اقتباس:
اهلا اهلا ماما عارفة يا سوز انا بحب زيارتك جدااااااا و بحب اشوف اسمك دايما و حاسس بشعور حنين الولد لامه فعلا رغم انك صغيرة لسه مش ماما يعني ..... بس برضه بحبك حب الابن لامه ..... ربنا يخليكي يارب اولا برضه بعتذر عن عدم الرد لغاية دلوقتي مزنوق في الوقت حبتين و الله معلش سامحيني ماما نيجي بقى للفطار الجامد ده ..... ايه اللي جنب الفلافل ده و العيش ده نوعه ايه و عامل كده ازاي و الشمام .... صح ؟ ..... دا شمام ؟! امممممممممممممممممممممممم انا فرحان ان ماما بتهمس معايا دلوقتي اتفضلي ماما شوفي سوز ...... انا مش هقدر ارد عليكي تفصيلا ...... لكن الرد المجمل لكل ردك انك خوفتيني اكتر من اسيل ...... لدرجة شكيت انك حد يعرفني ....... بس تفتكري العيوب اللي فيا دي تخليني انسان وحش اوي ...... انا صاحبت و صاحبي مطلعش قد المسئولية ..... و حبيت و طلعت اللى حبيتها مستهترة و بتضحك عليا ....... بس صدقيني هي توأم روحي المقصودة ....... انا مش عارف و الله عارفه انا لما ركزت في ردك دلوقتي تهت و حزنت قوي ........ انا فعلا فيا غلطات كتير اوي مخليه الكل يستهتر بشخصي اوي يعني انا دلوقتي مستحيل اثق في حد و مستحيل احب بنت بسهولة ...... محيته من قلبي الحب ده ..... حاجة وحشة و مؤلمة........ لا اكتر حاجة مؤلمة و مذلة في الدنيا كلها ......... انتي بتتكلميي زي ماما يا سوز بالظبط لكن انا حزنت فعلا اوي ....... حسيت اني مكشوف و باين بعيوبي ..... الشعور ان الانسان غير مستور ....... و مش قصدي عليكي و الله ....... بالعكس انتي حد بحبه و بحترمه و هحترم رأيك لكن لو اتكشفت قدام حد بيكرهني هيبقى الحل ايه بجد و الله و من غير ما تقصدي انا حزنت كتيييييييييييييير اوي |
اقتباس:
انت شخص نقى وقلبك طاهر وطيب بيحب كل الناس وبيتمنى الخير لطوب الارض ولا تحقد ولا تشمت حتى بمن خانك او جرحك ولونك المفضل فى تعاملك ون حولك الابيض انت مش سىء اصلا لو عندك عيب فهو انك بتاخد كل حاجه بمؤشر تجاه الاحمر بمعنى هتحب يبقى جدااااااااااا بكل جوارحك واعصابك وقطرة دم ف جسمك وتضحى بالغالى والنفيس تجاه من تحب ايا كان ما تحب شخص , وجهة نظر تتبناها , قضية تؤيدها , صاحب ,... والعكس بالعكس اذا كرهت تقاتل بكل عصب فيك وليس خطؤك ان من حولك يتلونون بكافة تدرجات الرمادى انت شخص جمييييل اوووى بس بلاش الحده ف كل امورك الوسطية حلوة وتمنح العقل والقلب معا الكثير من الفرص امنح خبراتك وقتها لتنمو وامنح مشاعرك فرصتها لتنضج وامنح عقلك وقته ليرتب افكاره وخبراته ويربطها سوبا ليعزفوا جميعا منظومه تقوى ارادتك ومواجهاتك مع الحياة من حولك برأيى ان والدتك نسجت لك ثوبا من المبادىء والقيم والاخلاق الجميله البستك اياه منذ ميلادك واسكنتك قوقعة قلبها لتفيض حبا طاهرا لا ينقطع انهماره عليك وغزلت لك وشاحا من النقاوة والوضوح والطيبة بلا حدود لتلتفح به ولكنها لم تسلحك او تحصنك ضد برد القلوب وصقيع المشاعر وزخات الوشوش التى تتلون وتتبدل حسب الاحوال فاستعن دوما ولدى بالله ان يحصنك من شرور هؤلاء الاشخاص والمواقف واعلم انك تستحق الافضل لانك افضل ولا تلقى بالا لمن يحاولون جرحك والغدر بك لطيبة قلبك فلا يرمى بالحجارة الا النخل طيب الثمر ولا ارجو سوى ان تكون فهمت كلامى وتأخذ بنصحى والاهم ان يذهب عنك الحزن الذى جاء منى:f63: |
اقتباس:
اسيل ست الكل صباحك فل منورة الاستراحة و الله لسه جاي من القاهرة حالا و الجو برد جداااااا و انا جاي عالصحراوي قلت لازم ان شاء الله لما اروح ارد على اسيل بقيت قليل الذوق اوي اليومين دول قلت احسن شكلي بقى و نبدأ الاجابات على الفوج الروعة : 1) معرفي ده كلمتين باللغة الايطالية بيترجموا اهم صفتين في شخصي ....... الكلمة الاولة بتمثل حلم بحلمه في كل حاجة حواليا ..... في الحب في الصداقة ..... في الحياة كمجمل ..... والكلمة التانية الكلمة اللي بتصارع الاولى ...... يعني الكابوس اللي بتعايش دايما معاه و نفسي الكلمة الاولى تقضي عالتانية لكن بكل اسف الاتنين اصبحوا واقع ازلي فاخترت المعرف ده ليا ....... كان فيه لقب بعشقه و كنت مرتبط بيه جداااااا لكنه اتهدم في الحياة و شيلته من حياتي لانه مرتبط بحاجة جملة في الماضي وحشة في الحاضر مخيفة في المستقبل . 2) نيجي بقى لحبة الكتب الحلوين دووووول : *) رواية ( عزازيل ) : انا شايف ان الرواية رغم روعتها من الناحية الادبية ...... الا انها صعبة الاستيعاب جدا ........ بتفسر حاجات كتير و انا مندهش من قدرة الكاتب على الغوص في المجتمع الكنسي القديم كده ........ طريقة التحاور مع عزازيل بطريقة مقنعة و واقعية راااائعة ....... و لكن ( هيبا ) قد تعدى بانصياعة لنفسه رجل الدين حتى و لو كان راهب ..... اعتقد ان هناك مبالغة في الانصياع للنفس من قبل رجل دين هنا ...... و انا كنت قريت نقد بيأكد كده بخصوص الرواية ....... كمان فيه جمل كتير لفتت نظري مش متذكر منها دلوقتي بتعكس مدى التجرأ على خطوط حمراء ..... يعني تمادي في وصف مشاهد كتير تختص بالسماء و الله و الملائكة ....... اسلوب الرواية صعب جدااااا و لاني مش محترف موصلتش بيها لدرجة كبيرة من الاستمتاع الادبي ...... لكنها و بلا شك تحفة ادبية و فيها جرأة في اختيار الموضوع الى حد كبير . *) عمارة يعقوبيان لعلاء الاسواني : شوفي .... علاء الاسواني كاتب لا يشق له غبار و انا من اشد المتابعين لمقالاته في شتى الجرائد .... الا انني ارى انه يعتمد في رواياته على ابراز العيوب الى حد التشوية ....... يعني بيجمع العيوب اللي موجودة في اماكن شتى في مكان واحد بيمثل في الرواية مصر ...... يعني عمارة يعقوبيان جاب شخصية زكي الراجل بتاع الستات اللي تايه في الدنيا رغم انه مهندس و بيجري ورا نزواته ...... نفس الكلام للحاج عزام بتاع الجزم و عضو المجلس حاليا اللى باين انه متدين لكنه في الحقيقة تاجر مخدرات و حاتم تقريبا اللي عرض في شخصه قضية الشذوذ و تأثره بالغرب بان يعتبر هذا الفعل عاديا رغم نجاحه في عمله كصحفي ....... الرواية اختلفت طبعا في بعض الحاجات مع الفيلم ...... ورغم كده انا بشهد للدكتور علاء بروعة تعبيراته و اوصافه المدهشة ...... لكن الرواية معجبتنيش كملحمة ..... عجبتني كنوع من الادبيات المطلقة . *) تراب الماس لاحمد مراد : للاسف لم يسعفني الحظ بعد لقراءتها . *) قريت ليها ذاكرة جسد و عابر سرير : مش هقول غير ان الكاتبة دي مدهشة و بتستحضر فن الخاطرة في كتابتها جدا ..... بتربط كلمات غير متناسبة لتجعل منها جملا غاية في التناسب ...... بتكتب لالاسلوب المتقطع اللي بياخد جزء من تفكيرك يربطه بجزء من تفكيرها فتكون فكرة كاملة عن اللى عاوزه توضحه ...... لكنها بتميل ايضا للاوصاف الجنسية الى حد كبير ..... انا مش فاهم ليه التحدث عن تلك الامور اصبح ابداعا ادبيا ..... دا مؤشر خطر على فكرة ...... كمان لاحظت انها محبة اولى لوطنها الجزائر خاصة المدينة التى رأيتها كثيرا في اعمالها و اللى بجد صعوبة في نطقها ( قسطنطينة ) تقريبا ....... لكن الكتاب الاكثر روعة هو كتاب ( نسيان دزت كوم ) الكتاب ده ممتاااااااااز فعلا ..... الشعر اللي فيه و اللي تغنت بيه فنانة مش متذكر اسمها ....... و الخواطر الحاضرة ..... و الجمل اللي استعانت بيها في اول كل قصة ....... اينعم هي هاجمت الرجل لصالح المرأة خاصة بالجملة اللي في غلاف الكتاب ...... لكن الكتاب راق لي بكل ما تحمل الكلمة من معان . *) شيفرة دافنشي لدان براون ...... انا لسه بقراها ...... الحقيقة قريتها مرة لكن مفهمتش حاجة فواحد نصحني اقراها تلات مرات ...... لان اسلوب براون بعد الترجمة صعب ....... لكن في الرواية دي لفت نظري السر اللي احتفظ بيه القائم مع رجاله و كيف انه اصر على عدم ضياع السر فكتب مغزاه بالاكواد و هو في سكرات الموت ....... و عبارة الالم جيد اللى استفذتني و الشعائر اللي بيقوموا بيها الجلادين دول ........ كمان لفت نظري شخصية عالم الرموز و اللاهوت اللي هيكشف سر الشفرة بعد جهد مضني ...... شخصيته ظريفة و شيقة ....... لكن بأمانة لسه مجمعتش باقي خيوط الكتاب ..... اول ما اخلصها صدقيني هقول رأيي ^_^ . *) برشحلك كتاب نسيان لاحلام مستغانمي و قلتلك مواطن القوة فيه . كمان برشحلك كتاب ( ارواح و اشباح ) لا نيس منصور ...... اسلوب سرد القصص اللي بتعرض الاشباح اللي ظهروا تحفففففففففففففة ..... اسلوبه فعلا رااااائع ........ و القصص مدهشة و مخيفة كمان ...... انيس منصور فعلا من افضل الكتاب اللي عرفتهم . كمان ( الذين هبطوا من السماء ) الكتاب ده بيأكد فيه ان كان فيه حضارات اعظم موجودة ايام الفراعنة و بيقدم صور و ادلة ...... و بيقول كمان ان الجداريات في مختلف اماكن العالم نحت عليها صور لاطباق طائرة ...... باختصار عقلك هيست و انتي بتقري الكتاب ده ...... مسلي و فيه معلومات قيمة جدا و اسلوب ادبي غني . *) الكتاب اللي هموت و اقراه كتاب اسمه ( الامير ) لمكيافيللي ....... لان الكتاب ده بيتكلم عنه ناس كتير اوي ...... بيقولوا انه بيعرض صورة الامير نحو امارته بشكل توسعي ..... يعني ممكن نقول بحث ....... بيني و بينكم انا افتكرت الكتاب ده بيتكلم عن الامير السفير المشهور اللي كان اديب و رسام و معماري رااااائع ..... و اللي كانوا بيقولوا عليه لو مكنش عمل في السياسي كان بقى معماري شهير ....... اسمه ( سلطان بن بندر ) الشخصية دي لفتت نظري و نفسي اقرأ عنه كمان ....... فيه موجه لغة عربية كلمني عن الكتاب ده لكن قاللي جملة لسه فاكرها ( معندكش نضج فكري و ادبي لتستوعب هذا الكتاب فكريا ) ....... و اديني مستني لما استوعب . *) كتاب حاولت اقراه و مكملتوش ..... كتاب ( نيران صديقة ) ........ قريت اول صفحة بس ...... لكن ان شاء الله هقراه ...... فيه واحد قاللي انه مجموعة قصصية و انه سياسي من الدرجة الاولى ....... و علاء الاسواني معرضش فيه مشاهد جنسية كعادته المنيلة . *) الكتاب اللي عزفت عن قراءته من اول نظرة ....... كتاب ( شيكاجو ) لعمنا الاسواني برضه ....... لالالالالالالالالا كتبه كلها كوم و كتابه ده كوم تاني ....... كرهني في الغربة و السفر لا مريكا ..... و خللى كل الشباب اللي بيتغرب سفلة و معندهمش قيم ....... و باب الشهوات و قلة الادب الادبية متوفرة بغزارة في الكتاب ده ..... عارفة اسيل انا بحمد ربنا انك نسيتي الحاجات التانية ...... و عارفة لولا بنتك انا كان زماني عملت ايه ........ ادعي عليكي بايه بس ..... كرهتيني في كل الكتب ...... صوابعي ورمت ....... ماااااااشي ياريتني كنت غرقتك اسئلة استضافتك اللي فاتت ....... لكن ملحوووووقة و الله صبرك بس خخخخخخخخخخخخخخخخخخخ على فكرة بنهزر معاكي بس ........ مبنحبش حد يزعل مني انا قلتلك اهو سلامي لاسولة العسولة ^_^ |
اقتباس:
صبااااااح الخير ماما امممممممممممم طيب خليني اوضحلك بعض النقاط الغايبة عن حضرتك بس : 1) انا اللي بقول عليها توأم روحي مش اسكندرانية و على فكرة فيه في بنات اسكندرية بنات وحشة فعلا لكن فيهم كتير محترمين ..... و في كل بلد كمان ...... انا قاصد اوضح النقطة دي و الله لان الكل كان قايلي اياك والاسكندرانية قبل ما اعزل ....... انا مش هجيب امثلة متعرفهومش لكن هجيبلك اسكندرانية واحدة بس رمز للاخلاق و الذوق و الادب و انا بعتز اوي بأخويتها و ياريت الكل زيها ...... الاخت الفاضلة و العزيزة ام سلمى ...... دي مثال طيب جدا للبنات الاسكندرانية ...... انتي ممكن تقولي ان معظم بنات الجامعة بيبقوا شياطين لكن برضه مش كلهم . 2) انتي بتقولي اكبر مني يخمناشر سنة ....... انا عندي 24 سنة فلو قلنا انك عندك 40 سنة برضه صغيرة و في قمة الشباب و ماما اكبر منك ....... انا مش فاهم ليه مصره انك كبيرة بقولك صغيرة ...... صغييييييرة و بس ...... و برضه متزعليش ماما الصغيرة اللي بعزها و احبها جدا ...... كفاية الفلافل و النسكافية و كومة النصائح الروعة دي . 3) بالله عليكي ايه الشئ اللي كنتي عاوزه تعرفيه و عرفتيه من الرد الاولاني ...... دي نقطة لازم تردي عليها ضروري ربنا ما يوقعك في ضيقة . 4) شوفي مفيش حاجة اسمها حب ...... اسمه غلب و قلة حيلة مش حب ...... الحب مات خلاص ....... لكن على الاقل يبقى فيه تقدير ....... انا اتحدى نفسي اني احب في يوم من الايام الا لما اتجوز بقى ........ صدقيني دي الحقيقة ....... الحب دا كدبه بندارى فيها علشان ندي لنفسنا صلاحيات مش من حقنا ... 5) انتي بتقولي فيها ؟ ...... انا مش هختار انا هنتظر اللي يرشحلي و هتوكل على الله ...... مش هحب اني اترفض تاني بصراحة ..... كفاية . 6) انا مش زعلت من كلامك .... بالعكس ..... اسمك في موضوع بيسعدني يا احلى ماما صغيرة ....... ربنا يخليكي يارب ...... فيس البر بالام ^_^ . |
اقتباس:
بس انا حسيت انى قدام وكيل نيابة ايه مرقمهم وحضرتك وفاضل نشجب ونعترض وتبقى المجلس اتنصب الله يسعد ايامك وسامحنى على الاطاله |
الساعة الآن 08:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية