منتديات ليلاس - |¦|●●أبخص مداهيل صمتك.. وأعرف أسرارك..!

مدخل
الغلا والشـوق واحسـاس الحنيـن .. والعيـون اللـي ضـوى فيهـا السـهـر
والظـروف اللي تليـن ومــا تلـيـن .. مـا سقـا صــدر المواعـيـد الـزهـر
اعْشَقَك’ وآموت بك’ واقسم( يمين).. قلتها لـك سر / واعلنـها جـهر
حبك اللي فـي ضنا روحي دفين.. اغْتَسَـل شوقـي ولـكـن مــا طـهـر
كيف كنت ؟ووين كنت ؟!وصرت وين؟! هو بقى بالروح عرق وما انصهر !!
مـا اقــول إلاّ عـسا ربـي يعين .. والله ان المـوت طعـنات [ الظـهـر ]
شابت ايديني وانا اعد السنـين.. يا زمن كم فات من عمري شهر؟
ضاعت احلامي معك .. شك / ويقيـن .. ساعتي من طاري الفرقا دهر
مـا بقا إلاّ خوف .. وآلام .. وانـين.. الدموع اربع / وخامسها [ القـهـر ]

إلاَّ على طاري [ اخباري ] .. وش اخبارك ؟!

يـا بِـرْد قلبـك .. علـى الفرقـا / ويـا ثبْـرَك

جيت (ا) تَّشمَّت ؟! تطمَّن / مـا طفـت نـارك

انـا علـى الطعنَّـة اللـي خبْـرَي / وخبْـرَك

لا قـادر اسـلا هـواك وْلَ/ اقْـدَرْ اختـارك

وشيـت بـك بالـورق .. واغتابنـي [ حبْـرَك ]

لو بيْـدِي آشـق صـدري / واقطـع اشبـارك

بـس البـلا ماكـن ٍ بالـروح يـا كبْـرَك !!

صحيح احبـك / اذوبـك / اسهـر / احتـارك

اشتـاق لـك / واشتهيـك بعظمـك وهبْـرَك

لكـن علـيّ الحـرام استطعـم [ امـرارك ]

مـا باقـي بمهجتـي لـك .. عـرق مـا يبْـرَك

تضحـك لغيـري .. عشـان امـوت وآغـارك

واقـول لـك تبـت مـن فرقـاك.. واعتـبْـرَك

لِعَبـتْ / لعبـة .. ولـكـن فشْـلَـت ادوارك

مـات البطـل والحكايـة فلـم [ ومفـبْـرَك ]

ما جيـت اروزك ..ولا جيـت الفـت انظـارك

ولا جيت اجـرَّب غـلاي شلـون .. واختبْـرَك

ابخص مداهيـل صمتـك.. واعْـرَف اسـرارك

مـداك عنـدي / يطـول او ينتقـص شبْـرَك

عنـدك طـواري ..واشوفـه كثْـرَت اطـوارك

لا عسجدي / عسجدك .. تِبْرَي مهـب تِبْـرَك

كرامتـي فـوق نـار الـشـوق.. واعــذارك

واللي كسَرْته / كسَرْته .. [ وش نفع جبْرَك ] ؟!

لا عــاد تنـشـد.. ولا تعطيـنـي اخـبـارك

حَفَرْت قبْرَي .. وانـا ب/ احْفَـر بَعَـدْ قبْـرَك

ل.. بدر الدخيل