السلام عليكم
موضوع حيل ممتاز وانا اول مرة ادخل قسم النقاش انا من اي يؤيدون عمل المراة وما فيها اي شي اذا كانت محترمة نفسها ودينها وبغيت اعلق علنقطة انة المراة عندها اب وزوج وألخ في ناس مقطوعين من شجرة وفي ناس اهاليهم ما يقدرون على مصاريف عيالهم لازم الام او البنت تساعدهم وفي الي عندهم اب واخ بس وجودهم مثل عدمة وشكرا على ها اللفتة |
يا هلا
والله الساعه المباركه الي شرفتينا بالقسم وان شاء الله ماتكون الاولى والاخيره وننتظر المزيد حياك الله اقتباس:
وخاصه بعد قرار اللجنه الدائمه للافتاء بالنسبه للبديل اكيد توفير مجالات عمل للمرأه في مجالات اخرى تكون اكثر احتشاما وعفه وذكرن بعض الاخوات مجالات والباقي عليكم اسعد الله ايامك انتي ومن تحبين برعاية الكريم |
اقتباس:
وانا معك في موضوع سبق مرة موثوق ومره خخخخخخ:toot: نجي للجد والله مو عايشين في ابراج عاجيه احنا منكم وفيكم ونعيش معاناتكم واعرف اسر تحسبهم اغنياء من التعفف الله يكون بعونهم والله عرفت بيت بالصدفه عايشين على البلاط حتى فرش ما عندهم وتم مساعدتهم من قبل بعض الاخوان جزاهم الله خير وانتي اخذتي الموضوع من جانب واحد فقط الي هو الماده مثل تفكير كثير من الاخوات يعني احنا بنموت من الجوع ماعندنا اجار بيت ولا كهرباء ولا ولا .. الخ وضيقتي الموضوع وسديتي جميع الابواب في سبيل انك تقنعي نفسك والاخرين ان وظيفة كاشيره راح تحل مشاكل البنات والاسر المعوزه في البلد اصلا هم كم وظيفه يمكن عشره فقط ماادري ولكن خلينا نقول الف 1000 وظيفه براتب 3000 ريال في احسن الظروف وش راح تعمل وش راح تحل من المشاكل هي راح تسد فاتورة الكهرب والا الاجار والا المعيشه والا الملبس والا الهاتف والا .... الخ وبعدين الباقين وش راح يشتغلوا ؟ مو بعيده بكره يطلعوا لنا بفكرة قرسونات بالمطاعم يقدموا اكل لمن هب ودب بدعوى العوز والفقر والحاجه وبعديها راح يشتغلوا سواقين تكاسي بدل الاجانب بدعوى السعوده وماراح نخلص من المواويل والحكايات مش هذا الي راح يصير ؟ ابحثي عن حلول منطقيه تخدم المجتمع وتحافظ على الذوق العام وتحافظ على الاسره المسلمه ؟ يعني وش فرقنا عن الاجانب في دول الغرب اذا عملنا مثلهم ؟ والله الاسلام صار شعارات فقط ؟ الحلول بسيطه جدا من حق كل اسره ان الدوله توفر لهم المسكن و المأكل والمشرب والملبس يعني الاشياء الاساسيه كونك مواطن لك حقوق وعليك واجبات هذا هو الصح وهذا الي لازم يصير فيه شيء اسمه الضمان الاجتماعي حتى لا تكون الاسر عاله على الغير والحمد لله عندنا خير كثير ولازم ان كل شخص يستميت للحصول على حقه والمطالبه بتوفير العيش الكريم كل الشكر حفظك الله ورعاك |
اقتباس:
يبدو ان المجنن كثروا بها المنتدى بدنا نفتح قسم خاص بالمجنن خخخخخخخ :lol: حياك الله احلى جنون والله الساعه الباركه انتي بتايدي اذا التزمت بالحجاب ومن قادر يضبط هذا الامر اولا بعدين كيف راح يكون شكل الحجاب وكيف راح تتعامل مع الرجال داخل المتجر وبعدين من يضمن عدم التحرش بها من قبل البعض اذا زوجة اشرف الخلق وام المؤمنين فيه من اتهمها بدك بنت عاديه تسلم من الناس ومن اذيتهم مشكووووره ربي يسعد ايامك انتي ومن تحبين بحفظ الكريم |
اقتباس:
ضيوفنا كثروا حياكم الله والله الساعه المباركه اتمنى دائما تزورونا وتشرفونا ويا هلا يعني نفس الدائره نلف حولها العوز والحاجه و..و..و ...الخ ماعندهم احد يساعدهم والا مقطوعين من شجره كلامك صحيح فيه ناس مثل ماذكرتي ولكن لا يجب ان ننسلخ من ديننا وقيمنا وعلينا ان نبحث عن عمل يليق بنا اكثر وعلينا ان نتقي و نبتعد عن الشبهات اشكرك على مداخلتك ربي يسعد ايامك ويحفظك انتي ومن تحبين برعاية الكريم |
الساعة الآن 04:33 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية