|
هل تشعر بالحرج لو...!!؟؟
يااا مســــــــــآءت الورد
والصباحآآآت النديه.. اشتياقآآآت وود ؛ ؛ هل تشعر بالحرج لو...!!؟؟ موضوع من وحي قلمي .. ساقدمه لكم لتدلوا بارائكم ولـتطرحوا نقاشاتكم حول مائده الجاد ؛ ؛ يدخل ابني البالغ تسعه اعوام... ملابسه ممزقه وبعض الدم يسيل من انفه واثار صراع حاد وشجار مع احدهم ولله الحمد ماكو كسور ولا حتى رضوض وبعد ان اخذت وشديت معه بالكلام ... اعترف انه تشاجر من ابن احد الجارات لانه قال له/ اعرف اسم امك خخخخخخخخخخخ ضحكت من جد ساااعتهآآآ>> ماااطولك ياااليل ؛ ؛ تصفحت ملفه... اوراق وشهادات المرحله الابتدائيه والله كبرت حبيبي وبتروح متوسط... لحظه.. لحظه ... شنو هالورقه صوره من بطاقه العايله مطموس (بقووه)اسمآء كل الاناث المسجلين بالبطاااقه ليش ياااااحبيب امك... ؟؟ عاادي كل العيال مسوين كذا.. عشان محد يعرف اسم امهم..وخواتهم ؛ ؛ امي يمكن اتاخر اليوم ... عطيني مفتاح البيت حقك وبعد اذنك بشيل الميدليه عشان فيها اسمك ؛ ؛ طفلي يسآل/ ابله حنان تقول.. وش اسم اختك؟؟ عادي حبيبي.. مافيها شي.. يرد بعصبيه/ بس بابا يقول لو احد سالك وش اسم اختك فقع وجهه هههههههههه ؛ ؛ مواقف حدثت في واقعي... وتتكرر باستمرار مع غيري مآساة حقيقيه ان يشعر بعض الذكور بالحرج اذا عرف احدهم اسم امه او اخته او يغضب ويغار بشده ان سئل عن اسم زوووجته من جد يعني ليش هالشي عيب عند بعض الناس؟؟؟ ودي ألقى اجابة مقنعه لهاالسؤال لماذا يشعر الرجل بالآحراج او الغضب من اسم زوجته او اخته؟؟؟ ويبقى الورد .. وكل الود لنقاء قلوبكم |
♪♪♪ جوآب سؤآلك تلآقيـه عند الذكور .. بس بجد صدقتي كثير مواقف صارت لنا مع اخوي .. اولهم موقف بطاقة العايلة .. طامس كل اللي في البطااقة لآنو وقتهـآ كنـآ كلنا بنآت ماعدآه هو وآبوي خخخـ .. بجد شي دايم يحيرني .. ♪♪♪ |
هلا حنوو ~~
قوويه حركه الطمس ... باقي شوي وتنشق الورقه >> حاقد من قلب جنائن الورد لاحلى معزووووفه بالوجود |
♪♪♪ سآلت آخوي من شوي .. قلت له : من فترة لما المدرسة طلبوا منك بطاقة العايلة ليش طمست اسمائنا ..!! قام قال : بس مابيهم يعرفون اساميكم .. قلت له : ليش طيب ما تبيهم يعرفون اسماائنا .. قال لي : بس عيب انتوا حريم ..! قلت له : ليش عيب يعني ..؟؟ قال لي : مدري انا تربيت على ان هالشيء عيب !! وقال لي على موقف واحد من اخوياه مع عمه المدرس .. العم قابل ولد اخوه بالمدرسة ، والولد كان مع اخوياه ، و بكل حسن نية قال العم المدرس : يا فلان وشلون أختك فلانة عساها تحسنت ..؟ الولد شاااط وعصصب وسب عمه : ليش تقول اسم اختي قدام اخوياي ..! ومشى ولا كآنه شايف عمه !! حسيتني ودي آذبحه ما له حق يعصب على عمه ويقل أدبه عليه لآنه مجرد سآل عنها ..! ~> فيس كثر هذرررة .. ♪♪♪ |
هههههههههههههههههههههههههههههه
من جد مت ضحك ..هههههههههههههه موضوع رهيييب شمس ..ياختي هالعياال مادري وش فيهم علينا تذكرت اخوي من فتره بسيطه دق علي يسألنا عن اسم زوجه ولد عمي >>وولد عمي عنده يبي يقهره هههههه واسمع ولد عمي يسب فيه وهو ميت من الضحك ههههههههه يعني لاتشرهين على الصغاار حتى الكباار يتحسسون من هالموضوع .. مره كنت اتابع موضوع عن الثقه بالنفس للدكتور طارق الحبيب وتطرق لهالمسأله تتخيلي شو قاال .. ناس كثيرين يخجلون من ذكر اسم...... زوجته او امه او اخواته ..ليه ؟؟انا اسم زوجتي فلانه واسم بنتي فلانه >>ذكر اسمائهم علنآ وانا من الصدمه نسيتهن ههههههههههه فعلا احيانا احس كلامه منطقي بزيااده .. المهم نرجع لموضوعناا .. اتوقع ان كثر من العيال يسمعون عيب الحرمه تطلع عيب انها ترفع صوتهاا عيب يطلع منها شي ......تلاقين العياال يتخيلون ان كل شي يربطنا هو عيب حتى ذكر اسمائناا هههههه تدرين وش اللي يقهر ان هالشي مادري من وين طلع حتى في عصر الجاهليه مو موجود ..الا بالعكس كانوا يتكنون باسماء امهاتهم ..مثل عمرو بن هند ..وعمرو بن كلثوم .. بس شكل جاهليتناا من نوع اخر .. انا ودي اجمع هالنقيضين ...اللي مايبي يقول اسم اخته .. واللي يدعوا لتبرج النساء في هالزمن ..احسها بتكون مناظره ممتعه >>فيس يعشق المناظرااات .. الله يرحمك ياأحمد ديداات كان اروع منااظر شفته ..>>مو كني طلعت برااا ههههههههههه شمس موضوعك ..يجننن تدرين ليه ..لأنه من قريحتك مو قص ولصق ...مثلي ههههه همسه >> ننتظر ابدااعك دام ناصر راح مع الفرمته عوضيناا بمواضيع من قريحتج ..يابعدهم .. |
اي والله موضوع محيرني بجد >_<
مره اخوي عمره 10 سنوات قال لاأخوي الصغير 7 سنوات...:العيال اذا سألوك عن اسم خواتك او امي يآآآآآآآآآويلكـ اذا علمتهم بذبحك بلّا بيروحون يفضحونك...؟؟... ومرّه رسمت له رسمه جاني بعد المدرسه وقالي رسمتش اعجبت الاستآإذ وسألني من الي رسمها قلتله اخوي حسن<<15 سنه لأنه عيب اذا عرف اسمش وهذا حال اخواني الكبار..يتصلون ويسألوني عن اسماء بنات وامهات عيال الحاره<<يبغى يفضحهم علّتهم ومارآإح يطيبون منهآ مشكوووره حبّوبه ^_^ |
هههاههخخخ
بجد شيء مضحك والله سبق لي حادثه( رغفنت بالفصيح ) ( ضربت بالعامي ....خخخ يستهبل ) ابن الجيران لانه علم بأسم امي وصاروا يعايروني يا ولد :toot: فلانه ههههههههههههههه والله ما اعلمكم اسمها :lol: اقول كلش ولا المحارم ترا خط احمر وانا غيور جدا والشوزن ورا الباب :lol: راجع لكم ان شاء الله تريونا |
اقتباس:
مرحبآ بعودتك غاليتي حنووو ~ الله يحفظه لكم ويخليكم لبعض ... كلامه يعكس الجو اللي عايشين فيه معظم اولادنآآآ هم يعتبرون اللي يقول اسم امه او اخته.. خكري وماعنده غيره تربوو وكبرو على هالشي.. يعني ماالهم حـــــل خخخخخخخ وديـــــ |
أحب الليل مشكورة يا قلبي.. موضوع ممتاز بس الجواب بسيط كذا تربينا.. أول ما رحت للجامعة كنت أموت لما الدكتور ينادي على إسمي بورقة الغياب أو لما يطلبني أجاوب يقول شو إسمك ما بحب يجي إسمي على لسان رجال غريب.. والله صعبة أموت من الخجل مرة كنت صغيرة يمكن بالإبتدائي وكان أخوي الكبير بالثانوي وكنت ألعب بدفترة وكتبت أسماء إخواني بالترتيب و من ضمنهم إسمي و إسم أختي.. لما شافهم مسك القلم الأسود و بلش يشطب عليهم بقوة وبعدين عطاني درس مرتب بس طبعاً وقتها ما كنت فاهمه شو السالفه.. الله يعطيكِ العافية موضوع قيم.. |
اقتباس:
شبيهه القمــــــــــــــر ~ كم أفخر بمشارتكك الغنيه ,, أتعلمي وجه الشبة بَين القمر و أنتٍ ؟؟..!!.. كِلاكما يُضفيّ على الروح و القَلب خيال مترف مبجل ... ** صادقه والله كثير موووواقف صاااااارت من زووود حرصهم وكان الاسم بيعكس شكل وملامح الانثى هههههه والبعض تفكيره يروح لامور ثانيه... ويظن غيره مثله( كلآ يرآ الناس بعين طبعه) واذا ع المناظره.. سيرو ونحن من ورائكم.> فيس يشجع ويرفع شعارات ود واكثـــــــــر |
اقتباس:
صح كلامك .. هذي عله ومرض .. ومالها علاج خخخخ اسعدني ردك غاليتي كل الود |
اقتباس:
اكيد اسم الوالده قديم ويسسب لك الاحرآآآآآج >> فيس بيتصوب بالشوووووزن خخخخخ نبي تعرف ليه هالخط الاحمر.. نتريآآآآآآك.. وبدون استخدام العنف خخخخخخ كل الاحترام والتقدير لشخصكم الكريم |
اقتباس:
الله يعافيج اختي ام عروه ~ الله يسعدج.. .. فضيحه عائليه وبالترتيب بعد هههههههههه .... بس ليش هالتحسس من ذكر الاسم.. يعني هو اسم مووب سر اهلنآآآآ ليش سمونآآآآآ اصلآآآ ؟؟؟؟ ابهجني تواجدك والله لايحرمنا هالطله الحلوووه كل الود~ |
اقتباس:
لا اسمها جونان اكيد يحبونه الشيبان هههههههههه لانه كان بزمانهم شيء ولكن الحين يعني نص نص خخخخخخخخ اوك انا صرااحه في الاول كنت انحرج لانه ثقافة المجتمع تقول عيب احد يعرف اسم امك او خواتك اما الايام هذي عادي يمكن بحكم السن وانه تغيرت المفاهيم عندي واصبحت اكثر تحررا اممم مشكوووره الله يطول عمرك على طااعته بجد انتي انسانه رائعه ربي يوفقك وان شاء الله لي عوده تريونا |
هلا حبوبه صباحك ورد ذكرتيني بسالفه قبل فتره جاني ولد اخوي >> 13سنه الله يحفظه توه مطلّع جوال قال عمتي ابي رقم جوالك واخذت جواله على اساس بسجله جيت بكتب اسمي عصّب وسحب الجهاز قلت حبيبي شفيك قال انا ماسجل اسامي حريمنا على جهازي قلت طيب وش بتحط اسمي قال عمتي 22 آخر رقمين من جوالي واشوف قائمة اسمائه وانهار كلها على نفس النّمط وكلّمته بهداوة وقلتله حبيبي من قدوتنا في هذي الحياة قال الرسول صلى الله عليه وسلم قلت حلو والرسول مب نعرف اسم أمه واسماء زوجاته وبناته يعني مب حرام ولا عيب ليش تسمح للمجتمع يشكلك إذا انت ماسويت شي غلط قال ماقدر ماحب العيال يعلقون علي بأسمائكم وانا مابي اصير مصخره لهم قلتله خلص ياقلبي النقاش كذا عقيم بكرا ان شاء الله بتكبر وتنفك هالعقده>> عندي امل حبوبه اسمحيلنا على الهذره تسلم اناملك موضوع رائع... |
اقتباس:
هلا بعوتدك اخي المجنون ابن (جونآآآآن) ربي يحفظك لكم الوالده ويطول بعمرهآآ الرجل الذي يستعيب اسم المرأه يوجد خلل وضعف في تفكيره العيب مو بالاسم العيب والله بالعقل اللي يعتبره عيـــــــب وفضيحه شفيها يعني لو عرفووو اسم امك او اختك... ؟؟؟ شكرا ع المشاركه الحلوة ... |
اقتباس:
يااارب تفرحين بولد اخوج تشوووفينه معرس .. آآآآمين يا حليله ذووووق حيــــــــــــــــــــل >> احمدي ربج < عمه 22> مااشفتي المسميات اللي ترووووع من جد.. ام كشه ... والتريله .. النشبه ..خخخخخخخخ وللي يفقع الكبد من مسمي وحده من خوااااته ( وانتو بكرااااامه ) :mad: اشكرك على المشاركه غاليتي كل الود والتقدير |
صح شيء غريب ليش مايحبو الرجال أنو أحد يعرف أسماء أخواته وأمه يعني بالله أحنا مصيبة ولا كارثو ولازم يخبيها مافي زي بابا مخلي كنيته بأسم أختي الكبيرة وفي ناس ينادو باسم أخوي اللي بعدها يعني ماعنده مشكلة ومسجلنا في الجوال بأسماءنا أما أخوي الكبير سمعته وهو يناقش أخوي الصغير بس وصلت على نهاية النقاش المهم اللي لحقت منه وهو يقولة أخوي الصغير لا بالله تبغاهم يعرفو أسماء أخواتي قام أخوي الكبير قال والله أخواتك مافي مثلهم المفروض تفتخر بهم وعادي لو عرفو أسماءهم يعني بالله هم أتولدوا بدون أسماء ولا هم مصيبة لازم تتخبى بطل هذا التفكير أخوي الوسطاني والصغير مستحيل يخلو أحد من أصحابهم يعرفو أسماءنا أخوي الوسطاني مسجل أسماءنا بالإنجليش والبقية عادي ممممممممممم أنا أشوف الخطأ من الناس يعني يجو مجموعة وعرفو أسم أي وحدة ويقعد الكل في يتريق علية وينادية ويلاحقو بصراحة أنا أشوفها قلة أدب من الأشخاص اللي يتمصخرو ومثال لذلك هذي الحكاية يقول زوج بنت خالتي راح يوم المكتب وأصحابة يغنو خلص حنانك مابقى إلا قسوتك .. >>> عاد كملوها ما أسمع أغاني المهم فهو يغني معاهم تعجبو الأغنية وكذا كل يوم المهم شاف صاحبوا وجهة محمر سأل وفي النهاية اكتشف أنو أسم زوجته حنان وهم من أول يتمصخروا عليه طبعا هذي قلة أدب يعني لو يبطلو من كذا ممكن الواحد وقتها يقول أسم أهلة |
اقتباس:
هيوول ~ عطر وجودك ازكى ورؤيتك في هذا المتصفح اجمل ...!! وياااامساآءت الورد... .. .. بكل فتره تتغير العقليآت ووجهآت النظر عند الاشخآص فكثير عندهم ذكر اسم الزوجه او الاخت عند الغرب عآآآر وفضيحه فيقوول.. المدام ,, الجماعه .. ام فلان .. او حتى وزاره الداخليه خخخخخ>> داخليه وخااااارجيه بعد هع غصبآ عن اللي ماايرضى هههه مع ان الاسلام ماااحرم هالشي ولا استنكره بل كرم المآه وحفظ حقوقهآآآ والرسول عليه افضل الصلاه والتسليم كان ينادي زوجاته وبناته امهات المؤمنين باسماءهن لكن في مجتمعات صارت العادات والتقاليد مقدمه على الدين ( ولا حول ولا قوة الابالله) شكرا هيوووول ع المشاركه المفيده ... جنائن الورد لقلبك الطآآآآهر .. |
العيب مو في معرفة الاسم العيب في طريقة استخدامه وشيسوون اذا عرفوه وكانه عياره او شي عيب
لاعرفنا اسم امه تدرين ليش لان بعضهم ممكن يستفزك بانه يقول اسم امك بالعلن بقصد خبيث ذكرها في الهوشات والمناوشات للتحقير او التقليل من قدرهم والاسستخفاف بان يقول( امك انا اعرف اسمها )او (ياولد فلانه) والاولاد يشوفون ان المره عرضهم شعرة وجيهم فاي شي يمسها بيمسه قبلها وهذا الشي يستغلونه ضعاف النفوس ومن هنا بدات المشكله كلمه وحده توصف الناس اللي يستغلون هالنقطه متخلفين دمتي حبوبه الله يعينتس |
اقتباس:
احترم وجهه نظرك غاليتي ... بس المفروض ان الرجل يفتخر بامه وزوجته .. مو يتحرج او يغضب من مجرد التصريح بالاسم لماذا الاحرآآآج .. اليست هي العظيمه التى وراء كل رجل عظيم ؟؟؟ وليش نعطي مجال لكل فاضي او ردي عقل بانه ينغز او يعاير بالاسم كله الا اسم .. لا راح ولا جآآآآ ؛؛ ممتنه لهذا الحضور الراقي ...وشكرا على جمــــــآل المتابعه دامت السعادة لروحك ؛؛ |
والله غريبين هالاولاد مااادري ليه يحسووون انه عيب
لدرجة يعيرووون بعض ان اعرف اسم امك والثاني يقول وان اعرف اسم اختك الله يعطيك العافيه شكرا لك تقبلوا مروري |
مشكوره على الموضوع الحلو
ما أدري وش يحسون فيه الرجال عادي وإذا عرف اسم زوجتك والا بنتك مافيها شي .. لكن الجواب الصحيح بتلاقينه عند الرجال |
موضوع جميل يعطيك العافيه
|
تناقشت انا واخواني على هالموضوع ليش عيب احنا نعرف اسماء بنات الرسول
ليش عيب واسماء زوجات الانبياء ذكرو في القران ليش عيب اسماء الصحابيات ذكرت في الاحاديث السيره النبويه ليست محرمه فلماذا هي كمايطلق عليها بالعاميه عيب تصدين فهمتهم ذا الشيء قلتلهم الي يقلكم انا اعرف اسم امك سكته بسؤال انت تعرف اسماء بنات الرسول اذا النبي محمد تعرف اسماء بناته عادي اعرف اسم امي يشرفني انك تعرف اسمها تحياتي |
اقتباس:
اسعدني تواجدك وردك اقتباس:
كل الود لنقآء قلبك اقتباس:
اقتباس:
اعجبني اسلوبك في الحوار .. وان شاء الله يجيب فااائده كل الود |
السلام عليكم ورحمه الله [COLOR="Pink "] COLOR="Plum"][RIGHT]موضوعك رائع ومشوق جدآ وملموس بالنسبه لى عندك انا مثلا واحد من اخوانى مسمينى على موبايله بآسم كلمه كان يقولها ابن اختى اول ما بدأ يتكلم وكنت انا واخوىه ده نضحك من قلب على الكلمه دى فراح مسمينى بيها لما جبت موبايل والثانى مسمينى (البيت1 ) ولو حد رد عليّ وهو مع صحابه يقول بكل حترام ايوه يا باشا والتانى ايوه يا ماما>>بقيت ام على غفله هههههههههههه المهم هتستغربى لو قلتلك ان اكبرهم مسجلنى(د/....اسم الدلع اللى فى البيت) بس ده لانه بيعتبرنى زى بنته وانا بالنسبه له صغيره ولما يرد على وهو مع الناس يرد بكل وقار "الو دكتوره" فعلا [/COLOR][انا فكرت فى الموضوع ده قبل كده وقلت طيب كم من سير النساء الصالحات والصحابيات على عهد الرسول صلى الله عليه وسلم نتداولها فيما بيننا بأسماءهن الحقيقيه وهذا طبعا بالاضافه لامهات المؤ منين وبنات النبى الكريم ولكنى توصلت لاستنتاج وهو اننا لما بنتكلم عنهم دايما نقول السيده..بكل احترام ولكن العيب دلوقتى على المجتمع اللى بياخد الموضوع ده هزار وعنده تطفل على اسماء المحارم بس انا بقى هحى لك موقف خاص بى انا>>عارفه جبت لك صداع ههههههه بس والله كنت زهقانه وموضوعك فرفشنى هههههههههاستحملى انتى اللى جبتى لنفسك خخخخخخخخ[/RIGH T][/COLOR] المهم لما كنت فى اعدادى كان فى بنت عرفتنى عليها جارتى فى المدرسه وكان اسمها على اسم امى وكانت ظريفه جدا بس كنت استحاله اناديها ومش عاوزه اتعامل معاها ولا انطق اسمها ولما البنات ينادوها ابقى محرجه جدآ >>>طلعت انا المعقده هههههههههخخخخخخخ فلما كبرت اكتشفت انى من عظم مكانه امى عندى كنت محرجه اززززااى اقول اسمها كده حاااف وفى وسط البنات >>شفتى ازاى تفكيرى برىىىىىئ هههههههههههه تسلمى حبيبتى تقبلى مرورى البطييييييييييئ .. |
حللت اهلآ ووطئت سهلآ غاليتي وردةناديه~
مداخلتك جدآ رائعه... واسلوبك مشووق ياوردة ههههههه... موقفك من زميلتك غريب بالفعل طيب يااحلوه انحلت العقده والا لسه خخخخخ ربي يوفقك ويحفظ كل احبابك حالص ودي |
اقتباس:
بالنسبه للعقده آآآه اتحلت من زمااااااااااان ههههههههههه |
عآآآآدآآآت مجتمعيه .. غريــــــــــــبه ..
عيب .. تذكر آسم آمكـ .. عيب .. تذكر آختكـ .. عيب .. وعيب .. وعيب .. اذكر موقف صارلي قبل سنوات .. كنت سايره مع اخوووي نشل اختي من الجآآمعه .. فالامن وقف اخوووي وقاله وين تريد تسير ؟؟ جآآن يقول اخووي .. سآآير أشل الرضيعه .. << اختي .. السيكيورتي مسكين مآآفهم هالمصطلح .. جآآن يقووول نعم!! آخوووي ذيج السآآعه استوعب ان مآآفهم .. قآآله الاهل .. آختي .. عآآد السيكيورتي دخل اخوي عسب يشل اختي .. هذي وحده من المصطلحاات اللي فمجتمعنآآ يستخدمووونهآآآ .. وآستغرب .. شعنه مآآيقوولووون .. خواتنأأ .. آمنآآآ .. عندهم عييييييييب !!! المصطلح اللي يقوووولووونه >> الاهل .. الاهل يبونآآ .. الاهل يتصلون .. طالعين مع الاهل .. وحتى فتيلفونااتهم .. مايكتبون الاسمآآآء .. رموووووووز .. ن. الاهل >> يعني مثلا نوره ..ههه أ.الاهل >> آيمآن .. ههه عليييهم حركآآآآآآت صرآآآآآآآىحه .. |
يسعدلي مساك يا غالية مسائك ورد وفل وياسمين موضوع شيق جداً وجميل ولكن أتعلمين أين يكمن الخلل؟؟؟ يكمن في تربيتنا..... يكمن في شخصياتنا..... أنا لا ألوم الرجل فقط على هذا الأمر ولكن ألوم الأم أيضاَ لأنها هي من ربته على ذلك بَنَتْ شخصيته على هذا الأمر عيب كذا ..... وعيب كذا ...... وعيب كذا....... بدأً من أنها لا ترضى أن تكنى بابنتها إذا لم يكن لها ولد لأنها تستعيب هذا حتى أن بعضهن إذا ذهبت إلى مكان وطُلِب منها اسمها {{ قالت أم فلان }} حتى لو لم تكن متزوجة!!!!!! ما الذي دعاها إلى ذلك إلا تربيتها........ أتعلمين......... في مدارس الإبتدائي بنين عندنا رغم أن الهيئة التعليمية نساء إلا أن بعض الطلبة الذين تُدَرِّس أمهاتهم في نفس المدرسة يتشاجرون مع أقرانهم حين يتكلمون عن أسماء أمهاتهم كيف ينطق باسمها أمام زملائه؟؟؟؟؟؟ أرأيت أين وصل الأمر؟؟؟؟ رغم أن أباءنا وأجدادنا كانوا إذا اعتزا منهم الواحد قال: أنا أخو فلانة فلماذا تغير الوضع الآن وأصبحوا يستعيبون اسم الأنثى!!!!!!!!! عزيزتي عذراً للإطالة تقبلي مروري لك ودي |
موضوعك عجبني حبوبه ،،
وفعلاً مادري ليش هالحركه تصير .. مع انو عندنا بعض الرجااال يفتخرووون ولما بيمدح رجااال منهم يقووول ،، والله والنعم فيهم اخوااان روضه ،، او اخواان شمه .. يمكن لان روضه وشمه ماتو ا !!! ههههههه ع العموم انا احس انه من مبدأ احترااام ،، والخصوصية وليس لسبب آخر . ذً مره سمعت برنامج تربوي في الاذاعه ،، كان المذيع يسأل الاولاد عن اسم مدرسته ويستح يقول .. رد عليه المذيع وقاله قول اسم مدرستك واختك ، د مافيها شي ،، صاروا الحين لما يتصلوووون بالبرنامج ،، على طول يهدي مدرسته ورده ، د |
موضوع جدا جميل وجدا شائع في المجتمعات الخليجية غالبا فنحن والحمد لله فئة قليلة جدا من تتعامل مع الاسماء على هذا الاساس الخاطئ
مشكوووووووووووووووووووووورة على الطرح الجميل |
ههههههههههههههههههههههههههههههههههههههههههههههه بجد جامده هم الرجاله كده دي غيرة علي اهل بيتهم يلا ربنا يباركلك فيه
|
| الساعة الآن 01:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية