منتديات ليلاس - ليه الجفاء؟؟

منتديات ليلاس (https://www.liilas.com/vb3/)

- الشعر والشعراء (https://www.liilas.com/vb3/f14/)

- - ليه الجفاء؟؟ (https://www.liilas.com/vb3/t151252.html)

ليه الجفاء؟؟

ياصاحبي ليه الجفاء يوم جافيت
وأنا أحسب أن أبراج حبي رفيعه

طبعي الوفاء وأن كان حبيت حبيت
وطبيعتك ياشينها من طبيعه

مديت لك كف الرضاء وأنت مديت
مديت لي كف الجفاء والقطيعه

الله يبارك فيك وشلون صديت
وأنت الذي روحك لروحي مطيعه

بأغليك أنا ياصاحبي ولو تغليت
حتى ولو أرض المفارق وسيعه

وأنت الذي في دنيتي ذي تمنيت
وصرت الضياع ولازم أني أضيعه

غلاك أحكي به وأنا ماتحكيت
اللي فقلبي القلم مايشيعه

أنت الفصول الاربع وكان ماجيت
وشهو الخريف وذا الشتاء مع ربيعه

والصيف كانك ما أنت راجع فياليت
اللي يحبك ماتحاول تبيعه

أول غلانا بالبرائه بلا صيت
كني رضيع وعاشق(ن) له رضيعه

ومن يوم شافوني بحبك تركيت
في مجلس الحب ودروب(ن) فضيعه

صاروا سهوم وسمها للغلا يميت
وصرت أتحرى هجرك بلا رجيعه

واليوم شفتك لغلانا تناسيت
وصرت متندم للغلا يوم أذيعه

المشكله أعرفك بأنك تعنيت
وأشواق قلبك في ضلوعك مريعه

حديت قلبي عالهجر لين حديت
روحي على الحزن الذي ما أستطيعه

برد الجفاء والهجرودرب التشاتيت
صايرصقيع وضعت أنا في صقيعه

ولو صار مهما صار ومهما أصريت
بأموت أحبك(وهاك) قلبي وديعه

مما راق لي ‏..

أنت الفصول الاربع وكان ماجيت
وشهو الخريف وذا الشتاء مع ربيعه

والصيف كانك ما أنت راجع فياليت
اللي يحبك ماتحاول تبيعه

أول غلانا بالبرائه بلا صيت
كني رضيع وعاشق(ن) له رضيعه

تسلمين حبيبتي

الحب دآآيم يششعل القلب ويـآليت ..

منهو يحب اليــوم يــزهــر ربيـعه ..

صـآر الوله ه الحين بـآرد بلآ صيت ..

أمـآ خريف أو حرآآرة تبيـعـــه ..

مـآفيه هالحين الوفـآ لو تعنيّت ..

ودك ليـآ جـآتــك الفرقى تطيـعه ..

والمشكله هالقلب مهمآ تـآسيت ..

بالحيل يعشق ومـآيتنـآسى وجيعه ..

:)

ذووق حـلــو مثل حلآوة المتذوقه ..

وأبيـآت تعنــي وآآجد .. ’

تسسلم يمينك قلبوشتي ..

:)

تسلم الايادي ضيو

ننتظر مزيدك

مشكورين على المرور الرائع
يابوح وجود وغلاها غير ‏..