منتديات ليلاس - من الأغلى أهلك أم زوجك؟

منتديات ليلاس (https://www.liilas.com/vb3/)

- الحوار الجاد (https://www.liilas.com/vb3/f35/)

- - من الأغلى أهلك أم زوجك؟ (https://www.liilas.com/vb3/t149551.html)

من الأغلى أهلك أم زوجك؟

السلام عليكم ورحمة الله وبركاته..
تحية طيبة للجميع..

في موضوع شاغلني هالفترة بسبب فتاة قريبة مني جدا..
وهي انها بتعاني مشاكل بين زوجها وأهلها وهي عالقة بالنص بينهم..
لكنها طبعا مع زوجها في بيتها لا تتصل فيهم ولا بتحكي معهم بسبب زوجها..
مع العلم انه الأهل مو مخطئين أبدا بل بالعكس زوجها هو اللي تطاول بالكلام على أهلها..
أنا من ناحيتي مابتخيل حالي اسمح لحدا يتجاوز على أهلي بالكلام حتى لو زوجي..

فسؤالي ..
شو أحسن تصرف من رأيكم في هيك حالة؟
تكون مع زوجها أو مع أهلها أو تحاول تصلح..وإذا كان الصلح حاليا صعب شو تعمل في الوقت الحالي..
تنتظر لحتى الأمور تنحل لحالها مع الوقت..تضل مع اهلها أو مع زوجها..
ولا شو بالضبط؟

بنتظر سماع آرائكم..

وعليكم السلام ورحمة الله وبركاته ..
أهلين أموونه ..

والله شووفي تحاول تصلح بقدر الإستطاعه ولو هالشيء صعب حالياً بتحاول مابتحكي عن أهلها أمام زوجها ..

بحكم دراستي لمادة تتعلق بالأحوال الشخصية في أعوام مضت
الزوج له حق الطاعه على زوجته يعني لو منعها من الذهاب لأهلها تستجيب لأوامره بحكم هالحق
فحق الزوج مقدم على حق الأهل
أنا صدمت وصارت فوضى يومها بس بيضل هذا ديننا
عليها الصبر ثم الصبر ثم الصبر والدعاء له بالهداية والصلاح ..
بتحاول بقدر الإمكان مابتحكي عن أهلها أمامه ولاتحكي معهم أمامه لحتى تتجنب كلامه على أهلها ..

لو ضل على حالته بتحاول تحكي معه بلطف عن سبب كراهيته لأهلها وكلامه عليهم
جد هالشيء صعب خصوصاً إنه مافي حدا بيرضى إن أي شخص بيتلكم عن أهله ..

هذا اللي عندي وأسأل الله أن يهدي لها زوجها ويصلحه لها .. آميييين ..

حفظك الله ورعاك ..

آمين يارب العالمين كلامك رائع حبيبتي فيدو..
كنت اتناقش هالموضوع مع زوجي وحكالي نفس كلامك انه الزوج احق على زوجته من أهلها..
شكرا الك ياغالية..ادعي انه يصبر اهلها على الأذى اللي عم يوصلهم من الزوج السيء وهم ساكتيين حرصا على بيت ابنتهم..
لأنه البنت تقريبا قانعة باللي عم يصير..
الله يهديها ياربي..ومايحط حدا بهيك موقف لأنه صعب جدا ..مو متخيلة اكون بالنص بين اهلي وزوحي..
أهلي غاليين وزوجي غالي..
والله يطمن النفوس يارب..

وعليكم السلام والرحمه ..
مين ؟؟الاداره هناا يامرحبا ..يامرحبا ..نورك غطى المنتدى ...
اخبارك اموونه ..
بصراحه موضوعك متشربك ..واللي راح يدفع الثمن هي قريبتك الله يكون بعونهاا ..
يعني احس من الصعب انها تحس بطعم الحيااه والراحه والمشاكل قائمه بين اغلى البشر عندهاا ..اهلهاا وزوجهاا ..من جد شي صعب ..!!
انا من رأيي انها تضل ببيت زوجهاا ..لان خروجهاا من بيتها ممكن يزيد الطين بله وتصل لطريق مسدود في ايجاد حل مع هالزوج .. لانه المفروض مهما قالوا له اهل زوجته .. ياكل طماط ويسكت لانهم بمقام اهله ..بس شكله كذا عصبي وسريع الانفعاال ..
صحيح احنا مانعرف سالفه المشكله ايش ؟؟ بس الانساان يكبر عقله ويحاول يتغاضى مو كل شي نحمله محمل الجد ونقول مين الاقوى ...؟؟؟
واتوقع ان الحل بيدين الزوجه ..تحاول ترسم صوره حسنه عن زوجها قدام اهلهاا ..وكذلك قدام الزوج عن الاهل ..ولو تحط بهارات من عندهاا ..مافيه مانع علشاان تمتص غضب زوجهاا ويحاول يتراجع بكلامه ..وترجع المياه لمجاريهاا ..او تدخل شخص بينهم تجد فيه الحكمه والرأي السليم ..ويحاول يجمعهم مع بعض وان شاءالله تتصافى القلوب ..
والله يهديه ويطمن بالها ياارب ..

شاكره تواجدك امووونه ..وطرحك لموضوع قريبتك ..
كل الود لك ..

ياهلا والله قمورة..
البيت منور بصحابه غاليتي..
زي ماحكيتي الموضوع متشربك كتير..و فعلا الموضوع بايد البنت هي اللي لازم تهدي الأمور مو تولعها سواء مع أهلها أو مع زوجها..هاد هو التصرف الأعقل في هيك ظروف..
الله يهديهم ويصلح امرهم..
شكرا لمرورك المميز مشرفتنا المميزة..