|
(الجـــــــزء العـــاشر) ............................................................ .................. <<سرت للحمام اخذت دوش سريع وتلبست شورت اسود قصيير وفانيله صفرا حكرت شعري على السريع وخليته طايح بشكل عشوائي ...وتعطرت لي من عطور سهيلوه... شكلهم مسوين سهره صباحي خلني الحق على اخر مراسيم الملجله خخخخ طلعت من جناح سهيل وحصلت شموه واقفه جبال باب جناح الريم وعاطتني ظهرها ومنكسه عمرها شكلها تعدل بنعالها>> سرت صوبها وسحبتها من شعرها على ورى : شميييم متى شعرج طول هالقد وشعنه فــاتحه شــعـ ـ ـ <<شهقت يوم طالعت بوييها هاي ......... الريم ياويل .......هاي ناويه عليي بشي هيه بدون شي ملاك شقا يوم تتكشج جيه ياوووويل حالي انا فديتها والله ..... من صدمتي ظليت شاد شعرها كانت شبه بحضني وويهي قريب من ويها وايد يعني أي حد يشوفنا ممكن يذبحنا مانتبهت لنفسي الا يوم شفتها تطالع ايدي الي ماسكه شعرها برجااء>> قلت وانا متلعثم: أأسـ ـ ـ ف حسبتج شموه لان لابسه شراتج <<فكيت ايدي عن شعرها ويلست اعدله لها بحركه عفويه واوزعه على كتوفها .... كان خاطري ارفع هالشعر الكستنائي .... اشمه..... ولا امسح بكثافته ويهي ...... حووه شبلاني على هالافكار الوسخه ... بعدت عني هالافكار يوم شفتها منكسه راسها بخجل وكانت بطوفني عسب تسير عني .... مادري شو خلاني ازقرها >> راشد: الــــريم <<وقفت محلها بس مالتفت صوبي .... تلعثمت الحين شو اقول لها... اصلا شو كنت ابا منها اسميني متفيج الحين شو بتقول عني >> راشد: اممم ...........سهيل وسيوف تحت؟<< ادري سؤال غبي <<فرت ويها وابتسمت لي ابتسامه تذووووب ابووو الصخر واويل حالي انا.... هزت راسها باالايجاب وسارت نازله وابويه شكلي احلم يلست اصفع في عمري عسب اشوف نفسي نايم انا ولا ناش اسميني خبله نزلت تحت بخطوات سريعه احس نفسي نشيط نوعا ما >> (هووود هووود) خالتيه: هدااا الغالي <<دخلت الصاله حصلت البنات يالسات وحاطات الغشاوي عروسهن طالعت الريم شويه .....يوم حسيت انهن انتبهن لي فريت ويهي .......يات شميم صوبي بعد ماعقت شيلتها من بعد ماشافتني>> ويات صوبي تلوي عليي: واااااااي اخويه شحالك الحينه ؟ ابتسمت بويها دومها شميم حنونه علينا : ها شرات الحصان تشوفيني خالتيه: تعال ولدي صوبي اباك برمسه سرت صوبها وانا شاق الحلج يلست جنبها: ها شوو بقيتي الغاليه عسى بس تبي تيوزيني حرام تيوزي جاسم ونحن الاكبر لا قربت مني وووقرصت ركبتي بقوه لان مفصخ :لا شقا مفصخ جيه هاااا؟؟؟ عفرا: هههههههههههههه امي من يومها ماتحب المفاصيخ خزت ايدها عني بسرررعه لانها ويعتني : حوووو خالتيييه والله قرصتج تووويع حشىىى عليج اصابع خالتيه: لا شكلي الليه مابروم انام منهن حبيت راسها: لا فديتج عيني هب حاره امايه: ولدي ها مابتسير الدختر قلت لها بتنرفز: اماايه شوفيني غادي شرات الحصان امايه بيأس: الله يهديك راشد: وين الشباب ؟ عفرا: سهيل وسواف برع بالحوش راشد: اوكي اترخص عيل <<نشيت عنهم .... وانا طالع طاحت عيني بعين الريم بس هيه بسرعه فرت لصوب الثاني .... اففف خاطري اطالع بعينها .. خاطري ارمسها... افففف شو بلاني على هالبنت انا.... طرمه وابا ارمسها اسميني خبل>> ............................................. ........................................... قلبي خذاه لي ساكن دبي..غرن جميل ومرهف اسلوب فتان بالنظرات يسبي...فايج على الخفرات حبوب <<شغل سهيل هالاغنيه من سيارته وطول عليه بعد ماحتشر عليه راشد اونه هو ماحضر مراسيم الملجه ويبا يتونس شوي........... وقرر ان ييول...... طلعو التفق ويلس كل واحد منهم ييول طلعن البنات محتشرات ويلسو يصفقو والعيايز يالسو على فتحات دريشه البيت وهن يالسات يمايلو براسهن اونهن منطربات >> قلبي خذاه لي ساكن دبي..غرن جميل ومرهف اسلوب <<كل مايي هالمقطع سهيل يسير صوب شموه ويرقص حذالها طبعن الكل منتبهه لحركته حتى راشد..... بس راشد ابد مايمانع وسهيل ماشاء الله ماخذ راحته لان سلطان هب موجود ولا جان احتشر عليه .......ولما شافته امايه يلست تشجعه هي الثانيه>> امايه تصفق: يابس يابس عااااش ولديه عاش سهيييل سهيل يأشر على شموه وعقلبه: قلبي خـــــذاه لي سكان دبي <<ومن الجهه الثانيه راشد الي احتشرن البنات ويصارخن على رقصه يالس ييول و يرقص بشعره على ايقاع الاغنيه ومشاء الله شعره يساعد الجلب>> فرت خالتيه ويها لي: ولديه شعنه ماترقص؟ حست بوزي : هب عايبتني الاغنيه امايه: وي شعنه حليلها والله سيف: جيه ماعيبتني لان انا حبيبتي هب بدبي امايه تغمز لي اونها حركات: فديتك من وين؟؟عيل؟؟ عسب اخليهم يغنوها لك سيف: قلبي خذاه لي ساكن خور فكان خخخخخخخخخخخخخ ها في حد يروم يغنيها عفرا: خور فاكان مره وحده ههههههههه والله انك متفيج <<قطع رمستنا صوت دق الباب من ياينا بهالحزه سرت افتح الباب وياليت مافتحته طلع جارنا >> ابو عبدالله: اخويه اذا حابين تسمعو اغاني هب مشكله بس قصرو شويه والله مب رايم انام وراي دوام قلت وانا مفتشل: هـا أي والله هاي اليهال الله يهديهم اسفين اخويه والله والسموحه ابتسم بويهي: مب مشكله يالله تصبح على خير <<صكيت الباب وراه وانا يالس اسب راشد وسهيل>> سيف: يااااااااااالبقر انت وياااه الساعه جم الحينه؟ سهيل : امممم يمكن 2 راشد وهو يرفع شعره: شو بلاك؟ سيف: ياحمير يارنا بو عبدالله ياي يقول اسمعو اغاني هب مشكله بس قصرو شويه سهيل: هههههههههههههههههههه وانت شو قلت له؟ حست بوزي: قلت هاي اليهال هم مشغلين ومطولين عليه راشد يعفد صوبي : يهاااال يالرخو هااااا عفدت صوب الريم احتمي بها: حلفتك بالله يا ابنت العم ان لاتدعي هذا السبال يقترب بصوبي بس محد يروم على راشد طلعني من ورى الريم ومسكني من اذني: من اليهال ها؟؟ قلت له وانا اتويع: انت وسهيل آآآآي اروويشد عاده خلاص فجني راشد: قول اول انا ياهل سيف: انت ياهل ههههه ضربني على راسي وسار لسهيل الي يالس يضحك علينا ....... ............................................ ............................................... بمناسبه الملجه نزل علينا الخير هههههههه وقرر ناصر يعزمنا على المطعم وبعدها نتوكل للمبرزة الكل تونس بالقرار وفرح ووافق على العزومه الا راشد لان تعبان ووسيف معزوم عند ربيعه ووالريم طبعا مستيحل بتسير معنا وووعفور لازم تبقى معها مرافقه .....انقهرت طبعا من قرار عفير يعني انا بالله بيلس ويا منو اذا مابتسير بس شجعت بي رووضه وتوكلت ركبت انا وروضه وعبير وجاسم بسياره سهيل وامايه وخالتيه ولبقيه بسياره ناصر سرنا صوب المطعم تغدينا وماقصر ويانا الشيخ ناصر ....صحيح صحيح هالانسان كبير بعيني واي اتخيل سهيل يوم يكبر و يصير شراته ياحبي لرجل الاربعيني قطع عليي خيالي روضه روضه: حوووو شو بلاج يالله وصلنا شهقت وانا اطالع المنظر: وااااااااااااااااااااااااااااااااااي ياحبي لهاي المكاااااااااااااان طلعت من السياره ويلست امد بأيديني لان كسرت ظهري يلست السياره سهيل يمد ايده لأيدي المرفوعه وقال بنغمه: اساعدج؟ نزلت ايدي بسرعه.... يسويها المينون ماستبعد هالشي من بعد الي سواه البارح: لا شكرا لاتقرب صوبي (فريت ويهي)....وينج رويض روضه تي صوبي: كاني ماطرت عنج يلست تطالعني وتطالع عمها سهيل: ها شيخي تبقي شي قبل لانسير صوب الحريم؟ <<خزني سهيل وسار عنا بدون مايرد اويلي شكله زعل اففففف >> روضه: شو بلاج عليه والله مايستاهل الغالي حست بوزي ومسكتها من ايدها: افففف هو دومه يفهم غلط خلج عنه يالله نسير خازت ايدي عنها : لا انا بسير صوبه اول دقايق وراده شمه: براحتج <<سرت صوب الحريم اليالسات بصوب بروحهن وبعد دقايق سبقتني روضه >> روضه: شموه بياخذني عمي سهيل للحمام مابتسيري ويايه؟ <<فكرت بالموضوع شويه يمكن يكون في مجال اشوفه واراضيه بطريقتي لان شكله زعل افففف >> شمه: هيه يالله <<سرت وياها وتجدمنا سهيل بدون حتى مايتلفت صوبي واااي زعله جااايد هالريااال >> روضه وهي تكلم عمها: امممممم صح الغالي ماخبرتك سهيل وهو يحط ايده ورى كتوفها: عن شو؟ روضه تبتسم بويهه: اممم ماتذكر ذاج اليوم الي يت تاخذني من المدرسه ويوم احتك ذراعك بذراع رفيجيتي( وغمزت له) سهيل يحك راسه: ههههههههههههههه اييي صح شو فيها؟ روضه: اممم ماشي بس لوعت جبدي بصراحه من شافتك وهيه تبا رقمك ويوم طفرت بصراحه عطيتها وياه ..............اممم هيه للحين مادقت عليك؟ سهيل: والله ماشي رقم غريب للحينه دق علي روضه: اونها مستحيه واحليلها ههههههه سهيل: ههههههههه <<كان خاطري افصخ نعالي واضرب فيهم لييين ما جلدهم ينطق ويقول بس............ وووبكل قواه عين يضحك قهرررر ياربي قهرررر اغااار ياعاااالم اغاااار ينجللللع ان كانت يايه اراضيه بس من بعد هالي صاار يحلللم خله ينقع بدرااااام ........>> .......................................... .............................................. ميود عمري ماااباا اضحك واخرب خطه روضه كان شكل شمه مضحك حايسه بوزها ونافخه ويها من الغيض فديتها يعني تغاار عليه ماروم انا جيه لو ادري جان من زمان سمحت لرويض تدخل بينا ( شو بلاج شميم؟) <<قالتها رويض وهي تطالع فيني مبتسمه وميوده عمرها لاتضحك>> شمه : ماشي روضه: لالا شكلج فيج شي من طلعنا من الحمام وانت مضايقه شمه وشوي بتحفر الارض من مشيتها صرخت بصوتها: ماااااااااااااابلاني شي روضه : بسم الله شو بلاج تصارخين شمه تتأف: اففففففففف ردت وقالت شو بلاج خلاص رووويض عاده مالي خلق تراني روضه ناويه تغايض بها: شو بلاج مالج خلق <<خزتها شمه بنظره معتبره وانطبت روويض وهي ميودها عمرها لاتنفجر ضحك على شميم الخبله ............ >> (قلبي خذاه لي ساكن دبي..غرن جميل ومرهف اسلوب) <<اول مارن موبايلي على هالنغمه فررت شموه ويها صوبي بسرعه شكلها خافت ان البنت دقت علي هههههههههه ولما انتبهت لي اني منتبهه لها فرت ويها الصوب الثاني>> سهيل: هلا .... هيه..... الحينه بنرد.... لا بس ماخذهم للحمام.... لحووول خلاص عاده عشنو مستعيل .......... وصمخ جلاب اقولك عشنو مستعيل..... اجلب ويهك صكيت عن جويسم قربله الله وفريت ويهي لرويض: ثاني مره لاتقولي لي انا اوديج محل ......اكلني جاسمووه وينكم ووينكم .....يالله ردها بسرعه ......اباها الحينه تيي روضه ووجها مصبوغ احمر: لا والله استغنيت عني يعني؟ سهيل: شو اسوي لريلج اذا حاشرنا عليج كملنا طريج لصوب الحريم وشمامي ساكته.... شكلها زعلت يالله خلها تزعل دومي انا الي ازعل ولا ياليت تراضيني بعد.... .......................................... ...................................................... اتريااااااااااا ردودكم |
.......................................... الجــــ 11ـــــزء ...................................................... (يالله خوز عني عاده) قال راشد هالجمله وهو شوي وبيختنق مني لان عافد على بطنه اوني ابي اخنقه لان شارب الكافي سيف : ماشي طلع الكافي حقي قال وهو يكح : حشى الا كافي ....خلالاص سيفوه يالدب والله ما اروم لك حشى الي يشوفك يقول خف الريشه وانت ثقل الصخر قمت عنه خفت اسوي به شي: قول بسم الله من عينك راشد: متى بتسير لربيعك؟ سيف: غيرت رايك شو؟ بتسير ويايه؟ قال وهو يتمدد براحه: لا شو اسير وياك انا اليوم ابا اريح انا وانا ناش عنه: براحتك انا ساير تأمر على شي؟ قال وهو يرفع وينزل بحياته بسرعه: هيه يب لي كافي يالنااااااااااااااااعم ههههههههههههه <<خزيته وطلعت .....يشرب حقي ولا بعد يتأمر ايب له ثاني سرت صوب المرايه المتواجده بمغاسل الريايل الخاصه بالميلس ويلست اطالع بعمري واشيك على روحي قبل لا اسير انتبهت لملامحي الي الكل يعلق عليها ان ملامحي ناعمه وجني حرمه اوووف صدقهم عيوني صغيرونات ووخشمي هم صغير وشفايفي شو شفايف خخخخخخخخخخ اصلا مافي شفايف مافيني الا شق في ويهي عقوله سهيل واقدر اشرب واكل منه وعفيرا اختي نسخه طبق اصل مني ولي يجوفنا يقول توأم بس للاسف نحن مب توأم بس هيه الملامح طالعه عليها احلى لانها بنت بس انا ولد وبدوي وجيه ملامحي لالا عيب انا لازم اسير اسوي عمليه تجميل انفخ لي شفايفي شويه ونفخ جسمي الهزيل لازم اطلع شرات سهيل بدوي اصل ههههههههه اسميني تخبلت قطع علي خبالي راشد وهو يضربني على راسي>> راشد: شو اشوفك معجب بنفسك يالس تطالع بعمرك التفت له: تدري بشو افكر؟ راشد وهو يغسل ويهه بالماي: شو؟ يلست اطالع بالمرايه مره ثانيه: اممممم انفخ شفايفي ووو( اشرت على جهه من عيني) واشق عيني من هالصوب عسبب تتوسع راشد وهو يطنز عليي: شو رايك بعد تنفخ خدودك هيه من هالصوب بعد شوف خزيته: تطنز شو راشد: شو بعد تنفخ ماتنفخ اسميك رخوووو قلت وانا احج راسي: يالله اخليك تأخرت عليهم حبيته على خده وسويت له باي باي بأيدي وطلعت عنه... ................................................. .................................................. هذيل وين سارو بصير المغرب ولا ردو من طفشي يلست اقلب بالقنوات لو ساير ويا سيفوه مب جان احسن وهذا الرخو الثاني شعنه مارد للحينه اسميه حمااار يوم يشوف ربعه ينساني هين ياسيفوه خلك ترد وبتشوف يتحسبني بسكت عنه .......يلست اشاهد برنامج وثائقي عن استراليا البلد الدرست فيه ........قطع علي مشاهدتي دخلت عفراا علي للميلس بدون وغايه!!!! كانت ترتجف وعينها محمره ومب رايمه تتكلم سرت صوبها واحاول اني اغض النظر خصوصا ان عفرا مب عادتها تطلع لنا بدون وغايه راشد: عفرا شو فيج؟؟؟ شو صاير بج؟؟ قالت لي بكلام مقطع: الـ ـ ـ ر ـ ـيم راشد: الريم !!! شو بلاها قعدت تشاهق: انتحرت!! راشد: شووووووووووو!!!!!! <<ركضنا لصوب الريم الي كانت طايحه بالارض في غرفته ودمانها ينزل من راسها >> راشد: الله يهداج البنت شكلها طايحه وانت تقولي لي منتحره عفرا ودموعها تصب: شو عرفني راشد دخيلك خلنا ناخذها المستشفى <<اضطريت احمل الريم بأيدي وومن جهت عفرا غطت جسم الريم بعباتها حطيتها بالسيت الخلفي وركبت عفرا جنبها كان الدم بعده ينزف فاضطريت افصخ السفره حقتي واعطيها عفرا>> راشد: اندوج حطيها على محل الدم <<توكلنا للمستشفى وعلى طول اخذوها الطوارئ انا من جهتي ماعرفت كيف اتصرف غامضتني وايد هالبنت مالها نصيب بهالدنيا ومن الجهه الثانيه عفرا الي يالسه تشاهق وتحط اللوم على نفسها >> راشد: عفييير عاده هدي شوي البنت ان شاء الله مافيهاالا الخير وبعدين لشو تحطي الحق على نفسج؟ عفرا وهي تشاهق: كانت ويايه بالصاله ومره وحده قلب مزاجها وسارت عني لغرفتها وانا خليتها بروحها وماسرت وراها لاني يالسه اسوي فطاير من جيه اقولك انتحرت ابتسمت على برائه عفرا : هدي ماحصل الا كل خير واضح انها يتها دوخه وطاحت ودق راسها بشبريتها ماشفتي انت الدم كيف مخيس الشبريه اكتفت بهز راسها بإيجاب.... بعد ساعه تقريبا طلع لنا الدكتور وطمنا عليها بأنها بخير بس انها متعرضه لصدمه واعصابها تعبانه سار عنا ومن جهتي انا وعفرا دخلنا على الريم .... كانت نايمه شرات الملائكه ولا حاسه بشي .... و راسها ملفوف بشاش وشعرها طايح عليه.... استحيت اطالع فيها اكثر ......التفت لعفرا الي دموعها ماخلصن للحين وابتسمت لها راشد: خلاص تطمنتي؟ عفرا: لين ماتفتح عينها بطمن راشد: طيب انتي تغديتي هزت راسها بالنفي راشد: طيب انا بسير ايب شي تاكلينه اوكي؟ عفرا: طيب كنت بطلع بس استوقفني................... ........................................ ................................................ احوووم شو اوصف لكم شعوري بعد الملجه كأني وحده مسجونه وافرجو عنها حليله جاسم وايد طيب والله بلاه بي الله يعينه على مابلاه ههههههه وايد حنون ويحاول ان يتقرب لي اكثر واكثر ومشاء الله مايضيع أي فرصه ممكن يتكلم فيها وياي الحين نحن بمدينه الهيلي نلعب ومتونسين وايد الا شخص الا وهو شمه هههههههههه من بعد الي صار وهي مبرطمه هيه صحيح كسرت خاطري بس تستاهل على الي تسوي بعمي سهيل عسب ثاني مره تحاسب على رمستها ولاتغط أي كلام عنبو حتى لو اخوها والحمدلله نجحت الخطه ولا خربها عليي الشيخ سهيل طبعا السالفه حقيقه البنت اعجبت به بس ماطلبت رقمه يعني الرقم بهورات حريم هههههههههه جاسم يمد لي الآيسكريم ومبتسم: اندوج ياروضه قلبي استحيت من تعبيره مديت ايدي اخذ الايسكريم : اممممم مسرع ماصرت روضه قلبك جاسم: تدري بعد مب كل يوم بحصل لي حليله طالعته بنص عين: اهاا عسب جيه يعني طالعني بمكر: انت روووضه قلبي...... انت من صرتي حليلتي وانا قلبي انقلب روضه خضرااا ومتروس زهوووور انا واكل الايسكريم: وايد تطالع مسلسلات مصريه موو؟ خزني وحاس بوزه: يعني يوم يطلع الواحد رومانسي يطلع يطالع مسلسلات <<يبالي صفعه موو؟؟؟ انا ويهي ويه وحده تعرس؟؟ اونه تطالع مسلسلات بدل ما اتشكره على كلامه الحلوه والله اني بقره >> نكست راسي: سوري والله بس انا بقره بهاي السوالف تراني مافهم لرومانسيه ابد مسك ايدي وكان يبي يفضحنا ويبوسها بس سحبتها على السريع: فديتـــــــج افا عليج لأخليج استاذتي بالرومانسيه رفعت راسي وابتسمت بويهه: ماتحس كل شي سريع بحياتنا؟ البارحه الملجه وبعد شهر الزواج تحس ويايه؟؟ جاسم وهو يتمشى ويايه: اممممم صحيح كل شي سريع بس نحن نعرف بعض من زمااااان تدري من فاتحني ابويه بموضوعج وانا دوم اتذكر المواقف الي كانت تصير مبينا صحيح ماكنا ننتبهه لها بذاج الوقت بس هالحدث خلاني اتذكر روضه: ويوم تذكرت بشو حسيت؟ جاسم وهو يلوي على ايدي الاخ يتحسب عمره بأروبا: امممممم حسيت اني اعرفج وايد ومايحتاي نتعرف عبعض اكثر <<ابتسمت بويهه وسرنا صوب الاهل ركبت انا وشميم جم لعبه ودوخ راسنا ويلسنا على الكراسي وشوي لحقننا الشيخ سهيل وجاسم وعبير حماتي اون هههه>> سهيل يرمس شمه ام ويه منفوخ: اممممم في ناس هنا يبو أيسكريم؟ولا مايحتاي؟ <<هههههههههههه والله صار ويها شرات الاطفال الي بالرسوم يوم يفرحو حتى جاسم يلس يضحك عليها بصوته>> جاسم يأشر على شمه: طاااااااالع شقا عيونها تلمع عنبو كل هذا عشق بالايسكريم روضه: ههههههههه صارت تشبه وسيم الي برسوم انا واخي خخخخخخخخخخخ شمه تكفخني على كتفي: انطبي يا امجد سهيل وهو ينش: ههههههههه يهالوه يترامسون بالرسومات سار عنا عمي سهيل ومن جهتنا ظلينا نتقيلس على شميم شويات هههههه .......................................... ........................................ فتحت عيني بثقل كنت اشوف كل شي مثل الضباب احس راسي ثقيل وكأني بطيح من فوق شي عالي وابي حد ييودني .......شفت ظل شخصين واقفين على راسي هذا مب ظل عرفت ان هذولي صحيح شخصين واقفين لما اتضحت الرؤيه عندي .......شو انا يالسه ارمسكم وانتو ماتعرفوني..... بس متأكده عفرا رمست عني وايد لكم اكيد بتعذروني من التعريف لاني وايد الحينه تعبانه بس اهم شي تجرأت ورمست وياكم يلست افر ويهي بالغرفه ابا اشوف وين انا انتبهت لعفرا الي يالسه عيونها تصب دموع ابتسمت لها ابتسامه من ابتساماتي المعتاده بس حصلت راشد بعد واقف من الصوب الثاني بس هذا عيونه ماكانت تصب.... بس كانت عينه تراقبني .....كنت ابا ارمس اقول لهم شو صاير حست فيني عفرا كالعاده ومسكت ايدي: ريومه ريحي عمرج انتي طحتي بالبيت ويبناج المستشفى حسيت بضيقه بقلبي بعد ماتذكرت الي صار ويايه آآآآه........... حطيت ايدي على محل قلبي ويلست اهوس ابا الضيقه تروح نزلن دموعي بلايا شعور .....يلست عفرا تهديني وانا اصيح من قلب شقا حياتي جيه والله تعبت سامحني ياربي بس والله تعبت ...بعد ماهديت وبعد ماريحني البجي ....حاولت ايلس بس ياتني دوره قويه عاقتني .... ساعدتني عفرا اني ايلس .. ومن الجهه الثانيه راشد طلع يزقر الدكتور دخل الدكتور وقام يفحص عليي ويلس يتأكد من عفرا اني ما ارمس من زمان واكدت له هالشي اقترح عليها الاخ يعرضوني لدكتور نفسي شو مينونه يعني انا؟؟؟ ناقصه انا هالمتفيج ......يوم شافت عفرا نظرات الغضب بعيني ردت عليه عفرا: لا مانابا مشكور الدكتور: انت تقولي سنه على ماتوفو اهلها خذوها لدكتور نفسي افضل لكم عفرا: بنتفاهم بهالموضوع معها بعدين <<طلع عنا الدكتور ودخل راشد بعدها وهو مبتسم>> وطالعني بنص عين: سوت لنا مسرحيه ..خيست شبريتها شربت وقالت اون انها طايحه ... ترى خبرني الدكتور انج خريط ضحكني اسلوبه برغم الألم الي فيني عفرا: هههههه الله يخسك راشد: شو ما اجذب انا قال خلها تشيل قشارها وتطلع عفرا: متى بيطلعوها؟ راشد: الحينه بس تيي هالبقره تشيل عنها المغذي عفرا: مسرررع ماتهاوشت مع الممرضه وصارت بقره راشد: افا عليج اضبطج دخلت البقره عقوله راشد وشلت المغذي وساعدتني عفرا اشل عمري ...مدوخه وايد وبالزور وصلنا لسياره راشد . . لحظه مو جنه سياره!!!!!!!!!!! انا شلون بركب سياره؟؟؟!!!! لالالالالا مستحيل ... مااابااا يتني الصيحه الا قولو صحت..... وفهمت عفرا اني مابا اركب بكيفهم انا برد البيت على ريلي مابا السياااره .... ........................................ .................................... اخذني الوقت بشقه ربيعي محمد .......الي عرفني على عبد الله..... هذا ياطويلين العمر عبدالله الي يساعدني على ارسال الفحوصات حقين حمدان للخارج وبواسطه من عند ابوه بردو عليه بسرعه .....هو صحيح مارتحت له بس امممم خله يساعدني وافك عنه (حووووووووه محمد عاده تراك حشرتني ماتروم مادوخ وانا موجود؟) قلتها وانا ااكح واحاول ابعد دخان زقارته بأيدي عبدالله وهو مبتسم لي: ماتحب الزقاير؟ سيف: لا شو احب فيها خايسه ..( اشرت على محمد) انت بس طالع طالع بأسنانه كيف غادين صفر بسبت هالدخان عبدالله: شكلك من النوع الي تحب يهتم بشكله محمد: حوووووه واااااااايد هذاااا لو تعاشره يومين بتعرفه سيف: لاتبالغ عاده عبدالله بنظرات غريبه: ان شاء الله نعاشره سيف: هههه عزيز وغالي<<<<<< ادري خبل بس والله من نظراته ماعرف شو ارد>>> محمد: ها عبدالله ماقررت تعرس؟ عبدالله بتأفف: شو ياشيخ اعرس سير عني له انا قايل لك ماحب الحريم ناقصني بعد محمد: حرام عليك ماشي احلى من الحريم اويل حالي انا طالعته بنص عين: الي يسمعك مايقول انك خاطب عبدالله: ولا يقول لك ناوي على الثانيه ابا اعرف شلون مستحملهم؟ محمد: شوف انا اذا في يوم ماشميت ريحه حرمه اعرف اني بموت انا الحرمه عندي مثل الهروين ضحكت على تشبيهه الغبي : ههههههههههه هروين مره وحده مب زقاير؟ طالعني عبدالله : طيب سيف انت شو تحب؟ استغربت من سؤاله بس رديت بغباء: لا توني شارب ماي عبدالله: هههههههههههههههههههههههه مافهمتني اقصد يعني تحب الحريم؟وتفكر فيهم؟ شو هالسؤال بعد هاي!! طالعته وابتسمت: تصدق عاده مافكر الحينه بالحريم ابد يعني مافكر بالزواج ولا عندي وحده محدده احبها عسب افكر فيها عبدالله شق الحلج: والله؟!!!! احسن لك لاتحب الحريم ظل جيه ضحكت على تعبيره واحليله شكله متعرض لخيانه نسائيه ومن جيه كاره الحريم ............ ................................................ .................................................. لعوزتنا الريم بصياحها تعب راشد ويلس على سيارته من برع راشد بنظرات تخوف خخخخ: الـــريم ترى والله ان ماصعدتي بحملج شرات مايبتج <<حزتها الريم فجت حلجها مستغربه وطالعت فيني وكأنها تبا تستفسر عن السالفه>> قلت لها بتهديد شرات راشد: هيه تراه هو الي حملج وحطج بالسياره ويابج تجمعو الدموع بعيونها كسرت خاطري يلست ابرر لها الموقف: شو بلاج كنتي بتموتي بس الحمدلله ان راشد موجود ولا كان انا متت جنبج <<نكست راسها الريم مادري حيا ولا خوف ان راشد يسويها عاد راشد غمز لي عسب اخوف فيها زود>> عفرا: ترى اخبرج راشد اذا قال الشي يسويه <<رفعت الريم راسها بسرعه وطالعت راشد بنظرات رجاء وعينها كلها دموع قام راشد من على سيارته ويا صوبها >> راشد: انا عندي لج تحدي .... ان ركبتي السياره بقولج لغز اباج تفكري بحله ولج مني ان حليتيه قبل مانوصل البيت وعفرا هااااا تشهد أي شي تطلبيه والله حتى لو سفره لبرع البلد بلبيها لج <<<طالعت الريم فيه بسرعه وجنها تبا تشوف الصدق في عينه..... تلفتت وكانت تبا ورقه وقلم عطيتها موبايلي عسب تكتب فيه لان شكله موبايلها بالبيت >> (( متأكد تلبي لي طلبي؟؟ حتى لو تاخذني لقبور هلي؟؟؟)) كتبت هالجمله ومدت الموبايل لراشد لما قراه ابتسم : هـــــيه ولج احقق لج طلبج تـــــم عفرا: راشد!!!!! من صجك انت؟؟؟ابوي مابيطيع راشد: شعنه مابطيع ؟ <<شو اقوله الحينه جنبها.... ان البنت اكيد بتنهااااار يوم بتشوف قبور اهلها... وان ابوي رفض مليون مره هالطلب لها >> قلت بأرتباك: مادري اسئله راشد: مو لازم يدري صح الريم ( وغمز لها) عفرا: يااااسلام تهريب يعني راشد بنظرات تحدي: هذااا ان حللللت الغز <<ابتسمت الريم ونكست راسها بتردد>> راشد: ها اكتب الغز؟ <<هزت الريم راسها بالإيجاب مسك موبايلي وكتب لها الغز شكله يباها تفكر بالغز اطول وقت ممكن لان حط لها الملعون لغز رياضيات خخخخ>> <<اشر لي راشد اني امسك ايدها ... مسكت ايدها وحاولت اركبها السياره كانت متردده وايد بس شجعتها قلت لها فرصتج وصحيح ركبت ويودت موبايلي عسب تبدأ بالحل لان ان وصلنا وماحلت مابتسير لهلها.... يوم تحركت السياره شوي وبموت من الفرحه هذي اول عقده من عقد الريم تفج .......كانت ريوم شاده حيلها بالحل ومامنتبها وايد لطريق صحيح مبين عليها الخوف بس كانت تحاول تركز بالحل ............. صحيح كبر راشد بعيني اسميه عرف يفكر يعني شغلها بالحل وخلاها تتانسا الخوف شلون طلع بهالحل الخنفشاري هع هع هع بس بقا الخطوه الثانيه ان حلته..... صحيح بياخذها تشوف قبور اهلها!!!!!!!!!!!!!! اسميها بتموت بمحلها>> توقعاتكم شو سبب طيحت الريم؟؟؟؟؟؟ وعبدالله ربيع سيف شو سالفته؟؟؟؟ وشمه ممكن تنسى سالفه البنت الي انحك ذراعها بذراع الحبيب سهيل خخخخ؟؟ اتريااااااااااااااا رددودكم |
.................................................... الجــــ 12ــــزء ............................................... <<نزلت من السياره وانا مدوووخه مب رايمه اشل عمري وغير جيه خايفه يطلع حل هالغز غلط...... ابا اسير لهلي بأي طريقه يعني اباا اسير ......يارب يطلع صح انتو ادعو لي بس ساعدتني عفرا ونزلت من السياره طالع فيني راشد بتحدي ومد ايده عسب اعطيه الموبايل>> ......عطيته الموبايل بتردد ...... راشد فاج عيونه: يابنت الذيناا!!!!!!!!!!!!! ربيعي ومارام يحله وانتي حليتيه صح!!!! دورني من الفرحه خاطري اطير.... راشد: لاتصدقي عمرج الحينه <<طلعو سهيل وخالتيه وهم فاجين حلوجهم >> سهيل: وين كنتو؟؟؟ راشد يأشر علي: بنت عمك سوت لنا مسرحيه عفرا تقطع كلامه ونقذتني: كانت تمشي ومانتبهت على عمرها وطاحت وطلع دم وخذينها المستشفى خالتيه تيي صوبي وتلوي عليي: فديتج انتبهي على عمرج مره ثانيه <<ماكنت وياهم ابد ابا اعرف بس راشد بوفي وعده لو لا.... طالعت فيه بعيوني وانا كلي رجاء ... وشكله فهم عليي وابتسم لي وغمز لي من بعيد ..... الحمدلله محد انتبه فضيحه !!! طمنتني نظراته وانا ماحيد الريايل يخلفو وعودهم يودت خالتي ايدي عسب توصلني داخل ...عاده الحين مابتقصر الشيخه بتستلمني عدل خليتهم وسرت فوق لجناحي مددت عمري على الشبريه وانا استرجع كل شي صار لي قبل لا اطيح >> (( اكرهج تدري شو اكرهج؟؟؟ شعنه مامتي انتي بدل خليفه يالخاااايسه يالمعففففنه الله ياخذ عمرج يالطرررررمه)) هذا مسج واحد من مسجات توصلني ....مادري من منو ..... بس كرهوني بنفسي ....يحسسوني اني انسانه ما استحق اعيش في هالدنيا ......آآآآآه ياليت اموت والحق امي وابويه ياااااليت ..................................................... .................................................... ااااااخ يااااحلات المااااااي قربو قربو تسبوحو ويايه هههههه بصراحه وايد مروق ويالس اتسبح بالمسبح الي بزاويه البيت يعني اي حد يطلع من داخل البيت يشوف الي يالس يتسبح فيه وبصراحه وايد ماخذ راحتي لان المسبح وااايد كبير.... وبس انا الي يالس اتسبح فيه .......كانو في غلاماتين يالسين على كرسي قريب نوعا ما من المسبح بس حسافه كانو يتهامسون عسب لا اسمع شي اممم اكيد عرفتوهن عفير اختيه وشميم الي شكلها تشتكي لها عن الي صار لان عفير يالسه تشاهق هههههههه (خلاص حطيه حذالج هنا) <<قلت هالجمله للبشكاره ونفذت الاوامر وحطت الموبايل والعصير والفواكه على فوطه كانت في حواف المسبح اونه يعني حركات امريكان هههه.......... رن موبايلي وكان المتصل سيفوه اخويه >> سيف: شوو بلاك تكلم جيه ؟؟؟ سهيل: فديتج لان في ناس حذالي الحينه سيف: حوووه ويوم يصير حذالك حد ترمسني جيه؟؟!!! اسميك تخبلت سهيل: ههههه والله دمج خفيف بعدين بخبرج بكل شي سيف ويمشي ويايه على الخط: ههههه هيه فهمت السالفه الحينه ..... فديتك والله حبيبي انته متى اشوفك؟ سهيل: فداج روحي انتي بس آمري بأي وقت <<طبعن كنت متعمد اسوي عمري اهمس وحالتي لله وأوني ذاااايب .... حسيت بشمه تقوم من الكرسي وتقرب مني .....نزلت من مستوى جسمها عسب تكون قريبه من ويهي .......وبحركه خفيفه ......مدت ايدها وسحبت الموبايل وفرته بالمسبح..... وووببرووود عنييف سارت تدخل لداخل>> <<<من صدمتي ايدي بعدها على اذني مثل ماكانت ....فريت ويهي لعفير الي يالسه تعفر من ضحكها >>> سهيل: خيـــــــــــــبه هاي غيره لو شو؟؟؟ عفرا: ههههههه ماروم وابويه بموت بموت هههههههه وابويه ماشفت شكلك ههههههه <<طلعت من المسبح ورحت صوب عفير الي يالسه تضحك وتتمصخر عليي ...رفعتها من ملابسها.... حركتي المعتاااده وياها..... وطبعا عفير اخف من الريشه صار جسمها مرتفع عن الارض ورجولها تتحرك بالجو>>> عفرا: ههههههه سهيل خوز عاده خلالاص ههههه الحينه بتغير موبايلك ورقمك هههههه سهيل: وبعدها تضحك ماتتوب عفرا: ههههه ماروم اسكت والله سهيل: انا اخليج الحين تنطبي مايحتاي تفكرو شو سويت لاني عقيتها بالمسبح ويلست تشاهق من الصدمه بس من شافت الموبايل يسبح في المسبح ردت لضحكها الخبله دخلت عنها ابدل ملابسي وانا افكر برده فعل شميم ههههه والله وحركات هالبنت عرفنا شلون نقايضها بس خييبه الحينه يبالي اشتري موبايل يديد ....... مايسوى علينا مقايض ............................................. ................................................... آآآآآآآآآآآآآآآآآآآآآآآآي حوووه منو هالدب الي صافعني بالمخده أأأأخ من الألم مب رايم افتح عيني راشد: تستاهل ياحمار لا لشو رديت ايلس بعد تريق وياهم خوزت ايدي عن خشمي الي يويعني من فلعه راشد الدب: يعور يالخايس عورتني حشى عليك راشد: رايح تتغدا وترد الساعه 9 و انا مالي رب منقع بالميلس شوووو سيف: وين سهيل؟ راشد: لا والله يعني اذا سهيل موجود ماتيي تيلس جنبي هيه اصلا انت من تشوف ربعك تنساني قلت وبتعووود من غيره راشد: ههههه شو بلاك غادي جيه والله خذتنا السوالف راشد حايس بوزه: خوز عني <<دخل علينا سهيل بوزار وفانيله ويالس يحك شعره بأيد وباليد الثانيه يشرب كافي>> سيف: حوووه انت شو ماتستحي عندنا بنات بالبيت وطالع جيه؟ سهيل ومازال يحك شعره:مااااروووم عليك يالمحتشم راشد وهو يضحك: تدرو من متى مالبست وزار؟؟ سهيل ييلس قبال التيلفزون : متى؟؟؟ راشد: عشر سنين سيف: خييييبه اتوقع الحينه ماتروم تلبسه هههههههههه راشد: هيه والله صدقت...... ابويه عصب عليه ذاج اليوم الا البس اونه شعنه دوم لابس شورتات ههههه والله ماجذب عليك طول الوقت ماسكه بيدي مستهم يطيح سهيل يحك شعره: هههههههههه انا صحيح احب البس شورت بس اوقات يدق بعقليه البس وزار قلت وانا احك شعري: حووووووه بسسك تحك بهالشعر شوو هاي يبت لي الحكه راشد: هههههه عليك قمل شوووو سهيل يطالعنا بنص عين: انطبو ...متسبح بالمسبح ونسيت افرك شعري بشامبو سيف: يالخااااااااااين تسبح ولا تقول راشد: انا الموجود بالبيت ماخبرني بخبرك انت؟ سهيل يتمدد قبال التلفزون: ابا اخذ راحتيه تذكرت يوم كلمني : هيه تعال بتخبرك شعنه تقطع السماعه بويهي؟ ( حركت حياتي لفوق وتحت على السريع) شو صار عسى ماذبوحك؟ ههههههه سهيل : الله يرحمه راشد: منو؟؟؟؟ سهيل: موبايلي ضحكت عليه من الخاطر: هههههههههههههههههه لاتقول سهيل: اقول ونص ....بعد سير شوفه مخيس ماي ....عقوووه بالمسبح الله يسامحهم راشد مب فاهم شي: حوووووه عن شو ترمسو سيف: هههههههه يقولك اليوم كنت اكلمه ويلس يسوي عمره يكلم بنت عسب يقايض ناس وهالناس عصبو وعقووو موبايله بالمسبح هههههه راشد: ههههههههههه تستااااهل عيل في حد يقايض بشموه؟؟؟؟ سهيل: اسكت والله ماتوقعت بسوي جيه قلت حدها حدها بتكب العصير وبتشرد ماشوفها الا خذت الموبايل وتعقه لي بالمسبح وبكل بروود راشد: هههههههههه تستاهل عسب لاتقايض بها مره ثانيه دخلت علينا عفير الميلس وابتسمت اونه ببرائه: انتو هنا سهيل: لا هناك شوفينا عفرا: المهم انا حطيت لكم العشا بالصاله الصغيره سيرو تعشو راشد: انت طابخته؟ عفرا: هيه انا وروضه فديتها راشد: فديييييتكن انا علمو هالبقره الي وياكن تطبخ سو خير فينا........ من بعد ماضقنا اكلج كل يوم نلعن شمه سهيل يفلع راشد بالمخده: احترم نفسك وبعدين انت ومنو تلعنو بشمه؟ راشد: ههههههههه انا وسلطان مسكين اخويه يبااا يجي ويانا عسب ياكل من اكل عفور بس واحليله دوامه مايسمح حطيت ايدي على بطني الي يطلع اصوات غريبه : اقووول انا يوعان يالله نشو راشد يخزني بنص عين: شعنه تتعشى ويانا سير سير لمحمد يعشيك حطيت ايدي ورى ظهره وحبيته على خده اوني اراضيه وسرنا نتعشا................... ............................................ ................................................ (اقولج عطيني رقمها لأصفعج) عفرا: رااااشد ماروووم شو تبا منها خبرني وانا بخبرها راشد: عطيني رقمها انا ابا اتفاهم وياها وبعدين الا هي مسجات وبنتفاهم بشي محدد انا مابيلس اغازلها عفرا: ماااابااا راشد: ترى بخبر عليج سلطان <<فجيت حلجي شو مدريه هاي بسالفه سلطان اويلي انفضحت>> راشد يلوح بيده جبال ويهي: حووووووووووه وين الرقم عفرا: راشد البنت يتيمه راشد: شوفي ان ماصطلبتي بذبحج تراني قلت لج انا مابغازلها انا بتفق وياها عن الوعد الي وعدتها به وبمسح الرقم قلت بتملل: اللهم صبرج ياروح طيب باستأذن منها اول راشد: سيري محد ماسكج عفرا: لا شو اسير البنت الحينه نايمه راشد: عفير بتعطيني الرقم لو شو؟؟؟ تأففت وانا افتح موبايلي: اسميك حشره يووود هذا الرقم بس بذمتك ماتضايقها مسك موبايله ونقل رقم ريوم: والله لو انج اختي جان بستج ............شااااااو <<هههههه والله انه خبل هالانسان شعنه فرحان برقمها جيه .........سرت صوب جناحي للبنات اليالسات بغرفتيه>> روضه وهي متمدده على الشبريه: عموووه اسمعي عبير شو تقول اونه ياليت ابوها شرات ابويه عسب تيي تسكن هنا شراتي ضحكت على خبال عبير: والله انج بقره شمه وعينها بالاب توب: أأأأأأأأخ في حد يعوف ابوج يالثوره عبير: بسم الله منكن كليتوني بقشوري انا ماقصد جيه بس االاجواء وايد عيابتني هنا عفرا: خبري أبوج انج بتنامي الليله هنا بس تعالي ماشي محل لج...... انا وروضه نتبادل كل ليله .....وحده تنام على الشبريه والثانيه تنام بالارض شمه رافعه خشمها: وطبعا الليله الشبريه حقي روضه: وايد واثقه مشاء الله عبير: شقايل مستحملين نومه الارض؟؟ عفرا: الا هو شهر ونودع الحلوه ( واغمز لروضه) ......احمر ويه روضه ونكست راسها بطاري العرس........... شمه: اويلي على اليستحووون ماروم عليج روضه: انطبن يالخايسااات بييكن يوم واضحك عليكن. ......دخلت علينا الريم بأبتسامتها المعهوده بس التعب واضح على ويها .... شمه وهي تفر الاب توب وتوايه الريم : يامرحبا يامرحبا هلا والله بالقمر ماتشوفي شر الغااااليه فريت ويهي لشميم: ياحماااااااااره لاب توبي شعنه تفريه جيه!!!! شمه: الي يسمعج يقول لاب توب شرات الناس عفرا: مب عايبنج شعنه يالسه عليه شمه وهي تفر شعرها لورى وبخقه: مضطرين بس <<رن موبايل ريومه يعلن عن مسج.... وكالعاده ارتبكت رويمه ....بس لما فتحته طالعت فيني بنظرات غريبه .... هاي اكيد راشد رسل لها .... ابتسمت لها وانا زايغه ابتسامه خفيفه احوم احوم ...>> ................................................ ................................................. ابتسمت لي ببرائه مصطنعه عسب تخفي اجرامها بس كالعاده ماروم على هالبنت ابتسمت لها انا بعد طالعت المسج العجيييب من يديد ( هلا الشيخه ريم وياج الشيخ راشد ابن خاله ابناء عمومتك المهم لاتفجين حلقج جيه كأنج بقره مكفخه انا اخذت الرقم من عفير عسب اسألج هااا متى ناويه على المشوار الي خبري خبرج انا انتظر ردج اوكي؟) <<هالانسان شوو يضحكني اسلوبه وايد عجيب الي يحببني بالتعامل وياه ان يعاملني شرات الباقي يعني مايحسسني ان ناقصني شي .....>> مسكت موبايلي اكتب له رد (قبور هلي بدبي) رد عليه بسرعه وجنه ينتظر الرد ( حلووووعيل شو رايج تردين فيانا و نقول لهم انكن بتجهزن اعماركن لعرس جسوم وانتي بتيي ويانا وناخذ عفرا بعد) <<يالله وااايد متولهه عليهم بخاطري اسير الحينه بس ماباليد حيله اكتفيت بالرد بكلمه>> (طيب) عفرا: شمييييم موبايلج مسوي حشره ردي شمه ترفع : هاي اخوج سيف .... هلا سيفوه .... حووه سهيلوه هاي رقم سيف شو طلعك انت بالخط.... احسن تستااااهل..... طيب شو تباااا .... احلللللللللللللللللف .... الللله .... دقايق وبتشوفوونا عندكم ..... باي باي عفرا: شو بلاج تباغمين جيه شرات البقر شمه : وااااااااااااااااااي بناااات بنااات يالله انتشرن سهيل يقول لكم الشباب عازمينكن على آي سكريم باسكن وااااي بتخبل بتخبل يالله تلبسن <<ابتسمت على خبال شمه شو سالفتها كل هاي لانها بتطلع .... طالعتني عفرا ومسكت ايدي>> عفرا: اكيييد بتسيرين فيانا دخيييييلج <<شو بلاها عفير تدري بي اناماحب السياير مابا اروووح ... اكتفيت بهز راسي بالنفي>> عفرا: والله ان ماسرتي بزعل عليج هاي انااقولج <<بهالحظه وصل مسج من الجني راشد يهدد>> ( بخبرج ان ماشفتج فيا البنات ماشي سيره لدبي تشاااااااااااو) طالعت عفير بدهشه.... ومديت لها الموبايل عسب تقرا المسج عفرا: ههههههههههههههههه فدييييته والله تستاهلي التهديد <<سحبت الموبايل عنها وسرت اتلبس مافيني لازم اسير اسميه راشد مذله >> راشد اول ماشاف قروبنا قروب البنات حذال سيارته: خيييييييييبه سهيلووه عازم كل هايلا!! سهيل شاق الحلج : هيه افا عليك بنات اخويه عبير ورويض مالي غنا عنهم واختيه الغاليه ووبنت خالوه شمامي فديتهن طالع طالع شقايل هالوجيه بريئه راشد بطنز : هيه بريئه واااااااااااااايد سهيل يطالعني بستغراب: ريووووم !!!! انت سايره فيانا؟!!! راشد يطالعني هو الثاني: هيييه طالعها بعد تبا تركب اول وحده حشى عليكم بنات زايغات على أي سكريم ( كمل كلامه وهو يصفق ) يالله بنات اركبن وحده وحده بشويش على سيارتيه لاتتعور ركبن البنات وهن ساكتات عن هالخقااااق عسب يضمنن الطلعه اما انا ساكته لان مالي رغبه بالطلعه اوبالاصح لان ماروم ارمس سهيل ركب جدام ويا راشد اما انا وعفرا وسيف ورى وورنا يالسات شمه وعبير ورويض يلست اطالع سياره راشد صحيح هب اول مره اركبها بس اول مره انتبه لها وايد فخمه وريحه الكلونيا فيها وااايد حلوه .... انتبهت لراشد الي يالس يطالعني من الجامه.... عطيته نظره اعبر فيها عن عدم راحتي بهالطعه عسب يحس بتأنيب الضمير....وفريت ويهي عنه اطالع البنات وهن يرمسن وانا عاجزه اشاركهم حديثهم .....كنت اطالع بشفايفهن وهن يرمسن شو فيهن زود عني؟؟ ..... انا بعد فيني لسان شعنه ماينطق شعنه........ احس نفسي مخنوقه صعب يوم تعيش وانت ماتروم تعبر عن نفسك وعن رايك وااايد صعب.......تكتم المصايب الي تنزل عليك في قلبك ولا حد يشاركك فيها غير نفسك الي من جهتها تتعب ولا تستحمل وتضعف في كل مصيبه تنزل عليها هيه يانفسي وايد ضعفتي .... مصايبي كثار وصدماتي اكثر... ............................................................ ........ .......................................................... ( والحينه وين بنسير؟) قالتها لي شميم وهي ماسكه بثباني شرات اليهال راشد: شو بعد وين بنسير..... آي سكريم واكلتي شو تبي بعد يالله على البيت شمه تزاعج: لالالالالا شو نسير البيت ماااباااا فديتك خذنا للمول فديتك اخويه التفت لسهيل الي وهقنا: والحينه شو الحل ويا هالياهل تراك انت الي وهقتنا بهالطلعه بنااات ماينعطن ويه سهيل: بس ناخذهن المول نشرب كافي ونرد شو رايكن تناقزن البنات شرات الخبيل: الللللللللللللللله عاش سهيل مناصر البنات عاش عاش راشد: اركبن وانتن ساكتات <<طول الدرب وانا اطالع الريم من الجامه شكلها مب حابه الطلعه ابد ..... بس مادري شو بلاني عليها هي بالذات ........ خاطريه اطلعها من هالي فيه بس شكلها هالبنت صعبه وغامضه .... انتبهت لنظراتي فابتسمت لها تلقائي.... ولأول مره ماردت لي الابتسامه !!!!! وناظرتني بنظرات غريبه اشبه بالاحتقار!!>> قلت بدون نفس وانا انزل من السياره: وصلنا <<تقدمتهم وانا ضايج.... بلاها تناظرني جيه ... هاي يزاي يعني انا شو لي بهاي البنت الطرمه اسميني متفيج .....قطع علي افكاري مسكت سيف لأيدي>> |
.................................................. الجــــ 13ـــــــزء .............................................. <<طول الدرب وانا اطالع الريم من الجامه شكلها مب حابه الطلعه ابد ..... بس مادري شو بلاني عليها هي بالذات ........ خاطريه اطلعها من هالي فيه بس شكلها هالبنت صعبه وغامضه .... انتبهت لنظراتي فابتسمت لها تلقائي.... ولأول مره ماردت لي الابتسامه !!!!! وناظرتني بنظرات غريبه اشبه بالاحتقار!!>> قلت بدون نفس وانا انزل من السياره: وصلنا <<تقدمتهم وانا ضايج.... بلاها تناظرني جيه ... هاي يزاي يعني انا شو لي بهاي البنت الطرمه اسميني متفيج .....قطع علي افكاري مسكت سيف لأيدي>> سيف يطالعني بنص عين: شو هاي حشى تركض ركيض سباق شووو راشد: لا بس ماني متفيج لحشره البنات سيف: ههههههه واحليلهم والله سويتو فيهن خير يوم طلعتوهن <<يلسنا كلنا على طاوله من الطاولات بالمول وكنت اتحاشا النظر بالريم عسب لاتتحسبني ميت عليها.....اصلا من تكون عسب اموت عليها ... هاي الي ناقصني بعد يلسنا نشرب الكافي والحشره قايمه بسبه عبير على طاولتنا لدرجه الي بالطولات الثانيه يطالعن فينا مستغربين من الحفله الي عندنا .... وااايد فنانه هالبنت>> راشد: ههههههههههههه اسميج ياعبيير سوالف عبير: والله اقولك خلاص ويها صار شرات الطمامه مسكينه واحليلها عفرا: هيييه بعد الي سويتي فيها تقولي مسكينه حرام عليج قم للمعلم وفه التبجيلا عبير: سيري شو قالت قم للمعلم روضه تكلم سهيل: الشيخ ممكن طلب؟ سهيل: انت تطلبي عيوني روضه شاقه الحلج: فديييتك ابا موبايلك برسل لي جم صووره لك سهيل وهو عافس ويهه ويطالع بشميم اختيه بطرف عينه: مايبته ويايه عفرا: ههههههه هههههههه ههههههه اكيد مابتيبه وياك شمه مسويه عمرها بريئه: ليش؟؟؟؟ شو فيه موبايله عفرا: هههههه خلاص شموه والله اني ماسكت من الضحك الا بعد الموقف بـخمس ساعات الشييمه لاتذكريني ههههههه روضه: شووو فهمونا السالفه عاده سيف : ههههههه الله يرحمه موبايله طاح بالمسبح وهو يتسبح شمه تسوي عمرها تشهق: لالا خسااااره كان موبايلك وايد جميل روضه تلتفت على سهيل: افاااا ولا يهمك انا بيب لك ثاني سهيل: لالا فديتج لاتكلفي على عمرج انا اقدر اشتري لي بدل الواحد عشره بس مقايض بناس مابشتري ووموبايلي هاي بيتصلح وبرد استعمله شمه وهي تطالع بصبيعاتها: حشششى زطططي عنبو اشتري موبايل يديد احسن لك سهيل: مااااباااا <<لا ارادي رديت التفت لريم .... الكل يالس يسولف ويضحك..... وهي ماتشاركهم حتى بأبتسامتها المعهوده.... ظلمتها يعني مب بس انا ماتبتسم لي .... كانت سرحانه ومب منتبهه لنظراتي ....فجأه طاحت دمعه من عينها ومحد انتبه لها غيري انا وعفرا الي يالسه حذالها >> راشد: عفوور انتي مو جنج من شوي قلتي تبي الحمام؟ عفرا وزين يوم فهمت شو اقصد: هاااا هيه أي ابا اسير ( ومسكت ايد الريم) قومي فيايا الريم <<سرنا بعيد عنهم كنت امشي جدامهن وهن ورايه .... وقفت حذال مطعم صغير بالمول ...دخلنا ويلسنا على الطاوله ....اما الريم ظلت واقفه بمحلها وقفت وسرت صوبها .... سحبتها بشويش ويلستها على الكرسي .... ويلست حذالهن هي وعفرا راشد: انا اسف ان طلعتج غصبن عنج لان واضح من بدايه طلعتنا وانتي هب مرتاحه عفرا وهي تمسك ايدها: شو بلاج ريومتي ؟حد ضيقج؟ <<ماردت علينا وغطت ويها بأيدينها ويلست تصيح بصوتها .... لوت عليها عفرا وهي تمسح على راسها .....غمضتني وايد هالبنت مادري ليش ماقدر استحمل اشوف دموعها احس قلبي يويعني يوم تطيح منها دمعه ... رفعت راسها عن صدر عفرا بعد ماهدت ... ويلست تمسح دموعها بأيدينها وردت تطالع فيني بنظرات مامفهومه >> راشد: الريم والله اسف بس حبيت اخليج تغيري جو بعد طيحتج لازم تفرفشي شويات عفرا تمسح على راسها: ريومتي انتي وايد كنتي قويه شو صاير بج تغيرتي جيه نكست راسي: ادري وايد ثقلت عليج بس مب قصدي اني اجبرج عفرا تبتسم لي: لا الريومه اكيد ماتصيح عسب جيه قلت لهم وانا انش: قومن خلاص بنسير البيت <<لما قلت هالجمله طالعت فيني بسرعه .... بس هالمره كانت في نظراتها الفرح .... خيبه لهالدرجه مب حابه الطلعه!!!! ... اخذت الفون ودقيت على سهيل عسب يطلعو وتلاقينا على الباب >> ركبنا السياره بس هالمره سهيل يالس يسوق بدالي .... مسكت موبايلي عسب اكتب مسج لريم (( الشيخه الحينه بعد مانرد خبري خالوه انكن انتي وعفير بتردن ويانا دبي اوكي؟)) سمعت صوت وصول مسجي لموبايلها ... . . شويه واسمع صوت موبايلي يعلن عن وصول مسج (( طيب)) مسكت موبايلي من يديد (( اباكن جاهزات على الساعه 9 الصبح)) ابتسمت اول ماسمعت صوت وصول مسجي لها ردت عليه بسرعه بنفس الكلمه شو ماعندها غيرها (( طيب)) سهيل يتلفت لنا: شو سالفه هالمسجات ها؟؟ اسمينا رخوم يالسين نتراسل ولاكنه حد موجود شو اقوله الحينه: ها ماشي مسج مابعد افتحه سهيل : لا والله حرمتك وهاي ويانا((يقصد سيف)) عيل تراسل منو سيف يخزني بنص عين: اسكت انا بروحي ميود عمري من مساعه طالعت سهيل بنص عين: شوو تغااار يوم يجيني مسجات؟ وانت لا عفرا تبي تبعد الشبهه : ههههههههه شكله يغار اما انا تعودت على الريم دوم موبايلها يزاعج بهالمسجات سهيل: فايج اغار منكم شمه تزاعج بصوتها لانها بأخر السياره: هيــــه تغااار لان موبايلك من اليوم ورايح مابتسمع حسه ههههههه سهيل: سكت اختك لا اسوي بكم حادث راشد: والخيبه هذا الي بنفذنا... .......................................................... ......................................................... اصبحنا واصبح الملك لله فريت موبايلي على الشبريه ويلست امشط بشعري ... الي يسمع من طوول الشعر ههههههه وايد فرق بيني وبين سهيل خويه .....انا من النوع الي مايحب يطول شعره بس احب اخليه كثيف...... وهو مشاء الله شعره اوقات يوصل لكتوفه .... هيه صح ماخبرتكم اليوم انا وايد فرحان اتصل عليي هاي الي خبرتكم عنه ذاج اليوم عبدالله يخبرني بنتايج ويقول لي ان شي علاج لحاله حمدانوه برع ووماقصر بيتوسط لنا بلندن بعد .. <<مسكت موبايلي من يديد وضربت رقم حمدان وتمددت على شبريتي برااااحه>> سيف: هلالالالالا مليووون مرحببببااااااا.............شحاااالك الشيخ <<دخل عليي راشد بها الوقت وانا ارمس وهو يشرب كافي .......... هههههههههه كان شكله وايد يضحك لابس بجامه نوم سماويه والمعاقم من فوق مفتوحه شرات السكرانين ههههه ووشعره طالع معفوس بسم الله وبالله واضح ان توه ناش من نومته بس مب جنه يعري بمشيته؟!!!!>> راشد يخزني بنص عين: ترمس منو؟ ابتسمت له: حمدان ( وكملت سوالف مع حمدان) :هيه والحينه انت شحالك؟؟...............ههههههه والله؟؟؟ ...........امممممم خلاص برد ويا راشد دبي وبخبرك بخبر وااايد حلوو............ هههههه يالساااحر هيه طلعو والحمدلله في علاج لك برع يعني خلاص جهز عمرك ....اممم لندن .... حمدانوه بعدين نتفاهم..... يالله فديتك باي راشد يقلد صوتي يوم اعتذرت منه البارح: والله ماروم ارد وياك دبي عندي وايد اشغال ( ويكمل وهو يزاعج) ويييوووم حمدان كلمك تسبهت جنك بقره وتبا ترد دبي هاااااا دوم تضحكني غيره راشد عسب لاتلومو حد يوم يقول جنه ريال وحرمته ههههه: شو بلاك غادي جبريت كنت اجامله بس راشد ييلس على الكرسي: وايد تجااامل مشاااء الله وبعدين شو سالفه لندن هاي ....... هيه ماخذ عقلك حمدان بتسافر ولاتفكر تخبرني عدلت يلستي وقلت بجديه يمكن يكسر خاطره : راشد بخبرك شي عن حمدان راشد بدون نفس: شو بعد سيف: امممم حمدان في سرطان بالدم راشد:!!!!!!!!!!!!!! سيف: بس طرشنا اوراقه برع والحمدلله الرد يقول ان شي علاج هناك راشد: ماحد خبرنا!!! سيف: هيه حتى هله مايدرو عن شي راشد يحط كوب الكافي على الطاوله: غمضني !!! حرام والله .... الله يشفيه يارب ابتسمت دومه رشودي قلبه ابيض وحنون : طيب ماقلت لي متى بتردو دبي راشد حايس بوزه: خيبه تبي الفكه .... على الساعه 10 ترى بتسير فيانا عفير اختك ورويض وعبير بنات اخوك وبنت عمك الريم انصدمت شو هاي التطورات الريم مب بس قامت تطلع قامت تمسك درب: شووو !!! الريم!!! راشد مبتسم: هيه الريم شو بلاك جيه مستغرب بيسيرو يجهزو لعرس جسوم سيف: ههههههه والله تطورات انا بروحي البارح مامصدق انها طالعه ويانا والحينه بتسير وياكم دبي مره وحده!!!!! راشد اونه يتفلسف: ياريال محد يظل على حاله تذكرت خيانته لي البارحه وطالعته بنص عين: شبعت ياحمار من النومه وياسهيل؟ راشد: تستاهل عسب ماتخليني ثاني مره متفيزر بالميلس و تسير عند ربعك عقاب لك انام ويا سهيل حست بوزي واوني زعلان: واااايد عقاباتك مشاء الله وبعدين تعال شو بلاك تعرج؟ قام عني وهو يضحك : مابلاني شي بس تويعني ريلي شويه وبعدين تستاااااااهل الي يجيك مني ترى ماتسكر خاطريه وايد <<<<ههههههه ياحليلك ياراشد اسميها الي بتضوي راسك امها داعيه لها وووين يحصل الواحد حد شراتك ..... لاتخزوني جيه كيفي احب ولد خالتيه يــه!! اخليكم عبدالله يتصل بي!!.....>>>> ................................................... ................................................. ( وانا بعد بتوله عليك ..... خلاص عاده سكر الخط بيلس ويا البنات ...... لالالا انت اول ....هههه اوكي 321 بااااي) سكرت عن جسومي اونه متوله عليي لان سرت عنه دبي .... بالموت طاع ارد دبي وياهم عسب اجهز عمري للعرس ... مصدقه عمري اوني عروس ....تصدقون عاد وايد ولهانه على ضرابه ابويه وامايه..... ماصدقو على الله اني طلعت من البيت حتى ماكلفو خاطرهم يرفعو السماعه يباركو لبنتهم ... وهم بعد ولهانه على اخويه هزاع فديته ماقصر ياني الملكه بدون ابويه يدري وبارك لي بس الحينه وايد مشغول بالبيت ... الله يعينه على امايه وابويه شمه: حووووووه رويض وين طار عقلج كلاه جسوم؟ التفت لها : هههههه خسج الله ريلي فديته ماياكل عقول عفرا تلبس عباتها: امممم بنيات يالله نخليكن انا وريوم بنسير مكان شمه تنط : ويييين بتسيرين!!!!!! اعترفي بسرعه عفرا: ويعه بنسير محل خاص انا والريم بوصلنا راشد عبير: ياااحلالالالاوه خذوني وياكم مابخبر حد شمه: ياسلام ياسلام البنت برقبتنا ماسمعتي توصيات ابوج عفرا: ادري وعن الحشره اقول لكن ..... وبعدي هي انتي ما تأمني على اخوج؟ شمه حاطه ايدها على خصرها: وشعنه راشد يعرف ونحن لا قلت لها معترضه: هيييه صح شعنه راشد يعرف ونحن لا عفرا تلتفت لريم الي يالسه تلبس شيلتها: شو اخبرهن هايلا الحشره؟ ...........ابتسمت الريم وهزت راسها بالايجاب......... عفرا: بنسير نزور قبر عمي شهقت: شووووووووووو!!!!!!!! تخبلتو؟ شمه: صدقهم تخبلو والمتخبل اكثر عنكم راشدوه عبير: شو بلاكن حرارتكن مرتفعه شو؟ عفرا: بلا بقاره انتي وياها البنت بس تبا تشوف قبور هلها وبعدين لاتخلوني اندم اني خبرتكن ياوووويلكن ان حد درى بهاي الموضوع هاي انا احذركم حتى انتي يارويض لاتخبري جسوم بعدين يخبر ابوه وووانتي شميم لاتخبري خالتيه فضيحه شمه: حلفو بس يلسن محلكن واصطلبن وبلا هالمنكر <<حسيت ان الريم اخذت بخاطرها من كلمنا ودلاله على هذا طلعت من غرفه شمه والضيقه بويها ووالدموع بعينها>> عفرا وهي تلحق الريم: حسابكن لما ارد يالفااااشلالالالالات شمه تلتفت صوبي وصوب عبير: اويلي شكل البنت زعلت عبير: براحتها نحن قلنا الحق بصراحه شو هالمنكر يسيرن للقبور انصدمت من كلام عبير: !!!!!!!! عبير شو هالرمسه هاي ؟؟!!!!! شمه: انا اتوقع بيتحسن حالها لما تسير وبتتأقلم ويا الواقع عبير: دخيلج سكتي بس وبعدين شو له اخوج يطيعهن؟ شمه تخزها بنص عين: اخويه ياحبيبتي يحب يسوي الخير عبير: اهااااا <<<<استغربت من ردت فعل عبير واااايد شو بلاها على الريم!!!>>>>> ............................................................ .... ............................................................ ........ <<<ركبن السياره بعد ما اخذت سلمان الي موكله زوج خالتيه على حراسه الفله براتب شهري يوصل له..... وايد طيب هالانسان وعلى قد حاله الي اسمعه ان يسير كل اسبوع لقبر ابو الريم ويسقيه ماي ويقرا القرآن ......... تحايلت على امايه اني ابا الغدا اليوم من ايدها واحليلها ماقصرت وسارت تعابل بالمطبخ وانشغلت به وطلعن البنات بدون ماتحس..... كانت الريم طول الوقت ساكته وعلى ملامحها الحزن حتى الهفه الي كانت بويها اختفت مادري شو بلاها يمكنها متوتره ... >>> سلمان: من ذاج الصوب يالله <<دخلننا المقبره وسرت ويا سلمان ........وعفرا والريم ورانا >> سلمان يأشر على القبور : هاي قبر خليفه وهاي الوالده وهاي الوالد رحمه الله عليهم <<التفتنا كلنا على الريم ننتظر رده فعلها.... بس كانت بعيده عن القبور ومتيبسه بمحلها وضامه ايدينها لصدرها ..... حاولت اتناسا الم رجلي الي تويعني وتقدمت لريم>>> راشد: الريم تقربي اقري عليهم الفاتحه عفرا وهي تمسك بأيدها وتمشي فيها لصوب القبور: هاي طلبج وتحقق يالله حبيبتي <<<احسها بعالم ثاني مب ويانا ابد .....كانت تطالع القبور بعيون مليانه دموع .... احس بالغصه في قلبها....... شو شعور الواحد يوم يفقد كل هله؟!! بيوم وليله .... اكيد شعور صعب ...حركت ايدها تتحسس رمل قبر امها وابوها ......... الشي الوحيد الي ينسمع من الريم .... هو صوت بجيها .... كانت تصيح بصوت مسموع يويع القلب .... يلست عفرا حذالها وولوت عليها تهديها ... خفت لايصير للبنت شي وأكون اناا السبب ......... ياربي انا يبتها لهالمكان لان متأكد ان بتتحسن نفسيتها ..... احفظها بحفظك يارب>>> سلمان: الريم انتي جيه تعذبيهم اقري الفاتحه وترحمي عليهم << بعد ماهدت من بجيها قامت من حضن عفرا وقرت الفاتحه عليهم .... بس الي لاحظته انها ماقربت لقبر اخوها خليفه!!!!!... غريبه الي سمعته ان مات وهو على يدها ..... يعني المفروض تكون اكثر شي متولهه عليه هو خليفه!!....... بعدت هالفكار عني يوم حسيت ان ويع رجلي زاد وصار لايطااق >> عفرا: عندك ماي راشد بالسياره ؟ راشد: هيه عفرا: ناولني عسب ريوم << نوالتها الماي وكملت طريجي وانا حابس انفاسي عن لا اصرخ من الويع>> ........................................... .............................................. عفرا: سلماااااااااان دخيلك تصرف سلمان ماسك راشد: شو بلاك شو يويعك؟ راشد منكس كل جسمه من الويع ويصارخ بصوته: بمووت خذني لأي مستشفى دخيييلك سلمان مارووم اكثر عن جيه دخيلك << فتح سلمان الباب الي من صوب راشد وسنده وركبه الصوب الثاني .... طول الطريج مانسمع غير صوت صريخ راشد!!!..... ياربي انا شو سويت بليت الريال بي .... الله ياخذني وين ماروح لازم تصير مشاكل.... ياربي سترك صريخه وصياحه يويع القلب.... صدقو البنات يوم قالو طلعتنا منكر .... تجمعت الدموع بعيوني ....... وصل سلمان المستشفى واخذ راشد معاه وبسرعه دخلو لطوارئ .... اماا انا وعفرا بالسياره ماندري شو بصير ..... >> عفرا والدموع بعيوونها: مسكين راشد شو بلالالاه جيه <<<حسيت ان عفرا مستهمه وايد ولا حبيت ازيدها ............. فضلت السكوت او بالاصح ماروم اهون عليها لان مالي لسان مالي غير المصااايب رد سلمان بعد فتره لسياره وهو يمسح عرقه الي براسه>> عفرا: شووو فيه ؟؟ خبررني سلمان يلتفت صوبنا مستغرب: شو انتو ماتدرو........ . . . . التقي بكم بالجزء الياي:ST053Note82L_2: |
لي عوده لاكمال بقيه الاجزاء غداااااااااااااااا
تحياتي نوف |
| الساعة الآن 08:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية