منتديات ليلاس - شـبـابـيـك الـمـحـبـة

لاتحتريني مابقالي مواعيد

...................كل الوعود المبطية هملتني

موعدك طعمه عيد يانكهة العيد

...................لكن شبابيك المحبة جفتني

الحزن دك بخيلك ضلوعي البيد

...................وفارسك يطعن بالجفا تحت متني

لجلك أموت الموت مرات واعيد

...................كلت سيوف الحزن مانوختني

في يديني الفرحة وفي رجلي القيد

...................وان جيت ابسري ليلتك هي سرتني

واللي عطا حزن الكهول المواليد

...................نفسه زرع روحي بعين ٍ بكتني

حاولت اصافح فرحتي مالها ايد

...................حاولت ابحظنها وفا ماحظنتني

أن قلت أحبك صوت طفل وبواريد

...................وان قلت ابيك ظروف وقتي حدتني

سكر شبابيك الوهم والمواعيد

...................دام الوعود المبطيات أخذلتني