنا تسلمين يا قلبي ويحفظج ويسعدج ويخليج لميمتج |
اقتباس:
وأنتي بخير وصحة وسلامة أمين يارب أحسن دعوة والله تسلمين يا قلبي وربي يعافيج |
اقتباس:
نووووووووووووودي يا قلبي وأنتي بخير وصحة وسلامة وأيامج سعيدة مديدة يا رب أمين يارب وأيامكم وكل المسلمين تسلمين يا قلبي |
اقتباس:
أمين وياج يارب وأنتي بألف خير اقتباس:
أيامج سعيدة أم رنو <<< الحمد الله على سلامتج خلاص المره الجاية اناديج بس ترى بتوقفين ضدي |
اقتباس:
وأنتي بألف خير يارب حنون الرقيقة أفا عليج حبايبي هم إذا ما عصبوني :lol: الله يبارك فيج خلاص دراعتج جاهزة تعالي أخذيها من مشغل خالتي <<< تبين العنوان |
♪♪♪ يُنقل للعدسة .. ♪♪♪ |
| الساعة الآن 05:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية