عندي عزيمه نفس عن ألف رجال ‏..
 

عندي عزيمه نفس عن ألف رجال
وجروحي تنزف والمحاجر بخيله

ألبس وسام العز من الفخر سلسال
وبي شيمت(ن) مثل المهار الاصيله

كن الزمن حزن وأنا فيه موال
وظفرت من جور الليالي جديله

أتبع دروب الطيب ماهمني القال
حقوق الكرامه بالنفوس الفضيله

شوفاتنا دايم على روس الاجبال
ماني من اللي في حياته ذليله

ماهمني هرج القفا هرج الانذال
واللي يقف في دروب جاهي ياويله

حنا بنات العز نخوات الابطال
تموت هيبه ولا يدنس شليله

أطباعنا مانتركه مد الاجيال
وسلومنا لبس العباة الطويله

صحيح نعشق وعشقنا طيب الافعال
نعشق صفات(ن) بالمراجل جليله

نعشق شجاع(ن) يسطر الضد لاعال
حر شبيهه بالمصاقر قليله

ونعشق كريم(ن) بالعسر يرخص المال
كريم سبلا بالعطايا مثيله

ونعشق فهيم(ن) للمصاعيب حلال
رايه حكيم ولا يشيل النجيله

وعبرت عن خافي ضميري بالامثال
والغايه تدرك مبتغاه الوسيله

واطلب ستر ربي على كل الاحوال
يالله تحماني من النفوس الرذيله



مما راق لي ‏..

يا الله أبداع روعه واصلي ننتظر المزيد.

اشكرك اختي ضيوووو

الابيات روووووعه

ننتظر مزيدك

ألبس وسام العز من الفخر سلسال
وبي شيمت(ن) مثل المهار الاصيله


تسلمين حبيبتي