تعال خذني
للشاعر فلاح عشوي العنزي كلي معك وان ماكفى كلني لك.. تعال خذني وخطوتي تسبق خطاك.. اجيك ضامي وارتوي قبل لا اوصلك.. واوصلك واضمي وارتوي وارجع اضماك .. القاك فيني والتقي فيك داخلك.. واخاف لا اشوفك ولاعاد القاك .. وازعل على نفسي ولا اقدر ازعلك.. حتى الزعل فيني يدور على رضاك.. شفني يثير الصمت فيني تاملك ؟؟ ويثور قلبي من سهم رمش عيناك.. هتان شعري ماقوى عن تجاهلك.. ماصد حرفي عن ملامح محياك.. يضيع وصفك مع بدايات اولك.. وابدا من الاخر واضيع بحلاياك.. اية انكسر وجة الدلع يوم قابلك.. وانتي الدلع ..والا الدلع هو تبناك.. والوردة اللي شلتها بين اناملك.. تفتحت لاصارت بكف يمناك.. تروي من عروقك وتعكس تعاملك .. وتسرق من انفاسك وتاخذ مزاياك.. انت الغلا ومنك الغلا فيك يسالك.. الحب اصل الحب ماكان لولاك.. كلي معك ..عفوا انا كلي لك.. تعال خذني وخلني دوم وياك . امل ان تنال استحسانكم رعاكم الكريم |
كلي معك وان ماكفى كلني لك..
تعال خذني وخطوتي تسبق خطاك.. اجيك ضامي وارتوي قبل لا اوصلك.. واوصلك واضمي وارتوي وارجع اضماك .. القاك فيني والتقي فيك داخلك.. واخاف لا اشوفك ولاعاد القاك .. رائعة ومتميزة كما تعودنا منك سلمت يمناك الله يعطيك العافية بحفظ الله |
قصييييييييييييييييده في قمه الجمااال
صح لساان قائلهااا وسلمت يد ناقلهااا طـــرح رائع.. مودتي |
انت الغلا ومنك الغلا فيك يسالك..
الحب اصل الحب ماكان لولاك.. كلي معك ..عفوا انا كلي لك.. تعال خذني وخلني دوم وياك . صح لسان شاعرنا وتسلم ع النقل اخويه |
كلي معك ..عفوا انا كلي لك..
تعال خذني وخلني دوم وياك . مبدع ومتميز كالعاده في اختيارك قصيده حلوووة كثير يسلم ذوقك اخووي الف شكر لك وفي انتظار المزيد تحياااتي وجه الصباح |
الساعة الآن 08:22 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية