سر وضع بعض الحلويات جنب الكاشير وغيرها
 

تروح السوق تشوف عند الكاشير أرفف حلويات وككاو وثلاجة صغيرة بيبسي ومرات حتى ألعاب صغيرة ومجلات ومسواك وبطاريات

وخرابيط الدنيا كلها،،،


ليش؟؟؟؟

حتى محلات الملابس عند الكاشير تلقاهم يبيعون اكسسوارات وعلاقات مفاتيح وبواكي الخ .

بمحلات الألعاب تلقى عند الكاشير ألغاز صغيرة ولمبات وفقاقيع وألعاب صغيرة .

بكاشير اللوازم المكتبية يبيعون أقلام ونوتات وعلاقات مفاتيح وكروت .


اللي قاعدين يسوونه هو استغلال لنظرية الشراء المندفع ( impulse purchase ) ،
تعريفه هو عملية شراء غير مخطط لها أو عفويّة .

يُعتبر من خطط التسويق الفعالة. يخلونك تشتري شي مو محتاجه بس يخلونك تشوفه بطريقة تحس كأنك تبيه،،،
لعااااااااانة>> تباا لهم

يعني تخيل تروح تبي تحاسب تلقاهم حاطين عند الكاشير ثلاث قطع ككاو مع بعض وكاتبين الثلاثة بسعر قطعتين. وانت بالأساس كنت رايح بس تشتري بطاريات وتطلع.
إذا كنت تحب الككاو احتمال كبير تقعد تطالع وتجيك السعر وتمسكه تفكر بعدين تقول ياااالله >> كللللها ثلاثة أو خمسة ريال

حط ببالك هالعرض لو حاطينه برف الحلويات بعيد عن الكاشير ما كنت تشتريه أصلا ولا تمر عليه،
بس هم يستهدفون الناس بهالسوالف المشهورة ويحطونها بنقطة يمر منها الجميع .

وتقبلو اعطر التحايــــــــآ

صراحه وجهه نظر صائبه مليون بالميه وياما وصلنا للكا شير وزاد ت الفاتوره اقل شي ربع السعر اللي مشترين فيه بالاصل
اشكرك اختي على طرحك المميز

ههههههههههه ذكرتيني بنفسي وانا انطر بالسره
اقعد اتفرج واحيانا اشتري وناسيه انه في عالم وراي ههههههه
تبا لهم من جد تاخذين شي ب10 وعند الكاشير تحاسبين ب30
اعجبتني طريقة طرحك للموضوع يسلمووو