|
ماالذي يدفع البنات لقول(ياليتني ولد)
ما الذي يدفع البنات لقول يا ليتني ولــــد 1- عندما تكون جاهزة و مستعدة للخروج و لم تجد من يوصلها لا سواق والأخوان مشغولين عندها تسمعها تقول ( يــا ليتني ولــد ) 2- وأحيانا تعزم صديقاتها وتقول لهم بكل الفخر العشا علي ...لا ومن وين من احـــسن مطــعم. تتصل باخوانها فتجد واحد مقفل جواله !! والثاني بالبر مايوصل له الارسال !! والثالث نايم بالملحق ولا في امل يصحى !! والرابع بالغرفة ...وقافل على نفسه الباب ...ويقول لا احد يزعجني !! والخامس مع عيال أخواله عندهم دورية !! والعشا يتفركش والاعذار تتسكت بوجبات( بتوصيل منزلي) من بيتزا هت واول مايطلعون تسمع صرخة بالحوش ( يـا ليتني ولـد ) 3- ولما تكون جالسة على النت و تريد الدخول على موقعها المفضل و فجأة تجد اخوها واقف امامها عطيني لاب توبك بفتشه احس فيه شيء.. ( يــآآ ليتـنـــــــي ولــد ) أكيد هناك العديد من المواقف التى تدفع الفتاة الى قول هذه العبارة و ما ذكرناه سابقا ليس إلا امثلة بسيطة و لكن انت ما الذي يدفعك لقول يا ليتني ولد منقووووووول بالمقابل فيه بنات مستمتعين بحياتهم ومايتمنون هالأمنيه يمكن لأنهم عارفين كيف يسيّرون حياتهم وفيه عوامل تساعدهم أنهم يمشّون أمورهم ويمكن فيه لحظات تجيهم غصّه ويتمنّون هالأمنيه... |
عزيزتي البدره كثيرة هي المواقف التي نردد فيها هذه العباره لكنني أعتقد لو اتيحت لنا الفرصه حقا لنصبح أولاد فلن نقبل لأننا أعتدنا حياة البنات لكن هي عبارة للتنفيس عن الغضب ولإستدرار الرحمة من الأهل أشكرك عزيزتي وتقبلي مروري |
مممممم بصراحه أنا من النوع اللي أستغرب من النبات اللي يقولو ياليتني ولد ومثال لكذا بنات العيله دايما أسمعهم بس أنا أحمد ربي لأني بنت وأصلا عارفه أنو الخيره فيما أختاره الله أنا أحب الأشياء اللي في يد البنت أفضل مليون مرره من اللي عند الولد بس أنا أقلك متى أتمنى أكون ولد لو جيت أبغى أروح العمره ومالقيت من يوديني لو جيت أبغى أروح الحج وأدور لي محرم يحج معاي أتمنى أني ولد لمن أشوف المساكين ليش الولد بكل بساطه حياخذ مفتاح السياره ويروح يتصدق بدون ماأحد يشوفه أما أنا أكيد بيكون في بابا بيشوفني أختي أخوي ومعد صارت الصدقه سريه هذا الوقت اتمنى أكون ولد غير كذا لا مافي أحلى من أني بنت يعطيكي العافيه حبيبتي ع الموضوع |
كوني ولد يعطيني الحرية في اتخاذ القرارت ...وكمان اقدر اروح المكان اللي ابيه بدون توسلات لاخواني ..والاهم المهاوشات والتبقيس مع شباب حارتنا..خخخخ>>عربيجة بزيادة. بالاضافة الى تكفيخ اخواني.يسلموووووووو..
|
شكرا لك أختي موضوع جميل الله يجزاك الجنه .. تحياتي |
الولد للاسف عندنا شايل عيبه
مهما سوى في حياته من معاصي وذنوب وفضايح محد يحاسبه يقولون طيش شباب وبكره يعقل اما البنت خليها بس تسوي شي حرام او عيب وحتى لو تاب الله عليها ينظرون لها انها مب شريفه او ماتربت الولد بعد عندنا مجالات شغله اكثر فرصه للعمل اقوى الولد مهما كبر مايسمى عانس وطايح حظه ومعيوف ايه خليها على ربك بس مدري متى بنصحى من السبات اللي احنا فيه وان الولد والبنت عند الله واحد الله يعطيك العافيه يالبدره |
اقتباس:
هلا وسهلا بوح طفلة انامعك فعلا الغالب تكون عبارة تنفيس شكرا لأضافتك حبيبتي نوّرتي |
اقتباس:
هلا وغلا هيول أكيد الخيرة بما اختارها الله واللهم لا أعتراض لكن أحيان كثيره زي ماقلتي الأمور تتعقد إذا صارت بنت أنا اتمنّى اكون ولد بوقت السفر لصلة الرحم أو الدراسه أو لعلاج بهذا الوقت اتمنى أني ولد اسعدتني اضافتك شكرا من الأعماق |
اقتباس:
هلا ياعسل والله القرارت الخاصه أنا معك فيه تدخلات من الأهل بس أحس حتى الولد يتدخلون بقرارته بس على خفيف أمّا سالفة التبقيس هذي قووووويه الله رحمهم منك اجل:lol: |
اقتباس:
حياك الله حبيبتي تسلمين الأجمل تواجدك نوّرتي |
اقتباس:
هلا وغلا أنا معك أن المجتمع مايرحم البنت إذا تابت تبقى وصمه لأهلها والولد إذا تاب وبدا يصلي بالمسجد تناسوا ماضيه امنيتي انه مع الزمن المجتمع ينصف البنت بعد توبتها ويعطيها فرصتها شكرا لك ياقوته على اضافتك نوّرتي |
| الساعة الآن 05:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية