|
ضجيج الصمت ، بقلم : ضجيج الصمت ..
ضجيج الصمت
روايه واقعيه من الدرجه الأولى يتخللها بعض الرومانسيه ولاتخلو من الانتقام والظلم والتسامح والكثير من التضادات باختصار .. بطل الروايه "متعب" والدته من احدى الدول العربيه وهي ضحية زواج عرفي من رجل اعمال سعودي مهم جدا رفض نسب ابنه بعد ان عرف بحملها ووعد بقتله لأنهاء امره ولكن بحيله من ام متعب اخبرته ان الطفل معاق ذهنيا ولانرديد منك سوى المال فالطفل ضرير , مما بعث الطمئنينه بقلب عبدالعزيز (والد الطفل) الذي تيقن بأن الطفل ووالدته لايريدون سوى المال فقط .... في القصه سوف نعرف المزيد كيف عاد متعب لبلده ؟ كيف سيواجه والده ؟ هل سينتقم منه ؟ سنتعرف على الكثير من الشخصيات والكثير من الأحداث الشيقه والكثير من المفاجآت |
البارت الأول في بيت ابو عمر جالسين بحديقة الفيلا بيان وعمر يلعبون بالرمل , ام عمر تجهز العشا مع الخدم ودانه تصحح دفاتر طالباتها وروان تذاكر استعداد للأختبارت ,,,, روان : دانه تدرين اليوم معلمة الرياضيات ضربتني دانه : ليه روان : زميلتي بالفصل تنطق حرف الراء بشكل نكته وخلتني فطست عليها من الضحك هههههههههه والابله ضربتني عشان ضحكت دانه : روان حرام كذا جرحتي البنت روان : بدون قصد حسيت الضحكه جات ههههههه دانه : روان اوعديني ماتكررين هالشي لأن في ناس لازم نحترم صعوباتهم ولو كانت بسيطه روان : يوووووه ياكرهي للسوالف معتس تحسسيني اني كافره بروح اذاكر بغرفتي احسن من مقابلتس ,,,,,, روان 11 سنه بصف سادس دانه اخت روان من الأم وعايشه معهم عمرها 24 , معلمة لغه عربيه ,,,, ابو عمر وهو جالس بالحديقه ويشرب كاسة الشاي فجأه جاله اتصال مد يده وخذ الجوال وشاف المتصل ,, متعب رد بشكل سريع قبل لا تكبس عليه ام عمر ابو عمر بدون نفس : نعم المتصل : السلام عليكم ابو عمر : وعليكم السلام نعم وش تبغين المتصل : شلونك يابو متعب ابو عمر : اذا سمعتس تقولين ابو متعب مره ثانيه مو اشوالتس وش تبين اخلصي علي المتصل : انا محتاجه فلوس الولد علاجه خلص وماعندي اشتريله ابو عمر : ماصارت علاج ترى المتصل : شسوي يعني انت تدري ان حالته خاصه وتكلف واذا ماتقدر على علاجه انا بوديه السفاره السعوديه وهم بيتكفلون بالموضوع ابو عمر بفراغ صبر : خلاص برسلتس الفلوس وفكينا من الفضايح صبرت عليكم 28 سنه مهي جايه على اليوم بس يارب يموت هالمتعب وارتاح من همه المتصل : فال الله ولا فالك الله يخليه لي ولو انه مافيه رجا بس الضنى غالي ابو عمر : طسي انتي وياه وسكر الخط بدون ماينتظر ردها ,,,,, ام متعب وهي ماسكه الجوال سندت راسها بأسى على الكرسي ورجعت فيها الذاكره لــ 28 سنه فاتت كان بيت فقير في افقر الأحياء في احد دول الشام كانت جالسه بين اخوانها السته وامها دخل الأب فجأه والفقر والجوع كان مرسوم على ملامحه نادى زوجته بالغرفه الصغيره القريبه جدا من الصاله ,, وبحكم صغر البيت كان كلامهم مسموع ابو سامر : ام سامر اليوم اجا واحد سعودي بيطلب يتزوج من بناتي وانا وافقت وبدّيش نقاش بالموضوع ام سامر : له يا ابو سامر ساره لساتها صغيره ولا في زواج هلأ ابو سامر : انا عطيت الرجال كلمه ولارح ارجع فيها وضعنا صعب والبيت مافيه اشي يتاكل والاولاد بدهون مصاريف وانا المرض خذني ومافيني اساوي إشي ام سامر والبكي يتخلل صوتها : وبنتي تبيعها شو ذنبها حرام عليك ابو سامر : ....... ,,,,,, ساره عمرها وقت زواجها من (عبدالعزيز ) ابو عمر 15 سنه وطبعا وبحكم صغر سنها وطيش( عبدالعزيز )ابو عمر وقتها كان زواجهم عرفي ولكن وعوده الكذابه اللي اوهم فيها ابو سامر انه راح يوثق الزواج بعد ماتكمل ساره السن القانوني اقنعت ابو سامر وام سامر بالموضوع بعد زواجهم بفتره حملت ساره , ولما رجع عبدالعزيز وزفتله خبر حملها بكل براءه وفرح بدء يضربها ويركلها من كل جانب واتهمها انها مو حامل منه وكان بحاله هستيريه وبينه وبين نفسه يفكر كيف بيقول لأهله وكان الخبر بالنسبه له مصيبه ومن وقتها اختفى فجأه وكانت ساره احدى ضحايا الزواج العرفي ,,, فجأه متعب : يمه يماااااا ام متعب : هلا ياقلب امك متعب : شالسالفه يمه مافي غداء اليوم ام متعب : في كل خير يا عيون امك " التمس متعب الضيقه بصوت امه " قرب لمها وحط يدها بيده وطبع عليها بوسة وقال بصوت حنون خير يا يمه وش اللي مزعلتس ام متعب : يانور عيني مايزعلني احد وانا عندي ولد مثلك بس وانا امك تذكرت سواليف ضيقت صدري شوي متعب : عرف ان امه تذكرت ابوه واللي سواه فيها ونكرانه لولده , وحب يضيع الموضوع متعب : أقول يمه وش رايتس نطلع نتمشى بهالجو الزين ام متعب : والله مالي خاطر للمشي متعب : وهو يغمزلها عين ترى كلها يومين وبرجع السعوديه وبتقولين ياليتك عندي تمشيني ههههه ام متعب : اجل مشينا هههه انبسط متعب شوي انه ضحك امه ولو مو من قلبها وفي قلبه نار حقد دفين لأبوه الظالم ,,,,, بعد يومين الفجر والناس نايمه تسحب متعب من غرفته وخذ اغراضه وعلطول على المطار مايحب وداع امه اللي تبكي وتبكيه معها ولما وصل المملكه اتصل على امه اللي بدت المكالمه بمعاتبه ودموع متعب : يالغاليه والله ماحب الدموع ذي اعذرني ام متعب : خلاص يا يمه بس لاتطول علينا و طمني عليك ولا تنسى تسلملي على خالتك سلوى وزوجها والاولاد متعب : ابشري يمه ,,,,, في المملكه العربيه السعوديه في شقة خالد ولد خالت متعب شابك نت ومشغول بالبحث اللي يكتبه متعب : خالد خالد : سم متعب : ماقلتلي شلون حبيبتي فاقدها هالاسبوعين اللي سافرت فيهم خالد : ابشرك يسرك حالها وتراها بلشتنا فيك ياخي تحسب الدقايق لجيتك متعب : هههههههههههه ياحبي لها تدري عاد خميتلها هدايا لي الراس خالد : هههههههههههه انا اشوف حبها لك اثاريها مصالح متعب : هههههههههه خالد : شرايك بكره نروح لأهلي ياخي مشتاق لأمي ومنها انت تشوف خطيبتك متعب : والله ودي بس لازم اروح لأبوي اتصلت فيه وكنه تعبان شوي خالد : وهو مشغول بالنت ابوك اي واحد بالأوراق ولا ابوك ماغيره متعب حزت بخاطره كلمة خالد ولكن مسك نفسه ولارد خالد : متعب ترى امزح ياخوك وش فيك كنها حزت بخاطرك متعب : وانت من متى تخبرني اروح لعبدالعزيز ابوي ماغيره على قولتك خالد : والله يامتعب انها جت تلقائيه والسموحه ياخوي خشمك خشمك ابتسم متعب وطنش الموضوع ,,,,,,,,,,,,,, الساعه 5 الفجر صحت دانه ودخلت الحمام تروشت عشان تصحصح بعد ماطلعت لبست بجامه خفيفه وجمعت شعرها المبلل بمشبك الشعر ولبست جلالها واستعدت للصلاه بعدماخلصت صلاتها التفتت للشباك وناظرت وقت الشروق و على صوت العصافير حست بخشوع وهدوء وطمئنينه وبينها وبين نفسها همست سبحان الله يالله على العصافير وهي تسبح ياليتني عصفور وكل كلامي سبحان الله مدت يدها للمصحف وبدت تقرأ وردها اليومي الى الساعه السادسه التفت للباب واحد يطق دانه : من بيان بصوتها الطفولي : انا بيونه ابتسمت دانه لأن بيان عشقها الجنوني دانه : تعالي بيونه دخلت بيان وبنفس الوقت فتحتلها دانه ذراعها وجاتها بيان تركض وضمتها بقوه بيان : دانه دانه : سمي بيان : كلمي ماما مابي اروح الروضه دانه : ليش بيونه قوليلي وانا بكلم ماما بيان : البنات يضربوني مابي اروح وبدأت دموع التماسيح دانه : بيان لازم تروحين واللي تضربتس كلمي الابله وهي تضربيها بيان : مابي مابي وهي زعلانه طلعت برا الغرفه دانه : يالله عليها من الدلع قامت دانه تستعد للدوام راحت للثلاجه الصغيره بغرفتها خذت ابرة السكر *_* وشربت عصير عالسريع لحد مايجهز الفطور راحت للمرايه فتحت شعرها ومشطت خصله البندقيه الناعمه وحطت كريم ضد الشمس على بشرتها البيضاء حطت كحل خفيف وقلوس وردي طبيعي واكتفت بهالقدر البسيط جدا لأن ملامحها جدا ناعمه وجمالها مو محتاج كثر المكياج خصوصا انها ماتحب المكياج الثقيل بالفتره الصباحيه راحت لدولابها لبست تنوره بيج وبدي اكمام طويله فضفاض بشكل خفيف لون بني ومنقش بيج وخذت عباتها وشنطتها ونزلت بسرعه عشان لاتتأخر ,,,,,,,, ام عمر : دانه داااانه يوووووووووووووووه وينها ذي ناقصتها انا .. جيسي جيسي : يس مدام ام عمر : نادي دانه ماصارت ساعه تلبس ولا بخلي السواق يودي العيال وهي تروح متأخره اففف شكلها يبيلها سواق خاص على مسمع دانه حست بقهر " ياربي امي ليه كذا كل ما اقرب منها تحسسني انها تكرهني " دانه : صباح الخير الكل : صباح النور ام عمر خلصينا العيال تأخرو دانه : يالله نطلع ام عمر : تعالي افطري دانه : يمه شربت عصير مالي نفس آكل ام عمر بقسوه : خذتي ابرتس دانه : ايه يمه لاتخافين وبينها وبين نفسها " من متى تخافين علي " طلعوا الكل راحو للسياره مروا على الروضه ودخلت بيان واتجهوا لمدرسة روان ودخلت وهم مستعجلين وراحت دانه لمدرستها القريبه لمدرسة روان دخلت وحضرت بغرفت المديره واتجهت لغرفة المعلمات بعد طابور الصباح اتجهت دانه لغرفة المعلمات تجهز الوسائل التعليميه على ماتجي الحصه الثانيه بعد ماخلصت سمعت جوالها يرن .. مدت يدها للشنطه وخذت الجوال شافت المتصل الوالد " اكيد يبي فلوس .. الله المستعان " دانه : الو الوالد : دانه وسلال وينتس لتس يومين لاحس ولا خبر دانه بإحراج من زميلاتها من صوت ابوها اللي طالع من الجوال .. وهي تقصر على الصوت دانه : والله يبه اني انشغلت و ... قاطعها ولافكر يسمع عذرها وتبريرها الوالد : اسمعيني انا علي ديون والألف اللي تصدقين علي فيها ماتسوي شي اخذي من امتس ولا من زوجها انا ابي 7 آلاف ريال الرجال يبي فلوسه ومستعجل عليها دانه بقهر : بس يايبه ما معي ولا اقدر اطلب من امي ولا زوجها الوالد : انا علمتس بكره تجين والفلوس معتس وسكر الخط وخلاها بحيره دانه والعبره تخنقها " ياربي لي متى وابوي مايكلمني الا اذا يبي فلوس ولي متى امي تخاصمني عشاني اعطي ابوي فلوس ياربي انا تعبت ليه كذا حظي تعيس ليه ما احس بالأمان حتى راتبي ماني عارفه اجيب اللي خاطري فيه من طمع ابوي ونزلت دمعه حاره على خدها .. لاحظتها شيماء زميلة دانه شيماء : دانه مسحت دانه دمعتها بسرعه والتفتت لشيماء بابتسامه بريئه دانه : سمي شيماء حست ان دانه تتهرب من دمعتها وغيرت الموضوع شيماء : لابس قلت شرايتس اسويلتس نسكافيه معي دانه بابتسامه هاديه : ياليت والله : ) ,,,,,,,,,,,,, |
البارت الثاني جالس على مكتبه ويتمعن بالأوراق بكل دقه سمع دقات الباب اللي متعود يسمعها من متعب وابتسم بينه وبين نفسه ثواني ودخل عليه متعب وبروحه المزوحه وقف وعطاه التحيه العسكريه ضحك سلمان وتهلل وجه بشوفة متعب وفز يبي يسلم عليه جاه متعب وسلم عليه وحب راسه متعب : شلونك يبه سلمان : زان لونك ياولدي بخيييييييييير ونعمه ,, انت شلونك وامك شلونها عسى ماعليهم خلاف متعب : كلهم بخير طال عمرك ,, ماقلتلي امس تقول تعبان عسى ماشر سلمان : ابد ياولدي شكلي كبرت ولاعاد فيني على الشغل متعب : مالك شر يبه ماله داعي لهالكلام اذا تحس بشي اروح معك الدكتور ربع ساع بس ماهي مشقيتك سلمان بابتسامه : ياوليدي مابه وجع هذا الكبر متعب : لك طولة العمر يالغالي ولا عاد اسمع هالكلام تراه يزعلني سلمان : ههههههه متعب : تامرني بشي يالغالي بطلع الدوام سلمان : ابيك سالم متعب : بنفس التحيه العسكريه المزوحه اللي قابل سلمان فيها ودعه فيها ابتسم سلمان لروح متعب المرحه والهاديه وجلس يفكر بينه وبين نفسه يا الله يادنيا ياصغرتس بعيني بالسنين القريبه جاني عبدالرحمن اخوي يطلبني انسب متعب البزر لي واليوم اشوفه رجال له منصبه وهيبته "" في مجلس ابو سلمان عبدالرحمن : سلمان سلمان : خير عبدالرحمن : تذكر اخت سلوى زوجتي اللي قلتلك عن ولدها ؟ سلمان : ايه وشفيهم عبدالرحمن : انا كلمت واحد بيني وبينه وقال انه يقدر يدبر اوراق تثبت انه ولد عبدالعزيز الــــ سلمان : انت صاحي ؟ وش لك بدعواهم عبدالعزيز رجال واصل واهله واصلين يقدر يقلب الموضوع عليك وتطيح براسك هذا ظالم مايخاف الله اطلع منها واسلم ولالك دخل فيهم عبدالرحمن بعصبيه : سلمان انت اخوي الكبير وعلى الراس بس هذا ولدنا ومحنا مخلينه يكون ضحية ابوه المعروف اللي اسمه يهز الديره بفلوسه لو انه ولد موظف عادي كان جروه بالمحاكم ونسبوله ولده بوقت قصير بس عشان عبدالعزيز من الكباريه محد ينطق بالحق حسبي الله ونعم الوكيل سلمان : وشتبينا نسوي السواه سوات الله عبدالرحمن يفكر : ............ سلمان : كم عمره البزر عبدالرحمن : 5 سنين سلمان : لازم يتعلم وياخذ ابسط حقوقه اللي هي اثبات انه سعودي بعد صمت استمر 10 دقايق عبدالرحمن : وش رايك اخلي خويي يطلع للولد جواز مزور باسم مزور بس ندخله السعوديه والسنين كفيله بالظروف اهم شي انه يجي السعوديه وبربيه مع عيالي وخالته متكفله فيه بس نبيه يوصل الديره سلمان بعصبيه وانفعال : التزوير حرام اما يجي الولد باسم ابوه ولا عساه ماجا عبدالرحمن يحاول يهدي اخوه : سلمان الله يهديك ومو حرام ان الولد مايتعلم بديرته ولا يعرف اهله وهذا ولد خالت عيالي وحميتي للولد كونه سعودي من لحمنا ودمنا ماتسمحلي اخليه كذا بعد هدوء ونقاش طويل وبعد عدة محاولات لأخراج اثباتات للولد ابت جميع المحاولات ان يكون اثباته مجهول وكان سلمان والد متعب بالأوراق الرسميه وفق ظروف غامضه وسريه للغايه لن تكشف الا بظهور والده الحقيقي دقايق قليله ورجع سلمان لأرض الواقع آه يامتعب ياليت الله عطانيك ولدي لو عبدالعزيز يدري عن فعايلك وجمايلك لغيرك ماكان خلاك .. وتنهد هيييييييييييييييييه دنيا رديه ,,,,,,,,,,,, بغرفه الطعام الملكيه اللي تحكي جدرانها العز الوفير يجتمعون على طاولة الطعام عبدالعزيز : هاه روان شلون المدرسه عسى محد يضايقتس بس روان بغرور مايعجب دانه ابد : يخسون محد يتعرضلي وانا بنت عبدالعزيز بن متعب الـــ عبدالعزيز بضحكة توصف مدى فرحته بفخر بنته بمركز ابوها : اييييه هذي بنتي حبيبتي ام عمر : ههههههه دانه اللي ماعجبها الحوار البايخ ابتسمت ابتسامه مره مجاراه لهم عبدالعزيز : الا عمر وينه ماشفته اليوم ام عمر : مع الشغاله توكله بالغرفه الثانيه لا يوسخ الدنيا علينا ابو عمر : ههههههههههه ياحليله ياكثر ازعاجه دانه حست ان الكل يبي يقضي الوقت بأي سالفه بايخه عشان يقطعون الصمت وقالت : يمه ترى بكره بروح بيت ابوي ام عمر بكره : خير شعنده اكيد يبي فلوس دانه اللي ماتحب امها تتكلم بهالأسلوب قدام عبدالعزيز : لا يمه بس لي زمان ماجيتهم وودي آخذ عندهم كم ساعه تدرين ماحب اقطع فيه مهما كان ابوي ام عمر : تقلدها باستهزاء مهما كان ابووووووووووي مالت عليتس وعلى ابوتس يالخبله لو ابوتس وقلبه عليتس ماكان نهب راتبتس كل شهر ولا كان يضربتس يوم كنتي عنده ولا كــ قاطعتها دانه بضيق : يمه خلاص كافي مابي اسمع اكثر وقامت من الأكل متجهه لغرفتها ام عمر : عنتس ماكلتي هذا جزاي اللي خايفه عليتس منه ابو عمر اللي كان مستمتع بالمشاده اللي بين دانه وامها قال : خليها لي جاعت تعرف طريق المطبخ ام عمر : على قولتك ,,,,,,,,,,,,,,,,, بغرفتها وعلى سريرها تحاول تفرغ همها بدموعها وصارت تبكي بمراره ثم استسلمت للنوم الساعه 5 بعد العصر سمعت الباب يطق دانه : من بيان : انا وعمر دانه : ادخلو دخلو الصغار وبركض وشقاوة الصغار توجهو لسريرها وصاروا ينطون عليه دانه بضحكه : طيب طيب شوي شوي بيان : يلا دانه انتي وعدتينا نروح الملاهي دانه : يووووووووووه كيف نسيت طيب روحو البسو وانا بصلي واتجهز بيان وعمر راحو يتسابقون لسيتي شغالتهم الخاصه بعد ماتوضت وصلت ولبست ابتسمت لنفسها بالمرايه وقالت يلا يادانه بلا هم ابتسمي وانسي الدنيا وفعلا ابتسمت ونزلت ولقت الصغار جاهزين مرت على امها دانه : يمه بنطلع الملاهي شوي وراجعين ام عمر : الله معكم ,,,,,,,,,,,,,,,,,,,,,,,,, في الملاهي الجو صاخب وازعاج الأطفال وصوت الألعاب كان مزعج ودانه اللي بدت تتعب من الازعاج قال عمر ابي العب طيارات وقالت بيان مابي ابي السفينه اللي بالمويه دانه : لا تدوخوني تلعبون مع بعض احسن بدء عمر يبكي ابي طياراااااااااات وبيان مصره تلعب بالسفينه قررت دانه تخلي عمر بالطيارات وتودي بيان للسفينه وترجع لعمر وبهالطريقه بترتاح وفعلا خطتها نجحت لكن لما رجعت ... ياربي وين راح الولد بدت علامات الخوف تبين عليها ياالله وين راح .. وبدت تدور عليه .. بكل مكان بكل لعبه ولا لقته راحت خذت بيان واتجهت للبوابه الرئيسيه بخوف وهلع فجأه سمعت بيان تأشر دانه شفته ذاك عمر ذاك عمر راحت دانه بسرعه لما شافته ضمته من الخوف انت وين رحت انا مو قلت انتظر هنا وقفت دانه على صوت وحده تقولها ولدك ؟ قالت دانه لا اخوي : ) ابتسمت البنت انا كنت متوجهه للبوابه بخليهم يعلنون عن طفل مفقود بس ماكنت اتوقع انه يعرف اسمه الكامل توقعته صغير على الكلام ضحكت دانه والبنت وودعو بعض ,,,,,,,,,,,,,,,,,,,,,,,,,,,,,,,,,, بالمطبخ نوف تجهز العشاء عبدالرحمن مندمج مع توم وجيري خالد بصوت عالي عشان تسمعه نوف وهي بالمطبخ : نوف ماقلتيلي دحوم انبسط بالملاهي ولالا نوف وبصوت عالي : ايه جنني يبي يلعب كل الالعاب ولا فكر يرجع البيت جريته بالغصب هههههههههه خالد : ههههههههههههه جابت نوف العشاء وجلسو يتعشون خالد بهمس وغزل : وام دحوم انبسطت ولالا نوف بلقافتها المعتاده شرقت اسكتتتتتتتتتتتتتتتتت نسيت اقولك خالد بلهفه : شنو نوف : تخيل من شفت خالد يستعبط : لاتقولين شفتي امتس الله يرحمها نوف بعصبيه ممزوجه بضحكه : هاهاها بايخه ... لقيت ولد ضاع من اهله قلتله شسمك قال عمر عبدالعزيز الــــ خالد بصدمه شديده وقويه حاول يخفيها لأن محد يدري عن موضوع متعب الا خالد وامه وابوه وعمه سلمان بس لأن الكل يعتقد ان متعب ولد سلمان اللي طلق زوجته من فتره بعيده حاول خالد يجاري نوف : الله من فلوس تلقين الولد يمشي وتعثر بالدراهم هههههههه نوف : بس اخته لما لقته احسها متواضعه جدا لبسها وكلامها وضحكها مدري ماحسيت انها منغره بمنصب ابوها وفلوسه خالد يغمزلها : يعني تأيديني آخذها الزوجه الثانيه نوف وهي ترميه بالخداديه اصلا انت مو كفو احد يسولفلك ومدت له لسانها بشقاوه وراحت المطبخ خالد يفكر " معناها هم قريبين ونفس منطقتنا لو يدري متعب بينسفهم بقنبله ذريه ,,,,,,,,,,,,,,,,,,,,,,,,,,,,,,,,,,,,, اليوم الثاني بعد صلاة المغرب وبعد ماجهزت خذت شنطتها وراحت لبيت ابوها بعد تقريبا ساعه وصلت للقريه اللي فيها بيت ابوها دانه : شاهر استنى هنا لاتروح طيب شاهر : حازر مدام نزلت دانه بخطوات متعثره من الأرض الغير مستويه وبكل هدوء دقت على الباب جاها الصوت منهو دانه : انا دانه فتحت الباب بملابسها المبهذله وشعرها المنفوش وشكلها المقزز دانه : ابوي هنا عايشه بأسلوب مقزز : لا مو هنا وشتبين دانه بهدوئها المعتاد ورفضها للجدال ايا كان منعها من الرد على عايشه دانه طيب كيف الحين بدخل ولا استناه على الباب عايشه : ادخلي الله لا يحييتس دخلت دانه وجلست بغرفة صغيره يعتبرونها غرفة الضيوف وهي بالواقع ضيوف بالنهار وللنوم بالليل جلست بنتظار ابوها بهاللحظات جات ام عايشه : وشتبين جايه هنا ما اكفاتس اللي خذتيه من ابوتس ذاك الليل دانه قامت وسلمت على مرت ابوها اللي صدتها انحرجت دانه وبخجل قالت ابوي كلمني وطلب مني اجي ام عايشه بغضب : مهوب هنا روحي لأمتس ولا عادتشوفتس عيني دانه تفتح شنطتها وتطلع الظرف طيب خالتي عطيله هالظرف ووصليله سلامي وقوليله يسامحني هذا اللي قدرت عليه " كانت دانه مخليه 5 آلاف بالظرف وكان مبلغ مجمعته لزواج بنت خالتها لكن اضطرت تعطيه ابوها من شدت اصراره على الفلوس طلعت دانه متوجهه لسيارتها اول مادخلت كأنها طالعه من سجن " شاهر يلا البيت شاهر : ان شالله مدام ,,,,,,,,,,,,,,,, جالس بمكتبه ينتظر اتصال مهم وبعد دقايق رن جواله متعب : الو وليد : وش ابشرك فيه متعب : لاتقول الاوراق جاهزه وليد : جاهزه ولعيونك بعد متعب بفرحه مو سايعته : الله يبشرك بخير ما انساها لك ياوليد عساك ذخر وليد : ولو حنا بالخدمه لسيادتكم كم متعب عندنا متعب : تسلم ماتقصر والأرض مو شايلته وبفرح قال يلا اكلم كوقت ثاني بتصل ابشر امي وليد وهو حاس بفرحة متعب : هلا حياك الله متعب وهو يحس ان اصابعه ترجف اتصل بأمه ساره : هلا بحبيبي ونور عيني وقلبي متعب والفرحه مو واسعته يمه ابشري خويي جهز الاوراق وكل شي مضبوط بس باقي مهمتس انتي ام متعب واللي بكت من الفرحه لأنها شافت ولدها صار رجال وبيعرف ياخذ حقه من ابوه بكت دموع فرح الله يبشرك بخير يا ولدي ابشر بكلمه الحين واقوله والله يستر عليك منه متعب : لاتخافين ولدتس ذيييييييب اممتعب : الله لايحرمني منك انتهت المكالمه ومتعب بانتظار رد امه بعد ماتكلم ابوه ,,,,,,,,,,,,,,,,,,,,,,,,,, وانتو بعد انتظروا رد ام متعب بالبارت الجاي |
البارت الثالث في بيت عبدالعزيز روان تحكي لأبوها عن زميلاتها وعن شعبيتها بالمدرسه ومره يضحكون ومره يندمجون بالكلام وصوتهم شوي يعلى وشوي ينخفض ام عمر مشغوله بزواج بنت صديقتها دانه اللي تقريبا شبه محبوسه بغرفتها تتحاشى نظرات ابو عمر الشيطانيه اللي مستحيل تكلم اختها بالموضوع هذا والصغار يلعبون بحديقة الفيلا قطع حديث روان وابوها اتصال مفاجيء مد عبدالعزيز يده على الطاوله القريبه وخذ الجوال متعب يتصل بك بينه وبين نفسه " ذي وشتبي تو مرسلها فلوس قبل اسبوع " قرر انه مايرد ورجع يكمل الحديث الممتع بالنسبه له مع روان عبدالعزيز بقمة فرحته : ايه بابا ويوم قلتيلهم اني ابوتس وش سوو البنات رجع الاتصال مره ثانيه مد يده من بعيد شاف متعب يتصل بك عبدالعزيز : بابا روونه عندي اتصال مهم وقام واتجه لغرفة المكتب اول مافتح الخط قال : ان شاء الله متصله تبشريني بموته ام متعب وبكل شموخ ونصر : لاوالله متصله ابشرك بفضيحتك وهزيمتك عبدالعزيز : انتي وش تقولين ام متعب بفخر : اللي سمعته عبدالعزيز وبدى الخوف يتغلل بعروقه : وش صاير ام متعب : ابد عيال الحلال ماقصروا وطلعو اثبات ان متعب ولدك عبدالعزيز وهو حاس الاكسجين انتهى قال بخنقه : تزوير انا راح اوديكم بداهيه يا كلاب ام متعب بتهديد و هدوء بنفس الوقت : شوف يا عبدالعزيز انت تدري ان اثبات النسب موضوع مو هين وانا قدرت اثبت نسب ولدك لك وهذا دليل ان اللي ورى الموضوع ناس واصله ولو صار لولدي شي الموضوع بيكبر وانا مو حابه الموضوع يكبر مو عشان اسمك بالبلد لااااا ولا هميتني لا انت ولا اسمك انا بس عشان ولدي لأنه ماله عقل ومهو عارف ياخذ حقه منك واللي اتمناه انك بس تاويه فبيتك وتأمن اكله وشربه ونومه ومصاريف علاجه ابو عمر وهو مو مستوعب شي وبنفس الوقت مقتنع انه لو تكلم بتزوير الاوراق واثبات النسب بدون علمه راح يكون هو الخسران لأن بفحص بسيط راح يبين انه ولده ولاراح يستفيد شي قرر بغضب انه يسكر الخط وبدون شعور ضغط اسنانه بقوه ويده تضغط الجوال وهو مخنوق من المصيبه ااااااااااااااااااااااااخ انا بليت نفسي وانا اللي باكلها كل اللي بنيته بينتهي وسمعتي بين الناس .......... بدى العرق يتصبب على جبينه وبشكل سريع طلب يكلم ابو سعود ابو سعود : سم طال عمرك ابو عمر بفقدان لأعصابه : تدري ان ساره الخسيسه طلعت اوراق تثبت ان متعب الكلب ولدي ابو سعود وهو يمثل الغرابه : شلون ومو على كيفهم ابو عمر : هذا اللي صار شسوي الحين انا بمصيبه متعب لازم يموت قبل يوصل السعوديه انت فاهم ابو سعود : الله يهديك يابو عمر هد اعصابك الموضوع مانقدر نحله بالجوال انا بكره بكون عندك ابو عمر بغضب : خير ان شالله ,,,,,,,,,,,,,,,,,,,,,,,,,,,,, تهلل وجه متعب لما شاف دنيتي يتصل بك متعب : هلا وغلا بدنيتي كلها ام متعب وصوتها يبشر بخير وصلتله كل الكلام والباقي على ابو سعود اكيد بيخبرك فيه متعب اهم شي فهمتيه اني ماكو مخ ههههههههههههههههههه ام متعب وهي بتموت من الضحك اكيد وانت مو تنسى وتخرب علينا الفلم ههههههههه متعب وكله ضحك لا افا عليتس اعجبتس ام متعب : الله يريح بالك يا ولدي متعب آمين يلا يمه اكلمتس الصبح ان شالله بخليتس ترتاحين ام متعب : حافظك الله يا حبيبي ,,,,,,,,,,,,,,,,,,,,,,,,,,,,,,,,,,,,,,,,,, في المدرسه جالسه تصحح الاملاء وبدى صوت البنات يعلى دانه وهي مشغوله بالدفاتر يابنااااااااات بس وعم الهدوء وخلال ثواني رجع الصوت والازعاج دانه بينها وبين نفسها " ياكرهي لصف اول مزعجين ولا يفهمون " خلصت التصحيح ورجعت تكمل الشرح يالله يابنات من تقولي كلمه تبدأ بحرف الشين سلمى : ابله ابله دانه يالله ياسلمى سلمى : شمس ابتسمت دانه لسلمى وقالت للبنات يلا شجعوها وراحت لمها وعطتها حلاوه ووقفت بتشجيع واللي بتعطيني كلمه بحرف الميم بعطيها الحلاوه الثانيه البنات كلهم ابله ابله ابله اختارت دانه شهد الطفله الدلوعه الشقيه شهد : متعب انصدمت دانه من شهد وقالت بتلقائيه وتعجب : منو متعب وكانت صدمة دانه كالصاعقه من رد شهد شهد بخجل : خطيبي دانه حاولت تتمالك اعصابها وضيعت الموضوع بشكل سريع وكملت الحصه وبعد انتهاء الحصه نادت شهد على جنب دانه : شهوده حبيبتي مين متعب شهد : ولد خالتي هو قالي اذا كبرت بيتزوجني دانه : هو قالتس كذا شهد ببراءه: ايه .. هو يحبني وكل يوم يجيب لي هدايا بس هو مايعطيني الهدايا الا اذا حبيته دانه كانت بتنشل من الصدمه وبينها وبين نفسها مو منكم من نيكولديان وام بي سي ثري هي اللي خربتكم يلا روحي فصلتس بسرعه توجهت دانه للأخصائيه الاجتماعيه السلام عليكم الاخصائيه وعليكم السلام دانه : شلونتس شيوخه وشخبارتس الاخصائيه : والله بخير وشهالساعه المباركه زين اللي مريتي عندنا دانه بضحكه : والله كنت بطلب ولية امر طالبه وقلت اتقهوى معتس شوي الاخصائيه : منهي وشمسويه البنت دانه واللي ماتحب تفضح احد ولو كان الموضوع بسيط : ابد بس مهمله بواجباتها وحابه اكلم امها الاخصائيه : ابشري بكره بكلمها وتجي بس عطيني اسمها دانه : اسمها شهد عبدالرحمن الـــ بعد وقت قصير والمواضيع استرسلت بين دانه و الاخصائيه استئذنت دانه بتروح لحصتها ,,,,,,,,,,,,,,,,,,,,,,,,,,,,,,, سلوى بالمطبخ تجهز العشاء والشغالات اللي مشغوله بالسلطات واللي مشغوله بالحلويات دخلت نوف المطبخ وفي الحوسه سلوى بابتسامه : هاه نام الشيخ نوف تبادلها الابتسامه : ايه خالتي نام طبعا سلوى اخت ساره ام متعب وبحكم عيشتها الطويله بالسعوديه اتقنت اللهجه بفراسه ^_^ نرجع للحوار الكل مشغول بتجهيز الأكل نوف : خالتي سلوى وهي مشغوله : خير نوف : خالتي تقدرين الصبح تمرين علي مع السواق , خالد الله يهديه مايبيني اطلع مع السواق بروحي سلوى : ههههههههههه الله يهديه خالد غيور بشكل مو طبيعي نوف بخجل : ههههههههههه ام خالد (سلوى) : يوه صحيح نسيت اسألتس وين بتروحين نوف : بروح اسوي فحص وحست بإحراج ونزلت راسها ام خالد بفرح : حامل نوف : مدري يمكن ام خالد وتركت اللي بيدها : يارب حامل وتجيبين بنوته مثل دحوم نوف بابتسامه : لا ابيها مثل خالد ام حالد : ههههههههه فجأه دخلت شهد مثل الصاعقه وبكل دلع مامااا شوفي سلمان مايخليني البس شورتي الأصفر نوف وهي تغسل الخضار ضحكت على شقاوة شهد ام خالد وهي مشغوله : احسن خليه يربيتس انا عجزت عنتس شهد وهي تبكي بدلع : ماااااااااااااااابي الحين متعب يجي ويشوفني مو حلوه مابي مابي سلمان الصغير يثبت رجولته بصوته العالي : انا قلت ماعندنا بنات يلبسون قصير عبدالرحمن وسلمان (ابو متعب ) : يضحكون على شقاوة شهدوسلمان بعد حوارات ونقاشات بأمور الشركات وغيرها وصل متعب وعلى وجهه ابتسامه السلام عليكم الكل : وعليكم السلام متعب حب راس ابوه سلمان وعمه عبدالرحمن وسلم على البقيه اللي ماطلعو عن محيط العائله تقهوو والسوالف توديهم وتجيبهم فجأه قال متعب : الا خطيبتي وينها جايبلها هدايا سلمان الصغير: ماعندنا بنات يجون مجالس الرجال متعب يخز سلمان وانفجر ضحك ويأشر على سلمان انت متى كبرت وصرت تعرف العيب كلها اسبوعين اللي غبتها عنكم سلمان بغضب : من زمان خالد بضحكه : اييييه هذا الرجال الطيب اللي يغار على حريمه سلمان على غفله حس انه ارجل واحد بالعالم متعب : انتم من صدقكم تغارون على شهد ههههههههههههههههه الكل ههههههههههههههههه سلمان بوقاره وهدوءه وابتسامته اللي ماتفارق شفايفه وعينه على متعب يتأمله بحب وبعطف الأبوه ومتعب لاهي بالسوالف والضحك سلمان تزوج ثلاث مرات ولكن القدر اللي حكم عليه بالعقم خلا زوجاته يطلبون الطلاق وبعد زوجاته الثلاث اوهم الناس بقصة متعب بأنه متزوج من احد الدول العربيه وبمساعده من اخوه اللي اثبت كلام سلمان بأن زوجته اخت زوجتي كانت الحكايه مبلوعه ولافيها تشكيك ,,,,,,,, ورزقه الله بولد ولكن طلق زوجته لظروف احتفظ عن ذكرها للناس(وطبعا كلها خدعه ملفقه) تربى متعب مع عيال خالته سلوى لحد عمر 8 وانتقل لبيت ابوه سلمان اللي كان له الأم والأب وتكفل بتعليمه وكل صيف يخليه مع امه ولا قصر عليه بشي ,,,,,,,,,,,,,,,,,,,, بعد تجهيز السفره وتأكدت ام خالد من كل شي قالت لفيصل ولدها (10) سنوات ناد متعب يافيصل راح فيصل ونادا متعب اللي دخل لخالته بشوق وحب راسها بكل احترام والابتسامه مرسومه على محياه شلونتس يمه ام خالد : بخير يا حبيب خالتك سحبته ام خالد للطاوله تعال يايمه جهزت لك كل اللي تحبه متعب يناظر الطاوله بشغف شهالزين ماخليتي شي هههههههه ام خالد : من عندي اغلى منك بدى الصوت اللي خرم اذنه متعععععععععععععععب نسيتني متعب ناظر مكان الصوت وشالها بخطفه سريعه وضمها بقوه وهي تضحك بصوت طفولي حاد متعب : احد ينسى خطيبته شهد : وين هديتي متعب يأشر على خشمه علــــــــــــــــــــــــــى هالخشم بس اتعشى واجيبهم شهد نزلت بسرعه بتلحق تغيض بنات الجيران ,,,,,,,,,,,,,,,,,,,,,, اجتمع الكل على العشاء والمواضيع تدخل لهم من كل جانب اخيرا قرر متعب يستئذن لأن عنده دوام بدري وودع خالته وتوجه لسيارته نزل اغراض شهد واعطاها الشغاله توصلها وركب سيارته متجه للبيت وهو متكسر من اليوم الطويل اللي مر عليه ,,,,,,,,,,,,,,,,,,,,,,,,,,,,,,,,,,,, توقعاتكم ياحلوات وش الحوار اللي بيكون بين ابو سعود وابو عمر ؟ كيف بيستقبلونمتعب بالبيت ؟ وشهو وضع دانه بعد دخول متعب لحياتهم ؟ بالبارت القادم بيكون الجوب ولاتحرموني من اقتراحاتكم وانتقاداتكم : ) |
البارت الرابع الجو شبه معتدل ويميل للبروده خصوصا في الليل ,, فتحت شباك غرفتها وسكرت الأنوار فرشت السجاده ولبست لبس الصلاه بكل خشوع وكبرت لقيام الليل بعد ما انهت صلاتها رفعت كفوفها بكل ذل لله عز وجل وهي تسأله بالدعاء ............... بعدما انتهت اتجهت لسريرها بكل هدوء ونامت وفي ساعات الصباح الأولى كالمعتاد والروتين اليومي اللي يبدأ بعد صلاة الفجر بعد ما انهت صلاتها بدت تقرأ وردها حست معها وقت فاضي ... فتحت غرفتها متجه لغرفة روان وبضربات خفيفه على الباب وهي تقرب تحاول تسمع صوت يدل انها جالسه ولكن بدون جدوى فتحت دانه الباب بهدوء ... وبهمس روان .. روان روان : بكسل همممممممممممممم دانه : روان قومي صلي روان : طيب طيب اذا صحيت للمدرسه بصلي دانه اللي مقرره تغير اسلوب روان اللي مايعجبها نهائيا : ترى بجيب المويه البارده روان : يامزعجججججججججججججه وضربت دانه بالكوشيه الصغيره دانه بضحك : يالله قدامي ,,,,,,,,,,,,,,,,,,,,,,,,,,,,,,,,,,,,,,,,,,,, ام خالد : نواف يالله بتأخر على مدرستك " ياربي على الجيل اللي مايبون غير النوم نواف : يمه انتي ماتشوفين غيري صحي اخواني وخليني آخر واحد ام خالد اللي تعبت من عيالها كل واحد يقول خليني شوي : لو خالد هنا كان عرفلكم انا ادري محد يهيبكم ويخوفكم غيره فز نواف وبعيونه النوم خلاص خلاص صحينا ولا يهمتس بس فكينا من خالد على هالصبح ام خالد : ههههههه شهد : يمه زيني شعري ام خالد : يالله ياماما جايتس وضع البيت فوضوي اللي داخل واللي طالع واللي معصب والأزعاج انواع وخلال ربع ساعه صار البيت كأنه المهجور ام خالد : الله يحفظكم ياعيالي صدق انكم مالين البيت بشقاوتكم الله لا يخليني منكم مدت يدها للتلفون الأرضي ام خالد : السلام عليكم نوف : وعليكم السلام ياهلا خالتي ام خالد : ها يا يمه تجهزي بمر عليتس الحين نوف : يالله انا جاهزه قفلت الخط وطلبت السواق اللي جهز السياره بعد وقت قصير وصلت للعماره اللي ساكن فيها خالد ولدها ونزلتلها نوف ومعاها ولدها دحوم ام خالد اللي تهلل وجهها بشوفة دحوم اللي تحبه بشكل جنوني مدت يديها له وحضنته نوف تسلم على خالتها : صباح الخير ام خالد : صباح النور ام خالد تأمر السواق يرجع لبيتها لأنها بتخلي دحوم مع شغالتها بالبيت ,,,,,,,,,,,,,,,,,,,,,,,,,,,,,,,,,,,,,,,,,, دخلت لغرفة المعلمات خذت بعض الأوراق واتجهت للمديره اللي كانت طالبتها المعلمات بينهم وبين بعض سحر : شيماء ماتدرين ليش دانه رفضت سالم اخو نوره شيماء وهي غير مهتمه للموضوع : والله ماقالتلي سحر : مدري شايفه نفسها على ايش شيماء : انتي ماتملين من الحش سحر وهي تقوم : آسفه نسيت انتس مطوعه شيماء بابتسامه حاولت تخفيها : الله يسمع منتس بعد دقايق رجعت ومعها نفس الاوراق شيماء : دانه قبل انسى ترى شيخه اتصلت تقول خلوها تجي ولية امر الطالبه اللي تبينها موجوده دانه : طيب بروح الحين وهي متجهه لغرفة الاخصائيه " ياربي كيف بفاتحها بالموضوع انا المفروض اقول لشيخه وهي تكلمهم " وصلت الغرفه وكل شوي توصلها فكره لحد مالقت نفسها امام الأمر الواقع استقبلتهم بابتسامه هاديه وبعد ماسلمت عليهم جاها صوت شيخه : تقدرون تاخذون راحتكم انا بخلص شغل مع المديره ام خالد : خير يابنتي لما اتصلت ابله شيخه خفت لا يكون شهد فيها شي دانه : لا ياخاله مافي الا الخير نوف اللي كانت موجوده مع خالتها تدقق بملامح دانه وتحاول تتذكر ياربي انا شفتها قبل كذا ام خالد : تدرين شهد بنتي الوحيده وانرعب لا يصير لها شي دانه : انلجم لسانها وحست انها مو مأهله تكلمهم بالموضوع خصوصا ان نوف موجوده دانه وهي تحاول تغير الموضوع : لا بس شهد شقيه شوي وكذا بيتأثر مستواها عشان كذا طلبت تراجعينا ام خالد بابتسامه : لو ادري انه الدعوى شقاوه كان رحنا للمستشفى احسن ههههههههه دانه بإحراج : شكلي عطلتكم ام خالد : لا بالعكس انا بشوف الموضوع مع شهد الشقيه اللي مانقدر نزعلها هههههههه دانه : هههههههههه دانه " لو سكت عن الموضوع اخاف يتطور " لازم القى حل اتجهت لحصتها وتابعت يومها اللي مثل كل يوم ,,,,,,,,,,,,,,,,,,,,,,,,,,,,,,,,,,,,,, في الاستراحه ابو سعود وعينه على ساعته :: ذا وينه راح كمل قهوته واتصل لأبو عمر ابو عمر : بتوتر ملحوظ واصلك واصلك وقفل الخط ابو سعود " الله يسترنا منكم ومن لعبتكم " وصل ابو عمر وهو متوتر ومستعجل بنفس الوقت سلم على ابو سعود وجلس واعصابه مشدوده ابو سعود : خير يابو عمر وش صاير ابو عمر : ساره الخسيسه قوى عودها وتحدتني ابو سعود يستغبي : وشله تحداك ابو عمر : طلعت اثباتات ان متعب ولدي ابو سعود اللي بدى دوره بإقناع ابو عمر وطبعا بتخطيط من عبدالرحمن ابو خالد ومتعب يابو عمر وشتخافله الولد مخفه عقلــــه ماش تراه مهبول حتى اسمه مايعرفه ابو عمر اللي تطمن مبدئيا بس ... قلبي ناغزني اخاف ساره مدبرتلي شي ترى اللي سويته لها مو شوي ابو سعود طبعا يعتبر امين سر ابو عمر واللي كان يعرف الموضوع كله وطول الــ27 سنه كان يوصل لأم متعب الفلوس اللي يرسلها ابو عمر وبنفس الوقت كان يجيبله اخبارهم وبحكم فطنة وذكاء عبدالرحمن زوج ساره اخت سلوى عرف ان ابو سعود موظف بسيط وعلى قولته عبدالريال اغراه عبدالرحمن بالمال لأنه كان يحسب لهذا اليوم وابو سعود قبل بحكم حاجته للمال مقابل انه يوصل لأبو عمر اخبار ان الولد معاق ذهنيا ولايودي ولايجيب طال الحديث بينهم بين اقناع وتصديق بعد مرور ساعتين تقريبا قدر ابو سعود يقنع ابو عمر بهالكلمتين ابو سعود : ترى لو هي تبي الفضايح كان طلبت فحوصات وحطت محامين وقومت الدنيا على ساق وقدم , بس ياخوك وصلني خبر انها مريضه وتبي تأمن مكان لولدها الخببببببل ابو عمر : حس براحه ابو سعود : هاه تبيني اسافر اجيبه ودخله بيتك لامن شاف ولا من درى ابو عمر : ايه ايه بكره بحجزلك وجيبه ابو سعود : لا انا رايح فيه وبلياه ان احتجت شي بلغتك (ابو سعود نصاب ويلعب على الحبلين وعارف اللعبه كلها ويدري ان متعب اصلا من عمره بالرياض ) بس بيضيع ابو عمر ابو عمر خلاص تم ابو عمر " الحين كيف افهم موضي وش يفكني من هرجها الزايد وتنهد بحيره "هييييييييييييييييييييييه " وين كان كل ذا واقف بكل هيبته ينتظر عسكري مهمل عنده بعد دقايق دخل العسكري العسكري : طال عمرك انا كل اللي تأخرته 10 دقايق ماهي محتاجه انحجز عشانها متعب بعصبيه : انا اللي اقرر مو انت فاهم ولالا العسكري : بس متعب قاطعه : لو سمعت كلمه زياده بدال اليوم بخليها يومين استسلم العسكري للأوامر قاطعهم صوت الجوال وبنظره خاطفه عرف متعب ان المتصل ابو سعود اللي صار مهم بالنسبه له بالفتره الأخيره اشر للعسكري بالأنصراف وهو يتصل بأبو سعود جاه الصوت : سم طال عمرك متعب : هلا ابو سعود وش عندك متصل ابو سعود : طال عمرك كلمني ابو عمر على الموضوع وخلصنا كل شي وهو بانتظارك متعب : لايكون يسافر يجيبني ابو سعود : لا ياطويل العمر هو كلفني بالموضوع وانا انتظر الوقت اللي تحدده متعب : خلاص انا بشوف الوضع وبينا اتصال بعد ما انهى الاتصال جلس بحيره وهو يفكر وش اللي بيواجهه والمفاجآت اللي تنتظره اخيرا قرر يطلع من دوامة التفكير وخذ جواله وهو مستعجل كتب مسج لخالد وبأسلوبه المازح اللي تعود عليه مع خالد كتب " ابشرك انا تنازلت عن كرامتي وعازمك على العشى بأفخم مطعم انت تختاره " ,,,,,,,,,,,,,,,,,,,,,,,,,,,,,,,,,,,,,,, ام عمر قفلت الخط على دخول ابو عمر عبدالعزيز : مسا الخير موضي : مسا النور عبدالعزيز اللي يفكر كيف يفتح الموضوع : هاه وشلون البزران مالهم بينه اليوم موضي : طلعو يتسوقون مع دانه كلمك ابو سلطان ؟ عبدالعزيز : ايه كلمني الجمعه بنكون عندهم على الغداء موضي باستياء : دانه بتجلطني من قراراتها عبدالعزيز اللي باله مشغول : ليه وش فيها موضي : ماتبي تطلع معنا لمزرعة ام سلطان مع ان ام سلطان مصره على حضور دانه عبدالعزيز وهو يجاريها : خليها براحتها من هنا للجمعه بتغير رايها موضي : الله يهديها وتغير رايها مافيني على الكلام الزايد بعد سكوت عدة دقائق تشجع عبدالعزيز وقرر يفتح الموضوع عبدالعزيز وهو يتصنع انه تذكر شي : موضي تذكرين طليقتي اللي قلتلس عليها موضي اللي سهلت له الموضوع اييييه اللي ولدها مهوب صويحي عبدالعزيز اللي ارتاح راحه بسيطه ايه ماغيرها ، وحاول يدخل بالموضوع من الباب اللي هي تحبه اليوم كلمني ابو سعود اللي كنت ارسله لهم والله قال انها مريضه وحالها ما يبشر بخير موضي وهي مستغربه : وحنا شعلينا منها انت طلقتها وخلاص عبدالعزيز : انا ماعلي منها بس الولد اخاف يلعبون عليه ويسرقون حلالنا ترى ذول نصابين انا اعرفهم زيييين يطلعون اوراق من هنا ولا هنا ولا انتي ناسيه انه باسمي موضي اللي انتبهت للموضوع : وش بتسوي ترى اهم ماعندي حلال عيالي لا يضيع عبدالعزيز : لا تخافين انا فكرت اجيبه هنا وش رايتس موضي وهي تستعد للوقفه وهي تتخصر : بتدخل المجنون بيتي عبدالعزيز ويحاول يهدي الموضوع : اجل بخليه هناك وخواله ان رفعوا قضايا ولا شي بعطيهم اللي يبون وخلاص وسحب نفسه لغرفته كأن الموضوع مو هامه موضي وهي تلحقه : ان عطيتهم ماهم بخالصين كل مره بيطلبونك عبدالعزيز اللي كان عارف ردها : اجل وش اسوي موضي : خلاص جيبه هنا ودخله مصحه ولا دار رعايه اي شي عبدالعزيز : خلاص بشوف الموضوع خليه يجي بس وانا اشوف وين اوديه عبدالعزيز بينه وبين نفسه " لو عرفت موضي ان زواجي من ساره عرفي واني اصلا مانسبت متعب لي وش بتسوي" طبعا عبدالعزيز اللي اوهم موضي انه كان متزوج وله ولد معاق وبحكم وضعه الصحي تركه برعاية امه وهو من حسن حظه انه قالها كذا والفضل يرجع لتنصتها له قبل 15 سنه لما سمعت ابو سعود يوصف حالة متعب المترديه وانه عقله شبه عاطل ، وانتهى الموضوع بينه وبين موضي بعد ما اقنعها انها طليقته و ان الموضوع منتهي من زمان وهو مستحيل يجيب ولده او يرجع طليقته ,,,,,,,,,,,,,,,,,,,,,,,,,,,,,,,,,,,,,,,,,,,, في المطعم بعد ما طلبوا العشاء وخالد استرسل بالحديث وهو يتكلم بموضوع سفره ومواضيع في شتى الامور ,,, مر عليهم نص ساعه وهم يتناقشون بأمور مختلفه متعب : هذا العشا جاء خالد : كنك شايفني على لحم بطني من الصبح متعب : من عرفتك وانت على لحم بطنك ههههه خالد : شسوي ياخوك شهيتي تنفتح من اشوفك هههههه متعب : صحيح ماقلتلي نوف بترافقك ولا بتخليها هنا خالد بضيق : مدري ان خذتها بنشغل فيها وبولدها خصوصا انها حامل وانا بصراحه رايح ادرس ومو فاضي متعب : كلمتها بالموضوع خالد : كلمتها وسوتلي فلم ماتبيني اروح متعب : والله اموركم الخاصه ما اقدر اتدخل فيها خالد : لاتشغل بالك وقولي متى بتروح لأبوك متعب : ما أدري انتظر خالي سامر يرسل التقارير الطبيه بالفاكس خالد : ترى مالها لازمه انت ماخذ احتياطات زياده عن اللزوم متعب بمكر : مايعرف للذيابه غير الذيابه خالد : هههههه اجل اكل ياذيب رجع خالد بعد ماتذكر : اوووووووووووو نسيت اقولك ياذيب متعب وهو مشغول بالأكل : وشو خالد: نوف شافت خواتك بالملاهي متعب : تمزح انت وشعرفها فيهم خالد بعد ماقاله السالفه القصيره اللي الفايده الوحيده اللي فيها هي معرفة متعب ان له اخوان كبار وصغار وقال بمزح ترى من يوم تصفي امورك مع ابوك تزوجني اختك اللي شافتها نوف متعب وهو يضحك : شكلك تبي نوف تغتالني بعد ما انهو العشاء دار بينهم تخطيط ونقاش بخصوص مقابلة متعب مع ابوه ,,,,,,,,,,,,,,,,,,,,,,, بعد يومين من مقابلة متعب وخالد وبعدماوصلت التقارير اللي طلبها متعب من خاله سامر عند الباب خالد اللي مبسوط على الفلم اللي بيسوونه ومتعب وهو يناظر نفسه بالزجاج العاكس ياولد تصدق بالله احس اني كسرت خاطر نفسي خالد اللي بينفجر من الضحك اسكت لاتفضحنا دقايق ووصلهم الصوت ميييييييييين : خالد ابو عمر فيه جيسي : نو خالد : ام عمر في جيسي : نو خالد : منو فيه ؟ جيسي : مدام دانه فيه خالد : طيب خليها تجي متعب يهمس لخالد : ياشيخ شكلهم كاشفينا خالد : وش بك طبيعي اي احد بيطق الباب الناس بتستنكره اصبر بس اصبر متعب بدى القلق عليه وهو خايف من دخوله جاهم الصوت دانه : من اللي بالباب خالد يغمز لمتعب : يازين صوتها متعب : ترى كف الحين وبابتسامه هذي اكيد اختي اللي شافتها نوف خالد : طال عمرتس بغيت ابو عمر دانه : بس هو مو موجود , انت على موعد معه ؟ خالد : اي نعم طال عمرتس انا جايب متعب ولده دانه : ايه هو بلغنا بس للأسف مو موجود تقدر ترجع وقت ثاني متعب حس عيونه بتطيح من القهر وبينه وبين نفسه " ليه ماتفتح يوم درت اني جاي" خالد يأشرله بالصبر خالد : ياطويلة العمر هو جاي من سفر تعبان خلي الشغاله تدخله المجلس وانا برجع لشغلي دانه بأمر : ما اقدر استقبل احد وصاحب البيت مو موجود اعذرني خالد ناظر متعب بتعجب ومتعب اللي عجبه تصرفها متعب بهمس تصدق تعجبني البنت اللي كذا وحس بفخر ان اخته ثقيله وماخذه حذرها من كل شي خالد بمزح قايلك زوجني البنت ونصير نسايب ههههههههه متعب هههههههه خالد : متعب اجلس هنا ولي جا ابو عمر بيعرف كل شي , وانا بكلمه جوال وافهمه متعب : اوكي ,,,,,,,,,,,, في المطعم ابوعمر يتعشى ام عمر : يوووووووه بيونه وعمر اختفوا ابو عمر : قايلتس جيبي شغالتهم انتبه ابو عمر لجواله استغرب الرقم رد باستغراب : نعم خالد : مسيت بالخير ياطويل العمر ابو عمر : ياهلا من معي ؟ خالد : انا ولد ابو سعود , مابلغك اني بجيب متعب البيت ابو عمر : اووووووووووووه كيف نسيته خالد بينه وبين نفسه " عزتي لك يامتعب ههههههه" ... عموما طال عمرك الأهل مافتحوله وجلسته عند الباب لين ترجعون ابو عمر : الله يهديك ياولدي تدري الولد عليه من الله ظلال لايكون يهج هنا ولا هنا خالد والضحكه خانقته : لاطال عمرك انا حرصته وانتم لاتبطون عليه ابو عمر وهو يأشر لموضي يعني اجهزوا بنمشي يالله يالله يابوك انا رايحله خالد : مع السلامه ابو عمر سكر الخط وشكله كان مستعجل ام عمر : وشفيك تو ما تعشوا البزران ابو عمر : قومي بس الولد لا يهج والله ان يمسكونه لينفضح كل شي ام عمر باستعجال خذت البزران ورجعوا البيت بعد مرور ساعه كامله ومتعب على درجات البيت ,, وصل ابو عمر اللي بمجرد ماقرب لمه لقاه منزل راسه بانكسار قاله بصوت جهوري متعب متعب : ........... ابو عمر : متعب متعب :.......... موضي : لا يكون اصقه ابو عمر :لا ماهو بأصقه ابو سعود يقول انه ينسى ومايركز موضي : بحقد اجل نشه برجلك يمكن يحس ويفز متعب وده يرفع راسه بيشوف موضي اللي وده يقتلها ابو عمر : مسك متعب من ذراعه ووقفه ومشاه بالغصب وفتحله الباب راح جلسه على الكنب على مايتفق هو وموضي بموضوعه متعب التزم الصمت العميق وغاص بدوامة التفكير " حرمتني من اسمك عشان غيري يعيش بنعيمك وامانك وش ذنبي انا ووش ذنب امي المسكينه فجأه انتبه لطفل دخل راسه تحت الكرسي وصار وجهه مقابل لوجه متعب البزر : بيونه تعالي شوفيه انا شفته بيان : تمسك وجه متعب ببراءه وبصوتها الطفولي الحاد ارفع راسك بشوفك متعب حس انه بيعطيهم كفوف مو متحمل وضعه معهم وهم يتفحصونه بهاللحظات روان جات بيان وعمر : روان تعالي شوفي روان وهي مسرعه وشو لا تقولون متعب بيان وعمر : ايه هو متعب روان : بصوت كل ماله يبتعد دانـــــــــــــــه دانــــــــــــــــــــــــه الحقي متعب هنا متعب وهو يحس دمه يفور " كملت المهزله " فجأه صوت خطوات احد جاي لمه .. وهو بنفس الوضع منزل راسه بإنكسار سمع صوت ناعم : يمه ذا متعب موضي : ايه دانه بسؤال : يمه اتغطى عنه ؟ متعب " صعق من اللي سمعه " وش يغطيها ذي تستهبل صوت ضحكات عبدالعزيز علت وهو يقول وليه تغطين تراه خببببببببببل خبل ابو سعود يقول انه مرات ينسى شكل امه تراه مايعرف مرفوع عنه القلم تراه حتى معفي عن الصلاه ماينشره عليه يبوتس خبل عقله مهوب صويحي متعب بلع ريقه بحيره وش المصيبه اللي ماحسبتلها حساب .. والافكار بدت توديه وتجيبه دانه : طيب ليش منزل راسه كذا ترى رقبته بتوجعه حرام موضي : خليه يولي عساه للكسركلها يومين وندخله دار رعايه متعب انذهل مايدري وش يسوي عبدالعزيز : جيسي جييييسي جيسي : يس سير عبدالعزيز : ودي هذا ولد ملحق وحطيله لحاف وقفلي الباب ورديلي المفتاح متعب بلع ريقه : بيحبسني وش الورطه قربت منه جيسي الفلبينيه وهي تمسكه من ذراعه وتوجهه للملحق وهو لايزال كسير بعد ماوصلوا الملحق سحب متعب يده من الشغاله ووقف وقفته الطبيعيه رفع راسه بشموخ , والشغاله صارت تناظره بذهول متعب بادلها النظره بحقد .. خافت جيسي من شكله وهي مو فاهمه القصه طلعت وقفلت الباب رجعت لأبو عمر بالمفتاح ,,,,,,,,,,,,,,,,,,,,,, في اليوم الثاني يوم الخميس اللي له طابع خاص بينهم في حديقة فيلتهم الراقيه والفخمه قررت ام عمر انها ماتفوت الجو الهادي خصوصا انهم على استعداد لأستقبال الشتاء كان الجو هادي جدا والشمس تشرق بشي بسيط الأرض كساها خضار العشب والأطراف حددتها اجمل الورود الملونه حمام السباحه كان فيه الماء لكن بدون اي حركه مراجيح الاطفال تنتظرهم بشغف ام عمر جهزت المكان بعد مافرشته وجهزت الفطور والشغالات ساعدوها بهاللحظان جات دانه بهدوءها الدائم دانه : صباح الخير يمه موضي : هلا يمه استريحي دانه : يمه بكلمتس بموضوع موضي بانتباه : سمي يابنيتي دانه وهي متردده موضي بنت تكلمي اشغلتيني دانه وهي تناظر امها : يمه انا لازم اسكن مع ابوي ام عمر والغليان وصل عيونها : وشو تروحين لم منيره وبناتها دانه وهي تحاول تضبط اعصاب امها : يمه يرضيتس اجلس هنا كني الغريبه موضي : وش غريبته ماتغيرنا هذا حنا ماغير جانا متعب الخبل دانه : بس يمه مالي مكان هنا موضي بعصبيتها المعتاده : دانه اسكتي لاعاد اسمع ذا الموضوع ولا بخلي عبدالعزيز يتفاهم معتس دانه قررت تسكت لأنها عارفه عبدالعزيز مايصدق يصير شي عشان يطلب يكلمها بروحها من باب الهدوء وهي تتحاشاه قد ماتقدر ,,,,,,,,,,,,,,,,,,,,,,,,,, بغرفته وهو منسدح على السرير اللي ما ارتاحله ابد وبعد ماسمع الكلام اللي بين دانه وامها من الشباك القريب لجلستهم بالحديقه غصت العبره بعينه بعد ماعرف ان دانه مو بنت عبدالعزيز وبكل قوته ضرب يده على الأرض " اخ يا حقيييييييييير خليتني وانا قطعه منك عشان تربي وحده ماهي بحاجتك وابوها موجود وانا اللي مالي احد صرت مهزله للي يسوى واللي مايسوى ,,,,,,,,,,,,,,,,,, اشوفكم بالبارت القادم واتمنى اشوف ردودكم عشان اتشجع http://i1.makcdn.com/m002/alfrasha/i...milies/087.gif |
البارت الخامس موضي بكل اساليب الإقناع تحاول تقنع دانه تطلع معهم لمزرعة ام سلطان ودانه اللي تعبت من امها قالت بهدوء : خلاص يمه بفكر بالموضوع موضي بكل عصبيه : تفكرين ولا ماتفكرين بتروحين معنا غصب عنتس عبدالعزيز والجريده بيده : وش فيكم صوتكم واصل لغرفتي دانه استعدت للوقوف موضي وهي معصبه : وينتس قايمه دانه : عندي شغل بغرفتي عبدالعزيز اللي يحب وجود دانه : اجلسي يابوتس نفطر مع بعض دانه بقرف : فطرت وهي تمشي ،،، لاتنسون المسكين اللي بالملحق عطوه فطور ولا جلسوه معكم موضي وهي تتذكر كيف نسيته لا يموت علينا بعد مو ناقصين مصايب عبدالعزيز : خلي جيسي تجهزله فطور وتوكله تراه مايعرف ,,,,,,,,,,,,,,,,,,,,,,,,,,,,,,,,, ام خالد والخوف واضح على ملامحها دخل نايف اللي عمره 25 سنه موظف في بنك ، ثاني واحد من عيال ام خالد نايف : يمه خير وجهتس ماهو عاجبني صاير شي ؟ ام خالد : متعب لا حس ولا خبر ومن امس اتصل ولا يرد ماهي عوايده نايف : يمه متعب ماهو بزر وترى كل شخص له مشاغل ام خالد : قلبي ناغزني عليه نايف اللي مايحب يشوف امه متضايقه وهو يطلع جواله بيريح امه : انا بتصل على خالد اكيد عنده خبر عن متعب ام خالد : اي والله ياوليدي كلمه الحين طلع من الغرفه اللي فيها امه لأنه بدى يشك ان متعب فيه شي ولا يبي امه تحس طلب رقم خالد اللي ماخلاه ينتظر ورد علطول : هلا نايف: سلام عليكم خالد : وعليكم السلام والرحمه نايف بعد ماسلم وسأل عن دحوم ومن هالأمور قال : يا رجال امي عايشه بقلق على متعب هو وينه؟ خالد اللي كان حاسب حساب للسؤال قال بهدوء : ليه ماقالكم انه طالع لمزرعة خويه كم يوم نايف : شكله مابلغ الوالده ، طيب ليه مايرد على جواله خالد : خبرك عاد جمعة شباب طبخ ولعب وكوره واكيد ما انتبه نايف : اجل انا ببلغ امك اللي منشغله زياده عن اللزوم خالد : الله معك وبخليه يكلمها بس قولها لاتشغل بالها قفل الخط ورجع لأمه طمنها بأسلوبه الخاص والشي هذا خلاها ترتاح ام خالد : الحمدلله مافيه شي ، اجل انا بروح لنوف مسكينه تعبانه ولا راضيه تاكل شي نايف : ليه عسى ماشر ام خالد : والله دلع حريم نايف : هههههههههه تبين اوصلتس ام خالد : لا باخذ كم مشوار قبل اروحلها مابي اعور راسك نايف بضحك : الله يعين السواقين هههههههه ام خالد طلعت من الغرفه بضحك شهد جات تركض لما سمعت صوت نايف وبكل طفوله : نااااااايف فتح ذراعه لها واستقبلها بحب وهو يلاعبها بحنان شهد : متى نروح الملاهي نايف اللي يتهرب منها : بعدين بعدين شهد بكل دلع : انت وعدتنيييييي نايف قرب من اذنها وبهمس : امس شفتي ابله شيماء شهد استغلت الموقف : اذا رحنا الملاهي بقولك وبدت ضحكاتها تعلى وهربت لغرفتها بتخليه بحيره نايف وهو يصفق يدينه ببعض : صدق ماعاد به بزران كل شي يعرفون ام خالد عندها 6 اولاد وبنت اللي هي شهد آخر العنقود ,,,,,,,,,,,,,,,,,,,,,,,,,,,,,,,,, في فيلا اقرب ماتكون قصر حديقتها الكبيره ، النوافير اللي بالحديقه منظر الفيلا الخارجي ، الخدم اللي يلبسون زي موحد الأثاث الفاخر وكل شي موجود يدل على الرفاهيه ام سلطان وهي مشغوله مع خادماتها بترتيب الأشياء اللي تلزمهم بالمزرعه تركت الشغل اللي بيدها على صوت سلطان : يمه انا وابوي بنسبقكم وانتم اجهزوا على راحتكم وتعالو مع فهد والسواق ام سلطان : ان شاء الله بس لاتنسى تقول لأبوك يعزم ابو عمر سلطان : افا عليك يمه عاد ابو عمر الكل بالكل ام سلطان باستعجال : سلطان ولا تنسى تنبه على الطباخ نبي شي يبيض الوجه سلطان : ولا يهمك يمه بكره الصباح انا اللي بكلمه بنفسي بس انتم اجهزوا نبي نروح الليله احسن نرتب امورنا على راحتنا العنود و ساره بغرفتهم الفخمه ، الوانها راقيه بيج بذهبي وفيها تداخلات رماديه العنود : تتوقعين دانه تجي ساره : يارب ماتجي ياكرهي لها العنود : حتى انا استثقلها ساره : اي والله ثقيلة دم مسويه اخلاق يعني هي ووجها العنود : ههههههه ايه خصوصا اذا تشوف بنات عمي سعد كاشفين شعرهم عند سلطان و فهد دخلت عليهم هاجر اختهم عمرها 11 سنه معاها فستانين : بنات البس اي واحد العنود : ولا واحدكل واحد اشين من الثاني هاجر بخيبه : لاااااااا كيف الحين لازم اطلع اشيك من روان المغروره ساره واللي تحب المنافسات : خلاص تعالي لغرفتك انا بختار لك على ذوقي العنود وهي تقوم : بروح اساعد ماما ,,,,,,,,,,,,,,,,,,,,,,,,,,,,,,,,,, جالسه على طاولة المطبخ تشرب النسكافيه واللاب توب قدامها تجمع اوراق تعليميه لطالباتها دخلت جيسي وهي تجهز فطور دانه : جيسي لمين الفطور جيسي : مدام يقول ودي فور متعب في ملحق دانه اللي حذره بكل شي : جيسي هذا نفر مخ موزين حطي الأكل واطلعي بسرعه جيسي اللي متساويه معها الأمور : مدام يقول انا يبي يعطي اكل فزت دانه من مكانها : كيف يعني لهالدرجه امي مايهمها شي جيسي اللي تنفذ الأوامر ماحاولت ولا فكرت تستفسر عن شي دانه والعصبيه واضحه بصوتها : انا قلتلتس عطيه الأكل واطلعي بكلم شاهر يروحله جيسي : اوكي مدام خذت جيسي الصينيه واتجهت لأبو عمر تطلب منه المفتاح ثم كملت لحد ماوصلت الملحق فتحت الباب وحطت الصينيه على الطاوله القريبه ورجعت لمحتها ام عمر : تعالي انا ماقلتلتس وكليه جيسي : دانه يقول لا يسوي اكل موضي باستنكار : وليه ان شالله جيسي : هيا يسوي كلام شاهر موضي اللي تحب تكون الآمره والناهيه بالبيت : قلتلتس انتي توكلينه خلصيني روحي هذا ماله عقل مايفهم وش بيسوي لتس يعني رجعت جيسي للملحق ودخلت الملحق عباره عن صاله صغيره جدا تعتبر موزع للملحق كله , فيها ممر قصير على يمين الممر مطبخ تحضيري صغير جدا مجهز بثلاجه صغيره وفرن صغير وخزانات بشكل انيق . وطبعا كان فاضي ,,, ونهاية الممر غرفه حجمها كبير بشكل معقول تنسيقها وديكوراتها انيقه وهاديه بين البيج والبني فيها سرير وخزانه وطقم كنبات بسيط في احد الزوايه وفي نفس الغرفه حمام الله يكرمكم واسع ومجهز بشكل راقي خذت الصينيه واتجهت للغرفه وفتحت الباب متعب بعد ما غلبه النعاس واستسلم للنوم لأنه مانام الليل من التفكير اللي شغله وكان مستنكر المكان اللي يبيله وقت على مايتعود عليه فز على صوت الباب وبعصبيته المعتاده وهو ناسي انه في بيت ابوه : انتي شلون تدخلين بدون ماتطقين الباب جيسي اللي صارت مثل الأطرش بالزفه ماردت عليه وتوجهت له والأكل معها متعب انصدم منها هذي وش تبي تسوي نزلت الصينيه وهي تستعد تبي توكله متعب بعصبيه : مناك يلاااا لا اشوفتس جايه هنا جيسي مصره توكله لأن اللي فهمته انه متخلف عقليا وعتبرت عصبيته انه تخلف وهي تمد الملعقه تبي توكله تفاجأت بحركه سريعه من متعب طيحت الملعقه بالأرض متعب : قومي يالله لا اشوف خشتتس هنا فاهمه ثواني ودخل شاهر اللي اول ماشافته جيسي استعدت للخروج شاهر اللي صارله يخدم ابو عمر وام عمر 15 سنه وهو يسافر فترات قليله لأهله ويرجع لأبو عمر وام عمر شاهر : سلامووووووووووو عليكوووووووووووووم متعب اللي قرفان من الصبح : وشتبي شاهر : انا صديق مال انته ليس في زعلان متعب بقرف : وش جايبك هنا شاهر وهو ياخذ الصينيه وبدء ياكل ويستعد بيوكل متعب متعب بقرف بعد يد شاهر شاهر بخفة دمه : احسن لا ياكل بعدين موت انا ياكل مو لازم انتا آكل هههه متعب : انت من قايلك اني مشلول انا باكل بنفسي شاهر وهو ياكل بشراهه يأشر على الصينيه يلاا ازا انت ماياكل انا خلص اكل كولوووه هههههههه متعب : انت شسمك شاهر : باتيما نديكا شاهر متعب : كل ذا اسم شاهر : هههههههه كلو نفرات قول شاهر متعب : اهااا طيب ياشاهر انت مسلم شاهر وهو مشغول بالأكل الحمدلله متعب وهو يوقف : كويس توجه متعب لشنطته ورجع لشاهر مد له 500 ريال شاهر اللي شرق من شاف الفلوس متعب : عندك عيال شاهر والصدمه على وجهه : ايه انا في اسنين بنيه متعب : شاهر اسمعني زين كل وقت صلاه تجي تاخذني المسجد شاهر يفكر : ممكن بابا عبدالعزيز يسوي مشكله متعب : لاتقوله هو بيشوف بعينه واذا لزم الوضع قولهم اني اعرف اصلي بس لازم احد يذكرني بالأوقات شاهر بغباء : انتا مخ زين انا مايعرف ليش دانه قول انتا مخ خراب متعب :وهي صادزه انا مخ خراب شاهر : وين خراب انتا كلام كويس مافي مشكله قرب متعب من شاهر وبتهديد خفيف : اذا قلت اني كلمتك بكسر راسك ومافي فلوس مره ثانيه شاهر فهم قصد متعب واللي يهمه الفلوس وبس : اشر لمتعب انه ماراح ينطق بحرف ,,,,,,,,,,,,,,,,,,,,,,,,,,,,,,,,,,,,,,,,,,,,,, بدء الظلام يخيم على القريه اللي تبعد الرياض بتقريبا ساعه واكثر بقليل منيره بعبوسها الدائم تنادي بنتها : هيــــــــــا ... هيـــا ... ياعلتس الصقه اللي يصيبتس هيا اللي كانت تسمع امها بس ماتبي تجيها منيره ببخيزرانتها متوجهه لغرفة بناتها ضربت الخيزرانه بالأرض كأنها تأمرهم بالإنتباه وفعلا البنات الخمسه تجمعو على زاوية الغرفه كأنهم يحمون نفسهم من امهم الشريره منيره وعينها على هيا والشر مالي عيونها : انتي ماتسمعيني يوم اناديتس هيا وهي طايبه نفسها من اهلها وكل الحقد بقلبها على امها اللي طلبت من ابوها يخليها تترك المدرسه ردت بدون اهتمام : ماسمعتتس منيره بغضب : قومي جهزي العشاء ولا بقطع الخيزرانه على ظهرتس هيا بملل وقفت وهي كارهه كل شي بحياتها وتوجهت للمطبخ طلعت الأم من غرفة البنات ، ورجع لهم الهدوء وارتخت اعصابهم اللي كانت مشدوده رجعت لمكانها اللي جالسه فيه بالبيت الصغير اللي عباره عن بيت شعبي اقرب مايكون شكله اثري ومن دور واحد وصغير جدا مكون من غرفتين وحوش صغير ومطبخ اقرب مايكون خرابه وحمام واحد وصغير جدا اول ماجلست على البساط اللي بهت لونه من كثر ماهو قديم والمساند اللي اختفت معالم القماش اللي مغطيها دخل لافي بنفس عبوس منيره ، وجلس وبين عليه انه يفكر بشي منيره اللي تعودت تستقبل لافي بمشكله : انت وينك من صباح الله خير لافي بعبوس : ليه وشتبون بعد من امس وانا اجدل لكم من المقاضي ما اكفاتس ولا انتي تبين تشقينا وبس منيره وهي تحاول تعرف دانه قالتله على الفلوس ولالا :اول امس جات دانه وترى الفليسات اللي جابتها مافيها خير لافي فز بشكل ملحوظ : دانه جت هنا وباستغراب متى منيره بهدوء : ايه اول امس جات وجابت 1000 ريال تقول وصلوها لأبوي لافي بغضب : بس الف وليه ما انتظرتني وبدى يرتفع صوته وانتي ليه ماقلتيلي من اول امس منيره بعبوس وغضب : اسمع يا لافي انا مالي غير صالح ان مادبرت حال الولد انا بروح لبيت دانه وبكلمها بماضوعه على كثر ماتاخذ منها مانفعتنا بشي غير الزاد اللي مايتعدى الرز والملح والسكر لافي بعصبيه : ان شفتس رايحه لبيت عبدالعزيز كسرت رجليتس ودانه بنتي انا مالتس حق بريال واحد منها فهمتي ولالا منيره اللي ظروف معيشتهم وطمع لافي خلاها انسانه قاسيه حتى على بناتها حست بقهر من طمع لافي قام لافي وهو مستعجل للباب وهو طالع لقى صالح ولده اللي عمره 4 سنوات ومسكه بقسوه ودفه داخل البيت وسكر الباب ,,,,,,,,,,,,,,,,,,,,,,,,,,,,,,,,,, متعب اللي تقريبا محبوس من امس بالملحق اتجه للشباك وتأكد ان السكون عم المكان اتجه للخزانه ومد يده فوق الخزانه وخذ جواله اللي كان سايلنت اتصل على خالد وهو ينتظر الرد توجه للشباك بحذر تحسباً لأي طارئ خالد : هلااا وغلااا شلوووووووووووووووونك ياشيخ انا قلت مات لاحس ولا خبر ههههههههه متعب بضيق : اسمعني مامعي وقت اكلمك خالد وهو حس ان متعب فيه شي : وش صاير تكلم متعب : ابيك تسويلي معجزه لازم تطلعني من هنا بأي طريقه خالد بخوف : متعب وش صاير لا تشغلني متعب : مو صاير شي ماراح اقدر اكمل هنا الرجال مخليني بملحق بعيد عن بيته ومقفل الباب بكذا ماراح استفيد شي من وجودي ابي اطلع من هنا واجيهم زيارات ، اهم شي اني اقدر ادخل البيت خالد بحيره : بس الموضوع صعب متعب حس بحركه قريبه قصر صوته : اقولك تصرف وسكر الخط ورجع الجوال فوق الخزانه ,,,,,,,,,,,,,,,,,,,,,,,,,,,, بالبارت القادم بنعرف خطة خالد اللي بيطلع فيها متعب من البيت وبنتعرف على مشاعل اللي تحاول بكل الطرق تلفت انتباه متعب وراح تصير احداث شيقه لدانه وطبعا لاتنسون الأحداث اللي بتصير بمزرعة ام سلطان انتظروني بالبارت السادس : ) |
البارت السادس فاتحه الخزانه على آخرها ، نزلت تقريبا كل ملابسها بشكل مهمل نصهم على السرير ونصهم على الأرض محتاره على الآخر ، مو عارفه كيف ترضي غرورها ، بدت تتوتر وهي بحوستها سمعت صوت دانه تفتح غرفتها وبحركه سريعه توجهت للباب ونادت بكل دلع : دانـــــــــه دانه اتجهت لغرفة اختها : خير روان وش بتس روان بدلعها الماصخ وهي تتنطط بشكل خفيف وملامحها تدل انها بأزمه : دانه وش البس مابي هاجر تفكرني انقص منها دانه وهي تكتف يديها وبحركه مايله تدل على السخريه : وليش ان شاء الله ممكن تقولين لي وش زودتس عنها روان بقهر : اوووووه مو وقته هالكلام تعالي اختاريلي من جد ماعرف دانه : انا مدري انتي كيف متحمله كذا ، ماكملتي 12 سنه وهذي دبرتس اجل لي كبرتي وش بتسوين ، الله يسترنا منتس روان بملل : انا لو مناديه سيتي كان احسن من الكلمتين اللي خذتهم منتس دانه وهي طالعه : ايه صح سيتي بتنفعتس ترى تخاف على مصلحتس اكثر مني وهي نازله من الدرج لمحتها امها اللي ماصدقت شافتها : دانه تعالي بسرعه دانه : سمي يمه موضي : انتي مالبستي للحين دانه : عشر دقايق تكفيني موضي : طيب طيب روحي مع جيسي للمطبخ جهزي معاها المعجنات وهي مستعجله : دانه لاتنسين تحطيهم بأفخم الصحون الموجوده بعد لا يقولون عنا اقل من مستواهم دانه اللي تعودت على الوضع الغروري اللي هم فيه انصاعت لأوامر امها دخلت المطبخ رتبت المعجنات بشكل راقي وزينتهم بشكل اكيد بيعجب امها دانه : جيسي جيسي : يس مدام دانه : انتبهي للصينيه لا يلعبون فيها بيونه وعمر ، انا بطلع البس جيسي : اوكي مدام الكل جاهز ومستعدين يطلعون للمزرعه ام عمر : دانـــــــــــه دانه وهي نازله : جهزت يمه سمي ام عمر والشر بعيونها : انتي رايحه عزاء دانه : ليه يمه ام عمر وبدء صوتها يرتفع : وش تبين الناس تقول عني روحي البسي شي فخم وحطي مكياج وسوي تسريحه لشعرتس دانه وهي مقهوره وبنفس الوقت انجرحت من امها : يمه متى تقتنعين اني بنت لافي راعي البقاله لي متى وانتي عايشه بوهم ومفتكرتني بنت عبدالعزيز الــــ موضي وهي واصله معها : لا تفلسفين على راسي روحي سوي اللي قلتلس دانه والدموع بدت تتجمع بعيونها : ماراح البس الا كذا ولا روحو واتركوني بالبيت موضي : البيت فاضي حتى الشغالات بيروحون معنا وماراح اخليتس هنا لو يصير اللي يصير دانه : انا قلت اللي عندي ام عمر وبغضب شديد : حسبي الله عليتس من بنت يالله امشي وان رجعنا لي حساب معتس طول عمرتس عنيده دانه حاولت ماترد نهائيا على امها اللي بدت تتكلم بكلام ماله داعي ,,,,,,,,,,,,,,,,,,,,,,,,, حس متعب بحركه وتقريبا ازعاج وصوت وفوضى بسرعه اتجه للشباك لقاهم كلهم مستعدين بيركبون السياره وهو يفكر " شكلهم بينسوني هنا " وش السوات الباب مقفل ، لايكون شاهر بيروح معهم استمر وهو يراقب الوضع وبعد دقايق ارتاح لما شاف عبدالعزيز يعطي شاهر مفتاح الملحق ويوصيه على متعب بهاللحظات اخذ متعب جواله واتصل على خالد خالد بصوت فيه النوم : سم ياطويل العمر متعب : نايم يا كسول خالد والنوم مالي صوته : وش رايك يعني الجمعه والصبح اكيد نايم متعب وابتسامته ماليه وجهه : طيب القاك على الغداء عند امي (يقصد خالته سلوى يسميها امي ) خالد وكنه استعدل : بتجي ؟ متعب : ايه بجي خالد : بتهرب ؟ متعب وهو يضحك : شكلك تشوف افلام كثير هههههههههه اذا شفتك نتفاهم خالد وهو مو فاهم شي : اوكي متعب : سلام خالد : سلام ,,,,,,,,,,,,,,,,, العنود و ساره اللي طول عمرهم مايتفقون مع بعض الا بشي واحد وهو كرههم لدانه العنود لابسه تنوره بيضاء قصيره وبلوزه ربع كم لونها سماوي وشعرها اللي كان كيرلي وملاممحها العاديه اللي غيرها المكياج وخلا شكلها مقبول ساره اللي كانت جميله وتتميز بعيونها الواسعه والجميله لبست بنطلون جينز لحد نص الساق وبلوزه ربع كم وخلت شعرها ذيل حصان وهم يستعدون لأستقبال عائلة عمهم سعد وعائلة صديق ابوها ابو عمر ساره : عنوده امي مالها حق ليش ماعزمت عمتي حصه وعمتي لطيفه العنود وهي تلبس حلقها : تسأليني انا ؟ روحي اسأليها وبعدين من متى حنا نتدخل بهالأمور اللي يجي يجي واللي مايجي بسلامته ساره : يوووه تموتين بالمشاكل وترى سؤالي عادي مايحتاج تطولينها كذا ام سلطان من بعيد : الصوت يابنات متى تعقلون مشاكلكم ماتخلص فزت ساره وعنود على صوت بنات عمهم وراحو يستقبلونهم لما وهي بكامل اناقتها وبجمالها اللي يلفت النظر بشكل مو طبيعي تحضن بنات عمها اللي مشتاقين لها عنود وساره مع بعض : وين مشاعل لما : عندها موعدمع صديقتها عنود و ساره : لااااااااااا كنا ننتظرهااا دخلت ام عمر بثقلها المصطنع معاها بناتها وشغالاتها اللي صاروا يدخلون صواني الحلا والمعجنات للمطبخ ام سلطان بفرح : يا الله حيهم وكان سلامها لأم عمر حار وكله شوق مما يدل على مكانتها المهمه بالنسبه لأم سلطان ام سلطان وهي تدخلها المجلس : طبعا تعرفين خلود زوجة سعد حماي ام عمر بابتسامه : اكيد اعرفها شفتها كم مره عندتس وخذتها بالأحضان وبدو بالأحاديث اللي كل وحده تبي توصل معلومه للحضور انها ارقى واحسن منهم عنود بكل استحقار : تصدقين دانه لما شفتك فكرتك الشغاله حقت ام عمر دانه وهي عارفه انها تستهبل قالت وبكل ثقه : مو مشكله اكون شغاله ولا اني البس ثوب مو ثوبي ساره " شايفه نفسها وهي ولا شي " عنود : اوه نسيت تفضلي القهوه : خذت دانه القهوه وهي مقهوره وحاسه ان وجودها ماله لازمه بينهم ساره : لما ماعرفناك على دانه بنت زوجة ابو عمر لما اللي شايفه نفسها ومستصغره شكل دانه اللي مو من ستايلهم : تشرفنا دانه دانه بابتسامه : تشرفت اكثر بدت لما تكلمهم عن اصدقائها بالجامعه وعن دراستها لما كانت ببريطانيا وهم منصتين للحديث وبضحك مستمر على اللي تسوى واللي ماتسوى دانه ملتزمه الصمت ومو عاجبها الوضع ولا عاجبتها جرأة لما اللي زياده عن اللزوم ساره وهي تضحك من سوالف لما اللي طبعا عجبتها لأن فيها اكشن ههههههههههههههه ياليت مشاعل جات معكم وتقولنا على الموقف بنفسها لما وهي تضحك ههههههههههه مشاعل مو فاضيه ملتزمه بمواعيد ههههههههه لما ومشاعل خوات ، وهم بنات سعد اللي كان يعمل بالخارج وقضى فتره طويله ببريطانيه ومعه زوجته وبناته ,,,,,,,,,,,,,,,,,,,,, على الكنبه شكلها شبه ميته ولدها يلعب بالمطبخ وهي مافيها حيل تقوم ... جاها خالد والنوم بعيونه : نوف نوووف وين دحوم ماهي عوايده ماله حس نوف والوحام ماخذ نصيبه منها ماردت عليه خالد وهو يهز راسه والوضع مو عاجبه اتجه للمطبخ وحط يده على راسه من اللي شافه : ياولد وش سويت شكلك مسوي وليمه للنمل اليوم دحوم يناظر ابوه وفمه كله سكر ويده تتلزق ببعض والمطبخ تبعثر من لعبه فيه خالد بينه وبين نفسه " انا عارف نوف تبي تخليني امام الأمر الواقع عشان اجيبلها شغاله بس مو حاصلها " خالد بعصبيه : نووووف نوووووووووووف ترى مو حاله كذا نوف : انا تعبانه ومافيني اتكلم خلني بحالي خالد وهو شايل ولده متجه لنوف : اخذيه غسليه بوديه عند امي اذا انتي ماتقدرين عليه نوف : قلتلك انا تعبانه انت ماتشوف خالد بكل قساوه نزل الولد ودخل غرفته تروش ولبس وتعطر وطلع من الشقه متوجه لصلاة الجمعه بدت نوف تبكي : ياربي ليه صار قاسي كذا يعني دراسته صارت اهم مني ومن دحوم وهي تمسح دموعها : حتى لما حملت توقعته بينبسط مسحت دموعها وخذت ولدها بكل تعب وكسل تبي تنظفه وتنظف المطبخ اللي صار زريبه ,,,,,,,,,,,,,,,,,,,,,,,,,,,, شاهر يدندن وداخل جو مع الأغنيه وهو يغسل السياره متعب من الشباك : شاهر شاهررر شاهر و لامنتبه وداخل جو على الآخر متعب وهو يضحك على شكل شاهر : ياهييييه يا ولد صددددديق التفت شاهر : انتا سنو يبي متعب : تعال ابيك جاه شاهر : سنو يبي متعب : افتح باب شاهر : لا بابا عبدالعزيز كلام لا يفتح باب متعب : بس في صلاة جمعه لازم نروح شاهر يفكر : بس مايروح منيه منيه متعب : لا بس نصلي ونجي شاهر اوكي ,,,,,,,,,,,,,,,,,,,,,,,,,,,,,,, ام خالد تجهز الغداء بفرح لأن متعب بيتغدى معهم فيصل و سلمان الصغير وشهد ينتظرون ابوهم اللي وعدهم بعد الغداء بيطلعهم للأسطبلات دخل خالد : السلاااام عليكم قرب من امه وحب راسها ام خالد : يامرحبا بالغالي وبسؤال : وين متعب خالد : كلمني الحين جاي دخل عبدالرحمن وعياله نايف ونواف وابراهيم اجتمعت العائله وهم ينتظرون متعب ام خالد : خالد وين نوف خالد تذكر انه نسى يبلغها عن الغداء : والله يمه شفتها تعبانه وخليتها نايمه ام خالد بخوف : تعبانه وش فيها خالد وهو مو مهتم بالموضوع : يمه نايمه شكلها سهرانه ولا شي ، لاتشغلين بالتس ام خالد اللي تعتبر نوف اكثر من بنتها وتحبها من قلبها لأن افضال ام نوف الله يرحمها كثيره لأم خالد ام خالد : بقوم اتصل عليها على دخلت متعب معاه ابوه سلمان وسلم على ام خالد والعيال ونست ام خالد مكالمتها لنوف من يوم شافت متعب وبدت السلامات والأسئله والعتاب ومتعب اللي بذكائه اقنعها بغيابه انه مع خوياه والتهى لا يكلمها صارت بينهم حوارات عائليه ونقاشات عامه واجتمعو الرجال على غداهم والضحك ياخذهم والمواضيع الجاده تتخلل مواضع بعض النقاشات والكل انشغل بالأحاديث الجانبيه وفي وسط الازعاج اللي هم فيه خالد بهمس : متعب متعب بنفس الهمس : سم خالد : عدوك يسم ، انت كيف جيت هنا متعب بابتسامه : اقولك بعدين خالد : اوكي بعد المغرب بنطلع السوق بجهز للسفر وتقولي كل شي متعب : اوكي ,,,,,,,,,,,,,,,,,,,,,,,,,,,,,,, يتبع .... |
في احد المراكز التجاريه الفخمه كان متعب وخالد يتسوقون متعب : نعنبو ابليسك وش خليت للنسوان ترى شليت رجيلي من المشي خالد : وش بك قدامي سفر لاتعطلنا خلني اخلص متعب باستنهبال : والله لو انك عروس كان خلصت خالد وهو يضحك : اقول اسكت بس ياما فريت فيني بالأسواق من الصبح لليل على حاجات ماتسوى متعب وهو يأشر على كافي شوب : اقول تعال ناخذ كبتشينو ونريح شوي خالد : اوكي روح انت بودي الأكياس للسياره واجيك متعب : يالله لا تتأخر ترى ماراح اطلب الكافي لين تجي خالد : اوكي دقايق بس بحركه تدل على الفراغ مسك جواله فتح الرسايل تفحصها وهو كان قاريها اكثر من مره ورجع للقائمه الرئيسيه وفتح المكالمات الصادره والوارده بدون اي هدف لكنه يبي يقطع الوقت على مايرجع خالد انتبه لبنت جايه من بعيد وشكلها متجهه له وهو يناظرها بذهول لحد ماوصلت لمه البنت يميزها طولها وجسمها اللي اقرب مايكون مانيكان بعباتها الضيقه جدا والنقوش اللي تلمع بشكل يلفت الانتباه مكياجها الصارخ اللي زاد جمالها الأسطوري والحاد وصلت وبصوت كله غنج ودلع وبكل جرأه وعطرها القوي المركز اثبت وجوده بينهم : متعب كيفك متعب وهو يحس انه وقف تفكيره مارد من صدمته البنت : هههههه اكيد مو متذكرني لكن يحقلك 5 سنوات مو شويه متعب تلقائيا وهو لازال يناظرها باستغراب رجع تفكيره لخمس سنوات ايييييه ايييييييييييه تذكرت كنت ببيريطانيا وهو يحاول يتذكر اكثر البنت : ههههههههههه يا ناكر العشره نسيتني متعب اخيرا تذكرها كانت زميله له وعايشه مع ابوها السعودي اللي بحكم عمله عاش ببريطانيا حاول يتذكر اسمها لكن ماقدر " اتذكر كنت اسميها الفاتنه بس نسيت اسمها " البنت : ماراح تعزمني اجلس معك اخيرا نطق بنكران مصطنع : تعرفيني ؟ البنت وهي تضحك بجرأه كأن المكان مو عام نزلت لثمتها الخفييييفه اللي كانت ملامحها جدا واضحه من تحتها بابتسامتها الجذابه جدا : هاه عرفتني متعب عرف انها مشاعل ولكن ماحب يوضحلها انه عرفها : آمريني اختي بغيتي شي مشاعل وقفت بكل تغنجها وجرأتها وهي عارفه انه عرفها بس يستعبط ومدت يدها على جوال متعب واتصلت على جوالها متعب متصنم من الموقف ولكن تقبل الوضع وهي رايحه التفتت له بكل ثبات وبابتسامتها الخطيره : لاتنسى تسيف الرقم يالله باي تعبوشو متعب والدم تجمع كله براسه : هذي من وين طلعتلي صدق وقتها غلط راح بالتفكير وهو يتذكر لحظاته وعلاقته مع مشاعل اللي شغلته بظهورها المفاجئ خالد : هيييييه نحن هنا متعب تفاجأ من وجود خالد : هلا هلا متى جيت ما انتبهت لك خالد : هههههه انت مو معاي بالك مشغول للآخر متعب وهو يحاول يكون طبيعي ومو مفكر نهائيا يقول لخالد عن ظهور مشاعل اللي كانت ايضا زميله لخالد فترة دراستهم بالخارج متعب : اوكي وش تشرب خالد : اي شي بس خلنا نخلص بسرعه امي توها مكلمتني تبيني امرها بالبيت متعب : خير وش صاير خالد : هذي اكيد نوف النشبه مكلمه امي بشي متعب بابتسامه : كرهتني بالزواج من حياتك المتوتره مع نوف خالد : غير الموضوع الله يخليك ترى جاي ادور راحتي هنا متعب : ههههههههههههههه ,,,,,,,,,,,,,,, القاكم بالبارت القادم اعذروني لو تأخرت هاليومين اتمنى القى تعليقاتكم وتوقعاتكم |
البارت السابع
في المزرعه بعد العشاء بوقت قليل دانه بدت تمل من جلست البنات وفكرت تطلع تتمشى شوي وهي بالمزرعه تتمشى صادفت البنات الصغار يلعبون بالمراجيح راحت جلست معهم وصارت تاخذ وتعطي معهم اطراف الحديث ، بالنسبه لهاجر حبت دانه واسلوبها لأنها مو متعوده خواتها يعطوها وجه اما روان كانت تتمنى دانه تختفي لأنها مو ماخذه راحتها بوصف نفسها لهاجر على انها الفتاة المدلله انتبهت دانه لصوت بيان وهي تبكي ، راحت لها بسرعه ولما وصلتلها وهي خايفه دانه : بيونه ليه تبكين بيان : ضيعت سيتي مالقيتها دانه : الله ياخذ ابليستس خوفتيني وخذتها بيدها ورجعت للبنات الصغار بهذي اللحظات امها صوتت لها عشان يتجهزون بيرجعون البيت دانه حست بافراج وارتاحت من المهمه الصعبه اللي كانت فيها موضي وهي مع ام سلطان وام مشاعل تحاول بكل الطرق توضحلهم انها شايفه خير وام مشاعل وام سلطان على طبيعتهم يتكلمون عن مشاريعهم النسائيه وعن تجارة ازواجهم وكانت مواضيعهم ، تخفس موضي بالأرض اللي حست انها ولا شي جاها اتصال وبابتسامه ذا ابو عمر شكله مستعجل يالله اشوفكم بخير قامت ام سلطان وام مشاعل وصاروا يودعون بعض بشوق واتجهو للسياره ,,,,,,,,,,,,,,,,,,,,,,,,,,,,,,,,,,,,,,,,,, بسيارة خالد يسمعه بعض القصايد وهو ولا معاه ، باله مشغول بمشاعل وواضح جدا عليه انه مو منتبه لخالد ابد خالد : اصلا انت دماغك بالباي باي متعب لاحظ ان خالد منتبه له : هههههههههه تدري محتار بموضوع عبدالعزيز اكيد بينشغل بالي خالد : صحيح على طاري عبدالعزيز اجل ماله غير بنتين وولد متعب : اوووووووووووووه قبل لا انسى ترى البنت اللي شافتها نوف مو بنته خالد : لاتقول زوجته متعب : ولا هي بزوجته طلعت بنت مرته خالد : اهاااااا ..... وطبعا خالد عينه زايغه سأل بمكر تكفى لاتقول مزيونه ترى والله اروح اسكن معك هههههه متعب مايهتم لهالأمور ويشوف انه كبر على كذا قال : اممممممممم واللهي ناسي شكلها خالد : بس بس لا تكمل دامها مالفتت انتباهك اجل اكيد مو حلوه ههههههه متعب : كني لمحتها اليوم الصبح من شباك الملحق ماركزت بس اعتقد ان عيونها عالقه فبعض خالد اسكت اسكت كرهتها وانا ماشفتها ، عموما انا كنت حاس انها مو حلوه متعب وهو يضحك : ليه هههههه خالد : لي نظره خاصه اللي يعجبني صوتها لازم تطلع قبيحه هههههههههههه متعب : اي والله صدقت هههههههه خالد : بس حاجه حلوه عشان لا يصير فيلم رومنسي وتحب البنت وتتنازل عن خطتك متعب وهو يضحك : اجل لخاطرك بخليه فيلم بوليسي حالد بقلق وهو يدري ان متعب متهور : ليه وش ناوي عليه متعب : ولا شيء خالد : انت بتذبحه ؟؟ متعب انفجر من الضحك ههههههههههههههههههههههههههههههه: انت صاحي وش تفكير المبزره ذا خالد : اجل وش ناوي عليه ماتبيه ينسبك له ولا تبي تذبحه متعب : هذي يسمونها سياسة التعذيب النفسي والموت البطيء خالد بغضب : متعب انا اتفاقي معك من الأول انك ماتضر الرجال متعب : وانا ماني ضاره خالد بدى يشك ان متعب يفكر بشي : ترى ابوي ان درى عن تفكيرك ماراح يسامحك متعب : خالد فكني من شرك واطلع من راسي في هالساعه خالد : علمني وش بتسوي ، لاتودي نفسك بداهيه وتخسر كل شي متعب وهو يربت على كتف خالد : لاتخاف مو صاير شي من اللي فبالك خالد : ................ الله يستر ,,,,,,,,,,,,,,,,,,,,,,,,,,,,,,,,,,,, بالسياره ابو عمر يسوق وباله مشغول على الآخر موضي : ماقلتلي وش بتسوي بموضوع المجنون اللي بالبيت عبدالعزيز : انتي وين وانا وين موضي : ليه وش اللي شاغلك عبدالعزيز : ابو سلطان لاعب بالسوق لعب موضي وهي منتبهه لأنها تحب امور الفلوس : ليه وش عنده عبدالعزيز : عنده ملالييين الملاييين طلعت انا ولا شي ولا حتى اسوى معه ريال تصدقين مشاريعه ممتده بدول اجنبيه وانا كويس ان قدرت اضبط حالي بمنطقتنا موضي : ادخل معه بالسوق وجرب نصيبك عبدالعزيز : خليني افكر بالموضوع على رواق ، بلعب بالفلوس لعب موضي من فرحتها باصرار عبدالعزيز نست موضوع متعب اللي تبي تبعده عن البيت بأي طريقه ,,,,,,,,,,,,,,,,,,,,,,,,,,,, بحدود الساعه تسعه ونص مساء ، الجو شبه ساكن والهدوء يعم المكان نزل من السياره والتفت لخالد ، لاتنسى الموضوع خالد : ابشر لاتشغل بالك متعب : يالله سلام خالد : سلام مدخل يديه بجيوبه ويمشي بهدوء لداخل الفيلا ، شاف شاهر جالس على درجات غرفته القريبه من الباب شكله كان ينتظر متعب وخذته الغفوه من غير لايحس عرف متعب ان شاهر خايف من ابو عمر لأن متعب ضاع منه بعد صلاة الجمعه قرب بهدوووووء وشاهر مو حاس فيه وهو يمشي نزل راسه بقرب شاهر وقال بصوت هادي عشان لايخوفه : بوووووووووووو فز شاهر من الخوف ويوم شاف متعب غرقت عيونه بالدموع وبدى يلوم متعب : انتا وين يروه انا واجد خوف متعب : هههههههههههههه وش فيك شايفني بزر قدامك شاهر : انا فكر بابا عبدالعزيز يسوي انا موت هو كلام لايفتح باب متعب وهو ميت ضحك : ههههههههه لا يكون قلت لأحد شاهر : لااااا انا ما في كلام انا بس فيه خوف متعب طلع من جيبه 100 ريال وعطاها شاهر يبي يجبر خاطره متعب : لاتخاف وهو يغمزله : اصلا انا اخاف عليك اكثر من نفسي شاهر وهو يدري ان متعب يمازحه ابتسم ودخله الملحق وقفل الباب لأن شكل ابو عمر على وصول ، وهو بيوضحله اني حفظت الأمانه من برى اتجه للشباك وطل على متعب : شوف تابو (متعب) يعني مدلعه .... ازا انتا فيه موت انا يفتح باب متعب وهو ماسك ضحكته : آه يالخسيس هات المية ريال شاهر وهو رايح يكلم نفسه بصوت مسموع والغضب واضح عليه : نفر واجد مخ خراب ,,,,,,,,,,,,,,,,,,,,,,,,,,,,,,,, ام خالد و ابو خالد يتجادلون بموضوع اجازة نصف العام عبدالرحمن : اسمعي كلامي خلينا ناخذ عمره ونطلع من عقبها لأبها سلوى : انا بخاطري ناخذها بالشام منها اشوف اهلي ومنها نستفيد من مزرعتنا اللي هناك عبدالرحمن : انتي راستس يابس شاوري العيال وامري لله ترى ابو خالد من اييييييييييييييييدكم هذي لإيدكم هذي سلوى : ههههه الله لايحرمنا منك انتبهوا لصوت شهد اللي انبسطت بحضور خالد ام خالد بزعل : اخيرا شرفت حب راس امه وراس ابوه وجلس خير يمه ام خالد : خير بوجهك ابو خالد : خالد يابوك انت وش فيك مضايقك شي خالد مستغرب من امه وابوه : خير اشغلتوني وش صاير سلوى : وش فيك على بنت الناس ؟ تدري انها تعبانه تطلع وتتركها ولا حتى فكرت تتصل تسأل عنها خالد زهق من موضوع نوف اللي بشكل مستمر امه توصيه عليها وهو يوقف بملل : انا ماقلت شي هي مهمله ولا تدري عن بيتها ولا عن ولدها ابو خالد : وانت وش قاصرك ماتحط شغاله خالد : ماله داعي شغاله البيت مافيه غيري انا وياها ابو خالد : اسمعني ياخالد نوف بتسكن معنا هنا خالد : شورك على العين والراس لكن انا احب يكون لي استقلاليتي سلوى : انت بتسافر والبنت صعبه تسكن مع اخوها وزوجته بشقتهم الضيقه ، نوف بتجي هنا معززه مكرمه وانت سافر كمل دراستك واذا جيت يصير خير خالد : خلاص يمه انا الحين تعبان لنا كلام وقت ثاني ونتناقش بالموضوع ام خالد اللي اعتبرته هروب سلمت امرها لله وسكتت ,,,,,,,,,,,,,,,,,,,,,,,,,,,,,,,,, صحت متأخره لأنهم امس تأخروا بمزرعة ام سلطان لبست على السريع وخذت ابرتها وفطرت بسرعه وخلال ربع ساعه كانت بالمدرسه بنص النهار بعدماخلصت حصتين وكان التعب واضح عليه لأنها اجهدت نفسها بزياده اتجهت لمكتبها وجلست بهدوء لاحظت نظرات ابله نوره اللي تناظرها بحيره دانه رفعت راسها بهدوء والابتسامه على وجهها بادلتها نوره الابتسامه ورجعت تكمل تحضيرها الغرفه هاديه ولافي اي صوت والجو ساكن قامت عبير وشبت البخور اللي انعش صباحهم وخلق جو يهدي الأعصاب حاولت دانه تغمض عيونها وهي تتسند على الكرسي واحساسها بالهدوء كان ممتع بالنسبه لها قطع الهدوء عليها قرب نوره حست دانه بوجود احد ورجعت لوضعها الطبيعي نوره : بعد ما سلمت قالت : دانه خاطري اكلمتس بموضوع خاص دانه بابتسامتها اللي تعودت تقابل الكل فيها : سمي نوره :ليه ماتزوجتي للحين دانه وهي مستغربه السؤال ومعتبرته سؤال وقح : ماجاني النصيب نوره باستغراب : وسالم اخوي اللي خطبتس من ابوتس ورفضتوه دانه وهي واضح عليها انها انصعقت من كلام نوره وبذكاء حبت ماتوضح لنوره انها ماتعرف عن الموضوع دانه : نوره انا بصراحه مشغوله اعذريني بنتكلم وقت ثاني ان شاء الله وبشكل سريع خذت دفتر التحضير وادواتها وطلعت نوره وهي مستغربه " وش فيه سالم ما به عيب وكلن يتمناه وراه رفضته " طلعت دانه وهي مكتمه من الموقف حست انها متضايقه وعيونها امتلت دموع ... معقوله ابوي قال لأهل نوره شي عني ؟ .... طيب ليه ماقالي انهم خطبوني .... نزلت دمعه غزيره على الأقل يكون عندي علم عشان كلام الناس لالا مستحيل ابوي يكون كذا .. بدت دموعها تسيل بحراره .وحاولت تضبط نفسها قبل احد يشوفها ,,,,,,,,,,,,,,,,,,,,,,,,,,,,,,,,,, اسمحولي على البارت اللي عالماشي لأني اختصرت بعض الأحداث اللي صارت بالمزرعه واللي صارت فبيت ام خالد احب اخليها ببارت ثاني احسن http://forums.graaam.com/images/smil...am%20(189).gif على فكره من البارت الجاي راح يبدء الأكشن بالروايه http://forums.graaam.com/images/smil...am%20(240).gif راح احاول انزله بأقرب وقت لعيونكم http://forums.graaam.com/images/smil...aam%20(72).gif |
البارت الثامن بعد مارجعت من المدرسه داخله بابتسامتها المعتاده موضي : وش عنتدتس راجعه مع سواق شيماء دانه : امممم خليها مفاجأه موضي بعصبيه : اخلصي علي خلي الكلام الفاضي دانه : هههههههه طيب طيب بغير ملابسي واجي اقولكم اتجهت لغرفتها ترششت بالمويه عالماشي وغيرت ملابسها ونزلت للغداء الكل موجودين على الطاوله روان : تأخرتي صرنا نستنى المفاجأه دانه : بعد الغداء مو الحين عمر بتوسل : ديونه تكفين وين كنتي دانه : لا مو الحين قلنا بعد الغداء بيان بذكاء : انا عرفت دانه : وشووو بيان : اقووووووووووول دانه تأشر على اذنها ، تعالي قوليلي هنا بيان مستعجله وتحط يديها حول رقبة دانه وفمها على اذن دانه دانه : يا كاشفتني ههههههههههههه طيب لاتتكلمين خليه سر بيان : ههههههههههههههههه عمر وروان يتوسلون لدانه : تكفين وشو ترى حيرتينا دانه مصره ماتتكلم الا بعد الغداء عبدالعزيز يراقب دانه بإعجاب ، وام عبدالعزيز مو منتبهه لهم نهائيا تجاهلته دانه وخلت عيونها بصحنها بعد ما انتهى الكل من الغداء روان وعمر : يالله وين المفاجأه دانه : روحو شوفوها عند الباب موضي باستهزاء : وشو لايكون شاريتلهم سياره دانه : هههههههه احلى من السياره روان وعمر وبيان : واااااااااااااااااااااااااااااو سبرااااايس دانه : وش رايكم صارو يبوسونها بسرعه من الفرحه : انتي احلى اخت بالدنيا دانه : وانتو تستاهلون بس انتبهو لهم ، يالله بطلع انام ترى راسي بينفجر لحد يزعجني موضي حست بفضول بتشوف المفاجأه اتجهت للباب وصرخت من المفاجأه موضي : اقرب زباله خلصوني روان والصغار : يمه حرام عليتس موضي : وش القرف ، ماعاد فيه حيوانات يومكم تشترون فيران روان : ههههههههههههههههههه لا ماما ذا مو فار ذا هاميستر موضي : انا قلت مايحلس فبيتي ، ولا ابي اي كلمه زياده حسبي الله عليتس يادانه عمر بدى يبكي : ماما نبغاهم نبغاهم بعد محاولاتهم اقتنعت موضي : مايجلس بالبيت روان : بس هم يموتون اذا صارو بالشمس موضي : ودوه الملحق روان تفكر : اخاف متعب يموتهم موضي : ان موتهم راس مالهم فيران روان : هههههههه طيب بنوديهم الملحق قبل تغيرين رايتس ,,,,,,,,,,,,,,,,,,,,,, نايف يحب راس امه ويجلس جنبها : وشلونتس يالغاليه ام خالد : بخير دامكم بخير نايف : انا بغيت اعطيتس خبر بنطلع قنص انا وخوياي ، لاتفقدوني هاليومين ام خالد : هههههههههه انا مدري شيماء كيف بتتحملك كذا وانت البر ماخذ عقلك نايف والفرحه وضحت عليه : انتي كلمتيهم ام خالد : هههههههههه كلمت امها ولا عندهم مانع نايف بلقافه : اجل وش ننتظر ليه مانملك ام خالد وهي تبي تقوم : ابوك يقول ماراح يكلم الرجال الا بوجود عمك سلمان نايف : وعمي سلمان وينه ام خالد : مسافر نايف : اكيد رايح سيلان ام خالد انفجرت من الضحك هههههههههههه نايف : وش يضحكتس والله اني صادق هو يقول بيروح يفتتح مسجد توهم خلصوه ام خالد : والله احسبك تمزح ، الله يجزاه خير , الله عطاه نعمه وماشاء الله عليه موفق بأموره نايف : الله يوفقه ويجي بسرعه يااااااااااااارب ام خالد : ههههههههههههههه ,,,,,,,,,,,,,,,,,,,,,,, بالملحق دخلو وصوتهم وازعاجهم ولا حاسبين اي حساب لمتعب وهو جالس على السرير ويناظر البزران وهم يلعبون بالهاميسترات ويضحكون بفرح وعينه على عمر اللي كان كلامه وحركته كثيره وملقوف بشقاوته زياده عن اللزوم وهو يناظره ويفكر " لو صار اللي براسي وعبدالعزيز دخل السجن ، البزر ذا وش ذنبه يتحمل شي ماله فيه " نزل راسه وهو يطرد التفكير ، مايبي اي شي يرقق قلبه على عبدالعزيز بيان بصوت طفولي وكله ضحك : تمسك متعب من ايده : تعال شوفهم يلعبون مع بعض قرب منهم وصار يراقب الهامسترات بانتباه : انتم وش تبون فيهم ترى يجيبون الطواعين بيان وعمر ماتو من الضحك : نفس ماما فكرتهم فيران لكن ذولي هاميسترات مو فيران متعب وهو بدى يعجب بشكلهم وهم يدورون حول بعض : ياحليلهم والله كنهم انظف من الفيران شوي وصله صوت ام عمر وكان الصوت مو قريب مره لكن مسموع : الحين انتي مخليتن الارانب والطيور وشاريتلهم جرذان دانه : يمه الله يهديتس مو جرذي تراه الطف وارقى من كذا ، حرام عليتس ام عمر بعصبيه : وش اللي الطف لا تلعبون علي ماله غير فار دانه : هههههههههههههههههه متعب بينه وبين نفسه : اجل الفار لطيف و راقي .. الحمدلله والشكر البنت ذي شكلها مو صاحيه بيان : انتا وشو اسمك متعب التفت باهتمام : ماتعرفين اسم اخوتس بيان : نسييييته متعب : اسمي متعب بيان ببراءه : اممممممممممم وش يدلعونك متعب يقلدها : امممممممممم ماقد احددلعني يالله دلعيني انتي بيان : امممممممم مي مي متعب وصلت معه : تكفين لايكثر توكلي على الله خليني انام بيان : خلاص خلاص بفكر بغير كذا متعب : طيب لي فكرتي انا هنا تعالي وقوليلي عمر وهو حاس بأحساس الأمومه ناحية الهاميسترات دخل عرض : متعب انتبه لها لاتزعلها الله يخليك متعب وهو تعبان اهم شي عنده يبيهم يطلعون عشان ينام : حـــــــــــــــــــــــاظر ولا يهمك بحطهم بعيوني الثنتين جيسي طول الوقت واقفه وتراقب متعب وهو يكلمهم متعب : هيييييييه وين رحتي ، يالله خوذيهم وسكري الباب جيسي ابتسمت له بإعجاب وخذت البزران وطلعت تجاهل تصرف الشغاله واستعد للنوم لأنه كان مرهق جدا ,,,,,,,,,,,,,,,,,,,,,,,,,,,,,,,,, بعد العصر وهي تتجهز تبي تروح بيت ابوها دخلو عليها بيان وعمر وهم يوصفون لها شكل الهامسترات وهم يلعبون لفتت انتباها عطر رجالي قوي وكان مميز بشكل عجيب حاولت تعرف مصدر العطر من وين جاي دانه " غريبه مو ستايل عبدالعزيز وش طاريله يحط عطر شبابي لهالدرجه " وهي تمشط شعرها حست ريحة العطر قريبه اخيرا اكتشفت ان العطر على بيان دانه : وهي تستنشق بلوزة بيان : همممممممممممم الله بيان : وشو دانه : انتي حطيتي عطر بيان : لا دانه : بس انا اشمها هنا بحركه طفوليه مسكت بلوزتها وقربتها من انفها : ايوه ذي نفس ريحة متعب دانه مستغربه : وشووووو متعب المجنون يعرف عطورات بيان : ............... دانه : والله غريبه ههههههههههه بيان وهي ترجع لمحور حديثهم : طيب دانه اختاري اسم لهامستري دانه : حبيبتي لما ارجع اوعدتس نجلس ونسميهم ، بس انا الحين مشغوله عمر : تعالي شوفيهم انا هامستراتي احلى من حقات بيان دانه : اوكي بالليل بنسهر معهم عمر : بس بابا بيقفل الباب على متعب دانه : متعب وش دخله بيان وعمر : امي ماتبيهم بالبيت وخليناهم بالملحق دانه : اهااااا طيب لما اجي نتفاهم انا كذا بتأخر عمر بتأكيد : اوعديني دانه : عموري ما يصلح ادخل عند الرجال عمر بطفوله : بس هو اخونا مو زي شاهر دانه : اخوكم انتم مو اخوي انا عمر بس انتي اختنا دانه : هههههههههه طيب لما ارجع بنتفاهم ,,,,,,,,,,,,,,,,,,,,,,,,,,,,,,, وصلت للقريه اللي فيها بيت ابوها دانه : شاهر لاتروح بعيد اول ما اكلمك ابيك تجي بسرعه شاهر : طيب انا مافي روح بعيد نزلت دانه ويتصارع الخوف بصدرها ، تحس انها اول مره تدخل بيتهم طقت الباب بهدوء وصلها صوت اختها نوره : من اللي هنا دانه : انا دانه نوره بكره فتحت الباب : ابوي مو هنا دانه : عارفه انه مو هنا وفتحت الباب بنفسها ودخلت جلست بحوش البيت الصغير بمكان كان مجهز للجلسه فيه وكانوا خواتها الصغار يلعبون عليه جت وبعطف سلمت على الصغار وجلست معهم نوره عمرها 8 سنوات واقفه تخز دانه دانه : وين امتس نوره : راحت عند نوير تحدّث عليهم (داعيه) دانه : وهيا وعايشه وينهم نوره : راحو معها دانه : وانتي ليه مارحتي نوره بقلة ادب : مهوب شغلتس دانه انحرجت من نوره وسكتت صارلها اكثر من ربع ساعه وهي جالسه تنتظر منيره بعد لحظات قليله دخلت منيره وتفاجأة من وجود دانه ،، صدتها ودخلت لغرفتها بدون كلام قررت دانه تنتظر 10 دقايق ولو ماجت منيره راح تبلغهم ينادونها رجعت منيره وجلست بنفس المكان اللي فيه دانه دانه بتردد : وين كنتي منيره بعبوس كنت عند نوير تحدّث علينا سكتوا شوي دانه : تحاول تقطع الصمت وش قالت لكم نوير منيره وهي تاخذ ثوب صالح وتستعد لنظم ابرتها تبي تخيط فتق بالثوب التفتت بمكر وخبث لدانه وهي تناظرها بحقد : قالتلنا الظلم ظلمات يوم القيامه تلخبطت دانه بمكانها وكأن سكين طعنتها بقلبها رجعت منيره تخيط ثوب صالح اللي اكله الدهر دانه : حست انها مخنوقه ولازم ترجع لبيت امها يالله انا بروح لي جا ابوي علموه اني جيت ولا لقيته منيره وهي تقطع الخيط بفمها بعد ماخلصت خياطه وهي غير مهتمه لوجود او كلام دانه منتي ناشدتني عن الفلوس اللي ماعطيتهن ابوتس دانه : ايه كلمني عنهم يقول ماجاه غير 1000 منيره مدت الظرف على دانه وبعبوس خوذي فليساتتس عطيت ابوتس منهن الف والباقي ماله لزوم استغربت دانه بس هو قالي عليه دين منيره : ماعليه غير الطمع والبخل دانه بابتسامه وهي كانت متوقعه ان منيره طمعت فيهم وخذتهم : ليش ماخذتيهم منيره : مانيب آخذتن شي مهوب الي مدت دانه الظرف لمنيره وقالت خوذيه تراه حلال عليتس منيره وهي تناظرها بضيق : مالي فيهن حاجه خوذي فليساتتس دانه تناظر منيره بحزن وتفكر " ليه ماتفتحلي قلبها وتقولي اللي صار " ليه ساكته كل هالسنين ماقالتلي شي دانه بتودد تبي تكسب منيره : خوذيهم لصالح وديه الطبيب وان احتجتي زود بزيدتس منيره رفضت تاخذهم وبحزن راحت لغرفتها خذت دانه الظرف وطلعت من البيت وهي مقرره تتكلم مع منيره بخصوص صالح بوقت ثاني ,,,,,,,,,,,,,,,,,,,,,,,,,,,,,,,,,,,,,,,,,,,, صحى على وقت الفجر وبسرعه راح يتوضأ ولبس على السريع فتح الباب اللي كان متفق مع شاهر مايقفله وتوجه للمسجد القريب بعد ما انهى صلاته جلس وقت قصير وهو يفكر باللي راح يسويه في بيت عبدالعزيز وفكر بوضع امه وبحاجات كثيره كانت تشغله مسك المصحف القريب منه وبدأ يقرأ ، وانتبه لشاهر اللي مالحق على الجماعه وكان يصلي بروحه استعد يبي يرجع معه للبيت حتى لو شافه احد يكون معه عذر انه مع شاهر رجع للملحق وحط راسه على السرير والتفكير مو مخليه بحاله وتذكر جواله ماشافه من امس اتجه للخزانه وخذ جواله 16 مكالمه ياساتر 3 مكالمات من وليد 13 من رقم غريب قرر يرجع الجوال فوق الخزانه ويرجع ينام ولما يصحى بيكلم وليد ولا فكر يشغل باله بالرقم الغريب ,,,,,,,,,,,,,,,,,,,,,,, |
البارت التاسع الساعه 7 الصبح والبنات مستعدين لمدارسهم دانه واضح عليها الضيقه وبابتسامه مجبوره عليها ودعت امها وراحوا للسياره متجهين لروضة بيان وبعدين نزلت روان لمدرستها وكملوا المشوار لمدرسة دانه وطبعا يوم كالمعتاد طابور الصباح وحصص وضغط وازعاج طلبت شيماء من دانه يتمشون بالساحه يغيرون جو شوي في ساحة المدرسه تتمشى دانه وشيماء دانه تعزم شيماء لزواج بنت خالتها : لاتنسين زواج بنت خالتي شيماء بابتسامه : اكيد ذكريني قبلها بكم يوم دانه : ان شاء الله ولاتنسين تبلغين الوالده ترى اهم شي حضورها شيماء : ههههههه اكيد عاد امي ماترفض لتس طلب دانه : هههههههه الله يخليها لتس ويطول بعمرها وطبعا السوالف خذت بعض ، وكل موقف يتبعه موقف شيماء ودانه علاقتهم قويه مع بعض ومن الجامعه وهم مع زميلات وصدف انهم تعينو بنفس المدرسه ونفس القسم قطع عليهم حديثهم وصول شهد وهي تسلم على شيماء ومعاها صديقاتها : ابله شيماء صح انتي بتصيرين حرمة اخوي شيماء بخجل نزلت راسها : شهد ترى بقول لأمتس شهد خذت صديقاتها وراحو يركضون بكل شقاوه دانه : تعرفين شهد شيماء : ايه امي تعرف امها دانه بفرح : صدق بتتزوجين اخوها شيماء بخجل : امه كلمت امي ، بس ماصار شي للحين دانه : الله يوفقتس ويباركلتس فيه شيماء : ويرزقتس يارب باللي يستاهلتس دانه والصمت عنوانها اكتفت بالإبتسامه لشيماء ,,,,,,,,,,,,,,,,,,,,,, ام خالد وهي تبكي ابو خالد يهديها : يا ام خالد الله يهديتس ماهي اول مره ساره يرتفع معها الضغط وتدخل المستشفى ام خالد : اول مره تتعب كذا ابو خالد : انتي اصبري لليل اذا ما تحسنت اوعدتس الصبح نسافر لهم ام خالد : سألت رشا عنها تقول انها تعبانه مو نفس كل مره ابو خالد يبي يطمنها : يابنت الحلال تلقينها من الخوف تقول كذا وان شالله ماعليها الا العافيه ، بس انتبهي تقولين لمتعب ام خالد زاد بكاها : لازم يروح لأمه ابو خالد : خلينا نتطمن عليها اول ويصير خير ,,,,,,,,,,,,,,,,,,,,,,,,, وهو غارق بالنوم حس بأحد يهمس بإذنه يناديه وفزمن نومه بقلق ،،،،، لقاه عمر متعب بخوف : الله يهديك احد يصحي احد كذا عمر : ههههههههههههههه متعب كان متوقع انها الشغاله لأنه يشك بتصرفاتها من يوم دخل البيت رجع استرخى على فراشه بكسل ، وعمر توجه للهامسترات يتطمن عليهم وصار يلعب معهم ويغني لهم قام وخذ المنشفه ودخل تروش وبعد ماطلع لبس بنطلون رياضي كحلي وبلوزه بيضاء ومشط شعره وحط عطره المفضل كوروس من سانت لوران ، اتجه للخزانه وخذا جواله وطلع عن الغرفه بيكلم وليد عمر : بتروح متعب : لاتخاف خلك هنا برجعلك مكالمتين لم يرد عليها وكان نفس الرقم اللي الفجر ولقى مسج ،،،،،،،، فتح المسج مكتوب صباح الخير شكلي ازعجتك ولا فكرت ترد على مكالمه من مكالماتي اختار رد للمسج وكتب ،،،،،،،،،،،،، عفوا من معي دقايق ووصله الرد ،،، اللي ماخذ عقلك يتهنابه متعب متعود على خالد ونايف دايما يسون فيه مقالب من ارقام مايعرفها اتصل على وليد وليد : يالله حيه متعب : البقا وليد : ياخوي ماتنصاد متعب مبتسم : والله تدري انشغلت شوي ، خير وش عندك وليد : ابد بس الوالد كان بيكلمك متعب : ليه لا يكون شاك بشي وليد : ما اعتقد كان يبي يتطمن عليك متعب : الحمدلله ومتى بيرجع من السفر وليد : كلمني ابوي يقول انهم بكره هالوقت موجودين متعب : حلو راح اكون موجود قبلها وليد : يالله تامرني بشي متعب : ابد سلامتك وليد محامي شركات سلمان وعلاقته مع متعب حميمه وقويه ويعتبره اكثر من اخ ، وابووليد من المقربين لسلمان في كل تصرفاته من بداية عمره قفل الخط من وليد ، واتصل على امه ردت عليه خالته وبعد ماسلم عليها وكلمها شوي بلغته ان امه نايمه وقرر يتصل وقت ثاني رجع للغرفه وجلس على السرير ينتظر شاهر يجيبله فطور صوت عمر متوتر : متعب الحق يضربون بعض متعب : باله مشغول ولا رد عليه عمر بزعل وصار ينط بمكانه متعب تعال بيموتون بعض جاه متعب ونزل لمستوى عمر والقفص : وش فيهم عمر شوفهم بيموتون بعض متعب : اي والله كنهم يتضاربون عمر باستعجال يمسك يد متعب : فرقهم لا يموتون بعض متعب سحب يده : وش القرف تبيني امسكهم ، فرقهم انت عمر ببراءه : اخاف يعضوني متعب : اجل تبيهم يعضوني انا عمر دموعه بدت تسيل متعب : خلاص خلاص بفرقهم بس لاتصيح وفتح القفص وهو يحاول يمسك واحدمنهم بمنديل عمر متحمس ويشجع متعب متعب اخيرا مسك الهامستر ودخله للقفص الثاني عمر من الفرحه يتعلق برقبة متعب ويحب راسه متعب وقف وهو شايل عمر : شوف انت علمهم الأدب عشان مره ثانيه مايتضاربون عمر : هههههههههههههههه متعب : تراهم من امس مو عاجبيني طول الوقت وهم يتضاربون عمر : ههههههههههههههه ليش مافرقتهم من امس متعب : امممممممممم خفت يعضوني جلس على السرير عمر : متعب انت عندك هامستر متعب : لا عندي فرس عمر تنح : وينها متعب : خليتها فبيتها عمر ولازال متنح : وش اسمها متعب : اسمها ساره عمر : منهي ساره متعب يضحك على شكل عمر اللي منبله : ساره بنتي عمر : ابي اشوف ساره فتح متعب جواله وطلع تصوير لخيوله و مد لعمر الجوال : شوفهم عمر : وينها ساره بنتك متعب : هذي هي قدامك اللي تركض ويأشر على فرس صغيره عمر دخل جو مع التصوير وحب شكل الخيول وكان واضح عليه الاعجاب قطع عليه متعته وصول مسج خذ متعب الجوال وفتح المسج " انا مشاعل ممكن تكلمني" متعب يفكر " هذا اللي كان ناقصني ، حاول انه مايشغل باله فيها ولا فكر يتصل او حتى يراسلها اكيد راح تمل وتنسحب من نفسها ............... العصر موضي تدخل غرفة دانه وبتوتر تصحيها دانه استغربت شكل امها و جلست والتعب واضح عليها : سمي يمه موضي بخوف : قومي ابيتس بموضوع دانه بقلق : يمه شصاير موضي : البزران يقولون متعب يكلمهم دانه مستغربه من خوف امها : وش فيها موضي تفرك يديها فبعض : وش اللي وش فيها دانه : يمه هو متخلف مو اخرس موضي : يكلمهم سعودي دانه : وش الغريب يمه موضي : الغريب انه طول عمره ماطبت رجله السعوديه دانه بتبعد الشك عن امها : يمه ترى البزران خيالهم واسع تلقينهم يتكلمون من وحي الخيال موضي : لالا قلبي ناغزني عمر يقول معه جوال دانه : يمه صدقيني عمر مرات يألف على كيفه موضي : بس انا حاسه ان الولد وراه سر دانه : يمه مستحيل موضي : صدقيني وراه سر دانه : وين بيكون كل السنين اللي راحت مستحيل احد بيخليه عنده وليش ماجا هنا من زمان موضي : هذا اللي محيرني ، انا لزوم اخلي عبدالعزيز يبعده عن البيت بأسرع وقت دانه والشك بدى ياخذ نصيبه منها ،،،،،،،،،،،،،،،،،،،،،،،،،،،،،،،،، ثاني يوم موضي ماقدرت تتحمل اكثر حتى الشغالات لما سألتهم قالو انه يتكلم مع البزران و واضح عليه انه طبيعي ولا يشتكي من شي موضي والتوتر واضح عليها وهي تنتظر عبدالعزيز تناظر الساعه : هذا وين تأخر بعد نص ساعه جاء عبدالعزيز موضي ماصدقت شافته وبعصبيه : انت وينك من الصبح عبدالعزيز : كان عندي شغل وش فيكم موضي : اسمعني متعب لازم يطلع من بيتي عبدالعزيز بخوف : ليه وش مسوي الولد مافيه شي حتى الصغار يقولون انه يكلمهم ويلعب معهم صدقني انا حاسه عبدالعزيز بخوف : تهقين ساره تبي تنتقم مني موضي : وش اللي يمنع عبدالعزيز يبعد الشك : لالا ابو سعود طول السنين يروح لمهم يقول ان الولد عليه خف عقل موضي : ابو سعود يروحلهم كل سنه ولا سنتين مره وكل اللي يجلسه معهم ساعه ولا نص ساعه كيف بيعرف ان كان صاحي ولا مجنون وليش مايكونون بعد لاعبين على ابو سعود ومخلينه خبل قدامهم عبدالعزيز : لا تخافين تقاريره الطبيه اللي معي تثبت انه يشتكي من خمول بجزء من مخه مخليه مايفتهم وخبل موضي : ماراح ارتاح الا اذا تعرضه على مستشفى هنا عبدالعزيز : اوديه مستشفى انتي تبين فضيحتي موضي : ليه وش فيها عبدالعزيز : فيها ان الولد اثباتاته مو رسميه والله ان يكشفون الموضوع ليدخلوني السجن موضي : كيف الاثباتات مو رسميه عبدالعزيز : انا طلقت ساره وهي حامل فيه ويوم ارسلت ابو سعود يشوف الولد قالي انه مهوب صويحي قلت اجل ماني ضايفه بالمواليد لا خواله يلعبون عليه ويسرقون حلالي موضي اهم شي عندها الفلوس: ايه كويس اللي سويت كذا بس كيف دخل هنا عبدالعزيز : اكيد احد من السفاره هناك ساعد ساره بالإثبات ، واكيد انه مو اي احد اللي قدر على موضوع كذا موضي : اخاف يسوي لعيالي شي عبدالعزيز : لاتخافين انا رهنت كل املاكي ودخلت الفلوس كلها البورصه يعني الولد ماله اي مصلحه يسوي شي ولا بيستفيد شي موضي : انت وش تقول ولو ماربحت بالبورصه وش تسوي عبدالعزيز : لا تخافين الشركات اللي دخلت معهم واصله ويبي يرتفع سهمها قبل يخلص تاريخ الرهن موضي : ياخوفي لو يصير غير كذا عبدالعزيز : لاتشغليني خلي الموضوع علي انا اعرفله يتبع |
،،،،،،،،،،،،،،،،،،،،،،،،،،،،، خالد يفكر ياخذ خاطر نوف اللي صارله اكثر من اسبوع قاسي عليها دخل عليها بغرفة النوم وهي جالسه على السرير خالد بابتسامه : توقعتتس نايمه نوف بحزن : شفتك بالصاله قلت ابتعد عنك احسن خالد بقرب منها : افا .. ماتبين تجلسين معي نوف : ................. خالد : شرايتس نطلع نتمشى شوي نوف بملل : مالي نفس خالد يجلس جنبها وهو يمزح : ترى مايمدحون التغلي نوف والأخلاق معها صفر : قلتلك مالي نفس خالد : طيب وش اللي يرضيتس نوف : بجلس بلحالي خالد يحب راسها : انا عارف اني قسيت عليتس واللي تبينه حاضر نوف تبتعد عنه لأنها كانت ماخذه بخاطرها عليه خالد : لاتكونين متوحمه علي ولاتبين تشوفيني نوف ماقدرت تمسك ضحكتها : هههههههههههه خالد : ايه كذا خلينا نشوف الضحكه الحلوه ، يالله اذا لي خاطر خلينا نطلع نتمشى شوي نوف قلبها ابيض وبسرعه ترضى ولا تحب تعاتب : يالله بجهز واجيك خالد : على راحتتس انا بالصاله على ماتخلصين جاته مكالمه من نواف اخوه خالد : الو نواف بعد ماسلم نواف : ابوي بالمجلس ينتظرك خالد ماتعود ابوه يطلب وجوده فجأه الا اذا كان فيه شي خالد : ابوي فيه شي نواف : لا بس يبيك بموضوع خالد : الله يستر بعد ماقفل الخط راح لغرفته بلغ نوف على المكالمه نوف : طيب روح شوفه وان شاء الله خير خالد : هاتي دحوم وتعالي معي تلقين امي متشفقه لشوفكم نوف بخوف : روح انت شوفهم اول ، اخاف صاير شي خالد : تعالي معي اخاف خالتي فيها شي ابيتس تجلسين مع امي نوف : الله يستر لا يكون صاير لها شي وهم بالسياره وباله مشغول : مدري ليه قلبي ناغزني نوف : يمكن بيكلمونك بموضوع ملكة نايف وانت فهمت غلط خالد : ملكة نايف الظهر !!!! لا اكيد صاير شي نوف بدت تخاف : الله يستر ان شالله ماعليهم الا الخير ,,,,,,,,,,,,,,,,,,,, جالسه بالمطبخ تنتظر الكيكه اللي جهزتها بالفرن انتبهت لصوت شاهر وهو يرتب الزرع اللي بالحديقه دانه " غريبه شاهر من يكلم " بحركه خفيفه من غير لا احد ينتبه من الشباك شافت متعب واقف مع شاهر ، و كان شاهر يتكلم باستمرار ومتعب ساكت دانه وعينها على متعب اللي اول مره تشوفه عن قرب وتنتبه له واقف بطوله وجسمه العريض اللي زاد هيبته والشمس اللي خلت ملامحه واضحه ، شعره كان سواده حالك ولمعته تثبت نعومته للكل , بشرته الحنطيه تميل للبياض وحواجبه الدقيقه المتقاربه بشكل شبه مشبوك و عيونه كحيله و حاده بنظرتها ، خشمه دقيق كأنه منحوت شفايفه ورديه و واضح على لحيته مقززه بشكل مهمل مما زاد جاذبيته بدون ماتحس سرحت فيه وبتصرفاته جذبتها ابتسامته الهاديه وغمازته اللي تثبت جماله وهو يبتسم لشاهر اللي كان جالس يرتب العشب راقبته وهو ينزل بكل هيبته وبدء يساعد شاهر سرحت بتفكير عميق " ياترى لو كان متعب بعقله ويعرف انه ولد عبدالعزيز الـــــــــــ معقوله كان بيتنازل وبيجلس مع سواق او ياكل هو وياه من صحن واحد ؟ قطع تفكيرها شكل متعب انتبه ان في احد ورى الشباك وهو يحاول يركز لأن الشمس على الزجاج وماكان واضح اللي ورى الزجاج انتبهتله وحست انها تلخبطت بمكانها حطت يدها على فمها " ياربي شكل امي صادقه الرجال اكيد عاقل مافيه شي نظراته وابتسامته لمواضيع شاهر تدل انه فاهم كل شي ،،،،،،،،،،،،،،،،،،،،،،،،، الوقت بعد المغرب مباشرة بعد ما اجتمع خالد مع اهله قرروا انه يجيب متعب وهم يبلغونه عن حالة امه خالد يتصل على متعب متعب بمزح : يالله حيوووووو خالد واضحه عليه الجديه : متعب بمر عليك الحين متعب عدل جلسته : وش فيكم خالد : اليوم بيملك نايف وابوي يلزم على وجودك متعب : الله يشغل الشيطان خوفتني وآخرها تقولي ملكة نايف خالد : يالله جايك متعب : لا تجي بخلي السواق يوصلني للمستشفى القريب انتظرني هناك خالد : وش له الحوسه بجيك عند الباب احسن متعب : لا مابيهم يشكون بالوضع ، بتفق مع السواق ، بطلع وارجع من غير لا احد يحس خالد : اوكي لاتتأخر متعب شك بالوضع ولكن مايبي يتسرع اتفق مع شاهر يوصله المستشفى ولقى سيارة خالد متعب : يعطي شاهر مبلغ بسيط : اسمع شاهر اذا عبدالعزيز سأل عني كلمني على هذا الرقم ,,, طبعا متعب حذر مايفوته شي وعطاه رقم جوال وليد ووليد بدوره بيبلغ متعب اذا احد سأل عنه حسب اتفاقهم متعب بعد ماسلم لاحظ ان خالدموطبيعي : خالد لا تلعب علي بملكة نايف وش اللي صاير وجهك مايبشر بخير خالد مايبي يتكلم خايف على متعب لا يتهور بالسياره متعب حس انه في شي خالد مخبيه عليه : وش صاير تكلم خالد : ابوي يبيك متعب : ايه وش يبي خالد بعصبيه : مدري عنه الحين نوصل واسأله متعب فقد السيطره على نفسه وعرف انه فعلا الموضوع مو ملكة نايف والتفكير لعب فيه " ياربي وش اللي يبيه فيني اول ماوصلوا البيت نزل بسرعه واتجه للمجلس مباشرة زاد خوفه لما شاف ابوه سلمان وعمه وعيال عمه كلهم جالسين ينتظرونه متعب من غير لايسلم : وش اللي صاير علموني سلمان ينزل راسه مايبي يشوفه بهالوضع متعب يتلفت للموجودين : امي فيها شي عبدالرحمن يقوم ويضمه : لاتخاف مافيها شي بس تعبانه شوي وكلمونا انها بالمستشفى متعب حس الدنيا كلها دارت بعينه : متى وشو اللي فيها خالد يحاول يهديه : انا كلمتهم يطموننا عنها لا تخاف متعب يبي يطلع ومسكه خالد ونواف خالد : اصبر طيارتنا الساعه 5 الفجر اقرب حجز حصلته متعب : وانا وش اللي بيصبرني وحس انه فقد اعصابه وانهار يحاول يتصل اكثر من مره ولا في اجابه سلمان وعبدالرحمن : يحاولون يهونون الأمر عليه خالد بيطمنه : انت تعرف انك لي ابطيت عليها يضيق صدرها وكلمت امي تقول جيبو متعب خبرك عاد الضغط ومايسوي متعب : جالس ويده على راسه ويبكي سلمان بهدوءه يجي ويجلس جنبه : يارجال مافيها غير العافيه لاتخاف وبدء يهديه ويهون عليه الأمر متعب زاد بكاه لما كلمه سلمان وكان خايف من اللي بيصير ,,,,,,,,,,,,,,,,,,,,,,,,,,,,,, انتظر تعليقاتكم |
البارت العاشر متعب على سرير نواف والكل معتقدين انه نايم ، لكن الصحيح ان عينه ماغمضت ام خالد بدت تهدى شوي : خالد روح لمتعب يجهز مابقى شي لطيارتنا خالد : ان شالله يمه ابو خالد : كلمتوا نايف ام خالد : نايف مسافر مع خوياه ابو خالد : كلموه يجي ما هو وقت قنص نواف : ابشر يبه الحين اكلمه خالد يفتح الباب بهدوء ويسمع صوت متعب وهو يبكي خالد : متعب الله يهديك ترى ماعليها الا العافيه متعب وعينه على خالد بإنكسار : لو امي صارلها شي ماراح اسامح نفسي خالد : وش هالكلام الله يهديك انت منت اقوى من الظروف وهي ماتبي من الدنيا غير انها تشوفك مرتاح متعب بتهديد : اللي قهرها وسقاها الهم والله ليكون موته على يدي خالد قدر وضع متعب النفسي : ان شا الله انها ازمه وتعدي وتصير بعافيتها يالله مشينا مامعنا وقت متعب دخل الحمام وتغسل عشان ينتعش ولبس ملابسه اللي جابها له نواف من بيته استعداد للسفر قبل يطلعون للسياره ام خالد : نوف يا يمه انتبهي للصغار والشغالات نوف : ان شالله خالتي لاتشغلين بالتس نواف : يالله يمه ترى كلنا بالسياره تنتظرتس ام خالد تودع نوف : ادعيلها الله يشفيها نوف ودمعتها بعينها : الله يشفيها يارب وتبشرونا انها بأحسن حال ام خالد : آمين عند الباب سلمان يضم متعب بعطف : مثل ماوصيتك ياولدي لا تسلم نفسك للحزن متعب : الله المستعان ركبوا سيارتهم والحزن عنوانهم والكل ساكت بعد ماخلصو اجراءات المطارين وعلى ماوصلوا المستشفى كانت الساعه 10 الصبح متعب يحس انه طاير يبي يشوفها وسبقهم لوحدة العنايه المركزه الدكتور : انا متأسف حالتها صعبه ماتسمح زيارات متعب بعصبيه : انا ولدها الدكتور : ارجوك حالتها حرجه متعب يحاول يدف الدكتور يبي يدخل عليها ، لكن خالد اللي وصله بسرعه حاول يمنعه التفت متعب على صوت خاله سامر (خالهم الوحيد ودكتور لكنه تخصص اطفال ) سامر يحاول يشرح لمتعب حالة امه مثل ماوضحوله الدكاتره ويحاول يقنعه ان دخوله راح يتعبها ام متعب معها ضغط وسكر ووضعها الصحي متوتر من فتره طويله وجاتها جلطه مفاجأه بالقلب وكانت حالتها صعبه متعب بعصبيه وفقد اعصاب : انا بوديها احسن مستشفى بالعالم الدكتور : يا ابني حالتها ماتسمح نشيل الأجهزه متعب جلس على الكرسي بإنهيار وصلت ام خالد وابو خالد ونواف ام خالد انهارت على شكل متعب اللي قطع قلبها سامر : يالله وجودكم ما إلو لازمه متعب : انا ماراح اتحرك من هنا الا وهي معي سامر : يا ابني ارجع معنا وان شاء الله بكره راح تكون احسن سامر كلم الدكتور ومابشره بخير نزل راسه بيأس وطلب من الدكتور بتوسل انه يسمح لولدها يشوفها الدكتور قرر ان متعب بس اللي يدخل عليها اول مانداه خاله حس الأرض مو شايلته وراح له يركض سامر : ادخل يا ابني تطمن عليها متعب مستعجل وهو رايح لها وشافها على السرير والأجهزه موصله بخشمها وفمها ، واجهزة القلب بكل جسمها كان منظرها صعب وخصوصا على متعب اللي تمنى ينزع روحه ويهديها لأمه قرب منها ومسك يدها ويناديها ولكن بدون فايده صار يكلمها من غير لايحس بنفسه ودموعه تسيل : تكفين يمه لاتموتين انا ماصدقت اشوف عبدالعزيز عشان احفظ حقوقتس ،، تكفين اصبري علي واوعدتس لعوض كل السنين اللي راحت حس بيدها تضغط على يده بقوه ،، وبدء مؤشر الجهاز يسرع الدكتور والممرضات طلعوه برا لأنها حست فيه وزاد نبض قلبها وهذا الشيء يضرها بعد نص ساعه والجو متوتر والكل خايف وبنفس الوقت الكل رافض يتحرك من المستشفى الا اذا تطمنوا عليها ابو خالد حس ان الوضع مايطمن حاول يقنع ام خالد واختها رشا يوصلهم البيت يرتاحون ، وكان سامر وخالد ونواف باقين عشان متعب رافض انه يرجع رشا الوحيده الموجوده بمنطقتهم وخواتها الاربعه غير ام خالد ثنتين تزوجوا بالخليج وثنتين بنفس البلد لكن طريقهم سفر وبعيد بعد ربع ساعه من خروج ابو خالد واللي معاه طلع الدكتور وبأسى بلغ سامر انها سلمت روحها لخالقها سامر ويده على راسه تسند على الجدار خالد عرف انها ماتت راح بسرعه لمتعب اللي صار يركض لغرفتها حاولو يمنعونه بكل الطرق لكنه دخل غصب عنهم حط راسه على صدرها وبكى بكل مافيه متعب القوي واللي له هيبه وكان ياجبل مايهزك ريح نطق في داخله طفل يبكي فراق امه ,,,,,,,,,,,,,,,,,,, في بيت عبدالعزيز الفيلا مقلوبه على متعب اللي الكل مشغول بإختفاءه عبدالعزيز بقسوه يضرب شاهر : ياكلب كيف توصله المستشفى وتتركه ، انا قايلك انه مجنون مايفتهم شاهر يبكي : بابا الله يخليك انا مايعرف شي عبدالعزيز طلع كل حرته بشاهر اللي اعتبره السبب وموته من الضرب اخيرا شاهر اعترف ان متعب عطاه رقم جوال قال كلمني عليه عبدالعزيز : يتصل على الرقم وصله صوت صاحب الجوال عبدالعزيز : انت متعب وليد استغرب : لا ياخوي غلطان عبدالعزيز : انت من وليد بدى يشك بالوضع : آمرني ياخوي ماني متعب قفل عبدالعزيز الخط وهو ميت من القهر والخوف يتصل بسرعه على واحد يعرفه : اسمعني شوف الرقم ذا بإسم من بعد وقت قصير اتصل عليه اللي كلمه وبلغه ان الرقم غير مسجل عبدالعزيز : الكلب يلعب لعبه اكبر منه لكن انا اللي بخليها على راسه دخل لبيته ولقاهم كلهم متوترين عبدالعزيز بحيره : وش السوات الولد اختفى دانه بخوف : خلونا نبلغ الشرطه موضي : وش نقول للشرطه ولدنا ضايع مانعرف اسمه دانه ماتدري ان اثباتاته مزوره : يمه اسمه متعب موضي : اسكتي بس خلينا نلقى حل للمصيبه عبدالعزيز : فتشت الملحق قطعه قطعه مالقيت اي شي يدل على وجوده موضي : كلم ابو سعود عبدالعزيز والفرحه تهللت بوجهه : كيف راح عن بالي اتصل على ابو سعود وهو متوتر وكل مافيه يرجف وواعده عنده بالبيت وبعد نص ساعه كان موجود ابو سعود خاف من ابو عمر وخاف لايكون شك ان له يد بالموضوع ابو سعود بخوف : خير يا بو عمر عبدالعزيز : متعب اختفى ابو سعود حس براحه : وين راح عبدالعزيز بقلق : لا تسألني ، انا اللي اسألك ابو سعود : انا ما ادري عنه من يوم جبته عندك من 10 ايام تقريبا عبدالعزيز بعصبيه : لازم تتصرف الولد اذا ماجا البيت الليله لاتلوم الا نفسك ابو سعود : ياطويل العمر منين اجيبه عبدالعزيز : من تحت الأرض ابيه يجي ابو سعود صار يفكر بقلق : اخاف رجع لامه عبدالعزيز : كيف بيرجع وهو مامعه ولا ريال ولا يعرف شي وحتى اثباتاته المزوره معي ابو سعود جا على باله يكلم متعب على جواله : خلني اشوف بالمستشفيات ولا مراكز الشرطه عبدالعزيز بقلق : تصرف اهم شي الولد يجي ابو سعود بعد ماطلع حاول يتصل على متعب وخالد لكن مافي تغطيه واتصل على عبدالرحمن ونفس الشي مافيه تغطيه ، صار بحيره ، هوماله علاقه غير بمتعب وخالد وعبدالرحمن عبدالرحمن من عمره وتعامله مع ابو سعود سطحي جدا وبذكائه ماخلاه يعرف عنه وعن خالد ومتعب اي معلومات غير اسمائهم الاولى وابو سعود اهم شي فلوسه يستلمها ، ولا عمره فكر يكتشف سكنهم او اي شي يخصهموفي كل مره كانوا يواعدونه بمكان مايدل على نفسهم متحسبين لموقف نفس كذا ابو سعود " وش المصيبه شكلي بروح بداهيه من اللي سويته واللي شهدت فيه لعبدالعزيز ان ولده مو صاحي وانه مع امه والولد من عمره وهو هنا حس ان تأنيب الضمير بدى يلعب فيه ، لو اني ماتدخلت بموضوعهم ولا قبلت الفلوس اللي عطوني كان انا مرتاح داخل البيت موضي : اكيد سمعنا وحنا نتكلم عنه وهرب عبدالعزيز وتفكيره بوادي ثاني : حتى ساره مسكره جوالها اللي كانت تكلم منه اذا بغت فلوس موضي : ماتعرف جوالات خواله عبدالعزيز : ماعرف اي شي يربطني فيه ،،،،،،، جلس على الكرسي ويده على راسه يفكر بحل بعد صمت طويل : انا خايف لا يرفع علي قضيه يبي اثبات نسب ووقتها فضيحتي بتصير على كل لسان موضي : ماظنتي يسوي كذا عبدالعزيز : وليه لا موضي : لو كذا كان من زمان ومن غير يدخل بيتك بيرفع عليك القضيه عبدالعزيز : اهم شي عندي الموضوع مايوصل للشرطه والمحاكم موضي : اخاف يبي يسويلك شي عبدالعزيز : كان فبيتي لو بيسويلي شي كان سواه قبل يروح الحيره والقلق خذوا نصيبهم من عبدالعزيزوموضي ,,,,,,,,,,,,,,,,,,,,, في اليوم الثاني في مكتب سلمان بأحد شركاته وصله نايف اللي بعد ماعرف بوفاة خالته قطع سفرته ورجع من الليل نايف يسلم على عمه ويحب راسه : سم عمي وليد بلغني انك تبيني سلمان يقوم وبكل ابوه يعزي نايف بوفاة خالته نايف كان حزين على فراق خالته اللي يعتبرها اغلى خالاته سلمان : نايف يابوك انا طيارتي بعد ساعه بنروح لمتعب انا ووليد ، وخلك مع اهلك لا تخليهم نايف بحزن : عمي انا بحاول القى حجز واروح لهم سلمان : يابوك خلك هنا البيت مافيه احد عمتك حصه عند نوف بالبيت ، لاتخليهم لو يصير ولا مايصير تراهم نسوان مانقدر كلنا نروح ونخليهم نايف بقلة حيله : ان شالله حصه اخت سلمان وعبدالرحمن الوحيده عمرها 38 ،،،،،،،،،،،،،،،،،،،،،،،،،،،،،،،،،،،،،،،،،،،،،،،، بنفس اليوم واللي هو ثاني يوم للعزاء اللي كان فبيت سامر اخو ساره المكان يعمه الهدوء الكل تقريبا يغطيهم الحزن والصمت وصل سلمان لمتعب وكان حضوره هز كل جوارح واحساس متعب ضمه وهو يبكي بشده وحس ان ماله احد بالدنيا غير سلمان اللي بدوره صار يواسي متعب وكان كلامه مثل الثلج على صدره في اليوم الثالث ابو خالد بهمس : خالد كلنا بنرجع الليله وانت خلك مع متعب خالد بنفس الهمس : ليه مانزجع كلنا خلاص العزاء بينتهي اليوم ابو خالد : متعب لايرجع انا حاس انه ناوي على شر ، ابيك تجلس معه على الأقل اسبوع يكون النار اللي بقلبه بردت ويقدر يتخذ قراراته بعقل خالد : ايه من امس وهو يتوعد بموت عبدالعزيز الله يستر ابو خالد : الله يعينه مقهور ماني لايمه ، يوم قدر يوصل لعبدالعزيز وبيجبره يعطيها حقوقها ويثبت انها زوجته انتهى كل شي خطط له سنين بغمضة عين خالد : الله يرحمها ،،،،،،،،،،،،،،،،،،،،،،،،،،،،،،،،، بعد مرور اسبوعين من وفاة ام متعب الوضع صار شبه طبيعي والروتين رجع نفس ماكان خالد أجل السفر لبعد رمضان اللي باقي عليه اقل من شهرين ويدخل عليهم متعب بمكتبه جالس والصمت عنوانه يحاول ينهي بعض الاوراق اللي معه وصله اتصال وعرف انه وليد اللي كان متفق معه على موضوع وليد ومتعب بعد ماسلمو على بعض متعب : وش صار معك وليد : حاولت اعرف التاريخ اللي ينتهي فيه العقد لكن ماقدرت متعب : والحل وليد : انا حاولت بكل الطرق وجبتلك حتى اسم اللي هو راهن شركاته عنده لكن التاريخ والله ياخوك ماعرفت اوصل له ولا يدري عنه غيره هو والمستلم متعب وهو يفكر : طيب انا بعرف اجيبه وليد : من يجيبه لك متعب : بجيبه بطريقتي وقفل الخط مع وليد يسترحي على الكرسي ويرجع راسه لورا وكان واضح عليه الهم وهو يفكر قال " دانه هي اللي تجيبه لي " اتمنى البارت يعجبكم |
البارت الحادي عشر اجواء البيت تقريبا هدت من التوتر اللي عاشوه اسبوعين لما اخترعلهم ابو سعود حيله بانتفاقه مع متعب ، وقالهم انه سأل عن متعب وقالوله انهم لقوه تايه ولمجرد معرفتهم انه متخلف حجزوه بمستشفى للأمراض النفسيه الى ظهور ولي امره ياخذه ، وطبعا عبدالعزيز قال جت من يمهم خلوه بالمستشفى احسن جالسين بالصاله الصغار يلعبون ودانه وامها يتكلمون بخصوص زواج اسماء بنت خالتها ام اسماء اخت موضي الوحيده وتواصلهم قليل تقريبا بالمناسبات فقط لأن سكنهم بمنطقه تبعد عنهم تقريبا ساعتين ونص دانه : يمه ماعزمتي ام سلطان لزواج اسماء موضي : وشو ، مجنونه انا يوم اعزمها دانه : غريبه فكرتها اعز صديقاتس موضي : عن الهبال اللي فيتس دانه فاهمه قصد امها وهي تضحك : قصدتس ان خالتي مو قد المقام موضي : دانه ترى ماني ناقصتس دانه : ههههههههههههههههه موضي وهي مالها نفس : كلها كم اسبوع و عبدالعزيز بيصير معه ملايين واصير احسن من ام سلطان وغيرها دانه واللي كانت الفلوس آخر همها قالت بمزح : ليه لقيتو المصباح السحري موضي بغضب : والله انا الخبله اللي جالسه معتس دانه بينها وبين نفسها "ههههههه تحسسني انها الليدي ديانه مو موضي بنت مبيريك اللي يطهر البزران دانه بإهتمام : صدق يمه كل كلمه والثانيه تقولين بيصير معنا ملايين من وين موضي : عبدالعزيز رهن املاكه عند اخو ابو سلطان ودخلهم البورصه يقولون بيصير فيها ربح كبير دانه : معقوله طيب وان ماصار ربح وش بيسوي موضي بخوف : هذا اللي انا خايفه منه دانه : طيب الله يهديه كان دخل بالنص وخلا النص للظروف موضي : قلتله بس الله يهديه مايطيع يقول كل كبار السوق يشهدون بربح البورصه هالشهر واليوم صارله اسبوعين والسهم كل ماله ينزل دانه : لا تخافين يمه اكيد بيرتفع الفتره الجايه موضي : وين يرتفع الله يهديتس مابقى على العقد غير اسبوعين ويوم الثلاثاء لو ماسلم للرجال فلوسه بيصير حلالنا ملكه دانه : بس يمه هو اخو ابو سلطان صدقيني بيصبر عليه عشان اخوه موضي : لو صبر عليه سعد ،،، اللي كتبلهم الشيكات ما هم بصابرين على فلوسهم دانه بقلق : يمه ترى اللي سواه عبدالعزيز مغامره انتي واخواني ضحيتها موضي وهي تقوم : الله يستر يادانه اللي مخوفني لو عبدالعزيز دخل السجن ولا صارله شي محد بيوقف معنا دانه تمشي مع امها : لا يمه لاتقولين كذا اكيد اخوانه ماراح يخلونه موضي : اي اخوان اللي بيوقفون معه ، اذا كان هو من يوم سوى قضية حجر على اموال ابوه المريض و هو يتحاكم معهم على فلوس ابوهم لين مات الشايب ماشافهم لحد الحين كيف بيوقفون مع اخوهم وهو ماكل حلالهم دانه : هو كان مسوي حجر على ابوه موضي : ايه ، سالفه قديمه يا دانه كان خايف لا يموت الشايب وياخذون اخوانه من ابوه كل الحلال دانه بأسى : يالله الدنيا مافيها خير كانوا يتقاسمون فلوسه وهو حي موضي : دانه ترى اللي في مكفيني لا تجلسين تسوين لنا محاضرات دينيه مو وقتها دانه : طيب يمه والله يسر الامور ولا يصير اللي انتي خايفه منه موضي : آمين ، روحي نادي اخوانتس يتعشون دانه : ان شالله يمه ,,,,,,,,,,,,,,,,,,,,,,,,,,,,,,,,, صارله اكثر من اسبوع يراقب خروج دانه عن بعد ،، وبعد التعب والمعاناه اخيرا شافهم مسكو الخط اللي يوصل للقرية اللي فيها بيت ابوها لبس نظارته عشان شاهر لا ينتبه له وصار يتبعهم بطريقه غير مباشره راقبها من بعيد وهو بسيارته شافها تنزل وتتجه للباب اللي عند شاهر ، كلمته ودخلت البيت ظل متعب بسيارته لحد ما تأكد ان شاهر طلع من القريه قرب السياره شوي وشاف بزران يلعبون بالحاره اشر لواحد منهم شكله 5 سنوات تقريبا جاله البزر يركض متعب يبتسم عشان البزر لايخاف : شسمك الطفل : يناظر متعب بدون كلام متعب : ياشيخ اقولك وش اسمك الطفل : ماتكلم لكن عيونه على متعب وكأنه يحاول يفهم كلامه لحظات وجاه واحد كبير شوي يعني تقريبا 10 سنوات الولد : يأشر على الطفل وقال تراه اصقه مايسمعك متعب رجع ناظر الطفل وحس قلبه انكسر يوم عرف انه مايسمع رجع يكلم الولد الكبير : وش اسمك الولد : فهد متعب بذكاء يبي يعرف اسم ابو دانه بطريقته الخاصه : هذي مو قرية الــــ الولد : الا هي متعب : طيب وين بيت متعب سلمان الولد يفكر : ماعندنا احد اسمه متعب سلمان متعب يأشر على البيت اللي دخلت له دانه : اجل هذا مو بيته الولد : لا ذا بيت لافي راعي البقاله متعب : لافي ابو دانه ماغيره الولد بين عليه انه فرح يوم درى انه عرفهم : ايه ابو دانه متعب : طيب وين بقالة لافي الولد : وصفها له وكانت تبعد عن بيت لافي دقايق قليله متعب عطى الولد 50 ريال وعطا الثاني 50 ريال وشغل سيارته وطلع من القريه ،،،،،،،،،،،،،،،،،،،،،،،،،،،،،،،،،،،،،، نوف بعد نام عبدالرحمن راحت تجهز نفسها قبل خالد يجي سكرت انوار غرفتها وفتحت الأبجوره اللي جابتها مخصوص لهذي الليله كانت اضائتها مميزه ورومنسيه ، الفراش غير لونه احمر صارخ كل شي بالغرفه تغير صارت كأنها غرفه ثانيه جهزت نافورة الشوكولاته وقطع البسكويت ، والعصير اللي كان بكاسات مضيئه بعدما انهت تجهيز غرفتها ، خذت شور هادي كانت ريحة الشور جيل تعم المكان ،،،، بعد ماخلصت جففت شعرها وتزينت بمكياج ناعم ولبست فستان قصير من غير اكمام لونه احمر وجزمتها كانت بخيوط تنربط لحد الركبه واخيرا رشت عطر وبخرت غرفتها ،، جلست تنتظر خالد وهي تفكر كيف بينبسط على جو الغرفه بعد ربع ساعه وصل خالد فتح باب الشقه ومعاه اكياس فيها حاجات من السوبر ماركت خالد بتعب : نوف ،، نوف نوف ماردت عليه تبي تفاجأه خالد يفكر " اكيد نايمه مثل عادتها " خذ الحاجات ودخلها المطبخ ، اتجه لغرفة عبدالرحمن لقاه نايم ،، قرب منه بهدوء وحبه وطلع بيروح لغرفته يستعد للنوم فتح الباب لقى نوف جالسه على الكرسي مبتسمه وهو منبهر من اللي يشوفه خالد والصدمه بينت عليه : وش ذا نوف : هههههههههههههههههه خالد : نوف وش خليتي ، ماشالله لحد يشوف دبرتس يحسدنا نوف : صدق اجل عجبك جو الغرفه خالد : جو الغرفه وصاحبة الغرفه نوف بخجل : اكيد عجبتك ولا تجاملني خالد : الحين اعلمتس ان كنتي عجبتيني ولالا نوف : يالله قول ابي اسمعك خالد يقرب منها بشوق ويضمها لصدره ،،،،،،،،،، ويرفع وجها وصار يوزع البوسات على وجها ويضمها لنفسه اكثر ،،، يقرب من اذنها بهمس ماراح تسمعين رايي بتشوفين بعينتس و شالها بخفه وحطها على السرير وصار ينزع ملابسه نوف : خالد اصبر مجهزه مفاجآت ، ابيك تشوف النافوره والعصير خالد : بعدين بعدين نوف : خالد الله يخليك خالد يضمها ويبوسها من كل مكان بشوق وهي تضمه ونست النافوره والعصير قرب الفجر راحت الحمام تتروش للصلاه بعد ما طلعت من الحمام لقته نايم نوف : خالد قوم تروش للصلاه خالد بكسل :طيب طيب بس شوي نوف تهزه وهي تضحك : قوم مابي آخذ ذنبك خالد فتح عيونه بكسل : تبين الصراحه احس اني متزوج وحده ثانيه نوف بغضب : انت اصلا ماتقدر ان الحامل نفسيتها تتغير ويكون مالها نفس لشي خالد : علينا ههههههههههه من جبتي عبدالرحمن وانتي ساحبه علي نوف : يوه ياخالد خلاص كم مره تكلمنا بهالموضوع شكلك تبي زوجه ماتنشغل بأي شي ولا تتحرك من قدامك خالد : المفروض كذا نوف بغضب : طيب قوم تجهز للصلاه خالد : طيب بقوم بس ابتسمي نوف : انت كذا تنرفزني وبعدين تقول ابتسمي خالد :وش تبيني اسوي انتي خلقتس ضيق ما تحملين احد يقولتس شي نوف : انا خلقي مو ضيق انت اللي ماتفكر الا بنفسك ، حتى ماتفكر تطمن علي وعلى اللي فبطني خالد ينرفزه موضوع حمل نوف : نوف انتي عارفه نظرتي بموضوع الحمل وانا من قبل قلتلتس عبدالرحمن كافي علينا لحد ما اخلص دراستي وماتوقعت انتس بتتركين حبوب المانع من غير علمي نوف : الدراسه مو اهم مني ومن عيالي خالد حس ان الموضوع بيصير مشكله : طيب طيب شكلي بتأخر على الصلاه نوف : ايه اهرب من الموضوع انت دايما كذا وطول عمرك كذا اناني ماتفكر الا بنفسك ،،،،،،،،،،،،،،،،،،،،،،،،،،،،،،،،،،،،،، في احد المجمعات الفخمه تجلس مشاعل و العنود بنت عمها بالكوفي شوب ينتظرون ساره ولما اللي يتسوقون العنود : مشاعل ماقلتيلي اخبار محمد مشاعل بحيره : اي محمد العنود : محمد اللي قلتيلي عنه ذاك الليل مشاعل : ايه ايه تذكرته ، سحبت عليه العنود وهي تضحك : ههههههههه ماصارلكم اسبوع متعرفين مشاعل : خليك منه ، انا مو قاهرني وجايبلي المراره غير متعب العنود : متعب اللي كان معكم ببيريطانيا مشاعل : ايه مو قلتلك شفته بالمجمع قبل شهر تقريبا العنود باهتمام : ايه قلتيلي مشاعل بقهر : تخيلي مايرد على مكالماتي ولا مسجاتي وهو اللي كان يتمنى شوفتي ولو اغيب دقيقه عن عينه يجنني باتصالاته العنود : اتوقع انه تزوج عشان كذا مايبي يرد على مكالماتك مشاعل : طيب يرسل مسج يقول انه تزوج وانا ابتعد عنه مو ساحب علي كذا العنود : طيب جربي تطلبينه من جوالي يمكن يستغرب الرقم ويرد مشاعل : تعتقدين يرد علي العنود : جربي مشاعل تتصل وماتوقعت انه من ثاني رنه بيرد ولما سمعت صوته حست شي غريب بجسمها ،،، خذت الجوال وقامت بسرعه بتاخذ راحتها وهي تكلمه مشاعل : مساء الخير متعب : نعم مشاعل : قلنا مساء الخير متعب : مساء النور آمريني اختي مشاعل بغرور : ماعرفتني متعب ماعرفها : لا والله من معي مشاعل : انا مشاعل متعب سكت شوي مو متوقع انها مصره تكلمه رغم صده لها متعب بملل : سمي يامشاعل آمريني مشاعل انقهرت من رسميته : ممكن اعرف ليش ماترد على مكالماتي او مسجاتي متعب : آسف صارت ظروف وانشغلت ، خير في شي مشاعل : متعب وش فيك انا توقعتك بتفرح بمكالمتي متعب : مشاعل انا حاليا مشغول اعذريني مشاعل : راح تكلمني اذا فضيت ؟ متعب : والله شغلي مطول لاتنتظريني مشاعل حست انه يتهرب منها : طيب متى اقدر اكلمك متعب : في شي تبي تقولينه مهم مشاعل : ايه متعب : قولي انا معتس مشاعل : بالجوال ما اقدر لازم اقابلك متعب : مشاعل شيلي الفكره من راستس مشاعل : ليه ماتذكر ايام اول يوم كنت تشفق على شوفتي متعب : اسمعيني زين ، اول اللي تكلمين عنه كان عمري 22 سنه والمكان اللي كنا فيه يجبرنا نتلاقا مع بعض بكل حريه لكن الحين الظروف تغيرت وحنا بالسعوديه يامشاعل لازم تعرفين ان دينا مايسمح نقابل بعض واتمنى تحترمين عاداتنا وتقاليدنا مشاعل بعصبيه : نعم نعم ووين كان دينك وتقاليدك من 5 سنين متعب مايحب احد يكلمه بهالأسلوب : انا بشر وكلي ذنوب ولو اني اخطأت وكانت بينا علاقه ماتعدت حدود المقابلات بالأماكن العامه الا اني ارفض ان الخطأ يستمر واتمنى تعتقيني من المكالمات الزايده ،،،،،،،،،،،،،،،،،،، اسمحيلي مشغول مشاعل انقهرت من تصرف متعب انتهت المكالمه ورجعت لمكانها العنود لاحظت ان لون مشاعل مخطوف العنود : كلمتيه مشاعل : الحقير يعتبر علاقتنا غلطه العنود : مشاعل لايكون تدين وتغير كل شي بحياته مشاعل بقهر : انا بعرف اخليه يتمنى شوفتي العنود : عندك اللي يسواه يتمنون نظره بس مشاعل حست بقهر انه مايبيها : خليه علي انا اعرف اتصرف معه ،،،،،،،،،،،،،،،،،،،،،،،،،،،،،،،،،،،،،،،،،،،، ام خالد بغرفتها جالسه والذكريات كانت مصاحبتها ، شي يخليها تبتسم وشي يخليها تحزن سمعت احدعند الباب ام خالد : ادخل نايف : سلااااااام على الغالين ام خالد ابتسمت : وعليكم السلام حيالله حبيبي نايف بالنسبه لأم خالد غير عن اخوانه ، هو اللي يعرف كيف يخليها تبتسم وهي زعلانه وهو اللي يفهمها من غير لا تتكلم نايف : وشلونتس يمه ام خالد : والله الحمدلله بأحسن حال نايف : قولي الصدق الحين الحين وش كنتي تفكرين فيه ام خالد : مافكر بشي بس سرحت مع نفسي نايف : انا قلت تعلميني وش كنتي تفكرين فيه ام خالد بحزن : رجعت فيني الدنيا يوم ساره الله يرحمها كانت مريضه في مره من المرات نايف يبي امه تفضفض اللي بقلبها كان منصت لها ام خالد : كان معي خالد عمره شهرين وجابت امي متعب تبيني ارضعه لأن ساره كانت صحتها تعبانه وهو ابو 6 شهور ابتسمت ام خالد على الذكريات : الله يرحمها زعلت يوم عرفت اني رضعته كانت تقول لا ترضعينه عشان ازوجه من بناتس نايف ضحك لأمه يحاول يطلعها من حزنها : هههههههه الحمدلله انتس رضعتيه ولا كان الحين انا مرة متعب ام خالد : هههههههههههههههه نايف بجديه : يمه الله يرحمها غاليه علينا كلنا واليوم داخله على شهر الله يرحمها وترى هالوقت يكفي انتس ترجعين لطبيعتس وتطلعين من البيت تغيرين جو ام خالد : والله يامك مالي نفس لشي نايف : طيب وش رايتس نطلع عمره انا وياتس ام خالد : ان شالله برمضان بنروح كلنا نايف : نروح الحين انا وانتي ولي جا رمضان نروح كلنا ام خالد : خلني اشوف واردلك خبر نايف : فكري على راحتتس وعلميني قبلها آخذ اجازه ونتوكل على الله ام خالد : الله لا يخليني منك نايف : ولا منتس يالغاليه ،، تامريني بشي قبل انام ام خالد : سلامتك يا يمه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،، اليوم الثاني الساعه العاشره صباحا ، واقف قدام المرايه يضبط شماغه ، رش من عطر قدامه بشكل سريع وطلع من غرفته وهو نازل لقى عمته جالسه بالمطبخ توكل بنتها حصه بابتسامه تحاول تكسر الحزن اللي خيم على متعب : ماشاء الله وش الزين ، لا يكون بتروح تخطب من وراي متعب بنص ابتسامه : والله بوقع عقد للوالد وصاني عليه من يومين حصه : طيب تعال افطر معي متعب : مستعجل عليتس بالعافيه ،،،،،،،،،،،،،وطلع حصه من بعيد : متعب ابيك موجود على الغداء انا اللي بزينه متعب التفت لها : على خير حصه بينها وبين نفسها متحسره على وضع متعب " الله يزيل همك يامتعب" حصه حالها حال الناس معتقده ان متعب ولد سلمان من طليقته ساره ،،،،،،،،،،،،،،،،،،،،،،،،،،،،،،،،،،،،،،،،،،،،، موضي : وش عندك اليوم ماطلعت من البيت عبدالعزيز بقلق : الأسهم كل مالها تنخفض شكلي بسحبهم قبل يعلنون افلاسهم موضي : والناس اللي كتبتلهم الشيكات منين راح تسدد لهم عبدالعزيز بعصبيه : اسكتي ياموضي انا ابي اللي يواسيني وانتي بتزيدين همي هم موضي : انت بتودينا بداهيه عبدالعزيز : الله يستر شكل الصفقه اللي سويتها بتدفعني الثمن عمري موضي : تصرف يا عبدالعزيز انا وعيالي مالنا غيرك ولو يصيبك شي من لنا عبدالعزيز : لا تخافين ان شاء الله تزين الامور ، بصبر عليها يومين وان ما ارتفعت بسحبها موضي : وشركاتك ومحلاتك وكل اللي بنيته بيروح عبدالعزيز : انا ما افكر غير بالشيكات اللي وقعتها ، لاتقولين شركات ولا محلات موضي : ضيعتنا يا عبدالعزيز عبدالعزيز : خلاص ياموضي خليني افكر بالموضوع موضي : الله يسترنا منك ،،،،،،،،،،،،،،،،،،،،،،،،،،،،،،،،،،،،،،،،،،،،، |
البارت الثاني عشر دخل بسيارته للحاره اللي فيها بقالة لافي ونزل قاصد البقاله دخل عليه بهدوء وشافه مشغول يحسب الريالات اللي جمعها متعب بصوته الرجولي الهادي : السلام عليكم انتبه لافي لمتعب اللي شكله كان يدل انه مو شخص بسيط وقف بسرعه : وعليكم السلام طال عمرك متعب : هاه يالافي وشلون البقاله معك لافي بذهول : انت تعرفني متعب بخبث : اليوم بنتعرف لافي بغباء : اجل من علمك اني لافي متعب : هههه طلع اثباته العسكري وشاله بسرعه قبل لا ينتبه لافي للأسم ،، وكان من حسن حظه ان لافي اصلا مايعرف يقرى لافي : والله ياطويل العمر انا راجعتهم و ان شاالله تجي نوبتن ثانيه وتلقى الترخيص موجود ابتسم متعب على لافي اللي جاب العيد متعب استغل خوف لافي من الترخيص : انا بكلمك بموضوع لافي : سم ياطويل العمر متعب : مايصلح هنا لافي : بيتي قريب من هنا تفضل طال عمرك ، ولافي كله خوف لا يسكرون بقالته متعب يدخل لمجلس لافي الصغير جدا واثاثه قديم ومرقع وسقف الغرفه متفطر من تجمع الأمطار بسطح البيت وفي احد الزوايا صحن كبير يجمع نقط الماء اللي نازله من احد الزوايه بسبب الأمطار والبنيان القديم للبيت متعب استغرب الوضع وبينه وبين نفسه معقوله ظروفهم صعبه لهالدرجه دقايق ووصله لافي بالقهوه ،،،، متعب وهو يتقهوى يسولف مع لافي يحاول يعرف وضعه المادي وعرف ان لافي مايبي من الدنيا كلها غير بقالته وانها تسوى عنده الدنيا باللي فيها حس متعب بحركه من سطوح المجلس : يارجال البيت لايطيح علينا لافي : الله لايكثرهن كثر التراب ولافيهن فود متعب : من هن لافي : بناتي متعب ابتسم لوضع لافي لافي بعصبيه : كم مرتن اقول لاتلعبن بالسطوح ولا يطيعن دخل عليهم صالح وابتسم لمتعب لأنه تذكره لافي بعصبيه يأشر للولد يبيه يروح متعب : خله يجيني مسكه متعب وحبه وصار يدقق بملامحه الهاديه والناعمه ، الطفل وسيم وكله طفوله تذكره هو نفسه الولد اللي شافه عند البيت لافي وهو يصب القهوه : والله انهن 6 بنات كل ماقلت يبشروني بولد قالو جالك بنت ويوم جا مقطوع النصيب اللي جالسن بحضنك وانا الأرض ماتاسعني وعقب السنه قالولي ولدك اصقه متعب : الحمدلله على كل حال والله يشفيه ان شالله لافي : الحمدلله متعب بإهتمام : ماله علاج لافي : والله يقولون عمليات يبيلهن وقت ومصاريف متعب : وليه ماتعالجه لافي بخبث وطمع : اللي يطلع من البقاله كود يسد اهل البيت متعب تأثر من وضعه الصعب لافي يستغل متعب وهو متأثر : انا اجمع القرش على القرش وبشتري دكان ابو مسفر مصلح السياكل واوسعه على بقالتي وان شا الله يكون مدخولها زين متعب : ان شالله يا لافي كل اللي تبيه يبي يصير لافي الأرض مو شايلته في باله ان متعب مستعطفه ،،،،،،،،،،، عطى ولده تمره وخلاه يطلع لافي : اجل انت منت جاي تسكر البقاله متعب : حنا عندنا خبر بموضوع الترخيص لكن عندنا حاجه اهم منها لافي باهتمام : وشو متعب : وصلنا خبر ان عبدالعزيز الــــ زوج طليقتك لافي : ايه وش بوه متعب : حنا نبي نوصل لعبدالعزيز من طريق ما يشك ان احد يتابعه لافي منصت له وهو مو فاهم شي متعب : اذا ودك توسع بقالتك بترخيص ،،،،، وتعالج ولدك ،،،،، ويطلعلك كم الف لك حرية التصرف فيهم ،،،،، ابيك تجيبلي تاريخ انتهاء العقود اللي مع عبدالعزيز لافي : لكن انا ماقد دخلت بيته ولاعرف امور العقود متعب : بنتك لافي باستغراب : وش عرفك فبنتي متعب : يالافي حنا أمن الدوله مايغيب عنا شي ، وعرفنا ان بنتك تسكن مع امها لافي : ياطويل العمر بنتي ماتعرف امور عبدالعزيز متعب : بطريقتك اسألها خلها تسأل امها او اخترع لها اي عذر اهم شي ابي تاريخ الرهن اللي وقعه على نفسه متى ينتهي لافي يفكر وشكله محتار متعب بتهديد : تدري يالافي لو احد عرف بالموضوع وش اللي يصير لك لافي بخوف : محد بيعرف ياطويل العمر متعب : كويس اللي عارف اجراءات امن الدوله الخصوصيه ،، انا ماشي ذالحين واتمنى تكلمني على ذا الرقم والقى الخبر الأكيد عندك لافي : ابشر ياطويل العمر متعب : استعجل الموضوع لو تعطيني الخبر بكره نفس الوقت اكيد راح يكون لك مكافأه لافي : ابشر ياطويل العمر طلع متعب من مجلس لافي وهو يأكد عليه خصوصية الموضوع ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,, بقصر سلمان الفخم ويدل بكل زاويه من زواياه ان مالك القصر من اصحاب الملايين سلمان كان سفير في سنه من السنوات في أحد الدول الأجنبيه وبحكم منصبه قدر يجمع ثروه كبيره جدا وبذكاءه بالتعامل الاقتصادي عرف يمد تجارته لبعض دول العربيه والأجنبيه دخل متعب على وقت الغداء وشاف ابوه وعمه موجودين على طاولة الطعام ينتظرونه سلم على عمه وحب راسه وحب راس ابوه وجلس متعب : وين عمتي حصه عزمتني على الغداء واختفت سلمان : هههه تلقاها تعبت ونامت عبدالرحمن : شلون الدوام متعب : ماشي ماعليه خلاف مواضيعهم كانت بحدود الشركات والأسهم وعمل متعب بعد ما انهوا الغداء سلمان : متعب ابيك بمكتبي انت وعمك متعب بينه وبين نفسه "كنت حاس حضور عمي له سبب " متعب : ابشر يبه بس اغسل واجيك بعددقايق توجه لمكتب ابوه وجلس معه هو وعمه متعب : سم يبه سلمان عمك يبي يكلمك بموضوع يلتفت لعمه بإهتمام : سم ياعمي عبدالرحمن : عدوك يسم ياولدي والله يابوك مدري منين ابدء بموضوعي متعب : تكلم ياعمي خذ راحتك عبدالرحمن : انا وصلني خبر انك تتابع اخبار عبدالعزيز متعب بحيره : ومن اللي وصل لك الخبر عبدالرحمن : مو مهم تعرف اللي وصل الخبر ، المهم عندي انك لا تتهور بقراراتك متعب : انا ماني بزر عشان تراقبوني وتراقبون تصرفاتي عبدالرحمن : ياولدي حنا ماقلنا كذا ، وانا ما انكر اني كنت اشجعك تاخذ حقوق امك الله يرحمها وتفضحه على الجريمه اللي سواها للمرحومه لكن الظروف ذلحين تغيرت ماهي العلوم الأوله متعب ساكت ومنزل راسه سلمان بعطف وهو مقدر وضع متعب : يابوك حلالي كله لك اخذ اللي تبيه منت بحاجة عبدالعزيز متعب بقهر : ومن قال اني ابي من عبدالعزيز ريال واحد سلمان : اجل يابوك وش تبي منه ، من اول كنت تبي اثباتات للمرحومه وهالحين الظروف تغيرت متعب بخنقه : ابي اذوقه الذل وهوانه على نفسه لحد آخر لحظه بحياتك عمه عبدالرحمن كان متوقع انه يفكر ينتقم من ابوه سلمان بأسلوبه اللي متعود عليه مع متعب يخليه يبتعد عن الشي بقناعه سلمان بتودد لمتعب : انا ماكبرتك وخليتك توصل لمنصبك اللي انت فيه عشان بلحظات شيطان تخسر كل شي انا بنيته اسمعني يامتعب اللي سواه عبدالعزيز جريمه وانا ما انكر الشي هذا ، لكن اللي ابيك تفهمه ان عقابه وحسابه مو عندك وهو يجلس مقابل متعب ويكمل الكلام : علمني يا متعب وش تبي من عبدالعزيز متعب ازدحم بصدره الكلام ماتكلم من القهر سلمان : تبيه يخسر املاكه متعب واول مره تخونه دموعه وتنزل من غير شوره وعرف ان خطته صارت على المكشوف سلمان : لا يامتعب انت ولدي الرجال اللي مايهزه ريح ، لاتخلي ظروفك النفسيه تدمر حياتك وانا ابوك عبدالرحمن حزت بخاطره دموع متعب وصمته عبدالرحمن : وانا ابوك اللي صار انتهى وقدر الله ماشاء فعل وكثر الكلام بالموضوع مايفيدنا بشي متعب بحزن : انا ماتغمضلي عين الا اشوف عبدالعزيز ذليل للناس سلمان : يابوك احتسب فيه الأجر واتركه ، وتذكر ان عياله صغار ولالهم ذنب متعب بعصبيه يلتفت لأبوه : وانا وش ذنبي يوم تركني ، وش ذنبي اعيش طول عمري اخدع نفسي على انك ابوي وانت مجرد شخص ماخذ فيني اجر سلمان يهدي متعب : الكلام ذا مابي اسمعه انت ولدي ولو ما ابيك او باخذ فيك اجر كان سلمتك لأي مركز للأيتام ماكنت خليتك فبيتي وسلمتك حلالي وعبدالرحمن موجود اولى اني اوكله على حلالي متعب نزل راسه بانكسار سلمان بهدوء : شوف يامتعب انا عارف انك مخنوق واللي ابيه منك ترتاح وتفكر بكلامي زين الرجال لو ضريته ودخل السجن ترى عياله مالهم احد غير الله وبابتسامه : المشكله اني عارف انك عنيد وبنفس الوقت عارف انك ماتزعلني ابد متعب يحب راس ابوه : اوعدك مايصير غير الزين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،، يتبع |
في بيت ابوها مستغربه اتصاله اكيد بيسأل عن الراتب انا اعرفه ما يكلمني الا بوقت الراتب وصلت بيت ابوها ونزلت الحاجات اللي جابتها لأخوانها اول مادخلت لقت منيره جالسه تمشط بناتها الصغار نزلت لها وحبت راسها لكن منيره صدهتها جلست بهدوء تسلم على خواتها وبصوت هادي : وين ابوي منيره بنفس شينه : مو هنا دانه صارت توزع الملابس والهدايا اللي جابتهم لأخوانها وتعطيهم الشوكولاته وبعض الحاجات اللي يحبونها الصغار التفتت لمنيره : خالتي شريت لتس قطعتين خام اكيد بيعجبنتس منيره بعبوس : مابغي منتس شي دانه بإنكسار : ماني لايمتس منيره التفتت لدانه : وليه ماتلوميني دانه سكتت ، ورجعت منيره تمشط بنتها بعد ساعه تقريبا قضتها تلعب مع خواتها وتحاول تكسب هيا وعائشه الكبار وتاخذ وتعطي معهم ،، وصل ابوها سلم عليها بإهتمام غريب على دانه من ابوها لافي : منيره زيني العشاء دانه مهي رايحه لين تعشى معنا دانه : لا يبه لاتكلفون على حالكم لافي : وش تقولين يابوتس انتي راعية محل وهنا بيتس منتي غريبه حاول لافي ياخذ دانه ويصد عن منيره وبناتها وجلس معها بالمجلس وسكر الباب دانه حست ان الموضوع مهم ويتجاوز موضوع الراتب لافي : والله يابوتس انا بخويطري اكلمتس بحاجه دانه : سم يبه آمرني باللي تبيه لافي : انا محتاج فليسات خبرتس رمضان مابقى عليه شي الله يجعلنا من الحيين ، وانا يابوتس ودي اوسع البقاله دانه فهمت قصد ابوها : ايه لكن انا مامعي شي واوعدك لي صار معي شي ماني ذاخرته عنك لافي بمكر : يابوتس انا عارف والمبلغ اللي ابيه ماهو بسيط عشان كذا ابيتس تاخذين من عبدالعزيز وان صار معي بردهن له دانه شهقت : لا يبه عبدالعزيزمستحيل اطلب منه شي لافي : عبدالعزيز معه خير كثير والمبلغ اللي ابيه ماهو منقصه دانه : اصلا الرجال كل اللي معه دخله الاسهم وكاتب على حاله شيكات البيت مقلوب من القلق اللي عايشينه وتبيني اجي اقولهم ابي اديّن فلوس لأبوي ،،، لالا يبه دخيلك اصبر علي وانا بجمع لك اللي تبيه لافي وصل لغايته : وشركاته ومحلاته مايطلعن له شي دانه باطمئنان تكلم ابوها لأنها عارفه انه من عجايب الدنيا ان ابوها يكون من اهل البورصه وكبار السوق او حتى له علاقه باحدمنهم دانه : امي تقول انه رهن كل اللي يملكه ودخل فلوسه البورصه لافي : وان خسر وش علومه دانه : يقولون ان السوق بيزيد والله مدري لافي : ايه خابره عبدالعزيزمايحط قروشه غير بالظلال مايجيهن شي ان مازادن ماينقصن دانه : الله يوفقه ويرزقنا لافي : ووين رهن حلاله دانه والله ماني عارفه لافي : ايه تلقينه خابر السهم بيرتفع قبل وقت الرهن دانه : الله يسمع منك امي مخوفها الموضوع خصوصا ان العقد بيخلص يوم الثلاثاء ولحد هالوقت مابين للسهم شي لافي : الثلاثاء اللي يجي ذا دانه : لا اللي مع الاسبوع اللي يجي لافي : الله يرزقنا كثر مارزق عبدالعزيز دانه : آمين ، لاتشيل هم يبه اوعدك ان البقاله بتوسع مثل ماتبيها وزود لافي : الله كريم يابوتس دانه باهتمام : صحيح يبه ماقلتلي ان هيا تركت المدرسه لافي بتوتر : خليها تجلس تساعد امها دانه : البنت تقول المصاريف زادت وتركت مدرستها ، اجل اللي ارسله لك كل شهر لمدرسة البنات مايكفيهن ؟ لافي : لا مايكفيهن واستحيت اطلبتس دانه : يبه الله يخليك الا دراستهن ، انا اقصر على نفسي عشان خواتي يتعلمون لافي يضيع السالفه : انا بروح لم شغل قريب وارجع دانه : والعشاء لافي :ماني مبطي شوي واجي طلعت مع ابوها ، هو توجه لباب البيت بيطلع وهي توجهت لمنيره بمطبخها الصغير بتساعدها منيره تشتغل وهي ساكته ،ودانه حست ان الوقت مناسب انها تكلمها دانه : خالتي منيره : وش تبين دانه : خالتي انتي زعلانه مني منيره ماردت عليها وكملت شغلها دانه حست انها مخنوقه : خالتي ترى انا مالي ذنبي باللي صار لتس مع امي منيره التفتت بقسوه : امتس ظالمه دانه نزلت منها دمعة ضعف : انا عارفه ياخالتي لكن انا وش ذنبي منيره سكتت وحست فعلا ان البنت مالها ذنب باللي صار دانه وهي تبكي : الله يخليتس لاتحمليني ذنوب غيري منيره قلبها ابيض لكن الموقف اللي صار بينها وبين موضي خلاها تشوف الدنيا سوده بعينها منيره رق قلبها لدانه لكن ماحبت توضحلها انها بتنسى اللي كان منيره : لاتكلميني بالموضوع انا خلصت منه ولا عادت نفسي تبغي طواريه دانه سكتت وفكرت انها تكلمها وقت ثاني افضل ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،، بعد مرور 3 ايام في صالون التزيين موضي وبناتها وبنات اختها دخلت عليهم والكل انذهل منها موضي : انتي دانه دانه تضحك : ههههههههه شكلي تغير احس اني انسانه ثانيه موضي :ههههههههه والله ماعرفتس دانه بخجل : طيب وش رايكم فيني البنات : والله حرام يادانه مخبيه كل هالجمال ولاتبرزينه دانه انحرجت : المكياج يغير اخاف الناس مايعرفوني ههههه روان : دانه لا يفكرونتس العروس هههه دانه بمزح : تتوقعين يضيعون هههههههه موضي : وين فستانتس دانه : ماجبته بالبيت موضي عارفه ان بنتها ماتحب تلبس الا بالبيت : طيب كلمي شاهر يوصلتس واذا لبستي ارجعي هنا نكون كلنا جاهزين دانه : ماراح تروحين معي موضي : طول عمرتس تطلعين مع شاهر بلحالتس وش مقلقتس ، وبعدين خواتس ماخلصو دانه : يمه ماقد طلعت مع شاهر وانا كذا موضي بعصبيه : دانه وش صاير لتس انتي متغطيه شاهر وش يعرفه انتس متزينه وبعدين النيه البطاله اللي براستس انسيها دانه بحوسة الزواج وبالها مشغول بالزواج ،،،، تكلم شاهر بتروح البيت تلبس وصلت البيت ،،، المكان هادي ولا فيه احد غير جيسي مشغوله بتجهيز حاجات طلبتها منها ام عمر في غرفتها تجهز فستانها وحست بحركه بالبيت فتحت الباب وبصوت خايف : من اللي هنا عبدالعزيز : انا عبدالعزيز دانه بخوف : امي مو هنا عبدالعزيز : عندي خبر ماجيت ادور عليها دانه وضربات قلبها صارت تزيد : عمي تامر بشي عبدالعزيز الخبيث : ايه يابوتس بلغي الشغاله تجهز قهوه بيسير علي رجال ، انا بمجلس الرجال خليها تجيبها لي جهزت دانه : ان شالله عمي دانه بحسن نيه والله نيتي شينه وين فكرت انا استغفر الله فتحت الباب متجهه للمطبخ بلغت الشغاله تجهز القهوه وطبعا المطبخ بالدور الأرضي بعيد شوي عن مدخل البيت رجعت باستعجال بتكمل لبسها لا يتأخرون على الزواج خافت من عبدالعزيز لما شافته قدام عيونها عند باب غرفتها دانه : عمي فكرتك بمجلس الرجال عبدالعزيز وصوته فيه الخباثه : ماشاء الله كبرتي وصرتي تفتنين دانه حست انه مو طبيعي: انا بكلم امي تجي يقرب منها وهي خايفه وترجع انت وش تبي مني يمسكها ويدخلها غرفتها وسكر الباب وهي حست الدنيا تدور فيها دانه بتهديد : والله لصرخ واجمع الشغالات عليك عبدالعزيز : اصرخي الشغالات وحده مع امتس ووحده بآخر البيت ماهي سامعه شي بدت تصرخ ياحقير خليتني اكلم الشغاله تجهز القهوه عشان لاتدخل البيت وتسمعني عبدالعزيز بكل عنف يحاول يجردها من ملابسها و بطريقه شرسه يحاول يغتصبها ولكن صرخاتها ومقاومتها له بكل الطرق خلته ييأس منها عبدالعزيز : انا ماصدقت تكونين بالبيت بلحالتس ،، تعالي اخلصي علي دانه وهي تصرخ : حرام عليك انا من صغري عندك واعتبر بنتك خاف الله حرام عليك عبدالعزيز يمسكها بعنف : اقولتس تعالي سمع صوت الشغاله من بعيد و تركها وطلع بسرعه لاينفضح الشغاله حست ان الوضع مو طبيعي لكن حاولت تتجاهل الوضع على سريرها لامه نفسها بخوف ودموعها غزيره وشهقاتها متتابعه مو مصدقه اللي صار لها ،، كل ماتتذكر المنظر دموعها تزيد الجوال يرن صار له اكثر من 5 دقايق ولافكرت ترد دقايق وجيسي عند الباب : مدام في مدام موضي تلفون تحت دانه مو قادره تتكلم وبعصبيه : اطلعي برااااا بعد ربع ساعه طلبت امها على الجوال ولما سمعت صوت امها صارت تبكي موضي : دانه وش يبكيتس دانه : يمه انا تعبانه موضي : بسم الله ماصارلتس ساعه طالعه منا ولا بتس غير العافيه دانه وهي تبكي : يمه تعالي موضي : وش اللي تحسين به دانه تبي امها تجي بأي طريقه : يمه كليتي صارت توجعني مثل اول تعالي لاتخليني موضي : دانه ياميمتس اخذي المسكنات واشربي مويه كثير وانا بكلم عبدالعزيز يوديتس المستشفى دانه زاد بكاها : لا يمه لا تعالي انتي الله يخليتس موضي : وبنت خالتس وش تبين الناس يقولون اذا ماحضرت زواجها دانه انقهرت من امها وقفلت الخط وشهقاتها ملت المكان ليه كذا يمه ليه ماتخافين علي حرام عليتس وصارت تبكي بشكل هستيري قامت بتعب قفلت الباب ودخلت الحمام تتروش اكثر من ساعه وهي تحت المويه وشهقاتها تزيد وتفكر بقلق لو عبدالعزيز فكر يرجع لها وش تسوي لكن اللي طمنها انها عارفه ان شاهر مايعرف مكان القاعه وعبدالعزيز اللي بيوصل امها طلعت وهي بتموت من الخوف لبست ملابس خفيفه وفوقها جلال الصلاه وصارت تصلي وهي تبكي وتدعي الله انه يشغل عبدالعزيز عنها وينتقم لها منه تمت الليله كلها على ذا الوضع لحد قرب الفجر ووصلت امها موضي على صوت الأذان جايه مستعجله لغرفة دانه وشافت الباب مقفل دانه فتحت الباب ولما شافتها ضمتها من الخوف وصارت تبكي موضي : وش بتس يا ميمتتس دانه مخنوقه من امها لما عرفت انها تعبانه ولاجت لكنها ماتكلمت ولا عاتبتها ومن خوفها ماقالت لها عن عبدالعزيز واللي سواه موضي : ليه مارحتي مع عمتس للمستشفى دانه زاد بكاها وسكتت موضي بسذاجتها وثقتها بعبدالعزيز ماشكت انه ممكن يسويلها شي دانه : يمه بنام الصبح بصير احسن موضي : طيب ارتاحي ولو حسيتي بشي علميني جلست على سريرها وهي تفكر بأمها القاسيه اللي اهم ماعندها الفلوس والمظاهر والزواجات كانت نفسيتها صعبه وليلتها مره اخيرا استسلمت للنوم بعد بكاء مرير ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،، حبيباتي هذا البارتين جمعتهم مع بعض |
البارت الثالث عشر مر يومين من زواج اسماء فتحت الغرفه وشافتها بسريرها موضي بقلق تصحيها : دانه وش لونتس الحين دانه : حست بصوت امها وفتحت عيونها : مافيني شي بس بنام موضي : دانه وش صاير لتس علميني لتس يومين منتي بعاجبتني ولا تبين المستشفى دانه تناظر بتعب : مافي شي موضي : قومي قومي عبدالعزيز تحت ، البسي عباتس بنروح المستشفى من اول امس تقولين مافي شي دانه : يمه مافيني شي ماله لزوم المستشفى موضي : اقولتس قومي انا اعرفتس زين لي صرتي مو بعافيتتس دانه وهي مالها خلق الكلام : يمه الله يخليتس خليني انام موضي بعصبيه : دانه وش اللي صاير كلميني دانه تحاول تكتم بكاها موضي : انا قلت ماني مخليتس لين تلبسين عباتتس ونروح المستشفى دانه تناظر امها بقهر وبدت دموعها تسيل بصمت موضي : يابنت وش اللي صاير علميني دانه اكتفت بالدموع الصامته جاهم صوت عبدالعزيز بخباثه وكأنه ما صار شي : موضي هاه اجيكم موضي اتجهت له : لا ما يحتاج روح لشغلك ولو بغينا حاجه شاهر على وصول عبدالعزيز : اجل بروح عندي شغل ولو احتجتوا شي كلموني رجعت موضي لدانه موضي : دانه .... دانه دانه متغطيه بفراشها وقافله نفسها من عبدالعزيز ومن وجود امها موضي : دانه ماتسمعين دانه صوتها مخنوق كله بكاء : يمه خليني بحالي موضي وصبرها انتهي وبعصبيه : اقولتس قومي علميني وش فيتس دانه جلست ودموعها تنزل بحراره وعينها على امها تحس انها بدت تكرهها وبقوه موضي بنفاذ صبر : وش بتس من زواج اسماء وانتي مو بخير دانه بدون كلام لكن عيونها تسيل موضي بعصبيه : لايكون شاهر الكلب سوالتس شي دانه تناظر امها بحقد ودموعها مستمره موضي : علميني والله ان يكون مسويلتس شي اني لعرف شغلي معه دانه خافت لايظلمون المسكين وبكاء مستمر : لا بس انا تعبانه موضي : التعبان يروح المستشفى دانه ببكاء : يمه ابي اروح بيت ابوي موضي : وش الطاري دانه : ابي اسكن معهم موضي وهي تتخصر : وشو ،،، الكلام ذا لاتعيدينه واصلا ابوتس مايبي وجودتس معه دانه تناظر امها : لكن انا ابي اسكن معه موضي : قوليلي وش اللي صاير وانا اخليتس تروحين لم ابوتس دانه ماتكلمت ابد موضي بعد مافقدت الأمل : ودوامتس منتي رايحه دانه : باخذ اجازه لاتخافين موضي : الله يصبرني عليتس وعلى عنادتس ،،،،،،،،،،،،،،،،،،،،،،،،،،،،،،،،،،،،،،،،،،، السبت يعتبر يوم مهم لمتعب وراح يشهد فيه انكسار وسقوط عبدالعزيز عرف متعب ان كل اسهم عبدالعزيز بشركات (الـــ ..... ) ومن حسن حظ متعب انه بنفس الشركه لأنها تعتبر من انجح واكبر الشركات متعب يتصل بعمه عبدالرحمن ويطلب حضوره للأهميه بعد حضور عبدالرحمن متعب يقنعه بكل الطرق انهم يسحبون اسهمهم من شركة (الـ عبدالرحمن : مستحيل الشركه ذي علاقتنا معاها ممتازه واسهمنا لو سحبناها بتخسر الشركه وحنا بنخسر صاحبها متعب : عليك نور انا ابي شركته تخسر عبدالرحمن : ليه وش صاير بينك وبين مدير الشركه متعب بحقد : ابي عبدالعزيز يخسر اذا حنا انسحبنا وبشتري املاكه المرهونه عبدالرحمن فهم قصد متعب : يامتعب متعب يقاطع عمه ويحب راسه : طلبتك لاتردني وان خسرنا شركة (الــ .... ) ماهو راس مالنا ،، اللي نخسره اوعدك اعوضه لك عبدالرحمن حس انها فرصة متعب انه ينتقم من عبدالعزيز و يرتاح من الهم اللي عاشه عبدالرحمن : امري لله بنسحب وانت اسحب اسهم ابوك متعب يحب راس عمه : جعلني فدوة لك عبدالرحمن بابتسامه : بس عندي شرط متعب بفرح : انت تآمرني بس اشر وانا اقول تم عبدالرحمن فرح ان متعب استعاد ابتسامته اخيرا : ابوك لايعرف عن الموضوع وسبب انسحابنا بفهمه ان الشركه خسرانه وانسحبنا متعب : ولايهمك ماراح اقوله اي شي فعلا نجحت خطة متعب والشركات الكبيره انسحبو لما شافو كبار السوق انسحبو وانهارت الشركه واعلنت افلاسها وكل المساهمين الصغار خسروا 3 ارباع اللي دخلو فيه متعب يفكر وهو يحس بالإنتصار " يوم الثلاثاء يا عبدالعزيز املاكك بتصير بتصرفي ، والله لأقهرك مثل ماقهرتني على امي " ،،،،،،،،،،،،،،،،،،،،،،،،،،،،،،،، عبدالعزيز والصدمه خلت توازنه يختل وجلس على اقرب كرسي ابو سعود : وش فيك ياطويل العمر عبدالعزيز بدى العرق يتصبب منه : اللي جمعته عمري كله راح بغمضة عين ابو سعود : اهم شي راحتك يابو عمر لاتخاف ان شالله تتغير الامور عبدالعزيز والدنيا ضاقت بعينه : وصلني بيتي يا بو سعود ابو سعود بخوف : نروح المستشفى وش رايك عبدالعزيز : بيتي بيتي ابو سعود : حاضر ياخذه ابو سعود للبيت وحالته ماتطمن في البيت موضي بخوف : وينه ذا مايكلم جواله من الصبح ياربي لايكون صايرله شي ماقد تأخر كذا روان : يمه وش فيه ابوي موضي : مافيه شي تلقينه انشغل ولا شي ، روحي ذاكري يمه شوي ويدخل عليهم وجهه مخطوف والتعب واضح عليه موضي : عبدالعزيز وين كنت ، وش صاير لك يجلس على الكرسي بثقل ولا يتكلم موضي : عبدالعزيز وش صاير معك عبدالعزيز يصفق يدينه ببعض : كل اللي جمعته راح موضي بصدمه : وش تقول انت عبدالعزيز والعرق يتصبب منه : اقول اللي سمعتيه موضي : وديونك من وين بتسددها عبدالعزيز حس الدنيا تدور فيه موضي والخوف ذابحها : طيب ارتاح لايصير لك شي وبعدين نتفاهم خذته لغرفته وخلته يرتاح من التعب والقلق اللي فيه ،،،،،،،،،،،،،،،،،،،،،،،،،،،،، على سريره الأبيض وموضي جالسه تبكي بقهر على اللي حصل له وعلى المصيبه اللي صارت فيها ابو سعود : يا ام عمر ان شاء الله انه بيتحسن موضي تبكي بمراره : كيف يتحسن وشوفة عينك الدكتور مايطمنا ابو سعود : لاتخافين ماصاير الا الزين موضي تمسح دموعها : البزران مالهم احد لو صارله شي ابو سعود : لاتشغلين بالتس بيقوم بالسلامه ويشوف عياله واشغاله موضي ببكاء: الله كريم ،،،،،،،،،،،،،،،،،،،،،،،،،، متعب جواله يرن باستمرار خالد : من اللي مصر يكلمك ولا تبي ترد عليه متعب : لو اقولك ماراح تصدق خالد : قول بحاول اصدق متعب وهو يترقب الصدمه بوجه خالد : مشـــــــاعل خالد بحيره : مشاعل متعب : مشاعل ماتذكرها خالد : انت تمزح ؟ متعب بابتسامه : شفتها بمكان عام وخذت جوالي خالد : طيب كلم رد عليها متعب : وش ابي فيها خالد بابتسامه: طيب وش رايك تحولها علي متعب : هههههههههههه ماتبطل حركات المبزره خالد : يقطع الشيطان ترى خابرها ما تتفوت البنت شي ماحصل متعب ماينكر انه يتمناها زوجه لكن تحررها الزايد يمنعه متعب : تتفوت ولا ما تتفوت ، البنت تتصل باليوم مية مره وشغاله مسجات ماني عارف متى راح تمل وتخليني بحالي خالد : كلمها شوفها وش تبي متعب : كلمتها تخيل تبي تقابلني هههههههه شكلها مفكرتنا بلندن خالد : هههههههههه يابختك متعب : الله يفكني منها ، احس انها بتسببلي مشكله بطيشها خالد : بلغها انك متزوج ولا تبي مشاكل متعب : بشوف حل معها ، صارت تسببلي احراجات من كثر اتصالاتها فيصل وسلمان يلعبون بلاي ستيشن ومندمجين ، دخل عليهم متعب ونايف متعب : سلومي هات العب عنك بكسر راس فيصل نايف : فيصل هات العب عنك واتحدى متعب يفوز متعب يضحك : احسن حيله انك تاخذ اللعب عنهم صاروا يلعبون والصغار يشجعون وكان الجو حماس وضحك شهد وهي مبسوطه انها شافت ضحكت متعب رجعتله وصارت تشجعه ام خالد تهللت الفرحه بوجهها لما شافت متعب يضحك وتجاوز الحزن اللي كان يعيشه ام خالد : وش الخاطر الزين اللي وسع خاطري يامتعب متعب يغمز لخالته : واللي يشوف شهد كيف مايزين خاطره ام خالد : هههههه ياربي تعطيني طولة العمر واشوف عيالك متعب : لتس طولة العمر وبتشوفينهم يتبع |
،،،،،،،،،،،،،،،،،،،،،،،،،،، مر اسبوع كامل احداث البورصه بعد صلاة الجمعه كعادتهم في بيت ابو خالد مجتمعين على الغداء المجلس فيه ابو خالد ومتعب عبدالرحمن بيكلم متعب قبل سلمان يوصلهم عبدالرحمن : ماكلمك ابو سعود متعب : وشو له عبدالرحمن وبين عليه الحزن : اجل ما وصلك خبر عن عبدالعزيز متعب : ههههه ان شا الله خبر موته عبدالرحمن : الرجال بالمستشفى متعب بفرح : شوي عليه بعد عبدالرحمن : ماتبي تعرف وش له دخل المستشفى متعب : مايهمني اهم شي انه ذاق المر اللي سقيته له عبدالرحمن : عليه شيكات بدون رصيد متعب : يستاهل عبدالرحمن وهو يناظر متعب : وعياله يامتعب متعب : وش اسوي لهم محد قاله يدبس نفسه بمصيبه عبدالرحمن بعصبيه : اسمعني يامتعب حنا اتفقنا انه يخسر بالأسهم ونشتري املاكه ، لكن ماقلتلي ان الرجال عليه ديون متعب : انا مادريت ان عليه ديون الا منك عبدالرحمن : واللي بلغك انه راهن املاكه بالتاريخ واسم الشركه بالحرف ماقالك انه كاتب شيكات متعب : ماقالي ولا كان يهمني شي غير اني اشتري املاكه وبعدين انت مهتم بالموضوع بزياده وحنا ماسويناله شي كل اللي صار انسحبنا من الشركه ومسألة الرهن والشيكات غلطته وخله يتحملها عبدالرحمن : الرجال معه جلطه بالقلب واكيد يبيله وقت عشان يتجاوزها و لو فات اسبوع من انتهاء العقد عياله بيكونون بالشارع والشي هذا انا ما ابيه ولا ارضاه على احد متعب صار يفكر بإهتمام : وش اللي براسك ياعمي عبدالرحمن : ابي الشيكات بشوفها بإسم من يمكن اقدر اتصرف قبل يطيح الفاس بالراس متعب : بسيطه بخلي ابو سعود يجيبها عبدالرحمن : مايهمني الطريقه المهم عندي الأوراق تجي بأقرب وقت متعب : خلاص انا بحاول انتصرف ،،،،،،،،،،،،،،،،،،،،،،،،،، في المستشفى جاي مع ابو سعود موضي باستغراب : ذا وش جايبه هنا ابو سعود : يا ام عمر يشوف ابوه وابو عمر قبل يمرض الله يعطيه العافيه كان موصيني اجيبه موضي : ماني ناقصه هم كافي عبدالعزيز وبنتي اللي مدري شفيها ابو سعود يناظر متعب الصامت : خليه بالملحق مع السواق وانسي موضوعه موضي : خلاص وصله البيت وحرص شاهر عليه ابو سعود : حاضر ، بس خليه يدخل على ابوه موضي بكره : خله يدخل الله يفكنا منه ونرتاح من هالمصيبه اللي مدري منين طلعلنا دخل على ابوه اللي بالعنايه المركزه وكان بلحاله توجه له وقلبه يحمل كل انواع الحقد والكره وصل عنده وبابتسامة نصر ناظره : بقولك كلمه ماظن انها بتنفعك خلاص لكن ابيها تخنقك بكل لحظه بتعيشها على هذا السرير قرب منه وقال بحقد : فوق كل ظالم ظالم ربك يسلطه عليه عبدالعزيز اللي ماكان يتحرك منه غير عيونه غمض ونزلت دموعه لحد ماوصلت اذانه صار يناظره لدقايق ولا حس بأي احساس فيه نوع من الندم او العطف وبنفس خطواته الواثقه اللي دخل فيا من الباب رجع وطلع فيها وبكل ثبات ،،،،،،،،،،،،،،،،،،،، الساعه تقريبا داخله على الواحده من الليل حست باب غرفتها ينفتح بشويش ، فتحت عيونها بخوف ، انتبهت على امها وهي متجهه لها بدت تستعدل بجلستها وبقلق وصوت خافت : خير يمه امها وهي مشبكه اصابعها ببعض وتفرك يديها بشكل يدل على القلق قومي ابيتس بموضوع دانه جلست بانتباه : يمه وش صاير خوفتيني موضي : قصري صوتتس دانه بصوت اقرب للهمس : وش بتس يمه موضي : انا قلبي ناغزني دانه : ليه موضي : متعب دانه بخوف : رجع؟ موضي : اليوم جابه ابو سعود هنا دانه : يمه يتكلم عادي ولا نفس ماكان موضي : مدري بس احس انه يتكلم عادي ، لاتخافين بعرف كل شي منه دانه والخوف ملاها : يمه تكفين انا خايفه موضي : اسكتي لاتفضحينا لحدماعرف السر اللي ورى متعب دانه : يمه وشو موضي : الأكيد انه صاحي مافيه شي ، لكن اللي مخوفني هو ولد عبدالعزيز ولا يكذب علينا دانه : وش صاير يمه لاتسوين مقدمة كتاب ، قولي ترى خوفتيني موضي : لاتخافين دانه : يمه وينه الحين موضي وهي مستمره بفرك يديها ووجها واضح عليه الخوف الشديد : بمكتب عبدالعزيز دانه بحركه سريعه حطت يديها على فمها وعيونها انملت دموع موضي : لازم اكلم ابو سعود دانه يدها على فمها وبدت دموعها تنزل من الخوف موضي : وش رايتس اكلم ابو سعود دانه : يمه انا خايفه موضي : ياربي وش البلاوي اللي جات نوبتن وحده دانه : يمه خلينا نكلم الشرطه موضي : اتأشرلها بالسكوت اششششش صاحيه انتي دانه : كيف الحين موضي : مدري مدري فجأه متعب بدون مقدمات دخل عليهم : انا اللي بقولكم كيف الحين موضي صرخت بفزع دانه بدت تصرخ وامها تحط يدها على فمها تبي تسكتها لكن صراخها صارت تزيد ، موضي تضم بنتها اسكتي اخوانتس لايحسون بشي متعب بعصبيه : سكتيها وش لزومه كل هالصياح موضي بصوت خايف : ترى بنتي مريضه وفيها اللي مكفيها فكنا من شرك متعب عينه على البنت اللي فعلا كان واضح انها مريضه وخلال ثواني ناظر الجهه الثانيه لأنه حس انه تمادى وهو يناظرها متعب : اسمعيني زين ياموضي ، انتي عارفه اللي صار لعبدالعزيز والتفت عليها وعينه بعينها : وطبعا عارفه موضوع الشيكات موضي بخوف : وش فيها متعب : ابي كل الأوراق اللي وقعها عبدالعزيز على نفسه موضي بعصبيه : مالك دخل بأوراق عبدالعزيز ، وهو ان شالله بيتحسن ويشوف اوراقه متعب : اقولتس هاتي الأوراق وخلي النفس زينه دانه يدها على فمها تحاول تكتم شهقاتها من الخوف موضي عينها على بنتها وقالت لمتعب : فكنا من شرك يامتعب متعب بصوت عالي : لاتخليني اتخذ قرار مايرضيتس دانه تبكي بخوف موضي : ماعندي اوراق و اصلا من تكون عشان اسلمك اوراق عبدالعزيز بعد صمت قليل متعب : يكون بعلمتس ياموضي ماني خسيس مثلتس مافكر غير بالفلوس اذا تبين تحفظين حلال عيالتس قبل يفوت الفوت هاتي الأوراق ولا ترى بسحب نفسي من الموضوع وساعتها لا انا ولا غيري بينفعتس انا طالع الحين ، فكري بالموضوع و لو بكره مابلغتي ابو سعود عن قرارتس لاعاد تفكرين انتس تكلميني بأي شي يخص عيال عبدالعزيز ،،،،،،،،،،،،،،،،،،،،،،، |
البارت الرابع عشر نوف بالصاله مندمجه مع فيلم اجنبي وخالد مشغول بالنت وكل واحد بحاله وكأن الطرف الثاني غير موجود لكن نوف قررت تكسر حاجز الصمت نوف : خالد ممكن سؤال خالد : من متى تستئذنين من عمرتس وانتي كلامتس قنابل من غير مقدمات نوف : خالد ترى مو شي غريب او جديد ان زوجين ما اتفقوا مع بعض خالد : وش خلاصة الكلام ترى ماني فاضي نوف : اذا امك اجبرتك تتزوجني انت شايف صارلنا اربع سنوات عجزنا نفهم بعض وكل ماننهي مشكله وحضرتك تتنازل تراضيني مايفوت كم يوم الا المشكله الثالنيه مشرفتنا خالد وهو يتأفف : جايه تقولين هالكلام بعد ماصار معنا ولد والثاني بالطريق نوف انقهرت وبنفس الوقت تأكدت ان خالد مايبيها خالد : اجلي الكلام بعدين انا مو فاضي لنقاشات مالها نهايه نوف : طيب انت ليش مو متقبلني ، اذا بحياتك وحده غيري قولي لكن لا تحسسني اني شي مر بحياتك انت حتى تكره اي نقاش يكون مني لكن انا اتمنى وضعنا يستقر مع بعض خالد بغضب : وبعدين يانوف ، انا ماقلت اكرهتس ولا قلت مابيتس كل مافي الموضوع اني مشغول نوف انقهرت وبدت تبكي قام خالد وسكر اللاب توب : والله انتس تجيبين الهم انا بطلع الاستراحه وارتاح من هم الزواج ومشاكله نوف : انا ماطلبت منك شي كل اللي ابيه انك تفهمني وش اللي موتر حياتنا ونحله مع بعض خالد : اللي موتر حياتنا اني تزوجت وانا مو مستعد للزواج لكن اهلي يبون كذا نوف : غلطة اهلك حاسبهم عليها ، انا مالي ذنب خالد تركها وطلع ولا عنده اي استعداد يتكلم بأي شي يخص نفسيته الشينه مع نوف وهو بسيارته والتفكير يحاوطه من كل اتجاه الله يسامحتس يايمه طول عمري اقولتس مابي الزواج الا بعد ما اتخصص جراحه لكن اصريتي الا اتزوج لأن ام البنت تعز عليتس وانها يتيمه وش ذنبي انا اكره المسكينه وهي مالها ذنب غير انها تبي تعيش حياتها مثل غيرها لي متى واهلنا يخططون ويفكرون وحنا نجاملهم من باب البر وآخرتها نعيش بقهر وكبت ، الله يسامحكم وبس ،،،،،،،،،،،،،،،،،،،،،،،،،،،،،، موضي بكل قسوه : وين دانه روان : ماتبي تروح موضي تقوم من الكرسي بغضب وصوتها بدء يرتفع : يعني وشو ماتبي تروح ، صارلها اسبوعين على ذا الحال الشين وش اللي صاير معها روان خوذي شنطتس واخذي بيان اطلعو لمدارسكم وانا بتفاهم مع البليه اللي فوق دانه بفراشها تحس بكسل وفزت من الخوف على فتحت الباب موضي : وبعدين معتس وش اللي صاير لتس اسبوعين ماداومتي واجازتس انتهت دانه تناظر امها بحقد وفي بالها ان اهمال امها هو السبب للي صار معها من عبدلعزيز دانه : مابي اروح موضي : شوفي ترى اللي في مكفيني وماني ناقصه هم على همومي ، وكان حضرتس مسويه كل الزحمه ذي عشان تسكنين مع ابوتس من الحين اقولتس روحي وارتاحي وريحينا دانه والدموع ملت عيونها والخوف يخنقها سكتت على كلام امها موضي : ترى النفس ضاقت منتس وانتي شايفه البيت كيف انقلب ، الله يسترنا من منيره اكيد ساقيتس شي مخليتس متشفقه السكن معها كله منها الله حسيبها سقتتس السحر من صغرتس ماخافت الله فيتس دانه بعصبيه : يمه الكلام هذا فاضي منيره ماسقتني شي انا ماني بزر واتذكر كل شي صار لاتظلمين المسكينه موضي : يعني انا ظالمه ؟ انا اكذب عليتس ، كان منتي مصدقتني انشدي اهل القريه شاهدين على كل شي موضي وهي تحاول تقنع دانه : اجل الوجع اللي فيتس وشهو دانه : خليني اموت انا راضيه بس لاتظلمين المسكينه مالها ذنب موضي : وش تسمين حالتس الشين وانتي كل ماخطبتس احد يغير رايه دانه : سميه اللي تسمينه بس لاتظلمينها موضي : انا ماظلمت احد منيره هي السبب بكل اللي انتي فيه دانه : يمه منيره ماسقتني شي وكافي ظلم للناس ولا ما اكفاتس اللي صار لعبدالعزيز وعيالتس موضي : اسكتي ولا كلمه من عمرتس وانتي ساكنه معي ولا تبين بيت ابوتس وش اللي بدل الحال دانه اخيرا قررت تعترف وقالت لأمها اللي صار ، لكن امها بعصبيه وظلم : انتي كذابه ولاتخافين الله ، الرجال من عمره وهو يقول دانه بنتي وآخرها تقولين كذا ياناكرة المعروف دانه بأسى وهي اللي كانت متوقعه امها تضمها لصدرها وتحسسها انها السبب من ثقتها الزايده بعبدالعزيز لكن للأسف صدتها بالنكران والحقد دانه ببكاء : انا ماظلمت احد هذا اللي صار موضي : اسكتي لا اسمعتس تقولين الكلام لأحد ليكون آخر شي بيني وبينتس واخذي اغراضتس مابي اشوفتس هنا لكن يكون بعلمتس يادانه ان طلعتي من بيتي لا تفكرين ترجعين تسكنين معي دانه : يمه ليه ماتصدقيني حرام عليتس موضي وهي متجهه للباب : ناكرة المعروف لاعبه عليها منيره ولافي يبون راتبها وجايه الحين تبتلي على المسكين المريض اللي من عمره مخليها اكثر من بنته دانه : يمه اسمعيني حرام عليتس صوت موضي من بعيد : وينه ابوتس من زمان توه يعرفتس وتعرفينه بعد ما تعينتي وصار معتس فلوس دانه تضم ركبها لصدرها وتبكي بقهر على حالها المر وعلى امها اللي حتى ماتبي تسمعها وهي بضيقتها وكعادتها قامت تتوضأ وتتستعد لتشكي حالها لسجادتها اللي تعودت على دموعها ,,,,,,,,,,,,,,,,,,,,,,,,,,,,,, بغرفته الكبيره واثاثها الهادي والفخم المكان مظلم ويعمه الهدوء والسكون كان نايم بسريره بكل ارهاق وتعب وانتبه لصوت الجوال وسكره بكسل ورجع الرنين مره ثانيه وسكره بكل كسل وبعد كذا محاوله رد على المكالمه من غير لايشوفها ويعرف من المتصل وبصوته النايم : الو مشاعل سكتت وقررت تعيش على انغام صوته ثواني متعب : الوووووووووو مشاعل صارت تضحك بصوت خفيف متعب بكسل : من معي مشاعل ساكته ماتبي الا انها تسمع صوته وبس متعب : ياهووووووو تكلم لا اقفل الخط مشاعل تضحك بدلع متعب بصوت هامس : سمي يامشاعل مشاعل من غير كلام متعب : ترى اللي تسوينه ماينفع مشاعل : بدلع وش اللي ينفع متعب بتعب : اللي ينفع انتس تتكلمين وتقولين لي وش تبين مني مشاعل سكتت لدقايق متعب : ممممممم بتتكلمين ولا بقفل الخط وانام مشاعل بنفس الصمت متعب : طيب تصبحين على خير مشاعل : متعب متعب بصوته الهادي : سمي مشاعل : متعب انا عارفه انك تبيني بس ليه تسوي كذا ليه تبتعد عني متعب بهدوء : انا فهمتس قبل كذا ان الوقت تغير والظروف تغيرت مشاعل بغرور : لاتنكر انك كنت تتمنى شوفتي كل ساعه متعب : انتي عارفه اني ولا مره تماديت معتس وعارفه ان علاقتنا كانت بحدود مشاعل : طيب اعتبرها صداقه متعب : ترى كبرنا يامشاعل ، انسي قصة صداقه وغيرها مشاعل بدلع : ماتبيني متعب : انسي اللي كان بينا مشاعل : لكن انا ابيك ومستعده انفذ كل اوامرك بس لاتتركني ، متعب احس اني تعلقت فيك اكثر من قبل متعب : طيب مشاعل باتسر بينا كلام مشاعل : لا الحين كلمني متعب بهمس : اسمعي الكلام اذا تبيني مشاعل حست احساس غريب فرحها : توعدني ترد على مكالمتي متعب : وعد مشاعل : اوكي باي متعب : الله معتس قفل الخط ولا قدر ينام من كثر التفكير ، استرجع ذكريات بريطانيا وفترة الدراسه وتذكر مشاعل وطيشها وتعلقه الزايد فيها ، حس ان الشوق اللي بقلبه تجدد وكل ما يحاول ينام صار يتذكر ملامحها اللي تفتنه بكل مافيها حاول يتهرب من التفكير لكن صوتها المملوء بالغنج يفتنه ولا يقدر يصد عنها بالتفكير الى ان غلبه النوم ،،،،،،،،،،،،،،،،،،،،،،،، موضي بالمستشفى مع عبدالعزيز وتنتظر دخول ابو سعود بعد ما اتفقت معاه يتكلمون بخصوص متعب عبدالعزيز على السرير الأبيض تغطيه الأجهزه بكل عرق من عروق جسمه ، ولا يحس باللي يجي واللي يروح صار انسان شبه ميت من اثر الجلطه اللي صابته دخل ابو سعود : السلام عليكم ام عمر تغطت كويس : وعليكم السلام ابو سعود : وشلون ابو عمر بشرينا عنه ، عساه بأزين حال ام عمر : والله يابو سعود شوفة عينك حاله لايسر عدو ولا حبيب ابو سعود : لا حول ولا قوة الا بالله ، هذي الدنيا مابعد القوه غير الضعف ام عمر بصوت باكي : هذا الطمع ياابو سعود ، طمعت انا وياه وهو خسر كل حلاله وانا خسرت مستقبل عيالي ابو سعود : تعوذي من الشيطان يا ام عمر وذي قسمة الخالق مابيدنا شي ، وان شاءالله يقوم بالسلامه ويرد كل شي مثل ماكان وازين وبصوت اقرب للهمس : وترى حلالكم محفوظ لاتشغلين بالتس موضي تلتفت بشكل مفاجأ : وينه محفوظ وش تقول انت ابو سعود : اللي شرى حلال ابو عمر تراه متعب ولده موضي والصدمه بعيونها : متعب اللي شراه كيف وهو راهنه مع اخو ابو سلطان ابو سعود وهو خايف لا أحد يسمع : ذا العلم اللي وصلني ان متعب شراه وبيحفظ حلال اخوانه موضي : متعب منين له قروش يشتري فيها محلات وعمارات وترى سالفته مهيب داخلتن عقلي اولها مجنون وتاليها من اهل الفلوس ، وش قصة هالرجال ابو سعود : متعب ولد عبدالعزيز لكن هو مسمى بأسم حدا التجار الكبار يوم ابوه رفض ينسبه ، وهي قصتن طويله ولانيب عارفها زين اللي اعرفه ان متعب ولد عبدالعزيز وهو منتسب لواحدن من قرايب خالته اللي متزوجه واحدن سعودي موضي : وليه قال انه مو صاحي ابو سعود : لأن عبدالعزيز كان بيذبحه وقالوا انه مهوب صويحي عشان لا يخافه ولا يدري انه جاي الديره موضي : وشجابه لأبوه عقب السنين وينه من زمان ابو سعود : يا ام عمر سالفتن طويله ، الوكاد ان الولد بغى يحفظ حقوق امه ويطلع اثباتاتها ويومها ماتت ترك كل شي ، ولا هو مايبي نسب عبدالعزيز الرجال درس وتوظف وانعرف باسم هاك الرجال وان غير اثباتاته خربت كل العلوم الأوله موضي : ويومه مايبي نسب عبدالعزيز ولا يبي حقوق امه وش يبي جاي بيتي يبي اوراق عبدالعزيز ابو سعود : يبي يدفع شيكاته ويحفظ حلال اخوانه موضي بعصبيه : وغير هالكلام اللي مانيب مصدقته ابو سعود : والله يا ام عمر ماوصلني غير هالكلام وانتم بكيفكم موضي : وش مصلحته وش اللي بيستفيد ابو سعود : مصلحته انه بيحفظ اخوانه وترى الظفر مايطلع من اللحم ، والرجال جزاه الله خير على دبرت ابوه الشينه فيه ، الا انه مارضى لأخوانه يضيعون مثل ماابوه ضيعه اسمعيني يا ام عمر والكلام لمصلحتكم حنا نبي اثباتات ياخذها متعب عشان يطلع تصريح مع المحامي انه الوكيل لأبو عمر وبكذا حلال الصغار بيعرف يرده من غير خساير موضي بعصبيه : يعقب الا هو يتصرف بحلال عيالي ابو سعود يحاول يقنعها : ابو عمر حالته ماتبشر بخير وان زان حاله يبيله وقت كود انه يقدر يتصرف باللي راح ، ان طعتيني خلي الرجال يشوف الموضوع موضي بدت تلين : اجل تشوف اني اسلمه الأوراق ابو سعود : اتكلي بالله وان شاء الله مايجيكم منه غير كل خير وتراه رجالن اجودي ومعه خير كثير ورحوم ولا تهقين فيه العلوم الرديه موضي : بتكل على الله وبعطيه الأوراق ، وان كلمته خله يجي ياخذها الليله وتناظر ابو عمر بحسره : الله يسامحك ياعبدالعزيز خليتني بوجه الهم بلحالي لا عوين ولا عضيد ابو سعود : الله المعين يا ام عمر وانا بروح انشد الدكتور عن حال ابو عمر وان شالله انه بخير وبيزين حاله ،،،،،،،،،،،،،،،،،،،، مرت ثلاث ايام ومتعب يوميا يجي بيت عبدالعزيز ياخذ اوراق و يتفقد موضي وعيالها ويباشر امور البيت وموضي بدت تقبل دخول متعب للبيت وتفقد امورهم ، وبنفس الوقت بدت تكره وجود دانه بإعتبارها ناكرة جميل بعد ماكبرت فبيت عبدالعزيز وشالها ورباها وصرف عليها ظلمته عشان ترضي ابوها وزوجته اللي مافكروا فيها الا بعد ما تعينت ،،،،، وفي مره من المرات في احد الليالي تقريبا الساعه داخله على الثمانيه كان جالس بمكتب عبدالعزيز اللي فبيته اخذ كل الأوراق اللي يحتاجها وحس بدخول موضي المفاجئ عليه والغضب واضح عليها موضي : انت بأي حق تقول لشاهر مايحرك السياره الا بأمرك متعب مستغرب : وان شاالله تبيني اخليتس تمسكين الشارع لاحسيب ولا رقيب موضي : مالك دخل بطلعاتي ودخلاتي ، لك شغل بأوراق ابوك وحلال اخوانك وبس متعب يحاول يكتم غضبه : وش تبين ياموضي موضي : لا تدخل فيني وفعيالي متعب : وين النيه موضي : مو شغلك ولا من حقك تسألني متعب : الوقت متأخر وطلعه مع الباب مافي موضي : مو بكيفك متعب يناظرها كأنها ولا شي : بكيف من ياموضي موضي : بكيفي انا ، ، والزم حدودك احسن لك متعب : وحده من ثنتين يا يصير البيت واللي فيه بأمري يا اما اخذي الأوراق وانا بطريق وانتم بطريق موضي : لا تستغل ظروفنا يا متعب انت قلت انك بتصير وكيل لأبو عمر وترد حلاال عياله وتسد ديونه ، لكن انا وعيالي مالك شغل فينا متعب ما يعطيها اهتمام : انتي سمعتيني وش قلت ولاني راد كلامي موضي بعصبيه : بنتي بتروح بيت ابوها متعب بهدوء:وانا ماجا مني اي رفض لكن ابوها يجي ياخذها موضي بعصبيه : اقولك بنتي بتروح لبيت ابوها متعب بصوت عالي : وانا اقول ابوها يجي ياخذها موضي تبادله العصبيه : شغلك على عيال عبدالعزيز مو على بنتي انا متعب : البنت فبيت ابوي ومحسوبه علينا وانا مسؤول عن اللي بالبيت وكان علومي ماتجوزلتس انتي وياها خليها تسكن مع ابوها وماطاح من النجوم اخف للسما موضي بغضب : بنتي بتطلع بكيفها ولا انت ولا غيرك يقدر يمنعها متعب والنار ولعت بعيونه : كلامي ما يعاد ياموضي موضي بصوت عالي : وانا كلامي مايعاد يامتعب ، مالك شغل فبنتي ولا لك كلمه عليها وانت هنا لحد ما عبدالعزيز يرجع وغير كذا مالك علينا راي ولا شور متعب ساكت وينتظر نهاية الموقف اللي نرفزه موضي : انت وش تبي توصل بعنادك متعب بمكر : بربيتس ياموضي موضي : احترم نفسك انا حرمتن صالحه ولالك حق تقول لي القول ذا متعب : اييييه والمره الصالحه تسيّب بنتها مع السواويق انصاف الليول موضي : ما سيّبتها بنتي من عمرها تروح لبيت ابوها وترجع وانا عارفه ممشاها نظيف ولا عندها علومن شينه متعب : ابوها يجي ياخذها وغير هالكلام ماعندي موضي : بنتي بتروح مع السواق يامتعب متعب بغضب : انا رايح وان وصلني خبر انها معتبه الباب من غير ابوها والله لتكون آخرتس على يديني موضي : بخليها تروح يامتعب متعب يلتفت ويكتف يدينه : ابوها وين بيته موضي : بقرية الــــ متعب : يعني مشوار ساعه ونص موضي : والله انت ادرى بالدروب متعب : بتروحين معها؟ موضي : وش يوديني لبيت ابوها انا هنا مع عيالي متعب باستهزاء : و انتي بينتس وبين شاهر رضاع موضي باستنكار : انت مجنون ولا تستعبط متعب بعصبيه : وش الثقه اللي بينتس وبين سواق تخلين بنتس معه بأي وقت موضي : انا لو مو واثقه من شاهر ماخلي بنتي معه وبعدين شاهر عندنا من يوم دانه صغيره ويخاف عليها اكثر من ابوها متعب : خلي عنتس الكلام الفاضي ، اسمه رجال ومومن محارمها والبنت ماتطلع معه موضي : اسمعني يامتعب انا حدودي معك على عيال ابوك وبس متعب : وانا قلت دامها فبيت ابوي انا مسؤول عن تصرفاتها موضي : مو على كيفك متعب : لاتخليني امديدي عليتس تراني حاشمتس عشان الصغار اللي اسمهم اخواني وبلغي بنتس تقول لأبوها يجي ياخذها الكلام لايزيد ياموضي دانه وهي لابسه عبايتها ومتغطيه بغطاء خفيف فوق لثمتها ، نزلت بغضب على اوامر متعب اللي غاضتها دانه بغضب : انا بروح مع شاهر متعب يلتفت لها : كلمي ابوتس يجي ياخذتس من هنا دانه بصوت صارخ : اروح مع اللي اروح معه ولالك شغل فيني متعب : اتقي شري لا اطلع شياطيني عليتس دانه مو راده عليه ومتجهه للباب متعب يمسك نفسه الثايره ويلتزم الصمت وهو يراقبها دانه ببكاء وصوتها الصارخ : ابي مفتاح السياره متعب بنفس الوضع والسكوت هو عنوانه دانه بعصبيه : خلصني هات المفتاح ، مسوي فيها رجال البيت وانت اصلا ولا شي متعب : تكلمي عدل لا اقسم بالله اقص لسانتس موضي : دانه روحي غرفتس وانا بكلم شاهر يجهز السياره دانه : ماراح اروح و بتكلم مثل ما ابي متعب : موضي سكتي بنتس ترى النفس شانت موضي : هات قاصرها يامتعب وعطني المفتاح خلها تروح وتفكنا من شرها صار هم عبدالعزيز بكفه وهم البنت بكفه متعب وهو طالع من الباب : انا كلمتي وحده اذا تبي تروح يجيها ابوها وغير كذا مافي دانه حزت بخاطرها كلمة امها وبدت تشاهق بالبكي واستسلمت للموقف وسكتت موضي تلتفت لدانه بكل حقد : كلمي لافي يجي ياخذتس من هنا وهو متجه لسيارته ويفكر بقسوة موضي على بنتها " معقوله تحسسها انها كارهه وجودها ومعقوله ماتخاف عليها من السواق بوقت كذا ولمسافه بعيده " ،،،،،،،،،،،،،،،،،،،،،،،،،،،،،،،،،،،،،،،،، ام خالد مشغوله بتجهيز حاجات رمضان اللي تعودت كل سنه تجهزها وشهد تساعد امها وهي زعلانه ام خالد : شهوده ياماما سلمان ضربتس شهد بحزن : لا ام خالد : اجل وش بتس ماده البوز شهد : ابله دانه ماصارت تجي المدرسه ام خالد : ياحبيبتي يمكن معها اجازه شهد : مااعرف ام خالد : ولا يهمتس بكلم شيماء واسألها عنها شهد بفرح : صحيح ماما ام خالد : ايه صحيح بس عشان شهوده الغاليه شهد : ماما كلميها الحين ام خالد : لا ياماما الوقت مايناسب ، خليها شوي واكلمها شهد : لاتنسين ام خالد : مانيب ناسيه بس لاتكسرين الصحون ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بعد مرور يومين متعب بالمستشفى يتكلم مع الدكتور بخصوص وضع عبدالعزيز الصحي متعب : اسمعي ياموضي الرجال بيطلع للبيت وحالته صعبه مثل ما انتي شايفه وانا بكون موجود معكم تحسباً لأي طارئ موضي بدت تنصاع لأوامر متعب بعد ما تأكدت انه هو الوحيد اللي بيوقف معهم بأزمتهم ومن غير مقابل متعب يتابع حديثه : وانا رجال ما عندي لف ودوران فهمي بنتس الوضع وخليها تروح لبيت ابوها ، وجودها بالبيت ماله لزوم وانا فيه موضي : ابوها الخسيس لما عرف انها انفصلت من المدرسه قالها لاتجين ماعندي مكان لتس متعب : انا ما اقدر اجلس معكم الا بهالحال وعموما الشهر الفضيل بعد يومين بيدخل علينا والمدارس بتكون بعطله رسميه خليها تروح لبيت ابوها وانا بشوف الوضع واحاول اكلم احد يرجعها لدوامها موضي وهي تتنهد : الله كريم متعب : انا بطلع لدوامي عندي اشغال بخلصها وبعد صلاة العصر بجيب عبدالعزيز جهزوله مكان يرتاح فيه ترى وضعه محتاج رعايه موضي : ان شالله برب شوي وانزل البارت الخامس عشر ^_^ |
البارت الخامس عشر ام فهد وهي تسلم على متعب : جينا امس خالتك سلوى كلمتني الا ناخذ رمضان معكم متعب : هذي والله الساعه المباركه حصه : الله يبارك بعمرك ياحبيب عمتك متعب وهو يدقق بعيون عمته ويضحك : اشوف بعيونتس كلام حصه : ههههههههههههههه وش شفت قولي متعب : اشوف طاري بنت الحلال اللي كل ماتشوفيني تقولين لي عنها حصه : هههههههههههههههه يا مكار محد يفهمني غيرك ، والله يامتعب لو تشوفها لتقول الحين تزوجوني متعب : احلفي بس حصه : ههههههههههههه عموما سلمان يعرف ابوها واتوقع انك انت تعرفه متعب خذه الفضول : من بنته حصه : بنت سعد الـــــ متعب بصدمه حاول يخفيها عن عمته حصه : وش فيك متعب : لا مافي الا كل خير لكن هذا كان معنا ببريطانيا كان مع الوفد السعودي بالسفاره ومركزه ممتاز حصه : ايه هذا هو ابو مشاعل متعب تلخبط : ايه ايه وحتى صارلنا كم اسبوع شارين منه محلات واراضي كان عارضها للبيع حصه بابتسامه : كويس اللي طلعتوا معرفه سهلتوا علينا الموضوع متعب : يالله انا بطلع عندي شغل مهم حصه : اصبر ما وصفتلك البنت متعب بينه وبين نفسه "ماله لزوم عارفها اكثر منتس" متعب : وش توصفين الله يهديتس بنات سعد ونعم فيهم لكن متحررات وانا مالي بالبنت اللي كذا حصه بغضب : منت لاقي ازين منهن والبنت لي صارت حليلتك لبسها اللبس اللي تبيه وعلمها تتبع دربك اللي تحب انها تمشي عليه متعب : اجلي الموضوع شوي ، ابوي مشغول بصفقات خسرانه ولا ودي موضوع الزواج يشغلنا عن شركاتنا حصه : كل ما كلمتك عن الزواج اشوفك تتهرب وانا خلاص بخلي خالتك سلوى تتولى الموضوع وانا برتاح من التفكير الزايد متعب بابتسامته : تدرين كيف ، انا بصبر لين رهوفه تكبر وبتزوجها حصه تبتسم : ياقلبها رهوفه لو تصير زوجتك بتجننها انا بزوجها واحد مو عنيد ولا عصبي مثلك هههههههههههههه متعب : هههههههههه طيب حسابتس معي انتي وبنتس دخل عليهم سلمان بهيبته ووقاره ، اتجهله متعب وحصه وحبوا راسه تقدير له جلس معهم والابتسامه على وجهه : هاه وش العلم اشوفكم مو متفقين على شي متعب يمد لأبوه فنجال القهوه : اختك هذي جننتني كني جالس على قلبها وتبي الفكه مني سلمان : ههههههه ولي صارت عمتك تبي تزوجك معناها انها ماتبيك حصه : اصلا احمد ( زوج حصه ) يقول محنا مزوجين فهد غير من بنات متعب متعب : هههههه انتم بعد زوجتو بناتي مو انا وبس سلمان : انا اشوف اننا بعد العيد نملك لك انت ونايف جميع متعب حس ان الموضوع بدى يستجد : انا مو مستعد حاليا اجلو الموضوع حصه : وليه مو مستعد ، ماشاء الله ضابط ومركزك مهم ولك منصبك والحمدلله حلالك وحلال ابوك بيمينك وش اللي معطلك سلمان : يابوك اشر على البنت اللي تبيها وانا اخطبها لك ، وهذا مو زواج وبس ،، هذا عمر جديد وحياه جديده وانت اللي تختارها بنفسك متعب : والله مافي بالي احد حصه تكلم سلمان : بنات سعد ماشاء الله جمال واخلاق وابوهم له مركزه متعب : بنات سعد لا ، مستحيل سلمان : ليه يابوك بناتن صالحات وابوهم من اقرب الناس لي وبينا احترام وتقدير ولا اعتقد بنلقى نسب احسن منهم متعب : انا قلت لعمتي نظرتي فبنات سعد ، ماعليهم خلاف لكن انا مالي خاطر فيهن سلمان : لاتجبرينه ياحصه على احد هذي حياته وهو اللي يختارها بنفسه ، وشوف وانا ابوك كلم خالتك سلوى وعمتك حصه يشوفون لك بنت الحلال اللي يحطونها بالوجه وانا ماني مقصر باللي تبيه متعب : يصير خير خلونا بعد العيد نتفاهم بالموضوع والله يكتب اللي فيه خير سلمان : الله المسهل ياولدي حصه ام فهد اخت سلمان وعبدالرحمن ولا لهم غير بعض هم الثلاثه وعلاقتهم قويه مع بعض تزوجت وعاشت بالشرقيه مع زوجها وباستمرار تكون موجوده فبيت اخوها سلمان اللي خصص لها جناح فبيته وهي اصغرهم عمرها 38 ،،،،،،،،،،،،،،،،،،،،،،،،،،،،،،،،،،،،،،،،، موضي تجهزغرفه لعبدالعزيز ويشغلها التفكير والخوف من المستقبل ، محتاره بعيالها وخايفه من متعب لايكون يخطط لشيء تجهله وضعها صار صعب ووضع عيالها اصعب ،،،، بعد ما انتهت من تجهيز المكان اتجهت لغرفة دانه وبكل هم كلمتها من بعيد موضي : ترى شاهر بيجهز السياره اذا بتروحين لأبوتس دانه بحزن : ابوي مايبيني وعلى قولتس هو يبي راتبي مايبيني انا موضي باستعلاء : ايه عشان لي قلتلس شي تطيعين وتعرفين اني ابي مصلحتس ، المهم عبدالعزيز بيجي الحين ومعه متعب والرجال بيجلس معنا دانه : وش المطلوب مني موضي : المطلوب روحي لأبوتس واخذي رمضان عندهم لين الله يسهل الوضع ، وترى الرجال ماقصر راح يكلمهم يرجعونتس للمدرسه دانه لأول مره تحس انها ضحية طلاق امها وابوها دانه : اشوف متعب صار من المقربين لتس موضي ودموعها بعيونها : ماكنت حاسبه حساب لليوم اللي كذا دانه : لكل غافل انتباهه موضي : وش اللي تقصدينه دانه : اقصد ان اليوم ذا كان لازم يجي ولا ماكان احد اعتبر وخذ الحذر موضي تجلس على سرير بنتها والأسى بعيونها : صدقتي اليوم ذا كان لازم يجي دانه بحقد : هو جا بس عساتس تحسبين للي جاي ماتدرين وش المكتوب موضي ودموع الندم بعيونها : وش اللي أمر من اللي انا فيه دانه : كان فيه اشياء امر من كذا لكن ماحسيتي فيها لأنتس ماخسرتي شي موضي تمسح دموعها تناظر دانه : انا خسرت كل شي حتى انتي خسرتس دانه بدموع حاره : انتي ضيعتينا كلنا موضي تبكي بمراره دانه : كثر الكلام والدموع ماينفع يايمه موضي : وش اللي اقدر اسويه عقب اللي صار دانه : مابي منتس ولا شي واعاهدتس اني ما اذكرتس الا بكل خير بس ابي شي واحد موضي بدموع : وش اللي تبينه دانه : علميني وش اللي بينتس وبين منيره موضي بكت بمراره على اللي تتذكره من منيره دانه وصوتها اختنق من البكاء : يمه ماهو عيب انا نعترف بخطأنا العيب انا نستمر فيه موضي ودموع الندم بعيونها : انا ظلمت منيره والله امهلني لكن انا ما اعتبرت الى ان طاح الفاس بالراس اللي جالس يصيرلي حوبة المسكينه اللي ظلمتها دانه بحزن شديد : يمه وانا وش ذنبي موضي : واخوانتس الصغار وش ذنبهم دانه ببكاء مرير : اخواني لهم احد يسندهم وانتي شايفه اخوهم ماخلاهم ، لكن انا وش ذنبي اعيش طول عمري بقهر ومراره موضي : مقدر ومكتوب دانه : قوليلي وش اللي صار خليني اتسمح منها يمكن يتبدل الحال موضي بحزن : اسأليها يادانه وترى اللي بتقوله لتس هو الصحيح دانه : ابي اسمع منتس انتي موضي ترجع فيها الذاكره لأثنى عشر سنه مضت وهي تقص لدانه الموقف بعد ماتزوجت عبدالعزيز كنتي ساكنه مع لافي ، واذا كنت بشوفتس كان يرسلتس لأمي الله يرحمها فبيتها القريب من بيته واشوفتس عندها وفي مره من المرات وبدت عليتس علامات البلوغ وكنتي تتألمين من الوجع اللي فبطنتس وبدت تتنهد بأسى : قامت امي الله يرحمها بتسقيتس اعشاب دافيه تخفف الألم اللي من الدوره ،،،، والتفتت لدانه وهي تكمل حديثها لكنها سقتتس اعشاب بالخطأ كانت للعقم اللي جابتها لي لأنها كانت خايفه لا اتطلق من عبدالعزيز مثل ماطلقني لافي ،،،،،،،،،،،،،، بعد اعتقاده اني اصبت بعقم بعد ماجبتس دانه وامها تكلمها كانت عيونها غرقانه بالدموع وصارت تتذكر الأحداث على كلام امها وصار الموقف كأنه امام عينها تتذكر انها بدت تفتح عيونها لكن محاولاتها فاشله حاولت اكثر واخيرا نجحت ، حاولت تميز ملامح اللي قدامها لقتها امها مو مستوعبه المكان اللي هي فيه ولا عارفه شي استسلمت للنوم مره ثانيه ثاني يوم فتحت عينها بقوه لقت امها جنبها : واضح على امها انها فرحت لما شافتها فتحت عيونها دانه : وش فيني يمه موضي : قربت منها اسمعيني تبين ترجعين لمدرستتس وتسكنين معي دانه بخوف : ايه يمه تكفين موض بمكر : اجل ان سألتس الطبيب ولا لافي عن شي قولي منيره كانت تشربني اعشاب مدري وشهي له دانه وهي ماتدري عن شي : قالت طيب رجع صوت موضي لدانه : وقلت للافي ان منيره مسويتلس سحر والدليل ام مصلح اللي شهدت زور انها شافته مع غريضات منيره ،،، ولافي خاف من الفضايح والمحاكم وخلاني آخذ حضانتس من غير محاكم دانه وهي تشاهق من البكاء : وليه سويتي كذا موضي : عشان امي لا تنفضح ، وعشان آخذ حضانتس من لافي بحكم اهماله لتس هو وزوجته وارجعتس لمدرستس بعد مامنعتس عنها دانه بمراره : وش اللي استفدته من مدرستي ، راتبي ياخذه ابوي كله وانتي لاهيه بالمظاهر والزيارات وانا محرومه من ابسط حقوقي وهي اني اكون زوجه موضي بدت تبكي بمراره وكأنها بدت تفهم معنى الحياه وانها كما تدين تدان : كنت جاهله وامي ساعدتني بالحيله اللي ضحيتها منيره وانتي دانه تقوم وصوتها بدى يعلى اكثر : والحين بعد ما خسرتي كل شي بكل سهوله تقولين روحي لابوتس ، مافكرتي فيني كيف وضعي بيكون معهم موضي مستمره بدموع الندم دانه : حرام عليتس ماقد فكرتي فيني ولا خفتي علي مثل اي ام الرجال الغريب اللي تربيت في بيت ابوه وهو احق مني فبيت ابوه خاف علي من السواق وانتبه للوقت ، وانتي امي اقرب الناس لي كنتي مستعده تظلمين وتاخذيني بالقوه وبعد كل السنين اكتشف انتس ماكنتي خايفه علي ،،،،، كنتي خايفه على امتس لاتنفضح مع الناس دانه تلبس عباتها وتاخذ شنطتها الصغيره بيدها وبنظرة لوم لأمها : ماراح اسامحتس ليوم الدين وطلعت وشهقاتها ملت المكان وعند وصولها لباب الفيلا شافت متعب وشاهر يدخلون عبدالعزيز على كرسيه المتحرك لغرفته و مع البكاء المختلط و الصياح اللي اثبت انها منهاره نفسيا ماقدرت تتمالك نفسها لما شافت عبدالعزيز وصارت تتذكره وهو يحاول يجردها من ملابسها ومحاولته انه يبوسها ،، وقفت لثواني وهي تشوفه على كرسيه حست انه يحاول يتكلم ولكن بدون جدوى متعب ماكان فاهم النظرات اللي بينهم لكن حس انها تكن له حقد دفين حست بقرف من اللي تذكرته ومن شكله وطلعت بسرعه وهي تمسح دموعها متعب مو فاهم شي لكن اتجه للباب بيشوفها لوين رايحه وعلى نزلت موضي من الدور العلوي : شاهر وصل دانه للقريه شاهر يناظر متعب ينتظر الموافقه متعب حس ان الوضع متكهرب و امر شاهر انه يوصلها قبل دخول الليل عليهم موضي تبكي بمراره على الكرسي القريب منها متعب : ياموضي قولي لا اله الا الله موضي بقهر على حالها المرير : لا اله الا الله متعب : كان البنت ظروفها ماتسمح تروح لأبوها خليها هنا وانا بمر عليكم كل و قت موضي اكتفت بالدموع وبقلبها حست براحه من متعب اللي يحاول انه ما يزعلها مع انها ولا شي موضي : خلك معنا اخوانك بحاجتك متعب : وانا ماني مخليهم ان شاء الله ، وهو يناظر لعبدالعزيز بمكر ،،،، ترى ابوي سلمان الـــــ موصيني عليهم وعلى عبدالعزيز والتفت لموضي ،،، الله يجزاه خير يحب ياخذ اجر بالضعيفين اللي اولهم انا وآخرهم اللي كان مستقوي علي عبدالعزيز : سالت منه دمعه وكأنه يتمنى الموت لأنه عجز عن الكلام متعب : عموما لو احتجتي اي شي ولا بنتس احتاجت شي انا موجود ومهما كان انتي ام اخواني وهي اختهم موضي ببكاء الندم المرير : فيك الخير يامتعب ، واللي رباك وحثك على فعل الخير الله يجزاه بالجنه متعب : آمين ،،،، وين الصغار خليهم يشوفون ابوهم موضي : ارسلتهم لخالتهم من يومين لحد ماتتحسن ظروف البيت متعب : خلاص بكره بيدخل علينا الشهر الفضيل خوذي الفلوس ذي وروحي جيبي مقاضيكم اللي تحتاجونها وهاتي الصغار لبيتهم ،،،،،،،،،،، وبتنهد عميق هذي الدنيا ماتسر على كل حال ,,,,,,,,,,,,,,,,,,,,,,,,,,,,,,,,,,,,,,, خالد : يمـــــــــــه شهد تسلم على اخوها : امي مو هنا خالد بتوتر : وينها فيه شهد : ماعرف خالد جالس بتوتر وحس بدخول ابوه ، قام وسلم عليه وحب راسه عبدالرحمن : وش فيك وجهك مايبشر بخير خالد بغضب : نوف ماخذه اغراضها والولد ومالقيتها بالشقه عبدالرحمن بغرابه : وينها رايحه ، وش اللي صاير بينكم خالد : موصاير شي البنت ذي مو صاحيه ولاتقدر ظروف دراستي وسفري ، تبيني اقابلها اربعه وعشرين ساعه عبدالرحمن يحاول يهدي خالد : تعوذ من الشيطان ياولدي ، نوف ام عيالك واصبر عليها لو تزعلك بتصرف تذكر انها ترضيك باشياء غيرها واهمها انها مرضيتن امك وابوك ومن زواجكم ما اذكر ان امك شكت من بنت الحلال خالد : انا فاهم كل شي لكن مايرضيني انها تطلع من البيت من غير علمي عبدالرحمن : تلقاها فبيت اخوها خلها ترتاح هاليومين وروح تفاهم معها خالد : وش اتفاهم معها فيه ، تحسسني اني لو سافرت حياتهم بتنتهي دخلت ام خالد : وش فيكم صوتكم واصل لغرفتي عبدالرحمن : نوف زعلانه ورايحه لبيت اخوها سلوى بغرابه : ليه وش اللي صاير خالد : يمه انا خلاص نفسي وقفت من هالبنت ومالي خاطر عليها عبدالرحمن : وش اللي تقوله ، انت تحسب الطلاق سهل كذا ، مافكرت بعيالك سلوى : تعوذ من الشيطان وقول اللي صار يمكن البنت معها حق خالد بعصبيه : وش الحق انها تطلع من البيت من غير شوري وتبي تمنعني من السفر سلوى : تبي تطلقها وتضيع عيالك عشان سفرك خالد : انا ماحب اتقيد بأحد بسافر مثل ما ابي وارجع مثل ما ابي عبدالرحمن : سلوى ، خليه الحين هو اعصابه فايره ، يومين ان شالله وتنحل المشكله وترجع البنت لمكانها ولا كأن شي صار سلوى : الله يهديك ياخالد البنت فيها خير وتدور رضاك ولو هي ماتبيك وشاريتك ماكان وافقت انها تترك وظيفتها واستغنت عن الشغاله اللي ارسلتها لكم ولاتنسى بعد انك رفضت الفيلا اللي شراها لك ابوك خالد : انا احب اعتمدعلى نفسي ولا ابي احد يتدخل بحياتي الخاصه انا وزوجتي عبدالرحمن : انا وامك مو اي احد ياخالد خالد : انا فاهم وعارف كل شي لكن البنت ماعندها شغل غير النوم والشغاله مالها لازمه وكانها على الفيلا ماني بحاجتها بتصير كبيره علينا وحنا ببداية مشوارنا سلوى : انت تبي تطفشها ، انا فاهمه لعبتك لكن نوف صابره عليك لأنها تعتبرني امها ولاتبي تزعلني خالد : يمه اذا انتي تزعليني عشان ترضينها وهي تزعلني عشان ترضيتس ، انا وش وضعي بينكم سلوى : انت زوجها وهي تحاول توصل لرضاك وانت اللي تبتعد عنها عبدالرحمن : اصبري ياسلوى خلي الموضوع علي وخلي الولد يرتاح هاليومين ويصير خير ومنها يكون فكر براحته قبل لايتخذ اي قرار يستعجل عليه سلوى : فكر بعقل ياخالد ولاتنسى ولدك ماله ذنب باللي تواجهونه من مشاكل حاول ابو خالد وامه يهدونه شوي واجتمعوا اخوانه ونفسيته تحسنت شوي من الضغوطات اللي كان يمر فيها ،،،،،،،،،،،،،،،،،،، بليلة رمضان ، الحاره اعتلت فيها ضحكات الصغار وحركة الكبار متهللين وفرحين بدخول شهر رمضان المبارك الكل مبسوط ويعبر عن فرحته بطريقته الخاصه ، منيره بمطبخها الصغير ترتب الصحون وبناتها كل وحده مشغوله بشيء الصغار يلعبون بالحاره ،،،،،، ودانه ظامه ركبها لصدرها وجالسه بغرفة خواتها مخنوقه من الحقيقه المره اللي سمعتها من امها وتتألم اذا تذكرت استقبال منيره المر لما عرفت ان دانه بتسكن معهم ، وماتغيب عنها صدمة ابوها لما عرف انها فصلت من المدرسه تفكر بحياتها الجديده ومستقبلها الغامض قطع تفكيرها صوت ابوها وهو يناديها ،، مسحت دموعها وقامت بخفه لباب الغرفه : سم يبه لافي بعصبيه : وشو له فصلوتس من مدرستس دانه بخمول : غياب لافي : ويومهم فصلوتس وش جايتني له دانه : امي تقول روحي لابوتس لافي : وينتس من زمان توها تعرف اني ابوتس ولا يوم افلست من عبدالعزيز ومنتس خلتس تجيني دانه وهي مالها نفس لاي نقاش : وين اروح يعني لافي : المكان ضيق والبقاله ماتطلع شي كود اللي يسدنا ، ارجعي لامتس دانه نزلت منها دمعه غصب عنها وسكتت من قهرها لافي حس انه جرحها : يابوتس ماني عايفتس لكن انتي ادرى بالظروف والعيشه القشرا دانه كتفت يديها ونزلت راسها تداري دموعها لافي : انا بروح لشغل قريب وانتي الليله خليتس معنا وان اصبحتي ارجعي لأمتس ازين لتس ولنا في اليوم الثاني الصباح والغرفه صغيره وكانوا متزاحمين وهم نايمين بضيق ، حست دانه انها مانامت من ضيق المكان والبرد اللي يدخل عليهم من فتحات الشباك المكسره واللحف اللي عليها كانت قديمه ولاتمنع البرد ، صحت ودمعتها بعينها وتفكر وين بتكون الليله مع امها ولا ابوها لاتحرمونا من توقعاتكم |
البارت الرابع عشر نوف بالصاله مندمجه مع فيلم اجنبي وخالد مشغول بالنت وكل واحد بحاله وكأن الطرف الثاني غير موجود لكن نوف قررت تكسر حاجز الصمت نوف : خالد ممكن سؤال خالد : من متى تستئذنين من عمرتس وانتي كلامتس قنابل من غير مقدمات نوف : خالد ترى مو شي غريب او جديد ان زوجين ما اتفقوا مع بعض خالد : وش خلاصة الكلام ترى ماني فاضي نوف : اذا امك اجبرتك تتزوجني انت شايف صارلنا اربع سنوات عجزنا نفهم بعض وكل ماننهي مشكله وحضرتك تتنازل تراضيني مايفوت كم يوم الا المشكله الثالنيه مشرفتنا خالد وهو يتأفف : جايه تقولين هالكلام بعد ماصار معنا ولد والثاني بالطريق نوف انقهرت وبنفس الوقت تأكدت ان خالد مايبيها خالد : اجلي الكلام بعدين انا مو فاضي لنقاشات مالها نهايه نوف : طيب انت ليش مو متقبلني ، اذا بحياتك وحده غيري قولي لكن لا تحسسني اني شي مر بحياتك انت حتى تكره اي نقاش يكون مني لكن انا اتمنى وضعنا يستقر مع بعض خالد بغضب : وبعدين يانوف ، انا ماقلت اكرهتس ولا قلت مابيتس كل مافي الموضوع اني مشغول نوف انقهرت وبدت تبكي قام خالد وسكر اللاب توب : والله انتس تجيبين الهم انا بطلع الاستراحه وارتاح من هم الزواج ومشاكله نوف : انا ماطلبت منك شي كل اللي ابيه انك تفهمني وش اللي موتر حياتنا ونحله مع بعض خالد : اللي موتر حياتنا اني تزوجت وانا مو مستعد للزواج لكن اهلي يبون كذا نوف : غلطة اهلك حاسبهم عليها ، انا مالي ذنب خالد تركها وطلع ولا عنده اي استعداد يتكلم بأي شي يخص نفسيته الشينه مع نوف وهو بسيارته والتفكير يحاوطه من كل اتجاه الله يسامحتس يايمه طول عمري اقولتس مابي الزواج الا بعد ما اتخصص جراحه لكن اصريتي الا اتزوج لأن ام البنت تعز عليتس وانها يتيمه وش ذنبي انا اكره المسكينه وهي مالها ذنب غير انها تبي تعيش حياتها مثل غيرها لي متى واهلنا يخططون ويفكرون وحنا نجاملهم من باب البر وآخرتها نعيش بقهر وكبت ، الله يسامحكم وبس ،،،،،،،،،،،،،،،،،،،،،،،،،،،،،، موضي بكل قسوه : وين دانه روان : ماتبي تروح موضي تقوم من الكرسي بغضب وصوتها بدء يرتفع : يعني وشو ماتبي تروح ، صارلها اسبوعين على ذا الحال الشين وش اللي صاير معها روان خوذي شنطتس واخذي بيان اطلعو لمدارسكم وانا بتفاهم مع البليه اللي فوق دانه بفراشها تحس بكسل وفزت من الخوف على فتحت الباب موضي : وبعدين معتس وش اللي صاير لتس اسبوعين ماداومتي واجازتس انتهت دانه تناظر امها بحقد وفي بالها ان اهمال امها هو السبب للي صار معها من عبدلعزيز دانه : مابي اروح موضي : شوفي ترى اللي في مكفيني وماني ناقصه هم على همومي ، وكان حضرتس مسويه كل الزحمه ذي عشان تسكنين مع ابوتس من الحين اقولتس روحي وارتاحي وريحينا دانه والدموع ملت عيونها والخوف يخنقها سكتت على كلام امها موضي : ترى النفس ضاقت منتس وانتي شايفه البيت كيف انقلب ، الله يسترنا من منيره اكيد ساقيتس شي مخليتس متشفقه السكن معها كله منها الله حسيبها سقتتس السحر من صغرتس ماخافت الله فيتس دانه بعصبيه : يمه الكلام هذا فاضي منيره ماسقتني شي انا ماني بزر واتذكر كل شي صار لاتظلمين المسكينه موضي : يعني انا ظالمه ؟ انا اكذب عليتس ، كان منتي مصدقتني انشدي اهل القريه شاهدين على كل شي موضي وهي تحاول تقنع دانه : اجل الوجع اللي فيتس وشهو دانه : خليني اموت انا راضيه بس لاتظلمين المسكينه مالها ذنب موضي : وش تسمين حالتس الشين وانتي كل ماخطبتس احد يغير رايه دانه : سميه اللي تسمينه بس لاتظلمينها موضي : انا ماظلمت احد منيره هي السبب بكل اللي انتي فيه دانه : يمه منيره ماسقتني شي وكافي ظلم للناس ولا ما اكفاتس اللي صار لعبدالعزيز وعيالتس موضي : اسكتي ولا كلمه من عمرتس وانتي ساكنه معي ولا تبين بيت ابوتس وش اللي بدل الحال دانه اخيرا قررت تعترف وقالت لأمها اللي صار ، لكن امها بعصبيه وظلم : انتي كذابه ولاتخافين الله ، الرجال من عمره وهو يقول دانه بنتي وآخرها تقولين كذا ياناكرة المعروف دانه بأسى وهي اللي كانت متوقعه امها تضمها لصدرها وتحسسها انها السبب من ثقتها الزايده بعبدالعزيز لكن للأسف صدتها بالنكران والحقد دانه ببكاء : انا ماظلمت احد هذا اللي صار موضي : اسكتي لا اسمعتس تقولين الكلام لأحد ليكون آخر شي بيني وبينتس واخذي اغراضتس مابي اشوفتس هنا لكن يكون بعلمتس يادانه ان طلعتي من بيتي لا تفكرين ترجعين تسكنين معي دانه : يمه ليه ماتصدقيني حرام عليتس موضي وهي متجهه للباب : ناكرة المعروف لاعبه عليها منيره ولافي يبون راتبها وجايه الحين تبتلي على المسكين المريض اللي من عمره مخليها اكثر من بنته دانه : يمه اسمعيني حرام عليتس صوت موضي من بعيد : وينه ابوتس من زمان توه يعرفتس وتعرفينه بعد ما تعينتي وصار معتس فلوس دانه تضم ركبها لصدرها وتبكي بقهر على حالها المر وعلى امها اللي حتى ماتبي تسمعها وهي بضيقتها وكعادتها قامت تتوضأ وتتستعد لتشكي حالها لسجادتها اللي تعودت على دموعها ,,,,,,,,,,,,,,,,,,,,,,,,,,,,,, بغرفته الكبيره واثاثها الهادي والفخم المكان مظلم ويعمه الهدوء والسكون كان نايم بسريره بكل ارهاق وتعب وانتبه لصوت الجوال وسكره بكسل ورجع الرنين مره ثانيه وسكره بكل كسل وبعد كذا محاوله رد على المكالمه من غير لايشوفها ويعرف من المتصل وبصوته النايم : الو مشاعل سكتت وقررت تعيش على انغام صوته ثواني متعب : الوووووووووو مشاعل صارت تضحك بصوت خفيف متعب بكسل : من معي مشاعل ساكته ماتبي الا انها تسمع صوته وبس متعب : ياهووووووو تكلم لا اقفل الخط مشاعل تضحك بدلع متعب بصوت هامس : سمي يامشاعل مشاعل من غير كلام متعب : ترى اللي تسوينه ماينفع مشاعل : بدلع وش اللي ينفع متعب بتعب : اللي ينفع انتس تتكلمين وتقولين لي وش تبين مني مشاعل سكتت لدقايق متعب : ممممممم بتتكلمين ولا بقفل الخط وانام مشاعل بنفس الصمت متعب : طيب تصبحين على خير مشاعل : متعب متعب بصوته الهادي : سمي مشاعل : متعب انا عارفه انك تبيني بس ليه تسوي كذا ليه تبتعد عني متعب بهدوء : انا فهمتس قبل كذا ان الوقت تغير والظروف تغيرت مشاعل بغرور : لاتنكر انك كنت تتمنى شوفتي كل ساعه متعب : انتي عارفه اني ولا مره تماديت معتس وعارفه ان علاقتنا كانت بحدود مشاعل : طيب اعتبرها صداقه متعب : ترى كبرنا يامشاعل ، انسي قصة صداقه وغيرها مشاعل بدلع : ماتبيني متعب : انسي اللي كان بينا مشاعل : لكن انا ابيك ومستعده انفذ كل اوامرك بس لاتتركني ، متعب احس اني تعلقت فيك اكثر من قبل متعب : طيب مشاعل باتسر بينا كلام مشاعل : لا الحين كلمني متعب بهمس : اسمعي الكلام اذا تبيني مشاعل حست احساس غريب فرحها : توعدني ترد على مكالمتي متعب : وعد مشاعل : اوكي باي متعب : الله معتس قفل الخط ولا قدر ينام من كثر التفكير ، استرجع ذكريات بريطانيا وفترة الدراسه وتذكر مشاعل وطيشها وتعلقه الزايد فيها ، حس ان الشوق اللي بقلبه تجدد وكل ما يحاول ينام صار يتذكر ملامحها اللي تفتنه بكل مافيها حاول يتهرب من التفكير لكن صوتها المملوء بالغنج يفتنه ولا يقدر يصد عنها بالتفكير الى ان غلبه النوم ،،،،،،،،،،،،،،،،،،،،،،،، موضي بالمستشفى مع عبدالعزيز وتنتظر دخول ابو سعود بعد ما اتفقت معاه يتكلمون بخصوص متعب عبدالعزيز على السرير الأبيض تغطيه الأجهزه بكل عرق من عروق جسمه ، ولا يحس باللي يجي واللي يروح صار انسان شبه ميت من اثر الجلطه اللي صابته دخل ابو سعود : السلام عليكم ام عمر تغطت كويس : وعليكم السلام ابو سعود : وشلون ابو عمر بشرينا عنه ، عساه بأزين حال ام عمر : والله يابو سعود شوفة عينك حاله لايسر عدو ولا حبيب ابو سعود : لا حول ولا قوة الا بالله ، هذي الدنيا مابعد القوه غير الضعف ام عمر بصوت باكي : هذا الطمع ياابو سعود ، طمعت انا وياه وهو خسر كل حلاله وانا خسرت مستقبل عيالي ابو سعود : تعوذي من الشيطان يا ام عمر وذي قسمة الخالق مابيدنا شي ، وان شاءالله يقوم بالسلامه ويرد كل شي مثل ماكان وازين وبصوت اقرب للهمس : وترى حلالكم محفوظ لاتشغلين بالتس موضي تلتفت بشكل مفاجأ : وينه محفوظ وش تقول انت ابو سعود : اللي شرى حلال ابو عمر تراه متعب ولده موضي والصدمه بعيونها : متعب اللي شراه كيف وهو راهنه مع اخو ابو سلطان ابو سعود وهو خايف لا أحد يسمع : ذا العلم اللي وصلني ان متعب شراه وبيحفظ حلال اخوانه موضي : متعب منين له قروش يشتري فيها محلات وعمارات وترى سالفته مهيب داخلتن عقلي اولها مجنون وتاليها من اهل الفلوس ، وش قصة هالرجال ابو سعود : متعب ولد عبدالعزيز لكن هو مسمى بأسم حدا التجار الكبار يوم ابوه رفض ينسبه ، وهي قصتن طويله ولانيب عارفها زين اللي اعرفه ان متعب ولد عبدالعزيز وهو منتسب لواحدن من قرايب خالته اللي متزوجه واحدن سعودي موضي : وليه قال انه مو صاحي ابو سعود : لأن عبدالعزيز كان بيذبحه وقالوا انه مهوب صويحي عشان لا يخافه ولا يدري انه جاي الديره موضي : وشجابه لأبوه عقب السنين وينه من زمان ابو سعود : يا ام عمر سالفتن طويله ، الوكاد ان الولد بغى يحفظ حقوق امه ويطلع اثباتاتها ويومها ماتت ترك كل شي ، ولا هو مايبي نسب عبدالعزيز الرجال درس وتوظف وانعرف باسم هاك الرجال وان غير اثباتاته خربت كل العلوم الأوله موضي : ويومه مايبي نسب عبدالعزيز ولا يبي حقوق امه وش يبي جاي بيتي يبي اوراق عبدالعزيز ابو سعود : يبي يدفع شيكاته ويحفظ حلال اخوانه موضي بعصبيه : وغير هالكلام اللي مانيب مصدقته ابو سعود : والله يا ام عمر ماوصلني غير هالكلام وانتم بكيفكم موضي : وش مصلحته وش اللي بيستفيد ابو سعود : مصلحته انه بيحفظ اخوانه وترى الظفر مايطلع من اللحم ، والرجال جزاه الله خير على دبرت ابوه الشينه فيه ، الا انه مارضى لأخوانه يضيعون مثل ماابوه ضيعه اسمعيني يا ام عمر والكلام لمصلحتكم حنا نبي اثباتات ياخذها متعب عشان يطلع تصريح مع المحامي انه الوكيل لأبو عمر وبكذا حلال الصغار بيعرف يرده من غير خساير موضي بعصبيه : يعقب الا هو يتصرف بحلال عيالي ابو سعود يحاول يقنعها : ابو عمر حالته ماتبشر بخير وان زان حاله يبيله وقت كود انه يقدر يتصرف باللي راح ، ان طعتيني خلي الرجال يشوف الموضوع موضي بدت تلين : اجل تشوف اني اسلمه الأوراق ابو سعود : اتكلي بالله وان شاء الله مايجيكم منه غير كل خير وتراه رجالن اجودي ومعه خير كثير ورحوم ولا تهقين فيه العلوم الرديه موضي : بتكل على الله وبعطيه الأوراق ، وان كلمته خله يجي ياخذها الليله وتناظر ابو عمر بحسره : الله يسامحك ياعبدالعزيز خليتني بوجه الهم بلحالي لا عوين ولا عضيد ابو سعود : الله المعين يا ام عمر وانا بروح انشد الدكتور عن حال ابو عمر وان شالله انه بخير وبيزين حاله ،،،،،،،،،،،،،،،،،،،، مرت ثلاث ايام ومتعب يوميا يجي بيت عبدالعزيز ياخذ اوراق و يتفقد موضي وعيالها ويباشر امور البيت وموضي بدت تقبل دخول متعب للبيت وتفقد امورهم ، وبنفس الوقت بدت تكره وجود دانه بإعتبارها ناكرة جميل بعد ماكبرت فبيت عبدالعزيز وشالها ورباها وصرف عليها ظلمته عشان ترضي ابوها وزوجته اللي مافكروا فيها الا بعد ما تعينت ،،،،، وفي مره من المرات في احد الليالي تقريبا الساعه داخله على الثمانيه كان جالس بمكتب عبدالعزيز اللي فبيته اخذ كل الأوراق اللي يحتاجها وحس بدخول موضي المفاجئ عليه والغضب واضح عليها موضي : انت بأي حق تقول لشاهر مايحرك السياره الا بأمرك متعب مستغرب : وان شاالله تبيني اخليتس تمسكين الشارع لاحسيب ولا رقيب موضي : مالك دخل بطلعاتي ودخلاتي ، لك شغل بأوراق ابوك وحلال اخوانك وبس متعب يحاول يكتم غضبه : وش تبين ياموضي موضي : لا تدخل فيني وفعيالي متعب : وين النيه موضي : مو شغلك ولا من حقك تسألني متعب : الوقت متأخر وطلعه مع الباب مافي موضي : مو بكيفك متعب يناظرها كأنها ولا شي : بكيف من ياموضي موضي : بكيفي انا ، ، والزم حدودك احسن لك متعب : وحده من ثنتين يا يصير البيت واللي فيه بأمري يا اما اخذي الأوراق وانا بطريق وانتم بطريق موضي : لا تستغل ظروفنا يا متعب انت قلت انك بتصير وكيل لأبو عمر وترد حلاال عياله وتسد ديونه ، لكن انا وعيالي مالك شغل فينا متعب ما يعطيها اهتمام : انتي سمعتيني وش قلت ولاني راد كلامي موضي بعصبيه : بنتي بتروح بيت ابوها متعب بهدوء:وانا ماجا مني اي رفض لكن ابوها يجي ياخذها موضي بعصبيه : اقولك بنتي بتروح لبيت ابوها متعب بصوت عالي : وانا اقول ابوها يجي ياخذها موضي تبادله العصبيه : شغلك على عيال عبدالعزيز مو على بنتي انا متعب : البنت فبيت ابوي ومحسوبه علينا وانا مسؤول عن اللي بالبيت وكان علومي ماتجوزلتس انتي وياها خليها تسكن مع ابوها وماطاح من النجوم اخف للسما موضي بغضب : بنتي بتطلع بكيفها ولا انت ولا غيرك يقدر يمنعها متعب والنار ولعت بعيونه : كلامي ما يعاد ياموضي موضي بصوت عالي : وانا كلامي مايعاد يامتعب ، مالك شغل فبنتي ولا لك كلمه عليها وانت هنا لحد ما عبدالعزيز يرجع وغير كذا مالك علينا راي ولا شور متعب ساكت وينتظر نهاية الموقف اللي نرفزه موضي : انت وش تبي توصل بعنادك متعب بمكر : بربيتس ياموضي موضي : احترم نفسك انا حرمتن صالحه ولالك حق تقول لي القول ذا متعب : اييييه والمره الصالحه تسيّب بنتها مع السواويق انصاف الليول موضي : ما سيّبتها بنتي من عمرها تروح لبيت ابوها وترجع وانا عارفه ممشاها نظيف ولا عندها علومن شينه متعب : ابوها يجي ياخذها وغير هالكلام ماعندي موضي : بنتي بتروح مع السواق يامتعب متعب بغضب : انا رايح وان وصلني خبر انها معتبه الباب من غير ابوها والله لتكون آخرتس على يديني موضي : بخليها تروح يامتعب متعب يلتفت ويكتف يدينه : ابوها وين بيته موضي : بقرية الــــ متعب : يعني مشوار ساعه ونص موضي : والله انت ادرى بالدروب متعب : بتروحين معها؟ موضي : وش يوديني لبيت ابوها انا هنا مع عيالي متعب باستهزاء : و انتي بينتس وبين شاهر رضاع موضي باستنكار : انت مجنون ولا تستعبط متعب بعصبيه : وش الثقه اللي بينتس وبين سواق تخلين بنتس معه بأي وقت موضي : انا لو مو واثقه من شاهر ماخلي بنتي معه وبعدين شاهر عندنا من يوم دانه صغيره ويخاف عليها اكثر من ابوها متعب : خلي عنتس الكلام الفاضي ، اسمه رجال ومومن محارمها والبنت ماتطلع معه موضي : اسمعني يامتعب انا حدودي معك على عيال ابوك وبس متعب : وانا قلت دامها فبيت ابوي انا مسؤول عن تصرفاتها موضي : مو على كيفك متعب : لاتخليني امديدي عليتس تراني حاشمتس عشان الصغار اللي اسمهم اخواني وبلغي بنتس تقول لأبوها يجي ياخذها الكلام لايزيد ياموضي دانه وهي لابسه عبايتها ومتغطيه بغطاء خفيف فوق لثمتها ، نزلت بغضب على اوامر متعب اللي غاضتها دانه بغضب : انا بروح مع شاهر متعب يلتفت لها : كلمي ابوتس يجي ياخذتس من هنا دانه بصوت صارخ : اروح مع اللي اروح معه ولالك شغل فيني متعب : اتقي شري لا اطلع شياطيني عليتس دانه مو راده عليه ومتجهه للباب متعب يمسك نفسه الثايره ويلتزم الصمت وهو يراقبها دانه ببكاء وصوتها الصارخ : ابي مفتاح السياره متعب بنفس الوضع والسكوت هو عنوانه دانه بعصبيه : خلصني هات المفتاح ، مسوي فيها رجال البيت وانت اصلا ولا شي متعب : تكلمي عدل لا اقسم بالله اقص لسانتس موضي : دانه روحي غرفتس وانا بكلم شاهر يجهز السياره دانه : ماراح اروح و بتكلم مثل ما ابي متعب : موضي سكتي بنتس ترى النفس شانت موضي : هات قاصرها يامتعب وعطني المفتاح خلها تروح وتفكنا من شرها صار هم عبدالعزيز بكفه وهم البنت بكفه متعب وهو طالع من الباب : انا كلمتي وحده اذا تبي تروح يجيها ابوها وغير كذا مافي دانه حزت بخاطرها كلمة امها وبدت تشاهق بالبكي واستسلمت للموقف وسكتت موضي تلتفت لدانه بكل حقد : كلمي لافي يجي ياخذتس من هنا وهو متجه لسيارته ويفكر بقسوة موضي على بنتها " معقوله تحسسها انها كارهه وجودها ومعقوله ماتخاف عليها من السواق بوقت كذا ولمسافه بعيده " ،،،،،،،،،،،،،،،،،،،،،،،،،،،،،،،،،،،،،،،،، ام خالد مشغوله بتجهيز حاجات رمضان اللي تعودت كل سنه تجهزها وشهد تساعد امها وهي زعلانه ام خالد : شهوده ياماما سلمان ضربتس شهد بحزن : لا ام خالد : اجل وش بتس ماده البوز شهد : ابله دانه ماصارت تجي المدرسه ام خالد : ياحبيبتي يمكن معها اجازه شهد : مااعرف ام خالد : ولا يهمتس بكلم شيماء واسألها عنها شهد بفرح : صحيح ماما ام خالد : ايه صحيح بس عشان شهوده الغاليه شهد : ماما كلميها الحين ام خالد : لا ياماما الوقت مايناسب ، خليها شوي واكلمها شهد : لاتنسين ام خالد : مانيب ناسيه بس لاتكسرين الصحون ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بعد مرور يومين متعب بالمستشفى يتكلم مع الدكتور بخصوص وضع عبدالعزيز الصحي متعب : اسمعي ياموضي الرجال بيطلع للبيت وحالته صعبه مثل ما انتي شايفه وانا بكون موجود معكم تحسباً لأي طارئ موضي بدت تنصاع لأوامر متعب بعد ما تأكدت انه هو الوحيد اللي بيوقف معهم بأزمتهم ومن غير مقابل متعب يتابع حديثه : وانا رجال ما عندي لف ودوران فهمي بنتس الوضع وخليها تروح لبيت ابوها ، وجودها بالبيت ماله لزوم وانا فيه موضي : ابوها الخسيس لما عرف انها انفصلت من المدرسه قالها لاتجين ماعندي مكان لتس متعب : انا ما اقدر اجلس معكم الا بهالحال وعموما الشهر الفضيل بعد يومين بيدخل علينا والمدارس بتكون بعطله رسميه خليها تروح لبيت ابوها وانا بشوف الوضع واحاول اكلم احد يرجعها لدوامها موضي وهي تتنهد : الله كريم متعب : انا بطلع لدوامي عندي اشغال بخلصها وبعد صلاة العصر بجيب عبدالعزيز جهزوله مكان يرتاح فيه ترى وضعه محتاج رعايه موضي : ان شالله برب شوي وانزل البارت الخامس عشر ^_^ |
البارت الخامس عشر ام فهد وهي تسلم على متعب : جينا امس خالتك سلوى كلمتني الا ناخذ رمضان معكم متعب : هذي والله الساعه المباركه حصه : الله يبارك بعمرك ياحبيب عمتك متعب وهو يدقق بعيون عمته ويضحك : اشوف بعيونتس كلام حصه : ههههههههههههههه وش شفت قولي متعب : اشوف طاري بنت الحلال اللي كل ماتشوفيني تقولين لي عنها حصه : هههههههههههههههه يا مكار محد يفهمني غيرك ، والله يامتعب لو تشوفها لتقول الحين تزوجوني متعب : احلفي بس حصه : ههههههههههههه عموما سلمان يعرف ابوها واتوقع انك انت تعرفه متعب خذه الفضول : من بنته حصه : بنت سعد الـــــ متعب بصدمه حاول يخفيها عن عمته حصه : وش فيك متعب : لا مافي الا كل خير لكن هذا كان معنا ببريطانيا كان مع الوفد السعودي بالسفاره ومركزه ممتاز حصه : ايه هذا هو ابو مشاعل متعب تلخبط : ايه ايه وحتى صارلنا كم اسبوع شارين منه محلات واراضي كان عارضها للبيع حصه بابتسامه : كويس اللي طلعتوا معرفه سهلتوا علينا الموضوع متعب : يالله انا بطلع عندي شغل مهم حصه : اصبر ما وصفتلك البنت متعب بينه وبين نفسه "ماله لزوم عارفها اكثر منتس" متعب : وش توصفين الله يهديتس بنات سعد ونعم فيهم لكن متحررات وانا مالي بالبنت اللي كذا حصه بغضب : منت لاقي ازين منهن والبنت لي صارت حليلتك لبسها اللبس اللي تبيه وعلمها تتبع دربك اللي تحب انها تمشي عليه متعب : اجلي الموضوع شوي ، ابوي مشغول بصفقات خسرانه ولا ودي موضوع الزواج يشغلنا عن شركاتنا حصه : كل ما كلمتك عن الزواج اشوفك تتهرب وانا خلاص بخلي خالتك سلوى تتولى الموضوع وانا برتاح من التفكير الزايد متعب بابتسامته : تدرين كيف ، انا بصبر لين رهوفه تكبر وبتزوجها حصه تبتسم : ياقلبها رهوفه لو تصير زوجتك بتجننها انا بزوجها واحد مو عنيد ولا عصبي مثلك هههههههههههههه متعب : هههههههههه طيب حسابتس معي انتي وبنتس دخل عليهم سلمان بهيبته ووقاره ، اتجهله متعب وحصه وحبوا راسه تقدير له جلس معهم والابتسامه على وجهه : هاه وش العلم اشوفكم مو متفقين على شي متعب يمد لأبوه فنجال القهوه : اختك هذي جننتني كني جالس على قلبها وتبي الفكه مني سلمان : ههههههه ولي صارت عمتك تبي تزوجك معناها انها ماتبيك حصه : اصلا احمد ( زوج حصه ) يقول محنا مزوجين فهد غير من بنات متعب متعب : هههههه انتم بعد زوجتو بناتي مو انا وبس سلمان : انا اشوف اننا بعد العيد نملك لك انت ونايف جميع متعب حس ان الموضوع بدى يستجد : انا مو مستعد حاليا اجلو الموضوع حصه : وليه مو مستعد ، ماشاء الله ضابط ومركزك مهم ولك منصبك والحمدلله حلالك وحلال ابوك بيمينك وش اللي معطلك سلمان : يابوك اشر على البنت اللي تبيها وانا اخطبها لك ، وهذا مو زواج وبس ،، هذا عمر جديد وحياه جديده وانت اللي تختارها بنفسك متعب : والله مافي بالي احد حصه تكلم سلمان : بنات سعد ماشاء الله جمال واخلاق وابوهم له مركزه متعب : بنات سعد لا ، مستحيل سلمان : ليه يابوك بناتن صالحات وابوهم من اقرب الناس لي وبينا احترام وتقدير ولا اعتقد بنلقى نسب احسن منهم متعب : انا قلت لعمتي نظرتي فبنات سعد ، ماعليهم خلاف لكن انا مالي خاطر فيهن سلمان : لاتجبرينه ياحصه على احد هذي حياته وهو اللي يختارها بنفسه ، وشوف وانا ابوك كلم خالتك سلوى وعمتك حصه يشوفون لك بنت الحلال اللي يحطونها بالوجه وانا ماني مقصر باللي تبيه متعب : يصير خير خلونا بعد العيد نتفاهم بالموضوع والله يكتب اللي فيه خير سلمان : الله المسهل ياولدي حصه ام فهد اخت سلمان وعبدالرحمن ولا لهم غير بعض هم الثلاثه وعلاقتهم قويه مع بعض تزوجت وعاشت بالشرقيه مع زوجها وباستمرار تكون موجوده فبيت اخوها سلمان اللي خصص لها جناح فبيته وهي اصغرهم عمرها 38 ،،،،،،،،،،،،،،،،،،،،،،،،،،،،،،،،،،،،،،،،، موضي تجهزغرفه لعبدالعزيز ويشغلها التفكير والخوف من المستقبل ، محتاره بعيالها وخايفه من متعب لايكون يخطط لشيء تجهله وضعها صار صعب ووضع عيالها اصعب ،،،، بعد ما انتهت من تجهيز المكان اتجهت لغرفة دانه وبكل هم كلمتها من بعيد موضي : ترى شاهر بيجهز السياره اذا بتروحين لأبوتس دانه بحزن : ابوي مايبيني وعلى قولتس هو يبي راتبي مايبيني انا موضي باستعلاء : ايه عشان لي قلتلس شي تطيعين وتعرفين اني ابي مصلحتس ، المهم عبدالعزيز بيجي الحين ومعه متعب والرجال بيجلس معنا دانه : وش المطلوب مني موضي : المطلوب روحي لأبوتس واخذي رمضان عندهم لين الله يسهل الوضع ، وترى الرجال ماقصر راح يكلمهم يرجعونتس للمدرسه دانه لأول مره تحس انها ضحية طلاق امها وابوها دانه : اشوف متعب صار من المقربين لتس موضي ودموعها بعيونها : ماكنت حاسبه حساب لليوم اللي كذا دانه : لكل غافل انتباهه موضي : وش اللي تقصدينه دانه : اقصد ان اليوم ذا كان لازم يجي ولا ماكان احد اعتبر وخذ الحذر موضي تجلس على سرير بنتها والأسى بعيونها : صدقتي اليوم ذا كان لازم يجي دانه بحقد : هو جا بس عساتس تحسبين للي جاي ماتدرين وش المكتوب موضي ودموع الندم بعيونها : وش اللي أمر من اللي انا فيه دانه : كان فيه اشياء امر من كذا لكن ماحسيتي فيها لأنتس ماخسرتي شي موضي تمسح دموعها تناظر دانه : انا خسرت كل شي حتى انتي خسرتس دانه بدموع حاره : انتي ضيعتينا كلنا موضي تبكي بمراره دانه : كثر الكلام والدموع ماينفع يايمه موضي : وش اللي اقدر اسويه عقب اللي صار دانه : مابي منتس ولا شي واعاهدتس اني ما اذكرتس الا بكل خير بس ابي شي واحد موضي بدموع : وش اللي تبينه دانه : علميني وش اللي بينتس وبين منيره موضي بكت بمراره على اللي تتذكره من منيره دانه وصوتها اختنق من البكاء : يمه ماهو عيب انا نعترف بخطأنا العيب انا نستمر فيه موضي ودموع الندم بعيونها : انا ظلمت منيره والله امهلني لكن انا ما اعتبرت الى ان طاح الفاس بالراس اللي جالس يصيرلي حوبة المسكينه اللي ظلمتها دانه بحزن شديد : يمه وانا وش ذنبي موضي : واخوانتس الصغار وش ذنبهم دانه ببكاء مرير : اخواني لهم احد يسندهم وانتي شايفه اخوهم ماخلاهم ، لكن انا وش ذنبي اعيش طول عمري بقهر ومراره موضي : مقدر ومكتوب دانه : قوليلي وش اللي صار خليني اتسمح منها يمكن يتبدل الحال موضي بحزن : اسأليها يادانه وترى اللي بتقوله لتس هو الصحيح دانه : ابي اسمع منتس انتي موضي ترجع فيها الذاكره لأثنى عشر سنه مضت وهي تقص لدانه الموقف بعد ماتزوجت عبدالعزيز كنتي ساكنه مع لافي ، واذا كنت بشوفتس كان يرسلتس لأمي الله يرحمها فبيتها القريب من بيته واشوفتس عندها وفي مره من المرات وبدت عليتس علامات البلوغ وكنتي تتألمين من الوجع اللي فبطنتس وبدت تتنهد بأسى : قامت امي الله يرحمها بتسقيتس اعشاب دافيه تخفف الألم اللي من الدوره ،،،، والتفتت لدانه وهي تكمل حديثها لكنها سقتتس اعشاب بالخطأ كانت للعقم اللي جابتها لي لأنها كانت خايفه لا اتطلق من عبدالعزيز مثل ماطلقني لافي ،،،،،،،،،،،،،، بعد اعتقاده اني اصبت بعقم بعد ماجبتس دانه وامها تكلمها كانت عيونها غرقانه بالدموع وصارت تتذكر الأحداث على كلام امها وصار الموقف كأنه امام عينها تتذكر انها بدت تفتح عيونها لكن محاولاتها فاشله حاولت اكثر واخيرا نجحت ، حاولت تميز ملامح اللي قدامها لقتها امها مو مستوعبه المكان اللي هي فيه ولا عارفه شي استسلمت للنوم مره ثانيه ثاني يوم فتحت عينها بقوه لقت امها جنبها : واضح على امها انها فرحت لما شافتها فتحت عيونها دانه : وش فيني يمه موضي : قربت منها اسمعيني تبين ترجعين لمدرستتس وتسكنين معي دانه بخوف : ايه يمه تكفين موض بمكر : اجل ان سألتس الطبيب ولا لافي عن شي قولي منيره كانت تشربني اعشاب مدري وشهي له دانه وهي ماتدري عن شي : قالت طيب رجع صوت موضي لدانه : وقلت للافي ان منيره مسويتلس سحر والدليل ام مصلح اللي شهدت زور انها شافته مع غريضات منيره ،،، ولافي خاف من الفضايح والمحاكم وخلاني آخذ حضانتس من غير محاكم دانه وهي تشاهق من البكاء : وليه سويتي كذا موضي : عشان امي لا تنفضح ، وعشان آخذ حضانتس من لافي بحكم اهماله لتس هو وزوجته وارجعتس لمدرستس بعد مامنعتس عنها دانه بمراره : وش اللي استفدته من مدرستي ، راتبي ياخذه ابوي كله وانتي لاهيه بالمظاهر والزيارات وانا محرومه من ابسط حقوقي وهي اني اكون زوجه موضي بدت تبكي بمراره وكأنها بدت تفهم معنى الحياه وانها كما تدين تدان : كنت جاهله وامي ساعدتني بالحيله اللي ضحيتها منيره وانتي دانه تقوم وصوتها بدى يعلى اكثر : والحين بعد ما خسرتي كل شي بكل سهوله تقولين روحي لابوتس ، مافكرتي فيني كيف وضعي بيكون معهم موضي مستمره بدموع الندم دانه : حرام عليتس ماقد فكرتي فيني ولا خفتي علي مثل اي ام الرجال الغريب اللي تربيت في بيت ابوه وهو احق مني فبيت ابوه خاف علي من السواق وانتبه للوقت ، وانتي امي اقرب الناس لي كنتي مستعده تظلمين وتاخذيني بالقوه وبعد كل السنين اكتشف انتس ماكنتي خايفه علي ،،،،، كنتي خايفه على امتس لاتنفضح مع الناس دانه تلبس عباتها وتاخذ شنطتها الصغيره بيدها وبنظرة لوم لأمها : ماراح اسامحتس ليوم الدين وطلعت وشهقاتها ملت المكان وعند وصولها لباب الفيلا شافت متعب وشاهر يدخلون عبدالعزيز على كرسيه المتحرك لغرفته و مع البكاء المختلط و الصياح اللي اثبت انها منهاره نفسيا ماقدرت تتمالك نفسها لما شافت عبدالعزيز وصارت تتذكره وهو يحاول يجردها من ملابسها ومحاولته انه يبوسها ،، وقفت لثواني وهي تشوفه على كرسيه حست انه يحاول يتكلم ولكن بدون جدوى متعب ماكان فاهم النظرات اللي بينهم لكن حس انها تكن له حقد دفين حست بقرف من اللي تذكرته ومن شكله وطلعت بسرعه وهي تمسح دموعها متعب مو فاهم شي لكن اتجه للباب بيشوفها لوين رايحه وعلى نزلت موضي من الدور العلوي : شاهر وصل دانه للقريه شاهر يناظر متعب ينتظر الموافقه متعب حس ان الوضع متكهرب و امر شاهر انه يوصلها قبل دخول الليل عليهم موضي تبكي بمراره على الكرسي القريب منها متعب : ياموضي قولي لا اله الا الله موضي بقهر على حالها المرير : لا اله الا الله متعب : كان البنت ظروفها ماتسمح تروح لأبوها خليها هنا وانا بمر عليكم كل و قت موضي اكتفت بالدموع وبقلبها حست براحه من متعب اللي يحاول انه ما يزعلها مع انها ولا شي موضي : خلك معنا اخوانك بحاجتك متعب : وانا ماني مخليهم ان شاء الله ، وهو يناظر لعبدالعزيز بمكر ،،،، ترى ابوي سلمان الـــــ موصيني عليهم وعلى عبدالعزيز والتفت لموضي ،،، الله يجزاه خير يحب ياخذ اجر بالضعيفين اللي اولهم انا وآخرهم اللي كان مستقوي علي عبدالعزيز : سالت منه دمعه وكأنه يتمنى الموت لأنه عجز عن الكلام متعب : عموما لو احتجتي اي شي ولا بنتس احتاجت شي انا موجود ومهما كان انتي ام اخواني وهي اختهم موضي ببكاء الندم المرير : فيك الخير يامتعب ، واللي رباك وحثك على فعل الخير الله يجزاه بالجنه متعب : آمين ،،،، وين الصغار خليهم يشوفون ابوهم موضي : ارسلتهم لخالتهم من يومين لحد ماتتحسن ظروف البيت متعب : خلاص بكره بيدخل علينا الشهر الفضيل خوذي الفلوس ذي وروحي جيبي مقاضيكم اللي تحتاجونها وهاتي الصغار لبيتهم ،،،،،،،،،،، وبتنهد عميق هذي الدنيا ماتسر على كل حال ,,,,,,,,,,,,,,,,,,,,,,,,,,,,,,,,,,,,,,, خالد : يمـــــــــــه شهد تسلم على اخوها : امي مو هنا خالد بتوتر : وينها فيه شهد : ماعرف خالد جالس بتوتر وحس بدخول ابوه ، قام وسلم عليه وحب راسه عبدالرحمن : وش فيك وجهك مايبشر بخير خالد بغضب : نوف ماخذه اغراضها والولد ومالقيتها بالشقه عبدالرحمن بغرابه : وينها رايحه ، وش اللي صاير بينكم خالد : موصاير شي البنت ذي مو صاحيه ولاتقدر ظروف دراستي وسفري ، تبيني اقابلها اربعه وعشرين ساعه عبدالرحمن يحاول يهدي خالد : تعوذ من الشيطان ياولدي ، نوف ام عيالك واصبر عليها لو تزعلك بتصرف تذكر انها ترضيك باشياء غيرها واهمها انها مرضيتن امك وابوك ومن زواجكم ما اذكر ان امك شكت من بنت الحلال خالد : انا فاهم كل شي لكن مايرضيني انها تطلع من البيت من غير علمي عبدالرحمن : تلقاها فبيت اخوها خلها ترتاح هاليومين وروح تفاهم معها خالد : وش اتفاهم معها فيه ، تحسسني اني لو سافرت حياتهم بتنتهي دخلت ام خالد : وش فيكم صوتكم واصل لغرفتي عبدالرحمن : نوف زعلانه ورايحه لبيت اخوها سلوى بغرابه : ليه وش اللي صاير خالد : يمه انا خلاص نفسي وقفت من هالبنت ومالي خاطر عليها عبدالرحمن : وش اللي تقوله ، انت تحسب الطلاق سهل كذا ، مافكرت بعيالك سلوى : تعوذ من الشيطان وقول اللي صار يمكن البنت معها حق خالد بعصبيه : وش الحق انها تطلع من البيت من غير شوري وتبي تمنعني من السفر سلوى : تبي تطلقها وتضيع عيالك عشان سفرك خالد : انا ماحب اتقيد بأحد بسافر مثل ما ابي وارجع مثل ما ابي عبدالرحمن : سلوى ، خليه الحين هو اعصابه فايره ، يومين ان شالله وتنحل المشكله وترجع البنت لمكانها ولا كأن شي صار سلوى : الله يهديك ياخالد البنت فيها خير وتدور رضاك ولو هي ماتبيك وشاريتك ماكان وافقت انها تترك وظيفتها واستغنت عن الشغاله اللي ارسلتها لكم ولاتنسى بعد انك رفضت الفيلا اللي شراها لك ابوك خالد : انا احب اعتمدعلى نفسي ولا ابي احد يتدخل بحياتي الخاصه انا وزوجتي عبدالرحمن : انا وامك مو اي احد ياخالد خالد : انا فاهم وعارف كل شي لكن البنت ماعندها شغل غير النوم والشغاله مالها لازمه وكانها على الفيلا ماني بحاجتها بتصير كبيره علينا وحنا ببداية مشوارنا سلوى : انت تبي تطفشها ، انا فاهمه لعبتك لكن نوف صابره عليك لأنها تعتبرني امها ولاتبي تزعلني خالد : يمه اذا انتي تزعليني عشان ترضينها وهي تزعلني عشان ترضيتس ، انا وش وضعي بينكم سلوى : انت زوجها وهي تحاول توصل لرضاك وانت اللي تبتعد عنها عبدالرحمن : اصبري ياسلوى خلي الموضوع علي وخلي الولد يرتاح هاليومين ويصير خير ومنها يكون فكر براحته قبل لايتخذ اي قرار يستعجل عليه سلوى : فكر بعقل ياخالد ولاتنسى ولدك ماله ذنب باللي تواجهونه من مشاكل حاول ابو خالد وامه يهدونه شوي واجتمعوا اخوانه ونفسيته تحسنت شوي من الضغوطات اللي كان يمر فيها ،،،،،،،،،،،،،،،،،،، بليلة رمضان ، الحاره اعتلت فيها ضحكات الصغار وحركة الكبار متهللين وفرحين بدخول شهر رمضان المبارك الكل مبسوط ويعبر عن فرحته بطريقته الخاصه ، منيره بمطبخها الصغير ترتب الصحون وبناتها كل وحده مشغوله بشيء الصغار يلعبون بالحاره ،،،،،، ودانه ظامه ركبها لصدرها وجالسه بغرفة خواتها مخنوقه من الحقيقه المره اللي سمعتها من امها وتتألم اذا تذكرت استقبال منيره المر لما عرفت ان دانه بتسكن معهم ، وماتغيب عنها صدمة ابوها لما عرف انها فصلت من المدرسه تفكر بحياتها الجديده ومستقبلها الغامض قطع تفكيرها صوت ابوها وهو يناديها ،، مسحت دموعها وقامت بخفه لباب الغرفه : سم يبه لافي بعصبيه : وشو له فصلوتس من مدرستس دانه بخمول : غياب لافي : ويومهم فصلوتس وش جايتني له دانه : امي تقول روحي لابوتس لافي : وينتس من زمان توها تعرف اني ابوتس ولا يوم افلست من عبدالعزيز ومنتس خلتس تجيني دانه وهي مالها نفس لاي نقاش : وين اروح يعني لافي : المكان ضيق والبقاله ماتطلع شي كود اللي يسدنا ، ارجعي لامتس دانه نزلت منها دمعه غصب عنها وسكتت من قهرها لافي حس انه جرحها : يابوتس ماني عايفتس لكن انتي ادرى بالظروف والعيشه القشرا دانه كتفت يديها ونزلت راسها تداري دموعها لافي : انا بروح لشغل قريب وانتي الليله خليتس معنا وان اصبحتي ارجعي لأمتس ازين لتس ولنا في اليوم الثاني الصباح والغرفه صغيره وكانوا متزاحمين وهم نايمين بضيق ، حست دانه انها مانامت من ضيق المكان والبرد اللي يدخل عليهم من فتحات الشباك المكسره واللحف اللي عليها كانت قديمه ولاتمنع البرد ، صحت ودمعتها بعينها وتفكر وين بتكون الليله مع امها ولا ابوها |
البارت السادس عشر بعد ما انهت صلاة الظهر استغلت وجود منيره لوحدها وقالت فرصتي اكلمها عن موضوع امي دانه : السلام عليكم منيره بدون نفس : وعليكم السلام دانه تبتسم : بساعدتس بالمطبخ منيره مو معطيتها اي اهتمام : مشكوره مو محتاجه احد يساعدني دانه تاخذ منها الرز تبي تغسله منيره وعينها على دانه بكل حقد : متى بتروحين لأمتس دانه حست دمها نشف من الإحراج وبابتسامه مصطنعه : مليتي مني منيره : لافي كل شوي يسأل عنتس ، وترى حنا ملينا من المشاكل اخذي اغراضتس وروحي لأمتس دانه بتوتر : ولد عبدالعزيز فبيت ابوه وانا مستحيل اجلس بينهم وهو مو من محارمي منيره : ومن متى عبدالعزيز له ولد دانه : كان مسافر مع امه وتوه رجع منيره : خبري ابوتس ، انا اللي عندي قلته دانه : البيت شايلكم وانتم تسعه ، يعني انا اللي بسوي انفجار سكاني بينكم منيره تلتفت لدانه بتحقير : ليه انتي ماوصلتس خبر ان لافي ملك لهيا بنتي عشان يخفف مصاريف دانه : وشو ،،،،،هيا صغيره على الزواج حرام عليكم منيره : حرام علينا ولا حرام عليه هو ، الله حسيبه دانه : وراتبي اللي ياخذه كل شهر لمدارس خواتي وين يوديه منيره : اي راتب ؟؟؟؟ كل ماكلمته ان احتجنا يقول مامعي شي ودانه ماعاد ترسلي شي دانه : حرام عليه ، كل شهر ارسله راتبي وآخذ منه شي بسيط لنفسي منيره : حسبي الله ونعم الوكيل ، ياربي فكنا من بخل وطمع هالرجال اللي بيضيعنا معه دخل عليهم لافي وبكره : انتي مارحتي لأمتس دانه تضغط يديها فبعض وتناظر الأرض لافي : انتي لازم ترجعين لأمتس وتخلصون موضوع وظيفتس ، اجل منين نعتاش وانتن 7 بنات وولدن الله يخلف علي دانه : انت تاخذ راتبي كل شهر ، وخواتي مايوصلهم منه شي ، حتى مدارسهم ماعادو يروحونها منيره : كل ماسألتك ، تقول دانه ماعاد ترسل شي لافي : اقطعي لسانتس لا اسمع لتس حس دانه : حرام اللي تسويه فينا كلنا ، تحرمني من راتبي وتحرم بناتك من اللي يجيهم مني لافي : حرمت عليتس عيشتس ، ان مارجعتي لوظيفتس ترى بيتي يتعذرتس ، وارجعي لامتس كانها خذتس اول الوقت بالقوه ، انا الحين اردتس لها بالقوه منيره خافت لا ترتفع اصواتهم وتكبر المشكله وتوصل للضرب خلها انا بخليها تروح لأمها لافي بعصبيه : مقطوعة النصيب عقب من ربيتها جايتني تقول انت تاخذ راتبي منيره : وين صالح لافي : وش يدريني عن ولدتس العايب اللي مابه رجا ,,,,,وتركهم وطلع منيره بأسى وصوت خفيف : ياليت بناتي الست عيال ، ماكان حالي كذا دانه بغضب : حنا بوقت صارت البنت مثل الرجال طلعت منيره من المطبخ وصوتها العالي اللي كله قسوه وهي تصايح على بناتها بعنف وبدون رحمه وعلى اتفه الأسباب دانه تناظر منيره من بعيد وفي بالها " انا عارفه تحت هالقسوه حنان ماله نهايه ، لكن العتب على الظروف ،،،،،،،،،،،،،،،،،،،،،،،،، في أيام رمضان الأولى كانت أيام لها طبيعتها الخاصه والجو مليء بالروحانيه والتقارب الأسري ومتعب كان روتينه من بعد الدوام يكون فبيت خالته الى وقت الإفطار ، ومن بعد التراويح كان يتفقد موضي وعيالها وينام عندهم ومر اسبوع من رمضان على نفس الوضع موضي بالمطبخ تجهز الفطور ، روان وعمر يلعبون بحديقة الفيلا متعب نزل من سيارته وتوجه لداخل الحديقه ، اول ماشافه عمر صار يركض له بيسلم عليه متعب يشيله ويحبه بعطف : وش مجلسك بالبرد يابطل عمر : لعبنا انا وروان متعب : وش لعبتم عمر : لعبنا بالرمل كل ما ابني بيت ، روونه تدوس عليه متعب : ههههههه ، روان انتي دستي على بيوت عمر روان : ههههههههههه احسن عشان لا يوسخ ملابسي مره ثانيه متعب : ههههههههه ، وين بيان روان : بيونه تبكي متعب : اوووووووووووووووووووه لي الحين وهي زعلانه ، انتم متأكدين انها بنت موضي مو بنت دانه روان : هههههههههههههههههههههههه متعب ينزل عمر : انتظرني هنا بشوف بيونه وارجع لك دخل البيت ، سمع صوت موضي بالمطبخ ومعها صوت بيان ، واتجه لهم قبل يدخل قال : ياولد في احد هنا موضي غطت شعرها وقالت : ادخل مابه احد سلم عليهم وعينه على بيان وعيونها كلها دموع : وش فيها الأميره زعلانه موضي : لاتشغل حالك فيها ، دلع بنات متعب : دلع بنات ، وبيونتنا تستاهل دلع البنات ، قرب منها وشالها وحط يده تحت فمها : ليه زعلانه بيان بدت تشاهق : ابي دانه متعب : بس كذا ، نجيبلتس دانه بيان : كلكم كذابين كل يوم تقولون كذا ولا تجيبونها موضي : بيان خلاص انا قلتلس عندها شغل وبترجع ، لاتوجعين راسبي متعب : تعالي معي بنروح نتمشى بالسياره شوي بيان : لا لا ،، ابي دانه موضي تلتفت لمتعب : اتركها لا تشغل بالك بتجننك متعب : خليها معي ، ولي جا وقت الفطور ارسليه لمجلس الرجال موضي مستغربه ، اول مره متعب يفطر عندهم : معك ضيوف متعب : لا موضي : اجل افطر معنا هنا ، مافي احد غريب متعب : انتم ماترسلون لشاهر فطور كل يوم ؟ موضي باستغراب : الا متعب : ايه زيدوه وافطر معه موضي : تفطر مع السواق ؟ متعب يكره اسلوب الطبقات الاجتماعيه ، قال : دام الرجال مسلم مافي فرق بيني وبينه موضي بدت تنظر للحياه بنظره ثانيه " معقول فيه ناس كذا موضي بخجل : ان شاء الله ،،،،،،،،،،،،،،،،،،،،،،،،،، ياخواتي لازم نذكركم ونبشركم ببشرى من الله سبحانه وتعالى قال تعالى ( وعسى ان تكرهوا شيئا وهو خيرا لكم ) ياحبيباتي من ألطف بنا غير الرحمن حتى لو اصابتنا مصيبه وكانت مصيبة عظيمه ، علينا بالصبر ولا نجزع منها ، واعلمي اخيتي ان ما اصابك هو خير مهما عظمت مصيبتنا ،،،،،،،،،،،،،،،،، سرحت موضي بكلام الداعيه اللي بدت تعظهم وتقوي ايمانهم بعد التراويح ، ومن حسن حظ موضي انها كانت تكلمهم عن المصيبه وكيف التعامل معها وكيفية التصبر عليها مهما عظمت بدت مصيبتها مع ظهور متعب اللي كانت تلح على عبدالعزيز انه ياخذه لمستشفى خاص للأمراض العقليه ، وكانت الخيره انه هو اللي انقذهم بأزمتهم وفعلا كانت الخيره مما واجهوه بمصيبتهم ،،،،،،،،،،،، شعورها بالضعف والحاجه الى الله تعالى ،،،،،،،،،،،،،، استغفارها من ظلمها لمنيره ،،،،،،،،،،،،،،،،،اعترافها لبنتها عن خطأها ،،،،،،،،،،،،،، تنهدت موضي ودمعت عينها من الندم على ذكرياتها المره ، وصلها احساس انها انسانه جديده استبشرت خير ان باب التوبه مفتوح حياتها تغيرت وتأكدت ان المظاهر ماتنفع احد، وكل انسان لابد يقتنع بما اعطاه الله ،،،،،،،،،،،،،،،،،،،، مر تقريباً مايزيد عن اسبوع من رمضان ويوميا لافي يطلب من دانه ترك بيته وترجع لمدرستها دانه بقهر : انت ابوي وملزوم فيني لافي والشر يتطاير من عيونه : امتس اخذتس بالقوه والعناد وبيتي كان خالي ، وذلحين خليتس معها بالطيب ،، لا المكان ياسع ولا المصرف يوفي معنا دانه :بجلس هنا ، مالي رجعه لبيت امي وهي ماتبيني لافي : ترجعين لأمتس و لمدرستس غصب عنتس طال الجدال بينهم واصواتهم بدت تعلا وانتهت بـــــــكف من لافي على وجه بنته بكل قسوه وعنف دخلت منيره بهلع وبصوت عالي : وش فيك على البنت ، انت ماقد جيتنا ووجهك يتهلل بخير لافي : لاتدخلين بيني وبين بنتي منيره : الا بتدخل ، وش الدبره معك كل ماجيتنا وبعيونك شر ، ترى ماخلقنا لكذا ، يومك متولي الضعيفه بشي ماتقدره لافي : اسكتي لايجيتس ماجاها ، وتركهم وطلع دانه دخلت بنوبة بكاء بينها وبين نفسها منيره : قومي غسلي وجهتس وتعوذي من الشيطان وارقدي ،،،،،،،،،،،، ثم انصرفت في آخر الليل الكل نام بعد السحور ، وحطت منيره راسها تستعد للنوم وفجأه تذكرت دانه ، واتجهت للغرفه اللي تجمع باقي افراد الأسره فتحت الباب بهدوء وكان الظلام عاتم وبصوت هادي :دانه دانه بصوت مليان دموع :سمي منيره : تعالي بشويش اخوانتس لايحسون دانه قامت بكسل وراحت مع منيره للمطبخ الصغير المظلم وجلست معها منيره بحنان تخفيه عن الكل : ياميمتس تسحري قبل الأذان دانه وعيونها تملأها الدموع استغلت رقة قلب منيره بهالوقت دانه : خالتي منيره وهي تغرف لدانه الأكل : وشو دانه : خالتي سامحيني منيره تناظر دانه : وش اسامحتس فيه دانه : على قول امي فيتس منيره تجلس وهي تحاول تتهرب من الموقف : اللي كان كان دانه بدموع غزيره : كل مايعسرني شي ، اقول ذي حوبة منيره منيره بأسى : حوبتي كانها بتظهر ، بتظهر بامتس مهوب فيتس يابنتي دانه : جاها اللي اكفاها ، وجاني اللي اكفاني منيره تناظر دانه بحزن : الله يعوضني خير ويعوضكم خير دانه تضم منيره ، سامحيني منيره تجردت من قسوتها والقناع اللي تلبسه وظهر جوهرها الخفي ، ، الطيبه والحنان والعطف دمعت عيونها وضمت دانه بكل حنان وصاروا يبكون على القسوه اللي فرضتها الظروف على بعض القلوب الطاهره ، القلوب النظيفه اللي كل عيبها انها تحاول تخفي انكسارها بقناع القسوه منيره : مسامحتس ويعلم الله اني من ذالساعه وان اللي بقلبي انغسل ولاني بشايلتن عليتس دانه مستمره بالبكاء والحزن خيم عليها بعد وقت قصير مضى بينهم وهم يتكلمون بالموضوع نفسه ،،،،، هدت نفوسهم منيره تحاول تحسس دانه بأنها قريبه منها وبابتسامه : باتسر الجمعه وعقب التراويح نوير بنت مصلح المذّن بتحدّث علينا وش رايتس تروحين معي دانه ابتسمت رغم دموعها اللي كانت تسيل : ان شاء الله في داخلها تفكر بطيبة الانسانه اللي نست كل اللي صارلها من موضي من ظلم وقهر ، عمره سنين طويله وقابلت دانه بإحسان بعد مافهمت موقفها قامت منيره : انا بدخل انام وانتي ارتاحي ، تمسين على خير دانه : الله معتس بعد مادخلت للغرفه تحاول تلقى لها مكان تنام فيه ،، واخيرا خذت صالح بحضنها ونامت بجنبه وهي تفكر بالموقف اللي صار ، وتفكر بجشع وبخل ابوها واخيرا فكرت بوضع امها واخوانها ، وتذكرت آخر يوم كانت معهم كان متعب من النوع المتسلط وتوقعت انه بيكون سبب لقلق امها وانهم يعيشون في جحيم مع ظهور متعب المفاجئ اللي خلى حياتهم تنقلب رأساً على عقب وبعد تفكير طويل استسلمت للنوم ،،،،،،،،،،،،،،،،،،،،،،،، خالد وواضح عليه ضيقة الصدر : هاه حجزتوا ولا لا متعب : الحجوزات عليها ضغط وخالتي الله يطول بعمرها تقول ما تاخذ عمره الا شهد وسلمان ( الصغير اخو خالد) معها خالد بملل : خلها تاخذهم متعب : وش تقول انت ، تبينا نعتمر ولا نجلس ندور البزران لي ضاعوا وسط الزحام خالد : دام نايف معك لا تخاف هو بينتبه لهم متعب يبتسم لخالد : وش رايك نخلي سلمان وناخذ الدكتور خالد مكانه ، نستفيد منك خالد : لا توكلوا على الله ، خلوني بحالي متعب يمزح على خالد : الظاهر بعد الحبيبه يضيق الصدر خالد بملل : اقول ، وش رايك تطلب الأكل بسرعه ، شكله الجوع مخليك رومنسي متعب انفجر من الضحك : ههههههههههههههههه ،، عليك اخلاق اللهم ياكافي ، ماني لايمها يوم هجت من البيت خالد يقلب المنيو يدور على شي ياكله متعب يأشر للجرسون عشان يسجل طلبهم خالد : تصدق مالي نفس آكل متعب : لا ياشيييخ ، بتاكل وغصب عنك ، ولا انت مو متعود على المطاعم الراقيه خالد : انت رايق على الآخر متعب يضحك : لا بقفل اخلاقي واحذف المفتاح بالبحر خالد : تصدق احس اني بديت اكرهك متعب : هههههههههههههههههههه متعب يحاول يفتح اي موضوع مع خالد عشان يقطع الصمت : قبل كم يوم واجهت وليد مع واحد من قرايبه يقول انه مسجل بنفس جامعتك ببريطانيا ، لكن هو تخصصه عظام خالد بانتباه : وش اسمه متعب : ماني متذكره خالد : انا معي مجموعه شباب خليجيين كانوا معي من اول ، صحيح تخصصاتنا تختلف لكن بيكون سكنا واحد متعب : وغير اللي بتتعرف عليهم ، بتحس انك بالسعوديه من كثرهم خالد ابتسم : ذكرتني ايام بريطانيا قبل نتخرج متعب : لاتذكرني الله يخليك ، احس انها اسوء مراحل حياتي خالد يضحك : ههههههههه انا لو ادري ان طاري مشاعل يضيق صدرك كذا ، كان من يوم عزمتني وانا مسولف فيها متعب ابتسم لخالد : المصيبه عمتي تبي تخطبها لي خالد : ههههههه ايه تقوله ذاك الليل متعب : ماشاء الله ، اشوفك صرت تضحك منت اللي من شوي خالد : هههههه ياخي من صدمتي بموضوع خطوبتك انت ومشاعل ماقدرت اسأل كيف وليه متعب : احلف بس ، اخاف اتزوجها ، والله لو مابقى الا هي خالد : وعمتي وش عرفها فيهم متعب : تعرف عمتهم اخت سعد ، ساكنه قريب من عمتي بالشرقيه ، واكيد شافتهم عندها خالد : بس اللي واضح انها سحبت عليك ، ماعاد اشوف جوالك يرن بالساعات متعب : شكلك ماسمعت عن حظر المتصل خالد : ههههههههههههههههههه متعب : تحرجني باتصالها ولي قلتلها شوي واكلمتس ، ماتفتهم القاها تتصل بأقل من خمس دقايق خالد : لاااا شكلها هيمانه فيك متعب : هههههههههههههههه يتبع |
الجرسون يرتب الأكل على السفره وقطع الحديث بين خالد ومتعب ، بعد مانتهى استئذنهم وانصرف بدء خالد ومتعب ياكلون بهدوء ، والكلام بدى يسحب بعض وصاروا شوي يتمازحزن وشوي يتكلمون بجديه ومتعب يحاول يمسك اي ثغره على خالد تخص حياته مع نوف ، عشان يقدر يكلمه بالموضوع من غير لا يحس انه مخصص طلعتهم عشان موضوعه مع نوف متعب : صحيح كيف الأوضاع لو سافرت خالد : وش اوضاعه متعب : اوضاع اهلك ، بتجيبهم لبيتهم ولا كيف خالد بغضب : ماني جايب احد ، مثل ماراحت بيت اخوها ، ترجع لبيتها متعب بلوم : وانت بتخليها بالشقه لحالها من غير رجال خالد : اجل تجلس مع اخوها متعب : مو حلوه بحقك قدام اخوها ، وعمي ماراح يعجبه الوضع خالد : تجلس مع اخوها ولا تصبر لين تولد وورقتها تجيها متعب : الله يهديك وش التفكير اللي براسك ، وعيالك وش ذنبهم خالد : ذنبهم على امهم اللي بتضيعهم بعد مرور ساعه ، عرف متعب انه يقنع خالد يرجع زوجته ويسكنها مع اهله لحين ولادتها او لوقت رجوعه من السفر خالد : انا بكلم امي بالموضوع لكن مو الحين ، بخليه قبل السفر ويصير خير متعب : الله ييسر اموركم ،،،،،،،،،،،،،،،،،،،،،،،،،،،،،،، في ليله بارده والسكون يعم المكان الساعه داخله على 11 مساء ، بنات منيره وصالح نايمين ،و دانه جالسه مع منيره بغرفتها بإعتبارها المكان الوحيد اللي ممكن يجلسون فيه بعيد عن الجو البارد الجو ساكن وهادي والضوء خافت , منيره بدت تستلطف دانه وصاروا يتكلمون بتودد عن امور عامه سمعت صوت الباب وعرفت انه ابوها ، وهي تقوم تبتسم لمنيره : انا بفتح الباب وبدخل انام تامريني بشي منيره : سلامتس تتجه دانه للباب بسرعه قبل ابوها يبدأ بالدعاوي اللي يوميا يطربها فيها دانه : من اللي بالباب متعب عرف صوتها وتذكر نفس الموقف قبل اشهر قليله عند باب بيت عبدالعزيز متعب : بغيت ابو صالح دانه : مو هنا ، من اقوله متعب سكت شوي وبتردد قال : ,,,,,, متعب دانه تحاول تشوفه من فتحات الباب الصغيره وبخوف : انت متعب ولد عبدالعزيز متعب يتلفت خايف لا احد ينتبه : ايه نعم دانه بشكل سريع غطت نص وجها بشيلتها اللي على راسها وفتحت شوي من الباب وبصوتها الخايف قالت : امي فيها شي شافها بنظره خاطفه ونزل راسه : ماعليهم الا العافيه دانه : واخواني ؟ متعب : بخير مافيهم الا كل خير دانه : اجل وش جايبك هنا؟ متعب ابتسم ورفع راسه يراقب خوفها : عندي شغل مع ابو صالح دانه : مع ابوي انا ؟؟؟ وش عرفك فيه متعب زادت ابتسامته ونظراتهم مقابله بعض : بينا شغل دانه انتبهت لنفسها و انحرجت من ابتسامته و من نظراته لها ورجعت شوي لورى الباب جاء صوت منيره من بعيد : من اللي عند الباب دانه : رجال يبي ابوي منيره : خليه يرسل حدا البزران بالحاره ينادونه من بقالته، مابه رجال يقلطه هنا دانه من ورى الباب : تلقاه بالبقاله مهو هنا متعب : ينزل ظرف فيه مجموعة اوراق عند الباب ،،، وصلو له الظرف ذا وبلغوه اني كنت هنا دانه تمد يدها بتاخذ الظرف : ان شالله متعب وعينه على ايد دانه ، واضح عليها النعومه وهي تاخذ الظرف من الأرض متعب : بغيت اقولتس حاجه دانه من ورى الباب : وشو ، تراك خوفتني احس امي فيها شي وماتبي تقوله متعب : مافيهم شي وش اللي مخوفتس كذا دانه : اكيد بخاف ، اجل وش اللي ممكن يكون بينك وبين ابوي متعب حس بقدوم منيره وباستعجال قال : لحد يعرف اني ولد عبدالعزيز ، لا ابوتس ولا غيره دانه بسذاجه : ليه منت ولده متعب ابتسم : اللي قلته لتس لاتنسين ،،، وراح بسرعه قبل منيره تشوفه منيره : من اللي كان هنا دانه سكرت الباب : رجال قال وصلي الظرف لأبوتس منيره وشكلها تذكرت شي : اكيد صاحب الترخيص حق البقاله دانه حست انها بدوامه وصارت تفكر " وش علاقة متعب مع ابوها " دانه : واللي يضبط ترخيص لأحد يجيبه لبيته ؟ منيره : يقول انه متشارك معه بالبقاله دانه : وش عرفه فيه منيره : والله مدري عنهم ، خلينا ننام ازين دانه ماحبت تكثر الأسئله عشان لاتشك منيره بالوضع ،،،،،،،،،،،،،،،،،،،،،،،،،،،، ام ابراهيم تستقبل ام خالد ، وترحب فيها ترحيب حار ام ابراهيم : وش الساعه المباركه ام خالد : قلنا نبارك لكم بالشهر الفضيل ، ونشوف بنتنا ام ابراهيم تبتسم : شيماء شمعة البيت ، ان اخذتوها بيظلم بيتي ام خالد : ههههههههه خليها تنورلي بيتي ام ابراهيم : هههههههههههههههه اخذ الحديث بينهم وقت ممتع ، ام خالد تستعد بترجع لبيتها ام خالد : وين العروسه ماشفناها بنسلم عليها ام ابراهيم : خليني اشوفها بعد دقايق جاءت شيماء بخجل ، وسلمت على ام خالد ام خالد : ماشاء الله ، وش زين بنيتنا شيماء صبغ وجهها الخجل ام خالد تبي تخلي الوضع طبيعي : وشلون المدرسه شيماء وهي منزله راسها : الحمدلله كل شي زين ام خالد تذكرت دانه : الا صحيح بسألتس ، تعرفين معلمه معتس اسمها دانه شيماء رفعت راسها : ايه ، فيها شي ام خالد : ماعرفها ، بس بنتي تسال عنها ، حبيبه بالبزران الله يجزاها خير شيماء : دانه طيبه معهم وكلهم يحبونها ، لكن قبل رمضان بأسبوع ولا اكثر خذت اجازه ام خالد : وش له ، عساها ماتشتكي حاجه شيماء : والله صحتها شوي تعبت وان شاء الله ترجع بعد رمضان ام خالد : الله يشفيها ،،،،،،،،،،،،،،،،، يالله انا استئذنكم ام ابراهيم : اجلسي يا ام خالد مابعد شبعنا منتس ام خالد تبتسم : والله جلستكم ما تنمل ، وان شاء الله نجيكم يوم نملك لنايف شيماء حست بقمة الاحراج ام ابراهيم تبتسم : الله يكتب اللي فيه خير ،،،،،،،،،،،،،،،،،،،،،،،،،، متعب يكلم موضي : انا باخذ عمره هاليومين موضي : الله ييسر دربك متعب منحرج مو عارف من وين يبدأ : ممممم كلمي شاهر يجيب بنتس هاليومين ، خلي بيونه تنبسط معها موضي : حاولت اكلمها من كم يوم لكن شكل الأرسال مايجيب الخط متعب : ايه صدقتي بقريتهم اعمال صيانه على الشبكات ، لكن لو بغيتي تروحين لها او تجيبينها ترى شاهر موجود والسياره معه موضي تتنهد : خلها مع ابوها احسن متعب مايجب يتدخل بخصوصيات غيره لكن الفضول اخذه : بيت امها مثل بيت ابوها موضي : بحاول اكلمها ويجيب الله خير متعب يحط يده على راسه بحركه تلقائيه من الإحراج : ما كلمتم احد بموضوع دوامها موضي استغربت اهتمام متعب فبنتها : كلمتها قبل اسبوع تقول ماعادت تبي الوظيف متعب : ليه عسى المانع خير موضي : مدري عنها شكله ابوها مضايقها على راتبها ولا شي وان كانه عليها ماصارلها سنه متعينه ما يمديها تمل الشغل متعب : انا بكلم واحد اعرفه يشوف موضوعها موضي : لا تكلم احد ولا شي ، لو بغت شي بقولك متعب : عموما على راحتكم ولو احتجتوني ان شاالله ماني مقصر موضي : الله يجزاك خير و يرزقك بنت الحلال متعب : لو احتجتوا شي للبيت ولا عبدالعزيز احتاج مستشفى كلموا ابو سعود ، وانا ماني مطول كلها يومين واكون هنا موضي : لاتشغل بالك وهو يستعد للنوم وتفكيره بدانه اللي بدت تحرك كيانه حس انها تعجبه بثقلها وبحيائها ، لاحظ انها غير البنات اللي يحبون يلفتون انظار الشباب اياً كان ،،،، يزيد اعجابه فيها لما يتذكر خوفها اللي كان بعيونها ، ويبتسم لما يتذكر احراجها و تسترها بالباب ،،،،،،،،،،،،،،،،،،،،،، سلمان بوقاره المعتاد يكلم متعب : متى تمشون متعب وهو ياكل : بعد ساعه نكون بالمطار سلمان : انتبه من الزحام ، مثلك عارف العشر الأواخر كيف يكون الحرم متعب ، افا عليك ،،،، وهو يبتسم ولدك ذيب لاتخاف عليه سلمان يضحك : هههههههههههههههههه سلمان : وش احوال عبدالعزيز وعياله متعب : امورهم تحسنت ، لكن وضعه الصحي مايبشر بخير سلمان : حالته صعبه ؟ متعب : هي مستقره ، لكن الصعوبه في رجوعه لطبيعته سلمان بصوته الهادي : لا اله الا الله ، الله يشفيه ياولدي ، ولو اني اشوف اللي صار معه هو عقاب الله له ولكن مانقول غير الله يشفيه وعفا الله عما سلف متعب يبتسم : تدري وش الشي الوحيد اللي سواه لي عبدالعزيز وبشكره عليه طول عمري سلمان باستغراب : وشو متعب يقوم ويحب راس سلمان : انه خلاني ولدك ومابيني وبينك لا لحم ولا دم سلمان حس بحب متعب الشديد ومسك يده : وانا ابشكره انه خلاك ولدي متعب يحب راس ابوه : انا تأخرت على خالتي ، يالله مع السلامه سلمان : الله يحفظك وين ماتروح ،،،،،،،،،،،،،،،،،،،،،،،،، مرت الأيام سريعه ، تقريبا الروتين نفسه ماتغير متعب ونايف وام خالد والصغار ، خذو عمره ورجعوا بعد ثلاث ايام منيره ودانه تقريبا صارت علاقتهم اخويه ، ومضايقات لافي لاتزال ، وهي صابره ومحتسبه الأجر ، و كانت تنتظر اول يوم بالعيد لزيارة امها بفارغ الصبر ابو خالد وام خالد جهزوا جناح خاص لنوف ، وكلموها وبترجع بعد مايجهز الجناح من ترميمات واثاث ،،،،،،،،،،،،،،،،،،،،،، أول أيام العيد جو البيت يعمه الفرح بالعيد وصارت فيه الحركه كثيره من تجهيزات ومن دوشة الأطفال ومن اصوات التلفزيون العاليه موضي بمساعدة الشغاله حطو عبدالعزيز على الكرسي المتحرك بعد مالبسوه ، وجهزوه بغرفته عشان عياله يسلمون عليه بخرت البيت وجهزت صواني الحلا والقهوه وباقي اعدادات العيد المتعارف عليها ،،،،، روان نازله من الدور العلوي بعد ماسلمت على امها وابوها : يمه وش رايتس فيني موضي : ماشاء الله ، ماشاء الله وش الزين روان : عجبتس فستاني موضي : اكيد بيعجبني مو اللي لابسته روونه حبيبتي روان تناظر للباب : وعندي لتس مفاجأه بعد موضي : وشهي روان : شوفي وراتس موضي انذهلت من دانه وهي تبتسم لأمها ، وراحت لها بشوق وهي تضمها دانه غصب عنها بكت لما شافت امها موضي : ماظنيتس تجين دانه تمسح دموعها : ليه منتي غاليه علي يوم ما اعيد عليتس موضي تضم دانه اكثر : انتي حبيبتي واللي صابره علي وعلى قهري لتس دانه : يمه حنا جايين ننبسط مانبي ذي الدموع موضي تحاول تكتم عبرتها وتضم دانه موضي : وش لونتس ، عساتس مرتاحه مع ابوتس ومنيره دانه : الحمدلله يمه وصاروا يتكلمون شوي عن اوضاع دانه واوضاع البيت جات روان تسلم على دانه : وش رايتس بفستاني دانه : انتي محليته ههههه روان خذها الكبر : هههههههههه دانه : وين بيونه ، احس الحياه مالها حلا من غيرها روان : سيتي تلبسها والحين بتجي موضي : تلقينها جننت سيتي ذالحين دانه : هههه خلوها على كيفها لحد يقولها شي موضي : محد فقدتس كثرها ، تصبحنا ببكاها وتمسينا ببكاها دانه : فديتها ياناس ، احلى بنت بالدنيا تنزل من درجات السلم باستعجال وهي تنادي بصوتها اللي ملأ البيت : دانـــــــــــــــــه دانه تركض لها وتضمها بشوق بيان تعاتب دانه : انا ماحبتس خلاص دانه : ماتحبيني انا بيان ودموعها بعينها : ايوه انتي تركتينا ورحتي دانه تحاول تلهي بيان : الله اشوف فستانس بيان بطفولتها البريئه نست انها زعلانه ووقفت تعرض نفسها لدانه كانت لابسه فستان احمر لحد الركب من غير اكمام ، وشرابات بيضاء فيها ورده حمراء صغيره وجزمه حمراء لامعه وشعرها مسويته قصه فرنسيه وكان شكلها قمة البراءه والذوق دانه بانبهار : الله صرتي عروسه وفستانتس حلو كثير بيان : متعب جابه لي دانه تلخبطت وبينها وبين نفسها " وش فيني كل ماتذكرته ولا مر اسمه يصير بي كذا" موضي : الله يجزاه خير مو مقصر على اخوانه دانه : الله يجزاه خير ومهما كان الظفر مايطلع من اللحم ،،،،،، تحاول تبين انها مو مهتمه بالموضوع ، يمه انا بروح غرفتي بعدل مكياجي ،، شيماء كلمتني بتجي بعد شوي موضي : الله يحييها والبيت بيتها وانا امتس دانه وهي تطلع الدرج التفتت لأمها : يمه ماشفت عموري موضي وهي مشغوله بترتيب الكاسات : نايم ماصحيناه دانه : خلوه علي ، انا اللي بصحيه موضي مبتسمه : طيب يتبع |
بغرفتها تلقي نظره على شكلها بعد ما انتهت لابسه بنطلون بيج ، وقميص مشجر متداخله فيه الوان البني مع البيج يوصل لنص الفخذ وفيه فتحات من الجنبين ومسويه شعرها بشكل فوضوي ورافعته بالماسكه ، ومكياجها ناعم يناسب ملامحها ، واخيرا رشت من افضل عطورها ولبست جزمتها البيج ،، طلعت بتصحي عمر فتحت الباب بشويش وراحت تصحيه بهدوء ، وهو صار يناظرها باستغراب دانه : هههههههه بسم الله عليك ، خفت عمر : ديونه متى جيتي دانه : الحين جيت عمر : يضمها وهو متعلق برقبتها ، لا تروحين ثاني الله يخليتس محد يلعب معنا دانه : ما اروح لاتخاف ، وضمته بحب وعطف صوت روان من بعيد : دانه ، شيماء هنا دانه تترك عمر : حبيبي البس وانا بروح شوي واجي عمر : طيب بعد استقبال ام عمر لشيماء ، وتقهوو مع بعض ام عمر : دانه خوذي شيماء لغرفتس خذوا راحتكم شيماء : ولو ياخالتي مابينا خصوصيات عنتس ام عمر : هههههه خليكم لوحدكم يمكن تجيبين راسها وتخلينها ترجع لوظيفتها دانه : لا تجيبون طاري الوظيفه شيماء : ههههه ولا يهمتس ياخالتي خليها علي استغرب متعب من وجود ابراهيم ، جار عمه عبدالرحمن عندباب بيت عبدالعزيز دخل البيت بعد سلم على عبدالعزيز اللي شبه مشلول ، يشوفهم لكن مايتكلم ولا يتحرك ، ورجع عايد موضي اللي كانت تجلس بالصاله ، سألها عن عبدالعزيز والعيال وباهتمام : من اللي عند الباب موضي : يمكن سواق شيماء خوية دانه متعب حط يده على شعره بحركه تلقائيه : وش عرفكم فيهم موضي : البنت زميلة دانه بالمدرسه وزايرتها ، وش اللي انت خايف منه متعب بقلق : لا بس اسأل ، وبدى الخوف عليه من انتشار الموضوع وتكون فضيحه بالنسبه له وبنفس الوقت ماحب يوضح لموضي شي لأنه مايبيها تعرف اي شي عن اهله متعب : اهم ماعندي لا انتي ولا بنتس تقولون لأي شخص مهما كان عن علاقتي بعبدالعزيز موضي : انت تعرفهم؟ متعب : ضيع الموضوع ، الدنيا صغيره والناس مرتبطه ببعض ولا ودي اي مخلوق يعرف عن الموضوع موضي : وش نقول للناس ان شافوك معنا متعب : قولو اللي تقولونه ، الزم ماعندي لحد يعرف علاقتي بعبدالعزيز ،،،،، انا بطلع مشوار وارجع بعد العصر شيماء بعد ما انزلت هي ودانه شافت متعب من ورى الزجاج اللي بين الصاله والحديقه وواضح انه كان مستعجل شيماء شهقت من الصدمه : متعب موضي انتبهت لشيماء وتداركت الموقف ، وشو دانه بقمة حيرتها : انتي تعرفينه ؟ شيماء ابتسمت بقلق : لا وش بيعرفني فيه ، لكن هو ولد خالة خطيبي ،، بصراحه استغربت وجوده موضي وهي تحاول تسيطر على الموقف بشكل سريع وبابتسامه تحاول تخفي فيها التوتر اللي عم المكان ايه متعب خطب بنتي دانه قبل يوم من مرض ابو عمر ،،،،، و انتي عارفه الظروف يوم ابو عمر دخل المستشفى واجلنا الموضوع وتقدرين تقولين ان الموضوع خاص ماصار شي ، كان جاي يتطمن على عبدالعزيز دانه التفتت لأمها بشكل سريع والأسئله تملأ وجهها شيماء بينها وبين نفسها " اها عشان كذا ام خالد كانت تسأل عن دانه "،،، : يا قلبي يادانه ، الله يكتب اللي فيه خير ، ويقوم ابو عمر بالسلامه ونفرح فيكم دانه ابتسمت وهي تحاول تجاري شيماء شيماء تكلم موضي وهي تضحك : شكلنا احرجنا دانه بموضوع الزواج موضي : ههههه ايه انتي عارفه البنات وحياهم شيماء وهي متجهه للباب ومعها موضي : والله ياخالتي اني فرحت لدانه ومن بختها ماراح تلقى احسن من متعب الكل يشهد بأخلاقه ومواقفه اللي تشرف مع اللي يعرفونه موضي : اكيد يابنتي ، متعب رجال ولا فيه قصور شيماء تسلم على موضي : مع السلامه موضي : مع السلامه ، سلمي على الوالده شيماء : يوصل دانه بغضب : يمه وش لازمة الكلام اللي قلتيه موضي : اجل وش تبيني اقول دانه : قولي الصدق موضي : الصدق وشو ، تبيني افضح الرجال اللي سترنا كلنا ورد روحنا علينا عقب ماطحنا دانه : انتي كذا بتحطينه بمشكله مع اهله ، اقلها بيقولون خطب واهله مايدرون موضي : يقولون خطب واهله مايدرون احسن مايقولون انه مو ولد جارهم اللي يعرفونه دانه مكتفه يدينها : كان قلتي غير كذا ، في كل مره تخليني الشماعه اللي تتحمل غلطاتكم موضي بعصبيه : ماجا على بالي غير كذا ، وانا ببلغ متعب بالموضوع قبل لا شيماء تقول لأحد دانه بعصبيه : يمه لاتحرجيني مع الرجال موضي : خليه يعرف الموضوع مني ولا يعرفه من الناس ، على الأقل يكلم اهله انه كان بيخطبتس وماحصل نصيب دانه حست انها في كل مره يزيد حقدها لأمها اللي ماتراعي مشاعرها ولا حاسبه لها اي حساب برب في البارت الجديد |
البارت السابع عشر متعب : الله الله نايف بيتزوج هههههههه والله ما اتخيل شكله حصه : ايه شفت كيف ههههههههه ... ترى ماني راجعه الشرقيه لين ازوجك انت بعد متعب : هههههههه شكلي لي الحين حاشركم ،،،،،،،،، خلوني كل ماشافني احد قال بزوجك حصه : انا حاطه عيني على وحده وماراح ارتاح لين تكون من نصيبك متعب وهو يضحك : خلاص انتو خلصو من نايف وبعدين نتفاهم بموضوعي حصه : متعب هالمره جد مو نفس كل مره تسكتني متعب باحراج : مايصير خاطرتس الا طيب حصه : الله يوفقك يارب وين ماتروح متعب : الجميع بس ماقلتيلي وين فهد ورهوفه حصه : طلعو مع خالتك متعب : حلو خليهم يحسون بالعيد حصه : هههههههه كل الايام عندهم عيد ، مايملون من الطلعات الزايده متعب : ههههههه ، شكلي بروح العب معهم حصه : هههههههه خذني معك متعب : انا بطلع المزرعه وش رايتس تجين معي حصه : لا مسافه من هنا للمزرعه متعب ، لا يكون بتروحين مشي للمزرعه حصه : هاهاها ...... دمك ثقيل متعب : هاهاها .........مثل عمتي حصه : ههههههههه اللي يسمعك يقول مقابلني اربعه وعشرين ساعه ولا تقدر تستغنى عني ، وانا من جيتكم لي الحين ماشفتك اكثر من 3 مرات متعب : اتغلى عليتس حصه : تغلى بس مو علي انا متعب : اجل استئذن ههههههههههه حصه : هههههههههه الله معك ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،، بيونه البسي جاكيت من البرد ، بنروح الملاهي بيان الأرض مو شايلتها من الفرحه : بروح اقول روان وعمر تبتسم لها : طيب مو تتأخرين موضي بغرابه : وين بتروحون دانه : بنطلع الملاهي ، مثل كل عيد ،،،، وش الغريب موضي : بس متعب مكلم شاهر مايطلع مكان الا يقوله ، وماظني بيوافق تطلعون دانه بعصبيه : وشو ، بخطفهم انا ،، بنطلع نفرح البزران بالعيد ونرجع ومتعب من يكون اللي انتي حاسبتله حساب ماحسبتيه من قبل لا لأبوي ولا لعبدالعزيز موضي : مو وقته ، عشان نتشابك بالكلام ،،،، الرجال ماهو قليل شر ويحاسب على كل كبيره وصغيره خلينا نجيب قاصرها وخلي البزران هنا دانه مسكت معها عناد : انا بطلعهم ، وكان متعب له كلام عليتس لهالدرجه ،،،، ترى ماله حق يمنعني عن شي موضي : مانبي مشاكل يادانه بيان : ديونه ، انا لبست وعمر دانه : وروان ؟ بيان : روان ماتبي تروح دانه : يمه انا باخذهم ، وياليت تفهمين متعب انه ماله سلطه علي موضي بتوتر : عنيده ما ينقدر لتس تاخذ شنطتها : مو عنيده لكن ما اسمح لأي شخص يفرض قراراته علي ،،،،،،،،،،،،،،،،،،،،،،،،،،، مر اسبوع بعد العيد ، ،،، الروتين تغير وبرودة الجو بدت تقل دخل غرفته بعد الغداء وتعب الشغل يبي يرتاح ،،،، اقل من خمس دقايق وهو في سابع نومه فز من نومه على صوت الباب اللي انفتح فجأه ومن غير سابق انذار يحاول يشوف اللي دخل عليه : بسم الله ،،،،،، الله يستر وش فيكم ام خالد وأول مره ترفع صوتها على متعب : وش الخبر اللي سمعته متعب جالس بفراشه مو قادر يقوم من الخوف ، : وشو ام خالد : مسوي مو فاهم شي متعب : وشو ، ماني عارف اللي تقصدين ام خالد وصوتها في كل كلمه يرتفع اكثر : منهو لافي اللي حضرتك خطبت بنته من غير علمنا ارتخت اعصابه بعد ماتطمن ان ابوه وعمه وعياله مافيهم شي خذ دقايق وهو يفكر ،،،،،، و تذكر وجود شيماء فبيت عبدالعزيز وعرف ان موضي جابت العيد متعب يصطنع الاستغراب : من اللي يقوله ام خالد : ماعليك من اللي يقوله ، انا ابيك انت اللي تقوله متعب : الله يهديتس يمه ، ذا رجال جاني يبي ترخيص لبقالته وقلتله بمزح زوجني بنتك ، شكله صدق الخبل ام خالد : لا تكذب علي يامتعب ، الزواج مابه مزوح متعب : ذا اللي حصل ، ،، اجل معقوله بتزوج وانتم ماتعرفون؟ ام خالد : البنت اللي قالت انك خطبتها ، زميلة شيماء بالمدرسه وتعرفها عز المعرفه ، مستحيل بتكون تكذب متعب يحاول يقنعها : والرجال بيزوجني بنته من غير اهلي ؟ ام خالد : وليش لا ، منت صغير عشان ينخاف عليك ،،،، واسم ابوك بيخليك مطمع له ولغيره متعب : يمه ماني بزر عشان يضحكون علي الناس ،،،، ،،،، صدقيني فيه لخبطه بالموضوع ام خالد : لا تجنني ، لو ماقلتلي العلم الصحيح ، لأروح لبيت البنت واتأكد بنفسي متعب : يقوم لخالته ، يمه لو فيه شي بقولتس ، لاتفضحينا مع الناس ، انتي عارفه الخلق مالهم غير الكلام ام خالد : لو الخبر من غير ام ابراهيم كان صدقتك ، لكن ام ابراهيم وبناتها ملتزمات ولا يحبون الكلام بالناس ، والحرمه كان نيتها تبارك للخبر مو اكثر من كذا متعب : طيب انا اليوم اروح للافي بنفسي واتأكد ان كان قايل شي ولا كلام فاضي ام خالد : الليله تكون عندي وتقطع كلام الناس ، محنا ناقصين شماتة احد علينا متعب : وش له الشماته ام خالد : اجل فيه واحد له سمعته ومركزه ، يتزوج من غير علم اهله ، وش بيقولون الناس متعب : صدقيني مو صحيح ،، عموما الليله اكون عندتس ولاتزعلين يقرب منها ويحب راسها ام خالد تطلع بنفس غضبها اللي دخلت فيه بعد ماطلعت رمى نفسه على السرير وحط يده على عيونه من صدمة الموقف، حس كل نبضه من نبضاته ترجف من اللي قالته خالته ،،،، بعد نص ساعه حس انه هدء شوي وهو يقوم قال بصوت خافت : حسبي الله ونعم الوكيل فيتس ياموضي ، اشهد بالله منتي ملاقيه خيرمني ان صار كلام خالتي صحيح ،،،،،،،،،،،،،،،،،،،،،،،،، جالسه بجناحها الخاص ، تكمل ترتيبات نقل بعض الحاجات من شقتها القديمه خالد بملل: سكري النور ، بنام نوف : بسم الله ، ماحسيت بدخولك خالد : طيب ، الحين حسيتي ، سكري النور نوف اللي مقرره تعامل خالد باسلوب جاف ، عشان ينتبه لوجودها وانها مو راضيه عن تصرفاته سكرت النور وطلعت استغرب خالد " مو عادتها ،،، صارلها يومين ولا فكرت تكلمني او حتى تناقشني بالموضوع اللي صار" حاول ينام ، لكن باله مشغول ، متعود اهتمام نوف فيه ، وخصوصا انها ماتحب تشوفه زعلان من غير لا تسأله وتاخذ خاطره ، حتى لو كان هو الغلطان حس بصوت عبدالرحمن يبكي عند امه ، استغل الفرصه وراح له خالد : وش فيتس على الولد نوف بعدم اهتمام : يبي اقلام التلوين ، ومولاقيتهم مع الحاجات خالد : دحوم ، روح اخذ من شهد معها اقلام كثير عبدالرحمن ببكى : ماتعطيني شهد خالد : كلم ماما سلوى ، هي بتخليها تعطيك غصب عنها عبدالرحمن : ماما سلوى مو هنا ، ابي اقلامي خالد يشيله ، يحاول يهديه ، تعال انا بدور عليهم ، وان مالقيناهم بجيبلك احسن منهم عبدالرحمن انبسط وسكت نوف بينها وبين نفسها " غريبه ، جاي يسكت الولد ، وهو عادته يعصب علي وعليه ويتركنا" بعد وقت قصير ، جاء خالد ،،، يحاول يفتح اي موضوع مع نوف بعد يومين بسافر نوف وهي تمسح الزجاج : صحيح ؟؟ ترجع بالسلامه خالد : غريبه ، بالعاده تزعلين وتفتحين موضوع طويل عريض ، بخصوص السفر نوف تمثل اللا مبالاه : ههههه ذاك زمان ، اما ذالحين لا ، روح وين ماتروح ،، اهم شي دحومي واللي جاي بالطريق بين اهلهم تلتفت له بحقد : ماراح يحتاجون وجودك يقرب منها بهدوء : وانتي نوف : وش فيني انا خالد : ماتبيني ، اكون معتس تبتعد عنه : تعبنا من الموضوع ، وانت متمسك برايك وانا متمسكه برأيي ،، الأفضل كل واحد يعيش حياته على طبيعتها من غير لا يفرض نفسه على الثاني حس ان الاسلوب الجاف يخنقه ، خصوصا من نوف اللي عودته على ضعفها وحاجتها له وبكبرياء قرر انه مايعطيها اهتمام ، عشان لاتعرف ان الاسلوب ذا يضايقه وتستمر عليه ،،،،،،،،،،،،،،،،،،،،،،،، دخل البيت والغضب يجري معه مجرى الدم ، من غير مقدمات كلم الشغاله : نادي موضي بعد دقايق وصلت موضي وشافت الشر بعيونه : خير متعب : خير ؟؟؟ كيف يجي الخير علميني ؟ موضي تأكدت انه عرف الموضوع وبدى عليها التوتر متعب بغضب : ماعندتس شي بتقولينه لي ؟ موضي بخوف : لا وش بقول ؟ متعب : بتتكلمين ولا بتكلم انا نزلت روان على صوت متعب العالي ، تسمرت على آخر الدرجات ، ماقدرت تجيهم ولا قدرت ترجع التفتلها وبكل عصبيه : روحي لغرفتس من شدة الخوف جلست مكانها وصارت ترجف متعب : اقولتس روحي لغرفتس بدت تبكي ، ونزلت بيان وعمر والخوف على ملامحهم موضي : وش فيك ، خوفت الصغار ، طول بالك شوي يحاول يمسك غضبه قدر المستطاع ، سكت وجلس شوي : اعوذ بالله من الشيطان الرجيم الكل يرتقب نهاية صمت متعب منزل راسه يحاول يغطي غضبه الثاير : صرفي البزران موضي بخوف : وش له ، خلهم جالسين متعب : لاتخليني انفجر قدامهم موضي تروح لروان : قومي يمه اخذي اخوانتس وروحو العبوا بغرفتكم روان وعيونها كلها دموع : يمه انا خايفه موضي : وش له الخوف ، روحي بس متعب معصب شوي من الشغاله روان خذت اخوانها وراحت لغرفتهم التفتلها وهو فاقد اعصابه : المصيبه اللي خليتيني فيها طلعيني منها موضي : انت تقول تعذري بأي شي بس لحد يدري انك ولد عبدالعزيز متعب بعصبيه : وانتي ضاقت عليتس الاعذار يوم تقولين اني بتزوج بنتس موضي : مافي حل غير كذا ، وش تبيني اقولها ، البنت تقول ان قريبك بيتزوجها ،، يعني لو قلتلها انك من قرايبنا راح تعرف اني ماصدقت معها متعب : كان قلتي اي شي ,, مافكرتي فيني ،،،واهلي ، والناس ، وسمعتي موضي بخوف : حصل خير متعب يقوم باعصابه الثايره : كيف يعني حصل خير ، فهميني كيف موضي : قول للناس انك غيرت رايك وتركت البنت متعب : ليه شايفتني غبي ولا وشو ، اقلها بيقولون ليه وش جايبك لزوج امها ، لو فيه شي كان خلصت اموري مع ابوها موضي : اجل قول انك شفتها وماعجبتك متعب : عليتس تفكير يفتت الصخر ماشاء الله موضي عرفت انه يستهزء فيها : يمكن الموضوع يزيد عن حده وكل شي ينكشف ، لازم تعرف ان الناس بتتكلم عن سر علاقتك فينا يناظرها بمكر وكأنه فهم حيلتها : وش اللي بتوصلين له موضي بخنقه : مابي اوصل لشيء ، لاتفهمني غلط متعب : امممم خلصتي من عبدالعزيز ، وقلتي نلعب على ولده وتاخذون كم قرش من وراي موضي بغضب : دخلتك وطلعتك بتجيب الكلام وانت ماتبينا نقول انك ولد عبدالعزيز , اقلها لو جانا كلام بقول انك زوج بنتي ، وهو زواج على الورق منت متخسر شي ، لا مهر ولا تكاليف زواج ولا بيت على الاقل لو احد من اخوان عبدالعزيز يطالبنا بشي بيكون وقفتك لهم بعذر انك زوج اختهم ومعك توكيل رسمي اقتنع بكلامها ودخلت فيه الحيره : وخالتي ، كيف بتوافق ان عرفت ان البنت من طرف عبدالعزيز موضي : اخوانك بحاجتك ، وانت شايف الحال ، مالنا احد يوقف معنا غير الله اللي سخرك لنا متعب والفكره دخلت براسه : وبنتس وش ذنبها موضي : بنتي لو عرفت انها بتحل المشكله اللي نمر فيها ، ماراح تعارض بأي شي متعب بحيره : وابوها ، وش بيكون وضعه موضي : انت روحله حالك حال اي واحد بيخطب ، وان جاء وقت الزواج ،، بيكون وضعنا استقر وطلق البنت ولا كأن شي كان يلتفت لها بتحقير وهو عاقد حواجبه : وشو ، اطلقها بالسهوله ذي ،،، اي ام انتي ، ماتفكرين حتى باحساس بنتس موضي بقلة حيله : بتكون مطلقه ،اهون من الهم اللي حنا شايفينه بعد اقتناع تام : انا موافق ، لكن عندي شرط موضي : وشو متعب : البنت لازم تكون موافقه ، ولا تحاولين تضغطين عليها موضي : انا بكلمها ، وماراح يتم شي الا برأيها وهو يقوم : الموضوع ماني عارف آخر مداه ، لكذا لازم البنت توافق من غير ضغط ،، واهم شي انها تكون عارفه ان الموضوع على الورق وبس التفت لها : الله يسترنا من آخرتي معتس ،،،،،،،،،،،،،،،،،،،،،،، في بيت ام ابراهيم ، وهي جالسه تشرب قهوة العصريه ، وبجنبها شيماء تحضر الشرح لطالباتها ام ابراهيم : ام خالد كلمتني اليوم شيماء تسوي حالها مو مهتمه للموضوع ام ابراهيم : هاليومين بيجون يملكون ، بس اللي محيرني انها مستعجله على الزواج شيماء : ليه وش قالت ام ابراهيم : تقول خلال الشهرين الجايه بيكون الزواج ، هههههه حتى قلت لها البنت ما معها وقت تجهز للزواج ، لكن هي مصره انها تعجله شيماء ماعلقت على الموضوع ام ابراهيم : لكن لو الوقت مايناسبتس انا ماراح اوافقها بالوقت اللي تختاره شيماء بخجل : وقتها بنتكلم بالموضوع ام ابراهيم عارفه شخصية بنتها خجوله ولا حبت تحرجها |
،،،،،،،،،،،،،،،،،،،،، جلس يفكر بالموضوع اكثر من مره ، واستخار اكثر من مره " ذا الحين منين ببدأ ،،،،،،،، ابوي بقدر عليه ولافي بحطه بجيبي ، لكن خالتي كيف افهمها الموضوع بعد تفكير عميق قرر يصارح خالته بكل شي : هي بتعرف الحين ولا بعدين ،،،، اخليها تسمع مني احسن ولاانها تسمع من الناس دخل بيت خالته بهدوء،،،،،،،،،،، ، و جاته شهد طايره ، بتسلم عليه شالها وصار يلاعبها ويضحك معها نواف سلم على متعب : وشلونك متعب : بخير ، انت بشرنا عنك ، شلون المدرسه معك نواف ، لا تجيب طاريها يضيق صدري متعب : هههههه يا الفاشل ، اللي مثلك يشد حيله ، ذي آخر سنه نواف : انا لولا السياره اللي وعدني فيها ابوي ، كان ما المس الكتاب متعب : هههههههههههههه قايل لك فاشل شهد كل شوي تقاطعهم ، ماتبي متعب ينشغل عنها يمسك خدودها : وش تبين جننتيني شهد : بروح معك نلعب مع ساره ،،،، ( ساره خيل عند متعب صغيره ) متعب : حاضر ، من عيوني ، بس مو اليوم شهد زعلت : مابي بروح متعب : قلنا مو اليوم نواف : انا بروح باخذتس معي متعب : لا ،،، هي ماتبي غيري انا عارف هههههههههه شهد انبسطت على متعب اللي فاهمها فيصل سلم على متعب : امي تنتظرك بغرفتها بينه وبين نفسه " الله يستر " صار يتمشى هو ونواف يتكلمون ، لحدماوصل غرفة خالته ، ثم تفرقوا ،،،، دخل لخالته بعد ما استئذنها متعب : السلام عليكم ام خالد بعصبيه : وعليكم السلام جلس بقربها ومو عارف كيف يفتح الموضوع ام خالد : رحت للرجال ولالا متعب بكلام متقطع : يمه ،،،،،، انا ،،،،،،، مدري وش اقول ام خالد : وشو يامتعب ، تكلم لاتخليني على نار ، كان فيه شي بينك وبين البنت قوله متعب : يمه بصراحه ،،، البنت من طرف عبدالعزيز كان الخبر عليها مثل الصاعقه ، التفتت لمتعب ووجها مخطوف لونه : منهو عبدالعزيز متعب نزل راسه : ابوي ام خالد : انت وش تقول يحاول مايكون متوتر من عصبية خالته :هي بنت زوجته وقفت بغضب : انت اكيد صاير لمخك شي متعب : يمه خليني اوضح لتس اللي صاير حست الدنيا تدور فيها : ذي آخرها يامتعب ، ذي آخرها متعب : يمه اهدي شوي ، خليني اعرف اتكلم معتس ام خالد : وش اللي بتكلمني فيه ، وشو ،،،،، انت عارف عبدالعزيز وش سوى لك ولأمك ولنا كلنا ، جايني تقول بتزوج بنت زوجته متعب : طيب خليني اقولتس وشو له بتزوجها ام خالد : مابي اسمع شي ، اتركني وروح ماعاد فيني صبر اني اسمع منك شي يقرب منها ، يمسك يدها : يمه افهميني الله يخليتس ام خالد : وش افهم ، كل شي واضح ،،،، رحت تبي تاخذ حقوق امك وجيتني العاشق المغرم تبي تتزوج بنت زوجته يمه الله يهديتس ، وش اللي اسمعه ، البنت ما اعرفها ولاتعرفني ، كل مافي الموضوع انها بالصدفه طلعت زميلة شيماء وشافتني فبيت عبدالعزيز ولا كان في عذر غير انهم يقولون اني خطبت بنتهم ،،، ولا تبينهم يقولون ولد عبدالعزيز ام خالد : وانت وش مجلسك فبيته ، عمك قالي انك ترسل حاجاتهم ومصرفهم مع سواق الشركه وعلاقتكم من بعيد ارتبك من عذر عمه : ايه هو صادق لكن ، البنت شافتني عند باب البيت وكنت اكلم شغالة البيت ، يعني من غير كلام واضح اني قاصد بيت عبدالعزيز ام خالد : لا مستحيل ، مستحيل ، ما ابي اسمع شي متعب : مافي حل غير كذا ام خالد : جلست بانهيار يكلمها بهدوء : انتي عارفه ان الرجال مريض ، وعياله صغار ولالهم احد ام خالد : وانت ماكان لك احد ، لولا عبدالرحمن كان انت ولاشي ،،،، جاي الحين غير انك وقفت معه ومتخسر عليه تبي تتزوج بنت زوجته بعد متعب : يمه الله يطول لي بعمرتس ، ذا واجبي لأخواني ، ترى حالهم من حالي مالهم ذنب بأخطاء ابوهم ،،،،،،،، والبنت بتزوجها عن كلام الناس ، لاتفهمين شي ثاني وش تبينهم يقولون عني وانا كل شوي داخل عليهم وطلع منهم اقلها بيقولون ،،، منهو ذا ؟ ام خالد : زوجة عبدالعزيز تلعب عليك هي وبنتها ، انا متأكده من كذا متعب : انا اتفقت مع امها ، بتكون ملكه وبس ،، ماراح اتخسر شي ، لامهر ولا بيت ولاغيره واول ما اخلص التوكيل اللي بيني وبينه ، بطلق البنت وعلاقتي بتكون معهم من بعيد ام خالد : وش له اللي انت تسويه متعب : الرجال مريض ووضعه صعب ، لو صار له شي بيكون الوصي على عياله اي واحد من اخوانه ،،، وانا وصلني خبر ان علاقتهم ماديه وكلها مشاكل ولا ابي غير ان التوكيل باسمي ، لو صار ماصار ، اقدر اوقفهم عند حدهم ولا احد يقدر ياخذ منهم شي ولا يجبرهم على شي متعب : انتي يرضيتس كلام الناس ، وش بيقولون لدخلاتي وطلعاتي لبيته ،، ولو خليت الوضع كذا يمكن احد يضغط على زوجة عبدالعزيز وتقولهم اني ولده ووقتها بيكون تبرير الموقف صعب ام خالد بدت تقتنع متعب : انا ماراح اخطي خطوه الا برضاتس ام خالد بمكر : طيب والبنت متعب : البنت بطلقها وذا اتفاقي مع امها من الأول وهي ماعندها اي مانع يحاول يلطف الجو ،، ابتسم : ووقتها بجيتس تخطبيلي البنت اللي انتي تبينها ، وش رايتس ام خالد : خوفي انك تجاريني ،، و ان تم كل شي بتقول ماني مطلقها متعب : وش اللي تقولين يمه ، انا شرطي بالموضوع اني اطلقها على الملكه ،، لا بيصير زواج ولا بشوف البنت اصلا ام خالد بعد تفكير : سلمان ماراح يوافق متعب : عارف انه ماراح يوافق ، انا بفهمه اني بتزوج البنت ،، ووقتها بلقى اي عذر واقوله طلقتها ،،، لاتخافين ، مو صاير الا اللي تبين ام خالد : الله يعيني على اللي جاي متعب : مو جاي الا الخير الحين بخليتس ، ارتاحي وفكري بالموضوع ، وان قررتي كلميني عشان اكلم ابوي ام خالد : على خير قرب منها وحب راسها : يالله ،، فمان الله ام خالد : الله معك ،،،،،،،،،،،،،،،،،،،،،،،، بعد يومين من الازمه اللي شلت تفكير متعب دخل بكل صمت وهدوء حصه تناديه : متعب التفت لها وواضح عليه الضيقه : سمي حصه : عبدالرحمن كان هنا متعب : خير فيه شي تنزل راسها : كلم ابوك بموضوع وشكلهم ما اتفقوا مع بعض متعب : وش موضوعه ، وش فيه ابوي سكتت شوي : موضوع زواجك حاول قد مايقدر ان نظراته ما تواجه نظرات عمته ، صار مثل اللي بدوامه مو عارف يطلع منها متعب : طيب انا بدخل اكلمه حصه بخوف : هو اصلا ينتظرك ، ، لكن وش اللي صاير بينكم متعب يناظر عمته وهو ساكت حصه بخوف : ابوك مايتحمل زعل ،، الله يخليك سو اللي يبيه لو غصب عنك متعب يهدي عمته الخايفه : لاتخافين مو صاير غير اللي ابو متعب يبيه ارتاحت حصه شوي ، مع انها مو عارفه موضوع الزواج ولا عارفه البنت من تكون ، كل اللي تعرفه ان متعب بيتزوج وابوه رافض الموضوع متعب بانكسار يروح لأبوه ويحب راسه سلمان يجاول يكتم غضبه قدر المستطاع متعب : شلونك يبه سلمان وهو اول مره يقابل ويكلمه بهالشكل : انا ماطلبتك هنا عشان اقولك وشلوني متعب بدى يستغرب : وش اللي صاير ، وش فيكم علي ، كل ماشافني احد صار يلومني سلمان بغضب شديد وصوته المرتفع : انا ماربيتك وخليت لك مكانتك لجل تقابلني بالمهزله اللي تصير من وراي متعب يحاول يضبط اعصابه : اي مهزله وش صاير سلمان بصوت عالي : انت عارف انا وش اقصد سكت وجلس وهو مقرر ماقاطع ابوه ولا يثير اعصابه اسمع يامتعب ، انا لايمكن اتدخل باختيارك لشريكة حياتك مهما كانت الأسباب ، ولا يهمني من تكون بنته لكن اللي مايرضي رب العالمين ولا يرضيني ، انك تستر نفسك وراء بنت مالها ذنب بظروفك ، عشان تمنع نفسك عن كلام الناس متعب بغضب : وش تبيني اسوي يعني ، وكيف بفسر وجودي داخل بيت عبدالعزيز وترى خليتو الموضوع جريمه ، وهو ولا مستاهل كل اللي صار سلمان بتهديد : ابتعد عن عبدالعزيز ، ولا ابي اسمع انك معتب بابه وقف بغضب : مابي اسمع احد يقول ابتعد عنهم ، انا المسؤول عن اللي صار لعبدالعزيز وانا اللي اتحمل غلطتي سلمان وصوته ارتفع : الحين عرفت انها غلطه ، وينك وقتها يوم احاول اقنعك ماتسحب اسهمي من السوق متعب : كنت ابيه يخسر واقهره على اللي ضاع منه ،، ولا كنت حاسب حساب للي صارله وما عندي خبر ان الرجال معه ازمات بالقلب سلمان بثقله وشيبته وشخصيته اللي تفرض على الكل احترامه : انا تكلمت بوضوح ، واتمنى تعتبر كلامي امر ويلزمك التنفيذ متعب : وشو ؟، واخواني ،،،، بعد ماجهزت التوكيل بصعوبه ، تبيني اتركهم سلمان : اقولك اطلع من بيت عبدالعزيز سكت ولا له خاطر يزعل الرجال اللي انتشله من اللاشيء وخلاه شيء مهم بعصبيه يحاول يقطع صمت متعب : انت تحسب بنات الناس لعبه ، ماخفت الله باللي تفكر فيه يناظر ابوه وعيونه من الغضب صار لونها احمر ، ومن غير اي كلام كان منصت له باحترام سلمان : لو بغيت تملك مثل الناس ، انا موجود وكلي لك ، وانت عارف اني انتظر اللحظه اللي اخطبلك فيها على نار لكن لو حاولت تخدعني وتتزوج البنت لغرض غير انها تكون زوجه ، ماراح اسامحك ولا ربي بيسامحك ارتاح متعب شوي وعرف ان ابوه خوفه انهم يظلمون البنت وبس ، وهو كان معتقد انه رافضها رفض نهائي لأنها بنت زوجة عبدالعزيز يقرب من ابوه ويحب راسه : يعني انت مو رافض الزواج سلمان : ارفضه لو كان كلام عبدالرحمن صحيح ، اما لو انت تبي البنت وشاريها ، تأكد اني بكون اسعد واحد بالموضوع متعب بتصنع : انا ابيها ، وخالتي ماكانت بتوافق غير بالحيله اللي قلتها لها تهلل وجه سلمان بعد الغضب الشديد اللي كان على ملامحه ان كان الموضوع كذا ، حدد الوقت اللي تبيه واروح معك ونملك ، وكانها على خالتك ، بسيطه الوقت بيعلمها ان الزواج قسمه ونصيب ابتسم متعب لأبوه اللي كل يوم يكبر بعينه اولا لخوفه من الله حتى في ابسط الامور ، وثانيا انه يحاول يرضي متعب بأي شيء يتمناه : حاضر يالغالي ولا يهمك بفكر بالوقت المناسب وابلغك سلمان : الله يكتب اللي فيه خير ياولدي ،،،،،،،،،،،،،،،،،،،،،، في المطار خالد ينتظر رحلته ومتعب معه متعب : لا تلومني على اللي صار ، الموضوع صار كذا وانا مليت من الكلام فيه خالد : مو مهم ، ماراح الومك ولا بعاتبك على التصرف اللي صار ، لكن بقولك حاجه مهمه لا تظلم بنت الناس على حساب نفسك متعب : انا ماظلمت احد ، البنت موافقه واهلها موافقين ، ارجوك فكنا من الموضوع ،،، صار يضايقني ولا عندي اي استعداد اكثر الكلام فيه خالد : براحتك بعد وقت قصير ، يشرب قهوته : متى ترجع خالد : برجع على وقت ولادة نوف ، بحاول اكون معها اسبوع او اكثر خذ شنطته واستعد للرحله ، سلم على متعب بحراره وقاله : لاتزعل من كلامي معك متعب يبتسم : انت اخوي ياخالد ، مابينا زعل خالد : الله يعزك يالغالي ، ماوصيك على شهد ههههههه متعب : بعيوني ولا يهمك ،،، لو احتجت اي شي كلمني سلموا على بعض وكل واحد اتجه لطريقه ,,,,,,,,,,,,,,,,,,,,,, |
البارت الثامن عشر دانه ومنيره علاقتهم بدى يكتسيها التودد جالسات يفكرون بموضوع صالح ، وظلم لافي فيه دانه : كل اللي معي مايوصل 2000 ريال ، ماراح تغطي تكاليف زيارة الدكتور منيره : حسبي الله ونعم الوكيل فيه ، غرته الدنيا على مصلحة ولده دانه : الله بيفرجها ، انتي بس اصبري ومايصير الا الخير منيره : منين بتفرج وهو كل ماصار معه قرش قفل عليه ولا خلاه للبقاله اللي ماشفنا منها منفعه، غير له هو بنفسه دانه : مدري وش اقولتس ، لكن الله بيهديه ان شاء الله منيره بع تفكير : انا ببيع ذهبي دانه : عندتس ذهب منيره : ايه دانه : معقوله ، وابوي ما اخذه منتس منيره : مايدري عنه ، ولا كان ماخذه من زمان ،، لكن انا خليته لليوم الأسود دانه : الله بيعوضتس غيره ، لايضيق صدرتس عليه بعد صمت قليل دانه : خليني اشوفه هو يسوى ولالا منيره بغرور : ايه بالله يسوى ، ذا ذهبن طيب وارثته عن امي الله يرحمها ، ماهو من ذهب ذالحين المخلوط قومي قفلي الباب لا يجي لافي دانه : طيب تقوم تقفل الباب بحذر ، وتراقب منيره اتجهت لسريرها بكل هدوء وحذر ،،،،،، شالت الفراش اللي على سريرها ،،،،،،،،،،،،،،، ثم شالت خشبة السرير ،،،،،،،،،،،،،،، وطلعت صندوق قديم فيه قفل بعد مافتحت الصندوق ، طلعت منه صرّة مربوطه فيها صندوق ثاني دانه تراقب " احس انها بتطلع كنز" اخيرا وصلت للصندوق ودانه عيونها ماغابت عنها وبكل انتباه وبدون اي صوت ترتقب تصرفاتها فتحت الصندوق وطلعت اسواره دانه تراقب الصندوق ، تنتظرها تطلع باقي الذهب ، ،،،، لكن منيره خلت الصندوق على السرير ومامعها الا الاسواره دانه وش ذا منيره : ذهبي دانه تناظر الصندوق : في غيره منيره : لا بس هو دانه انتي لتس ساعه تحوسين آخرها بس ذي منيره اللي تشوف الدنيا كلها بهالأسواره ولاترضى احد يهين اسوارتها: ذي تسوى آلاف دانه تحط يدها على فمها و تضحك بهدوء : المفروض بيطلعلنا احد يقول شبيك لبيك على اللي سويتيه بالصندوق منيره بأسى : ليه ، ماتجيب لنا شي دانه : وش تجيب الله يهديتس ، ذي ما لها وزن ، " وبمزح" الصناديق اللي كانت فيهم الاسواره بتجيب اكثر من ثمنها منيره فقدت الأمل وبمزح قالت : اجل بهديها لهيا لي تزوجت دانه : هههههه ان شالله ،،، لاتشغلين بالتس الله بيسرها بصوته اللي يهز اركان بيتهم الصغير : دانـــــه دانه بفزع : وش فيه شكله معصب من شي منيره : ذا لافي من عرفته ، لي دعا له احد تقولين بيجلده دانه بابتسامه : بشوفه وارجع قربت منه بضعف وخوف : سم يبه لافي يناظرها بدقه : قدام للمجلس ، ابيتس بحاجه مشت معه وهي خايفه وعارفه ان ابوها ناوي نيه جلست وهي تنتظر اللي بيقوله بكل خوف لافي : اليوم جاني رجال ، يخطب ،،،،،،،،،،،،، دانه باستغراب : من يخطب لافي : يخطبس انتي ، اجل من بيخطب دانه : الموضوع تكلمنا فيه قبل كذا وانت عارف رايي بالزواج لافي : رايتس ذا هو اللي قطع نصيبتس دانه : اجل تبيني اغش الناس لافي : الرجال ، ماينرد ، ولو قلتله عن وضعتس بيتركتس مثل غيره دانه : ارجوك يبه ، انا اوافقك بكل شي تبيه الا اني اغش احد فيني اسمعيني زين ترى الرجال له افضال علي ولا يقصر ، ولا لي نيه ارده ،،، والحمدلله من يوم طلعلي ترخيص البقاله ربي منعم علي صعقها اللي سمعته من ابوها " متعب " مستحيل ، محد طلع لأبوي الترخيص غيره صارت تناظر ابوها بخوف اكثر من انه صدمه ،،،، تملكها احساس ان الموضوع خطه وهي بتكون الطعم لافي : وش بتس تناظريني ماكنتس قد شفتيني انتبهت ان نظراتها طالت ونزلت راسها بسرعه لافي :الرجال معروف وينطمع بقربه ، و انا عطيته كلمه تحاول تسمع ابوها وش يقول لكن صدمتها مخليتها موحاسه بأي شي لافي : الرجال بيعوّد عقب ليلتين ، يجيب اهله ويملكون تحاول تكلم ،،،،،،،،، ، تحس ريقها نشف ،،، ودمها نشف ،،،، : منهو الرجال لافي : يقاله متعب سلمان الـــ، رجال ينشرى وعلومه طيبه ولا قدطلبته في حاجه وردني دانه معقده حواجبها والضيقه خذت منها عنوان : وش عرفك فيه لافي باستغراب : وش اللي وش عرفني فيه ، وش عليتس انتي من علوم الرجال بخوف : وليه بيتزوجني ،،، قصدي وش اللي جابره ياخذني انا بالذات لافي : الزواج نصيب ، والرجال لا له ام ولا خوات عشان يشوفون له زوجه ، وهو جاني بنفسه وشارييتس وحتى يوم كلمته بموضوع مدرستس ، ماقصر وتزهل بالموضوع تناظر بالأرض والغضب يخنقها ، تأكدت انها فعلاً مؤامره وانها بتكون الضحيه ، واللي عصر قلبها اكثر ، ان امها اللي دبرت الحيله بينها وبين نفسها " طيب يايمه ، انا بخلي حدود لقراراتس فيني " لافي : انا اقول علمي امتس ، ولاتنسين اني وافقت وخلصت قامت بثقل : ان شاء الله ، وطلعت لغرفة خواتها وهي في توعد لأمها على تصرفها من غير علمها بالموضوع ،،،،،،،،،،،،،،،،،،،،،،،،،،،،،،،،،، بعد يومين خذت حاجاتها ، بتجلس فبيت امها الى نهاية العام الدراسي ، خصوصا بعد مابلغتها شيماء عن القرار اللي وصل المدرسه بخصوص رجوع دانه دخلت بيت امها بضيقه ، لقت اخوانها يشوفون التلفزيون ،، سلمت عليهم بشكل سريع ، واتجهت لأمها بغرفتها بدون مقدمات : ممكن اعرف آخرتها استغربت حضور دانه بالطريقه ذي : منتي مسلمه علي تسلم على امها بكره : لي متى وانتي تخيطين وانا البس ؟؟؟ موضي : انتي عارفه ظروفنا ، والرجال جزاه الله خير وافق يتزوجتس ، عشان يقطع كلام الناس عنا ويكون مع اخوانه بظروفهم الصعبه دانه باستهزاء :الله يجزاه خير ويكثر من امثاله ، لكن انا ، ممكن اعرف وش ذنبي انتي شايفه بعينتس اخوان عبدالعزيز ومشاكلهم على حلالهم اللي يطالبونه فيه ،،، وش تبينا نسوي لي طلعونا من بيتنا وباعوه تحاول تقنعها : ولا تنسين شيماء ، وزميلاتس بالمدرسه ،وش بيكون ردتس لهم وهم ينتظرون خبر ملكتس بدت عيونها تمتلي بالدموع : وش آخر الملكه ؟ بيتزوجني ولا بنملك لحد ماعمر يكبر ويتصرف بتس وبخواته موضي : مثل ما انتي عارفه التوكيل يبيله وقت ، وان خلص ان شاء الله بيطلقتس ، من غير زواج بكت بحرقه : والناس اللي خايفه من كلامهم الحين ، منتي خايفه من كلامهم وبنتس مطلقه على الملكه ، وش بيقولون عني ، خافي الله فيني عمرتس ما حسستيني انتس امي ، ،،،،، حملتيني غلطة طلاقتس من ابوي ،،،،،، وتحملتيني مشاكتس مع منيره ،،،،،،،،،،،، والحين بتحمليني غلطة عبدالعزيز وولده حرام عليتس ، كافي ، ماعاد فيني اشيل ظروفي وظروف غيري موضي تجلس بقلة حيله ودموعها تنزل بغزاره بخنقه : هو قالي انه كلم ابوتس ووافق ، والرجال الله يجزاه خير قال انه ما راح يملك الا بموافقتس انتي دانه : قوليله ماوافقت موضي : الرجال يبي مصلحتنا ، والدليل انه وقف بوجه خالته يوم رفضت تزوجه من طرف عبدالعزيز تلتفت لأمها : يبي مصلحة نفسه و اخوانه ، مو مصلحتنا كلنا موضي : مصلحة اخوانتس ومصلحتنا وحده دانه : لا ، انتي اللي مصلحتس ومصلحة اخواني وحده ، لكن انا الأداه اللي بتستعملونها لغرضكم ،، وان خلصتم مني بترموني على جنب موضي استسلمت لقرار بنتها : اليوم بكلمه انتس رفضتي الموضوع وما كنه شي صار تناظر امها وهي تبكي : اتمنى بالمشاكل الجايه تتركيني بحالي ، ولا تعتبريني حل لكم موضي ساكته ودموعها بعينها من غلب الموقف وقلة حيلتها : خلاص ارتاحي وانا بكلمه بكل شي بعد المغرب ، بنفس اليوم ، طلبت متعب على الجوال انا مو على كيفتس انتي وياها ، مره تقنعيني اتزوجها ومره تقنعيني اتركها ،، انا واجهت صعوبه على مااقنعت اهلي ، والحين بكل بساطه تقولين بنتي ماتبي موضي نفسيتها بدت تنهار ، انا خلصت من كل شي ، اخذ اخوانك وحل امورهم بعيد عني خلاص ماعدت اعرف افكر بمن واترك من كلمها بعصبيه : لافي عطاني كلمه و نهاية الاسبوع بروح املك ، ان وافقت البنت وان ماوافقت موضي حست انها حرب جديده بينها وبين بنتها متعب : انتي اللي تكلمتي وخليتيني بموقف صعب ، تحملي النتيجه وكلمي البنت مره ثانيه ، ،،،،، لتس مني اسبوع لحد ما اخلص الموافقه الرسميه من دوامي ،، وبعد كذا بيتم كل شي حتى لو ما اقتنعت البنت http://cdn5.tribalfusion.com/media/37536.gif |
،،،،،،،،،،،،،،،،،،،،،،،،،،،،،،،، عبدالرحمن : كلمي حصه تجي ، ماراح نملك الا بوجودها سلوى : كلمتها ، بتكون هنا اليومين الجايه عبدالرحمن : وينه عريسنا ، ماعاد يشاف ام خالد تبتسم : الله يعين شيماء عليه ، بيتركها ويقابل الطيور عبدالرحمن : هههههه باتسر بتعلمه يترك الطيور ويقابلها بعد نص ساعه والكلام يجر بعض ام خالد : وش صار بموضوع متعب عبدالرحمن : كلمنا سلمان ، ماكان بيوافق لولا متعب قاله انه يبي البنت ام خالد : قلبي ناغزني ، احس متعب يلعب علي وبيتزوج البنت بعد الملكه عبدالرحمن : ان تزوجها ، خير وبركه ، على سنة الله ورسوله ام خالد بغضب : وشو ؟؟؟ يتزوج بنت زوجة عبدالعزيز ، اللي قهرني انا واختي طول عمرنا عبدالرحمن يتهرب من عصبية سلوى : يابنت الحلال امزح معتس ، هو اصلا مايبيها ولا فكر حتى يتزوج ارتاحت ام خالد : متى بيملك ابو خالد : هاليومين ان شاء الله ، بنخلص من نايف وعقب نشوف متعب بخلي عشاهم بيوم واحد ام خالد : الله يوفق نايف ، ويفك متعب من هالبليه وافرح فيه بالبنت اللي تستاهله ،،،،،،،،،،،،،،،،،،،،،،،،،،،،،،، مرت خمس ايام ، وموضي يوميا تكلم دانه عن اوضاعم السيئه ، وانها راح تسوي فيهم معروف لو وافقت دخلت عليها للمره الأخيره وهي بفراشها بتنام موضي : مانمتي دانه بكسل : كنت بنام موضي : وش عندتس بتنامين بدري دانه : شيماء قالتلي انه وصلهم تقرير عني وبداوم باتسر موضي : كنت بقولتس ،،، تحط الظرف على الكوميدينو ،،، ذي اوراقتس ، خوذيها معتس ،، جابها متعب دانه : اشوف متعب مهتم للموضوع موضي : ابوتس مكلمه عليتس ، وهو ماقصر كلم ناس واهتموا بالموضوع غرقت بالتفكير ، مره تفكر بأبوها ومصالحه اللي يبيها منها ، ومره تفكر بأمها واستغلالها لبنتها والسبب خوفها ان متعب يتركهم بمصيبتهم ويتبهذلون مغمضه عيونها وهي على فراشها : قلتيله اني رفضت موضي : ايه دانه بلامبالاه : ياليت يبتعد عن ابوي ، قربه منه ماراح ينفع موضي خايفه لاتقولها عن قرار متعب وفكرت تشوف ردت فعل بنتها قالت بتردد : ابوتس عطاه كلمه ، وخوفي يرجع له ويتم كل شي وانا مدري فزت من مكانها : فهميه لا يرجع لأبوي دام انه عرف رفضي ، وبكذا ماراح يتم شي موضي : لكن الرجال كلم اهله ، والحين صعبه يرجع يقولهم ماراح اتزوج بعصبيتها اللي اعتادتها مع امها : مالي دخل باهله ، محد قالكم تتخذون قرارات تخصني ومن غير علمي موضي : ان شالله ان شالله ،،، انتي بس ارتاحي لتس وقت وانتي حالتس مايسر احد دانه بغضب : اكيد حالي ماراح يسر احد وانتي وراي موضي بحزن: ياميمتس انتي كبيره بتعرفين تشوفين امورتس ،، لكن اخوانتس صغار يبيلهم رجال يشوف امورهم مابيدي شي ربي شاهد اني عارفه انها ذنوبي اللي خلتنا كذا استمرت موضي بنفس كلامها اليومي لدانه ، وبعد اكثر من ساعه قررت دانه توافق بعد الحاح امها المستمر حست انها قست على امها ، وانها الشخص الوحيد اللي ممكن تساعدهم بأزمتهم دانه : طيب ، بوافق لكن بشرط موضي بفرح : اللي تبينه يجيتس دانه : دام الرجال بيطلقني على الورق ، ما ابيه يعرف اي شي عن ظروفي الصحيه موضي : ولا يهمتس مو بعارف شي ، واكيد لافي ماراح يقول شي الا ان طلبتي منه ضمت بنتها : الله يسعدتس يابنتي ويقدرني افرحتس مثل مافرحتيني بخلاص الهم اللي على قلبي و راحت باستعجال بتزف الخبر لمتعب جلست دانه وهي تتكبد القهر على حالها المر ،،،،،،،،،،،،،،،،،،،،،،،،،،،،،،، ثاني يوم : استعدت للمدرسه وهي غايبه عنهم اكثر من شهرين دخلت عليهم وكانت مفاجأه للبنات وكلهم بصوت واحد : دانه ، حمدالله على السلامه قاموا يسلمون عليها بحراره ، ويسألون عن سبب غيابها المفاجئ دانه بابتسامه : حصلت ظروف بالبيت منعتني نوره : وصلنا خبر عن عبدالعزيز ، مأجورين ان شاء الله عبير : الله يشفيه ، والله حزنا عليه مسكين بعد ماتكلمو بمواضيع مختلفه ، اللي تقول نحفانه ، واللي تقول ، تغيرتي كثير ،،، ومن هالأحاديث الخفيفه شيماء ابتسمت لدانه : بنات بقولكم خبر حلو البنات بفضول : وشو دانه كساها الخجل رغم معرفتها بحقيقة الوضع شيماء : انا ودانه بنكون فبيت واحد نوره : لغز ولا وشو ههههههههه شيماء : هههههههههه ياذكيه ، بتتزوج ولد عم وخالة زوجي ، وبنكون فبيت واحد البنات بفرح : مبروووووك ، من جد فرحتينا ، تستاهلي كل خير صارت دانه حديث المعلمات في كل اقسام المدرسه الكل يباركلها ، ومبسوط بالخبر ويتمنون لها السعاده ، واضطرت انها تبادلهم احساس الفرح ،،،،،،،،،،،،،،،،،،،،،،،،،،،، وهو جالس على مكتبه بكل وقار ابتسم لصوت دقات الباب وهو عارف ان متعب اللي ورى الباب دخل متعب وبابتسامه غير كل مره (كانت شبه تمثيليه حتى ابوه مايشك بالوضع ) عطاه تحيه عسكريه اللي عود ابوه عليها اذا بيبشره بخبر يسعده ، سلمان يبتسم وفجاه ضحك وهو يحس دخلت متعب غير عن كل مره توجهله وهو يضمه بحنان الأبوه سلمان : اليوم قلبي يقول انك بتفرحني بخبر متعب بابتسامه جذابه : اليوم بنروح نملك سلمان اللي حس ان العبره خنقته وحس انه فعلا ابو متعب ضمه بفرح وحنان ابشر ياولدي بس خلنا نخطب اول ههههههههههه متعب بأبتسامه : انا كلمت الرجال وهو موافق واليوم بنملك سلمان بمزح : هي البنت اللي قلتها ولا غيرها هههههههه متعب بابتسامه : ايه بنت لافي سلمان : ههههههههه القلب ومايهوى ، مصر انك تاخذها رغم رفض خالتك " اللي مخلي متعب متطمن للموضوع ومرتاح ،،، هو معرفته ان البنت وافقت بقناعه وبكذا مايكون ظلمها معه ،،،،،،،،،،،،،،،،،،،،،،،،،،،،،،،،،،،، في بيت ابو صالح سمعوا طق الباب وكل وحده تقول للثانيه انتي قومي افتحي فتحت نوره الباب بستايلها المقزز وكشتها الطايره متعب ناظرها بقرف وين ابوتس نوره بلقافه : يبه يبه رجال يبيك سلمان بوقاره وهدوءه ابتسم لمتعب وقال الصغار فيهم براءه مهما كان شكلهم متعب بابتسامه نص كم يجاري فيها ابوه اييييه اكيد خاصه البنت ذي براءتها ما مرت علي طول عمري ههههههههه ابو صالح هلا يالله حيهم يالله حيهم اقلط اقلط دخل سلمان وابو خالد ومتعب ،،،، ضيفهم ابو صالح بالمجلس قام بصوت عالي القهوه ياولد دقايق والقهوه واصله وهو يقهوي سلمان ومتعب والكشره من الأذن للأذن متعب بينه وبين نفسه " مو منك كل هالكشره من الفلوس اللي جمعتها مني ابو صالح وهو يناظرهم يالله حيهم وش الساعه المباركه سلمان بكل هدوؤ : والله يا بو صالح يشرفنا انا نناسبكم وحنا جايين نبي القرب لولدنا من بناتك الكريمات بعد ماتم الكلام بخصوص الملكه والامور اللي بينهم واتفق معهم لافي على شروط عاداتهم وتقاليدهم ان زوجها مايشوفها الا وقت الزواج ، والملكه تقتصر على الرجال فقط وافق ابو متعب وابو خالد ، احتراما لعاداتهم وتقاليدهم لافي ببلاهته المعتاده : في مهر ولا على وقت الزواج بترسلونه متعب مخنوق من الضحك :هههههههه اكييييييييييييييييييد افا عليك اللي تبيه لك ، قبل الزواج بوقت بأجيب المهر انا بنفسي لافي رجعت كشرته المعهوده وقال تم ، والله يكتب اللي فيه النصيب بعد ماملك سلم على لافي وقام بيسلم على ابوه ، سلمان ماقدر يمنع دمعه نزلت غصب عنه متعب يضم ابوه وبينه وبين نفسه حس بضيقه " والله ماتستاهل اني اخدعك بموضوع زواجي سلمان : الله يبلغني الوقت اللي اشوف عيالك متعب : لك طولة العمر وتشوفهم وانت بعافيتك عبدالرحمن يسلم على متعب ويباركله : الف مبروك ياولدي متعب : الله يبارك فيك ،،، اتفقوا مع لافي انهم بيرجعون بوقت ثاني يناقشون فيه ترتيبات الزواج وتوجهوا لسيارتهم والكل مبسوط لسلمان اللي كان اسعد واحد بالموضوع اتمنى البارت يعجبكم |
البارت التاسع عشر مر اسبوعين على ملكة نايف ومتعب ،،،،، حصه لها يومين عند ام خالد ، تساعدها بترتيبات العشاء الخاص بملكة نايف ومتعب نوف تكلم خالتها : خالتي ماشفنا زوجة متعب ؟ ام خالد تخفي توترها بحكم سرية الموضوع : كيف ماشفناها ؟ الا شفناها ، ماتتذكرين اللي طلبتنا بمدرسة شهد نوف : اييييييييييييييه ، الدنيا صغيره ، ما كانت عارفه انتس بتكونين ام زوجها ام خالد بتصنع : ههههههه صدقتي محد يعرف وش مكتوب له نوف : الله يوفقهم يارب ، ومتى الزواج ام خالد ، زواج نايف بيكون نهاية الأجازه ،اما زواج متعب مافكرت فيه ، هو يقول اجلوا الموضوع نوف : ليه يأجله ؟ عمره راح وهو ماتزوج ،،،،،،،،،، خليهم بيوم واحد ، بيكون زواجهم مميز ام خالد : وقتها بفكر ، واكلم متعب بالموضوع دخلت عليهم حصه : صحيح انا ماشفت زوجة متعب ام خالد : ههههههه صح النوم حصه : ههههههههههه من جد ماشفتها ، وش رايتس نزورهم ام خالد : بتشوفونها يوم الزواج ، البنت اهلها عاداتهم غير عنا ولا يحبون الزيارات اللي كذا حصه : وشو ؟؟، البنت صارت بنتنا ومن حقنا نزورها بغض النظر عن عاداتهم ، وش الغلط بكذا ام خالد بنرفزه : خلاص كلمي متعب وروحي معه حصه : وانتي ونوف ؟ نوف : صح خالتي لازم نزورها ونسلم عليها وعلى اهلها ام خالد : انا شفتها وخلاص ، وانتو سوو اللي تبونه قامت ام خالد وتركت حصه ونوف بحيره من تصرفها وعدم اهتمامها لزواج متعب ،،،،،،،،،،،،،،،،،،،،،،،،،،،،،، على رجعتها من المدرسه حست بحركه غريبه بالبيت ، اتجهت لمصدر الصوت موضي : كلمي شاهر يجي دانه : وش فيه موضي : شكلها ازمة القلب رجعتله ، كلمي شاهر بسرعه دانه مستعجله : طيب طيب دخل شاهر يحاول يشل عبدالعزيز للسياره ، لكن وضعه مايسمح موضي بقلق تكلم متعب على الجوال وتستعجل حضوره ،،،،،،،،،،،،،،،،،، و دانه تحاول تهدي اخوانها من خوفهم على ابوهم بعد ربع ساعه وصل متعب ، وبشكل سريع شال عبدالعزيز هو وشاهر ودخلوه السياره خذت عباتها بسرعه وطلعت معهم متعب : وين طالعه ، خليتس مع الصغار موضي بخوف : ماراح ارتاح لين اتطمن عليه متعب : لاتشغليني ، انا معه خلاص موضي : خلني اتطمن عليه متعب بغضب : اقول خليتس مع الصغار ، لاتتركينهم بلحالهم جلست موضي بمكانها وهي بقمة خوفها دانه تستغرب انصياع امها لأوامر متعب ، وهي من عادتها تحب القياديه على الكل ، ولا تسمح لأي مخلوق انه يمشي رايه عليها ردت على جوالها بسرعه بعد ماعرفت انه متعب متعب : الحمدلله وضعه استقر ، ماعليه الا العافيه ، بيراقبون حالته كم يوم وان شاء الله بيتحسن اكثر موضي رجعت روحها : اقدر اشوفه متعب مقدر حالتها النفسيه : صدقيني مافيه شي ، خليتس مع الصغار موضي بلهفه : الصغار معهم اختهم ، ماعليهم خوف ،،،، بجي مع شاهر متعب : انا باخذتس له الصبح ، بيكون وضعه تحسن اكثر بدت شهقاتها تطلع متعب : لو فيه شي بقولتس ، لاتخافين عليه ، بجلس معه للصبح سكتت موضي وتقبلت الوضع اليوم الثاني بوقت مبكر دخل البيت بتعب وكسل ، الكل عينه عليه يحاولون يلتمسون بشارات الخير من نظراته عيونه حمراء ووجهه ذبلان دليل التعب وقلة النوم ،،،، نزل مفاتيحه وجواله على الكرسي وجلس بكسل ابتسم لعمر وفتح له ذراعه ،،،،،،،،، جاه بكل خوف وجلس بحضنه موضي : وش يقول الدكتور متعب : انسداد بالصمام ، يحتاج عمليه بسيطه لكن ينتظرون وضعه يستقر اكثر ويرتاح موضي : يعني بيتحسن يحاول يطمنها : ان شاء الله ، بيتحسن ، ولو حالته استدعت اني اعالجه برا ، ان شاء الله ماراح يجي مني قصور ، اهم شي لاتخوفين الصغار عليه موضي تبكي : الله يشفيه متعب : ان شاء الله بيكون بأحسن حال ،،،،، يعطيها المفتاح ، خلي الشغاله توصله لشاهر عشان يوصلهم مدارسهم يتلفت بالمكان : وينهم ؟ ما اشوفهمجاهزين للمدرسه موضي : لا مو رايحين اليوم متعب باستنكار : ليه وش اللي يمنعهم موضي : روان وبيان مانامو كويس ، بخليهم يجلسون اليوم يقوم بيطلع لبيته عشان يتجهز للدوام قالها بتردد : بنتس بتطلع المدرسه ولالا موضي : ايوه ، الحين بتكون جاهزه متعب : من بيوصلها موضي : شاهر بيوصلها وهو ماشي : خليتس معها ، لاتتركينها مع السواق بلحالها موضي بغيض من اوامره المستمره : طيب ، بكون معها ،،،،،،،،،،،،،،،،،،،،،،،،،،، بعد العصر موضي مبسوطه لأن الدكتور سمح لعبدالعزيز بالأكل ، وصارت تجهز له الشوربه والحاجات اللي يحبها موضي : روان ، يالله اجهزي انتي وعمر روان طايره من الفرحه : ان شاء الله يمه دانه بغرفتها لبست تنوره بيضاء وبلوزه ماسكه على الجسم بأكمام طويله ، الوانها فاتحه ، بين الوردي والأصفر رتبت شعرها بشكل انيق ، تزينت بمكياج بسيط يناسب ملامحها وقلوس وردي بعد ماخلصت ، رتبت شعر بيان ولبستها برمودا بني فيه نقوش ورديه وبدي ربع كم وردي وصندل بني دانه بتحذير : بيونه لاتكلمين احد عن متعب بيان : لا ما اكلمهم دانه : طيب وان نسيتي وقلتيلهم بيان تأشر بالنفي : ما انسى دانه تبتسم لها وتحبها : شطوره حبيبتي خذت شنطتها ولبست عباتها وغطاها ونزلت لأمها ، ،،،، موضي : روحو ذلحين قبل متعب يجي دانه تضحك من قلبها : ههههههههههههههههههههه موضي : وش اللي يضحك دانه : ههههههههه لي زمان ماضحكت كذا موضي ابتسمت : طيب ضحكيني معتس دانه تحاول تكتم ضحكتها ، اضحك على خوفتس من متعب ، محد عرف لتس غيره موضي ارتبكت : اقول روحي بس دانه : ههههههه ، يالله بيونه موضي : لا تتأخرون دانه تلتفت بمرح : خايفه علينا ولا من متعب ابتسمت موضي على نفسية بنتها اللي تحسنت وبدت ترجع ضحكاتها مثل اول ،،،،،،،،،،،،،،،،،،،،،،،،،،،،،،، عمر : ماما متعب جاء موضي تغطت بسرعه وخذت الحاجات اللي جهزتها وطلعت لمتعب ومعها روان وعمر بالسياره يناظر المرايه بيشوف الموجودين : ما اشوف بيان موضي نشف دمها من الخوف : مو رايحه استغرب : وليه مو رايحه ؟ ماتبي تشوف ابوها موضي : ان تلاقت هي وعمر بيسببون ازعاج ، بخليها تزوره وقت ثاني متعب : البنات لاتتركينهم بالبيت بلحالهم ، انزلي هاتيهم ولا اجلسي معهم روان بلقافه : اصلا هم مو هنا راحوا لبيت شيماء متعب : بيت شيماء ؟ مع من موضي انخنقت وحست انها تتمنى تكسر راس روان : كلمت شاهر يوصلهم ويرجع بسرعه متعب : كم مره نبهت على شاهر مايحرك السياره الا يقولي وين طالع شكلي بشوف سواق غيره موضي بدت تتوتر : انا اللي جبرته ، هو مسكين ماكان بيوصلهم متعب بدى صوته يرتفع : وانتي ماتعرفين تحكمين بنتس وتمنعينها موضي بهدوء : زميلتها عزمتها ، واضطريت اوافق متعب : بنتس يبيلها عقال يكسر ظهرها ، هي عارفه موقفي من السواق ، وشو له العناد شغل السياره واتجهوا للمستشفى ، وقلبه منقبض من تصرفات دانه ،،،،،،،،،،،،،،،،،،،،،،،،،،،،،، بالأستراحه ، جالس مع خوياه ، باله مشغول ومقهور من شاهر اللي خالف اوامره وليد كان جالس بقرب متعب : وين وصلت انتبهله وابتسم بشكل سريع يحاول يغير تفكير وليد : افكر اغير سيارتي ، ،،،،،،، محتار مدري وش آخذ دخلو بمواضيع السيارات والمعارض ، ومتعب ياخذ ويعطي معه بملل وليد يضحك بشكل مفاجئ : هههههههههههههههههههه من اللي ضحك عليك وقالك ان موضوع السياره دخل مزاجي حس انه ارتبك : انا بمشي ، عندي شغل وليد مستمر بالضحك : اوكي ، بسامحك اليوم ، لكن باتسر بعرف منك وش اللي ماخذ عقلك خذ مفاتيحه من الأرض وهو يقوم قال لوليد : بغير سيارتي عشان تصدق وليد : هههههههههه خلاص صدقتك لاتغيرها ودعه بابتسامه وكأنه يقوله ، اللي فبالك صحيح ،،،،،،،،،،،،،،،،،،،،،،، |
بعد ماسلمت على ام ابراهيم وجلست معها شوي ، خذتها شيماء لغرفتها حتى ياخذون راحتهم
دانه شالت عبايتها وغطاها شيماء تناظر دانه بإنبهار : ماشاءالله ، تغيرتي وصرتي احلى من اول دانه تبتسم بخجل شيماء تغمز لدانه : لو متعب شافتس بيستعجل الزواج تلخبطت من سيرة متعب ، وهي بتناقض بين الحقد اللي تكنه له وبين الخجل من كلام شيماء شيماء : هههههههههههههههه خليتس دوم خجلانه ، شكلتس احلى كذا تطلع لسانها بمزح : انا حلوه بكل حالاتي شيماء : ههههههههههه ومن اللي قال غير كذا تبادلو الاحاديث ومنها تخطيط شيماء لتجهيزات الزواج وغيرها ،،، تناظر ساعتها : سرقنا الوقت ، انا لازم ارجع البيت شيماء : بدري ؟ ليش مستعجله ، ما تعشينا دانه : خليها وقت ثاني ، امي محتاجه السواق وقالتلي لا اتأخر شيماء بأسى : طيب ماراح اعتبرها زياره ، المره الجايه بتتعشين معي تبتسم : ان شاء الله ،،،،،،،،،،،،،،،،،،،،، بعد صلاة العشاء ، استئذنه شاهر بأنه يروح لدانه فبيت شيماء ، خصوصا بعد ما متعب هزأه وهدده بالعقاب ، لو راح مكان من غير لا يستئذنه استغل عدم وجود موضي وجلس ينتظرهم بحديقة البيت دخلت ومعها بيان ، ماتوقعت وجود متعب بحديقة البيت ،،،،،،،،،،،، حاولت تدخل بسرعه متعب بهدوء : وين كنتي كملت طريقها تتحاشى الكلام معه ارتفع صوته : ان كلمتس توقفين وتكلميني التفتت له : نعم ممكن اعرف وين كنتي دانه بثقه : ممكن اعرف من حضرتك عشان تسألني ماعجبه اسلوبها ، خصوصا انه ماتعود احديكلمه بطريقتها السواق مايطلع مشوار غير المدارس والكلام ذا عدته اكثر من مره ، واعتقد انتس سمعتي رايي بالموضوع دانه : ممكن اعرف السبب متعب : مطلوب منتس تنفذين الأمر ، من غير لاتعرفين الاسباب دانه بملل : و الأمر ذا ، لي انا ؟؟؟ متعب : لتس ولغيرتس دانه : امرك على زوجة ابوك واخوانك رفع حواجبه مستغرب جرأتها بالرد عليه : وعليتس بعد بيان تحاول تتخبى وراء دانه من الخوف اللي تعودوه من متعب ، بالفتره الأخيره دانه : لايكون صدقت انك زوجي انقهر من اسلوبها وبيحسسها بعدم اهتمامه لها : انا مسؤول عن اللي بالبيت ، وانتي منهم وعشان ترتاحين ما تهمني طلعاتس من البيت ، ولايهمني المكان اللي تكونين فيه ،،،،، اللي يهمني السواق يكون هنا ولا يتحرك الا بموافقتي دانه بعناد : طيب مو مشكله ، لو احتجت مشوار بكلم ليموزين احسن ماتوقع ردها بيكون كذا ،،،،، ابتسم لاشعورياً لذكائها وكأنها فهمت قصده وحبت تغيضه انحرجت من ابتسامته : خلصت كلامك ؟؟؟؟ اقدر ادخل البيت ولا فيه اوامر ثانيه وهو بنفس ابتسامته ، اشر لباب البيت : تفضلي مشت بسرعه واحساسها بقمة الخوف من تجرأها بالكلام معه ، وكلها قلق من ابتسامته اللي كان يخبي فيها كلام كثير وقف بمكانه وهو يراقب دخولها للبيت وكان متأكد انها كانت تحاول تحسسه بعدم اهتمامها لأوامره ،، لكن بالواقع كانت في قمة الخوف وذا اللي ترك ابتسامته تاخذ وقت طويل على شفايفه ،،،،،،،،،،،،،،،،،،،،،،،،، |
البارت العشرون في المستشفى بعد ماتطمن على عبدالعزيز واستبشر خير من وضعه الصحي متعب : الحمدلله وضعه تحسن ولكن يحتاج لمتابعة الطبيب موضي : الحمدلله يارب متعب : بخلي شاهر معه وانا بمر عليه كل ماحصلت فرصه ، وانتي خليتس بالبيت احسن موضي : لا ، انا بجلس معه طول النهار وشاهر بيكون معه بالليل متعب : وش تقولين انتي ؟ وبيتس وعيالتس موضي : ماعليهم خوف اختهم معهم ولو احتاجو شي بكلمك متعب : اسمعيني ، الصغار محتاجين وجودتس معهم ، وعبدالعزيز وضعه تحسن وانتي شايفه كيف تغير عن اول و الجناح هنا كله رجال وجودتس معه صعب موضي بتوسل : الله يخليك يامتعب ، اتركني معه محد بيعرف لأموره غيري متعب : طيب والشغالات بتتركينهم داخلين طالعين لاحسيب ولارقيب ،، انا اشوف لو تكونين بالبيت افضل وبعد الظهر انا بجيبتس بنفسي موضي تحاول تنهي الجدال : بكلم دانه تاخذ اجازه ، لاتشغل بالك متعب : طيب اللي تشوفينه ، انا بطلع الدوام وامر عليتس الظهر ،، لو احتجتي اي حاجه كلميني موضي : ماتقصر متعب : يالله سلام موضي : الله معك ،،،،،،،،،،،،،،،،،،،،،،،،،،،،،،، عبدالرحمن يقرأ الجريده ومو منتبه لسلمان وهو مشغول بمكالمه بالجوال نايف : يبه ، والله عمي معه حق ، نخلي الزواج بيوم واحد افضل عبدالرحمن : اي زواج سلمان : ههههههه عمرك ماتتغير ، من يوم تمسك الجريده تنسى العالم عبدالرحمن ، ههههههههه الحمدلله انك عارفني كويس ، لكن وش كنتوا تكلمون عنه نايف : عمي يقول بيخلي زواجي وزواج متعب بيوم واحد عبدالرحمن تغيرت ملامحه : ايه لكن متعب مايفكر بالزواج دون السنه سلمان : ماعليكم منه ، العمر راح وانا بشوف عياله ،،، وعموما كلمت مقاول بيجي يجهز الجناح الخاص لمتعب عبدالرحمن عرف ان سلمان دام نوى يجهز الجناح معناها انه فعلا بيزوج متعب بأقرب فرصه عبدالرحمن : ظني ان البنت ظروفها ماتسمح للزواج بالإجازه وذا كان شرطها سلمان : قلتلكم خلوكم من متعب وزوجته ، انا بضبط اوضاعهم ،،، انتو بس حددوا وقت الزواج وخلونا نبدأ بالتجهيزات اللازمه نايف : ياسلام عليهم لما يتحمسون ههههههههههههه سلمان : هههههههههه من عندي اغلى من متعب ،، لو هي علي كان ازوجه الليله واشوف فرحته عبدالرحمن بينه وبين نفسه " الا بتشوف ضيقته وهمه وبداية مشاكله مع خالته" الله يستر من تفكيرك" عبدالرحمن : الله كريم ، بكلم ام خالد واشوف وش اللي نحتاجه ،،،،،،،،،،،،،،،،،،،،،،،،،،،،،،، ام خالد بعصبيه : حصه ركبت راسها ومصره انها تزور دانه وتجلس معها متعب بذهول : وش تزورها له ام خالد : بتشوفها وتقوم بالواجب معها متعب : والله عاد امور النسوان ذي مالي فيها ، حاولي تصرفينها وسكروا الموضوع ، احس راسي بينفجر من التفكير بالموضوع ذا ام خالد : الموضوع ذا انت اللي بتسكره ، مو انا متعب : وش تبيني اسوي ، وش اللي يرضيتس وانا حاضر لكن خلصوني من البهذله ذي ، ترى عندي مشاكل بالدوام والشركه ولاني فاضي لزود الهم ام خالد : الهم فيني انا مو فيك انت ، عبدالرحمن يقول ان ابوك مصر ان زواجك وزواج نايف بيوم واحد ،، وحصه تبي تزور البنت وتتعرف عليها وانا خايفه لا تتغير الظروف وتتزوجها ووقتها عمري ماراح اسامحك يامتعب متعب : تبيني اتزوج بتزوج ، تبيني اطلق بطلق ، لكن فكوني صرتوا تلعبوني فيني وتقررون بحياتي وانا آخر من يعلم ام خالد : انا حاسه انك تلعب علي وتبي البنت متعب : انا ما العب على احد ، البنت لو ابيها كان قلتلتس من اول ، وانتي عارفه الوضع كله ، لايجي فبالتس اني بتزوج وانتي مو راضيه عن اختياري وضحت عليها الحيره والتردد بالكلام : طيب ، لو سلمان اصر انه يزوجك مع نايف متعب : سلمان عطاني عمره ، وانا مستعد اعطيه عمري ، ولو طلب مني اتزوج مع نايف بتزوج مع نايف ام خالد بعصبيه : بتتزوج مع نايف ، انت بتجنني متعب : استريحي ، البنت مالها خاطر علي وانا مالي خاطر عليها ، وعشان ترتاحين من اللي يدور براستس من الحين اقولتس اختاريلي زوجه بملك عليها اول ما اطلق وارتاح ام خالد بقلق : وانا ماني مصدقه ان البنت بتوافق على الطلاق من غير زواج رسمي ، اقلها بتخاف على سمعتها من كلام الناس متعب يحاول يقنع خالته بملل : طيب بقولتس على سر ،،، من الآخر امها قالتلي انها تعرضت لحادث اثر على رحمها والشيء ذا هو اللي خلاها توافق على الطلاق من غير زواج يعني هي كذا ولا كذا ماتصلح تكون ام ، فهمتي ليه وافقت على التمثيليه ذي ، بتستفيد كم ريال وبتكون ساعدت امها بأزمتها وطبعا انا مستحيل بقضي عمري مع وحده وانا عارف انها ماراح تجيبلي عيال حست بارتياح شديد من كلام متعب ، وتأكدت انه ماراح يستمر مع دانه وانه فعلا مايفكر فيها ،،،،،،،،،،،،،،،،،،،،،،،،،، بعد اسبوع من دخول عبدالعزيز للمستشفى اضطر انه يكلم دانه بخصوص عمته ، خصوصا انه تعب من الحاحها المستمر واستغرابها من تهربه من تلبية طلبها بزيارة دانه دخل البيت وكلم الشغاله تنادي لدانه بعد دقايق تغطت ونزلت له ، كانت متوقعه كالعاده بيسأل عن اخوانه او عن النواقص بالبيت بصوت هادي : نعم متعب من غير مقدمات : عمتي بتشوفتس انلجم لسانها : تشوفني ؟؟؟ متعب : ايه بتشوفتس تحاول تلقى لها رد او عذر : طيب ليه بتشوفني متعب بثقل : اذا شفتيها اسأليها دانه : ماتفقنا على كذا ، انتو قلتولي ملكه وبس متعب يكتف يدينه وعينه عليها : طيب عمتي مو عارفه شي عن الموضوع وطلبت تشوفتس ، ولو رفضت الشي ذا راح تشك بالوضع دانه بغضب : تشك ولا ما تشك ، هي عمتك وانت ادرى بالأسلوب اللي تقنعها فيه متعب : عنادتس ذا ماينفع معي دانه : لو سمحت ، انا قدرت وضعك وقدرت ظروف امي وقبلت الزواج والطلاق على الورق ، واتمنى الموضوع مايتمادى عن كذا متعب : ماقد احد كلمني كذا ، الزمي حدودتس ترى لي شانت النفس محد بماكل هوا غيرتس دانه بثقل مصطنع : وانا ماحب احد يكلمني كذا متعب : لاتطولينها وهي قصيره ،،،،، كم تبين تناظره بحقد : وانت متوقع انك بتشتريني بفلوسك متعب بعصبيه : الحكي الفاضي ذا ماينفع معي ، والمسأله ماهي مسألة كرامه ، انتي الوحيده اللي عارفه الظروف اللي جرت بخليتس يومين فكري بالموضوع ، واتمنى يكون قرارتس مناسب وهو طالع التفت لها : مالي خاطر اوصل الموضوع للافي وانتي عارفته يبيع الدنيا بريال تركها بغضبها وطلع زاد حقدها وكرهها له ولأمها " يالله حقير حتى مايبي يعطيني فرصه اكلمه ،،،،،،،،،،،،،،،،،،،،،،،،،،،،،،،،،،،،،،، استغربت روان عدم وجود دانه ؟؟ راحت لغرفتها بتتطمن عليها وبطرقات خفيفه على الباب ، اسمحتلها دانه بالدخول شافت اختها ترجف بشكل مخيف شهقت من الخوف وصارت تركض بشكل فوضوي واتجهت لغرفة امها ومالقتها ، نادت الشغالات بخوف جيسي اتصلت بأم عمر والشغاله الثانيه اتجهت لدانه تحاول ترشها بالماء لحد ماتستعيد تركيزها رجعت موضي مع شاهر بسرعه بعد ماكلمتها الشغاله موضي : دانه ، وش بتس يمه دانه بصوت شديد التعب : يمه بموت موضي : بسم الله عليتس ، مافيه الا الخير حاولت تقومها ولبستها عباتها وبمساعدت جيسي خذوها للمستشفى بعد ساعه عرف متعب انها بالمستشفى بالصدفه بينه وبين نفسه لأول مره يحس انه ضعيف ومو عارف يتخذ قرار متعب : خليتس مع عبدالعزيز ، انا بجلس معها بس يخلص المغذي بوصلها البيت موضي : انا عارفه انها متضايقه من اللي حصل البارحه ، بجلس معها وافهمها الوضع متعب : خليني معها ، بكلمها بالموضوع وهي اللي بتقرر وش بيصير موضي : بنتي عنيده ، انا بكلمها بهدوء متعب : لاتخافين ، بحاول اقنعها من غير ضغط موضي باستسلام : الموضوع تعقد اكثر من اللازم ، وبنتي فعلا مالها ذنب متعب بنفس احساس موضي ولكن بكبرياء اي رجل حاول يخفي مشاعره : هي اللي بتقرر ، خليتس مع عبدالعزيز وانسي موضوع دانه وهي على السرير نايمه بهدوء والمغذي بيدها ومتعب جالس على الكرسي مقابلها ويدقق بملامحها وهي مو حاسه فيه بدت تفتح عيونها بشويش متعب بابتسامه خفيفه : حمدالله على السلامه دانه : .................. " ياربي اللي جالس يصير حلم ولا علم " متعب قرب منها وكلمها بكل استعطاف : هاه وش تحسين به ناظرته بنظرات كسيره ولا ردت عليه حاول يلطف الجو ليه ماخذتي ابرتس اليوم ؟ وبابتسامه ,, تدرين لو روان ما انتبهت عليتس كان انتي ميته الحين دانه ناظرته بضعف وبدت دموعها تسيل حس انه زودها ورق لدموعها قرب منها وحط يده بيدها و عينه بعينها وبصوت هادي قال : انتي آمريني قوليلي وشتبين والحين يصير بس لاتبكين دانه بضيق : طلقني متعب : حاضر بس ارتاحي الحين دانه والدموع بدت تزيد : الحين يأشر على عيونه : من عيوني بس ارتاحي الحين لفت راسها للجهه الثانيه وبكت بكاء مرير حاول انه يهديها ولا قدر متعب : تبيني اطلع ؟ دانه :......... متعب : خلاص انا بطلع واللي تبينه يصير ، اهم شي ارتاحي انتظرها عند باب الغرفه الى ان الدكتوره بلغته انها صارت كويسه ،، دخل عليها بياخذها البيت استغربت وجوده وباستنكار : شاهر وصل ؟ متعب : ايه وصل ، تعالي بوصلتس للسياره دانه : شكرا ، عارفه الطريق ابتسم لعنادها المستمر : طيب بوصلتس السياره واتمنى تجين من غير فضايح خذت كيس الأدويه وطلعت معه وهي كارهه وجوده معها وصل لسيارته وفتح لها الباب دانه : من سيارته ذي متعب : سيارتي بخوف : وين شاهر متعب بهدوء : حنا بالشارع ، وانا زوجتس ، ادخلي السياره لاتخلين الناس تتفرج علينا فتحت الباب الخلفي ، لكن تفاجأت بردت فعل متعب السريعه لما سكر الباب وفتح الباب الامامي بصوت هادي : ادخلي لاتخليني اطلع من طوري دخلت بعد ماحست انه بدء يفقد اعصابه وبكل خوف جلست بهدوء شغل السياره وخذ الطريق بهدوء يحاول يخفي فيه لو القليل من الظروف القاسيه اللي صار يتجرع مرارتها دانه : ممكن اعرف وين ماخذني سكت ولا رد عليها دانه : لو سمحت انا اكلمك رد علي التفت لها وبعد صمت قليل وباستهزاء : بخطفتس بخوف ومن غير مقدمات تذكرت عبدالعزيز ومحاولة اغتصابها ،،، غمضت عيونها تحاول تبعد الفكره السيئه عنها وضمت يدينها على زنودها بخوف انتبه لها ، حس انها خافت وحاول يتدارك الموقف : هههههههه صدقتي اني بخطفتس ، ترى امزح ماتوقعتس جبانه كذا ماتحركت ولا تكلمت وصارت ماتشوف ولاتسمع الا عبدالعزيز بذيك الليله متعب استنكر وضعها ، كان شكلها فعلا خايفه ، حاول يطمنها : اهدي شوي ، وش صاير لتس ؟؟ بنتغدى ونرجع البيت دانه بصوت راجف : برجع البيت متعب : انا مقدر الظروف النفسيه اللي تمرين فيها بخصوص الزواج ، خلينا نتفاهم بهدوء واوعدتس اني ما اتخذ اي قرار الا بقناعه تامه منتس دانه : نتفاهم بالبيت متعب : انتي خايفه مني ؟ ترى ماني حقير للدرجه اللي تتصورينها التفتت له بكل خوف وعيونها مليانه دموع : برجع البيت متعب : حاضر ، ابشري ، ناخذ غدانا ونرجع البيت وصل لمطعم فخم وبمكان راقي ، قالها خليتس هنا ، بطلب الغداء وارجع نزل من سيارته وعينها مانزلت عنه ، كأنها اول مره تشوفه ، هيبته تدل على شخصيته القويه احتارت بين ابتسامته الجذابه اللي يخفي فيها حنان وعطف وكل معاني الطيبه وبين اوامره وتسلطه عليها وعلى امها صارت تراقبه وهو داخل المطعم بهيبته وثقله استغربت من بنت وقفت بطريقه وواضح عليها انها مو اول مره تشوفه ، فجأه بدء يعدل شماغه يحاول يزيح التوتر اللي وضح عليه وبشكل تلقائي التفت لدانه بالسياره كأنه يتأكد ان كانت شافته مع البنت او لا دانه بغرابه تفكر " معقوله بتكون قريبته ؟ لالا مستحيل قريبته بيسمح لها تلبس كذا لاحظت عليه التوتر وهو يحاول يتهرب من البنت " غريبه ، شكله مرتبك على الآخر ؟؟؟؟؟؟؟؟؟؟؟؟؟؟ ،،،،،،،،،،،،،،،،،،،،،،،،، طبعا عرفتوا البنت ^_^ |
البارت الواحد والعشرون بعد عشر دقايق رجع لها : تجين ؟ دانه : لا ، برجع البيت متعب : هنا بنتكلم بهدوء ، المكان عام وش اللي يخوف ؟ دانه : ........................... متعب : يالله تعالي تناظره بكره : تعبانه ، برجع البيت ارتاح متعب : انتي تعبانه لأنتس مو ماكله من امس ، تعالي عشر دقايق مو اكثر قررت تنزل حتى لايطول الجدال دخلو المطعم الفخم واتجهوا للكابينه الخاصه فيهم متعب : خليتس هنا ، ثواني وراجع جلست تناظر المكان بغرابه ، مكان مرتب وفخم ومعاملتهم واستقبالهم غير ،،،،، يحسسها بأنها شخصيه مهمه ،،،، دخل عليها من غير لا تنتبه بابتسامه : اول مره تدخلين مطعم؟ دانه بتواضع : بصراحه اول مره متعب : تتوقعين تكون آخر مره ؟ تناظره بملل : ان راح وان جاء مطعم ابتسم لها : طول ما انتي معي ماراح تكون آخر مره دانه : طيب هات اللي عندك خلنا نمشي تنرفز من ثقلها : انا مو قاهرني الا اسلوبتس اللي يبيله تعديل لفت على جوالها لما سمعت رنينه ،،،،، شافت المتصل امها لكن ماردت عليها متعب : ردي على جوالتس دانه : ما انتظرك تقولي ارد ولالا كلمها بعصبيه : صدقيني مو انا اللي ينتعامل كذا التفتت لجهة الباب بملل بدء جوال متعب يرن متعب : نعم موضي بعد ماسلمت عليه : ياساتر ، بنتي مدري وش فيها متعب : وش فيها ؟ موضي : اتصل لها ولا ترد ، واكلم الشغالات بقولون مو فيه متعب : ايه لأنها معي موضي : معك ؟ وش تسوي معك ؟ حس بإحراج : بوصلها البيت ، يعني وش بتسوي معي؟؟ موضي : صارلكم ساعه طالعين ، ماوصلتوا متعب : تونا طالعين ، بعدين هي زوجتي وش لزومه التحقيق موضي بإحراج : لا ، بس خفت لايكون فيها شي ، خلني اكلمها يمد الجوال لها : كلمي امتس التفتت بكره : بكلمها بعد شوي متعب : كلمي دانه : قلتلك بعد شوي خذ الجوال : طيب بخليها تتصل عليتس متعب بهدوء : امتس خايفه ، اتصلي لها خليها تتطمن ؟ دانه : ايه صح ، واضح انها تخاف علي متعب : ممكن اعرف ليه ؟ دانه بخبث : اقل حاجة على بالي هي الهم اللي بلتني فيه متعب : ممكن اعرف المقصد دانه : انت حس انها مخنوقه منه : افاااا اجل انا هم دانه : ،،،،،،،،،،،،،،،،،،، متعب : ان شاء الله نظرتس بتتغير جذريا لما تعرفيني اكثر ماردت عليه لأنها مو مستعده تفتح معاه نقاش نهايته مره بعد ماوصل الغداء : شيلي غطاتس واكلي براحتس ، مافي احد هنا دانه : مرتاحه كذا يبتسم لها : انا راح اطالب بالنظره الشرعيه انحرجت رغم كرهها له : شفتني قبل كذا كافي عليك متعب : لكن النظره الشرعيه لها شروط دانه باستهزاء : ممكن اعرفها متعب : يعني اتوقع ان الوحده تكون خجلانه وتقريبا مبتسمه ، مو كل ماشفتس وانتي شاينه نفستس علي حست بإحراج منه ولاكانت تتوقع انه كذا ،،، كانت فكرتها عنه غير وماتوقعت بينتبه لأدق التفاصيل خصوصا بالظروف اللي يمرون فيها استغل الفرصه انه يكلمها : طيب وش الغلطه اللي كانت مني ؟ انا ماخطيت خطوه الا وانتي موافقه وكنت اسأل امتس عن كل حاجه دانه : عارفه لكن ما اتفقنا على زيارة اهلك متعب : انا لو علي مابيهم يشوفونتس ، بس شسوي مجبور دانه باستغراب : وليه ماتبيهم يشوفوني ابتسم بلطف : ان شافوتس بيخلوني اعجل الزواج وانتي ماتبيني حست انها تلخبطت : طيب بتقول موضوعك ولا بنرجع البيت متعب : هههههههههههههههه تبين الصراحه احب اللخبطه اللي تصيبتس دانه بخجل : طيب وبعدين متعب : وبعدين ، لازم تستقبلين اهلي بعصبيه : ماراح استقبل احد متعب : عموما انا بكلمهم يجون بعد الحج دانه : لاتحرج حالك ، وقتها بكون فبيت ابوي متعب : لاتخليني افقد اعصابي ، بيوم العيد بيزورونكم ، ولو وصلني خبر انتس فبيت ابوتس من غير علمي ، لاتلومين الا نفستس سكتت رغم اللي فبالها ولا يهمها موافقته ورفضه تذكر امها : خوذي كلمي امتس وانتبهي تقولين انا بمطعم دانه : ليه ،، فيها شيء ؟ متعب : احراج بالنسبه لي دانه بعناد : بقولها متعب : لا تحرجيني دانه : لو سألتني بقولها ابتسم : بصراحه انتي صعبه دانه : كويس انك عرفت شخصيتي متعب : ههههههههههههه ، طيب تغدي خلينا نمشي ، وكلمي امتس بالبيت احسن ابتسمت من غير شعور لأنها خلته يخاف من تصرفها ابتسم لها بهدوء : دواتس عندي ، بس كل شيء بوقته حلو ،،،،،،،،،،،،،،،،،،،،،،،،،،،،،،،،،،،،،، مر ثلاث اسابيع على دخول عبدالعزيز للمستشفى ، الروتين صار تقريبا واحد دون تغيير متعب : وضعه مستقر ، والحمدلله استجاب للعلاج ، انا اشوف لو يطلع البيت افضل موضي : اسأل الدكتور ، لو خبرك ان وضعه مايحتاج مستشفى ناخذه للبيت احسن لنا وله متعب : الدكتور كلمني وطمني على كل شي موضي : الحمدلله يارب متعب : قبل لا انسى ،اهلي بيزورونكم يوم العيد ، ترى مافيهم اللي يعرف حقيقة الموضوع الا خالتي ، حاولي تجارينها موضي باهتمام : ليه بيزورونا ؟ متعب : بيتعرفون على دانه ،،،،،،،،،،،،،، التفت لها ، ويحددون وقت الزواج انصدمت من كلمته : اي زواج ؟؟؟ متعب : المكان هنا ماينفع للكلام ، بفهمتس كل حاجه بوقتها موضي باهميه : لكن بنتي قاطعها : لاتكملين عندي خبر باللي بتقولينه ، واللي اطلبه منتس لاتقولين لها اني عارف حاجه موضي : لو ماقلتلها انك عارف هي بتقولك ، وهي مستحيل توافق من غير لا تخبرك بكذا متعب : مو مشكله ، خليها تقولي بطريقتها ، ولا تكون عارفه اني فاهم ، اخاف تفهم اني بتزوجها لمصلحه موضي : وهذا الصدق!!! ؟ ناظرها وابتسم لها وكانت اول مره يبتسم لموضي : غيرت رايي ، انا ابيها زوجه لي انا ، مو لكم انتم حست بفرحه ماعرفت سببها لكن الاكيد انها انبسطت لما اعرفت انه شاري بنتها متعب : المهم ، نبهيها لاتقول شي قدام خالتي ، ولزمي عليها تكون موجوده مو تتركهم وتروح لأبوها موضي بفرح : ان شاء الله ، بس نطلع البيت بخبرها بكل شيء ،،،،،،،،،،،،،،،،،،،،،،،،،،،،،،،،،،،،، بعد ثلاث ايام في المستشفى دانه تتطمن على عبدالعزيز ومعها بيان دانه : يمه بطلع اجهز للعيد مع بيونه موضي : طيب ، انتبهي لحالتس دانه : ان شاء الله ، توصين حاجه موضي بخوف : سلامتس ،،، ترى اهل متعب بيزورونا الاسبوع الجاي ،، بالعيد ان شاء الله دانه : عارفه ، لكن بكون فبيت ابوي موضي : لا ، متعب يحرصني على وجودتس دانه : قرارات متعب لنفسه مولي انا ،، بعدين زيارتهم مالها اي لزوم موضي بقلق من ردة فعل بنتها : بيحددون وقت الزواج دانه بصدمه : اي زواج ،، انت ماشبعتوا من اللعب فيني موضي : هذا كلام متعب ، والرجال يبيتس زوجته مو عشان شيء دانه : ارحموني ، حرام عليكم بعد ربع ساعه وموضي تحاول تقنع دانه ولكنها فشلت دانه بثقل : انا بطلع اتسوق ، لو في حاجه خلي السيد متعب يكلمني شخصيا ،،،،،،،،،،،،،،،،،،،،،،،،،،،،،،، بعد يومين في يوم دافي وهادي طلع متعب يتمشى بحديقة البيت بعد ماجاب عبدالعزيز وارتاح من هم المستشفى والزيارات اليوميه لمحه عمر من بعيد وجاه طاير متععععععععععععععععععععب التفت متعب لعمر بنظره سريعه وابتسم بينه وبين نفسه يالله وش يبي ذا البزر احس انه بيسكر علي لا اشوفها فتح متعب ذراعه وخطف عمر من الأرض وصار يدور فيه بالحديقه عمر بضحكاته اللي تهز كيان متعب خلت متعب يبتسم من قلبه ويضحك معه نزله على الارض ونزل لمستواه متعب بتردد : عمر دانه هنا عمر : لا متعب باستغراب : وين راحت عمر بطفولته : اقولك سر متعب مستعجل : ايه وماعلم احد بس قول عمر : اكيييييييييييييد متعب : بتقول ولا ماخليت تشوف صورتي وانا لابس عسكري عمر بضحكه هستيريه وهو يأشر ورى متعب : هذي دانه متعب من قو صدمته مايبي يلتفت ويلقاها دانه وهي مكتفه يديها وواقفه وهي شبه مكتشفه امر متعب قالت بصوت مخنوق : متعب انت تلعب علي ؟ متعب :.................. دانه والدموع بدت تنهار : متعب لو في شي بينك وبين ابوك انا مالي ذنب باللي يصير بدت شهقاتها تتسابق حست بذل واهانه انا كنت فريسه سهله توصل فيها للي تبيه من اهلك التفت متعب وشافها غارقه بدموعها مسكها من يدها بقوه عشان لاتهرب منه ورجع التفت على عمر قاله عمر روح العب داخل وانا بجيلك عمر بكل طفوله : مابي بشوفك وانت عسكري متعب حس انه مو وقته وحاول يصرفه بكل الطرق ودانه مستمره بشهقاتها متعب : عمر بزعل منك عمر بإصرار : مابي بشوف انت وعدتني فجأه بدء عمر ببكاء مفاجيء التفت لدانه : ترى البزر مايبكي للصوره , هو خايف من بكاتس خوذيه سكتيه دانه وصوتها كله بكي ومليان نعومه وهي تحاول تسكر عيونها عن الشمس اللي صارت عليها: لااااا وطبيب نفسي بعد وتعرف اللي قدامك شيفكر فيه حاول متعب يخفي ابتسامته , طيب سكتيه وبنتفاهم مسحت دموعها وحاولت تسكت بهدوء وراحت لعمر وضمته وصارت تكلمه وشوي يبكي وشوي يضحك لحد ماوصلت الفيلا وعطته الخدامه متعب وهو ينتظرها ويشوف الساعه ويرجع يتمشى ويشوف باب الفيلا " ذي وين راحت " وبعد تفكير طويل وصل انه يتصل فيها دخل ايده بجيبه وطلع الجوال واتصل لكن لايوجد رد استغرب متعب ؟؟ كتب مسج " ترى انا منطق بالشمس بتجين ولا جيتس" انتظر عشر دقايق ولا لقى رد حس بخيبه وانها ماراح تجي سحب نفسه للملحق والافكار توديه وتجيبه توتر وصار يضغط على اصابعه وصار يمشي بالغرفه رايح جاي وجلس على سريره وغرق بالتفكير اللي ماله حل قطع تفكيره صوتها وهي تناديه ناظرها من الشباك : ادخلي وهي بمكانها : مابي ادخل متعب بعصبيه : شسالفتس انتي تعالي خلصيني دانه : ماراح ادخل طلعلها بسرعه : وش اللي مكدر خاطرتس دانه : اولها قلت ملكه ،، وبعدين اهلي بيزورونكم ،، والحين اكتشفت انه بيصير زواج متعب بلا مبالاه : وين المشكله دانه : المشكله اني مابيك ، ولاني مستعده اعيش معك وانا مو عارفه مصيري متعب : بتكونين زوجتي مثل اي اثنين متزوجين قالت بعصبيه : كذاب ، انت تبيني عن كلام الناس عليك ،،، اناني ماتفكر الا بحالك متعب بهدوء : ان جيتي للحق ، ذا اللي كنت افكر فيه ،،، لكن الحين ربي الشاهد اني ابيتس شريكة حياتي دانه بقلق : مستحيل ،،، مابي اتزوجك حاول يطمنها لأنه عارف هي ليه رافضته : انا مو عارف سبب الرفض بعد ماوضحت لتس اني ما ابي منتس اي مصلحه ،، لكن انا راضي بأي حاجه بتقولينها حست ان الكلام ضاع منها وحاولت تغير الموضوع : خالتك ماراح تتقبلني متعب : اعتبريها فتره وتالي بتعود عليتس تحاول تتكلم ، لكن مو عارفه تجمع الكلام بابتسامه كلها اطمنان : انا راضي بكل حاجه ، لاتشيلين هم حست انه يعرف ، لكن ماحبت توضح له شيء وفضلت انها تسأل امها حتى لا ينتبه لها متعب : انا بمشي ، وجوالي معتس لو في اي حاجه كلميني باستغراب : صحيح من وين جبت جوالي ؟ متعب بابتسامه : من شاهر ههههههه ،،،،،،،،،،،،،،،،،،،،،،،،،،،،،،،،، في احد المجمعات التجاريه ، نوف وخالتها يتسوقون ام خالد : انا اشوف انتس تروحين بعد زواج نايف نوف : لا ياخالتي ، بكون بالشهر التاسع وصعبه اولد هناك ام خالد : انا قصدي دام خالد بيحضر الزواج ويرجع وتكوني معه نوف بعدم اهتمام : طيب خلينا نجهز للبيبي ووقتها بنشوف حل ،،، حتى لو ابقى هنا ولا اسافر ام خالد : هههههههه لاتتركين زوجتس ، ترى ان قال شوفيلي زوجه ثانيه بزوجه نوف : ههههههههه صحيح اني زعلانه منه ، لكن لو تزوج علي راح اموته ام خالد : يابنتي ، الرجال زي الطفل ،، يحب انه يزعل على اي حاجه وحتى ان كان غلطان يبي زوجته تدلله وترضيه حست انها فعلا قست عليه وطفشته منها بعقابها القاسي ام خالد : وهو يسألني عنتس وعن عبدالرحمن ، يعني جاله شهرين وانتي مو سائله فيه ،، اكيد انه بيطفش من تصرفاتس معه نوف : هههههههه انا اتغلى عليه ام خالد : الله يسعدكم يارب راحو يتمشون نوف تجهز للمولود ، وام خالد تجهز ملابس العيد لشهد ،،،،،،،،،،،،،،،،،،،،،،،،،،،،،،،،، خالد : وشو ؟؟؟ صاحي انت ولا شارب شي متعب : لاتجنني خالد : متعب ، لا ياخذك الاستعطاف لدرجة انك تضحي بمستقبلك متعب : اي استعطاف خالد : مافي احد يعرفك كثري ، انا عارف انك مستعطف البنت متعب : الشرع محلل اربع ، لو ماحصل منها عيال بتزوج غيرها خالد : وهي وش ذنبها متعب : هي كذا ولا كذا ماراح يتغير وضعها خالد : انا بدخل امي بالموضوع ، مافي احد بيقدر لك غيرها متعب : خالتي لو عرفت بالموضوع اعتبر اللي بيني وبينك منتهي خالد : الكلام بالجوال ماينفع ، قدر وضعي اللي انا فيه وحاول ماتتخذ قرار وتندم عليه متعب : لاتحسسني اني اغبى واحد بالكون ، ياخي واحد بيتزوج وين المصيبه اللي تشوفونها وانا ما اشوفها ؟ خالد : المصيبه انها بنت زوجة عبدالعزيز ،، وانك مفهم امي على حاجه وبتصدمها بحاجه ثانيه ،، وغير كل ذا انها بتعرف علاقتك مع زوجة عبدالعزيز وانها وصلت معك انها صارت مهمه بالنسبه لك كأنها امك ،،، وكل ذا وتقولي وش المصيبه ؟؟؟؟؟؟؟ متعب : لاتضيق صدري معك ، هي حياتي وانا اللي اختارها خالد : طيب ماكثر الله من البنات ،،،، ولا مافي غيرها سكت شوي وتنهد : وش فيك ياخالد ، انا ما ابي غيرها ،، لا تكبر الموضوع خالد بعصبيه : والله تحسسني انك مراهق موعارف تضبط نفسك متعب : افهم اللي تفهمه ياخذ نفس : الله يهديك ويردك لعقلك ، هذي أقل حاجه اقدر اقولها لك متعب بتوسل : خالد ياما خدمتك ، والحين جا وقتك خالد : آمرني ، افديك برقبتي متعب : تسلم ، عساك ذخر ،،،، ابي انسى هم خالتي خالد : خير ، وش همه متعب : مالي خاطر ازعلها ، ابيك تقنعها بطريقتك خالد : انا اللي ابي احد يقنعني ،، عموما لاتشيل هم ، اتركها علي متعب يحاول ينهي المكالمه بسرعه : تسلم يالغالي ،،، يالله تامرني على شي خالد : سلامتك ،، والله يوفقك وييسر امورك متعب : الجميع ، سلم على الشباب ،،،،،،،،،،،،،،،،،،،،،،،،،،،،،،،،،، |
البارت الثاني والعشرون في بيت ام خالد ، مشغوله بترتيب المطبخ مع الشغالات نوف : خالتي ، اتركيهم ، بيرتبون كل حاجه لاتتعين حالتس ام خالد : احب اشرف على شغلي بنفسي ، ولا اعتمد على الشغالات بكل حاجه نوف : هههههههه صارت موضه قديمه ، خليهم يرتبون المطبخ واحنا بنطلع نتمشى شوي ام خالد : الله يسترنا من جيلكم الفاشل ، الوحده حتى حليب اولادها ماتعرف وين مكانه نوف بمزح : اهاااا اشوف خالد مسببلي ازمة مع الخدم ، اثاريه المسكين يبيني اصير مثل امه ،،، لكن عشم ابليس بالجنه هههههههههه ام خالد بفخر : حبيبي خالد ، من عمره يقولي ياليت القى بنت مثلتس بتزوجها وانا مغمض عيوني نوف : ههههههههه يالله يعيش وياكل غيرها ، فتح البطيخه ولقاني انا ام خالد تضحك من مزح نوف وخفة دمها : ههههههههه الحين بدال ماتقولين بفرد عضلاتي واوريها اني اكبر من الكلام اللي تقوله ، تقومين تعلميني انتس كذا ولا كذا ماراح تسوين له اللي يبيه نوف بمزح : الدنيا تغيرت ، وبعدين زواج نايف قرب وانا بحافظ على اظافري لا تتكسر ام خالد تصفق يديها فبعض : حسبي الله على شيطانتس ، خايفه على اظافرتس والمسكين اللي فبطنتس مافكرتي فيه حطت يدها على فمها وهي تضحك : اصلا اللي فبطني ولدتس انتي ، مو ولدي انا ، ولا نسيتي اتفاقنا ام خالد : لا مانسيته ، خليه يجي بالسلامه ويرتاح منتس وانا بحطه بعيوني ،،، يالله باخذ فيه الأجر نوف : ههههههههههههه الله لا يحرمنا منتس يارب ام خالد : ولا منكم ،،،،،،،،،،،، شوفيلي عمتس جا ولا لا نوف : ان شاء الله نوف : عمي موجود بالصاله ام خالد : طيب تعالي جهزيله القهوه على ما اروح اجيبله الحاجات اللي طلبها مني نوف : ان شاء الله ام خالد وهي طالعه : ترى عارفتس بتعطينها الشغاله تجهزها ،،، ترى عمتس مايحب شغل الشغالات نوف : هههههههه لا انا اللي بجهزها عبدالرحمن يمازح شهد ويسمه سواليفها وحشها اللي مايخلص من زميلاتها بالمدرسه ام خالد : تفضل ، ملفاتك اللي طلبتها عبدالرحمن : مابي ملفات ، ابي تاخذين عني الملسونه ذي ام خالد : وش فيها عبدالرحمن : الجيل ذا جيل فاسد ، ماكملت السبع وتبيني اجيبلها مكياج ام خالد : هههههههههههههه بس كذا ، ولا يهمتس انا بجيبلتس اللي تبين عبدالرحمن : لاتخربين البنت علينا سلوى : على قولة نوف ، الدنيا تغيرت ههههههههههههه عبدالرحمن : الله يستر عليهم ، علميني خالد ماكلمكم ام خالد : كلمني الصبح ، احتمال يجي على وقت العيد ولا بعد بكم اسبوع ابو خالد : ابو وليد مهوب طيب ، برسل تقاريره لخالد يعرضعهم على دكتور هناك ام خالد : ليه ، عسى ماشر ؟ وش صايبه ؟ عبدالرحمن : شرايين ، بشوفله دكتور هناك افضل ام خالد : الله يشفيه يارب ابو خالد : آمين ام خالد بقهر : متعب ماكلمك ابو خالد : تركته بالشركه وجيت ، ماكلمني بحاجه غير الشغل ام خالد : وسلمان ؟؟؟ ماقالك شي ابو خالد : وشو ، لاتخوفيني ام خالد : حضرته بعد مارمم الجناح الخاص لمتعب ،،، جالس يأثثه وكأنه صدق بيتزوج ابو خالد مايحب يخوض بهالأمور حتى لا يتطور النقاش : هو بيتزوج كذا ولا كذا ان ماكانت بنت موضي ، بتكون غيرها ،،، ووقتها مو محتاجين تعديلات بالجناحولا تأثيث ام خالد : على قولتك ابو خالد : الا صحيح متى بتزورونهم ام خالد بكره : يوم العيد ، حصه خنقتني بالزياره اللي مالها اي لزوم ابو خالد : خلاص عاد ، تراها تكلمني بتشكيك لدرجة انها تقول احس انه في سر بالموضوع ام خالد بخوف : تتوقع انها تشك بشي ابو خالد : اكيد بتشك ، الوضع مو طبيعي ، كل ماقالت اشوفها ولا ازورها، تهربتم من الموضوع ام خالد : لا بالعيد ان شاء الله لازم نزورها ، مالي بكلام الناس لو كانوا اقرب الناس قطعت عليهم نوف بالقهوه وتغير محور حديثهم جذريا ،،،،،،،،،،،،،،،،،،،،،،،،،،،،،،،،،،،، مرت الأيام سريعه واسبوع بعد اسبوع ،،،،،،،،،،، وصارت ليلة العيد جالس بفراشه يحاول ينام ، لكن باله مشغول ، البنت صارت ماخذه اكبر جزء من تفكيره ،، يتذكرها بمواقف يلقى حاله يبتسم من غير مايحس ويتذكرها بمواقف ثانيه ، وتضيق فيه الدنيا بينه وبين نفسه " ياربي لاتكون تسويها وماتستقبل اهلي ، بيكون موقفي صعب ووقتها وش اللي يقنع عمتي حصه " ،،،،،،،،،،،،،،،،،، صار يفكر فيها خذ جواله : برسل مسج اذكرها بزيارة اهلي حاول يكتب ، لكن رجع ومسح الكلام ،، مو حلوه اني ابادلها المسجات والتلفونات ما اتوقع انها بتتقبل الوضع رجع يفكر فيها ، شخصيتها صارت تعجبه اكثر واكثر ، خصوصا انها ما فكرت تستغله لمصلحتها وتقبل زواجه صار يفكر بملامحها لما كانت بالمستشفى ، ملامحها الناعمه ، فيها من القابليه كثير ، نادرا ماتوجد في بنات هالوقت اخيرا استسلم للنوم بتعب وانقطع حبل افكاره ماحس بحاله الا بصبح العيد قام تروش وبعدماطلع من الحمام لبس وهو بيلبس شماغه سمع صورت ابو طالع من غرفته لبس بسرعه وتطيب وبسرعه راحله سلمان بكل وقار وهدوء : يالله اجعل صبحه مبارك وعيده مبارك ابتسم متعب لسلمان اللي يعامله كأنه طفل ، حب خشمه وراسه ،، مسك يده بكل خضوع وحبها باحترام سلمان : الله يرزقك بر عيالك متعب : بوجودك يا اغلى مخلوق بالكون مشو مع بعض متجهين لصلاة العيد والسوالف والضحك ماخذتهم بعد صلاة العيد خذ ابوه وطلعوا للمسلخ بيشوفون اضاحيهم وعلى الساعه 9 الكل مخلص راح للحلاق ورجع البيت تروش ، لبس وتعطر وخذ بعضه وطلع لبيت عمه ، بحكم اجتماعاتهم العاليه بمجلس عمه دخل عليهم وبعد السلامات وغيره ، دخل يسلم على خالته وعمته حصه : ماشاء الله اليوم مبسوطووجهك منور ، مو مثل كل عيد ابتسم لها وهو عارف انها عياره : خلصي علي وهاتي من الآخر حصه : ههههههههههههه محد فاهمني غيرك ، نبي نشوف المدام متعب : حاضر ، خليني اطلع مشوار وارجع آخذكم حصه : طيب لاتتأخر علينا ، من جد اتمنى اعرف شكلها متعب بمزح: اخاف انتي اللي بتزوجينها ام خالد بقهر : وش بيكون شكلها ، بنت حالها حال البنات وش الزود اللي بيكون فيها حصه : ههههههه بدأنا بحكاوي الحموات متعب يضحك : هههههههههه يالله استئذنكم ،،، لاتنسون شهد ، هاتوها معكم حصه : لاتوصي عليها ، البنت من الفجر جاهزه متعب : ههههههههه ، يالله سلام ام خالد و حصه : الله معك طلع منهم واتجه لبيت عبدالعزيز دخل عليهم وعايدهم وشاف فرحة العيد على اخوانه سلم على موضي وسألها عن وضع عبدالعزيز قبل يروحله بغرفته ، وطمنته عليه بينها وبين نفسها " يالله عليه ، عمري ماراح اشوف انسان قلبه كبير وبالطيبه اللي اشوفها فيه" وهو يمشي لغرفة عبدالعزيز ، يحاول يسمع صوت لدانه او اي شيء يدل على وجودها ،،، دخل على ابوه وسلم عليه ، جلس معه شوي ،، حس براحه لما شاف وضعه تحسن بشكل ملحوظ وهو طالع قرر يسأل موضي : ترى اهلي بيجون ، بنتس هنا ؟ موضي تغيرت ملامحها من الى : والله اني من امس احاول اقنعها تجلس ، لكن عنيده وعجزت فيها التفت بعصبيه : وشو ؟ هي مو هنا موضي : راحت لبيت ابوها متعب : كيف تروح ؟ انا منبه عليها وعليتس وحتى شاهر نبهت عليه موضي : هد اعصابك ، بترجع بعد الظهر متعب : مايهمني متى ترجع ، اللي يهمني كيف تروح وهي عارفه ان اهلي بيجونكم موضي بتوتر ، طيب بكلمها اصبر شوي متعب : لا تكلمينها ، انا عارف وشلون اتصرف خلاها بقمة خوفها وطلع خذ جواله واتصل على خالته ، حاول يمثل الهدوء رغم اعصابه الفايره متعب بعد ماسلم : يمه ام خالد : سم متعب : عدوتس يسم ، بغيت ابلغتس ترى دانه راحت لبيت ابوها ، بلغي عمتي اني بوديكم هاليومين ام خالد بعصبيه : كيف يعني تروح لبيت ابوها وهي معها خبر بزيارتنا ،، ولا ما ملينا عينها متعب : يمه ، ابوها لزم عليها تعّد معهم ام خالد : ما قلنا شيء ، لكن تقولنا قبل تمشي ، مو نجلس ونجهز لزيارتهم وحضرتها ماشغلت بالها فينا متعب : خلاص يمه ، كلمي عمتي وانا بعرف اتصرف معها انهى المكالمه وهو ناويلها على شر |
،،،،،،،،،،،،،،،،،،،،،،،،،،،،،،،،،،،، بعد الظهر جلس ابو خالد بيكلم ام خالد بخصوص متعب بطريقه غير مباشره ام خالد : انا كنت حاسه انه بيتزوجها عبدالرحمن : يابنت الحلال ، الظروف هي اللي خلت زواجهم يتم كذا ام خالد : لكن هو مايبيها ، مستحيل اخليه يتزوج عشان الظروف عبدالرحمن : لو مايبيها ماكان بيتزوجها ام خالد : اكيد سلمان ضغط عليه عبدالرحمن : سلمان ماقاله شي ، كل اللي يبيه انه يتزوج بقناعه ومتعب اللي اختار البنت ام خالد : غلطتي مع خالد ماراح اكررها بمتعب او باقي عيالي ، وانا عارفه متعب مجبور عليها عبدالرحمن : لا مجبور ولاشي ، حتى خالد كلمني وقالي على كل حاجه ، متعب يبي البنت بس خايف لاتكون لا يزعلتس ام خالد : متعب قالي على حاجات انتم ماتدرون عنها ، واثبتلي انه مايبيها ولكن بيتزوجها بحكم الظروف ابوخالد عارف ومتأكد ان ام خالد هي الوحيده اللي انخدعت بالموضوع وهي فاهمه العكس ابو خالد : الرجال مايعيبه شي ، لو كان ماخذها لظروف او غيره يقدر يجيب غيرها ثلاث ولو مايبيها من الاساس بيطلقها وترى متعب رجال صاحب موقف وقرار ولاينخاف عليه ام خالد : اضطرت تقتنع عشان حصه اللي بدت تشك بالوضع ومن داخلها مقتنعه انها كم شهر وبيطلقها نفس ماقالها من قبل ،،،،،،،،،،،،،،،،،،،،،،،،،،،،،،،،، بعد المغرب بيوم العيد اتجه متعب للقريه وهو ناوي يأدب دانه بطريقته الخاصه جالسه مع منيره وخواتها وحست براحه شديده خصوصا ان علاقتها مع زوجة ابوها وخواتها تغيرت وصار قلبهم واحد دخل عليهم لافي ومو من عادته يجيهم بهالوقت ويترك البقاله وهو يتمتم بالكلام من بعيد ، عرفوا ان فيه مصيبه بيقولها ،،، دخل عليهم ،، والله مهوب سلمنا ولا هوب من طبوعنا ،، بس وشنسوي منيره : وش اللي جايك لافي : الرجال جاين يبي يعطيني مهر البنت ويقول لزوم اشوفها وذا شرع الله حست كأنها سكين انغرست بقلبها وبينها وبين نفسها " هو شايفني ، وش جاي يستعبط هنا ، وبعدين معه جوالي ليه ماكلمني عليه" لافي : قومي دانه ماتقدر تقول لأبوها انه شايفها : لا مابي اشوفه لافي : يابنت بس يشوفتس ويمشي وبعد ضغط ابوها ومنيره وافقت بشرط ابوها يكون معها قال لافي بكل سذاجه : بس هو شرطه يشوفتي ما معتس احد ، كود انه مستحي مني منيره : واللي يستحي يقول بشوفها لحالي ، لا والله ذا ما يستحي ولا ادري كيف جاب راسك وخلاك بكيفه دانه حست ان متعب ناوي على شي لافي : الرجال له فضل علي منيره : وش فضله ؟؟؟ البقاله تسوي كل ذا ، اجل لو فاتحلك سوبر ماركت وش تسوي له لافي يدفها بعصبيه : انتي ماعنتدس غير طول اللسان ، عجلي خليها تروح لرجلها ، خلينا نشوف كم يعينا مهر زاد الجدال بينهم ودانه بتموت من القهر على جرأة متعب دخلت المجلس بقهر من تصرفه و بعصبيه : نعم وش جايبك هنا متعب بنفس عصبيتها : انا مانبهت على وجودتس بالبيت اليوم ؟ دانه : كيف يعني ماراح ازور اهلي واعايدهم عشانك ؟ متعب : ايه عشاني ، اجل عشان من ، انا نبهتس اكثر من مره ، وامتس بعد قالت انها منبهه عليتس دانه : طيب ، وش تبي الحين متعب : ترجعين البيت وباتسر تستقبلينهم ، موقفي صار ولا شي قدام عمتي اللي اكثر من 5 مرات تجي من الشرقيه عشانتس ونتعذر لها دانه : بصراحه مابي اشوف احد متعب : اسمعي يابنت لافي ، كانتس عرفتي اني شاريتس وتبين ترفعين خشمتس علي ، ترى غلطانه تبي تقهره : طيب واذا رفعت خشمي عليك ، وش بيصير يعني سكت شوي وعرف انها تبي تغيضه وهي من داخل شيء ثاني وبينه وبين نفسه قال والله لأدبها ناظرها بشوق وابتسم : تدرين وش بسوي دانه بملل : وشو متعب قرب منها وبصوت اقرب للهمس : بقولتس ارفعيه زود وزود ، مابي حليله غيرتس حست ان جسمها كش من كلمته ، وصار وجها احمر من الاحراج وانعقد لسانها وماتكلمت ولا علقت على اي كلمه قالها متعب بيحرجها اكثر : بعدين في زوجه تستقبل زوجه كذا نزلت راسها بخجل حس انه احرجها بزياده وكلمها بجديه : الليله ترجعين البيت رجعت دانه اللي اول مادخلت المجلس : ماراح ارجع متعب وهو يضحك من تقلب مزاجها : طيب ، لاترجعين وان صار شي مايرضيتس لاتشرهين علي دانه بثقه : سو اللي تبيه ، مايهمني متعب : ابشري ، اذا مايهمتس ، وعد لخليه اهم حدث بتاريخ حياتس دانه : طيب ، شفتني يابو نظره شرعيه ولالا متعب : هههههههههههههههه ياناس عنادها عسل انعقد لسانها واستغربت جرأته ، ماكانت تتخيل الانسان هذا بالذات يكون كذا يالله روحي وخلي لافي يحس انتس مستحيه مني وانتي مازعلتيني بكلامتس المر طلعت بسرعه وهي تفكر فيه من غير ماتحس بعد دقايق دخل عليه لافي واتفق معه على المهر ووقت الزواج وطبعا متعب ذكي عرف ان لافي بياخذ المهر وماراح يعطي دانه شي بفطنه وذكاء : عطى لافي مبلغ بسيط بالنسبه لمتعب ولكن يعتبر ثروه بالنسبه للافي متعب : الفلوس ذي لك ، لو تحب تعدل وضع بناتك لزواج اختهم او لظروفك الخاصه ، ،،، اما مهر البنت برسله لأمها وهي تاخذه منها لافي : وش له تاخذه امها متعب : امها بتعطيه البنت ولو نقصها شي خلهم يبلغونك وانت علمني وانا حاضر بعد عدت محاولات فاشله من لافي قرر انه يقتنع ، خصوصا ان متعب عارف يمسكه من ايده اللي توجعه ،،،،،،،،،،،،،،،،،،،،،،،،،،،،،، في بيت عبدالعزيز بعد العيد بثلاث ايام شيماء زايره دانه وتحاول تهديها من توترها اللي عايشه فيه شيماء : حبيبتي ليش خايفه كذا هههههههههه انقلبت الآيه ، قبل بنات الــ 16 والـــ 18 يعيشون برعب من قرب زواجهم واللي فوق العشرين يتمنون قرب زواجهم اما اللي انا اشوفه صار العكس دانه بتوتر : بصراحه ماله حق يستعجل وقت الزواج ، وابوي الله يسامحه ما فكر يستشيرني شيماء : حبيبتي الرجال كبير وبيتزوجويخلص وانتي بعد كبيره ، وش اللي يخليه ينتظر ، لاوراكم دراسه ولا حاجه دانه : ينتظر لحد ما اجهز حالي الأقل شيماء : انا بكون معتس والبنات مايقصرون ، انتي بس هدي شوي دانه بينها وبين نفسها عارفه ان متعب قصد يعاقبها بتعجيل الزواج ، لكن ماتقدر تصارح شيماء بكل حاجه شيماء بابتسامه : امممممممم وبعدين مع كتكوتتنا دانه بخجل : مو كانوا بيخلون زواجه مع ولد خالته بيوم واحد شيماء : صح ، لكن هو استعجل ، على كلامهم انه دورة خاصه بالعمل في بلد اجنبي ، وبيضطر يأخر الزواج سنه فقال اتزوج قبل السفر احسن دانه بقلق : يعني بسافر معه سنه ؟؟؟ شيماء : ههههههههههه لما تتزوجون اسأليه ، انا ماعرف غير ان السبب هو سفره للعمل دانه دخلت بحيره وخوف وانواع القلق شيماء :اسمعيني بكلم عبير ونوره يخلصون لتس المكياج والعطورات ولوازم الجسم الخاصه وانا وانتي بنشوف الملابس والشنط وفستان الزواج وباقي الامور سهالات ،، انتي لاتخافين دانه : طيب ، بحاول استفيد من الوقت شيماء : على فكره ، اتركي الخوف والقلق ، الأيام ذي بتكون احلى ايام عمرتس ، اخذيها بروح حلوه وبدو خطوتهم الاولى بالتجهيزات ، وموضي انشغلت بتجهيز ملابس بناتها وبعض التجهيزات لدانه والكل كان مضغوط لضيق الوقت ،،،،،،،،،،، ،،،،،،،،،،،،،،،،،،،،،،،،،،،،،، في احد المجمعات التجاريه الفخمه دانه : لالا ، بصراحه صدمتيني ، ماكنت اتحيل انتس جريئه باللبس كذا شيماء : هههههههههه يابنتي ، اننتي كبيره ومتفتحته وغير كذا زوجتس دارس برا وخواله من دول الشام ،، يعني من الآخر عينه مليانه من النسوان وشايف اللبس على كيفه خليه يشوف كل شي عليتس لأنه عارف كل حاجه حست بإحراج : ما اتخيل اني بلبس كذا عند رجال غريب شيماء : هههههههههههههه تحسسيني انتس من بنات القريه ، وبتعاملينه كرجل غريب خذتها شيماء لأرقى المحلات ، اختارتلها تشكيله من جميع الموديلات وكان ذوقها راقي وناعم ويناسب اسلوب وملامح دانه وخلال اقل من شهر كان انجاز بالنسبه لهم وبمساعدة زميلات دانه بالمدرسه سكروا الشنط وهي كامله من التجهيزات اللي تلزمها وبدء العد التنازلي ليوم الزواج اللي بدت دانه تحس انها مشتاقه لهذا اليوم ، خصوصا انها اكتشفت جزء بسيط من شخصية متعب الطيبه ،،،،،،،،،،،،،،،،،،،،،،،،،،،،،،،، مشاعل : حقير العنود : طيب لما شفتيه بالمطعم ماقالك مشاعل : لا ماقال ، كل اللي قاله لي ، اهلي بالسياره ومستعجل ساره : بصراحه الحكايه طلعت ريحتها ، الرجال معتبر علاقتكم علاقة مراهقه ، وجزاه الله خير ، صارله اكثر من 5 شهور وهو يعاملك بالحسنى ولا هزأك او هددك انه يكلم ابوك خصوصا انه يشوفه بكل اجتماعات الشركه مشاعل : اسكتي طيب ، نفسي طايبه منك ولا متقبله منك اي كلمه العنود : من يوم ماتعرّفت على بنات الجماعات التوعويه بالجامعه وهي صاريرتلنا مثل الحارس بالبيت مشاعل : خليها تختفي عن سماي ، وخبريني بالضبط امك وش قالت ، ومن بنته اللي هو تركني وتزوجها العنود : لو قلتلك بنت من راح تنهارين مشاعل : انا منهاره من غير شيء ، قولي خلصيني ساره : بيتزوج دانه بنت موضي مشاعل : نعم ، نعم ؟؟؟؟؟؟؟؟؟؟؟؟؟؟ ساره : عرفتيها ؟ مشاعل باستهزاء : وهل يخفى القمر ، ابي افهم هي احلى مني بإيش عشان يتزوجها ساره : احسن منا كلنا ، لها اخلاق عاليه ،، ومن علة اخلاقها ماكانت تعلق على تصرفاتنا التافهه ، وكانت تبتسم لنا لما نكشر بوجهها مشاعل : شوفي ، كلام البنات اللي يقولونه لك ، لاتطبقينه علينا ، ترى اللي فيني مكفيني ولا لي مزاج للنصائح الدينيه ساره : احسن من اللي انتو تسوونه ، احنا جالسين نظلم انفسنا ، ولا فيه احد يقولنا عيب او حرام ، لازم كل وحده تحاسب نفسها بنفسها مشاعل : العنود ، اللي فيني كافيني سكتي اختك ولا طلعيها برا ساره : بطلع من غير لا تقولين ، لكن قبل اطلع ، تذكري انه بيكون يوم لك ويوم عليك تركتهم ولا اثرت فيهم لو واحد بالميه ،،،،،،،،،،،،،،،،،،،،،،،،،،،،،، الكل مجتمعين فبيت عبالرحمن ومبسوطين لرجوع خالد ، خصوصا انه رجع مخصوص لزواج متعب اللي بعد يومين نوف تناظره نظرات خاطفه وهو نفس الحاله ولكن وجود ابوه وعمه والاهل يمنعه من الهروب لغرفته بعد السلام والهدايا والاشراق والحنين خالد : والله لولا غلا متعب ماجيت متعب : تسلم ،، خشمك خالد بمزح : اشوف الزواج صار يفتح النفس ويخلي الواحد يضحك كثير ام خالد مالها خلق : والله الزواج هم وصارت تكلمهم عن التجهيزات وغيره حصه : الزواج باقي له كم يوم وحنا مانعرف شكل عروستنا خالد : ههههههههههههههه متعب : انا قلت خلوها مفاجأه شهد : اصلا ابله دانه مو حلوه ، انا احلى منها متعب : بدينا بغيرة البنات يمسكها ويدغدغ بطنها ، احلفي انها مو حلوه شهد بكل طفوله : ههههههههههههههه حلوه حلوه بس اتركني متعب : قولي الصدق شهد : والله حلوه الكل كان مبسوط الا ام خالد ، خايفه لاالبنت تاخذ عقله ويقهر خالته فيها ، خصوصا انها كل ماتشوفها بتتذكر المأساه اللي تجرعتها اختها وهي بعمر صغير حصه : ماقد جربت ذوقك ، بشوفه بدانه متعب : وعد انها بتكون احلى مما تتخيلين سلمان : زوجة متعب ، ذهبه ، من يوم ماقالي ابوها انها تساعده بمصاريف ابوها وخواتها رغم انها مو عايشه معهم ، وانا عارف ان البنت فيها بركه ام خالد : كل البنات يساعدون ابوهم ، وش اللي هي سوته زود متعب عرف ان خالته بدت تغار وحب يغير الموضوع : خلونا من هالكلام وعلموني ، من اللي بيزفني يوم الزواج وفعلا تغير الموضوع وحس متعب براحه تامه صارت بينهم مواضيع مختلفه وظلوا ساعات مع بعض لحد ماتعشوا وكل واحد راح لشغله ،،،،،،،،،،،،،،،،،،،،،،،،،،،،،،،،، دخل لغرفة نومه وهو ينتظر نوف اللي داقه عليه الثقل اول ما دخلت سحب يدها : تعالي هنا ضمها بشوق وحب : هنت عليتس ، ماتكلميني الا بالحسره ولا تردين على مكالماتي نوف تخفي شوقها له : كنت بتركك براحتك خالد : تتركيني 3 شهور ؟؟ ماتخافين الله فيني تبعد يديه عنها : انت اللي تبي كذا خالد : عرفتي تنتقمين مني ناظرته بحنان : اشوف عرفت تحطلي اعتبار يقرب منها : اكذب عليتس ان قلت انتس ماتهميني ، صرت اشوف الدنيا ولا شيء من غيرتس صار يبوسها بشوق وهدوء وخلاها تنسى انها ماخذه بخاطرها عليه يمسك بطنها وقالها بهمس : كبر كثير نوف : ايه ، شكله بيطلع دب يبتسم لها : وش نوع الجنين نوف : انت وش تتمنى خالد : امممممم والله البنت مهيب شينه ، بس كانها بتطلع مثلتس وبتقهر زوجها فكينا منها واللي يرحم والديتس ترميه بالخداديه : هههههههه اصلا يابختك لو طلعت مثلي خالد : ايه والله يابختي ، وين الواحد يلقى اميرة مثل اللي عندي نزلت راسها بخجل وهي بقمة الفرحه انها عرفت تخليه يحس فيها خالد: هاه، ماقلتيلي وش نوعه نوف : ولد خالد : كويس ، يسلي دحوم بوقت الفراغ ،،، طيب وش تحبين نسميه نوف : اصلا خالتي تقول انتي مهمتس تنتهي بعد الولاده مباشرة هي بتاخذه وهي اللي بتسميه هههههههههه خالد : احسن ، خلينا نعيش وقتنا لبعض نوف : ههههههههه اناني ماتفكر الا بنفسك خالد يقرب منها : طيب تعالي وخلينا من الكلام الفاضي |
،،،،،،،،،،،،،،،،،،،،،،،،،،،، بعد يومين جاء اليوم المنتظر ، الكل ينتظره بشوق في افخم قاعة افراح بالرياض جهزوها بكل دقه وفن وعلى ايدي امهر مصممات الكوش والستايلات الخاصه بالقاعه ، وحلويات التقديم والمعجنات كانت من افخر ما يمكن المكان يدل على الرفاهيه وذوقهم الراقي والمميز في انتقاء ابسط وادق الامور بعنايه شديده ، بدت القاعه تمتلي من المعازيم ام خالد رغم كرهها لدانه وكرهها لطريقة زواج متعب ، الا انها كانت تحس بفرحه شديده ماتعرف مصدرها وكان فعلا واضح عليها انها مبسوطه بزواج متعب وانه جاء اليوم اللي تشوفه لابس البشت بغض النظر عن زوجته من تكون نوف لابسه فستان اسود لامع بدون اكمام ومكياجها صارخ وتميز شعرها بتسريحه تناسبها موضي وبناتها كانوا بقمة فرحتهم بزواج دانه ، ينتظرونها بفارغ الصبر منيره وبناتها كانوا لايقلون عن المعازيم ، ومنيره تكن لدانه كل الشكر والاحترام انها حرصت على ان مضهرهم لا يقل عن طبقة عالة متعب ام خالد بناء على توسل خالد لها وانها راح تخلي متعب سعيد لو استقبلت اهل دانه بصدر رحب ، وفعلا كان استقبالها لهم معقول ، رغم انه يخفي بعض الجفاء تمت مراسم الزواج وصار وقت دخول العروسه اللي كانت ترافقها شيماء وبعض زميلاتها بالمدرسه طفت الانوار وجهزوا الانوار الخاصه لدخول العروس وعلى انغام البلابل والعصافر والقصيده الخاصه اللي كانت اهداء من زميلتها بالمونتاج الخاص باسمها دخلت وسط فرحة الجميع ، وابهرت الكل بنعومتها وذوقها الراقي كان فستانها اوف وايت من غير اكمام ،، نافش من بداية الخصر بشكر مرتب وهاديء ويغطيه الستراس اللامع بشكل يلفت النظر تميز مكياجها باللون الوردي والموف وتسريحتها زادت نعومتها ،،، جمعت شعرها كله لور على شكل بف خفيف ونزلت خصل خفيفه عند عيونها وتخلل الطرحه ورد طبيعي بين الموف والوردي ،، وكانت ابتسامتها ارقى ما يمكن ان يكون مشت بخطوات ثابته متجهه للكوشه ، واحساسها انها فراشه طايره وماهمها غير جمال الزهور والالوان وصلت للكوشه بوسط تبريكات اهل العروسين وجلست لبوقت زفة العريس بعد وقت قليل جاء وقت دخول متعب ، كان احساسها خيالي ،،، بكل انوثه وخفة نفس ، اضطرت انها تعتبر انه يوم ماراح يتكرر واقل حاجه ممكن تكون منها ، انها قررت تنبسط فيه وفي احداثه الخياليه من غير لاتفكر باللي كان ومن غير اي شيء يعكر مزاجها سعادتها كانت واضحه عليها ، مشاعل : شايفتها كيف مبسوطه العنود : ما راح الومها ، مو شايفه خير ، غير انها ،متزوجه متعب ، بتتزوج فلوسه اللي مالها حل غيرها مشاعل تضحك بقهر : على قولتك ، لكن والله لأعلمه كيف يتزوج اللي ماتسوى خادمه عندي دخل عليهم بكل شموخ وثقه ، كان معه لافي وابوه وعمه الكل انبهر من جماله ومن رزته ، كان له هيبه في مشيته وفي نظرته وحتى ابتسامته فيها انواع الثقل والاتزان مشاعل حست انها راح تموت من القهرلما شافته بعد ما وصلوا ، شالت امها غطاها الخاص مع فستان الزواج ،، بعد ما طلعوا الرجال اللي دخلوا مع متعب جلس على الكرسي من غير لا يشوفها ولا ينتبه لشكلها ، وهي حست انها بدت ترتبك وتخاف حصه تقرب من اذنه : بصراحه احلى مفاجأه ، البنت عسل ونعومتها تغطي على كل حاجه فيها زادت ابتسامته : شفتي ان مفاجآتي غير موضي تقرب بنتها وتهمس لها : ارفعي راستس يا يمه ترى الناس ماترحم وقفوا المعاريس بيطعون للفندق اللي حجزوه لليلتهم الخاصه ووسط زحمة الناس والمصورات واهل العروسين ، والازعاج يعم المكان والاصوات صارت ماتنسمع من الفوضه اللي تكون عند باب القاعات عادتا تفاجأ متعب وهو ماسك يد عروسته بصوت احد يناديله اللي عصر قلبه انه صوت مشاعل ، حاول انه يوهم نفسه انها مو هي لكن تفاجأ انها فعلا مشاعل مكياج صارخ وشيلة تفضح اكثر من انها تسترها وبكل حقد : الف مبروك دانه بقمة خجلها وهي منزله راسها حست ان الوضع فيه شيء مو طبيعي رفعت راسها وهي تتمنى انها ماتكون صدمه جديده بحياتها ، شافت البنت وحاولت تتذكرها ، " ايه هذي اللي كانت بالمطعم " غريبه مستحيل تكون من محارمه !!!!! ومستحيل تكون تعرفه معرفه خاصه !!! مشاعل وعينها مانزلت عن دانه : حلوه عروسك اللي فضلتها علي ؟ ناظرها بنظره كلها تهديد ومن داخله حس ان دمه يفور ويفكر انه مايفوت تصرفها على خير ،،، حاول انه يطلع بسرعه مع دانه قبل احد ينتبهلهم دانه وهي تمشي ، حست انها تمشي على جمر ، وكلام مشاعل اثبتلها انها على علاقه معاه وانه كان بينهم اتفاق على الزواج دخل سيارته وحمد ربه انه كان مبلغهم انه مايبي احد يوصله للفندق وانه بيروح بنفسه نزل بشته وخلاه بالمرتبه الخلفيه ،،،، تقريبا نص ساعه ، ماحاول ولا تجرأ انه يتكلم بأي كلمه ، ودانه نفس الوضع ماتكلمت ولا كلمه و مشوارهم اللي نص ساعه مر عليهم كأنه ثواني معدوده متعب يتمنى المشوار يطول اكثر ، مو عارف يجمع تفكيره ويوصل لمبرر مقنع حتى يقنع دانه فيه وهي تفكر بنوع علاقته مع البنت ؟ وكيف تجرأت انها تكلمه بيوم زواجه ويده بيد زوجته ،،،، تحاول توصل لشيء يريحها من التفكير ولكن الطريق مسدود ،،،،،،،،،،،،،،،،،،،،،،،،،،،،،،،،،،،، |
البارت الثالث والعشرون دخلوا لغرفتهم المجهزه خصيصا لهم وبخطوات متثاقله وصل للكنبه وجلس بتعب ويده تغطي عيونه بشكل عرضي عرفت دانه انه مايملك القوه الكافيه بأنه يفتحمعها موضوع مشاعل ، بلا مبالاه خذت شنطتها وهي متجهه لغرفة النوم ، سكرت الباب وهي تجهز منشفتها دخل عليها والمنشفه بيدها اصابعه تخللت شعره ونظراتهم مواجهه لبعض بتردد : بتاخذين شور ؟ رجعت تبعثر حاجاتها اللي بالشنطه من غير هدف : عندك مانع متعب بإحراج : مابعد شفت عروسي ناظرته بملل : عروسك قدام الناس ، لكن بينا الوضع غير يحاول يتكلم لكن الكلام ماينجمع من القلق : انا عارف ان اللي صار بزفتنا شيء خيالي ،، لكن قاطعته بكل غضب وكره : لا تفكر انك تهمني او ان الموقف اثر فيني يحاول يبرر موقفه :من جد مهما ابرر الموقف ماراح تتفهمين علاقتي معها ، لكن والله مايربطنا اي شي ، لاتفهميني غلط دانه باستهزاء : صحيح !!!!!!؟ طيب واللي كانت عند باب المطعم وجلست تتكلم معها وقت طويل وكان واضح عليكم انها مو اول مره تقابلون بعض شوف يامتعب ، لا تعتقد اني غبية لدرجة انك توهمني بأنك انسان طيب ،،، انا عارفه مدى الخبث اللي بقلبك يحاول يبرر موقفه : كانت معرفه قديمه التفتت له بحقد : طيب ، ممكن اعرف المطلوب مني متعب بعصبيه : يابنت الناس لاتظلميني ، الوقت قدام وكل شي بيوضح قدام عينتس دانه بألم : يا الله ، حتى ليلة زواجي مو نفس البنات ، ياربي وش الذنب اللي سويته ولا يغتفر عشان اشوف كل هالمآسي بحياتي يقرب منها بهدوء ويحب راسها : صدقيني مايربطني فيها شي ، كانت علاقة قديمه بحكم دراستنا ، والله ماتتعدى زمالة الدراسه كلمها بهدوء وثقه حسسها بمدى صدقه : ماراح اضغط عليتس ، لأني فعلا لو اتكلم لين تطلع الشمس ، بيكون عذري اقبح من ذنبي لكن اتمنى تقدرين موقفي سكتت باستسلام : عموما مايهمني اعرف سر علاقتكم كان واضح عليه الضيقه من الموقف اللي صار ، نزل جواله على الطاوله القريبه منه وخذ ملابس ومنشفته وطلع للحمام الثاني بيتروش بعد ماخلص من الحمام ولبس بجامه سبورت خفيفه متعب : تعالي تعشي دانه : مو جوعانه متعب : لو ماكلتي ماراح آكل دانه : مو لازم تاكل قامت وقفلت الباب ودخلت تروشت وغسلت المكياج اللي كان ثقيل جدا خصوصا انها مو متعوده على الاصباغ والزينه الاوفر حست بمعاناة شديده مع تسريحتها فيها مليون بنسه ،،، وبعد ساعه كامله تمكنت من نفسها ورجعت دانه العاديه طلعت من الحمام بخفه ،، لبست بجامه ناعمه من لازنزا والوانها هاديه ،، حطت كحل خفيف داخل العين وقلوس وردي بعد ماخلصت راحت تجفف شعرها بالمجفف الخاص بالفندق ،،،،،،، وطلعت للغرفه و خذت جلالها صلت ركعتين كلها توسل وخضوع لله سبحانه وتعالى انه ينجيها من مفاجآت متعب وغموضه واخيرا دخلت بفراشها ونامت حست فيه وقت الفجر وهو يلبس ويستعد للخروج فزت من فراشها بخوف وفتحت الباب : وين بتروح التفت لها بابتسامه هاديه : بصلي حست بخوف اكثر : صل هنا متعب بإستغراب : اصلي هنا ؟؟ وش عذري اللي مايخليني اروح المسجد دانه : انا خايفه قرب منها بهدوء : وش اللي خايفه منه بدت تتوتر من قربه : المكان غريب علي واخاف احد يجي وانت مو هنا ابتسم لها : حنا بالرياض ، لا تخافين ،ولاتفتحين الباب لأحد ، بصلي وارجع بسرعه اقتنعت بكلامه مع انها خايفه ومتوتره بعد ماتوضأت ، استعدت للصلاه بخشوع وهدوء حست براحه وانها انسانه جديده ، وصارت تدعي الله انه ييسر امورها وانها راضيه بقسمة الله باللي تجهله من متعب والخبث اللي يخبيه بصدره بعد ماشالت جلالها تذكرت انها ماقفلت الباب ، قامت وقفلت باب الغرفه وحاولت تنام بعد دقايق حست بدخول متعب وكأنه حاول يفتح غرفة النوم متعب : دانه دانه بخوف : نعم متعب : بتخليني انام برا انربكت وهي تفكر ، ياربي وش اسوي متعب : مطوله وانتي ساكته دانه يعني بتكحلها عمتها : متعوده انام بروحي متعب بمزح : هههههه لا ياشيخه ، اخاف متعوده تنامين مع احد ،، اقول افتحي الباب بس انلجم لسانها ، يافشلتي تفكيره وين راح متعب : يالله افتحي الباب ، ترى ماعندي بدلع البنات قامت تفتح له الباب صار مقابلها مباشرة ، وهو واقف سرح بملامحها الطفوليه الناعمه وبجمالها البسيط كان مكياجها ناعم وهادي ولا فيه اي تكلف ، بجامتها من النوع القطني الخفيف ربع كم لونها كحلي بوردي ، وشعرها ناعم وتاركته بشكل مهمل الشيء هذا حسس متعب انها انسانه ناعمه وراقيه ومتواضعه لأبعد الحدود كانت بعينه ملاك ونعومتها كانت سر انوثتها الطاغيه قرب منها دانه : لاتلمسني متعب : ليه ، حرام !!! دانه : لاتلمسني ، تمثيليتك انت وامي ، على الناس مو علي انا متعب : ماني عارف كيف تقتنعين بصدقي ، لهالدرجة حتى الحلف مايكفي تحاول تبتعد عنه ، لكن هو ماتركها ،،،،، فجأه مر عليها طيف عبدالعزيز ومن غير شعور صرخت من الخوف مسكها بقوه وحط يده على فمها : مجنونه انتي ، بتجمعين علينا الناس دانه بصوت باكي : بعد عني ، لاتلمسني عرف انها خايفه وتفهم وضعها : خلاص ، بنام برا ، ارتاحي وقفلي الباب لو حبيتي بعد ماطلع صارت تبكي بخوف وتفكر بمتعب كيف بيتقبلها وهي تعاني من ازمه نفسيه والسبب يرجع لأهمال امها ، ومن جبروت عبدالعزيز اللي ماخاف الله فيها مر عليهم اليوم طويل متعب : بحاسب الفندق وارجع ، حاولي تجهزين خلال عشر دقايق دانه بخضوع : طيب ابتسم لها وراح بعدماخلص اجراءات الفندق وهو متجه لبيته بالسياره يحاول يكسر حاجز الصمت : لو تشوفين الجناح اللي جهزه ابوي ماراح تصدقين سكتت ماردت عليه متعب : اممممم ، انا اللي محيرني شي واحد ، ماني فاهم سكوتس ذا ، هو حياء ولا زعل ؟ التفتت له : كيف شكله الجناح فقد نفسه ومات من الضحك : هههههههههههههههههه يالله على شخصية هالبنت ، تبي توضحين انه لا خوف ولا حياء ، وربي انتس عسل انحرجت وتمنت الوقت يقصر وتكون بمكان لحالها متعب عرف انها انحرجت : بتشوفينه ، خيااااال ، من جد الشايب ذوقه ولا ذوق احسن مصمم ديكورات مر الوقت ومحور حديثه معها ماتعدى اثاث الجناح الخاص فيهم وهي اغلب الوقت ساكته بعد ماوصلوا البيت ، استقبله ابوه بكل حب وشوق سلم على دانه من بعيد ، وذي كانت رغبته اللي متعب تفهمها خصوصا ان سلمان رجل متدين ويحترم الحدود الشرعيه سلمان : الطباخ مجهز العشاء ، وكلمته يوصله لغرفتك متعب : الله لايحرمني منك سلمان يبتسم: اخذ زوجتك ، خلها تشوف بيتها متعب : بنجلس معك شوي ونروح نشوف البيت سلمان : الساعه المباركه بعد ربع ساعه استذنهم سلمان بيطلع لشغل مهم سلمان بابتسامه : اخذها تشوف بيتها مد يده لها : تعالي شوفي مملكتس الصغيره ماحبت تحرجه قدام ابوه وقامت معه وهم على اول الدرجات ، سحبت يدها منه بقوه ، وهو تقبل تصرفها ولا علق او عاتبها بشيء فتح الباب ،،، ودخلوا ناظرت الصاله بانبهار ، فخمه وراقيه ، الوانها بين الابيض و الاسود والعنابي ، كل قطعه تثبت ذوق اللي اختار الأثاث صارت تتمعن بكل قطعه وكأنها لوحة فنان ، ،،، كان الجناح عباره عن صاله كبيره وغرفة نوم مكتب مخصص لمتعب ، وحمام خارجي وحمام في غرفة النوم ،، والمطبخ صغير جدا للأشياء البسيطه لاحظ اندهاشها واعجابها بالجناح : ماتبي تشوفين غرفة النوم تحاول ترجع لطبيعتها : بشوفها بعد شوي متعب بمزح : انا ماشفتها ، خلينا نشوفها مع بعض عرفت انه ناويلها نيه ، جلست على الكنبه وبتوتر قالت : بجلس هنا ، شوف الغرفه لحالك مسك يدها : تعالي شوفيها ياخوافه ، ماراح آكلتس قامت معه لأنها ماتبي تحسسه انها خايفه دخلت وهي بقمة استغرابها من دقة الأثاث ومن الألوان المنسقه كانت غرفة النوم اللون الغالب عليها الاوف وايت ، اما الستاير والمفارش كان لونها سماوي فاتح وكسر اللون البني الداكن اللي كان يدخل بشكل قليل جلست على السرير تلمس الفراش الناعم اللي كان حرير مطرز بدقه عينه ماغابت عنها ، عجبته بتواضعها وهي تدقق بالأثاث الفخم حست انه يناظرها ورفعت راسها وشافته فعلا يناظرها ،، نزلت راسها بسرعه وصارت تلعب بأصابعها بقلق جلس على طرف السرير يحاول يقرب منها وبصوت هامس : عجبتس الجناح بدت ترجف : بصراحه رايق قرب منها اكثر وطبع بوسه خفيفه على خدها ،،، خافت منه وقامت بسرعه ،،، قربها منه اكثر وصار يتمادى في بوساته لها حاولت تمنعه بكل قوتها ، لكن هو مصر انه مايتركها متعب بعصبيه : لو تصرخين لي الصبح ، خوذي راحتس ، البيت فاضي مافيه غيرنا دانه : لااااا وهو يضمها : انا ما صدقت نكون لحالنا دانه بتوسل : الله يخليك انا خايفه بعصبيه : ولا كلمه بدت تبكي بخوف وهي تبعده عنها وتترجاه بعد معاناة ، رق قلبه لها قام عنها وحاول يلطف الجو : سماح ، عفينا عنتس ، لكن اتمنى الوضع مايطول كذا على فكره باتسر بنفس الوقت بنسافر التفتت له بإستغراب وخوف : وين ؟ ابتسم لها : ماقد سمعتي عن شيء اسمه شهر عسل ؟ دانه وخوفها لايزال ينهش قلبها : ماله داعي متعب : انا اللي اقرر مو انتي طلع يتعشى بالمجلس ، حتى تاخذ راحتها وتتعشى من غير احراج منه ،،،،،،،،،،،،،،،،،،،،،،،،،،،،،،،،،، اليوم الثاني نوف : بصراحه جمالها بنعومتها ام خالد : شيماء احلى منها نوف استغربت تعصب ام خالد من دانه : احس انتس مو مرتاحه لها توترت ام خالد من ملاحظة نوف : ارتاح ؟ من متى المعرفه عشان ارتاح ولا ما ارتاح نوف : امممم ماني عارفه ليه حاسه كذا ، لكن من جد البنت شكلها طيوبه وهاديه جاتهم حصه : يالله ظهري بيتكسر ام خالد : من الردح اللي من اول الزواج لآخره حصه : وش نسوي بعد ، ان ماتكسرنا لمتعب من بنتكسر عليه ام خالد ونوف : ههههههههههههههههههههههه حصه بأسلوبها المرح : من جد وش رايكم بفستاني ام خالد : انا اروح اجلس مع نايف احسنمن سواليف البنات اللي مالها طعم نوف : ههههههههه حرام الظلم جلست حصه ونوف وهم في حديث عميق عن دانه اللي حبوها وهم مايعرفونها حصه : متعب حرق قلبي ، اقوله وين بتسافرون ويقولي مفاجأه نوف : بقولتس ،عشان قلبتس لايحترق ،،،،، وبهمس بيروخون باريس حصه : ياسلاااااااام عليك يامتعب ، ياليته زوجي نوف : هههههههههههههههههه ابو فهد مايقصر حصه : ابو فهد لو يتزوج وظيفته احسن ههههههههههههههههههههه دخل عليهم خالد وبعد ماسلم : شكلك تعبانين من تجهيزات الزواج حصه : والله بموت من التعب ، يكفي الكعب يهد الحيل خالد : هههههههههههههههههههه محد قالتس البسيه حصه : لازم اتحمل حتى اكون نيو لوك على الناس خالد : والله انتن عوار قلب ، الله يعينا عليكن حصه : الشرهه علي اللي جالسه معكم ، بروح لأمك ونايف ابرك من مقابلكم نوف : هههههههههههههههههه صار يراقبها لين تأكد انها طلعت وناظر نوف : متى تولدين خلصيني ، ماعاد اقدر ابعد عنتس لو يوم نوف : احسن ، خلني كذا بتغلا عليك خالد : ماله لزوم تختبريني ، انا اعترف اني ماراح اقدر اسافر الا وانتي معي نوف : بتتأخر كذا وانا قدامي تقريبا شهر ونص خالد : الله يعين على الشهر اللي بيكون سنه نوف : ههههههههههه ، تعال فوق بجهزلك عشاء خالد : طيب روحي وانا شوي وجاي نوف : طيب ،،،،،،،،،،،،،،،،،،،،،،،،،،،،،،،، مشاعل تبكي بحرقه : شفتيه ولا حتى مهتم فيني لما : انتي تصرفك كان صعب ، وانا خايفه لا ينتقم من اللي صار مشاعل : ياليته ينتقم على الاقل يكلمني واكلمه لما : خلاص يا مشاعل ، لا تصيرين لزقه على الرجال ، واحد معتبر علاقتكم علاقة طيش ، انسيه خلاص مشاعل : راح اخليه يندم لما : ماينفعلك غير عنود وساره ، هم اللي يعرفون لحدودك مع نفسك توقف قدام المرايه : وش العيب اللي فيني ، انا احلا منها بكثير ، ليش اختارها وتركني ليش وصارت تبكي لما : حبيبتي انتي ماتحبين متعب لحد الجنون ،،، انتي تحاولين تجيبين راسه وبس لأنه الوحيد اللي يحاول يعتبرك ولا حاجه مشاعل متأكده من كلام اختها ولكن كبرياها مايسمحلها توافقها الرأي : متعب يحبني واحبه ، لكن الداهيه ذي زوجوها له بالغصب لما : من قالك كذا مشاعل : واضح عليه ، انه مغصوب عليها لما : بالعكس ، اشوف انه كان مبسوط للآخر وهي بعد ؟؟؟ ماني عارفه كيف قررتي انهم مجبورين على بعض مشاعل بقهر : طيب يامتعب ، اذا ما اخليك تترجاني ارجع لعلاقتي معك لما : راح فيها المسكين ، الا بقولك ، الحين وليد اللي شفتيه بشركة ابوي مو مالي عينك ؟؟؟ والله انه يجنن وغير كذا مزوح مو نفس متعب ما يبتسم الا بالحسره مشاعل بمكر : وليييييييييد ، ايوووه جبتيها لما : ياربي سترك ، انا بطلع اتمشى مع خوياتي ،، باي ،،،،،،،،،،،،،،،،،،،،،،،،،،،،،،، ثاني يوم بعد المغرب دخل عليها بغرفتها بصوته الهادي يقرب منها وابتسامته ماليه وجهه : جهزتي ؟ خافت من قربه منها وحاولت تبعد عنه متعب : شكلي يخوف؟ وضح عليها القلق وهي ساكته متعب بهدوء : ههههه طيب طيب ، بقدر وضعتس النفسي ،،،،، وقرب منها اكثر وبصوت هامس : لكن بسفرتنا انسي اني راح افوتس مني لو لثانيه وحده خلال ثواني استرجعت اللي حصل بينها وبين عبدالعزيز وبخوف فوق المعقول : انا مابي اسافر متعب : ههههههههه يا جبانه كأني متزوج وحده عمرها 12 سنه ، كل ذا خايفه مني تحاول تنقذ نفسها : اصلا مو خايفه منك ، بس اشوف شهر العسل للي ظروف زواجهم غير ظروف زواجنا تسند على الكرسي اللي هي جالسه عليه : بالنسبه لي ، اعتبر ظروف زواجنا كانت احلى قصة حب دانه بربكه : خيالك واسع قرب منها وهو يضحك : يعني بتفهميني ، اني ولا مره جيت فبالتس نزلت راسها بإحراج : لا متعب : امممم اجل لا ، واضح ماتكلمت ووضح عليها الخجل من كلامه معها متعب : يالله ، بنزل مع ابوي شوي ، وانتي معتس ساعه اجهزي فيها واول ما تشوفين المسج تعالي السياره وهو طالع : خلي الشنط هنا ، بخلي السواق ينزلهم السياره صارت تفكر بخوف وحيره ، مو عارفه مصيرها المجهول ، خايفه لا يكون زواجها خدعه خايفه من الرجل الغامض اللي بتكون معه شهر كامل ولوحدهم ،،،،، يالله حتى خايفه لا اتعلق فيه وينصدم اني ماراح اكون ام لأولاده جلست على السرير وهي بقمة حيرتها ، مو عارفه كيف تتعامل مع حياتها الجديده ماحست بنفسها الا وهي غارقه بالنوم ، خصوصا انها تقريبا مانامت لمدة يومين الا غفوات كلها توتر وقلق ،،،،،،،،،،،،،،،،،،،،،،،،،،،،،،،،،،،،،،، اتمنى البارت يعجبكم |
البارت الرابع والعشرون
مشاعل وتفكيرها الخبيث ، استغلت سفر ابوها وبلغت سكرتير شركة سلمان انه يبلغ وليد ، بإجتماع في بيت سعد لبعض اجراءات المناقصات بين شركة سعد وشركة سلمان لما : مجنونه ، ولو سأل بابا مشاعل : الاجتماع كان الاربعاء الجاي ، اكيد انه بيفهم انه ما انتبه للتاريخ كويس لما : لا ما تدخل العقل مشاعل : ومستر سعد من متى يجلس يناقش امورنا الخاصه ، حتى يجي يسأل عن وليد والموعد لما : هههههههههه صح ، جبتيها حست بصوته جاء وقامت بسرعه لبست بنطلون ضيق لونه زيتي بلوزه ماسكه على الجسم نص كم لونها برتقالي ، تركت شعرها على اكتافها بتدرجاته الخياليه وتزينت بمكياج ناعم ورشت عطر مس ديور الخيالي ،،، نزلت بهدوء ، دخلت المجلس بثقه مشاعل : صباح الخير وليد بحكم عاداته وتقاليده صد عنها ومافكر يشوفها مع انه عارف ان حياتهم فري مشاعل بغنج : امممم بابا مو هنا وليد باستغراب : السكرتير خبرني انه ينتظرني اليوم تحط يدينها وراء ظهرها بدلع وصارت تتمايل : يمكن اخطأ بالتاريخ ، لأنوووو بابا مسافر ، دخلت الشغاله ومعها عصير مشاعل : تفضل ، العصير وليد يستعد للخروج : شاكر لكم ، دام الوالد مو موجود ، بمر عليه وقت ثاني حط عينه بعينها كأنه يثبت لها اعجابه الشديد بجمالها مشاعل بجرأتها مانزلت عينها عنه واغرته بابتسامتها اللي تزيد انوثتها وهو طالع : اتمنى تبلغونه بحضوري ردت عليه بدلع : من عيوني ، بخبره انك ماشربت العصير ، حتى يزعل منك تجاهلها وطلع بسرعه خذت العصير وشربته وهي بتموت من القهر : صدق الطيور على اشكالها تقع ، كأنه اطباع متعب جاتها لما بخطوات متسارعه : وش صار مشاعل : بخليه خاتم بيدي لما : ارجوك شوفي غير وليد ، شكله جنتل مان والفكره اللي قلتيها لي مو جايه مع شخصية وليد مشاعل : هههههه اقرب واحد لمتعب هو وليد ، لو تعرفين غيره دليني عليه لما : ههههههههههههه انتي كارثه ،،،،،،،،،،،،،،،،،،،،،،،،،،،، دخل لغرفته القديمه ، وتجهز للسفر ، خذ شنطه واتجه لسيارته اتصل على دانه اكثلر من 8 اتصالات ولا في منها اي رد ،،،، فكر بحيره " لايكون تطلع لي طلعه وتقول مابي اسافر " بيكون مشوار جديد معها بدء ينرفز من برودها ونزل باستعجال متوجه لها فتح باب الجناح واستغرب من هدوء المكان : دانـــــــــــــــــــــه دخل الغرفه ولقاها في سبات عميق متعب بخيبه : ياربيييييي ، متى بتجهز والطياره مابقالها شيء بصوت عالي : يابنت فزت من مكانها بخوف : وشو متعب : شوفي الساعه دانه تحط يدها على راسها من الربكه : ما انتبهت لحالي ونمت متعب : طيب مافي وقت للنقاش ، انا بالسياره 10 دقايق وتكونين عندي دانه : طيب بكلم امي متعب : البسي اخلصي علي ، بالسياره بتكلمينها ،،،،،،،،،،،،،، طلع وتركها تجهز براحتها ارتبكت مو عارفه تبدأ من وين ،، ركزت على جاجات مهمه لازم تكون معها وجهزتهم بشكل سريع لبست ترينج لونه بيج عملي ويناسب السفر البعيد من حيث الراحه وحاولت تخلص بوقت سريع ونزلت للسياره بصوته الحاد اللي يخوفها : بمر على خالتي ، سلمي عليها ولو لاحظتي انها متضايقه من وجودتس تقبلي الوضع دانه بإنكسار : ان شاء الله متعب بينه وبين نفسه "وش نوعها حتى ماتبي تعرف ليه خالتي متضايقه " استغرب متعب من عدم تطفل دانه بأي شيء يمر عليهم والشيء ذا اثبت له انها مجبوره عليه وصل بيت خالته : انزلي نزلت معه ،، تتبع خطواته بانتظار المجهول وراء باب البيت الفخم اللي يفوق جمال بيت عبدالعزيز بمرات كثيره فتحت لهم شهد وهي تضم متعب بحب وشوق ، ودانه دخلت مع الشغاله بالصاله تنتظر ام خالد بعد لحظات جاء صوت ام خالد وهي تضم متعب وتسلم عليه بحب متعب بإحراج : يمه دانه هنا ، الظاهر ماشفتيها ام خالد بملل : هلا حبيبتي شلونتس جات دانه لأم خالد سلمت عليها وحبت راسها ،،، تصرفها اعجب متعب ،، واللي عجبه اكثر هو معرفته بقناعة دانه بأنه متزوجها لمصلحه وبيتم طلاقهم قريب يعني لما حبت راس خالته ماكانت ناويه تكسبه او تكسبها ، لكن من احترامها وتقديرها لأي سيده كبيره بالعمر ام خالد تتجاهل دانه وتوجه حديثها لمتعب : راح توحشنا متعب بابتسامه : الله لا يحرمني منتس شهد : ابله دانه ، لاتزعلين متعب دانه بخجل : ماراح ازعله جلست شهد ودانه يتكلمون بصوت خفيف ويضحكون ،،، ومتعب وخالته بنفس الوضع متعب : يالله ، لا نتأخر ،، سلم على خالته والعيال وطلع للسياره ودانه معه بالطريق ، استغل راحة دانه غير عن امس وصار يوضح علاقتة مع مشاعل وعن تصرفها السخيف ،،، كلمها بأمور عده ومنها وضع زواجهم وهي تقريبا ساكته اغلب الوقت وصلو المطار ونزل الشنط ودخل باستعجال لأنهم كانوا متأخرين انهوا اجراءات المطار ، وانطلقت رحلتهم الى باريس بلد النور وبعد 6 ساعات تقريبا وعند القرب من مطار باريس كلمها : شيلي غشوتس دانه بغضب : لا ما اشيلها متعب : ممنوع دانه : مايهمني ، مو شايلتها لو يسجنوني متعب : ههههه مو وقت عناد ، شيليها خلينا نخلص دانه : وانت مالقيت غير المكان ذا متعب : آسف ، اعتبريها غلطة عمري بس شيلي خلصيني حست من كلامه انه معصب ولا له مزاج ياخذ ويعطي معها متعب : وبعدين دانه عيونها امتلت دموع : مابي متعب : طيب نزليها بشكل مهمل نزلتها بشكل غير واضح ، ومر عليهم وقت الهبوط ومطار باريس كأنه اعمال شاقه ،،،،،،،،،،،،،،،،،،،،،،،، بالفندق توجهو لسويتهم اللي عباره عن صالة وغرفه وحمام ومطبخ تحضير خذت شنطتها ودخلت الغرفه بهدوء ، تروشت من تعب السفر ولبست ملابس خفيفه ،، وبعد ماصلت الصلوات اللي فاتتها ورتبت ملابسها بالخزانه رمت نفسها على السرير بتعب ،،،،،، وبالرغم من تعبها الا انه مايمنعها من التفكير " معقوله انا فباريس ، بلد النور ، يالله احس انه حلم ، زواجي عن بكرة ابيه حلم ، شيء غريب ماني قادره اصدق الايام اللي راحت واليوم الغريب اللي انا فيه متعب عند الباب : وش مقفله الباب له ؟ دانه بربكه : اغير ملابسي متعب : افتحي الباب فتحت الباب ، دخل بتعب :: جهزيلي ملابس ، بطلع من الحمام القاها على السرير دانه : ما اعرف نوع الملابس اللي تبيها ، بجيب الشنطه وخذ منها اللي تبيه دخل الحمام وهو كاره تصرفاتها اللي زادت عن حدها دخلت شنطته للغرفه وسكرت الباب عليه ، طلعت للصاله ونامت على الكنبه بعد اقل من ساعه حست بيده على شعرها ، قامت على خوف من قربه الشديد منها بصوت هادي : بتنامين هنا دانه : ايه متعب : ماتهونين علي ، خلينا نتعشى ونامي على السرير ،، وانا انام هنا بدء رفض دانه العنيد واقناع متعب الهادي وفعلا عرف يقنعها وكلت شيء بسيط ودخلت نامت في اليوم الثاني ،ماصحوا الا وقت الظهر من تعب السفر ،، بعد ما جهز متعب ، طلع يحجز لهم غداء وهو متجه لمسجد صغير بالمنطقه بعد نص ساعه متعب : دانه دانه : نعم متعب : تعالي تغدي دانه : مو جوعانه متعب : لا تخليني افقد اعصابي ، صرت اتعامل مع وحده كأني خاطفها مو متزوجها خافت من نبرة صوته الحاده والعصبيه : مو جوعانه ، غصب آكل ؟ متعب : ايه غصب ، تعالي خلصيني لا افجر الغرفه على دماغتس جات بخوف وجلست معه متعب : اكلي تناظر للأكل باستغراب : وش ذا متعب : اكل ، وش بيكون يعني دانه : ماحب كذا يمثل عليها العصبيه : تبين كبسه دانه بخوف : ايه انصدم من طلبها : كبسه فباريس دانه : خلاص مو لازم آكل سكت شوي : طيب بطلع ربع ساعه وارجع دانه بلا مبالاه : طيب اول ماطلع حست انها ارتاحت : هههه شكله بيدور كبسه من جد ، خذت الملعقه وكلت من الأكل الموجود وختمتها بتفاحه كلتها ونامت على الكنبه حست بصوت الباب وقامت جلست كأنها مانامت ، عينها على متعب معه اكياس نزلهم على الأرض متعب : جبنالتس كبسه ، قومي جهزيها لنا ماتحركت من مكانها وباستغراب : هم يعرفون الكبسه متعب : هههههههههه ايه يعرفونها دانه : من جد يعرفونها متعب : ههههههه سألت العرب اللي هنا ووصفولي مطعم خليجي قريب ، بس شكلها مو طبيعيه بعد ماجهزت الغداء جلس ياكل بتعب : اكلي دانه : مالي نفس متعب : والله بالصحن على راستس ، ومنزلتني ادور لتس على الكبسه وآخرها ماتبين دانه بسذاجتها : بصراحه ماتوقعت راح تلقى الكبسه هنا متعب : اممممممممم قولي كذاااا ، يعني كنتي تبي تتعبيني وبس ابتسمت نص ابتسامه ونزلت راسها خجل متعب : هههههههههههه التعامل معتس صعب مر يومين وكل مايحاول يقرب منها تبدأ بالبكي وعلامات الخوف توضح عليها كلمها بعصبيه : اعتقد صبرت بما فيه الكفايه ، اذا فيه شيء صايرلتس علميني من غير اللفه اللي صارلها اكثر من اسبوع دانه فهمت قصده وفكرت انها ماتجادله لأنه ماراح يتفهم الوضع ، مهما كان بغضه لعبدالعزيز ، فهو ابوه بكل الحالات لاحظ عليها الاستسلام وخوفها منه ومن غير مقدمات واجهها : انتي خايفه من الحمل دانه بصدمه : لا ، وليش اخاف متعب بربكه : انا عارف الموضوع ، ومن الحين ابيتس تفهمين اني موزوج وبس ، اعتبري روحي وروحتس وحده واللي يضرتس او يضايقتس تراه ما يرضيني دانه : انت وش اللي تتكلم عليه فهمها الموضوع وانه عارف وتركها بحيره مو عارفه اللي قاله امها ولا ابوها ، ولكن رغم انكسارها وحزنها الا انها حست انه فعلا شاريها ولا يبي غيرها يحاول يهديها : افهمي علي ، او ل شيء انتو ماراجعتوا كذا دكتور والطب تطور ماهو على حاله يوم الحادث اللي كان ،،، وثاني شي واهم شي بالنسبه لي ، انا ما ابي اولاد قبل سنتين نهاااائيا دانه بدموع : وحتى بعد سنتين مافي اولاد متعب : بعد سنتين راح نتفاهم دانه : انت كذاب ، مافي رجال مايتمنى يكون له اولاد متعب : بعيش حياتي مع زوجتي ولاحقين على العيال ، لاتعكرين المزاج حست انها بدت ترتاح لمتعب وتستلطفه وماتركها الا وهي مقتنعه قناعه تامه بأنه يبيها مهما كانت عيوبها ،،،،،،،،،،،،،،،،،،،،،،،،،،،،، اليوم الرابع استغربت انه ماجاء ولا كلمها فكرت بينها وبين نفسها " لا يصير عليه شء وابلش بغربتي بلحالي" قامت بخطوات خفيفه للباب وفتحته بمهارة اشجع حرامي من غير لا متعب يحس فيها ، شافته متمدد على الكنبه وشكله في عمق النوم "" يامسكين شكله تعبان"" قربت منه حست انفاسه سريعه وكأنه يتنهد ، قربت منه "" شكله مريض "" قربت اكثر وتجرأت ولمست جبينه وكان فعلا حرارته مرتفعه فزت من مكانها ، ياربي صدق قلبي مايرحم وانا افكر بنفسي مافكرت فيه دخلت الغرفه بسرعه وخذت من شنطتها شنطه صغيره مجهزتها لللوازم الطبيه المهمه بالسفر ،، خذت منها مخفض حراره مرت المطبخ وخذت كاسة ماء وراحت له جات بتصحيه وحست بخجل ماتجرأت تنطق اسمه ،،،،،، استغلت وضعه وصارت تتمعن بملامحه الحاده اللي تملأها الجاذبيه وصارت تسترجع الذكريات من اول ظهور لمتعب بحياتهم وهي بعمق التفكير تفاجأت بصوته : بشري عجبتس ولالا حطت يدها على فمها بخوف ، ماتوقعت انه حس بوجودها جلس بتعب وخذ منها الحبوب والماء ، وبصوت كله ارهاق وتعب : تغير الجو اثر فيني التفت لها وعيونه كساها الاحمرار من شدة الحراره : تبين الصراحه ، زواجنا اسطوره ، صدق لانحسد عليه ناظرته وهي تضحك من قلبها : هههههههههههههههه متعب : ماشاء الله ، تعرفين تضحكين مثلنا سكتت شوي وقالت له بعطف : بشوفلك شيء تاكله متعب : لا مالي نفس ، بنام خفيف دانه : لازم تاكل لو شيء خفيف متعب : على شرط دانه : وشو متعب : تاكلين معي نزلت راسها بخجل : طيب قام بتعب وتكاسل لحد ماوصل الطاوله اللي عليها العشاء صار ياكل مجبور عشان دانه تاكل وهي تاكل مجبوره عشان متعب ياكل ،،، ومن هنا عرف انها بدت تجذب كل مافيه لها وهي حست بنفس الوضع رمى نفسه على الكنبه : اتركيني هنا ، لين نصبح بكون اخذت على جوهم دانه بعطف : طيب ، ان بغيت حاجه نادلي ناظرها بابتسامه : تسلمين ياقلب متعب تلخبطت بمكانها وصار وجهها احمر من الاحراج ، قامت بسرعه للغرفه بتخفي حياءها صارت كل ربع ساع او اكثر تروح تلمسه وتتطمن عليه ، وهو في نوم عميق ولا حس فيها ،،،،،،،،،،،،،،،،،،،،، شيماء بحوسه وهي تجهز لزواجها " الله يسامحتس يادانه تركتيني لحالي " ام ابراهيم : هههههههههههه دانه بعالم ثاني غير عالمنا شيماء : ههههههههههههههههه الله يوفقها ، هي ومتعب لايقين لبعض ، احس انها محتاجته وهو محتاجها ام ابراهيم : البنت طيبه واخلاقها تعجبني ، الله يسعدها شيماء : آمين ام ابراهيم : انا بزور عمتس لي وقت ما جيتها شيماء : سلمي عليها ، لو ما اني مشغوله بترتيب حاجاتي كان اجي معتس ام ابراهيم : الله ييسر امورتس يابنتي ،،، وهي تتنهد ، مدري بيتي كيف يكون من غيرتس شيماء بحزن : يمه ، لاتقولين كذا ، يضيق صدري لي ذكرت اني بعيش مع ناس باقي عمري غير اهلي نزلت دمعه من عينها : هذي الدنيا يابنتي ، محد يدوم لأحد حاولت شيماء تداري دمعه نزلت من عينها راحت ام ابراهيم وتركت شيماء تبكي بمراره على فراق امها اللي كانت اكثر من اخت واكثر من صديقه ،،،،،،،،،،،،،،،،،،،،،،،، بعد يومين من سخونة متعب ، حس انه تحسن ، دخل خذله شور بارد ينعشه و دخل الغرفه ودانه نايمه وهو واقف ، صباحيه مباركه ياعروسه دانه بابتسامه : حمدالله على سلامتك متعب : الله يسلمتس ، وبما اني استعدت عافيتي بفضل الله فيه مكان نفسي نطلع له ، لكن ماني عارف انا استاهل اكون معتس ولالا دانه بفضول : وشو متعب : نروح له وتعرفينه دانه : لا قول وشو متعب : بتعرفينه في مكان هادي وراقي تملأه الانوار واصوات حركة المياه مع الهواء الهادئ سرحت دانه بالمنظر الحالم ، الرومنسي ،،،، ارض تملأها الخضره ،، والبحيره تحيطها الزهور بأشكال منسقه وصوت الماء العذب عرف انها من عشاق الطبيعه والهدوء متعب : وش رايتس بالمكان دانه براحه امتلت عليها : اتمنى اعيش هنا طول عمري بابتسامه : وانا اكون معتس ولا ارجع الرياض ناظرته بابتسامه : ماتفرق معي متعب : احلفي دانه : ههههههههههه مابي احلف متعب : شفتي انتس تحبيني بس ماتبي تقولين انحرجت وبتغير الموضوع : اول مره احس بمعنى الهواء العليل متعب : ههههههههه يازين اللي تلف السالفه اذا انحرجت نزلت راسها من غير تعليق متعب : اجل الهواء عليل دانه : ههههه ايه متعب : اذا عاجبتس ترى بآخذه معي للرياض دانه : هههههههههههه لا حنا تعودنا على جو الرياض ، اما المساكين اللي هنا مالهم ذنب نحرمهم من جوهم متعب : هههههههههههههههه تعرفين وش اسمه المكان ذا دانه : لا متعب : بحيرة العشاق دانه بخجل : حلو اسمها متعب : مو احلى من اسم دانه مرت عليهم بنت صغيره بعمر سنه ونص تقريبا ،صارت تناظر لدانه باستغراب من لبسها متعب : ياقلبها ، شوفيها مافيها حيل تمشي من خدودها دانه : حلاتها ، دبه مره ههههههه متعب بحماس : ابي ساره تكون كذا دانه باستغراب : منهي ساره متعب : بنتنا حست يشفق للأطفال وانه يجاملها او مستعطف وضعها ،،،،، وضح عليها انها بدت تتضايق وسكتت متعب : يلاعب البنت وهي تضحك له ، انتبه على دانه كأنها متضايقه : ليه سكتي ، في شيء ؟ دانه : تعبت من المشي شد على يدها بقوه : قولي غير هالكلام دانه : تعبت ناظرها بابتسامته الجذابه : والصحيح بادلته الابتسامه وماحبت تضايقه معها : جوعانه يعرف انها غيرت الموضوع ولكن ماحب يعكر صفو جوهم """""هههههههه بس كذا ، الحين اجيبلتس قعود تضحك بدلع : ابي كيندر ، لي زمان ماكلت الكيندر متعب : حاضر ، اصير كيندر لو بغيتي ، انتظري هنا ثواني وبرجع عينها ماغابت عنه وهو متجه لكوفي شوب قريب منهم ،، يا الله من جد ظلمته ، تصرفاته ماتدل انه مخطط لشيء لمصلحة نفسه ،،، بدت تحس انه مهم بالنسبه لها ،، لكن الخوف يمنعها من اجمل لحظات حياتها ،،، صارت ماتثق بالدنيا ولا بالبشر خايفه لا تكون صدمتها بمتعب قويه متعب : ارحمي راستس ، كل شوي اشوفتس سارحه ابتسمت : وين كنت متعب : ماعندهم كيندر ههههههههههههه دانه : ههههههههه كنت تدور على الكيندر متعب : لو تبين عيوني فداتس ،،، خوذي الموكا تدفينا بهالجو البارد رفعت عينها بعينه : شكرا متعب : وشو دانه : شكرا ابتسم من قلب : عفوا ، كثري منها ترى حلوه عليتس دانه : ههههههههههههههه ارتاح بشكل كبير بعد ماحس ان دانه بدت تتأقلم معاه وترتاحله بعد يوم طويل مليء بمشاعر الحب الصادق ، وكل معاني الحنان والتآلف بين متعب ودانه ،، رجعوا لغرفتهم بكل تعب متعب : نسيت اقولتس ، ترى كلمت موضي وتسلم عليتس طلت عليه من ورى الباب : موضي منهي متعب : موضي امتس دانه : لو سمحت لاتقول موضي متعب : وش اقول لها دانه : قولها عمتي متعب : لا متحيل ، احتمال اموت من الضحك وانا اقولها عمتي دانه : لازم تحترم امي وغصب عنك متعب : هههههههه ابشري ، لو تبيني اقولها يمه ، بس اهم شيء لا تزعلين علينا ،،،،،،،،،،،،،،،،،،،،،،،،، |
البارت الخامس والعشرون
مر عليهم شهر في رحلة شهر العسل وكان احلى شهر مر بحياة دانه متعب بعد ما اكد الحجز ، رجع الفندق دانه : اخيرا رجعت ، تأخرت علي متعب ينزل جواله واوراقه علىالكمدينو : كان المكان مزدحم دانه :بصراحه ماتخيل ان الشهر اللي جلسناه مع بعض بيتكرر متعب : حبيبتي لو تحبين اكنسل الحجز ونجلس اسبوع زياده ماعندي اي مانع دانه : لا الله يخليك ، بصراحه مهما كان الجو لطيف مالي غنى عن شمس الرياض متعب : هههههههه وانتي مصدقه اني بجلس ، انا اصلا مليت من الأرض الخضراء والجو العليل دانه : هههههههههه متعب يقرب منها : تدرين ان ضحكتس حلوه دانه بمزح : عارفه ، امي قالتلي قبل كذا متعب : ههههه قربي مني دانه تهرب منه : لالا تلمسني بتأخرنا عن المطار متعب يلمها بشكل سريع ويضمها لصدره : تهربين مني دانه تحاول تفك نفسها منه : هههههه انت ماتمل ؟ متعب بصوت هادي : ان مليت منك تأكدي اني انهبلت يشيلها بكل خفه وهو يبوسها بهدوء ،،،، شل تفكيرها ولاصارت تفكر غير فيه دانه :متعب رح نتأخر متعب ناظر الساعه من بعيد : يالله اجهزي بتروش ونطلع بسرعه مر الوقت وتجهزوا للعوده ،، خذوا شنطهم وتوجهو للمطار مرت تقريبا 7 ساعات واخيرا وصلوا مطار الرياض : ياربي مشتاقه لبيونه متعب وهو مشغول بجواله : مو تطلعين لي طلعه وتقولين نروح لهم الحين دانه بصدمه : اكيد وش رايك اجل متعب : ابوي ينتظرني فبيت عمي ومستحيل اترك خالتي اللي من سافرت تتصل علي باليوم مية مره عشان اروح لأهلك دانه بحزن : نزلني عند امي وارجع لهم التفت لها بعصبية : وشلون يعني ، بتمسكينها عناد ولا كيف ،، اللي اقوله يصير من غير كلام زايد حست انه قسى عليها وكتمت ضيقتها وراحت معه بصمت ،،،،،،،،،،،،،،،،،،،،،،،،،،،،،،،،،،،،، بوقت في بداية الليل طلبت من سواقها يوصلها المستشفى ويرجع البيت الساعه قربت من العاشره وهي جالسه بالأستقبال ،، اول ماشافته من بعيد توجهت للبوابه الرئيسيه وبالتحديد كانت بمكان قريب من سيارته بصوت يرجف من الخوف : ولييييد التفت بسرعه لمصدر الصوت : عفوا كلمتيني مشاعل : يالله ماتتخيل لما شفتك حسيت انك نازل لي من السماء وليد باستغراب : نعم ؟ انتي متأكده انك تقصديني ؟ مشاعل عاشت الدور صح وصارت تفرك يدينها ببعض وتتلفت يمين ويسار : السواق تأخر وانا خايفه وليد جاء على باله انه من قريباته او جيرانه : تامريني بشيء مشاعل : انا بنت سعد الـــ حط عينه بعينها كأنه بيتأكد " ملامحها آية بالجمال كانت من غير مكياج بشرتها تلفت الانتباه ببياضها ونقاوتها ، عيونها ناعسه ومكحله من كثافة رموشها وفمها صغير بشفايف مليانه تلفت الانتباه بجمالها تغطت بشيلة شفافه تفتن اكثر من انها تستر وليد : وش اقدر اخدمك فيه مشاعل تمثل قلة الحيله : فيه شباب من شوي يحومون بالمكان وانا بصراحه خايفه ، اذا مااعطلك تنتظر لحد مالسواق يوصل وليد بينه وبين نفسه " مالومهم " اعطاها مفتاح سيارته ، خليك بالسياره لحد مايوصل سواقك ،، انا بجلس باستراحة المستشفى خذت المفتاح من غير تردد وجلست بالسياره ومن داخلها بتطير من الفرحه واعتبرت اللي حصل الخطوه الأولى من خطتها جلست اكثر من ربع ساعه بالسيارة انتبهت على وليد من بعيد يناظر لساعته نزلت وبصوت هادي وناعم : تقدر تروح بستنى هنا لحد مايرجع السواق وليد بهدوء : يصير ؟ مشاعل : وشو وليد : اتركك واروح؟ نزلت راسها ولاتكلمت ،،،،، وليد : طيب كلمي ابوك تمثل الاستياء من ابوها وسكتت : مسافر وليد ماحب يعرض عليها بأنه يوصلها حتى لايحرجها : اعتبريني اخ ، لو في حاجه قولي وانا ماراح اقصر معك ــــــــــــــــــــــــــــــــــــــــــ بعد ما انهى اجراءات المطار ركب سيارته حس انه قسى عليها دانه حبيبتي دانه : نعم يبتسم لها : شكلك زعلتي دانه بملل : لا يحط يده على خدها ويوجهها لها : حبيبتي ماكان قصدي تنزل يده بهدوء : طيب حصل خير مر المشوار عليهم من غير مايحسون وكل واحد فيه من التعب اللي يكفيه قبل تنزل لبيت ام خالد مسك يدها ،، التفتت له متعب : تحبيني دانه : متعب وشفيك مو وقته هالكلام متعب : تحبيني دانه : اكيد احبك متعب بعد سكوت ثواني : مهما كان استقبال خالتي لك حاولي تتقبليه عشان خاطري دانه بهدوء : ارتاح بعتبرها امي ولو اخطأت بحقي متعب يضغط على يدها وتركها وفعلا مثل ماتوقع متعب،ام خالد تجاهلت وجود دانه بشكل محرج تستقبل متعب كأنه اول مره يسافر ويتركها نوف تروح لدانه وتسلم عليها بشوق شهد تتوجه لدانه بعد ماسلمت على متعب :ابله دانه لاتكوني زعلتي متعب دانه بخجل وهي تمسح على شعر دانه : لا نوف : هههههههه شهوده عيب متعب بإحراج : يمه ماسلمتي على دانه ام خالد : اذا شفتك انسى الكون كله يحب راسها : الله لايخليني منك وفعلا ام خالد مافكرت تعطي دانه اي اهتمام، الى ان نوف انقذت الموقف لما مسكت دانه وتوجهت لأم خالد ونبهتها بوجودها حست دانه بأنها بالمكان الخطأ وكأنها منبوذه بينهم صارت الدقايق تمر عليها ساعات ، الوقت صار يعاندها وبطيء غير عن كل يوم مر عليها الوقت بصعوبه وكانت تشكر وجود نوف انقذها من عدة مواقف محرجه بعد العشاء مباشرة شهد : ابلة دانة ، متعب ينتظرتس بالسياره حست دانه كأنه وحي الهي انقذها من ازمة تعيشها ، خذت عبايتها وشنطتها سلمت على نوف اللي ارتاحت لها نوعا ما ، واتجهت لأم خالد وسلمت عليها وودعتها وهي تحاول تتجاهل كرهها الدفين ـــــــــــــــــــــــــــــــــــــــــــ كانت داخل السيارة وهو قريب من السياره يتمشى بالمكان وواضح عليه القلق وكل شوي توقف له سيارة يكلمونه ويمشون اخيرا قرر يركب سيارته ومشاعل فيها وليد بهدوء : الشباب شاكين بوضعي وانا بقرب السياره ، بوصلك لبيتك اذا مافيها احراج مشاعل بينها وبين نفسها "اخيرا حس وجابها من الآخر مشاعل : اخاف اسبب لك احراج التفت لها : بالعكس ، اعتبريني اخوك عينها جات بعينه وهو يكلمها وناظرته بكل جرأة لدرجة انه انحرج ونزل راسه مشاعل بصوت في قمة النعومه : على فكره تغيرت كثير وليد باستغراب : شفتيني قبل كذا مشاعل بدلع : هههههه ايوه ، لكن ماراح اقولك وين شفتك حس بإحراج وسكت من جرأتها وتحررها اللي بدى يحس فيها خذ الطريق بصمت وهي حاولت ماتتكلم حتى تكسب اهتمامه فيها وصل لبيتها : تفضلي مشاعل قبل تنزل : لو احتجت اي حاجه بالمستشفى بلغني ، انا بقسم المختبرات وليد بابتسامه : كويس لقينا واسطه مشاعل : لا اعتبرها رد جميل ،،، وهي ماشيه بكل دلع ،،بااااي وليد من غير مايحس اشرلها بالوداع وهو سارح بطولها وجسمها الفاتن بينه وبين نفسه " الله يسامح ابوك اللي مايخاف عليك من عيال الحرام " ،،،،،،،،،،،،،،،،،،،،،،،،،،،،،،،،،،،،،،، بجناحه الخاص في بيت سلمان ، التعب واضح عليه وعلى دانه ماحاول يكلمها نهائيا عن استقبال خالته ، ،،، وهي رغم انها تضايقت من استقبالها الا انها مافكرت تكلم متعب عن جفاء خالته تروشت بماء دافيء وحست براحه بعد ماجففت شعرها واكتفت بكريم مرطب للبشره ولبست بجامة ستان لونها بيج اتجهت لسريرها بكل تعب متعب وهو يستعد للنوم حب راسها : ارتاحي حبيبتي بكره بنتغدى عند اهلك دانه ابتسمت له واعتبرت اهتمامه فيها شبه اعتذار : ان شاء الله اليوم الثاني صحى على صوت مسج وصله متعب يبتسم دانه : من اللي ارسلك مسج وخلاك تبتسم كذا متعب : لو اقولك وشيعني لي المرسل ذا ماتصدقين دانه :امممم من بيكون متعب : هذا صاحبي واخوي وحبيبي ،، اسمه وليد ، اتوقع راح تغارين من علاقتي معه دانه : هههههه لهالدرجة تربطكم قصة حب متعب :ههههههههه ماتتخيلين من الابتدائي وحنا مع بعض حتى سفراتنا ومكشاتنا ما اكون بمكان الاوراسي براسه دانه بابتسامه : الله لايفرقكم ، من جد صار قليل اللي لهم صداقات قديمه ومستمره كذا متعب : هههههههه صدقيني بيجي يوم وتقولين لي يا انا يا وليد ههههههههههههه دانه : هههههههههههههه لاتخوفني خذتهم السواليف وصار يحكي لها عن خوياه وعلاقته معهم مر عليهم ربع ساعه وكأنه تذكر شيء متعب : بسرعه خلصيني امتس ولا 30 مكالمه لحد الحين دانه تضحك : اول مره ابعد عنها كذا متعب : طيب استعجلي قبل لايصيبها شلل من الفرحه ،،، انا بجهزوانتظرتس بالسيارة لاتتأخرين حاولت تجهز بوقت قياسي وخذت الهدايا اللي جابتها لأهلها ونزلت بسرعه للسياره بعد اقل من ساعه استقبلت موضي وبناتها دانه بكل فرح اجتمعوا على الغداء متعب بعد ماسلم على عبدالعزيز ، وجه كلامه لموضي : كنه تحسن كثير موضي بفرح : الحمدلله صار يعرفنا وصار يجلس بمكانه من غير الم ناظر لأبوه نظرة مملوءه بالشفقه على حاله وهو بمكانه ابتسم ليدين صغيره تغطي عيونه ، قام والصغير على ظهره صار يلعب معه ويمازحه اجتمعوا على الغداء متعب : وش الغداء اللي يجوع هههه موضي : ان ماتعبنا لكم لمن بنتعب متعب : يسلم راستس ، عاد مدري دانه شاطره مثلتس بالمطبخ ولالا دانه : ههههههه بتشوف بعينك متعب مبسوط :كفوووو بعد ماتغدوا وجلسوا مع بعض ودانه وزعت الهدايا متعب : يالله نمشي روان و بيان : لا دانه بتنام معنا متعب :وشووو، مافي دانه بتنام فبيتها دانه : ههههههههه بس بس وزعتوني وانا ساكته موضي : ههههه اللي مثلتس تنبسط والناس بيتضاربون عشانها متعب بمزح : عندي حل ، وش رايكم دانه اللي تختار وناظر دانه بابتسامته الجذابه بس موتزعلون اذا اختارتني بيان بصوت كله ضحك : لالا دانه بتختارني انا دانه تناظر متعب بإحراج : بجلس معهم متعب بخيبة : افاااااااا ماهقيتها منتس روان : انت بعد نام عندنا لنا وقت ماشفناك عمر وبيان صاروا يترجون متعب ينام عندهم اما دانه توسلت له بصمت وفهم قصدها وانها تبيه يجلس معهم وقرر يبات معهم ومر عليهم الوقت بين ضحك ومزح ولعب مع الصغار ، وكانت ليله ممتعه بالنسبة لمتعب كأنه اول مره يحس بالجو العائلي مع انه طول عمره مع خالته وعيالها |
البارت السادس والعشرون
ثاني يوم موضي : وشفيكم مستعجلين تغدوا وتوكلوا على الله دانه : الجلسه معكم ماتنمل ، بس لازم اروح اسلم على ابوي ومنيره ،، حتى خواتي كل ما اكلمهم من هناك يقولون خلي الطيارة تنزلتس بحارتنا ههههه منيره تلوي بوزها : وجيه فقر مايدرون الطياره تمشي على اربع ولا على عجلات دانه تضحك على امها : هههه يمه شكلنا بنرجع للحال القديم انتبهت موضي لنفسها : استغفر الله ، ياربي لاتآخذني دانه وهي تقوم : حبيبتي يمه الله يزيدتس نور ولايفتنتس بالدنيا مثل قبل ، الحمدلله تغيرتي وكل شيء تغير من فضل ربي موضي : الحمدلله يارب سلمت على امها ورجعت لبيتها ، قامت تجهز الهدايا اللي جابتها لأبوها ومنيره والبنات وصالح انتبهت لصوت متعب يناديلها دانه : وش عندك متعب: اقولتس تعالي دانه : مشغوله لاتعطلني متعب : ماودك تشوفيني وانا صغير تركت الملابس واتجهت له بإهتمام : ههههههههههه ما اتخيل ملامحك ، اتوقع كنت عصبي بزياده متعب : هاهاها بايخه ، يسوي حاله زعلان ويشيل الصور تمسكه بكل دلع : حبيبي امازحك ابتسم لها : حبي راسي وارضى دانه: ماطولك متعب : بشيلك وحبي راسي دانه : هههههههههه مابي متعب : تعالي بس شوفي حبيبك بطفولته الورديه تقرب منه اهتمام وتشوف معه الصور ,,,,, كانت اكثرها في بيت خالته مع اولاد خالته وبعضها بفترة مراهقته وسفراته وكشتاته وغيرها كثير سرحت دانه بتفكيرها وهي تناظرالصور مع متعب ، حست بحاجة متعب لها كزوجة وصديقه وحبيبة وأم ،،،، لاحظت متعب بالفترة الأخيره مايخطي خطوه الا يشاورها ،,,, يهتم بإحساسها ولا يتركها زعلانه منه ،،،،،، لدرجة انه يكلمها عن ادق التفاصيل بحياته وعن خوياه وعلاقته معهم ،،،، الإحساس هذا خلى دانه سعيده بأنها كسبت ود وحب متعب لها انتبهت على صوت متعب بحماس,,, وهذا أنا ووليد دانه انتبهت على الصوره : فيه شبه منك خصوصا جسمه وشعره متعب : كل اللي يشوفنا يفكرنا اخوان شافت معه باقي الصور , لحد ماجاء وقت الغداء متعب : يالله قلبي نتغدى عشان يمدينا نوصل لبيت ابوتس دانه : طيب حبيبي بجهز الغداء مع الشغاله بعد وقت قصير ,,,,,, دانه : حبيبي الغداء جاهز واضح عليه انه متوتر ومتضايق دانه : متعب فيك شيء متعب : لاحبيبتي بس تعبان شوي ابتسمت دانه : حياتي شكلك جوعان تعال نتغدى وبتصحصح جلس على السفره ياكل كأنه مغصوب ، يحاول يبلع اللقمه ولافيه قدره دانه : متعب وشفيك متعب: مافي شيء بس مدوخ شوي ، تغدي حبيبتي لاتخافين دانه : طيب ، اذا تعبان بأجل زيارتي لبيت ابوي متعب بارتباك : لاحبيبتي لاتخافين، ماعلي الا العافيه لاتشغلين بالتس كملت غداها وهي كل شوي تراقبه من بعيد ، شكت بوضعه وماحبت تكثر عليه اسئله لأنه مايحب اللي يلح عليه بشيء ، وبينها وبين نفسها " اكيد جاته مكالمه ضيقت صدره " كملو غداهم حبيبتي انا بتمشى بالمزرعه اذا جهزتي كلميني حتى نطلعل بيت ابوك دانه بهدوء : طيب بعد اقل من ساعه جهزت وراحت لمتعب بمزعةالبيت حتى يطلعون لبيت ابوها ،،،،،،،،،،،،،،،،،،،،،،،،،،،،،،،،، في المستشفى ام خالد جالسه عند باب الولاده وقلبها بيوقف من الخوف على نوف ابو خالد : ياام خالد ، خلينا نرجع البيت نرتاح واذاولدت بيتصلون يبلغونا لاتخافين ام خالد : لالا انت عارفني زين ، ماتغمض عيني لاارتاح الى ان تطمنت على نوف والبزر ابو خالد جلس بملل : الحمدلله ان ماعندي الا بنت وحده ولا كان بتسوين تسذا مع كل بنت كان صارلي شي ومت بمكاني طلع الدكتور يبشر ام خالد : الف الف مبروك ، الولد طالع زي القمر ام خالد والفرحه مو سايعتها: الله يبشرك بخير يادكتور ، وهي وشلونها طمني عليها الدكتور : الحمدلله صحتها كويسه ابو خالد : الحمدلله ، خليني ابشر خالد الكل جاء يتطمن على نوف وعلى المولود ، الا متعب ودانه استغربت ام خالد : وشفيه متعب ماجاء يشوف ولد خالد نايف : ايه نسيت اقولتس ، الموضوع ماجاله مجال اتكلم فيه قاطعته ام خالد : وشفيه نايف : لافي ابو دانه ، صار عليه حادث وهو راجع من جدة ، وتوفت زوجته وولده ام خالد بقلب خالي من الاحساس: انا لله وانا اليه راجعون ، طيب متعب وينه ماجاء نايف استغرب قسوة امه : هو كلمني آخذتس تعزين عليهم ام خالد : الناس ماعرفهم والله يعينهم على مصيبتهم وغيرتسذا ما اقدر اخلي نوف بلحالها ،،،،،،،،،،،،،،،،،،،،،،،،،،،، خالد من بريطانيا : يمه مافيني صبر ، احس اني اصير مجنون لوماشفته ام خالد : ما اشوفك تشفقت لشوفة دحوم من قبل خالد : دحومي وقته غلط هههههههههه اما ذا اغليه وهو فبطن امه وانا اغليه ام خالد : الله يصلحهم ويخليهم لك خالد : الله يسلمتس ، سلمي على نوف والأهل ، كلها اسبوع واكون عندكم ام خالد : الله يوفقك ياولدي ،،،،،،،،،،،،،،،،،،،،،،،،،،،،، كانت منهاره ومتعب يحاول يهديها بالمجلس : الله يهديتس دانه ، هذا يومهم محنا رادينه عنهم دانه بصياح : ليش ماقلتلي حرام عليك ، ليش تخليني انصدم هنا متعب : تعوذي من الشيطان ، الحين البنات مايشوفون غيرتس حاولي تهدينهم ، لوشافوتس كذا بيزيد حزنهم جلست بإنهيار : وانا من يهديني ، انا جمعت القروش وحرمت نفسي عشان صالح يسمع مثل البزران ،ويوم اللي يروح لوقت العملية يموت ام راشد من نسوان الحاره : تعوذي من ابليس ، الموت لا جا مايعرف وش كان الواحد يبي يسوي طلع متعب من المجلس قبل يكثرون النسوان ،،، وبسيارته اتصل على نايف متعب : نايف وين خالتي نايف بإحراج : نوف ولدت ولاتقدر تجي حس بضيقة وتأكد ان خالته مايهمها ولادة نوف كثر مايهمها اهمال دانه واحتقارها لها رجع الرياض وهومتضايق من تصرف خالته,,,,, في ثالث ايام العزاء الوضع بدى يهدئ : الكل تقبل الوضع بحزن يعصر القلب داخل البيت ، امتلئ من جاراتهم وقرايبهم ، الكل يعزي ويهدون البنات كل وحده فيهم تبكي بحسره والصغار يصيحون من الخوف من منظر النسوان اللي يدخلون عليهم بكثره دانه ، تتذكر صالح وهو يلعب ، وتتذكره وهو يضحك ، وهو يأشرلهم ويبكي اذا مافهمو وشيبي ،،،،وتاخذها الذكرى لمنيره وعلاقتها معها وحلمها اللي ماتحقق بأنها تشوف ولدها مثل العيال ويكبر ويشيل امه وخواته ،،،، تتذكر هدايا منيره وصالح ، كانت تتخيل فرحتهم بالهدايا لكن للأسف ماكانت من نصيبهم ،،،،، واخيرا تذكرت ابوها القاسي ,,,,, ،،،،، اللي كان يكنز الفلوس ولا عالج ولده ولا درس بناته ولا وسع عليهم عيشتهم مع ان الله معطيه ، عيش منيره بقهر طول عمرها وهي تنتظر الفرج ،،، حست بقهر على حالهم ، وحست بحقارة الدنيا وعرفت ان اللي حصل عقاب الله للافي ، وكأنها عبره له ، انهم يموتون وهو يعيش يتعض من اللي صار ، وحتى يعرف ان اللي أخذ ولده الوحيد وزوجته ام بناته ،،،، مايعجزه شيء انه ياخذ الفلوس اللي جمعها طول عمره وحرم اهله من النعمه اللي اعطاها له رب العالمين ،،، وهي بعمق التفكير وتشاهق من البكاء بهدوء ، حست بحرمه تحب راسها وتعزيها : عظم الله اجركم صارت تكره كلمة عظم الله اجركم ،دخلت بنوبة بكاء عميقة الحرمه : حبيبتي ، هذا يومهم ، الله يرحمهم ويغفر لهم صارت تكلمها وتهديها وتروح للبنات تهديهم وتكلمهم ، وتجيب الماء وتعطيهم وتحاول تعطي البنات شيء ياكلونه وكأنها من اهل بيتهم بعد المغرب البيت فضى الا من اهله قامت دانه لغرفة منيره ، تشوف اغراضها وتبكي بحسره سمعت الباب يطق : دانه دانه بصوت مبحوح : نعم اللي عند الباب : متعب بيكلمك دانه باستغراب : انتي من الحرمه : انا حصه عمة متعب طلعت دانه وحضنتها وهي تبكي حصه : لاتبكين عشان خواتس ، ان شافوتس منهاره بيتضايقون ، وانتي اقوى واكبر من تسذا ، روحي كلمي متعب وارجعي اجلسي مع خواتس هديهم هدت دانه شوي وراحت لمتعب بالمجلس تكلمه اما حصه اللي من يوم دخلت عليهم وهي تحوم بالبيت من غير تكلف كأنها تعرفهم من سنين راحت لهيا وعايشه ونوره وصارت تكلمهم عن الصبر وعن الامور اللي تهديهم وحسستهم انهم بناتها ،،، جلست معهم وقت طويل وجاءت دانه وجلست معهم ،واستمر حديثهم عن البلاء او لصبر عليه وامور روحانية تهدئ الأعصاب قامت وتركتهم مع اختهم يتكلمون وكل وحده تبكي بصمت ،،، جهزت لهم العشاء اللي جابه متعب وجلسو بهدوء كل وحده تاكل غصب عنها عشان الثانية تاكل ،،،،،،،،،،،،،،،،،،،،،،،،،،،،،،،،،،،، مر اسبوع على وفاة منيرة وولدها ومتعب ماقصر عليهم ، كل يوم يمر عليهم ويوفر طلباتهم ، وترك دانه مع خواتها لحد مايستقر الوضع ويزور لافي بالمستشفى يتطمن عليه ومع كثر مشاغله الا انه كل مايشوف خالته اويتذكرها يتضايق من تقصيرها بحق دانه ،،،،،،،،،،،،،،،،،،،،،،،،،،،،، |
اسفه قراء الروايه بس الكاتبه موقفه عن الكتابه ان شاءالله المانع خير
|
السلام عليكم
ارجوكم ان تكملوا الرواية |
اهلين حبيبتي والله كل يوم ادخل بالموقع الي تكتب فيه الكاتبه واحصلها ماكملتها ان شاءالله المانع خير
|
البارت السابع والعشرون
مر شهر من حادث لافي ، حالته الصحية في تحسن ، نفسيته ولو انها متدمره الا انه بدى يتقبل الوضع ، امواله اللي جمعها لازالت موجوده ، البقاله صارت كأنها الحلم اللي تحقق بالنسبه له ،، لكن خسر زوجته ام بناته وولده الوحيد ،، جمع الاموال مانفعه ، تجرع مرارة مايحس فيها غيره ، اخيرا استوعب وفهم ان الحياه اعظم من انك تشغل بالك بجمع الاموال والطمع ،،،،، يحس بتأنيب الضمير ، طيف منيره مايغيب عن باله ،، صوتها يرن بأذنه وهي تترجاه يعالج ولدها الوحيد ،، اهمل ولده وحرق قلب زوجته مقابل جمع الاموال ،،،، هيا بحزن تحب راس ابوها : يبا الله يخليك لنا ، اللي تزينه بحالك كسر قلوبنا كلنا لافي : ...... تمد عليه صحن الشوربه : اشرب لو شويه لجل خاطرنا ، خواتي ماتهنى لهن اللقمه من غيرك سحب نفس عميق يدل على عدم قدرته للكلام دخلت عايشه تترجاه ياكل اي شي ، لكن من غير فايده ،، منظره صار يعصر قلب بناته هيا بهمس: اتركيه لا يحصل زي ذاك الليل عايشه : الله يعتني بحاله ، ياليتني اموت ولا اشوفه كذا هيا : مصيره ينسى عايشه : ابوي انا كذا ؟؟؟ اللي يهز البيت هز من اول مايدخل علينا صارت دمعته دمعة طفل هيا كتمها الالم من منطر ابوها : الله يعينه ياليت بيدي شي اسويه له عايشه : خلينا نكلم دانه ، هي الوحيده اللي تقدر عليه هيا : لا اتركيها توها رايحه لبيتها ، خليها ترتاح ماقصرت كل يومين تجي اتعبناها معنا عايشه : يعني بنخليه كذا ، انا خايفه عليه جسمه نحف مره وصار مايتكلم ، الحادث مر له اكثر من شهر اخاف يصيبه شي هيا : ياليتني اقدر اسوي شي ، مهما كان قاسي علينا ، ما يهون علي اشوف ضعفه كذا في بيت ام ابراهيم شيماء : مستحيل اوافق على كذا ام ابراهيم : وش نسوي اجل ؟ الناس حددوا وقت زواجهم وخلاص مابيدنا شي ولا نقدر نمنعهم شيماء : معقوله يعني ام خالد ماهان عليها تقدر مشاعر دانه ؟ او على الاقل تقدر انها صديقة عمري وبحزن على اللي حصل لأهلها ام ابراهيم : يابنتي الحي ابقى من الميت ، ودانه مو عايشه مع ام خالد عشان تحسب لها حساب ، هي عايشه مع زوجها فبيت ابوه شيماء باستغراب : صح انا معك لكن هي خالة متعب وامه ، لاتنسين انها مرضعته و لو تحب متعب كانت بتقدر موقف زوجته ، ويكفي انها ماجاءت تخلف عليهم وقت العزاء ام ابراهيم : يابنتي الناس اطباع والبيوت اسرار ، مانعرف اللي بينهم ولا نعرف ظروف زواجهم ,,,,,,,,,,,,,,,,,,,,,,,,,, في المستشفى يحاول ينهي اجراءات ابوه ويستعد لرحلة العلاج مشاعل : صباح الخير وليد : صباح النور مشاعل تناظر ابو وليد : كيفه عمي ، من جد تعودت اشوف تقاريره كل يوم وليد : بصراحه ماقصرتي ، وفرتي علي تعب المختبرات والتحاليل اللي كل شوي ضايعه وانتي عارفه كبير ولا يتحمل وخز الابر المستمر مشاعل تحاول قدر المستطاع انها تكسب وليد : من جد وليد انا احس انه ابوي مو ابوك وليد بخجل : هذا من ذوقك مشاعل : شكله سفر ابوي المستمر خلاني احس ان كل رجل كبير بالسن ابوي وليد حس باستعطاف كبيرلها وانخدع باحساسها المرهف: ان شاء الله يرجع من السفر ولا يحسسك بغيابه تمثل دور المستعجله : اوك وليد انا بتأخر على شغلي لكن بليز طمني على الوالد ، يهمني اسمع اخباره ، وعلى فكرة الوالده كانت هنا اول امس ووصلتها مع السواق لحد البيت وليد ابتسم : كلك ذوق اخت مشاعل ، تعبناك معنا مشاعل وهي ماشيه : بالعكس يشرفني تركت المكان وهي تحس انها قطعت نص الطريق بخطتها الخبيثه وليد بينه وبين نفسه يناظرها باعجاب ويفكر " اول مايتعافى ابوي بروح اخطبها ،،،، بس ياترى بيوافقون ولالا ،، مستواي مو من مستواهم ،،،، اممممم بس البنت واضح عليها تحاول تتقرب مني وحطت ابوي حجتها ،،،،، ابتسم بينه وبين نفسه ،،، الله كريم ،،،،،،،،،،،،،،،، مرت الايام وجاء اليوم المنتظر شيماء في صالون التزيين اتصلت على دانه تتطمن عليها ومن بعض اللي حصل بالمكالمه ،،، دانه : شيماء حبيبتي انا مقدره احساستس لي ، لخاطري ابيتس تنبسطين هذي ليلة العمر ، وانا لولا وضع ابوي اللي ضيق صدري وصدور خواتي كان جيت وجلست معتس شيماء : كنت انتظر ذي الليله وعمري ماتخيلت زواجي الا وانتي معي دانه : مكتوب ياشيماء ، عموما انبسطي ولا تفوتين منها و لا فتفوته ههههه شيماء : ادعيلي يادانه انا خايفه دانه : نايف شفته اكثر من مره من جد الله يهنيكم ، شخصيته راح تحبينها ، صحيح ماعرفه ولا شفته كثير لكن كلام متعب عنه يدل انه طيب وغير عن شباب اليوم شيماء ماعلقت على كلام دانه ، لكن بينها وبين نفسها كانت بقمة سعادتها دانه : بكره تنسيني وتنشغلين بنايف شيماء : لالا ابيع الدنيا واشتريك دانه : ههههه راح اذكرتس ترى غيرتس قالوا كذا شيماء بمزح : والله اذا هو يستاهل ببيع الدنيا عشانه دانه : هههههه الله يهنيكم ويسعدكم وانفرح بأولادكم شيماء : اجمعين دخل صوت متعب بالخط : دانـــه دانه دانه تحط يدها على السماعه : لبيه متعب : يالبا ، وانتبه للتلفون وسكت شيماء : اخ كبست عليكم دانه انحرجت شيماء : يالله يالبا شوفي حبيب الروح وانا بدخل اتجهز دانه : موفقه شيماء شيماء : مع السلامه دانه مع السلامه ،،،،،،، بقمة احراجها : وش ذا ، احرجتني ، تخيل لو مديرتي بالمدرسه هي اللي تكلمني متعب : لو كانت مديرتس كان قلت يالبا كلها ويالبا قلبها ويالبا ،،،، تقاطعه دانه : بس بس بس تعال نتغدى بموت من الجوع متعب : يالله جهزي الغداء على ما اكلم وليد دانه باهتمام : صحيح كيفه ابو وليد متعب : وضعه مستقر الحمدلله والحين بشوف شزينوا معه دانه : الله يشفيه ، ويعين وليد مسكين ، تعب مع ابوه ، ياقلهم اللي يسوون بوالديهم كذا متعب بمزح : ترى اغار دانه : ههههه تغار من وليد متعب: اغار عليتس من نسمة الهوى دانه : ههههه ،،،،،،،،،،،،،،،،،،،، استعدت شيماء للساعات الاخيره بيوم زواجها وكان معها عدد من قريباتها وصديقاتها وكانوا مالين عليها المكان ،، لكن كانت محتاجه دانه لأنها اقرب صديقه لها ام ابراهيم بين فرحتها وبين حزنها لفراق بنتها الكل سعيد بهذا اليوم ، المعازيم صاروا يكثرون والمكان امتلأ من الحضور ، ام خالد فرحتها لاتوصف خصوصا ان نايف غير عن اخوانه وله غلا خاص بقلبها ،، تحس انه الوحيد اللي يفهمها من عيالها حصه ونوف مشغولين بالضيوف حصه : ماشاءالله ، صايره عروس نوف بدلع : عارفه خالد قالي نفس الكلام حصه : ههههههه شوفي يا نوف اذا كان الرجال جلف معتس وفجأه صار يبوس التراب اللي تمشين عليه ، تأكدي انه ناوي نيه نوف بخوف : صدق ؟؟؟ تتوقعين خالد يتزوج علي حصه : هههههههههههههه جبانه نوف : حصه يعني ذا وقت المزح الثقيل حصه : وش ورانا يعني تبينا ندلك الحضور نوف : هههههه مر اليوم من احسن مايكون والعروسه كانت راقية وبقمة جمالها ، نايف رغم الزحام والتعب طول اليوم الا انه مزوح وبسمته ماتفارقه متعب يقرب من نايف : وش بلاك كنك خفيف ، دق الثقل نايف بابتسامته العريضه : كذا اثقل ماعندي متعب : اقول ، مو تشوفك البنت كذا تخليك مثل الخروف ، عطها الثقل من اول مره عشان تعطيك هيبه نايف : اشوف دانه معطيتك هيبه ، ماكنك كل يومين تطق مشوار لبيت ابوها عشان تشوفها متعم : احم احم ، انا اقول كل واحد يعيش حياته كيف مايبي اهم شي يكون مرتاح نايف : ههههههههههههه عاش مصرف خالد : يالله ياشباب اتركو المعرس ياخذ عروسه صار وقت زفتهم ام خالد على الباب تحب نايف وتضمه بحنان : الله يهنيكم ياولدي اول ماقرب من الكوشه وهو عينه عليها يحاول يشوفها ولا همه الحضور تمت مراسم الزواج بالشكل الروتيني وبعد تبريكات الاهل اخذ عروسه وطلعوا للفندق اللي كانت ليلتهم هية من نوف وخالد بالفندق دخلت بثقل موعارفه تسحب فستانها ، ونايف كان يساعدها نايف : الحين قضت الملابس ، مالقيتي غير كذا شيماء بينها وبين نفسها " لالا ياربي لاتكون ليلة عمري كذا " دخلت وجلست على كرسي قريب قريب منها ونزل طرحتها يناظرها بانبهار : ماشاء الله شيماء :،،،،،،، نايف : بصراحه ماكنت اتخيلتس كذا شيماء :،،،،،،، نايف بيثير اهتمام شيماء : تخيلتس احلى من كذا شيماء بحركه تلقائية رفعت راسها براسه نايف : هههههههه ، لو ماقلت هالكلام كنتي ماراح تشوفيني شيماء تحس بخجل ونزلت راسها ولا كلمت نايف بولا حرف ، طبعا نايف اعجبه وشد انتباهه حياها ، خصوصا شيماء معروفه بخجلها الزايد ،،،، استغل احراج شيماء منه وصار يدقق بملامحها وبشعرها وجسمها وبعد ماتفحصها : يالله نتعشى ماردت عليه ، قرب منها بتتعشين ولا بتعشى لحالي ماردت عليه نايف انا بتعشى اذا جعتي تعالي بينها وبين نفسها " ياربي شكله مايحس ، معقوله مو حاس اني خجلانه " سمع صوت الباب : ذا اكيد العشاء ، ثواني وجاي رجع بعد خمس دقايق وجلس ومعاه العشاء يالله سمي شيماء : لاتعلييييق نايف بمكر : شوفي اما تقومين تعشين معي ولا بقوم اتعشاتس الحين تلخبطت وكان خوف على احراج على قلق نايف : ههههههههههههههههه هاه اختاري شيماء قامت بهدوء بتعشى معه قبل يتعشاها ،،،،،،،،،،،،،،،،،،،،، متعب دخل لغرفته وقت الفجر وكله تعب ، كانت دانه جالسه وساكته وواضح عليها انها مو مركزه مع شيء معين متعب : سلام دانه : وعليكم السلام لاحظ على دانه الشرود متعب : حياتي دانه : سم متعب : وش اللي مكدر خاطر حبيبتي دانه تبتسم : كان نفسي اشوف شيماء متعب : سلميلي على التطور ، التصوير مايقصر دانه : ولو ، لما اكون معها ، غير لما اشوفها انسدح جنبها على السرير وهي تمسحه على شعره متعب : كم يوم وتروحين تزورينها ولا تضيقين صدرتس دانه : الله يهنيها ويهني نايف ،، عرف يختار متعب : الله يوفقهم قامت جهزتله شي ياكله وصار يكلمها عن اخبار الزواج والاحداث اللي صارت فيه اتمنى البارت يعجبكم اختكم / ضجيج الصمت |
تغلق لحين عودة الكاتبه
|
| الساعة الآن 12:43 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية