منتديات ليلاس - [ مُـدوٍِنتـيٍِ ] ●●ركني الهادي حيث يتجدد الأمل والألم●●

اقتباس:

اممم ماتلاحظون حبيباتي
أني ما صرت مثل الاول
حاشن كسل موب صاحي الله يقطعه مع هالبرد
أسالكم تجيكم حالات مثل اللي ه الحين جتن
يعني تحسون ب ملل من كل شيء ولا تدرون وشهو
يعني يجيكم ملل من قومة الصبح من الدوام من الشغل سوى بالبيت ولا بالعمل
يجيكم ملل حتى من الزيارات وصلة الارحام
من القرايه من التصفح على النت من مشاهدة التي من الطبخ من النفخ
ملل من معابلت ه البزران يعني ملل من كل شي
وغير كذا ودكم ب ملل يملل حياتكم
تجيكم هالحاله ولا لا
باستر اخذت إجازه من الشغل والسبب متملله
قلت ل ام يوسف مديرتنا الفاضله الله يطول عمره ب الطاعه
ابي إجازه يا حضرة المديره
قالت ام يوسف بخصوص قلت ابد متملله بققت ام يوسف عيونه
ثم قالت توكلي على مكتبتس وتعوذي من الشيطان
قلت الله يهداتس مسرع ما صدقتي
امزح معتس يا حوبي لتس عندي ظرف طاري ضروري يقول لزومن إجازه
مراجعات مستشفى تخبرين البرد قايم بدوره بالبزران
ومعاملات بنكيه ضروري اقضيه مجمدته من اسبوع وغير وغيره وسدحت له
كم عذر حتى تقبل وتوافق تعطين إجازه

بس تهقون اني كذبت عليه قاعد يأنبنن ضميري الحي ويقول يا ستذووووب اعترفي وراتس ما قلتي الصدق
بس والله جد قلت له الصدق يا ضميري وهي ما صدقت الصدق وبققت عيونه
طيب وش فيه اذا الواحد قال انه متملل ويبي إجازه
ليه ما يصدقونه ويعطون بدال ما نسدح اسباب يمكن تكون واهيه للإجازه

وش فيه الانسان ما يجي له حاله ويتملل من نفسه عاد يا كيف شغله والكرف اليومي
ترا الانسان مو اله مكينه شغاله بس تعطي تعطي
أنا اشوف حتى ألاله الماكينه يجي يوم وتملل من نفسه ترا يكون بعلمكم اذا خربت وهنقت ترا هي متملله
بس هي تخدعكم بخرابه
الزبده من كل هالحكي ان باستر عندي إجازه من الشغل بسبب الملل
بس المشكله الملل اللي حاشن مو راضي يصدق أني متملله لين الحين
بس تعرفون وش سويت حتى يصدق الملل اني متملله وتصدق مديرتي وكل الناس

شوفوا وش سويت

مسكيت التلفون رغم أني متملله منه وكلمت رفيقتي ام هليل ولاني من زمااان ماكلمتيه..واسترجعنا ذكريات جيرتنا مع بعض اول..ومرت 3 ساعات وانا وياه اخذ وعطى ومشاورات وبحث عن حاله الملل اللي صابتن
وبعد جد ولعب ههههههه اقصد مشاورات واستشارات انصحتن جارتي وصديقتي الصدوقه ام هليل راعيه كسر الروتين
وقاهرت الملل ومهجدته
قالت لي اسمعي يا غيومه وطبقي كلامي ب يدينه ورجلينه

اولا قالت لي اطلعت الحوش وافرشي لتس فرشة وانسدحي على ظهرتس و تأملي النجوم واسترخي شوي من الملل وعد كل نجوم
الليل وحتى نجوم القايله

ثمن نصحتن ام هليل اني قصي اطراف شعري..كل مازهقت واروح عند المراية وقصي الاطراف س شوي شوي منها)بس قالت لي هاه انتبهي لا تصلعين شعرتس كله ويسرقتس الملل وتغدين بسبته صلعه
هع هع هع
ثم قالت لي ام هليل لكسر الرتين هي فاتحه مكتب بهالخصوص
كعكعكععكع
روحي للهايبر ولا لسوبرماركت وامسكي عربه ودوروا فيها ودرعمي ب خلق الله وقولوا اووه آسفة مادريت كله من الملل الله يقطع ابليسه

ثم قالت لي امسكي ريموت كونترول واحذفي كل القنوات من الرسيفر ورجعي حطيهم من جديد (هذا ويهي ان رجعتي منهم شي

ثمن نصحتن اسوي عصير برتقال واشربيه واقروا مجلة اطفال ميكي وماجد قالت اختاري هالثنتين وماهنا غيره

وقالت البسي ملابس ابو الشباب ثوبه وغترة وطبي عليه وهو نايم وخرعيه وشوفي وش يسوي
هع هع هع
عز الله بيشغل الموتر اقصد العقال
اخخخخخخخخ

دخلي غرفتتس وحطي فل ميكأب كأنتس عروس وتشببي والبسي ثوب زواجتس وقومي اردحي وعوضي رقص ذيك الايام اكيد انتس مارقصتي بذاك اليوم فرصه وجت لتس
اخخخخخخخخخخخخخخخخخ استحي

وقالت افضل وسيله لطرد الملل امسكي دفتر تلوين اطفال واقعدي لوني ...ههههههههه

واذا وصل الملل عندتس اف ادخلي غرفتس ثاني مره وافتحي درج هدومتس وقعدي قيسي ملابسك بدلة ورا الثانية< يمكن يأذن الصبح ماخلصتي من كثرهم

ونصحتن ب هالمرهم تقول انه فعال ويعطي نتايج جديده وهو اركبي السيارة وهي موقفة داخل البيت وكأنك تسوقين
وحققي هالحلم قبل ما تموتين ومجلس الوزرا ما طبقه تلاحقي على عمرتس
هع هع هع هع هع

ثمن نصحتن بنصيحه جيده جدا تصلح لهتون هع هع هع وكل الدبدوبات اللي مثل حالتنا قالت اطلعي ونزلي السلم عشرين مرة .. منها تتمشين ومنها تسوين ريجيم عاجبتس كرشتس مع القعدة والفراغة
تلحلحي سوي شي زين بدنياتس
امممم ام هليل بالعدال ي ام الرشاقه مو كنتس خابزته وعاجنته

واخيران قالت لي اطلعي السور اي الحوش ..وصيدي حشرة لطيفة (زهيوي ولا برعصي ولا نمله ولا دوده صغنونه وحطيها بعلبة وقعدي راقبيها.
هع هع هع يا ويلي من ربي آخرته صرت مربية اقصد معذبه حشرات

هذي نصايح ام هليل لطرد الملل وابوه وامه
لو دريت ان النصايح بتجيب فايده وتطرد الملل كان ما خذت إجازه ووخنت ضميري المهني اللي معذبن من كذبتي
بسبب الإجازه
والدليل ان الملل طار وبح وراح عني من طبقت نصايح ام هليل طاردت الملل ومهجدته
وهذاني ما شاء الله علي ما فيني غير الغافيه والملل مثل ما قلت لكم بح
والدليل هذاني سهرانتن لين الحين اكتب لكم هالتقرير
بسسسسسسسسسسسسسسسسسسسسسسسسسسسسس
المشكله باستر اخذتن إجازه والملل ما راح يجين
وش السواة الحين يعني بكره يومي فاضي كله ماراح يجين ملل ولا حاجه يعني ابي اطفش
وش اسويييييييييييييييييييييييييييييييي
قولولي برايكم
احد عاجبه يومه ؟؟ وعلى قولت امي لا معجبنا العجب ولا الصوم برجب

وسلامه تسلمكم خالين من ملل يضيقكم
وبراد على قلوبكم
هذره انصوص الليالي

حكايه انت تتكلمي عني
كسل وملل ومافي غير مقابله البيت والنونو
طفش مو صاحي

بطبق نصائح ام هليل هههههههه

الله يسعدها يارب
ويحفظك يارب

ويبعد عنا الملل