زلزال المشاعر ..اهداء لماماتي !!
 

أقبلتي وأقبل كل طيبي وحيّاك
إقبالة اللي فاقـدٍ لــــه ضنيني

يا مرحبا بك عدّ أعمار الأفلاك
يا مرحبا بك يا بشاير سنيني

أقبلتي .. وأقبل كل خير مع خطاك
السعْد بعدك في كل لحظة يجيني

عمري .. ترى شعري نوى اليوم يغشاك
عمري .. ترى قلبي بغرامك سجيــــني

هديتك روحٍ ومهجة وتفداك
ويفداك قلبٍ بالمشاعر دفيني

قلبٍ صدوقٍ منه الإحساس أسقاك
حزنـه سنـيـن .. وفرحته لحظتيني

القلب من بدّ المخاليق بدّاك
بدّاك لأنك أطيب العالميـنــي

عمري .. لا عاش من هو اليوم بكّـــاك
ولا عاش من هو في خصالك يشيني

ولا عاش من هو عاش عمره بليّاك
ذاق الحزن والشين في كل حيني

ذاقه ترى .. من هو يعَرْفِك وخلاّك
أنا أشهـــد إنه في بعادك حزيني

يا ليت من هو عاش عمره على لقاك
يصبح على شوفك ويمسي بلِيْنِــي

أجلس بقربك وأهتني في مراعاك
وأشوف شوقك بالوصل يحتريـنـي

قلبي ليـــامن ضاق يزبــن وينصـاك
يا اللي في درب الطيب طبعك رهيني

سبحان ربٍ خالقك يوم سوّاك
سوّاك بأحلى صورةٍ تهتــويني

وسبحان ربٍ أبدعك يوم حلاّك
زينٍ وحكمة وكل قولك رزيني

أدمنت عطفك .. وأدمن القلب ذكراك
وأنتي مكانك بين رمشــي وعينــي

عمري أنا مانوى في يوم إني أنساك
عهدٍ كتبته بين قلبـــك .. وبيني
.

أدمنت عطفك .. وأدمن القلب ذكراك
وأنتي مكانك بين رمشــي وعينــي


عمري أنا مانوى في يوم إني أنساك
عهدٍ كتبته بين قلبـــك .. وبيني
.

قموووورة رائعه كعادتج

تستاهل امايه<< فيس يبوس راس امه

يعطيج العافيه